ការស្នើនេះ ត្រូវបានធ្វើឡើងនៅក្នុងដំណើរបានចុះពិនិត្យស្ថានភាពមហាវិថី ស៊ី ជីនពីង (ក្រវាត់ក្រុងទី៣) និងផ្លូវជាតិលេខ៣ របស់មន្រ្តីជំនាញ និងអាជ្ញាធរពាក់ព័ន្ធ ដែលដឹកនាំដោយលោក ហេង រត្នពិសិដ្ឋ និង លោក ហ៊ាង វុត្ថា អគ្គនាយក នៃក្រសួងសាធារណការ និងដឹកជញ្ជូន រួមជាមួយ លោក ហាក់ សុខមករា អភិបាលរងខេត្តកណ្តាល កាលថ្ងៃទី៣០ ខែធ្នូ ឆ្នាំ២០២៤។

ភាគីពាក់ព័ន្ធខាងលើ បានចុះពិនិត្យស្ថានភាពមហាវិថី ស៊ី ជីនពីង (ក្រវាត់ក្រុងទី៣) ដែលមានបញ្ហារអិលពេលភ្លៀងរលឹម និងគ្រោះថ្នាក់ចរាចរណ៍ និងចុះពិនិត្យផ្លូវជាតិលេខ៣ ត្រង់ទីតាំងគីឡូម៉ែត្រ២៧ ដែលបណ្តាញសារព័ត៌មាន និងប្រព័ន្ធផ្សព្វផ្សាយសង្គម បានផ្សាយកាលពី រសៀលថ្ងៃទី២៨ ខែធ្នូ ឆ្នាំ២០២៤ កន្លងទៅ អំពីអ្នកបើកបរទោចក្រយានយន្តមួយចំនួនបានរអិលដួលពេលធ្វើដំណើរក្នុងពេលភ្លៀងរលឹម។

ក្រោយពីបានពិនិត្យ និងពិភាក្សាពីភាគីពាក់ព័ន្ធ ក្រុមការងារជំនាញ ស្នើសុំឱ្យក្រុមហ៊ុនសៀងហៃគ្រុប សិក្សាលម្អិតបន្ថែមទៀតនូវមូលហេតុ និងដំណោះស្រាយឱ្យមានភាពប្រសើរនៅលើទីតាំង កន្លែងដែលរអិលលើមហាវិថី ស៊ី ជីនពីង (ក្រវាត់ក្រុងទី៣) ដោយបន្ថែមការឆូតឱ្យមានភាពគ្រើមជាងមុន និងបន្ថែមស្លាកសញ្ញាឱ្យអ្នកបើកបរប្រុងប្រយ៍ត្នជាមុន ពេលធ្វើដំណើរដល់ចំណុចខាងលើ ។

ម៉្យាងទៀតស្នើសុំឱ្យមន្ទីរសារធារណការ និងដឹកជញ្ជូន សហការជាមួយនគរបាលចរាចរណ៍ លើទិន្ន័យមូលហេតុគ្រោះថ្នាក់ចរាចរណ៍ដែលបានកើតមានឡើងលើមហាវិថីស៊ី ជីនពីង ក្នុងឆ្នាំ២០២៤ ដើម្បីមានមូលដ្ឋានសិក្សាមូលហេតុដែលកើតមានគ្រោះថ្នាក់ចរាចរណ៍ និងវិធានការការពារ។

ដោយឡែក ចំពោះបញ្ហាផ្លូវជាតិលេខ៣ ដែលរអិលត្រង់ទីតាំងគីឡូម៉ែត្រ២៧ ក្រុមការងារបច្ចេកទេស ក៏បានពិនិត្យលើផ្ទៃផ្លូវ ពុំមានអ្វីគួឱ្យកត់សម្គាល់ឡើយ តែក្រុមការងារជំនាញ និងចុះពិនិត្យតាមដានបន្តទៀត រួមទាំងបានណែនាំឱ្យមន្ទីរសារធារណការ និងដឹកជញ្ជូនខេត្តកណ្តាល ពិនិត្យ និងសម្អាតផ្លូវជាប្រចាំ ដើម្បីធានាសុវត្ថិភាពសម្រាប់ការបើកបររបស់ប្រជាពលរដ្ឋលើកំណាត់ផ្លូវជាតិនេះ៕ អត្ថបទ៖ ហ្សាលីន

The post ក្រសួង ស្នើឱ្យក្រុមហ៊ុនរកដំណោះស្រាយត្រង់ចំនុចរអិល ដែលកើតលើមហាវិថី ស៊ី ជីនពីង ឬ ផ្លូវក្រវាត់ក្រុងទី៣ appeared first on .

លោក លឹម ស៊ីដេនីន រដ្ឋលេខាធិការ ក្រសួងសាធារណការ និងដឹកជញ្ជូន បានឱ្យដឹងថា កិច្ចប្រជុំជាមួយក្រុមហ៊ុនសំណង់សៀងហៃ (Shanghai Construction Group Co,.Ltd.) ក្នុងបំណងដើម្បីស្វែងយល់បទបង្ហាញស្តីពីលទ្ធផលនៃការសិក្សាសមិទ្ធិលទ្ធភាពលើគម្រោងខ្សែក្រវាត់ទី៣ ប៉ែកខាងកើត ដោយមានការចូលរួមពីថ្នាក់ដឹកនាំក្រសួង និងមន្ត្រីបច្ចេកទេសជំនាញជាច្រើនរូបផងដែរ។

តំណាងក្រុមហ៊ុនសំណង់សៀងហៃ បានឱ្យដឹងថា គម្រោងខ្សែក្រវាត់ទី៣ ប៉ែកខាងកើតនេះ មានប្រវែងប្រមាណ ៣៤,១៥គីឡូម៉ែត្រ សាងសង់ជាផ្លូវ៤គន្លង (ពីរគន្លងទៅ ពីរគន្លងមក) ចេញពីមហាវិថីឈ្នះឈ្នះ (ចំណុចប្រសព្វផ្លូវជាតិលេខ៦) រហូតដល់ចំណុចប្រសព្វផ្លូវលេខ៧០បេ ឆ្លងកាត់កោះចំនួន២ គឺកោះដាច់ និងកោះតាង ដោយត្រូវសាងសង់ស្ពានឆ្លងទន្លេមេគង្គចំនួន៣ ក្នុងនោះស្ពានទី១ (ផ្លូវជាតិលេខ៦-កោះដាច់) មានប្រវែង ១៣១១ម៉ែត្រ ស្ពានទី២ (កោះដាច់-កោះតាង) មានប្រវែង ៥៧៩ម៉ែត្រ និងស្ពានទី៣ (កោះតាង-ផ្លូវ៧០បេ) មានប្រវែង ១០៤៤ម៉ែត្រ គ្រោងចំណាយថវិកាប្រមាណ ២៤០លានដុល្លារអាមេរិក។

គួរបញ្ជាក់ដែរថា បន្ទាប់ពីបានស្វែងយល់បទបង្ហាញរួចមក អ្នកជំនាញបច្ចេកទេសក្រសួងបានជជែកពិភាក្សា និងផ្ដល់យោបល់ជាធាតុចូលលើការងារបច្ចេកទេសសំខាន់ៗក្នុងការសាងសង់ រួមមានការរៀបចំជាចំណតយានយន្ត ព្រមទាំងការសិក្សាបន្ថែមលើភូមិសាស្ត្រតំបន់ ការសិក្សាលើលំហូរទឹក និងទំនប់ទឹក ជាធាតុចូលដើម្បីធ្វើឱ្យគម្រោងនេះមានប្រសិទ្ធភាព និងនិរន្តរភាពផងដែរ៕ អត្ថបទ៖ ពិសី

The post គម្រោងខ្សែក្រវាត់ទី៣ ប៉ែកខាងកើត នឹងសង់ជា៤គន្លង គ្រោងចំណាយថវិកាប្រមាណ ២៤០លានដុល្លារ appeared first on .

ផ្លូវក្រវាត់ក្រុងខ្សែទី ៣ មានប្រវែងសរុប ៥២,៩៨៣ គីឡូម៉ែត្រ មានទទឹង ២២ ម៉ែត្រ មាន ៤ គន្លង ដែលបានតភ្ជាប់ពីផ្លូវជាតិលេខ ៦ លេខ ៥ លេខ ៤ លេខ ៣ លេខ ២ រហូតដល់ផ្លូវជាតិលេខ ១ កាត់ភូមិសាស្រ្តរាជធានីភ្នំពេញ និងខេត្តកណ្តាល ដោយប្រើប្រាស់ថវិកាលើការសាងសង់ក្នុងទំហំទឹកប្រាក់ប្រមាណ ២៦៧,៦៧ លានដុល្លារអាមេរិក។

សូមជម្រាបថា គម្រោងសាងសង់ផ្លូវក្រវ៉ាត់ទី៣នេះ ចុះហត្ថលេខាលើកិច្ចព្រមព្រៀងឥណទានសម្បទានជាមួយធនាគារ នីហរ័ណអាហរ័ណចិន និងក្រសួងសេដ្ឋកិច្ច និងហិរញ្ញវត្ថុ ក្នុងទឹកប្រាក់ចំនួន ២៥៩លានដុល្លារអាមេរិក កាលពីថ្ងៃទី១០ ខែកក្កដា ឆ្នាំ២០១៨ ត្រូវបានបើកការដ្ឋានសាងសង់ នៅថ្ងៃទី១៤ ខែមករា ឆ្នាំ២០១៩ ក្រោមវត្តមាននាយករដ្ឋមន្ត្រី សម្តេចតេជោ ហ៊ុន សែន និងលោក វ៉ាង វិនធាន ឯកអគ្គរដ្ឋទូតចិន ប្រចាំនៅកម្ពុជា។

ការសាងសង់ផ្លូវក្រវាត់ក្រុងទី៣នេះ គឺជាការតភ្ជាប់ផ្ទៃក្នុង និងសមាហរណកម្មតំបន់ ពិសេសតភ្ជាប់ផ្លូវអាស៊ានហាយវ៉េ និងផ្លូវរបៀងសេដ្ឋកិច្ចសំខាន់ៗរបស់មហាអនុតំបន់មេគង្គ រួមចំណែកក្នុងការសម្រួលការដឹកជញ្ជូនឆ្លងកាត់ព្រំដែន ជំរុញពាណិជ្ជកម្មអន្តរជាតិ និងភស្តុភារកម្មតំបន់ និងប្រែក្លាយទឹកដីដែលនៅសងខាងផ្លូវខ្សែក្រវាត់ក្រុងនេះ ទៅជាតំបន់អភិវឌ្ឍបូរីលំនៅដ្ឋាន តំបន់ភស្តុភារកម្ម និងឧស្សាហកម្ម ដ៏មានសក្តានុពល និងប្រសិទ្ធភាពសេដ្ឋកិច្ចរបស់កម្ពុជា៕

The post ផ្លូវក្រវាត់ក្រុងទី៣ សម្រេចការសាងសង់បានប្រមាណ ៧៧%ហើយ appeared first on .

បើតាមរបាយការណ៍អគ្គនាយកដ្ឋានបច្ចេកទេស នៃក្រសួងសាធារណការ និងដឹកជញ្ជូន បានឱ្យដឹងថា ការងារដែលនៅសល់គឺការដូរទំហំការងារស្ពាននៅប្រឡាយ៩៤ និងប្រឡាយ៩៦ ការងារស្ពានរំលងត្រង់ផ្លូវជាតិលេខ៤ ការងារផ្លូវគីឡូម៉ែត្រ ០+០០ ដល់ គីឡូម៉ែត្រ ៤+៩០០ ជាដើម។ គម្រោងនេះគ្រោងនឹងបញ្ចប់ការស្ថាបនាជាស្ថាពរនៅមុនខែកញ្ញា ឆ្នាំ២០២៣ខាងមុខ។

ជាមួយគ្នានេះដែរ កាលពីថ្ងៃព្រហស្បតិ៍ ទី២៦ ខែឧសភា ឆ្នាំ២០២២ លោក លឹម ស៊ីដេនីន រដ្ឋលេខាធិការក្រសួងសាធារណការ និងដឹកជញ្ជូន ក៏បានដឹកនាំក្រុមការងារបច្ចេកទេសចម្រុះចុះត្រួតពិនិត្យលក្ខណៈបច្ចេកទេស និងតាមដានវឌ្ឍនភាពការងារសាងសង់ផ្លូវក្រវាត់ក្រុងទី៣ ដើម្បីពិនិត្យវឌ្ឍនភាពការងារគម្រោងដែលកំពុងស្ថាបនា។

ការចុះត្រួតពិនិត្យនេះ ក៏ដើម្បីផ្តល់ធាតុចូលដល់ក្រុមការងាររៀបចំអភិវឌ្ឍមុខងារត្រួតពិនិត្យគុណភាពផ្លូវ (Road Care Supervision) បន្ថែមលើកម្មវិធីថែទាំផ្លូវ (Road Care Mobile App) ដែលកំពុងប្រើប្រាស់នាពេលបច្ចុប្បន្ន។

ក្នុងដំណើរបេសកកម្មនេះ ក្រុមការងារអភិវឌ្ឍមុខងារត្រួតពិនិត្យគុណភាពផ្លូវ (Road Care Supervision) នៃអគ្គនាយកដ្ឋានបច្ចេកទេស និងនាយកដ្ឋានព័ត៌មានវិទ្យា និងទំនាក់ទំនងសាធារណៈបានសិក្សាស្វែងយល់ទៅលើលំហូរការងារបច្ចេកទេស ដែលកំពុងអនុវត្តលើស្រទាប់តួផ្លូវ គ្រឹះរង គ្រឹះសំខាន់ Prime Coat កម្រាលបេតុង និងសំណង់សិល្បការ្យមួយចំនួនទៀតផងដែរ។

ជាងនេះទៅទៀត ក្រុមការងារក៏បានស្វែងយល់លើការងារពិសោធន៍មួយចំនួនដែលកំពុងអនុវត្តជាក់ស្តែងក្នុងការដ្ឋានដែលក្នុងនោះរួមមាន៖ ការធ្វើពិសោធ Benkelman Beam Test ការចាក់សំណាកគំរូបេតុងសង្កត់ ការពិនិត្យលើកម្រាស់បេតុង ការកាត់តំណបេតុង និងការថែទាំបេតុងក្រោយសាងសង់រួចជាដើម៕

The post គិតត្រឹមខែឧសភានេះ គម្រោងសាងសង់ផ្លូវក្រវាត់ក្រុងទី៣ សម្រេចបាន ៧៣,៧០%ហើយ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ស្ពានទន្លេបាសាក់កោះអន្លង់ចិននៃក្រុងតាខ្មៅ ខេត្តកណ្តាល ដែលជាគម្រោងផ្លូវក្រវ៉ាត់ក្រុងទី៣របស់រាជរដ្ឋាភិបាល សម្រេចបាន៩៧,២៥%ហើយ គិតរហូតមកទល់ពេលនេះ ក្នុងនោះ៖ ស្ពានឆ្លងកាត់ទន្លេបាសាក់ខាងកើតប្រវែង៦៣០ម៉ែត្រ សម្រេចបាន៩៥,១០% គ្រោងនឹងបញ្ចប់ នៅខែតុលា ឆ្នាំ២០២១ និងស្ពានឆ្លងកាត់ទន្លេបាសាក់ខាងលិចប្រវែង៣៦៦ម៉ែត្រ សម្រេចបាន៩៩,៤០% គ្រោងនឹងបញ្ចប់នៅខែកញ្ញា ឆ្នាំ២០២១។

ជាមួយគ្នានេះ ក្រុងតាខ្មៅ បាននឹងកំពុងស្វាគមន៍គម្រោងសាងសង់ព្រលា​នយន្តហោះ​អន្តរជាតិថ្មី  ដែលសា​ងសង់លើផ្ទៃដី​ទំហំជាង២៦០​០ហិចតា ក្នុងទឹកប្រា​ក់ជាង​១៥០០លា​នដុល្លារ។

បើតា​មការគូសប​ញ្ជាក់ពីអ្នកឧកញ៉ា ពុង ឃាវសែ អគ្គនាយ​កក្រុមហ៊ុនសាជី​វកម្មវិនិយោគក្រៅប្រ​ទេសកម្ពុជា (OCIC) នាពេលកន្លងមកបានឲ្យដឹងថា ព្រលា​នយន្តហោះ​អន្តរជាតិ​ភ្នំពេញថ្មីនេះ គឺកំពុងស្ថិត​នៅក្នុងការ​សាងសង់ ស្ថិតនៅក្រុងតាខ្មៅ និងស្រុកក​ណ្តាលស្ទឹងខេត្ត​កណ្តាល ហើយអាចប៉ះ​តំបន់មួយចំនួនក្នុ​ងស្រុកបាទីខេ​ត្តតាកែវ។ បើតាម​អ្នកឧកញ៉ាគម្រោងសាងសង់ព្រលា​នយន្តហោះ​អន្តរជាតិថ្មីនេះ អាចនឹងរួ​ចរាល់នៅត្រឹមឆ្នាំ២០២​៣ខាងមុខនេះ​។

ក្រុមអ្នកវិភាគ និងអ្នកជំនាញ បានលើកឡើងដូចគ្នាថា តាម​រយៈគម្រោងដ៏​ធំនេះ​ នឹងជំរុញសកម្ម​ភាពសេដ្ឋកិ​ច្ចនៅក្នុងតំប​ន់ខា​ងលើនេះ ឲ្យមានស​កម្មភាព​សកម្មឡើង ជា​ពិសេសលើ​សកម្មភា​ពដីធ្លី។ បន្ថែ​មលើនេះ វានឹងផ្តល់ផលប្រយោ​ជន៍ដោ​យផ្ទាល់ ដល់ប្រជាពល​រដ្ឋនៅក្នុងតំប​ន់ខាងលើ​នេះផង​ដែរ៕

The post គម្រោងផ្លូវក្រវ៉ាត់ក្រុងទី៣ រួចរាល់នឹងជំរុញកំណើនការអភិវឌ្ឍន៍ដីធ្លី បុរី អគារពាណិជ្ជកម្មនៅក្រុងតាខ្មៅឲ្យកាន់តែច្រើនឡើង appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

គម្រោងផ្លូវក្រវាត់ក្រុងខ្សែទី៣នេះចាប់ផ្តើមពីចំណុចផ្លូវជាតិលេខ៤ (PK:១៤+១០៥) ស្ថិតក្នុងភូមិជម្ពូវ័ន្ត សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ និងបញ្ចប់នៅចំណុចផ្លូវជាតិលេខ១ (PK២៤+៨៤០) ស្ថិតក្នុងភូមិ ស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល (ផ្លូវមេ) និងផ្លូវជាតិលេខ១ (PK៣០+១៤០) ស្ថិត ក្នុងភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្តាល (ផ្លូវខ្នែង)។

គម្រោងសាងសង់ផ្លូវនេះគ្រោងចំណាយថវិកាសរុបប្រមាណ ២៦៧,៦៧ លានដុល្លារអាមេរិក ចំណាយរយៈ ពេលសាងសង់ចំនួន៤២ខែ ចាប់ពីខែធ្នូ ឆ្នាំ២០១៨ និងបញ្ចប់នៅខែធ្នូ ឆ្នាំ២០២១។

សូមបញ្ជាក់ថា ផ្លូវក្រវាត់ក្រុងខ្សែទី៣នេះមានអត្ថប្រយោជន៍ ជួយដល់ការចូលរួមចំណែកកាត់បន្ថយ ការកកស្ទះ និងគ្រោះថ្នាក់ចរាចរណ៍ ដែលធ្លាប់មានកន្លងមក និងជួយសម្រួលដល់ការធ្វើដំណើររបស់បង ប្អូនប្រជាពលរដ្ឋក្នុងរាជធានីបន្ថែមទៀត ខណៈពេល ដែលរាជធានីភ្នំពេញ កំពុងត្រូវបានពង្រីកកាន់តែធំទៅៗ ស្របតាមកំណើនប្រជាជន និងការអភិវឌ្ឍ ដែលធ្វើឱ្យចរាចរណ៍យានយន្តគ្រប់ប្រភេទនៅតាមដងផ្លូវជួបប្រទះនូវការកកស្ទះចរាចរណ៍ជាញឹកញាប់៕

ប្រភព៖ មរតកកម្ពុជា

The post កំពុងសាងសង់ជិតរួចរាល់ហើយស្ពានក្រវ៉ាត់ក្រុងទី៣ កោះអន្លង់ចិនខាងកើត និងខាងលិច ដូចប្លង់គំរូពិត appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ផ្លូវក្រវាត់ក្រុង​ទី ៣ ​ក៏​មានការ​សាងសង់ស្ពានអាកាសឆ្លងកាត់ចំនួន០៤កន្លែង (ឆ្លងកាត់ផ្លូវជាតិលេខ៤ លេខ៣ លេខ២ និងលេខ២១) ប្រវែងសរុប ១,០០០ម៉ែត្រ រួមទាំង​ស្ពាន​ឆ្លងកាត់ទន្លេបាសាក់ ០២កន្លែង ត្រង់កោះអន្លង់ចិន ប្រវែងសរុប ៩៩៦ម៉ែត្រ (ក្នុងនោះស្ពានបាសាក់ខាងកើតប្រវែង ៦៣០ម៉ែត្រ និងស្ពានបាសាក់ខាងលិច ប្រវែង៣៦៦ម៉ែត្រ)។

បើតាមក្រុមការងារឧកញ៉ាញូស៍ បានជួបជាមួយក្រុមជាងស្ថាបនាស្ពានកោះអន្លង់ចិន បានឲ្យដឹងថា ស្ពានទន្ទេបាសាក់ខាងលិចប្រវែង៣៦៦ម៉ែត្រ កសាងសង់ស្ទើររួចរាល់ទាំងស្រុងនៅឡើយតែសម្អាតប៉ុណ្ណោះ ស្របពេលជាមួយគ្នានេះក៏មានឃើញមានប្រជាពលរដ្ឋបានឆ្លងកាត់បណ្តើរៗហើយដែល។ ចំណែកស្ពានទន្លេបាសាក់ខាងកើតវិញប្រវែង ៦៣០ម៉ែត្រ បានតភ្ជាប់រួចរាល់ហើយដែរ ប៉ុន្តែបង្កាន់ដៃគឺមិនទាន់រួចរាល់នោះទេ។

សូមបញ្ជាក់ថា គម្រោងសាងសង់ផ្លូវក្រវាត់ក្រុងខ្សែទី៣ ចាប់ផ្តើមពីចំណុចផ្លូវជាតិលេខ៤ ឆ្ពោះទៅផ្លូវជាតិលេខ១នេះ មានប្រវែងជិត ៥៣គីឡូម៉ែត្រ ក្នុងនោះផ្លូវមេមានប្រវែងជាង ៤៧គីឡូម៉ែត្រ ជាប្រភេទផ្លូវក្រាលបេតុងស៊ីម៉ង់ត៍ និងផ្លូវខ្នែងប្រវែងជាង ៥គីឡូម៉ែត្រ ជាប្រភេទផ្លូវក្រាលបេតុងកៅស៊ូ(AC) សាងសង់​ឡើង​ក្រោម​ឥណទាន​សម្បទានពី​រដ្ឋាភិបាល​ចិន​​ប្រមាណ ២៧៣ លាន​ដុល្លារអាមេរិក​៕

The post ស្ពានក្រវ៉ាត់ក្រុងទី៣ ត្រង់កោះអន្លង់ចិនក្រុងតាខ្មៅបានធ្វើដំណើរបណ្តើរៗហើយ appeared first on .