ប្រទេសក្រិក

ក្រិក នឹងហាមឃាត់កុមារអាយុក្រោម ១៥ឆ្នាំ ពីការប្រើប្រាស់បណ្តាញសង្គម

ឧកញ៉ាសាមញ្ញ — Fri, 10 Apr 2026 10:03:10 +0000

ប្រទេសក្រិក នឹងចេញច្បាប់ថ្មីមួយដើម្បីហាមឃាត់កុមារអាយុក្រោម ១៥ឆ្នាំ ពីការចូលទៅប្រើប្រាស់ប្រព័ន្ធផ្សព្វផ្សាយសង្គម ចាប់ពីថ្ងៃទី១ ខែមករា ឆ្នាំ២០២៧ តទៅ។ នេះបើតាមការចុះផ្សាយពីសារព័ត៌មាន AFP។

ជុំវិញការប្រកាសនេះ ត្រូវបានធ្វើឡើងដោយនាយករដ្ឋមន្ត្រី លោក Kyriakos Mitsotakis ដែលនេះមានន័យថាក្រិកនឹងក្លាយជាប្រទេសចុងក្រោយមួយ ដែលចេញច្បាប់ហាមឃាត់កុមារពីការប្រើប្រាស់បណ្តាញសង្គម ចំពេលកំពុងមានការព្រួយបារម្ភកាន់តែខ្លាំងឡើងអំពីផលប៉ះពាល់នៃវេទិកាទាំងនេះ។

ទន្ទឹមនឹងនេះ អ្នកនាំពាក្យរដ្ឋាភិបាលក្រិក លោក Pavlos Marinakis បាននិយាយថា កុមារដែលកើតចាប់ពីឆ្នាំ២០១២ ឡើងទៅ នឹងត្រូវបានហាមឃាត់មិនឱ្យប្រើប្រាស់វេទិកាដែលអាចជះឥទ្ធិពលអវិជ្ជមាន ដូចជា Facebook, Instagram, Tik Tok និង Snapchat ជាដើម។

ជម្រាបជូនថា កាលពីខែធ្នូ អូស្ត្រាលីបានក្លាយជាប្រទេសដំបូងគេបង្អស់នៅលើពិភពលោកដែលតម្រូវឱ្យ TikTok, YouTube, Snapchat និងគេហទំព័រកំពូលៗផ្សេងទៀតលុបគណនីដែលកាន់កាប់ដោយអ្នកដែលមានអាយុក្រោម ១៦ឆ្នាំ បើមិនចង់ទទួលរងនូវការផាកពិន័យធ្ងន់ធ្ងរ៕

The post ក្រិក នឹងហាមឃាត់កុមារអាយុក្រោម ១៥ឆ្នាំ ពីការប្រើប្រាស់បណ្តាញសង្គម appeared first on .

អត្រាកំណើតទាបពេក ក្រិក បញ្ចេញកញ្ចប់ជំនួយជិត ២ពាន់លានដុល្លារ លើកទឹកចិញឲ្យពលរដ្ឋយកកូនច្រើន

ឧកញ៉ាសាមញ្ញ — Mon, 08 Sep 2025 06:47:16 +0000

កាលពីពេលថ្មីៗនេះ រដ្ឋាភិបាលរបស់ប្រទេសក្រិក បានប្រកាសចេញកញ្ចប់ជំនួយជាទឹកប្រាក់ប្រមាណ ១,៨ពាន់លានដុល្លារ ដើម្បីលើកទឹកចិត្តឲ្យពលរដ្ឋរបស់ខ្លួន យកកូនបន្ថែមទៀត និងដើម្បីទប់ទល់ទៅនឹងវិបត្តិអត្រាកំណើតទាប។ នេះបើតាមការចុះផ្សាយពីសារព័ត៌មាន ABC។

នាយករដ្ឋមន្ត្រីក្រិក លោក Kyriakos Mitsotakis បាននិយាយកាលពីថ្ងៃទី៧ ខែកញ្ញា ជុំវិញការប្រកាសចេញកញ្ចប់ជំនួយនេះថា ៖” យើងបានដឹងពីទុក្ខលំបាកចំពោះថ្លៃរស់នៅដែលអ្នកមិនចង់មានកូន ឬអ្នកដែលមានកូនពីរ ឬបីនាក់កំពុងជួបប្រទះ។ យើងជឿថា អ្នកត្រូវតែផ្តល់រង្វាន់ដល់ពលរដ្ឋដែលជ្រើសរើសមានកូនច្រើន”។

លោក Mitsotakis បានសង្កត់ធ្ងន់ទៀតថា វាគឺជាកំណែដ៏ធំបំផុតមួយក្នុងរយៈពេលជាង ៥០ឆ្នាំចុងក្រោយនេះ ដោយផ្តោតទៅលើការគាំទ្រដល់គ្រួសារធំ និងលើកទឹកចិត្តយុវជនឲ្យផ្លាស់ទៅរស់នៅតំបន់ជនបទ។ យ៉ាងណាមិញ កញ្ចប់ជំនួយនេះ ត្រូវបានគេរំពឹងថានឹងអនុវត្តចាប់ពីឆ្នាំ២០២៦ តទៅ។

ជម្រាបជូនថា ប្រទេសក្រិក កំពុងប្រឈមមុខទៅនឹងបញ្ហាប្រឈមដ៏ធ្ងន់ធ្ងរ ដោយសារចំនួនប្រជាជនវ័យចំណាស់ច្រើន និងអត្រាកំណើតទាប។ បើតាម Eurostat ដែលជាទីភ្នាក់ងារស្ថិតិរបស់គណៈកម្មការអឺរ៉ុប បានព្យាករថាចំនួនប្រជាជនក្រិកនឹងធ្លាក់ចុះពី ១០,២ លាននាក់មកនៅតិចជាង ៨ លាននាក់នៅឆ្នាំ២០២៥ ។ ប្រហែល ៣៦% នៃចំនួនប្រជាជនក្រិក នឹងមានអាយុលើសពី ៦៥ឆ្នាំនៅពេលនោះ៕

The post អត្រាកំណើតទាបពេក ក្រិក បញ្ចេញកញ្ចប់ជំនួយជិត ២ពាន់លានដុល្លារ លើកទឹកចិញឲ្យពលរដ្ឋយកកូនច្រើន appeared first on .

EU ដាក់ទណ្ឌកម្មសេដ្ឋកិច្ចលើរុស្ស៊ី តែប្រទេសសមាជិកមួយជាអ្នកខាតបង់ធ្ងន់ធ្ងរ

ឧកញ៉ាសំពៅ — Tue, 19 Jul 2022 08:05:55 +0000

សហភាពអឺរ៉ុប ហៅកាត់ EU កំពុងដុតដៃដុតជើងជាខ្លាំងជុំវិញការដាក់ទណ្ឌកម្មសេដ្ឋកិច្ចលើរុស្ស៊ី បន្ទាប់ពីមហាអំណាចមួយនេះបើកការឈ្លានពានចូលប្រទេសអ៊ុយក្រែន។

យ៉ាងណា បើមើលពីទំហំសេដ្ឋកិច្ចវិញ រុស្ស៊ីមិនសូវជាខាតបង់ធ្ងន់ធ្ងរឡើយ ផ្ទុយទៅវិញអ្នកដែលទទួលរងថ្មបាក់ពីគំនាបសេដ្ឋកិច្ចដែល EU បានដាក់ទៅលើរុស្ស៊ី គឺភាគច្រើនជាសមាជិកនៃសហភាពអឺរ៉ុបតែម្ដង។

តួយ៉ាង ដូចជាប្រទេសក្រិកដែលកំពុងជួបវិបត្តិពាណិជ្ជកម្មលើវិស័យអាវរោមសត្វ ដែលកកស្ទះពេញទីផ្សារ ដោយសារការរារាំងមិនឲ្យមានការនាំចេញផលិតផលប្រភេទនេះទៅកាន់ប្រទេសរុស្ស៊ី ដែលជាម៉ូយដុំរបស់ខ្លួន។ នេះបើតាមការចុះផ្សាយពី Reuters។

ក្រឡេកទៅមើលពីស្ថានភាពរបស់ម្ចាស់អាជីវកម្មលើវិស័យមួយនេះ គឺមានសភាពយ៉ាប់យ៉ឺនជាខ្លាំង ដោយសារអាវរោមសត្វ គឺមិនមានទីផ្សារក្នុងស្រុកឡើយ ដោយសារមានតម្លៃថ្លៃ។ ដូច្នេះក្រុមអាជីវករជាច្រើនបានទទូចឲ្យ EU ពិចារណាលើការដកការនាំចេញអាវរោមសត្វទៅកាន់ប្រទេសរុស្ស៊ីពីបញ្ជីទណ្ឌកម្មសេដ្ឋកិច្ច។

ក្រៅពីអាវរោមសត្វ ប្រទេសក្រិកក៏ទទួលរងផលប៉ះពាល់ខ្លាំងក្លាផងដែរពីចំហាយសង្គ្រាមរវាងរុស្ស៊ី និងអ៊ុយក្រែន ដូចជាវិស័យកសិកម្មជាដើម។

សូមជម្រាបដែរថា អាវរោមសត្វជាផលិតផលមួយក្នុងចំណោមផលិតផលនាំចេញច្រើនបំផុតរបស់ក្រិក ប៉ុន្តែចំណូលពីផលិតផលមួយនេះមានការកាត់បន្ថយជារៀងរាល់ឆ្នាំ តួយ៉ាងចំណូលពីការនាំចេញទៅរុស្ស៊ីកាលពីឆ្នាំទៅទទួលបាន ១៤ លានអឺរ៉ូ ថយពី ៥៥ លានអឺរ៉ូកាលពីឆ្នាំ ២០១៧៕

The post EU ដាក់ទណ្ឌកម្មសេដ្ឋកិច្ចលើរុស្ស៊ី តែប្រទេសសមាជិកមួយជាអ្នកខាតបង់ធ្ងន់ធ្ងរ appeared first on .

ប្រទេសក្រិក

ក្រិក នឹងហាមឃាត់កុមារអាយុក្រោម ១៥ឆ្នាំ ពីការប្រើប្រាស់បណ្តាញសង្គម

អត្រាកំណើតទាបពេក ក្រិក បញ្ចេញកញ្ចប់ជំនួយជិត ២ពាន់លានដុល្លារ លើកទឹកចិញឲ្យពលរដ្ឋយកកូនច្រើន

EU ដាក់​ទណ្ឌកម្ម​​សេដ្ឋកិច្ច​លើ​រុស្ស៊ី តែ​ប្រទេស​សមាជិក​មួយ​ជា​អ្នក​ខាតបង់​ធ្ងន់ធ្ងរ

EU ដាក់ទណ្ឌកម្មសេដ្ឋកិច្ចលើរុស្ស៊ី តែប្រទេសសមាជិកមួយជាអ្នកខាតបង់ធ្ងន់ធ្ងរ