សូមបញ្ជាក់ថា ការ​ដាក់​របាំង​ពុះ​ចែក​ទ្រូង​ផ្លូវ​៦០ម៉ែត្រនេះ បាន​ចែក​ចេញ​ជា​២ ប្រភេទ  ១,របាំង​ដែកទ្រូងផ្លូវ នឹងត្រូវដំឡើងចាប់​ពីស្ពានអាកាសមរតកតេជោ ដល់ភ្លើងស្តុប​ប្រសព្វ​មហា​វិថី​ ហ៊ុន នាង ដែលកំណាត់ផ្លូវនេះ កំណត់ល្បឿនអតិបរមា ៤០ គីឡូម៉ែត្រ​ក្នុង​មួយ​ម៉ោង ២,  របាំងបេតុងទ្រូងផ្លូវ នឹង​ត្រូវដំឡើងចាប់ពីមហាវិថី​ ហ៊ុន នាង រហូត​ដល់ផ្លូវជាតិ​លេខ ២ ដែល​ជាកំណាត់ផ្លូវ កំណត់ល្បឿនអតិបរមា ៦០ គីឡូម៉ែត្រក្នុងមួយម៉ោង។

សូមជម្រាបបន្ថែមថា ការ​ដាក់​របាំង​ពុះ​ចែក​ទ្រូង​ផ្លូវ ធ្វើឡើងតាមការណែនាំរបស់សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា កាលពីចុងខែមករា ឆ្នាំ២០២៥ ដើម្បីសម្រួលដល់ការធ្វើដំណើររបស់ប្រជាពលរដ្ឋ ជាពិសេសដើម្បីកាត់បន្ថយអត្រាគ្រោះថ្នាក់ចរាចរណ៍ និងបង្កើនការត្រួតពិនិត្យការបើកបរដោយមានជាតិស្រវឹងឡើងវិញផងដែរ៕

The post ទិដ្ឋភាពអភិបាលរាជធានីភ្នំពេញ ដឹកនាំមន្រ្តីជំនាញចុះពិនិត្យរបារពុះចែកទ្រូងផ្លូវ៦០ម៉ែត្រ appeared first on .

នេះបើយោងតាមប្រសាសន៍របស់សម្តេច ថ្លែងក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៤ របស់ក្រសួងសាធារណការ និងដឹកជញ្ជូន កាលរសៀលថ្ងៃទី២៣ ខែមករា ឆ្នាំ២០២៥ ។

នាឱកាសនោះ សម្តេចធិបតី ហ៊ុន ម៉ាណែត បានកត់សម្គាល់អំពីការងើបឡើងវិញ នូវគ្រោះថ្នាក់ចរាចរណ៍ ជាពិសេសនៅលើផ្លូវ៦០ម៉ែត្រ រាជធានីភ្នំពេញ។ទន្ទឹមគ្នានេះ ដោយមើលឃើញពីសោកនាដកម្ម និងសំណូមពរមហាជន សម្តេចនាយករដ្ឋមន្រ្តី ក៏បានណែនាំឱ្យអភិបាលរាជធានីភ្នំពេញ លោក ឃួង ស្រេង រៀបចំដាក់ដែកចែកទ្រូងផ្លូវ សម្រាប់ផ្លូវ៦០ម៉ែត្រនេះ ដើម្បីកាត់បន្ថយអត្រាគ្រោះថ្នាក់ចរាចរណ៍ផងដែរ។

ទន្ទឹមគ្នានេះ សម្តេចធិបតី ក៏បានបញ្ជាក់ថា កម្ពុជា ក្រោយចប់សង្គ្រាម កត្តាដែលធ្វើឱ្យបាត់បង់មនុស្សច្រើនជាងគេ របួសច្រើនជាងគេ គឺគ្រោះថ្នាក់ចរាចរណ៍នេះតែម្តង។ជាថ្មីម្តងទៀត សម្តេចធិបតី ក៏បានជំរុញឱ្យអគ្គស្នងការនគរបាលជាតិ និងស្នងការរាជធានីខេត្ត យកចិត្តទុកដាក់ ក្នុងការអនុវត្តការត្រួតពិនិត្យជាតិស្រវឹង។

សូមរម្លឹកដែរថា ក្នុងរយៈពេលប៉ុន្មានថ្ងៃនេះ គ្រោះថ្នាក់ចរាចរណ៍ ហាក់ដូចជាកើតឡើងញឹកញាប់ឡើងវិញ ជាពិសេសនៅលើផ្លូវ៦០ម៉ែត្រ។ ត្រឹមតែរយៈពេល ៥ថ្ងៃប៉ុណ្ណោះ នៅលើកំណាត់ផ្លូវ ៦០ម៉ែត្រ មូលដ្ឋានខណ្ឌមានជ័យ ជាប់ព្រំ ប្រទល់ខណ្ឌដង្កោ មានការកត់សម្គាល់ថា គ្រោះថ្នាក់ចរាចរណ៍ បានឆក់យកអាយុជីវិតមនុស្សក្មេងចាស់ចំនួន៤ នាក់ក្នុងហេតុការណ៍គ្រោះ ថ្នាក់ចរាចរណ៍ដ៏រន្ធត់ ចំនួន២ករណីផ្សេងគ្នា។

ជាងនេះទៀត បើគិតត្រឹមឆ្នាំ២០២៤ មានករណីគ្រោះថ្នាក់ចរាចរណ៍ផ្លូវគោកចំនួន ២ ៨៤៤លើកដោយបានបង្កឱ្យមានមនុស្សស្លាប់ចំនួន ១ ៥០៩នាក់។ នេះបើតាមរបាយការណ៍ប្រចាំឆ្នាំ២០២៤ របស់ក្រសួងសាធារណការ និងដឹកជញ្ចូននៅថ្ងៃទី៨ ខែមករា ឆ្នាំ២០២៥។ តាមរបាយការណ៍ដដែល ចំនួនគ្រោះថ្នាក់ចររាចរណ៍ផ្លូវគោកក្នុងឆ្នាំ២០២៤ បានថយចុះចំនួន ១៤% បើធៀបនឹងឆ្នាំ ២០២៣៕អត្ថបទ៖ហ្សាលីន

The post សម្តេចធិបតី សម្រេចឱ្យដាក់របាំងដែកចែកទ្រូងផ្លូវ ៦០ម៉ែត្រ ដើម្បីកាត់បន្ថយអត្រាគ្រោះថ្នាក់ចរាចរណ៍ appeared first on .

អ្នកឧកញ៉ា លឹម រស់ និងអ្នកឧកញ៉ា សុទ្ធី ម៉ូលីកា ប្រធានក្រុមប្រឹក្សាភិបាល និងជាស្ថាបនិកក្រុមហ៊ុន រ៉ូសម៉ាវែល ប្រផឹធី ឌីវេឡុកម៉ិន ឯ.ក ដែលកំពុងវិនិយោគយ៉ាងសកម្មក្នុងវិស័យអចលនទ្រព្យ បុរី មានជ័យ រ៉េស៊ីដិនស៍ ស្ថិតនៅតាមមហាវិថី សម្តេច ហ៊ុន សែន ឬផ្លូវ៦០ម៉ែត្រ បើកការដ្ឋានសាងសង់កាលពីឆ្នាំ២០២២កន្លងទៅ។

បើតាមសេចក្តីរាយការណ៍ជាច្រើនបានឲ្យដឹងថា អ្នកឧកញ៉ាទាំងពីរនេះ ក្រៅពីជាប្រធានក្រុមប្រឹក្សាភិបាលក្រុមហ៊ុន រ៉ូសម៉ាវែល ហើយលោកក៏នៅកាន់កាប់ភាគហ៊ុន និងគ្រប់គ្រងក្រុមហ៊ុនធំៗជាច្រើន ដូចជា៖ ក្រុមហ៊ុន COGETEL LTD គ្រប់គ្រងលើបុត្តសម្ព័ន្ធ នៃក្រុមហ៊ុន ONLINE ISP និង Internet Home , ក្រុមហ៊ុន MICROMAX CO., LTD ជាដៃគូជិតស្និទ្ធរបស់ក្រុមហ៊ុន AEON Mall, ក្រុមហ៊ុន AZ DISTRIBUTION CO., LTD, ក្រុមហ៊ុន AZ INVESTMENT CO., LTD , ក្រុមហ៊ុន ING HOLDINGS CO., LTD ដែលកំពុងកាន់គម្រោងដ៏ធំ ING City នៅលើមហាវិថីសម្ដេចតេជោហ៊ុនសែន ៦០ម៉ែត្រ, ក្រុមហ៊ុនស៊ីម៉ង់ត៍ចក្រីទីងកម្ពុជា CAMBODIA CEMENT CHAKREY TING FACTORY CO., LTD និងមានក្រុមហ៊ុនមួយចំនួនទៀត។

បន្ថែមទៀតនោះ អ្នកឧកញ៉ាក៏ជាថ្នាក់ដឹកនាំកំពូលក្នុងតួនាទីជាសហស្ថាបនិក​ក្រុមហ៊ុន​ អាយអិនជី ហូលឌីង គ្រុប (I.N.G Holding Group) ជាក្រុមហ៊ុន​អភិវឌ្ឍន៍​អចលនទ្រព្យ​ដ៏​ធំ​មួយ​នៅ​កម្ពុជា ​​ដែល​ត្រូវ​បានអ្នកឧកញ៉ា រួមនឹង​ឧកញ៉ា ១រូបទៀត គឺអ្នក​​​ឧកញ៉ា អ៊ឹង ប៊ុនហូវ និង​ឧកញ៉ា លឹម ប៊ុនសួរ​ រួមគ្នា​បង្កើត​ឡើង​​រយៈពេល​ជិត ២០ឆ្នាំ​មក​ហើយ។

សូមជម្រាបជូនថា អ្នកឧកញ៉ា លឹម រស់ និងភរិយា គឺអ្នកឧកញ៉ា សុទ្ធី ម៉ូនីកា ត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់ផ្តល់គោរមងារ «អ្នកឧកញ៉ា» ​​​​​​​កាលពី​​ថ្ងៃទី​០៦ ខែមេសា ឆ្នាំ២០២៣ តាមព្រះរាជក្រឹត្យដាច់ដោយឡែកពីគ្នា ធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្រ្តី៕

The post អ្នកឧកញ៉ាប្តីប្រពន្ធមួយគូរនេះកាន់កាប់ភាគហ៊ុន និងគ្រប់គ្រងក្រុមហ៊ុនជាច្រើននៅកម្ពុជា appeared first on .