ប្រធានាធិបតីរុស្សុី

សម្តេចតេជោ ហ៊ុន សែន អំពាវនាវលោក ចូ បៃដិន និងប្រធានាធិបតីអ៊ុយក្រែនមេត្តាកុំប្រើប្រាស់គ្រាប់បែកចង្កោមក្នុងសង្រ្គាម

ឧកញ៉ាកោះក្របី — Sun, 09 Jul 2023 07:01:21 +0000

ប្រមុខរាជរដ្ឋាភិបាលកម្ពុជា បានចេញសារអំពាវវនាវដល់ប្រធានាធិបតីអាមេរិក លោក ចូ បៃដិន ដែលជាអ្នកផ្តល់និងប្រធានាធិបតីអ៊ុយក្រែន លោក វ៉ូលូឌីម៉ាយ សេលេនស្គី ដែលជាអ្នកទទួលសូមមេត្តាកុំប្រើប្រាស់គ្រាប់
បែកចង្កោមក្នុងសង្រ្គាមនេះព្រោះអ្នករងគ្រោះពិតប្រាកដគឺប្រជាជនពិសេសគឺអ៊ុយក្រែនតែម្តង។

ការចេញសារអំពាវនាវរបស់សម្តេចតេជោ ហ៊ុន សែន នាយករដ្ឋមន្រ្តីនៅពេលនេះលើបណ្តាញសង្គមតេឡេក្រាមផ្ទាល់ខ្លួននៅថ្ងៃអាទិត្យនេះ បន្ទាប់ពីសារព័ត៌មានជុំវិញពិភពលោកផ្សាយព័ត៌មានយ៉ាងច្រើនថា សហរដ្ឋអាមេរិកនឹងផ្តល់គ្រាប់បែកចង្កោមឲ្យទៅអ៊ុយក្រែនដើម្បីប្រយុទ្ធជាមួយកងទ័ពរុស្សុី។ ការណ៍នេះ សម្តេចតេជោ បានគូសបញ្ជាក់ថា ប្រសិនរឿងនេះវាជាការពិតមែនវានឹងក្លាយទៅជាគ្រោះថ្នាក់ធំបំផុតសម្រាប់ប្រជាជនអ៊ុយក្រែនរាប់សឹបឆ្នាំឬដល់រយឆ្នាំទៀតផង ប្រសិនគ្រាប់បែកចង្កោមនេះយកទៅប្រើប្រាស់ក្នុងតំបន់ដែលរុស្សុីកាន់កាប់ក្នុងទឹកដីអ៊ុយក្រែន។

សម្តេចតេជោ បានដកស្រង់បទពិសោធន៍ឈឺចាប់របស់កម្ពុជាដែលទទួលការទម្លាក់គ្រាប់បែកចង្កោមពី
អាមេរិកនាដើមទស្សវត្តរ៍១៩៧០មកដល់ពេលនេះជាងកន្លះសតវត្សរ៍ហើយនៅមិនទាន់រកវិធីបំផ្លាញចោលអស់នៅឡើយ។

សម្តេចតេជោនាយករដ្ឋមន្រ្តីបានសរសេរក្នុងន័យដើមបែបនេះថា «ខ្ញុំដឹងច្បាស់ថាប្រទេសកម្ពុជាតូចហើយ
ទន់ខ្សោយសម្លេងគ្មានទម្ងន់តែដោយក្តីអាណិតប្រជាជនអ៊ុយក្រែន ខ្ញុំសូមអំពាវនាវប្រធានាធិបតីអាមេរិកដែលជាអ្នកផ្តល់និងប្រធានាធិបតីអ៊ុយក្រែនដែលជាអ្នកទទួល សូមមេត្តាកុំប្រើប្រាស់គ្រាប់បែកចង្កោមក្នុងសង្រ្គាមនេះព្រោះអ្នករងគ្រោះពិតប្រាកដគឺប្រជាជនពិសេសគឺអ៊ុយក្រែនតែម្តង»។

សូមជម្រាបជូនថា សង្គ្រាមរុស្សុី-អ៊ុយក្រែន បានផ្ទុះឡើងប្រមាណជាង១ឆ្នាំមកហើយនៅមិនទាន់មានការថមថយកម្លាំងប្រយុទ្ធនៅឡើយ។ នៅថ្ងៃព្រហស្បតិ៍ ទី២៣ កុម្ភៈ ពោលមួយថ្ងៃមុនខួប ១ឆ្នាំនៃសង្រ្គាមរុស្ស៊ីឈ្លានពានអ៊ុយក្រែន មហាសន្និបាតអង្គការសហប្រជាជាតិបានទាមទារឲ្យរុស្ស៊ីដកទ័ពចេញពីអ៊ុយក្រែនជាបន្ទាន់ និងអំពាវនាវឲ្យមានសន្តិភាពត្រឹមត្រូវ និងយូរអង្វែង។

សេចក្តីសម្រេចចិត្តដែលគ្មានការបង្ខិតបង្ខំបានទទួលសំឡេងគាំទ្រចំនួន ១៤១សំឡេង សំឡេងប្រឆាំងចំនួន ៧សំឡេង និងសំឡេងអនុបវាទចំនួន ៣២សំឡេងនៅក្នុងចំណោមសមាជិកទាំង ១៩៣ប្រទេសរបស់អង្គការសហប្រជាជាតិ។ សំឡេងប្រឆាំងទាំង ៧សំឡេងមានរុស្ស៊ី បេឡារុស ស៊ីរី កូរ៉េខាងជើង ម៉ាលី នីការ៉ាហ្កា និងប្រទេសអេលីត្រេ។ ចំណែកចិន និងឥណ្ឌាស្ថិតក្នុងចំណោមប្រទេសដែលបានបោះឆ្នោតអនុបវាទ៕

The post សម្តេចតេជោ ហ៊ុន សែន អំពាវនាវលោក ចូ បៃដិន និងប្រធានាធិបតីអ៊ុយក្រែនមេត្តាកុំប្រើប្រាស់គ្រាប់បែកចង្កោមក្នុងសង្រ្គាម appeared first on .

មេដឹកនាំអ៊ីរ៉ង់គាំទ្រពូទីន ចំពោះការឈ្លានពានប្រទេសអ៊ុយក្រែន

ឧកញ៉ាសំពៅ — Wed, 20 Jul 2022 03:05:09 +0000

កាលពីថ្ងៃអង្គារកន្លងទៅ ប្រធានាធិបតី វ៉្លាឌីមៀរ ពូទីន បានធ្វើដំណើរទស្សនកិច្ចទៅកាន់ទីក្រុង Tehran ដើម្បីជួបសំណេះសំណាលជាមួយមេដឹកនាំអ៊ីរ៉ង់ និងតួកគី ខណៈនេះគឺជាលើកទី ២ បន្ទាប់ពីប្រទេសធំបំផុតលើលោកបើកការឈ្លានពានចូលប្រទេសអ៊ុយក្រែន។ នេះបើតាមការចុះផ្សាយពី BBC។

គោលបំណងនៃដំណើរទស្សនកិច្ចមួយនេះ គឺដើម្បីរឹតបន្តឹងចំណងមិត្តភាពរវាងរុស្ស៊ី និងប្រទេសក្បែរខាង ក៏ដូចជាបង្ហាញឲ្យលោកខាងលិចឃើញថា រុស្ស៊ីនៅតែមានទំនាក់ទំនងអន្តរជាតិ បើទោះជាសហភាពអឺរ៉ុប និងលោកខាងលិចព្យាយាមដាក់គំនាបសេដ្ឋកិច្ចយ៉ាងណាក្ដី។

នៅក្នុងកិច្ចសំណេះសំណាលនោះផងដែរ លោក Ayatollah Ali Khamenei ដែលជាមេដឹកនាំជាន់ខ្ពស់របស់អ៊ីរ៉ង់បានលើកឡើងថា រដ្ឋាភិបាលទីក្រុង Tehran និងមូស្គូគួរតែរឹតចំណងមិត្តភាពឲ្យបានកាន់តែប្រសើរ ហើយបានគាំទ្រការឈ្លានពានរបស់រុស្ស៊ីទៅលើអ៊ុយក្រែន។

“បើសិនជាអ្នកមិនចាប់ផ្ដើមទេ (ការឈ្លានពាន) នោះក្រុមម្ខាងទៀត (លោកខាងលិច) ប្រាកដជាចាប់ផ្ដើមបង្កាត់ភ្លើងសង្គ្រាមដោយខ្លួនគេជាក់ជាមិនខាន”។ នេះបើតាមសម្ដីលោក Khamenei បានប្រាប់ទៅកាន់ពូទីន។

ដោយឡែក សម្រាប់តួកគីវិញ បើទោះជាមានឈ្មោះជាសមាជិកតំបន់អឺរ៉ុបពិតមែន ប៉ុន្តែពួកគេមិនចូលរួមក្នុងការដាក់ទណ្ឌកម្មសេដ្ឋកិច្ចលើរុស្ស៊ីឡើយ ផ្ទុយទៅវិញពួកគេប្រកាសថា នឹងឈរនៅចំណុចកណ្ដាល កាន់តួនាទីជាអ្នកសម្របសម្រួល៕

The post មេដឹកនាំអ៊ីរ៉ង់គាំទ្រពូទីន ចំពោះការឈ្លានពានប្រទេសអ៊ុយក្រែន appeared first on .

ពូទីន ថារុស្ស៊ី កំពុងផ្លាស់ប្តូរទិសដៅពាណិជ្ជកម្ម ទៅកាន់ប្រទេសដែលអាចទុកចិត្តបានទាំង ៤ នេះ

ឧកញ៉ាសាមញ្ញ — Fri, 24 Jun 2022 07:06:27 +0000

ប្រធានាធិបតី លោក វ្ល៉ាឌីមៀ ពូទីន បាននិយាយនៅក្នុងពេលថ្មីៗនេះថា ប្រទេសរុស្ស៊ី កំពុងប្តូរទិសដៅពាណិជ្ជកម្មទៅកាន់ប្រទេសដៃគូអន្តរជាតិ ដែលអាចទុកចិត្តបាន ដូចជាប្រេស៊ីល ឥណ្ឌា ចិន និងអាហ្រ្វិកខាងត្បូង នៅចំពេលដែលប្រទេសនៅលោកខាងលិច កំពុងព្យាយាមកាត់ផ្តាច់ទំនាក់ទំនងសេដ្ឋកិច្ច ។

បើតាមការចុះផ្សាយពីសារព័ត៌មាន CNN បានបង្ហាញពីអ្វី ដែលលោក ពូទីន បាននិយាយនៅក្នុងសុន្ទរកថា ទៅកាន់អ្នកដែលបានចូលរួម នៅក្នុងកិច្ចប្រជុំកំពូល BRICS តាមរយ:ប្រព័ន្ធអនឡាញថា ៖ ” យើងកំពុងចូលរួមយ៉ាងសកម្ម ក្នុងការទម្រង់ទិសលំហូរពាណិជ្ជកម្មរបស់យើងឡើងវិញ និងទំនាក់ទំនងសេដ្ឋកិច្ចបរទេសឆ្ពោះទៅរកភាពជាដៃគូអន្តរជាតិ ដែលអាចទុកចិត្តបាន ជាពិសេសប្រទេសសមាជិក BRICS ” ។

គួរឱ្យដឹងថា អក្សរកាត់ “BRICS” នេះ គឺចង់សំដៅទៅលើក្រុមប្រទេសសមាជិកក្រៅផ្លូវការ ដែលមានដូចជារុស្ស៊ី ប្រេស៊ីល ឥណ្ឌា ចិន និងអាហ្វ្រិកខាងត្បូង ។

លើសពីនេះ បើតាមលោក ពូទីន បាននិយាយថា ទំហំពាណិជ្ជកម្មរវាងប្រទេសរុស្ស៊ី និងប្រទេសសមាជិក BRICS បានកើនឡើងដល់ ៣៨% នៅក្នុងចំនួនប្រមាណ ៤៥ ពាន់លានដុល្លារ នៅក្នុងរយ:ពេល ៣ ខែដំបូងនៃឆ្នាំនេះ ។

ទន្ទឹមនឹងនេះ រុស្ស៊ី ក៏កំពុងបង្កើនការនាំចេញប្រេង ទៅកាន់ប្រទេសចិន និងឥណ្ឌា ជាមួយនឹងការបញ្ចុះតម្លៃយ៉ាងច្រើន ខណ:ពេលដែលការនាំចូលប្រេងឆៅរបស់ចិនពីរុស្ស៊ី បានកើនឡើងដល់កម្រិតខ្ពស់បំផុតមួយ នៅក្នុងខែឧសភា ដោយបានទាញទម្លាក់អារ៉ាប៊ីសាអូឌីត ពីអ្នកផ្គត់ផ្គង់កំពូលរបស់ចិន ។

បន្ថែមពីនេះ លោក ពូទីន បានសង្កត់ធ្ងន់ទៀតថា រុស្ស៊ី នឹងបើកចំហរការតភ្ចាប់ប្រព័ន្ធស្ថាប័នហិរញ្ញវត្ថុ រវាងធនាគារពីប្រទេសសមាជិកទាំង ៥ ហើយថែមទាំងបានបញ្ជាក់ទៀតថា រដ្ឋាភិបាលទីក្រុងម៉ូស្គូ កំពុងស្វែងរកវិធីថ្មី ដើម្បីធ្វើប្រតិបត្តិការពាណិជ្ជកម្ម ដោយមិនពឹងផ្អែកទៅលើរូបិយប័ណ្ណ ដូចជាប្រាក់ដុល្លារ ឬប្រាក់អឺរ៉ូឡើយ ៕

The post ពូទីន ថារុស្ស៊ី កំពុងផ្លាស់ប្តូរទិសដៅពាណិជ្ជកម្ម ទៅកាន់ប្រទេសដែលអាចទុកចិត្តបានទាំង ៤ នេះ appeared first on .

រុស្ស៊ីត្រូវបានគេផាត់ចេញមិនឲ្យចូលរួមវេទិកាសេដ្ឋកិច្ចពិភពលោកដាវ៉ូស នៅប្រទេសស្វីស

ឧកញ៉ាសាមញ្ញ — Tue, 24 May 2022 08:52:50 +0000

វេទិកាសេដ្ឋកិច្ចពិភពលោកដាវ៉ូស World Economic Forum ចាប់ផ្តើមបើកកាលពីថ្ងៃចន្ទ ទី២៣ ខែឧសភា ក្នុងប្រទេសស្វីស គឺក្រោយពីត្រូវផ្អាកអស់រយៈពេល ២ឆ្នាំ ព្រោះតែវិបត្តិកូវីដ១៩។ ក្នុងវេទិកានេះត្រូវបានចូលរួមពីប្រធានាធិបតី ប្រមុខរដ្ឋាភិបាល មហាសេដ្ឋី ប្រធានក្រុមហ៊ុនយក្សធំៗ ព្រមទាំងអង្គការអន្តរជាតិនានា សរុបឥស្សរជនប្រមាណ២ ៥០០នាក់។

ក្នុងវេទិកាឆ្នាំនេះ អ្វីដែលជាការកត់សម្គាល់ រុស្ស៊ីត្រូវគេផាត់ចេញមិនឲ្យចូលរួមនោះទេ។ បន្ថែមទៀតនោះក៏ឃើញគេបានរៀបចំបដានិងសរសេរពាក់ពេចន៍ថ្កោលទោសរុស្ស៊ីជាខ្លាំង ដូចជាថា ទង្វើ របស់រុស្ស៊ី ជាឧក្រិដ្ឋ ជាដើម។ ជាក់ស្តែង អគារផ្ទះរុស្ស៊ី ដែលគេធ្លាប់បានប្រារព្ធព្រឹត្តិការណ៍ផ្សេងៗកាលលើកមុនៗ ត្រូវគេកែឈ្មោះមកដាក់ជា អគារផ្ទះនៃឧក្រិដ្ឋកម្មសង្គ្រាមរុស្ស៊ី បែបនេះទៅវិញ។

ជាមួយគ្នានេះ ប្រធានវេទិកាសេដ្ឋកិច្ចពិភពលោក Borge Brende បានវាយតម្លៃថា ការដែលផាត់រុស្ស៊ីចេញ នៅឆ្នាំនេះ គឺការសម្រេចចិត្តដ៏ត្រឹមត្រូវ ក៏ប៉ុន្តែ ទោះជាយ៉ាងណាក្តី លោកក៏នៅតែបង្ហាញក្តីសង្ឃឹមថា រុស្ស៊ីនឹងកែខ្លួន ដើរផ្លូវត្រូវ ហើយគោរពតាមធម្មនុញ្ញរបស់អង្គការសហប្រជាជាតិនិងកាពត្វកិច្ចអន្តរជាតិ ហើយនឹងអាចត្រឡប់មកចូលរួមជាមួយគេឯងវិញ នៅពេលឆ្នាំខាងមុខវិញ។

ទន្ទឹមនឹងនោះ ស្ថាបនិកវេទិកាសេដ្ឋកិច្ចពិភពលោក លោក Klaus Schwab បានបញ្ជាក់ដែរថា ការឈ្លានពានរបស់រុស្ស៊ីលើអ៊ុយក្រែន គឺត្រូវគេសរសេរកត់ត្រាក្នុងសៀវភៅប្រវត្តិសាស្ត្រ ជាការធ្លាក់ចុះនៃសណ្តាប់ធ្នាប់ពិភពដ៏ធំ មិនធ្លាប់ជួប តាំងពីក្រោយការបញ្ចប់សង្គ្រាមលោកលើកទី២ និងក្រោយពីចប់សង្គ្រាមត្រជាក់មក។

លោក Volodymyr Zelinsky ប្រធានាធិបតីអ៊ុយក្រែន មិនបានចូលរួមដោយផ្ទាល់ទេ គឺលោកថ្លែងតាមវីដេអូពីចម្ងាយ ប៉ុន្តែអ្នកនយោបាយធំៗរបស់អ៊ុយក្រែនមានវត្តមានដោយផ្ទាល់នៅដាវ៉ូស ប្រទេសស្វីស។ ក្នុងសុន្ទរកថា ប្រធានាធិបតីអ៊ុយក្រែននៅតែទទូចឲ្យពិភពលោក ជួយអ៊ុយក្រែន និងកុំទម្លាក់ដៃចោលឲ្យសោះ។ លោកអំពាវនាវសុំជំនួយទាំងថវិកានិងទាំងជំនួយយោធា ពិសេសគឺអាវុធ៕

The post រុស្ស៊ីត្រូវបានគេផាត់ចេញមិនឲ្យចូលរួមវេទិកាសេដ្ឋកិច្ចពិភពលោកដាវ៉ូស នៅប្រទេសស្វីស appeared first on .

ប្រធានាធិបតី Putin ព្រមានថា ប្រទេសក្រីក្រនឹងប្រឈមបញ្ហាកង្វះចំណីអាហារ ដោយសារមហាអំណាចលោកខាងលិច

ឧកញ៉ាសំពៅ — Wed, 06 Apr 2022 07:55:17 +0000

កាលពីពេលថ្មីៗនេះ សារព័ត៌មាន Reuters បានអះអាងថា ប្រធានាធិបតីរុស្ស៊ី Vladimir Putin បាននិយាយថា ទណ្ឌកម្មដែលរុស្ស៊ីកំពុងជួបប្រទះបច្ចុប្បន្ន ដែលជាស្នាដៃរបស់ប្រទេសលោកខាងលិច នឹងបណ្ដាលឲ្យកើតមានជាបញ្ហាកង្វះចំណីអាហារទូទាំងពិភពលោក។

ថ្នាក់ដឹកនាំខាងលើបានសង្កត់ធ្ងន់ថា កាលណាការកាត់បន្ថយថាមពល និងជីកាន់តែច្រើន នោះប្រទេសលោកខាងលិចនឹងត្រូវតែបោះពុម្ពលុយបន្ថែមដើម្បីទិញទំនិញ ដែលនេះនឹងធ្វើឲ្យប្រទេសក្រីក្រជាច្រើននឹងជួបប្រទះបញ្ហាកង្វះស្បៀងអាហារ។

“បញ្ហាកង្វះស្បៀងអាហារគឺច្បាស់ជាមិនអាចគេចរួចឡើយ ជាពិសេសគឺនៅតំបន់ក្រីក្រ ហើយវានឹងបណ្ដាលឲ្យមានការចំណាកស្រុកកើនឡើង ហើយជាទូទៅតម្លៃស្បៀងអាហារនឹងមានការឡើងថ្លៃ”។

ប្រធានាធិបតីរូបនេះបានប្រាប់ទៅកាន់ RT ទៀតថា៖ “ពួកយើងនឹងមានការប្រុងប្រយ័ត្នខ្ពស់ចំពោះការផ្គត់ផ្គង់អាហារទៅកាន់ក្រៅប្រទេស ជាពិសេសគឺទៅកាន់ប្រទេសដែលបញ្ចេញក្រចកដាក់យើង”។

បញ្ជាក់ដែរថា កាលពីសប្ដាហ៍មុនអតីតប្រធានាធិបតី Dmitry Medvedev បានទម្លាយថា រុស្ស៊ីនឹងមិនធ្វើពាណិជ្ជកម្មអន្តរជាតិសម្រាប់ផលិតផលនានា ជាពិសេសគឺផលិតផលកសិកម្មទៅកាន់ប្រទេសបច្ចាមិត្តឡើយ។

ដោយឡែក រុស្ស៊ី និងអ៊ុយក្រែនគឺជាអ្នកនាំចេញដ៏ធំបំផុតផ្នែកស្រូវសាលី និងពោតទូទាំងពិភពលោក ខណៈរុស្ស៊ីគ្រប់គ្រងការនាំចេញស្រូវសាលី ១៧% ទូទាំងសកលលោក។ នេះបើតាមរបាយការណ៍ពី ING៕

ប្រភព: Yahoo

The post ប្រធានាធិបតី Putin ព្រមានថា ប្រទេសក្រីក្រនឹងប្រឈមបញ្ហាកង្វះចំណីអាហារ ដោយសារមហាអំណាចលោកខាងលិច appeared first on .

អ្នកជំនួញមានបំផុតនៅរុស្ស៊ី ស្នើប្រធានាធិបតី Putin កុំដាក់សំពាធពាណិជ្ជកម្មក្រុមហ៊ុនលោកខាងលិចនៅរុស្ស៊ី

ឧកញ៉ាសំពៅ — Sat, 12 Mar 2022 09:45:15 +0000

ដូចគ្រប់គ្នាបានដឹងរួចមកហើយថា ស្ទើរគ្រប់ប្រទេសជុំវិញពិភពលោក ពិសេសតំបន់អឺរ៉ុប និងលោកខាងលិចកំពុងសម្រុកដាក់ទណ្ឌកម្មសេដ្ឋកិច្ចទៅកាន់ប្រទេសរុស្ស៊ី និងមហាសេដ្ឋីរុស្ស៊ីជាច្រើននាក់ តួយ៉ាងដូចជាការរឹបអូសទ្រព្យសម្បត្តិជាដើម។

ហើយកាលពីថ្ងៃទី ១០ មីនាកន្លងទៅ រដ្ឋាភិបាលរុស្ស៊ីធ្លាប់បានព្រមានដល់ក្រុមហ៊ុនលោកខាងលិចដែលបង្អាក់ដំណើរការអាជីវកម្មនៅក្នុងប្រទេសថា នឹងរឹបអូសទ្រព្យសម្បត្តិក្រុមហ៊ុនរបស់ពួកគេ ជាការឆ្លើយតបទៅនឹងអ្វីដែលប្រទេសលោកខាងលិចបានធ្វើដាក់ប្រជាជនរុស្ស៊ី។

យ៉ាងណា ទង្វើមួយនេះគឺមិនត្រូវបានយល់ស្របពីអ្នកជំនួញមានបំផុតនៅរុស្ស៊ីគឺ Vladimir Potanin ឡើយ ដោយលោកយល់ឃើញថា ការរឹបអូសទ្រព្យសម្បត្តិរបស់ក្រុមហ៊ុនលោកខាងលិច នឹងធ្វើឲ្យសេដ្ឋកិច្ចរុស្ស៊ីធ្លាក់ចូលក្នុងរណ្ដៅកាន់តែជ្រៅ ពោលអាចនឹងវិលថយក្រោយទៅកាលពីជាង ១០០ ឆ្នាំមុនឯណោះ។

ប្រធានក្រុមហ៊ុន Norilsk Nickel ខាងលើបាននិយាយថា រុស្ស៊ីនឹងប្រឈមនឹងការវិលថយក្រោយនៃសេដ្ឋកិច្ចទៅកាន់ឆ្នាំ ១៩១៧ បើសិនជាហ៊ានរឹបអូសទ្រព្យសម្បត្តិរបស់ក្រុមហ៊ុនលោកខាងលិច ហើយលោកទទូចឲ្យរដ្ឋាភិបាលរុស្ស៊ីព្យាយាមរកដំណោះស្រាយថ្មី ក្រៅពីការរឹបអូសទ្រព្យសម្បត្តិមួយនេះ។

“ជាដំបូង វាអាចនឹងធ្វើឲ្យពួកយើងវិលទៅកាន់ឆ្នាំ ១៩១៧ វិញ ហើយផលវិបាកនៃការសម្រេចចិត្តបែបនោះ នឹងធ្វើឲ្យពិភពលោកកាន់តែអស់ជំនឿចិត្តមកកាន់រុស្ស៊ី ជាពិសេសគឺវិនិយោគិន”។ នេះបើតាមសារបង្ហោះនៅលើគណនី Telegram របស់ Norilsk Nickel។

“បន្ថែមពីនោះ ខ្ញុំយល់ថា ការសម្រេចចិត្តផ្អាកអាជីវកម្មរបស់ក្រុមហ៊ុនទាំងនោះនៅប្រទេសរុស្ស៊ីគឺជារឿងដែលសមស្របមួយ ហើយប្រហែលជាពួកគេក៏ទទួលបានសំពាធខ្លាំងពីមជ្ឈដ្ឋានសាធារណៈផងដែរ។ ដូច្នេះពួកគេនឹងវិលមកវិញឆាប់ៗ ហើយសម្រាប់ខ្ញុំផ្ទាល់ គួរតែទុកឱកាសសម្រាប់ពួកគេ”។

បញ្ជាក់ដែរថា មហាសេដ្ឋីមានបំផុតនៅរុស្ស៊ីម្នាក់នេះក៏ទទួលរងទណ្ឌកម្មសេដ្ឋកិច្ចពីតំបន់អឺរ៉ុប និងលោកខាងលិចខ្លាំងគួរសមដែរ ពោល Bloomberg បានអះអាងថា លោកបានបាត់បង់ទ្រព្យសម្បត្តិប្រមាណ ១/៤ ហើយបច្ចុប្បន្ននៅសល់ទ្រព្យសម្បត្តិ ២២,៥ ពាន់លានដុល្លារ ខណៈតម្លៃហ៊ុននៃក្រុមហ៊ុនធ្លាក់ចុះដល់ទៅ ៩០%នៅលើទីផ្សារហ៊ុន London៕

ប្រភព: CNN

The post អ្នកជំនួញមានបំផុតនៅរុស្ស៊ី ស្នើប្រធានាធិបតី Putin កុំដាក់សំពាធពាណិជ្ជកម្មក្រុមហ៊ុនលោកខាងលិចនៅរុស្ស៊ី appeared first on .

នាវាទំនើបតម្លៃជាង ៧០លានដុល្លាររបស់មហាសេដ្ឋីរុស្សុី ត្រូវបានអាជ្ញាធរអ៊ីតាលីរឹបអូស

ឧកញ៉ាតូច — Sat, 05 Mar 2022 03:16:42 +0000

នាវាទំនើបរបស់មហាសេដ្ឋីរុស្ស៊ី Alexey Mordashov ត្រូវបានអាជ្ញាធរអ៊ីតាលីរឹបអូសកាលពីថ្ងៃសុក្រ ទី៤ ខែមីនា ឆ្នាំ២០២២ នៅឆ្នេរសមុទ្រ Imperia។ នេះបើតាមការឲ្យដឹងពីលោក Ferdinando Giugliano ទីប្រឹក្សាប្រព័ន្ធផ្សព្វផ្សាយរបស់នាយករដ្ឋមន្ត្រី Mario Draghi នៅលើ Twitter។

នាវាទំនើបនេះ ឈ្មោះថា «Lady M Yacht» មានតម្លៃជាង ៧០លានដុល្លារអាមេរិក ជាការរឹបអូសបន្ទាប់ពីការដាក់ទណ្ឌកម្មមកលើមហាសេដ្ឋីចំនួន ៦ នាក់កាលពីថ្ងៃចន្ទសប្តាហ៍នេះ។ ការដាក់ទណ្ឌកម្មធ្វើឡើងក្រោយរុស្សុីបានវ៉ៃលុកចូលកាន់កាប់ក្នុងប្រទេសអ៊ុយក្រែនជាងមួយសប្តាហ៍ ខណៈគិតមកទល់ពេលនេះមិនទាន់មានដំណោះស្រាយនៅឡើយ។

ជនជាតិរុស្ស៊ីចំនួន ២០ នាក់ ដែលបានជាប់ចំណាត់ថ្នាក់ក្នុងចំណោមអ្នកមានបំផុត ៥០០ របស់ពិភពលោកនៅលើសន្ទស្សន៍មហាសេដ្ឋី របស់ទស្សនាវដ្តី Bloomberg។

មហាសេដ្ឋី Mordashov មានអាយុ 56 ឆ្នាំបានបង្កើតទ្រព្យសម្បត្តិពីការលក់ដែកថែប ខណៈឥឡូវនេះគឺជាអ្នកមានបំផុតទី ៤ របស់រុស្ស៊ីដែលមានទ្រព្យសម្បត្តិសុទ្ធចំនួន ២០.១ ពាន់លានដុល្លារ។

លើសពីនេះ លោកក៏ជាម្ចាស់ភាគហ៊ុនធំជាងគេនៅក្នុងក្រុមហ៊ុនទេសចរណ៍អាល្លឺម៉ង់ TUI AG ដែលក្រុមប្រឹក្សាភិបាលរបស់លោកបានលាលែងពីតំណែងក្នុងសប្តាហ៍នេះបន្ទាប់ពីមានទណ្ឌកម្មពីប្រទេសសមាជិក NATO។

នាវា Lady M Yacht ត្រូវបានសាងសង់កាលពីឆ្នាំ ២០១៣ ដោយក្រុមហ៊ុន Palmer Johnson Yachts ដែលមានមូលដ្ឋាននៅសហរដ្ឋអាមេរិក និងរចនាដោយក្រុមហ៊ុនស្ថាបត្យកម្មកងទ័ពជើងទឹកអ៊ីតាលី Nuvolari Lenard ។ នាវាទំនើបនេះមានសមត្ថភាពផ្ទុកភ្ញៀវ ១២ នាក់ និងបុគ្គលិកនាវិក ១៤ នាក់៕

The post នាវាទំនើបតម្លៃជាង ៧០លានដុល្លាររបស់មហាសេដ្ឋីរុស្សុី ត្រូវបានអាជ្ញាធរអ៊ីតាលីរឹបអូស appeared first on .

អ្នកជំនួញរុស្ស៊ីម្នាក់ប្រកាសផ្ដល់រង្វាន់ ១ លានដុល្លារ សម្រាប់បុគ្គលណាដែលអាចចាប់ខ្លួន Putin បាន

ឧកញ៉ាសំពៅ — Thu, 03 Mar 2022 05:15:45 +0000

កាលពីពេលកន្លងទៅនេះ អ្នកជំនួញជនជាតិរុស្ស៊ីម្នាក់បានប្រកាសថា នឹងផ្ដល់ប្រាក់រង្វាន់ ១ លានដុល្លារទៅកាន់មន្ត្រីយោធាណាក៏ដោយ ឲ្យតែអាចចាប់ខ្លួនប្រធានាធិបតីរុស្ស៊ី Vladimir Putin បាន មិនខ្វល់ថាក្នុងសភាព “ស្លាប់ ឬ រស់”ឡើយ។

បុគ្គលដែលថ្លើមធំហ៊ានដាក់សេចក្ដីប្រកាសចាប់ខ្លួនមេដឹកនាំខាងលើគឺមានឈ្មោះថា Alex Konanykhin ជាសហគ្រិន និងជាអតីតធនាគារិក បានបង្ហោះសារនៅលើបណ្ដាញសង្គមដែលមានខ្លឹមសារដូចបានរៀបរាប់ បន្ទាប់ពីប្រទេសលោកខាងលិចចេញមុខដោះស្រាយបញ្ហារុស្ស៊ីវាយប្រហារទៅកាន់អ៊ុយក្រែន។

Konanykhin បានបង្ហោះសារនៅលើ Facebook របស់លោកកាលពីថ្ងៃអង្គារថា នឹងផ្ដល់ប្រាក់រង្វាន់ជូនដល់មន្ត្រីយោធារូបណាដែលអាចចាប់ខ្លួន Putin បាន បន្ទាប់ពីលោកចោទថ្នាក់ដឹកនាំរូបនេះថា ” Putin គឺជាឧក្រិដ្ឋជនសង្គ្រាមក្រោមច្បាប់រុស្ស៊ី និងអន្តរជាតិ”។

បញ្ជាក់ដែរថា សហគ្រិនជនជាតិរុស្ស៊ីម្នាក់នេះបានចាប់ផ្ដើមជំនួញតាំងពីវ័យក្មេង ហើយក្នុងវ័យ ២៥ ឆ្នាំ លោកធ្លាប់បង្កើតអាជីវកម្មដល់ទៅជាង ១០០ ក្រុមហ៊ុនឯណោះ។ នេះបើតាមការចុះផ្សាយពី The Washington Post ក្នុងឆ្នាំ ១៩៩៦។ បច្ចុប្បន្ន Konanykhin កំពុងរស់នៅទីក្រុង New York និងជា CEO នៃក្រុមហ៊ុន TransparentBusiness ដែលជាវេទិកាការងារឌីជីថលមួយ ខណៈទ្រព្យសម្បត្តិរបស់បុរសម្នាក់នេះគឺមានប្រមាណជាង ៣០០ លានដុល្លារ៕

ប្រភព: Newsweek

The post អ្នកជំនួញរុស្ស៊ីម្នាក់ប្រកាសផ្ដល់រង្វាន់ ១ លានដុល្លារ សម្រាប់បុគ្គលណាដែលអាចចាប់ខ្លួន Putin បាន appeared first on .

មហាសេដ្ឋីរុស្ស៊ីម្នាក់ចោទប្រធានាធិបតី Putin ជា “ហ៊ីត្លែទី ២” ហើយការឈ្លានពានចូលអ៊ុយក្រែនជា ព្រឹត្តិការណ៍អាក្រក់បំផុតនៅស.វទី ២១

ឧកញ៉ាសំពៅ — Sun, 27 Feb 2022 16:58:19 +0000

ការវាយប្រហាររបស់រុស្ស៊ីទៅលើប្រទេសអ៊ុយក្រែនបានធ្វើឲ្យពិភពលោកភ្ញាក់ផ្អើលជាខ្លាំង ដ្បិតវាហាក់ដូចកើតឡើងភ្លាមៗ ហើយគ្មានអ្នកណាស្មានដឹង ខណៈស្ថានការណ៍បច្ចុប្បន្នក៏នៅតែបញ្ចេញសញ្ញាគួរឲ្យបារម្ភនៅឡើយ។

ជាមួយគ្នានោះ មានមតិជាច្រើនបានរិះគន់ជាមួយនឹងការឈ្លានពានរបស់រុស្ស៊ីទៅលើប្រទេសជិតខាង ខណៈក្នុងនោះក៏មានមហាសេដ្ឋីរុស្ស៊ីម្នាក់ដែលបច្ចុប្បន្នកំពុងរស់នៅប្រទេសស្កុតឡែនបានបញ្ចេញទស្សនៈថា Vladimir Putin គឺជា “ហ៊ីត្លែរសម័យថ្មី” ហើយការវាយលុកមួយនេះគឺជាព្រឹត្តិការណ៍អាក្រក់បំផុតប្រចាំសតវត្សទី ២១។

បុរសជនជាតិរុស្ស៊ីដែលហ៊ានរិះគន់ចំៗទៅកាន់ថ្នាក់ដឹកនាំរបស់ខ្លួនបែបនេះគឺមានឈ្មោះថា Boris Mints ជាអ្នកជំនួញកំពុងរស់នៅភូមិគ្រឹះដ៏ធំស្កឹមស្កៃនៅប្រទេសស្កុតឡែន ជាមួយទ្រព្យសម្បត្តិប្រមាណជាង ១ ពាន់លានដុល្លារ។

ប្រាប់ទៅកាន់ Sunday Mail មហាសេដ្ឋីខាងលើបាននិយាយថា៖ “ប្រទេសនៅលោកខាងលិច គួរបញ្ឈប់ភាពភ័យខ្លាចទៅ ព្រោះបើសិនជាពួកយើងបន្តបង្ហាញសកម្មភាពបែបនេះ ជីវិតរបស់មនុស្សស្លូតត្រង់ជាច្រើននឹងបាត់បង់កាន់តែច្រើនឡើងៗ”។

“មេរៀនប្រវត្តិសាស្ត្របានបង្រៀនយើងរួចហើយ ដូចកាលសង្គ្រាមលោកលើទី ២ គឺផ្ដើមចេញតែ ២ ប្រទេសប៉ុណ្ណោះ តែវាបានរីករាលដាលកាន់តែធំឡើងៗ រហូតធ្វើឲ្យមានវិនាសកម្មដល់ពិភពលោក។ ដូចគ្នាបើសិនជាពួកយើងនៅឱបដៃមើលបែបនេះ មិនយូរទេវានឹងដល់វេនពួកយើងជាមិនខាន”។

លោកបានបន្ថែមទៀតថា៖ “ការវាយប្រហារមួយនេះគឺជាព្រឹត្តិការណ៍អាក្រក់បំផុតនៅសតវត្សទី ២១ បើធៀបទៅនឹងការវាយប្រហាររបស់ហ៊ីត្លែរទោកាន់ប្រទេសប៉ូឡូញនៅឆ្នាំ ១៩៣៩”។

បញ្ជាក់ដែរថា កន្លងមកមានសេចក្ដីរាយការណ៍ថាមហាសេដ្ឋីខាងលើកំពុងប្រយុទ្ធប្រឆាំងនឹងការធ្វើបត្យាប័នទៅកាន់ប្រទេសកំណើតរបស់លោក ហើយបានភៀសខ្លួនទៅចក្រភពអង់គ្លេសក្នុងឆ្នាំ ២០១៨ ក្រោយទទួលរងការចោទប្រកាន់ពីបទកេងបន្លំនៅក្នុងប្រទេសរុស្ស៊ី៕

ប្រភព: edinburghlive

The post មហាសេដ្ឋីរុស្ស៊ីម្នាក់ចោទប្រធានាធិបតី Putin ជា “ហ៊ីត្លែទី ២” ហើយការឈ្លានពានចូលអ៊ុយក្រែនជា ព្រឹត្តិការណ៍អាក្រក់បំផុតនៅស.វទី ២១ appeared first on .

រុស្សុីព្រមានធ្ងន់ៗទៅកាន់ប្រទេសហ្វាំងឡង់ និងស៊ុយអែត បើហ៊ានចូលជាសមាជិក NATO

ឧកញ៉ាកោះក្របី — Sat, 26 Feb 2022 04:32:06 +0000

ទីក្រុងម៉ូស្គូ នៅថ្ងៃសុក្រសប្តាហ៍នេះ បានចេញសារព្រមានធ្ងន់ៗចំចំពោះប្រទេសហ្វាំងឡង់ និងស៊ុយអែត ប្រសិនបើហ៊ានព្យាយាមចូលជាសមាជិករបស់អង្គការ NATO នឹងត្រូវប្រឈមមុខជាមួយផលវិបាកធំ ទាំងផ្នែកនយោបាយនិងយោធាពីសំណាក់ប្រទេសរុស្ស៉ី។

ក្នុងសន្និសីទសារព័ត៌មានមួយ កាលពីថ្ងៃសុក្រម្សិលមិញ ដែលត្រូវបានសារព័ត៌មាន Fox News រាយការណ៍នៅថ្ងៃសៅរ៍ ទី២៦កុម្ភៈនេះ ដោយដកស្រង់សម្តីអ្នកនាំពាក្យក្រសួងការបរទេសរុស្ស៉ី លោកស្រី ម៉ារៀរ ហ្សាការ៉ូវ៉ា បានថ្លែងថា «ហ្វាំងឡង់និងស៊ុយអែត មិនគួរដើម្បីតែសន្តិសុខផ្ទាល់ខ្លួនរបស់ពួកគេ ធ្វើឱ្យប៉ះពាល់ដល់សន្តិសុខរបស់ប្រទេសដទៃទៀតនោះឡើយ ហើយការចូលជាសមាជិកនៃអង្គការ NATO អាចនឹងធ្វើឱ្យប្រទេសទាំងពីរ ត្រូវប្រឈមមុខនឹងផលវិបាកធ្ងន់ធ្ងរ ទាំងតាមផ្នែកនយោបាយនិងយោធា»។

ការព្រមាននេះធ្វើឡើង ស្របពេលប្រទេសរុស្ស៉ីកំពុងបន្តបើកប្រតិបត្តិការយោធារបស់ខ្លួននៅអ៊ុយក្រែន ដោយកងទ័ពរុស្ស៉ីកំពុងបន្តរុលទៅកាន់រដ្ឋធានីកៀវ។ ការបើកការវាយប្រហាររបស់រុស្សុីគឺបន្ទាប់ពីអ៊ុយក្រែនបានបង្ហាញពីបំណងចង់ចូលជាសមាជិក NATO ប៉ុន្តែរុស្ស៉ីបានសម្តែងការជំទាស់យ៉ាងដាច់អហង្ការចំពោះរឿងនេះ។

ជាមួយគ្នានេះ ប្រមុខអង្គការ NATO លោក Jens Stoltenberg នៅថ្ងៃសុក្រនេះ បាននិយាយថា NATO កំពុងដាក់ ពង្រាយកម្លាំងឆ្លើយតបរហ័សរបស់ខ្លួនជាលើកដំបូងបំផុត ដើម្បីពង្រឹងការពារខ្លួន ចំពោះមុខការធ្វើប្រតិបត្តិការយោធារបស់រុស្ស៉ីនៅក្នុង ប្រទេសអ៊ុយក្រែន។

លោក Stolenberg បានព្រមានថា ទង្វើរបស់ទីក្រុងម៉ូស្គូលើអ៊ុយក្រែន កំពុងបង្កើតប្រក្រតីភាពថ្មីមួយ ដែលបង្កការគំរាមកំហែងសន្តិសុខ ដល់អឺរ៉ុបទាំងមូល មិនមែនតែចំពោះអ៊ុយក្រែននោះឡើយ។

លោកបញ្ជាក់ថា បក្សសម្ព័ន្ធ NATO បានសម្រេចដំណើរការផែនការការពារខ្លួន ដោយកងកម្លាំង NRF របស់ NATO នឹងត្រូវដាក់ពង្រាយនៅលើដែនគោក លើដែនទឹក និងលើដែនអាកាស ដើម្បីបន្តពង្រឹងគោលជំហរ យោធារបស់ខ្លួន និងដើម្បីឆ្លើយតបឱ្យបានឆាប់រហ័ស ចំពោះស្ថានការណ៍ប្រែប្រួលណាមួយផ្សេងទៀត៕

The post រុស្សុីព្រមានធ្ងន់ៗទៅកាន់ប្រទេសហ្វាំងឡង់ និងស៊ុយអែត បើហ៊ានចូលជាសមាជិក NATO appeared first on .

ប្រធានាធិបតីរុស្សុី

មេ​ដឹកនាំ​អ៊ីរ៉ង់​គាំទ្រ​ពូទីន ចំពោះ​ការ​ឈ្លានពាន​ប្រទេស​អ៊ុយក្រែន