បើកក្រឡេកទៅមើលពីអតីតកាលកាលពី ២០ ឆ្នាំ​មុន ក្រុមហ៊ុន លីលី គ្រាន់តែសិប្បកម្មដ៏តូចមួយ ដែល​មាន​បុគ្គលិក​​ប្រហែល ២០ ទៅ ៣០នាក់ ប៉ុណ្ណោះ តែមកទល់ពេលនេះមានបុគ្គលិករហូតដល់រាប់រយនាក់។

ជោគជ័យ​នំ​ស្រួយ​លីលី គឺបានមកពី​ការខិតខំប្រឹងប្រែង និង​ការប្តេជ្ញា​ចិត្ត​ចំពោះ​ផលិតផលអាហារមានគុណភាព និងសុខភាពល្អ ដែលមានលោកជំទាវឧកញ៉ា កែវ មុំ ជា​មគ្គុទេសន៍ដ៏​​ឆ្នើម។ ក្នុងនាមជាប្រធានក្រុមហ៊ុន Ly Ly Food Industry Co., Ltd. លោក​ជំទាវ​តែងតែ​ស្វែងរកឱកាស​ប្រកប​ដោយ​ភាពច្នៃប្រឌិតលើ​ផលិតផលរបស់ខ្មែរឲ្យ​សមសម្រប​តាមស្តង់ដារ​ផលិតផលអន្តរជាតិ ដើម្បីបង្កើនប្រាក់ចំណូល និងប្រាក់ចំណេញ។

ក្រៅពី​គាំទ្រ​ក្នុង​ស្រុក​ទូទាំង​ប្រទេស នំ​ស្រួយលី លី នាំ​ នាំ​ចេញ​ទៅលក់​ដល់ 13 ប្រទេស

ក្រុម​ហ៊ុន​នំ​ស្រួយ​​ លីលី មិន​ត្រឹម​ជា​សហគ្រាស​ផលិត​ដើម្បី​ផ្គត់​ផ្គង់​នៅ​ស្រុក​ប៉ុណ្ណោះ​នោះ​ទេ តែ​​ក៏បាន​​នាំ​ចេញ​ផ្គត់​ផ្គង់​នៅ​ក្រៅ​ប្រទេស​មាន​ដូចជា៖

-អូស្ត្រាលី -ប្រទេសកាណាដា -ចិន -ឥណ្ឌូនេស៊ី -ប្រទេសអ៊ីតាលី -ម៉ាឡេស៊ី -ម៉ូរីស -មីយ៉ាន់ម៉ា (ភូមា) -កូរ៉េខាងត្បូង -កូរ៉េខាងជើង -ប្រទេសថៃ -សហរដ្ឋអាមេរិក -វៀតណាម

ក្រុមហ៊ុន​ លីលី ​វិនិយោគ​រួម​ ១៦ លាន​ដុល្លារ ជាមួយ​នឹង​ក្រុមហ៊ុន​ជប៉ុន

នៅ​ឆ្នាំ ២០១៨ ក្រុមហ៊ុន​ផលិត​នំស្រួយ លីលី ដែល​ជា​ក្រុមហ៊ុន​ផលិត​អាហារ​ក្នុង​ស្រុក​បាន​ប្រកាស​ពី​ការ​វិនិយោគ​រួម ១៦ ​លាន​ដុល្លារ​ជាមួយ​ក្រុមហ៊ុន​ជប៉ុន ដើម្បី​បង្កើត​ក្រុមហ៊ុន​ថ្មី​មួយ​ឈ្មោះ លីលី​ខាមេដា ដើម្បី​បង្កើន​ការនាំ​ចេញ​របស់​ខ្លួន ​៣ ​ដង​លើ​ការនាំ​ចេញ​បច្ចុប្បន្ន​របស់​ក្រុមហ៊ុន​។

នេះគឺជាមោទនភាពរបស់ប្រទេសកម្ពុជា ដែលមានក្រុមហ៊ុនគំរូ ដូចជាក្រុមហ៊ុន លីលី ហ្វូ៊ដ ដែលមានកេរ្តិ៍ឈ្មោះល្បី ដល់អន្តរជាតិ និងជាក្រុមហ៊ុន ដែលប្រកបដោយស្តង់ដារខ្ពស់ ដែលអាចទាក់ទាញចំណាប់អារម្មណ៍ពីក្រុមហ៊ុនដ៏ធំខាងផ្នែកផលិតនំស្រួយនៅប្រទេសជប៉ុនឲ្យមកចាប់ដៃគូវិនិយោគជាមួយ។

ក្រុមហ៊ុន លីលី ហ៊្វូត លីលី ខាមេដា ចុះកិច្ចសន្យាជាមួយក្រុមផលិតផ្គត់ផ្គង់ ចែកចាយផលិត ផលកសិកម្មរបស់ក្រសួង​កសិកម្ម​

កាលពី​ឆ្នាំ២០២០ ក្រុមហ៊ុន លីលី ហ៊្វូត លីលី ខាមេដា បាន​ចុះកិច្ចសន្យាស្តីពី “ការទិញ លក់ ចែកចាយផលិតផលកសិកម្មដោយ​បាន​ប្រើប្រាស់វត្ថុធាតុដើម​ក្នុង​ស្រុក​ជាអង្ករ ពោត និងដំឡូងមីរាប់ពាន់​តោន​។

កិច្ចសន្យានេះ ដើម្បី​ជួយជំរុញខ្សែច្រវាក់តម្លៃផលិតកម្ម ដោយ​ប្រើប្រាស់វត្ថុធាតុដើម​ក្នុង​ស្រុកឱ្យអស់លទ្ធភាព កាត់បន្ថយការនាំចូល ផ្តល់ឱកាសដល់ប្រជាកសិករដែលជាអ្នកផលិត បង្កើនប្រាក់​ចំណូលដល់គ្រួសារ ស្របតាមគោលនយោបាយអភិវឌ្ឍន៍វិស័យឧស្សាហកម្មរបស់​រដ្ឋាភិបាល​កម្ពុជា គឺត្រូវជំរុញការនាំចេញទំនិញកែច្នៃកសិកម្មឱ្យបាន១២% នៃបរិមាណនាំចេញសរុបនៅឆ្នាំ២០២៥ ។

ទទួលវិញ្ញាបនបត្រហាឡាលពីគណៈកម្មាធិការគ្រប់គ្រងហាឡាល់កម្ពុជា

ក្រុមហ៊ុន លី លី ហ្វូដខូអិលធីឌី (លីលី ហ្វូដ) បាន​ទទួល​វិញ្ញាបនបត្រ​ហាឡាល​ពីគណៈកម្មាធិការ​គ្រប់គ្រង​ហាឡាល់​កម្ពុជា (CHSC)។ វិញ្ញាបនប័​ត្រនេះនឹង​ចូលរួម​ឲ្យ​ផ្សព្វផ្សាយ​ផលិតផល​យីហោ លី លី ដល់​ប្រជាជន​ខ្មែរ​ឥស្លាម​ដើម្បី «​ប្រើប្រាស់​ដោយ​ទំនុកចិត្ត​»​។

ចក្ខុវិស័យ

ក្រុមហ៊ុននំ​ស្រួយ លីលី មាន​ចក្ខុវិស័យ​គឺ​ផ្តល់នូវផលិតផលខ្មែរ ដែលមានគុណភាពល្អបំផុតសម្រាប់ពិភពលោក។

បេសកកម្ម

ជាមួយគ្នានេះ ក្រុមហ៊ុន​មាន​បេសកកកម្ម​ ប្រែ​ក្លាយ​ជាក្រុមហ៊ុនផលិត​ឈានមុខគេ​របស់កម្ពុជា ដោយប្រើប្រាស់​គ្រឿងផ្សំ​ក្នុងស្រុកដ៏ល្អ​បំផុត​ពីកសិករ ផ្តល់​នូវ​បទពិសោធន៍ជាមួយ​ផលិតផលដែលមានតម្លៃសមរម្យ ឆ្ងាញ់មិនអាចបំភ្លេចបាន។

គោលដៅ

គោលដៅ​របស់​ក្រុមហ៊ុន​ គឺ​ផ្តល់ឱកាសការងារ​ដល់ប្រជាពលរដ្ឋក្រីក្រជួបការលំបាក ដើម្បី​​អាចលើក​កម្ពស់​គុណភាព​ជីវិត ទន្ទឹមនឹង​ការកសាងសហគមន៍មួយប្រកបដោយភាពរីកចម្រើន៕

The post ប្រវត្តិ​នំ​ស្រួយ​លីលីរបស់​ខ្មែរ បង្កើត​បាន​ជាង ២០ ឆ្នាំ សាងកេរ្តិ៍ឈ្មោះល្បី​ខ្ទរខ្ទារ​ រហូត​នាំចេញ​ទៅ​ ១៣ ប្រទេស appeared first on .

ប្រវត្តិ និង​ស្ថាបនិក​បង្កើត​ហាង​មាតុភូមិ

ហាងមាតុភូមិបានលេចរូបរាងឡើងអំឡុង​​ឆ្នាំ២០១៦ រហូតមក​ដល់​ពេលនេះដំណើរការជាង ៦ ឆ្នាំហើយ។ អាហារដ្ឋាននេះចាប់ផ្ដើមដុះពន្លកក្រោមការពួតដៃគ្នាចូលទុនរកស៊ីរបស់​បងប្អូន​លោកស្រី មាស ផាន្នីដា ដោយ​ចាយ​ដើមទុន​ជិត ១ ម៉ឺនដុល្លារ។

ចក្ខុវិស័យហាង​មាតុភូមិ

ស្ថាបនិកហាងមាតុភូមិបញ្ជាក់ថា ការបង្កើតអាហារដ្ឋាននេះ គឺ​ចង់បម្រើជូននូវម្ហូបប្រពៃណីជាតិ អាហារបែបធម្មជាតិ ថ្មីស្រស់ និងជាប្រភេទអាហារដែលការពារដល់រាង្គកាយ។ បន្ថែមពីនេះ​គឺចង់​ឱ្យអ្នកមានជីវភាពមធ្យមក៏អាចចូលហាងពិសារអាហារខ្មែរបាន ដោយមិនចាំបាច់តែហូបម្ហូបអាហារបរទេស ទើបអាចចូលក្នុងហាងបាននោះទេ។

ក្រៅពីប្រាក់ចំណេញ ហាង​មាតុភូមិក៏មានគោលបំណង និងទិសដៅចូលរួមក្នុងសង្គមតាមរយៈការណែនាំប្រជាពលរដ្ឋឱ្យត្រឡប់មកទទួលទានអាហារការពាររាង្គកាយវិញផងដែរ។

មុខម្ហូប​

អាហារដ្ឋានមាតុភូមិមានម្ហូបជាច្រើនមុខបែងចែកទៅតាមមុខងារដូចជា​ ម្ហូបមានគ្រឿងអន្លក់ គ្រឿងបុក ចៀន-អាំង សម្លខ្មែរគ្រប់មុខ ទឺកត្រី-ជ្រក់ បង្អែម ភេសជ្ជៈសរុ​បមាន​ជាង ២០០ មុខ ដែលសុទ្ធសឹងតែជាអាហារប្រចាំប្រទេស ឬ អាហារប្រពៃណីក្នុងប្រទេសកម្ពុជា។

យុទ្ធសាស្រ្ត​ទាក់ទាញអតិថិជន

ហាង​មាតុភូមិបានប្រើយុទ្ធសាស្រ្តសាមញ្ញបំផុតគឺសេចក្តីស្មោះត្រង់ជាមួយ មហាជន/អតិថិជន លើការជ្រើសរើសសម្រាំង វត្ថុធាតុដើមបែបធម្មជាតិ និងថ្មីស្រស់។

ការ​ពង្រីកសាខា

បច្ចុប្បន្ននេះ ហាង​មាតុភូមិបានពង្រីកខ្លួនបានជាង ៣០ សាខាហើយ ដែលភាគច្រើននៅរាជធានីភ្នំពេញ។

បេសសកម្ម៖

-បម្រើមហាជនលើវិស័យអាហាដ្ឋាន ពិតប្រាកដច្បាស់លើម្ហូបប្រពៃណីជាតិ សម្រាប់អាហារថ្ងៃត្រង់ និង អាហារពេលល្ងាច
-បម្រើមហាជននូវអាហាររ៉ែខនិច បែបធម្មជាតិ ថ្មីស្រស់ ជាប្រភេទអាហារការពារដល់រាង្គកាយ
-ណែនាំមហាជនឱ្យងាកត្រឡប់មកបរិភោគនូវអាហារការពាររាង្គកាយ
-សុខុដុមរម្យនាអាហារ និងការ​បរិភោគឲ្យស្និតដូចអាហារក្នុងគ្រួសារ/ផ្ទះ
-ចូលរួមថែរក្សា លើកស្ទួយមុខម្ហូបប្រពៃណីជាតិ និងរក្សាការរចនាជាទម្រង់ប្រពៃណីជាតិ(ខ្មែរ)
-ក្រោកឈរប្រឈមប្រគួតប្រជែងជាមួយម្ហូបបរទេស និងអាហារប្រភេទស្ថាបនា នានាដែលកំពុងធ្វើឲ្យ ប៉ះពាល់ដល់សុខភាពមហាជន
-ជាទីប្រឹក្សាយោបល់ និងការចែករំលែកចំណេះដឹងស្តីពីការធ្វើម្ហូបប្រពៃណីខ្មែរគ្រប់ប្រភេទ
-លើកទឹកចិត្ត ជម្រុញ និងជួយក្នុងការប្រើប្រាស់វត្ថុធាតុដើមផលិត បែបថ្មីស្រស់ ធម្មជាតិ ក្នុងស្រុក ស្ទើរ១០០%
-ធ្វើវិមជ្ឃការអាហារដ្ឋានទៅកាន់ និងកៀកនឹងតម្រូវការមហាជន ទូលំទូលាយ និងគ្រប់ទីកន្លែង
-រុករក ស្រាវជ្រាវ ចងក្រង ពីមុខម្ហូប និងប្រភពវត្ថុធាតុដើមជា(ធាតុចូល) ពិសេសបន្លែកម្រខ្មែរនៅតាមបណ្តាខេត្តនានា តំបន់ភូមិសាស្រ្ត និងរដូវកាល
-ចូលរួម លើកតម្កើន បន្សីនិងជាប់ពាក់ព័ន្ធយ៉ាងជិតស្និតទៅនឹងកសិកម្ម-ចម្ការ និងពិធីបុណ្យវប្បធម៌ ប្រពៃណីជាតិគ្រប់សណ្ឋាន៕

The post ហាងមាតុភូមិ បង្កើត​ឡើង​ជាង ៦ ឆ្នាំ ថែរក្សាមរតកម្ហូបខ្មែរជាង ២០០ មុខ appeared first on .

ក្រុមហ៊ុន​ខាំផែន ផ្តួចផ្តើម​បង្កើត​ឡើង​ដោយជនជាតិខ្មែរបីរូបគឺ៖​​ (១). លោក សំ ពូក (២). លោក សោម សម្បត្តិ និង (៣). លោក អ៊ីវ គឹមសួ។

អំពីរោងចក្រ ខំា-ផែន (ថ្នាំពណ៌ជាតិ)

ក្រុមហ៊ុន ខេមបូឌាន ខេមីខល សឹបផ្លាយ (ខាំ-ផែន) បានចាប់ផ្តើមអាជីវកម្មនៅក្នុងឆ្នាំ ២០០៤ ទន្ទឹម​នឹងការអភិវឌ្ឍ​យ៉ាង​ឆាប់រហ័ស​លើវិស័យ​ស្ថាបត្យកម្ម​សំណង់​នៅទូទាំងប្រទេស ​ ដើម្បី​ចូលរួម​ចំណែក​ក្នុងការ​បង្កើនការ​ផលិត​ផលិតផល​ក្នុងស្រុក។​

ក្រោម​កិច្ចដឹកនាំ​ប្រកប​ដោយទេពកោសល្យ និងទស្សនវិស័យដ៏ច្បាស់លាស់ពីថ្នាក់​ដឹកនាំ ជាមួយ​នឹងឆន្ទៈតស៊ូ ព្យាយាមដ៏មោះមុតពី​សំណាក់​ថ្នាក់ដឹកនាំ និងបុគ្គលិក​គ្រប់លំដាប់ថ្នាក់ ខាំ-ផែន បាន​ប្រែក្លាយ​ពីក្រុមហ៊ុន​តូច​មួយ​ឈានមក​ជាក្រុមហ៊ុនធំមួយ ដែល​មានឈ្មោះ​បោះសំឡេង​លើទីផ្សារ​មានការទទួលស្គាល់ និង​ជឿជាក់​ពី​សំណាក់ប្រជាពលរដ្ឋនៅទូទាំងប្រទេស លើ​គុណភាព​ផលិតផល សេវាកម្ម និង​កេរ្តិ៍ឈ្មោះ​លើភាព​ជាអ្នកដឹកនាំ​របស់ស្ថាបនិក​ក្រុមហ៊ុន។

លើសពីនេះទៅទៀត ខាំ-ផែន ក៏ជាក្រុមហ៊ុនក្នុងស្រុកមួយ ដែលមានផលិតផលអាច​ប្រកួតប្រជែង​ជាមួយ​ក្រុមហ៊ុន​លំដាប់ថ្នាក់អន្តរជាតិ ដែលមានអាយុរាប់រយឆ្នាំបាន។

ការ​ទទួលស្គាល់​ជា​អន្តរជាតិ

នៅក្នុងឆ្នាំ ២០១៧ ក្រោម​កិច្ចសហការ​រវាង​អង្គការផលិតភាព​អាស៊ី (APO) ជាមួយ​មជ្ឈមណ្ឌល​ផលិតភាពជាតិ (NPCC) របស់ក្រសួងឧស្សាហកម្ម និងសិប្បកម្មកម្ពុជា ក្រុមហ៊ុន ខាំ-ផែន បាន​ទទួល​វិញ្ញាបនបត្រ​លើប្រព័ន្ធគ្រប់គ្រង​​គុណភាព ISO 9001:2015។

នៅចុងឆ្នាំ២០១៨ ខាំ-ផែន បានទទួលវិញ្ញាបនបត្រពានរង្វាន់ស៥ ពីក្រសួងឧស្សាហកម្ម និង​សិប្បកម្មកម្ពុជា។ នៅចុងឆ្នាំ២០១៩ ត្រូវបាន​ជ្រើសរើស​ជាក្រុមហ៊ុន​គំរូ​ដើម្បីអនុវត្តប្រព័ន្ធផលិតកម្មលីន (LEAN Manufacturing)។

អំពីផលិតផល​

គ្រប់ផលិតផលរបស់ក្រុមហ៊ុន ត្រូវបានផលិតឡើងក្រោមបច្ចេកវិទ្យា និងស្តង់ដារចម្រុះពីប្រទេស អាឡឺម៉ង់ អាមេរិក សិង្ហបូរី និងជប៉ុន។ ភាគច្រើន​នៃ​វត្ថុធាតុ​ដើម ​ត្រូវបាននាំចូលពីប្រទេស អាឡឺម៉ង់ អាមេរិក​​ និងសិង្ហបូរី។ រាល់ការអភិវឌ្ឍន៍​ផលិតផលថ្មីនីមួយៗ ត្រូវស្ថិតក្រោមការស្រាវជ្រាវ និង​ការពិសោធន៍​យ៉ាងច្បាស់លាស់​របស់​ផ្នែកស្រាវជ្រាវ និង​អភិវឌ្ឍ ចាប់​ពីរយៈពេល ០៦-១២ ខែ។

មក​ដល់​បច្ចុប្បន្ន ក្រុមហ៊ុន​បានផលិតផលិតផលជាង៣០មុខផ្សេងៗគ្នា ដែល​ក្នុងនោះ​ត្រូវបាន​បែងចែក​ជា ៤ប្រភេទ ធំៗ​ដូចខាងក្រោម ៖

១. ថ្នាំលាបលម្អប្រភេទលាយទឹក

២. ថ្នាំលាបលម្អប្រភេទលាយប្រេង

៣. ផលិតផលជាពពួកបាយអស្ងួត

៤. ផលិតផលគីមីសំណង់

The post ជិត ៣០ ឆ្នាំ​មុន បុរស​ខ្មែរ ៣ នាក់ ផ្តួចផ្តើម​បង្កើត​ថ្នាំពណ៌​​ជាតិ​ ​ប្រជែង​ថ្នាំ​ពណ៌នាំ​ចូលពីក្រៅប្រទេស appeared first on .

សាខាដំបូង​​​ផ្សារ​ទំនើប​ឡាក់​គី​ បើក​នៅ​លើ​ផ្លូវ​ព្រះសីហនុ ដែល​បាន​បម្រើ​ការ​ជូន​អតិថិជន នូវ​ផលិតផល​ដែល​មាន​គុណភាព​ខ្ពស់​លើ​ទំនិញ​ស្រស់ និង​មាន​ផលិតផល​ជាច្រើន​មុខ​ទៀត​ទាំង​នាំ​ចូល​និង​នៅ​ក្នុង​ស្រុក។

ឡាក់គី​បើក​ដំណើរ​ការ​ផ្សារ​ទំនើប​ និង​ផ្សារ​អ៊ិច​ប្រេស​មក​ដល់​ពេល​នេះ​មាន​ជាង ៥៥ ទីតាំង នៅ​ទូទាំង​ប្រទេស និង​ផ្តល់​ការងារ​ដល់​បុគ្គលិក​ជាង ១៣០០ នាក់។ ជា​ហាង​លក់រាយ​ឈានមុខ​គេ​នៅ​កម្ពុជា ឡាក់​គី​ផ្តល់​​ជូន​នូវ​ប្រភេទ​អាហារ​ស្រស់​ គ្រឿង​ទេស​ និង​ផលិតផល​ជាច្រើន​ដែល​មាន​ម៉ាក​នាំចូល​ និង​ផ្តាច់មុខ​ជាច្រើន ដែល​មាន​លក់​តែ​នៅ​ឡាក់គី​នៅ​កម្ពុជា។ ហាង​ឡាក់គី​នៅតែ​បន្ត​ពង្រីក​ក្នុងទីក្រុងភ្នំពេញ និង​បណ្តា​ខេត្ត​មាន​​​សៀមរាប និង​បាត់ដំបង។

ឌីអេហ្វអាយឡាក់គីប្រាយវេត​លីមីតធីត

ឌីអេហ្វអាយឡាក់គីប្រាយវេត​លីមីតធីត ជាក្រុមហ៊ុនបណ្តាក់ទុនរួមគ្នារវាងឡាក់គី​ម៉ាឃីត​គ្រុប និង​ឌីអេហ្វអាយរីថែលគ្រុប នៅថ្ងៃទី ៨ ខែមីនាឆ្នាំ ២០១២។ ឌីអេហ្វអាយរីថែលគ្រុប (“ គ្រុប”) គឺជាក្រុមហ៊ុនលក់រាយឈានមុខគេនៅអាស៊ី។

នៅថ្ងៃទី ៣០ ខែមិថុនាឆ្នាំ ២០២១ គ្រុបមានប្រតិបត្តិការហាងជាង ១០,០០០ កន្លែង។ ក្រុមហ៊ុនមេរបស់​គ្រុបគឺ Dairy Farm International Holdings Limited ដែលមានទីតាំងនៅទីក្រុង Bermuda និងមានការចុះបញ្ជីជាស្តង់ដារនៅផ្សារហ៊ុន​ London Stock Exchange ហើយក៏មានចុះបញ្ជីនៅផ្សារហ៊ុន Bermuda និង Singapore។ អាជីវកម្មរបស់គ្រុប ត្រូវបានគ្រប់គ្រងពីទីក្រុងហុងកុងដោយក្រុមហ៊ុន Dairy Farm Management Services Limited តាមរយៈការិយាល័យប្រចាំតំបន់របស់ខ្លួន។

ឌីអេហ្វអាយរីថែលគ្រុបគឺជាសមាជិកនៃ Jardine Matheson Group។

គោលដៅ

គោលដៅ​ផ្សារ​ឡាក់គី គឺ​ផ្តល់​ជូន​អតិថិជន​នៅ​ទូទាំង​អាស៊ី​នូវ​ផ្សារ​មួយ​ដែល​ពួកគេ​ទុក​ចិត្ត តាម​រយ:​គុណភាព សេវាកម្ម និង​គុណប្រយោជន៍។

គុណ​តម្លៃ

ដោយ​ឡែក​គុណ​តម្លៃ​វិញ ឡាក់គី​តែងតែ​យល់ថា អតិថិជន​សំខាន់​ជាង​អ្វីៗ​ទាំងអស់។ យើង​គោរព​គ្នា​ទៅវិញ​ទៅមក យើង​យកចិត្តទុកដាក់​អស់​ពី​ចិត្ដ យើង​ធ្វើ​រឿង​ត្រឹមត្រូវ៕

The post ផ្សារ​ទំនើបឡាក់គី បង្កើត​ដំបូង​តាំង​ពី​ឆ្នាំ១៩៩៣ ជិត ៣០ ឆ្នាំ​ពង្រីក​សាខា​ ៥៥ ទីតាំង​ទូទាំង​ប្រទេស appeared first on .

វត្តមាន​នៃមីជាតិ​គឺជា​មោទនភាព​ថ្មី​របស់​កម្ពុជា​ក៏ដូចជា​ប្រជាជន​ខ្មែរ​ ដែល​មាន​ស្លាក​យីហោ​មីក្នុងស្រុក​តំណាង​ឲ្យ​ផលិតផល​ជាតិ​។

ដំណើរការផលិត”មីជាតិ”

​មី​ជាតិ​ ​ត្រូវ​បាន​ផលិត​ដោយ​ប្រើ​បច្ចេកវិទ្យា​ ​និង​ម៉ាស៊ីន​ជប៉ុន​ទំនើប​ចុងក្រោយ​ ​ព្រម​ជាមួយ​កម្មវិធី​​គ្រប់គ្រង​ ​និង​ពិនិត្យ​យ៉ាង​ម៉ត់ចត់​ ​នៅ​គ្រប់​ដំណាក់កាល​នៃ​សង្វាក់​ផលិតកម្ម​ ​ចាប់តាំង​ពី​គ្រឿង​ផ្សំ​ ​ដំណើរការ​ផលិត​ ​និង​កា​រវេច​ខ្ចប់​ដើម្បី​ទទួល​បាន​នូវ​ផលិតផល​សម្រេច​ប្រកបដោយ​គុណភាព​ស្ដង់​ដារ​ ​និង​សុវត្ថិភាព​។ មី​ជាតិ​ប្រើប្រាស់​វត្ថុធាតុដើម ​ដែល​មានគុណ​ភាព​ខ្ពស់​​​​​​​​​​​​​​​​​​​​​​​​ សម្រិតសម្រាំង​ទាំង​ក្នុងស្រុក​ ​និង​ក្រៅ​ប្រទេស​។​ ម្សៅសាលី​ ​ស្ករ​ ​ខ្ទឹម​ ​ម្រេច​ ​ឈើអែម​ ​ប្រេង​រុក្ខជាតិ​ ​និង​ម្សៅស៊ុប​​ត្រូវ​បាន​នាំចូល​ពី​ប្រទេស​ ​អូ​ស្រ្ដា​លី​ សឹង្ហ​បុរី​ ​ថៃ​ ​និង​ ​ម៉ាឡេស៊ី​។

មីជាតិ ស្នាដៃខ្មែរ រសជាតិខ្មែរ

មី​ជាតិ​ ​ជា​ផលិតផល​រសជាតិ​បែប​ខ្មែរ​ដំបូង​គេ​ ​ផលិត​ដោយ​អ្នកជំនាញ​ខ្មែរ​។​ ​មី​ជាតិ​ ត្រូវបានផលិតដោយមានរសជាតិ​បីជម្រើស គឺមីជាតិខគោ មីជាតិសាច់ជ្រូកចិញ្រ្ចាំ និងមីជាតិស៊ុបមាន់ ដែលរសជាតិទាំងបីនេះ ត្រូវបានឆ្លងកាត់ការពិសោធស្រាវជ្រាវយ៉ាងហ្មត់ចត់បំផុត ដើម្បីឲ្យសមស្របទៅតាមបែបបទរសជាតិខ្មែរ និងការពេញនិយមរបស់ប្រជាជនខ្មែរ ​ដូច​ទៅ​នឹង​ពាក្យស្លោក​របស់​មី​ជាតិ​ ដែល​ថា​ “ស្នាដៃ​ខ្មែរ​ រសជាតិ​ខ្មែរ​”។

មី​ជាតិ​​ឆ្ពោះទៅ​កាន់​ទី​ផ្សារ​អន្តរជាតិ​

ស្រប​ពេល​មានការ​ទទួលស្គាល់​លើ​គុណភាព​ ​និង​រសជាតិ​ឆ្ងាញ់​  ​មី​ជាតិ​ជា​ផលិត​មី​កញ្ចប់​​ខ្មែរ​ដំបូង​គេ​ ​បាន​នាំចេញ​ផលិតផល​​ទៅកាន់​ទី​ផ្សារ​ប្រទេស​វៀតណាម​។​ ​នេះ​ជា​វឌ្ឍនភាព​ថ្មី​ដ៏​អស្ចារ្យ​មួយទៀត​ក្នុង​ការពង្រីក​វិសាលភាព​ផលិតផល​ខ្មែរ​ចូលក្នុង​ទី​ផ្សារ​ថ្នាក់​តំបន់​។​

​កា​របើក​ទំព័រ​នៃ​ដំណើរ​ថ្មី​របស់​ផលិតផល​មី​ជាតិ​ ​​ឆ្លុះបញ្ចាំង​ពី​ការ​ជឿជាក់​លើ​គុណភាព​ផលិតផល​មី​ជាតិ​ ​នៅ​ក្នុង​ក​ម្រិ​ត​ស្តង់​អន្តរជាតិ​មួយ​ ​ស្រប​ជាមួយ​តម្រូវ​ការ​ទី​ផ្សារ​ក្នុង​ប្រទេសជិតខាង​ផង​ដែរ​។ សម្រាប់​ផលិតផល​មី​ជាតិ​ក្នុង​ការ​បង្ហាញ​ខ្លួន​លើ​ទី​ផ្សារ​អន្តរជាតិ​ ​​ក៏ស្របពេល​ដែល​​មី​របស់ខ្មែរ​នេះបាន​ការ​ទទួលស្គាល់​រួចជាស្រេច​ពីសំណាក់​ប្រជាជន​​កម្ពុជា​​។​

មីជាតិ ជា​មីកញ្ចប់ខ្មែរដំបូងគេ ទទួលបានវិញ្ញាបនបត្រស្តង់ដារអន្តរជាតិពីចក្រភពអង់គ្លេស

មីជាតិជា​មីកញ្ចប់ខ្មែរដំបូងគេ ដែលទទួលបានវិញ្ញាបនបត្រស្តង់ដារអន្តរជាតិ ពីចក្រភពអង់គ្លេសនៅឆ្នាំ២០២២។ ស្ថាប័នវិញ្ញាបនបត្រស្តង់ដារអន្តរជាតិ SGS បានបញ្ជាក់​ថា មីជាតិ​ជា​ផលិតមីកញ្ចប់ឆ្អិនស្រាប់ទីមួយនៅប្រទេស​កម្ពុជា ដែលបានអនុវត្តតាមបទដ្ឋានចំណីអាហារអន្តរជាតិ រហូតទទួលបានការធ្វើសវនកម្មខាងក្នុងនិងខាងក្រៅ ជាប់ជាស្ថាពរ និងទទួលបានវិញ្ញាបនបត្របញ្ជាក់ GHPs, HACCP និង ISO 9001:2015 ទទួលស្គាល់ពីស្ថាប័ន SGS និង UKAS។ ការទទួលស្គាល់នេះនឹងធ្វើឲ្យដៃគូអាជីវកម្ម អ្នកប្រើប្រាស់ និងពិសាផលិតផលមីជាតិ កាន់តែមានទំនុកចិត្ត ទៅលើផលិតផល គុណភាព អនាម័យនៃ​ផលិតផលមីជាតិ។

សាររបស់អគ្គនាយិកាប្រតិបត្តិក្រុមហ៊ុន

​លោកជំទាវ ជីង សុគន្ធាវី អគ្គនាយិកាប្រតិបត្តិក្រុមហ៊ុន វ័នម៉រ មេនូហ្វេកឆឺរីង បានថ្លែង​ថា មី​ជាតិ​ ជា​ម៉ាក​ផលិតផល​មី​របស់​ប្រជាជន​ខ្មែរ​ផ្ទាល់​ ជាមួយ​នឹង​ផលិតផល​គុណភាព​ខ្ពស់​ មាន​រសជាតិ​បែប​ខ្មែរ​ សម្រាប់​ប្រជាជន​ខ្មែរ។ មី​ជាតិ​ ចាប់ផ្តើម​ឡើង​ពី​ក្តី​សុបិន​មួយ​ ដើម្បី​បង្កើត​នូវ​រស​និយម​អាហារ​ដែល​ឈ្ងុយឆ្ងាញ់​របស់​ខ្មែរ​ពិតប្រាកដ​។ ថ្ងៃនេះ​ យើង​បានសម្រេច​ក្តី​សុបិន​មួយ​នេះ​។ យើង​មាន​មោទនភាព​ខ្លាំង​ណាស់​ ដែល​បាន​បង្កើត​នូវ​រសជាតិ​មី​បី​ប្រភេទ​ខុស​ៗគ្នា​គឺ​ សាច់​ជ្រូក​ចិញ្ច្រាំ​ ស៊ុប​មាន់​ និង​ខគោ​ ដែល​ជា​រសជាតិ​បែប​ខ្មែរ​ដំបូង​គេ​នៅក្នុង​ប្រទេស​កម្ពុជា។

លោកជំទាវ​បាន​គូស​បញ្ជាក់​បន្ថែម​ថា គ្មាន​អ្នកណា​ គាំទ្រ​ផលិតផល​ខ្មែរ​ក្រៅពី​ខ្មែរ​នោះ​ទេ​។ ដូច្នេះ​ ដើម្បី​ការ​រីកចម្រើន​របស់​ខ្មែរ​ ដើម្បី​កូនចៅ​ជំនាន់​ក្រោយ​របស់​ខ្មែរ​ និង​ដើម្បី​មោទនភាព​កិត្តិយស​របស់​ខ្មែរ​ យើង​ជា​កូនខ្មែរ​ត្រូវ​គាំទ្រ​ និង​រួមគ្នា​ជួយ​លើកកម្ពស់​ផលិតផល​ខ្មែរ​នៅ​លើ​ទីផ្សារ​ ​ដើម្បី​វឌ្ឍនភាព​របស់​កម្ពុជា​។​

គួរ​បញ្ជាក់ថា ក្រុមហ៊ុន វ័នម៉រ មេនូហ្វេកឆឺរីង ដែលជាក្រុមហ៊ុនផលិតមីជាតិ បង្កើតឡើងក្នុងឆ្នាំ២០១៩ ជាបុត្រ​សម័្ពន្ធ​របស់​ក្រុមហ៊ុន វ័ន ម៉រ លីមីធីត រួមមាន ក្រុមហ៊ុន អិន វី ស៊ី ខបភើរេសិន (ផលិតទឹកពិសាវីតាល់) ក្រុមហ៊ុន វ័ន ម៉រ មេនូហ្វេកឆឺរីង (ផលិតមីជាតិ) ក្រុមហ៊ុន វ័ន ហ្វ្រេតធើនីធី ភោជនីយដ្ឋាន វ័ន ម៉រ និងសហគ្រាសឱសថកម្ពុជា៕

The post ស្គាល់​ប្រវត្តលម្អិត មីជាតិ​​យីហោ​មីខ្មែរ​ទីពីរ​វាយលុកទីផ្សារ​កម្ពុជា appeared first on .

កេរ្តិ៍ឈ្មោះ​ផាក កាហ្វេ​ ត្រូវ​បាន​ការ​ទទួលស្គាល់​ពីមហាជន ក្រៅ​ពី​ជា​ស្លាក​យីហោអាជីវកម្ម​អាហារ​ក្នុងស្រុក គឺ​ជាភោជនីដ្ឋាន​ខ្មែរ​ទី១ ​ដែលបម្រើអាហារគ្មានប៊ីចេង​លើ​គ្រប់មុខម្ហូប។

ដោយទទួលយកឥទ្ធិពលពីរបៀបចម្អិនអាហារប្រពៃណីខ្មែរ ផាកកាហ្វេមានគោលបំណងលើកស្ទួយផ្សព្វផ្សាយអាហារប្រពៃណីខ្មែរ និងអាហារសុខភាពជូនអតិថិជន។ អតិថិជនគោលដៅរបស់ហាងផាក កាហ្វេ គឺជាប្រជាជនមានចំណូលមធ្យមនិងខ្ពស់។

បេសកកម្ម ផាក​​ កាហ្វេ​ គឺ​មោទនភាពផលិតម្ហូបអាហារដ៏ល្អឥតខ្ចោះ ព្រមជាមួយសេវាកម្មពោរពេញ​ដោយសុជីវធម៌និងរហ័សដល់អតិថិជន។ ជាមួយ​គ្នា​នេះ ភោជនីយដ្ឋាន​ខ្មែរ​នេះ​ក៏​ប្រកាន់​ទស្សនៈវិស័យ ប្រែក្លាយ​ទៅ​ទៅជាក្រុមហ៊ុនខ្សែសង្វាក់ម្ហូបអាហារឈានមុខគេក្នុងប្រទេស​កម្ពុជា ដោយធ្វើ​ឲ្យ​ល្អប្រសើរបំផុតនូវគុណតម្លៃ និងសុខមាលភាពរបស់ដៃគូរអាជីវកម្ម។

ផាក កាហ្វេ រក្សា​ គុណតម្លៃចំនួន ៨ ចំណុច​គឺ អតិថិជនជាចម្បង សុវត្ថិភាពចំណីអាហារ ទំនួលខុសត្រូវសង្គម គំនិតច្នៃប្រឌិត ការអភិវឌ្ឍមនុស្ស ភាពជាដៃគូ ស្តង់ដារប៊្រែន (និតិវិធីប្រតិបត្តិការស្តង់ដារ) និង​ផ្តោតសំខាន់លើលទ្ធផល។

ផាក កាហ្វេ ទទួលការ​វិនិយោគ​ទុនពីក្រៅប្រទេស

ផាក កាហ្វេ ដែល​បង្កើតឡើងដោយក្រុមហ៊ុនយីហោ​ក្នុង​ស្រុក បាន​ទទួលការវិនិយោគពីក្រុមហ៊ុនបរទេសបន្ថែមទៀត។ Emerging Markets Investment Pte Ltd (EMI) ជាក្រុមហ៊ុនវិនិយោគដែលគ្រប់គ្រងមូលនិធិដែលបានចុះឈ្មោះនៅលុចសំបួ គឺមូលនិធិអភិវឌ្ឍន៍កម្ពុជា – ឡាវ (CLDF) បានទិញភាគហ៊ុន ហើយ​កាន់កាប់ភាគហ៊ុន ៣៧.៥ ភាគរយនៅក្នុងផាកកាហ្វេ។ នៅសល់គឺជាកម្មសិទ្ធិរបស់វិនិយោគិនក្នុងស្រុក។

ក្រុមហ៊ុនយូណាយធីដ ហ៊្វូដ ខុមភេនី (យូ អេហ្វ ស៊ី) United Food Company

ក្នុងគោលបំណងផ្តល់ជូនការពិសាអាហារសុខភាពឈ្ងុយឆ្ងាញ់ក្នុងបរិយាកាសរំភើបកម្រិតពិភពលោកជូនប្រជាជនកម្ពុជា ក្រុមហ៊ុនយូណាយធីដ ហ៊្វូដ ខុមភេនី (យូ អេហ្វ ស៊ី) បង្កើតឡើងក្នុងឆ្នាំ២០២០ គឺជាក្រុមហ៊ុនផ្តត់ផ្គង់អាហារ គ្រប់គ្រងដោយភាគហ៊ុនធំដោយ V-Trust Group Singapore និង EMIA Investments Cambodia ។ យូ អេហ្វ ស៊ី គឺជាម្ចាស់គ្រប់គ្រង​លើ​ម៉ាកភោជនីយដ្ឋាន ផាក កាហ្វេ និង​ Pizza Hut។

គោលដៅ​បន្តបន្ទាប់

ផាក កាហ្វេ​ គ្រោង​ពង្រីកអាជីវកម្មឲ្យ​ដល់ ១០០ ហាង​នៅទូទាំងប្រទេស​នៅឆ្នាំ ២០២៥ ។ គិត​ត្រឹមឆ្នាំ​ ២០២០ ភោជនីយដ្ឋាន ផាក កាហ្វេ មានសាខា ១៥ នៅ​រាជធានីភ្នំពេញ ខេត្តកំពង់ចាម និងខេត្តព្រះសីហនុ។

ជាមួយគ្នានេះ ក្រុមហ៊ុនម្ហូបអាហារនិងភេសជ្ជៈក្នុងស្រុក មាន​ចម្ការកាហ្វេដោយ​ខ្លួន​ឯង​នៅក្នុងខេត្តមណ្ឌលគីរី ដើម្បីផលិតកាហ្វេសម្រាប់ភោជនីយដ្ឋានផ្ទាល់ខ្លួន និងជួយកាត់បន្ថយការពឹងផ្អែកលើផលិតផលដែលនាំចូល៕

The post ផាក កាហ្វេ ភោជនីយដ្ឋាន​ខ្មែរ​ទីមួយ​បម្រើអាហារអត់ប្រើ​ប៊ីចេង បង្កើត​ឡើង​ជិត ២០ ឆ្នាំ appeared first on .

ផ្សារទំនើប K Mall ផ្តល់នូវបរិយាកាសដ៏ល្អឥតខ្ចោះ ដើម្បីបំពេញតម្រូវការរបស់អតិថិជន និង ផ្គត់ផ្គង់នូវទំនិញជាច្រើនមុខ ពីហាងល្បីៗក្នុងស្រុកដូចជា ផ្សារទំនើប ឡាក់គី (Lucky Supermarket) ហាងសម្លៀកបំពាក់ ហ្សិនដូ (Zando) និង ហាងស្បែកជើង ណាតា (Nata Footwear) ប្រោន (Brown Coffee) ឡាក់គីបឺហ្គឺរ ( Lucky Burger) រោងភាពយន្ត លេជេន (Legend Cinema) ដែលសុទ្ធសឹងជាហាងយីហោធំៗដែលមានវត្តមានដំបូងគេនៅមហាវិថី វេង ស្រេង។

ផ្សារទំនើប K Mall គឺជាផ្នែកមួយនៃ KMH Park ដែលជាផែនការអភិវឌ្ឍន៍ថ្មីមួយរបស់ក្រុមហ៊ុន Urbanland ជាសមាជិកមួយរបស់សម្ព័ន្ធក្រុមហ៊ុន ISI GROUP។ ក្នុងដំណាក់កាលទី១ គម្រោងអភិវឌ្ឍន៍លើទំហំដី ៦ ហិកតានេះរួមមាន ផ្ទះអាជីវកម្មទំនើបចំនួន៤០ខ្នង ផ្សារទំនើប K Mall កម្ពស់ ៣ជាន់ អគារការិយាល័យកម្ពស់ ៩ជាន់ តារាងបាល់ទាត់ និងសួនលម្ហែកាយ។

គម្រោងទាំងនេះ ក្រុមហ៊ុនចក្ខុវិស័យផ្តល់ជូនប្រជាពលរដ្ឋកម្ពុជាគ្រប់រូបនូវកន្លែងមួយដែលពួកគាត់អាចរស់នៅក៏បាន ធ្វើការក៏បាន និងលម្ហែកាយក៏បាន ជាលក្ខណៈសហគមន៍ចម្រុះមួយដែលជាបណ្ដុំនៃលំនៅឋាន ការិយាល័យពាណិជ្ជកម្ម កន្លែងលក់ដូរ និងសួនលម្ហែកាយធម្មជាតិ ក្នុងផែនការអភិវឌ្ឍចម្រុះដ៏ទូលំទូលាយ។

Urbanland ត្រូវបានបង្កើតឡើងក្នុងឆ្នាំ ២០១៣ ដោយស្ថាបត្យករខ្មែរ លោក កាំង ហុក។ លោកអគ្គនាយកប្រតិបត្តិ និងស្ថាបនិកក្រុមហ៊ុន អឺបេនលែន។

Urbanland ក៏ជាសមាជិកមួយនៃសហព័ន្ធក្រុមហ៊ុន ISI GROUP ហើយទទួលបានកេរ្តិ៍ឈ្មោះក្នុងនាមជាក្រុមហ៊ុនអភិវឌ្ឍន៍ពេញលេញ ដោយមានទំនោរពិសេសមួយសម្រាប់គំនិតកែច្នៃជីវភាពប្រកបដោយសោភ័ណភាពទាក់ភ្នែក ដូចដែលអាចមើលឃើញ តាមរយៈគម្រោងអភិវឌ្ឍន៍ដែលជាប់ជ័យលាភីរួមមាន Raintree (ពាណិជ្ជកម្ម), Embassy Residences and Embassy Central (ខុនដូបែបប្រណីត) និងសណ្ឋាគាររចនាម៉ូដបែបប្រណីតដំបូងគេនៅក្រុងសៀមរាប Treeline Urban Resort៕

The post សហគ្រិនខ្មែរម្នាក់បង្កើតផ្សារទំនើបលើដីទំហំ ៦ហិចតាផ្តោតលើគំនិតច្នៃប្រឌិត និងបរិស្ថាន appeared first on .

ចាប់ផ្តើមដំណើរការ​កាលពី​ឆ្នាំ​២០១៧ ដែលមានរោងចក្រ​នៅ​សង្កាត់ព្រៃស ខណ្ឌ​ដង្កោ។ ក្រៅពី​ជំនាញ​ខាង​ផលិតភេសជ្ជៈប៉ូវ​កម្លាំង ក្រុមហ៊ុន​វិនិយោគ​ក្នុង​ស្រុក​នេះ​​ទទួលបានការទទួលស្គាល់ជាផ្លូវការពីស្ថាប័នជាតិ និង អន្តរជាតិ ព្រមទាំងទទួលបានវិញ្ញាបនបត្របញ្ជាក់ស្តង់ដារផលិតផលហាឡាលកម្ពុជាផងដែរ។

ដំណើរការចាប់ផ្តើម​បង្កើត​រោងចក្រ

រោងចក្រផលិតភេសជ្ជនេះបានចាប់​ផើ្ដមសាងសងឡើងតាំងពីឆ្នាំ២០១៥ ដោយបានបំពាក់នូវឧបករណ៍ថ្មីៗ ទំនើបៗដែលនាំចូលពីក្រៅប្រទេស និងបានបញ្ចប់ការសាង​សងនៅក្នុងខែកុម្ភៈ ឆ្នាំ២០១៧។ រោងចក្រនេះបានចំណាយទុនសាងសង់​ប្រមាណជាង ១០ លានដុល្លារអាមេរិក ដែលជាទុនវិនិយោគផ្ទាល់របស់ក្រុមហ៊ុន ដោយពុំមានរួមសហការជាមួយដៃគូរក្នុងប្រទេស ឬក្រៅប្រទេសឡើយ។

រោងចក្រមានសមត្ថភាពអាចផលិតភេសជ្ជៈកំប៉ុងដោយម៉ាស៊ីនស្វ័យប្រវត្តក្នុង ១ ម៉ោងបានចំនួន ១៥០០ កំប៉ុងស្មើនឹង ៦២៥ កេះ។

ទស្សនៈវិស័យ​ក្រុមហ៊ុន

ទស្សនៈ​វិស័យ​របស់​ក្រុមហ៊ុន​អង្គរ​ដេលី​ហ៊្វូដ គឺ​នឹង​​ប្រែក្លាយ​ជា​ក្រុមហ៊ុន​ភេសជ្ជៈ​ឈាន​មុខ​គេ​លើ​ទីផ្សារ​កម្ពុជា ដោយ​ផ្គត់ផ្គង់​នូវ​ទឹកផ្លែ​ឈើ និង​ភេសជ្ជៈ​ប៉ូវ​កម្លាំងដែល​មាន​គុណ​ភាព​ខ្ពស់។​

ចក្ខុវិស័យ

ចក្ខុវិស័យ​របស់​ក្រុមហ៊ុន​​ ​ជម្រុញ​ប្រកប​ដោយ​ឆន្ទៈ​មោះ​មុត​ក្នុង​ការបង្កើតនូវ​អ្វី​ដែល​ល្អ​បំផុត។

បេសកកម្ម

ផ្តល់​ជូន​ផលិត​ផលប្រកប​ទៅ​ដោយ​សុវត្ថិភាពនិង​ភាព​ជឿ​ទុកចិត្ត ដល់​អតិថិជន​នៅ​ទូទាំង​ ២៥ ខេត្ត​ក្រុងទូទាំង​ប្រទេស​ និង​នាំ​ចេញ​ទៅ​ក្រៅ​ប្រទេស។

ត្រួតពិនិត្យជា​ទៀងទាត់​ដោយ​មន្រ្តី​​សុខាភិបាល

រាល់​ភេសជ្ជៈ​គ្មាន​ជាតិ​អាល់កុល ដែល​ផលិត​ទ្បើង​ដោយក្រមហ៊ុន​អង្គរ​ដេលីហ៊្វូដ ធានា​បាន​គុណភាព​ខ្ពស់​ដើម្បី​បំពេញ​តម្រូវការ​របស់​អតិថិជន។ ជា​ផលិតផល​​ក្នុងស្រុក ដែល​ត្រូវ​បាន​ពិនិត្យ​ជា​ទៀងទាត់​ដោយ​មន្ត្រី​សុខាភិបាល និង​ឆ្លងកាត់​មន្ទីរ​ពិសោធន៍​លើ​​ដំណើរ​ការផលិត​យ៉ាង​ត្រឹមត្រូវ។

ជា​រោងចក្រផលិតអាហារហាទ្បាល ទទួលស្គាល់ជាផ្លូវការពីស្ថាប័នជាតិនិងអន្តរជាតិ ​

ក្រុមហ៊ុន អង្គរ ដេលី ហ៊្វូដ ជាក្រុមហ៊ុនផលិតនិងចែកចាយទឹកផ្លែឈើ និងភេសជ្ជៈប៉ូវកម្លាំង  ទទួលបានការទទួលស្គាល់ជាផ្លូវការពីស្ថាប័នជាតិនិងអន្តរជាតិ ព្រមទាំងទទួលបានវិញ្ញាបនបត្រ បញ្ជាក់ស្តង់ដារផលិតផលហាឡាលកម្ពុជាផងដែរ។ 

ផលិតផលរបស់ក្រុមហ៊ុន Angkor Daily Food

ផលិតផលរបស់ក្រុមហ៊ុន Angkor Daily Food រួមមានទឹកផ្លែ​ឈើ​ម៉ាក 1-2 Drink ទឹកផ្លែឈើម៉ាក Selfy និង​ភេសជ្ជៈប៉ូវកំម្លាំងម៉ាក Champion, Red Ant និង Missile។

សាររបស់លោកជំទាវ ម៉ែន សំអន

លោកជំទាវ ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងរដ្ឋសភា ព្រឹទ្ធសភា និងអធិការកិច្ចការថ្លែងនាឱកាសសម្ពោធ​បើកដំណើការក្រុមហ៊ុនផលិតភេសជ្ជៈ Angkor Daily Food កាលពី​ខែ​តុលា ឆ្នាំ២០១៧ ថា ការបង្កើតរោងចក្រនេះពិតជាចូលរួមចំណែកយ៉ាងសំខាន់ ក្នុងការអភិវឌ្ឍន៍សេដ្ឋកិច្ចជាតិលើផ្នែកឧស្សាហកម្ម និងសិបប្បកម្ម ដោយបានផលិតចេញជាផលិតផលប្រកប​ដោយ​ផលិតភាព សុវត្ថិភាព ជួយទ្រទ្រង់សុខភាពអ្នកប្រើប្រាស់​ផង ព្រមទាំងជួយផ្ដល់ការងារ និងផ្ដល់ចំណូលដល់កម្មករ និងបុគ្គលិកជាច្រើននាក់ថែមទៀត។

សាររបស់​លោក លោក សាន លុច អគ្គនាយកក្រុមហ៊ុន ផលិតភេសជ្ជៈ Angkor Daily Food

«ដើម្បីឲ្យចង្វាក់ផលិតកម្មផលិតចេញនូវផលិតផល ដែលមានគុណភាពខ្ពស់កម្រិតស្ដង់ដារអន្ដរជាតិ យើងខ្ញុំបានបណ្ដុះបណ្ដាលជំនាញវិជ្ជាជីវៈកម្រិតខ្ពស់ដល់កម្មករជំនាញ»៕

The post ​​អង្គរ ដេលីហ៊្វូដ ក្រុមហ៊ុន​ផលិត​ភេសជ្ជៈ​ក្នុង​ស្រុក​ដ៏​ធំ​មួយ​ មាន​ប្រវត្តិ​បង្កើត​ឡើងជាង ៥ ឆ្នាំ​ appeared first on .

ទន្ទឹមនឹងការរីកចម្រើនរបស់ប្រទេសកម្ពុជា ក្រុមហ៊ុនបានពង្រីកអាជីវកម្មលើវិស័យយានយន្ត, កសិកម្ម, ឧបករណ៍ធុនធ្ងន់, ដំណោះស្រាយឧស្សាហកម្ម, សេវាកម្មហិរញ្ញវត្ថុ, សេវាកម្មជួលរថយន្ត, និងអាជីវកម្មម្ហូបអាហារ។

​ក្រុមហ៊ុន RMA Cambodia ដែលមានលោក​ងន សាំង ជាអគ្គនាយក មាន​​ក្រុមហ៊ុន​ចម្រុះ​វិស័យ​​ស្ថិត​នៅ​ក្រោម​បុត្រ​សម្ព័ន្ធ​របស់​ខ្លួនមាន​ដូចជា៖

-ក្រុមហ៊ុនដែល​នាំចូលផ្តាច់មុខ​រថយន្តម៉ាក FORD, JAGUAR LAND ROVER, CHANGAN, រថយន្តធុនធ្ងន់ម៉ាក FUSO, គ្រឿងយន្តកសិកម្មម៉ាក JOHN DEERE, គ្រឿងចក្រឧស្សាហកម្មម៉ាក JCB, រថយន្ត និងឧបករណ៍សម្អាតម៉ាក HAKO, ឧបករណ៍លើកដាក់ទំនិញម៉ាក TCM
-ក្រុមហ៊ុន COMIN KHMERE ដែលជាក្រុមហ៊ុនផ្ដល់ដំណោះស្រាយផ្នែកវិស្វកម្ម
-ក្រុមហ៊ុនជួលរថយន្តម៉ាក AVIS និង Budget
-ក្រុមហ៊ុនកង់បីអ៊ីតាលីម៉ាក Piaggio
-ក្រុមហ៊ុនចំណីអាហារ EFG ដែលមានក្រុមហ៊ុន The Pizza Company, Swensen’s, Dairy Queen, Krispy Kreme, Bar B Q Plaza, The Coffee Club និងកម្មវិធីបញ្ជាទិញអាហារ។

គួរ​បញ្ជាក់ថា ​ថ្មីៗ​នេះក្រុមហ៊ុន​ RMA Cambodia បាន​បោះទុន​រាប់​លាន​ដុល្លារ ក្នុងការ​បង្កើត​រោងចក្រដំឡើងរថយន្ត FORD នៅ​ខេត្តពោធិ៍សាត់។ នេះ​គឺជាគំរូរបស់​ក្រុមហ៊ុន RMA ដែលនឹងដើរតួនាទីជាអ្នកត្រួសត្រាយផ្លូវ ដល់ការវិនិយោគដល់​ឧស្សាហកម្ម​ធុន​ធំក្នុងប្រទេស​កម្ពុជា៕

The post មកស្គាល់​ក្រុមហ៊ុនចំណុះ RMA Cambodia សុទ្ធតែ​ក្រុមហ៊ុនធំៗ​នៅប្រទេស​កម្ពុជា appeared first on .