លោក ឆែន ចាន់ដារា អគ្គនាយករោងចក្រចម្រាញ់ប្រេងកន្ទក់ស្រូវផ្កាម្លិះខេត្តបាត់ដំបង បានឱ្យដឹងថាការបង្កើតរោងចក្រក្នុងកម្រិតមធ្យមចម្រាញ់ប្រេងឆាចេញពីវត្ថុធាតុដើមកន្ទក់ស្រូវ នៅខេត្តបាត់ដំបងនេះ គឺដើម្បីឆ្លើយតបទៅនឹងសេចក្តីត្រូវការរបស់ប្រជាពលរដ្ឋកម្ពុជាដែលមានជាតម្រូវការក្នុងការចម្អិនម្ហូបអាហារជាប្រចាំថ្ងៃរបស់ពួកគាត់។ម៉្យាង គឺចង់ចូលរួមជាមួយរាជរដ្ឋាភិបាលក្នុងវិស័យអទិភាពស្រូវអង្ករមួយនេះ គឺធ្វើយ៉ាងណាឱ្យមានការកែច្នៃ និងផលិតទៅជាផលិតផលដែលអាចប្រើប្រាស់សម្រាប់សង្គមក៏ដូចជាប្រជាពលរដ្ឋ។

លោក បន្តថា សមត្ថភាពរបស់រោងចក្រក្នុងការផលិត និងការចម្រាញ់ប្រេងគឺក្នុងរង្វង់៦តោន ទៅ១០តោនក្នុងមួយថ្ងៃ។ក្នុងន័យនេះ វត្ថុធាតុដើមដែលលោកប្រមូលទិញពីតំបន់ខុសៗគ្នានៅក្នុងប្រទេស ដូចជាខេត្តកំពង់ចាម ព្រៃវែង កន្ទក់គឺមានបរិមាណប្រេងតែ១៦ទៅ១៨% ដោយឡែកខាងខេត្តពោធិ៍សាត់ និងបាត់ដំបងមានប្រេងក្នុងបរិមាណរង្វង់ពី១៨ទៅ២០%។ពាក់ព័ន្ធតម្លៃប្រេងកន្ទក់ គឺមានតម្លៃទាបជាងប្រេងដែលនាំចូលពីប្រទេសវៀតណាម និងប្រទេសថៃ ដែលបានចរាចរដាក់លក់លើទីផ្សារកម្ពុជាបច្ចុប្បន្ន ទោះបីជាដាក់លក់លើទីផ្សារប្រទេសគេក៏នៅតែមានតម្លៃថ្លៃជាងផលិតផលរបស់លោក ដែលបានចម្រាញ់ក្នុងស្រុក ដាក់លក់លើទីផ្សារ ជាពិសេសក្នុងរាជធានីភ្នំពេញ និងខេត្តបាត់ដំបងនោះទេ។

ចំពោះទីផ្សារក្នុងស្រុក លោកកំពុងតែធ្វើការយ៉ាងសកម្មក្នុងការយកផលិតផលដែលបានចម្រាញ់ និងផលិតក្នុងស្រុកមួយនេះ គឺដាក់លក់នៅលើតំបន់សំខាន់ៗមួយចំនួន មិនថាជា Supermarket ឬក៏ផ្សារក្រមួននោះទេ។សម្រាប់ទីផ្សារក្រៅស្រុក លោកក៏កំពុងពិភាក្សាជាមួយថ្នាក់ដឹកនាំរបស់ក្រុមហ៊ុនក្នុងប្រទេសម៉ាឡេស៊ី ក្នុងការនាំចេញផលិតផលដែលចម្រាញ់ចេញពីប្រទេសកម្ពុជា ទៅប្រទេសម៉ាឡេស៊ីផងដែរ។

បើនិយាយពីអត្ថប្រយោជន៍ និងគុណប្រយោជន៍របស់ប្រេងកន្ទក់វិញ បើតាមលោក ចាន់ ដារា «យោងតាមអង្គការសុខភាពពិភពលោក បានចាត់ថ្នាក់ការផលិតប្រេងពីកន្ទក់ជាប្រេងសុខភាពមួយក្នុងចំណោមប្រេងសុខភាពដទៃទៀតដែលដាក់លើទីផ្សារធំៗទាំងប៉ុន្មាននៅក្នុងប្រទេស ក៏ដូចជាក្នុងសាកលលោកយើងហ្នឹង។មួយទៀត វិទ្យាស្ថានអន្តរជាតិធំៗក៏បានចាត់ថ្នាក់ថា មានតែប្រេងកន្ទក់មួយទេមានសារធាតុ oryzanol ដែលមានតួនាទីសំខាន់ និងចម្បងបំផុត មានឥទ្ធិពលខ្លាំងណាស់ក្នុងការកំចាត់ខ្លាញ់អាក្រក់ក្នុងសរសៃឈាម ខ្លាញ់ដែលធ្វើឱ្យមនុស្សកើតជំងឺដាច់សរសៃឈាមខួរក្បាល ខ្លាញ់រុំបេះដូង ខ្លាញ់រុំថ្លើម តែម្តង។ចំពោះគុណប្រយោជន៍ដទៃទៀតគឺវា មានសារធាតុស័ង្កសី ដូចនឹងប្រេងដទៃដែរ ម៉្លោះហើយអ្វីដែលខ្ញុំលើកឡើងមិនមានប្រេងណាមានសារធាតុ oryzanol ដូចប្រេងកន្ទក់នោះទេ»។

លោក ឆែន ដារា បានបញ្ជាក់បន្ថែមថា «ចំពោះប្រព័ន្ធផ្នែកសង្វាក់ផលិតកម្ម គឺមិនមានភាពខុសគ្នាខ្លាំងទេបើធៀបទៅនឹងប្រទេសជិតខាងរបស់យើង រួមមានថៃ វៀតណាម វាខុសគ្នាត្រង់មួយថា គេមានការចម្រាញ់ និងផលិតក្នុងបរិមាណធំ ច្រើន ដោយឡែកចំពោះរោងចក្ររបស់ខ្ញុំផលិតក្នុងបរិមាណមួយតូច ហើយក៏ជាដំណាក់កាលដំបូងដែលនៅក្នុងស្រុកយើងដែរ ដែលអាចនិយាយបានថា នៅក្នុងសម័យតេជោសន្តិភាពនេះ មានរោងចក្ររបស់ខ្ញុំតែមួយគត់ ដែលធ្វើការចម្រាញ់ និងប្រើបច្ចេកវិទ្យាដូចទៅនឹងរោងចក្រដទៃនៅក្នុងប្រទេសជិតខាងរបស់យើងដែរ»។

លោក បានគូសបញ្ជាក់ថា «ចំពោះគម្រោងក្នុងការពង្រីកសង្វាក់ផលិតកម្មចម្រាញ់ និងផលិតប្រេងកន្ទក់ទៅថ្ងៃអនាគត លោកគិតថានឹងអាចមានក្នុងរង្វង់ប្រើប្រាស់កន្ទក់ឆៅពី១០០តោន ទៅ១៥០តោនក្នុងមួយថ្ងៃ ក្នុងន័យនេះ យើងអាចបានប្រេងសម្រេចក្នុងរង្វង់ពី២៥តោន ទៅ៣០តោន ក្នុងមួយថ្ងៃ»។

អគ្គនាយករោងចក្រប្រេងឆាកន្ទក់ រូបនេះ បានបញ្ជាក់ថែមទៀតថា លោកក៏នឹងមានគម្រោងចម្រាញ់ប្រេងចេញពីសណ្តែកសៀង ផងដែរ។ ដោយលោក ឆែម ចាន់ដារា បញ្ជាក់ថា«បច្ចុប្បន្នខ្ញុំទើបតែបញ្ចប់ការវិភាគ និងការចំណាយនិងបំពាក់គ្រឿងម៉ាស៊ីនដែលសម្រាប់ធ្វើការសម្អាតសណ្តៀកសៀង ក្នុងការចម្រាញ់ប្រេងចេញពីសណ្តែកសៀង អីចឹងអាចនិយាយបានថា ថ្ងៃអនាគតបន្ទាប់ពីខ្ញុំមានការគាំទ្រពីប្រជាពលរដ្ឋ ខ្ញុំនឹងបំពេញសេចក្តីត្រូវការរបស់ប្រជាពលរដ្ឋបន្ថែម ក្នុងការពង្រីកគម្រោងចម្រាញ់ប្រេងពីសណ្តែកសៀងបន្ថែមទៀត»៕

The post រោងចក្រចម្រាញ់ប្រេងឆាពីកន្ទក់មួយ នៅខេត្តបាត់ដំបង មានសមត្ថភាពផលិតបាន១០តោន ក្នុងមួយថ្ងៃ appeared first on .

ជាក់ស្តែង ទូកុងតឺន័រចំនួន ៨ ដែលមានផ្ទុកប្រេងចម្អិនអាហារ និងរបស់របរផ្សេងទៀត ត្រូវបានរដ្ឋាភិបាលរឹបអូស នៅកំពង់ផែ Ranjung Perak កាលពីថ្ងៃទី ២៨ ខែមេសា ក្នុងទីក្រុង Surabaya លើកោះ Java បន្ទាប់ពីកប៉ាល់ទាំងនោះ មិនបានចុះបញ្ជីប្រេងឆា នៅក្នុងឯកសារប្រកាសការនាំចេញនោះទេ ។ នេះបើតាមការលើកឡើង របស់ក្រសួងពាណិជ្ជកម្ម កាលពីសប្តាហ៍មុន ។

លោក Sihard Hadjopan Pohan រដ្ឋមន្រ្តីក្រសួងពាណិជ្ជកម្ម បាននិយាយថា អ្នកដែលត្រូវបានរកឃើញថា មានពិរុទ្ធលើបទរំលោភបំពានបម្រាម នាំចេញប្រេងចម្អិនអាហារ នឹងអាចប្រឈមមុខជាមួយនឹងការជាប់ពន្ធនាគារ ជាអតិបរមា ៥ ឆ្នាំ និងត្រូវពិន័យជាសាច់ប្រាក់រហូតដល់ ៥ ពាន់លានរ៉ូពី ឬ ៣៤១ ៩៩៧ ដុល្លារអាមេរិក។ យ៉ាងណាមន្រ្តីរូបនេះ មិនបានបង្ហាញប្រាប់ឈ្មោះក្រុមហ៊ុន ឬម្ចាស់ ដែលល្មើសច្បាប់នាំចេញនេះទេ ។

គួរឱ្យដឹងថា បន្ទាប់ពីចេញច្បាប់ហាមឃាត់ការនាំចេញមក បានធ្វើឱ្យទីផ្សារប្រេងចម្អិនអាហារសកល កំពុងជួបប្រទះផលលំបាកយ៉ាងខ្លាំង ជាពិសេសនៅពេលដែលសង្គ្រាមរវាងរុស្ស៊ី និង អ៊ុយក្រែន បានធ្វើឱ្យការផ្គត់ផ្គង់ប្រេងផ្កាឈូករ័ត្នត្រូវបាត់បង់មួយភាគធំ ស្របពេលប្រេងដូង ដែលបានផ្គត់ផ្គង់ទីផ្សារជាងមួយភាគបី នៃទីផ្សារប្រេងចម្អិនអាហារសរុបរបស់ពិភពលោក ក៏កំពុងមានភាពកកស្ទះផងដែរ ដោយសារតែច្បាប់ហាមឃាត់ ការនាំចេញរបស់ប្រទេសឥណ្ឌូនេស៊ី ដោយសារតែប្រទេសនៅអាស៊ានមួយនេះ មានប្រហែល ៦០% នៃការផ្គត់ផ្គង់ប្រេងដូងសរុប ។

ទន្ទឹមនឹងនេះ រដ្ឋមន្រ្តីក្រសួងសេដ្ឋកិច្ច លោក Airlangga Hartarto បាននិយាយថា ការហាមឃាត់ ចំពោះការនាំចេញ នឹងនៅតែបន្ត រហូតដល់តម្លៃប្រេងចម្អិនអាហារ ធ្លាក់ចុះរដល់ ១៤ ០០០ រ៉ូពី ក្នុងមួយលីត្រ នៅទូទាំងប្រទេស។ ដោយគិតត្រឹមថ្ងៃព្រហស្បតិ៍ ទិន្នន័យចេញពីក្រសួងពាណិជ្ជកម្ម បានបង្ហាញថា ប្រេងឆាភាគច្រើន ត្រូវបានលក់ក្នុងតម្លៃ ១៦ ៦០០ រ៉ូពី ក្នុងមួយលីត្រ ៕

ប្រភព: CNA

The post ឥណ្ឌូនេស៊ី រឹបអូសប្រេងឆា ជាង ៨ម៉ឺនលីត្រ ដែលគ្រោងនាំចេញទៅកាន់ប្រទេសទីម័រខាងកើត appeared first on .

មិនតែប៉ុណ្ណោះ បើតាមការបញ្ជាក់របស់ ក្រុមប្រឹក្សាភិបាលនៃពន្ធប្រយោល និងគយ បានឲ្យដឹងក្នុងសេចក្តីជូនដំណឹងមួយថា ការបន្ធូរបន្ថយពន្ធនៃការនាំចូលប្រេងឆានេះ នឹងមានសុពលភាពរហូតដល់ថ្ងៃទី ៣១ ខែមីនា ឆ្នាំ ២០២២ ។

គួរឲ្យដឹងផងដែរថា រដ្ឋាភិបាលរបស់ប្រទេសឥណ្ឌា បានទម្លាក់ថ្លៃពន្ធលើការនាំចូលទំនិញ យ៉ាងហោចណាស់បីដងរួចមកហើយ នៅក្នុងឆ្នាំនេះ ខណ:លើកចុងក្រោយគឺបានធ្វើឡើងនៅថ្ងៃទី ១៣ ខែតុលា ។

លើសពីនេះ ក្រៅពីប្រេងដូងចម្រាញ់ហើយ ពន្ធនាំចូលប្រេងដូងឆៅ ប្រេងសណ្តែកសៀង និងប្រេងគ្រាប់ផ្កាឈូករ័ត្នឆៅ ក៏ត្រូវបានកាត់បន្ធូរបន្ថយផងដែរ កាលពីខែតុលា ។

យ៉ាងណាមិញ បើយោងតាមទៅតាម ​​SEA បានបង្ហាញថា ការពឹងផ្អែករបស់ប្រទេសឥណ្ឌាទៅលើការនាំចូលប្រេងដែលអាចបរិភោគបាន គឺមានជិត ៦៥% នៃការប្រើប្រាស់សរុបប្រហែល ២២ ទៅ ២២,៥ លានតោន ខណ:ប្រទេសនេះបាននាំចូលចន្លោះពី ១៣ ទៅ ១៥ លានតោន ដើម្បីរក្សានូវតម្រូវការ និងការផ្គត់ផ្គង់ក្នុងស្រុក ៕

ប្រភព: Bloombergquint

The post ឥណ្ឌា សម្រេចបន្ធូរបន្ថយពន្ធលើការនាំចូលប្រេងឆា ដើម្បីលើកស្ទួយតម្រូវការក្នុងស្រុក appeared first on .