តំបន់សេដ្ឋកិច្ចពិសេសទាំងនោះរួមមានតំបន់សេដ្ឋកិច្ចពិសេស សានកូ ប៉ោយប៉ែត និងតំបន់សេដ្ឋកិច្ចពិសេស រ៉ូយ៉ាល់ គ្រុប ប៉ោយប៉ែត។ ក្រុមប្រឹក្សាអភិវឌ្ឍន៍កម្ពុជា បានឲ្យដឹងថា ការចុះពិនិត្យវឌ្ឍនភាពក្នុងតំបន់សេដ្ឋកិច្ចពិសេសនេះបង្ហាញអំពីការយកចិត្តទុកដាក់របស់រាជរដ្ឋាភិបាលក្នុងការថែទាំវិស័យឯកជន ព្រមទាំងស្វែងយល់​អំពីបញ្ហាប្រឈម និងតម្រូវការនានារបស់វិនិយោគិន ដែលជាកម្លាំងចលករសំខាន់ជំរុញកំណើនសេដ្ឋកិច្ចកម្ពុជា។

រោងចក្រនៃបណ្តាក្រុមហ៊ុនវិនិយោគក្នុងតំបន់សេដ្ឋកិច្ចពិសេសចំនួន២ខាងដែលលោក ស៊ុន ចាន់ថុល ចុះពិនិត្យមើលសកម្មភាពផលិតកម្មរួមមាន៖ ១. ក្រុមហ៊ុន Nidec Die-Casting (Cambodia) Co., Ltd. ជាគម្រោងវិនិយោគផលិតសម្ភារៈអេឡិចត្រូនិក ស្ថិតក្នុងតំបន់សេដ្ឋកិច្ចពិសេស សានកូ ប៉ោយប៉ែត ក្នុងទុនវិនិយោគចំនួន ២០,៦៣លានដុល្លារអាមេរិក បានបង្កើតការងារចំនួន ៨០៣កន្លែង។ ២. ក្រុមហ៊ុន NHK Spring (Cambodia) Co., Ltd. ជាគម្រោងវិនិយោគកម្មន្ដសាលស្រោមពូកស្បែករថយន្ត ស្ថិតក្នុងតំបន់សេដ្ឋកិច្ចពិសេស សានកូ ប៉ោយប៉ែត ក្នុងទុនវិនិយោគចំនួន ៨,១៥លានដុល្លារអាមេរិក បានបង្កើតការងារចំនួន ២៣៩កន្លែង។

និងទី ៣. ក្រុមហ៊ុន HGB Motors Assembly Co., Ltd. របស់ឧកញ៉ា ង៉ូវ លាងហួត ជាគម្រោងវិនិយោគកម្មន្ដសាលផ្គុំ និងដំឡើងរថយន្ត ស្ថិតក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ប៉ោយប៉ែត ក្នុងទុនវិនិយោគ ៧លានដុល្លារអាមេរិក មានទីផ្សារលក់នៅក្នុងស្រុក បានបង្កើតការងារចំនួន ៧៦កន្លែង។

សូមជម្រាបថា បច្ចុប្បន្នតំបន់សេដ្ឋកិច្ចពិសេសនៅក្នុងខេត្តបន្ទាយមានជ័យ មានចំនួន ៤តំបន់ បានទាក់ទាញគម្រោងវិនិយោគមកបណ្តាក់ទុនចំនួន ១៩គម្រោង ក្នុងនោះកំពុងដំណើរការមានចំនួន ១៣គម្រោង ក្នុងទុនវិនិយោគសរុបចំនួន ១២៦លានដុល្លារអាមេរិក និងបានបង្កើតការងារចំនួន ៥៨២២កន្លែង៕

The post លោក ស៊ុន ចាន់ថុល ចុះពិនិត្យតំបន់សេដ្ឋកិច្ចពិសេសអ្នកឧកញ៉ា គិត ម៉េង និងក្រុមហ៊ុនឧកញ៉ា ង៉ូវ លាងហួត នៅប៉ោយប៉ែត appeared first on .

លោក អ៊ុំ រាត្រី អភិបាលខេត្តបន្ទាយមានជ័យ នៅក្នុងសន្និសីទសារព័ត៌មានបង្ហាញពីសមិទ្ធផលសម្រេចបានរយៈពេល៥ឆ្នាំរបស់ខេត្តបន្ទាយមានជ័យ កាលថ្ងៃទី២៨ ខែមីនាម្សិលមិញ បានឲ្យដឹងថា “ប្រសិនពិនិត្យមើលតាមសាខាគយបានរាយការណ៍នៅក្នុងខែខ្លះ ខេត្តបន្ទាយមានជ័យចាញ់តែខេត្តព្រះសីហនុមួយប៉ុណ្ណោះ។ ប៉ុន្តែខែខ្លះ ខេត្តបន្ទាយមានជ័យជាប់ចំណាត់ថ្នាក់លេខ ១ ក្នុងការរកចំណូលគយជូនជាតិ។

លោកគូសបញ្ជាក់បន្ថែមទៀតថា ប្រសិទ្ធភាពនៃការប្រមូលចំណូលគយដ៏ច្រើនសន្ធឹកសន្ធាប់នេះចូលរួមចំណែក ដោយសារការរៀបចំច្រកចេញចូលផ្លូវការមួយ បូកផ្សំនឹងការចូលរួមបង់ពន្ធគយពីសំណាក់ប្រជាជន អាជីវករ និងអ្នកវិនិយោគ ដោយគិតជាមធ្យមខេត្តបន្ទាយមានជ័យប្រមូលចំណូលពន្ធគយបានប្រមាណ ១ ទៅ ១,៥លានដុល្លារ។

លោកថា ចំពោះការប្រមូលចំណូលពន្ធដារ ខេត្តបន្ទាយមានជ័យទទួលបានអតិរេកជារៀងរាល់ឆ្នាំ ជាក់ស្ដែង ក្នុងឆ្នាំ ២០២២ ខេត្តបន្ទាយមានជ័យទទួលបានចំណូលពន្ធដារចំនួន ២៥ពាន់លានរៀល។

បើតាម​អគ្គនាយកដ្ឋាន​អន្តោប្រវេសន៍នៃក្រសួង​មហាផ្ទៃ កម្ពុជា​មាន​ច្រកព្រំដែន​ចំនួន ៨២ កន្លែង​​ជាមួយ​ប្រទេស​ជិត​ខាង ក្នុងនោះមាន​​ព្រំដែន​គោក​ជាប់​ប្រទេស ៣ គឺ​ ថៃ ឡាវ និង​វៀតណាម ក្នុង​ចម្ងាយ​ជាង ២៥០០ គីឡូម៉ែត្រ។ ក្រៅពី​ព្រំដែន​គោក ក៏​មានព្រំដែន​សមុទ្រ​ជាមួយ​ប្រទេស​ថៃ និង​វៀតណាម​ផង​ដែរ។

ដោយឡែក សម្រាប់ច្រក​ទ្វារ​ព្រំដែន​អន្តរជាតិ​ជាប់​ជាមួយ​ប្រទេស​ថៃ មាន​ចំនួន ៧ គឺចាំយាម (ខេត្ត​កោះកុង) ព្រំ (ខេត្ត​ប៉ៃលិន) ដូង (ខេត្ត​បាត់ដំបង) ភ្នំដី (ខេត្ត​បាត់ដំបង) ប៉ោយប៉ែត (ខេត្ត​បន្ទាយមានជ័យ) អូរ​ស្មាច់ (ខេត្ត​ឧត្តរមានជ័យ) និងជាំ (ខេត្ត​ឧត្តរមានជ័យ)៕

The post ឈរលំដាប់ទី២ ខេត្តបន្ទាយមានជ័យ រកចំណូលចូលជាតិតាមរយៈគយ និងរដ្ឋាករជាមធ្យមបាន ១,៥លានដុល្លារក្នុង១ថ្ងៃ appeared first on .

លោក អ៊ុំ រាត្រី បានឲ្យដឹងថា ខេត្តបន្ទាយមានជ័យ មានច្រកសេដ្ឋកិច្ចសំខាន់ៗចំនួន ៣ គឺច្រកអន្តរជាតិប៉ោយប៉ែត ច្រកទ្វារបឹងត្រគួន និងច្រកព្រំដែនម៉ាឡៃ។ ដោយឡែក តំបន់សេដ្ឋកិច្ចពិសេស មានចំនួន ៥កន្លែង នៅក្រុងប៉ោយប៉ែត គឺតំបន់សេដ្ឋកិច្ចពិសេសអូរនាង តំបន់សេដ្ឋកិច្ចពិសេសសានកូ តំបន់សេដ្ឋកិច្ចពិសេសប៉ោយប៉ែតភីភី តំបន់សេដ្ឋកិច្ចពិសេស លី អ៊ុតនី ព្រមទាំងឧទ្យានឧស្សាហកម្ម ១ កន្លែង នៅក្រុងសិរីសោភ័ណ។

បើតាមលោក អ៊ុំ រាត្រី នៅក្រុងប៉ោយប៉ែតមានក្រុមហ៊ុនជប៉ុនចំនួន ០៦កន្លែងកំពុងដំណើរការនៅតំបន់សេដ្ឋកិច្ចពិសេសសានកូ និង ១ ក្រុមហ៊ុនទៀតនៅតំបន់សេដ្ឋកិច្ចពិសេសប៉ោយប៉ែតភីភី ដែលផលិតសម្ភារៈបរិក្ខាអេឡិចត្រូនិក។

ក្នុងជំនួបនេះ លោកអភិបាលខេត្តបន្ទាយមានជ័យ បានស្នើឲ្យលោក តាមឺរ៉ាក់ សឺតុមឺ នាយកសមាគមជប៉ុន កម្ពុជា ជួយផ្សព្វផ្សាយក៍ដូចជាជម្រុញអ្នកវិនិយោគ និងអ្នកទេសចរជប៉ុន ឲ្យមកវិនិយោគទុន និងដើរកម្សាន្តនៅលើទឹកដីខេត្តបន្ទាយមានជ័យ។

ជាមួយគ្នានេះ លោក តាមឺរ៉ាក់ សឺតុមឺ បានលើកឡើងថា សមាគនជប៉ុនគ្រោងនឹងដឹកនាំវិនិយោគទុនជប៉ុន មកធ្វើទស្សនកិច្ចនៅកម្ពុជា នឹងមកកាន់ទឹកដីខេត្តបន្ទាយមានជ័យ លើសក្តានុពលដែលប្រទេសកម្ពុជា និងខេត្តបន្ទាយមានជ័យកំពុងមាន ដូចជាលើវិស័យ កសិកម្ម ស្រូវដំឡូងមី និងវិស័យឧស្សាហកម្ម ទេសចរជាដើម៕

The post ខេត្តបន្ទាយមានជ័យ មានច្រកសេដ្ឋកិច្ចចំនួន ៣ និងតំបន់សេដ្ឋកិច្ចពិសេស ៥កន្លែងដែលដើរតួជាផ្លូវដង្ហើមដ៏សំខាន់មួយ appeared first on .

ការ​ចេញចូលនេះ​មាន​ការ​ត្រួត​ពិនិត្យ​យ៉ាង​តឹងរឹង​ពី​កម្លាំង​យោធា​កងពលតូចថ្មើរជើងលេខ៥១ កម្លាំងកងរាជអាវុធហត្ថ និងកម្លាំងនគរបាលអន្តោប្រវេសន៍ប្រចាំច្រកទ្វារ ដែល​បានដាក់ពង្រាយតាមបន្ទាត់ព្រំដែន ដើម្បីទប់ស្កាត់​ពលករដែល​គេចវេសមិនព្រមធ្វើចក្តាឡីស័ក។

ច្រកទ្វារអន្តរជាតិប៉ោយប៉ែត បានបើកឱ្យរថយន្តថៃចូលនៅម៉ោង ៦៖៣០នាទីព្រឹក ហើយត្រូវបានបិទនៅវេលាម៉ោង១០យប់ ក្នុងនោះកម្លាំង ត្រួតពិនិត្យបានផ្លាស់ប្តូរវេនគ្នា ដើម្បីត្រួតពិនិត្យឱ្យបានល្អិតល្អន់ការពារទប់ស្កាត់ពលករត្រឡប់ពីប្រទេសថៃ ដែលគេចវេសពីការធ្វើចត្តាឡីស័ក ដើម្បីបង្កាទប់ស្កាត់កូវីដ១៩ តាមការណែនាំរបស់ក្រសួងសុខាភិបាល៕

The post មួយ​ថ្ងៃ​មាន​រថយន្តថៃ ៤០០ គ្រឿង​ចូល​មក​កម្ពុជា​តាម​ច្រក​ប៉ោយប៉ែត appeared first on .

ក្រុងប៉ោយប៉ែតជាផ្នែកមួយនៃខេត្តបន្ទាយមានជ័យ និងមានផ្ទៃក្រឡា ២,៦២០,០០០ ម៉េត្រការ៉េ បែងចែកជាបីសង្កាត់ រួមមាន ៖ សង្កាត់ប៉ោយប៉ែត្រ សង្កាត់ផ្សារកណ្តាល និងសង្កាត់និមិត្ត។ ក្រុងប៉ោយប៉ែតមានប្រជាជនសរុប ជាង១៤ ម៉ឺននាក់ ក្នុងនោះជនបរទេសជិត ៥ ម៉ឺននាក់។ កាស៊ីណូ សណ្ឋាគារ អគារពាណិជ្ជកម្ម និងអគារលំនៅដ្ឋានកំពុងមានវត្តមានច្រើនឡើងនៅក្នុងទីក្រុង ដែលបានមកពីការវិនិយោគពីបរទេស និងភាពរីកចម្រើននៃសេដ្ឋកិច្ចក្នុងតំបន់។​ ជាលទ្ធផល តម្លៃ អចលនទ្រព្យតាមតំបន់នីមួយៗ នៅក្នុងក្រុងប៉ោយប៉ែតបានហក់ឡើងខុសពីឆ្នាំកន្លងមក។

យោងតាមសមាគមនអ្នកសាងសង់កម្ពុជាបានឱ្យដឹងថា រាជរដ្ឋាភិបាលកម្ពុជាបានសម្រេចអនុញ្ញាតឲ្យក្រុមហ៊ុនឯកជនបើកដំណើរការគម្រោងអភិវឌ្ឍន៍ព្រលានយន្តហោះក្នុងស្រុកឡើងវិញនេះបើយោងតាមការបញ្ជាក់របស់មន្ត្រីអាកាសចរណ៍ស៊ីវិល។

លោក ស៊ីន ចាន់សេរី វុត្ថាបានបញ្ជាក់យ៉ាងដូច្នេះថា៖«គម្រោងអាកាសយានដ្ឋាននេះត្រូវបានផ្តួចផ្តើមឡើងតាំងពីឆ្នាំ២០០៦មកម្ល៉េះតែត្រូវបានផ្អាកវិញដោយសារវិបត្តិហិរញ្ញវត្ថុក្នុងឆ្នាំ ២០០៧-២០០៨ ហើយទើបតែមានសកម្មភាពឡើងវិញដោយសារភាពរុងរឿងនៃសេដ្ឋកិច្ចកម្ពុជា»។ ហើយគម្រោងនេះគឺអាចនឹងចំណាយទុនវិនិយោគពីចន្លោះ៤០ទៅ៥០លានដុល្លារអាមេរិកដែលអាចនឹងសាងសង់ឡើងនៅទីតាំងព្រលានយន្តហោះចាស់។

លោក ហោ គន្ធា (ហៅRoy) ជានាយកប្រតិបត្តិរបស់ក្រុមហ៊ុ​ន Sokha Residences Group បានមានប្រ សាសន៍ថា​ អចលនទ្រព្យនៅក្នុងក្រុងប៉ោយប៉ែតចាប់ផ្តើមមាន សក្តានុពលខ្លាំងត្រឹមចុងឆ្នាំ ២០១៧ មក។សង្កាត់ប៉ោយប៉ែត្រជាតំបន់ដែលមានសក្តានុពលខ្លាំងក្លាជាងគេ ខណៈសង្កាត់ពីរផ្សេងទៀតក៏មាន​​ឱកាសវិនិយោគល្អៗជាច្រើនផងដែរ រីឯ តម្លៃអចលនទ្រព្យវិញបាន កើនឡើងជាបន្តបន្ទាប់។

លោកបានបន្ថែមទៀតថា មានគម្រោងអភិវឌ្ឍន៍តូចធំបានចូលទៅវិនិយោគនៅក្នុងក្រុងប៉ោយប៉ែត ហើយមួយចំនួនធំទៀតបានកំពុងសំឡឹងរកឱកាស និងទីផ្សារសមស្រប មួយនៅក្នុងវិស័យអចលនទ្រព្យនៅក្នុងទីក្រុងនេះ។ លោក បានបញ្ជាក់ថា «​វិនិយោគិនជាច្រើនពីខាងក្រៅកំពុងចាប់អារម្មណ៍ ប៉ោយប៉ែត ដែលជាទិសដៅវិនិយោគដ៏ធំមួយនៅ ពេលអនាគត»​។



យោងតាមរបាយការណ៍​ទីផ្សារលំនៅដ្ឋានឆ្នាំ២០១៧ របស់ក្រុមហ៊ុ​ន Vtrust Appraisal​ បានបង្ហាញថា គម្រោងលំនៅដ្ឋានចំនួន ១៦ បានបញ្ចប់នៅក្នុងឆ្នាំ២០១៧ បានផ្តល់ជូនលំនៅដ្ឋានប្រមាណ ១,៦៩៤ ខ្នង។ ក្នុងនោះ លំនៅដ្ឋានចំនួន ៩០៩ ខ្នងបន្ថែមទៀតត្រូវបានរំពឹងថានឹងបានដាក់បញ្ចូល ទៅក្នុងទីផ្សារត្រឹមពាក់កណ្តាលឆ្នាំ ២០១៨។

លោក សាន ស៊ាន ហូ អភិបាលក្រុងប៉ោយប៉ែត បានមានប្រសាសន៍ថា បច្ចុប្បន្ននេះជាពេលវេលាសមស្របសម្រាប់ការអភិវឌ្ឍវិស័យអចលនទ្រព្យ។ ក្នុងនាមជារាជរដ្ឋាភិបាល យើងជម្រុញឲ្យអ្នកវិនិយោគទាំងអស់​ វិនិយោគក្នុងវិ ស័យអចលទ្រព្យផ្សេងៗជាច្រើនដូចជា​ ៖ សណ្ឋាគារ ផ្ទះសំណាក់ លំនៅដ្ឋាន ភោជនីដ្ឋាន​ និងសេវាកម្មនានា ដើម្បីបំពេញ ទៅតាមតម្រូការរ​បស់ភ្ញៀវទេសចរ។

លោកបានបន្ថែមទៀតថា នៅប៉ោយប៉ែតមានគម្រោងអភិវឌ្ឍន៍ច្រើន ដែលគម្រោងខ្លះបានបញ្ចប់ ការសាងសង់ ខ្លះកំពុងដំណើរការ និងមួយចំនួនទៀតស្ថិតនៅក្នុងផែន ការអភិវឌ្ឍន៍។ បច្ចុប្បន្នក្រុងប៉ោយប៉ែតមានកាស៊ីណូជិត ៣០ កន្លែង គម្រោងបុរី ១០ គម្រោង និងមានក្រុមហ៊ុន និងរោងចក្រជាច្រើននៅក្នុងតំបន់សេដ្ឋកិច្ចពិសេស ដែលមានដូចជា ៖ រោងចក្រផលិតគ្រឿង អេឡិចត្រូនិច សំលៀកបំពាក់ និងផលិតផលផ្សេងៗជាច្រើនទៀត។ ក្រៅពីនេះក៏មានក្រុមហ៊ុនពុះ ដីឡូតិ៍ខ្ទង់ ៥០ ក្រុមហ៊ុនកំពុង មានវត្តមាននៅក្នុងតំបន់នេះ។

សូមបញ្ជាក់ថា គម្រោងខុនដូដំបូងគេមួយកំពុងបង្ហាញវត្តមាននៅក្រុងប៉ោយប៉ែត។ គម្រោងលំនៅដ្ឋាននេះអភិឌ្ឍ ដោយក្រុម ហ៊ុន Sokha Residences Group ហើយគម្រោងគ្របដណ្តប់ លើផ្ទៃដីទំហំជិត ៤ ហិចតា និងជាគម្រោងលំនៅដ្ឋានបែបខុនដូទំនើប រួមជាមួយនឹងផ្ទះបុរី។ គម្រោងខុនដូ Sokha Residences នឹងមានកម្ពស់ ២១ ជាន់ ស្នើនឹង ៥៤៣

យូនីតរួមជាមួយហាងលក់ទំនិញ មជ្ឈមណ្ឌលពាណិជ្ជកម្ម ការិយាល័យ កន្លែងហាត់ប្រាណ អាងហែលទឹក បារ ល។​ ចំណែកផ្ទះប្រភេទបុរីមាន ២៨៧ ខ្នង។ យូនីតខុនដូមានតម្លៃចាប់ពី ២៧, ៨៦៤ ដុល្លារ ដល់ ១,២៧០,​០០០ ដុល្លារ/យូនីត ចំណែកបុរីមាន តម្លៃចន្លោះ ៣០,០០០ ដុល្លារ និង ៥០,០០០ ដុល្លារ ក្នុងមួយខ្នង។ គម្រោង Sokha Residences មានទីតាំងនៅក្នុងគីឡូលេខ៤ សង្កាត់ផ្សារកណ្តាល នៃក្រុងប៉ោយប៉ែត៕

ប្រភព៖ http://www.cambopropertykh.com

The post គម្រោងសង់ព្រលានយន្តហោះក្រុងប៉ោយប៉ែតឡើងវិញ នឹងទាក់ទាញវិនិយោគលើវិស័យអចលនទ្រព្យ appeared first on .