លោក Srettha បាននិយាយទៀតថា បច្ចុប្បន្នធនាគារកណ្តាលរបស់ថៃ (BOT) កំពុងធ្វើការតាមដានយ៉ាងដិតដល់ចំពោះស្ថានភាពនៃការធា្លក់ចុះប្រាក់បាត តែបញ្ហានេះវាហាក់មិនអាក្រក់ទាំងស្រុង សម្រាប់សេដ្ឋកិច្ចថៃនោះឡើយ ពោលគឺវាអាចជួយដល់វិស័យនាំចេញ និងទេសចរណ៍ទៅវិញទេ។

គួរឱ្យដឹងថា ប្រាក់បាតបានធ្លាក់ចុះដល់កម្រិតទាបបំផុត មិនធ្លាប់មានរយ:ពេល ១១ ខែចុងក្រោយ ដោយប្រាក់បាតដូរបាន ៣៧,០៩៥បាត ក្នុងមួយដុល្លារអាមេរិក គិតត្រឹមព្រឹកថ្ងៃអង្គារនេះ ។

ក្រុមប្រឹក្សាអ្នកដឹកជញ្ជូនជាតិរបស់ប្រទេសថៃ ក៏បាននិយាយនៅថ្ងៃអង្គារនេះផងដែរថា សេដ្ឋកិច្ចថៃកំពុងជួបការនាំចេញថយចុះខ្លាំង ដោយត្រូវបានគេមើលឃើញថានឹងធ្លាក់ចុះពី ១% ទៅ ១,៥% នៅឆ្នាំនេះ បើប្រៀបធៀបទៅនឹងការព្យាករពីមុន ១% ដោយសារតែតម្រូវការពិភពលោកចុះខ្សោយ៕

The post រដ្ឋាភិបាលថៃ នឹងមិនធ្វើអន្តរាគមន៍ទៅលើកម្សោយនៃប្រាក់បាតនោះឡើយ appeared first on .

យ៉ាងណាមិញប្រាក់បាតរបស់ថៃ បានធ្លាក់ចុះប្រមាណ ០,៨% ដែលជាកម្រិតទាបបំផុតមិនធ្លាប់មាន ចាប់តាំងពីថ្ងៃទី ៣០ ខែវិច្ឆិកា ឆ្នាំ ២០២២ មក ស្របពេលប្រាក់វ៉ុនរបស់កូរ៉េខាងត្បូង ធ្លាក់ចុះ ០,៣% , ប្រាក់ប៉េសូ របស់ហ្វីលីពីន ធ្លាក់ចុះ ០,២% និងប្រាក់ដុល្លារសិង្ហបុរី ធ្លាក់ចុះ ០,១%។

គួរឱ្យដឹងថាចំពោះការបន្តធ្លាក់ចុះនៃប្រាក់បាតនេះ គឺបានកើតឡើង ដោយសារតែមានការសង្ស័យថា តើបេក្ខភាពបនាំមុខគេរបស់ប្រទេសថៃ អាចនឹងទទួលបានសំឡេងគាំទ្រគ្រប់គ្រាន់ ដើម្បីអាចក្លាយជានាយករដ្ឋមន្ត្រីថ្មី នៅក្នុងសម័យប្រជុំដំបូងរបស់សភាថ្មី នៅសប្តាហ៍ក្រោយនេះ បានដែរឬយ៉ាងណា។

មិនតែប៉ុណ្ណោះ លោក Poon Panichpibool អ្នកយុទ្ធសាស្រ្តទីផ្សាររបស់ធនាគារក្រុងថៃ បាននិយាយថា វាហាក់ដូចជាមានភាពមិនចុះសម្រុងខ្លះ រវាងគណបក្សភឿថៃ និងគណបក្សឈ្នះឆ្នោត ឆ្ពោះទៅមុខ ជុំវិញតំណែងប្រធានសភា ដែលនាំឱ្យឈានទៅដល់មានភាពមិនច្បាស់លាស់ អំពីការបង្កើតរដ្ឋាភិបាលចម្រុះរបស់គណបក្សទាំងពីរ ។

លើសពីនេះ លោក Poon បានបន្ថែមទៀតថា ជុំវិញបញ្ហាទាំងនេះហើយ វាអាចនឹងបង្កឱ្យតម្លៃនៃបាតថៃ នៅក្នុងខែកក្កដាខាងមុខនេះ នឹងប្រឈមមុខជាមួយនឹងការធ្លាក់ចុះបន្ថែមទៀត ៕

The post ប្រាក់បាតថៃ បន្តធ្លាក់ចុះទាបរយ:ពេល ៧ខែជាប់ៗគ្នា appeared first on .