យោងតាមលោកស្រី Wipa Sunate ប្រធានសភាពាណិជ្ជកម្មខេត្តត្រាត បាននិយាយកាលពីសប្តាហ៍ចុងមុនថាថា ខេត្តត្រាតដែលស្ថិតនៅភាគខាងកើតនៃប្រទេសថៃ បានរងនូវការធ្លាក់ចុះយ់ាងខ្លាំងនូវទំនុកចិត្តរបស់វិនិយោគិត ហើយកំពុងប្រឈមមុខទៅនឹងការធ្លាក់ចុះនៃសេដ្ឋកិច្ច ផងដែរ។

លោកស្រី Wipa បានបន្ថែមទៀតថា ការនាំមចេញទំនិញរបស់ខេត្តត្រាតមកាន់កម្ពុជា មានតម្លៃដលល់ទៅ ៣០ពាន់លានបាត ខណ:ការនាំចូលពីកម្ពុជាវិញ មានតម្លៃចន្លោះពី ៣ទៅ៤ពាន់លានបាត។ ប៉ុន្តែទោះជាយ៉ាងណាក៏ដោយ ទំហំពាណិជ្ជកម្មនេះ កំពុងប្រឈមនឹងការធ្លាក់ចុះ ដោយសារតែអស្ថិរភាពនយោបាយ និងការរឹតបន្តឹងលើម៉ោងប្រតិបត្តិការនៅតាមព្រំដែន។

លោកស្រីបានបន្តទៀតថា ការធ្លាក់ចុះនៃលំហូរផលិតផល និងការលក់ នឹងប៉ះពាល់យ៉ាងខ្លាំងដល់អាជីវកម្ម និងផលិតកម្មបន្ថែមទៀត ហើយប្រសិនបើច្រកព្រំដែនត្រូវបិទជាអចិន្រ្តៃយ៍ នោះផលវិបាកនឹងកាន់តែធ្ងន់ធ្ងរ។

ជាមួយគ្នានេះ វិស័យ​ទេសចរណ៍​ក៏​រង​ផល​ប៉ះពាល់​ដែរ ខណៈ​អ្នក​ធ្វើ​ដំណើរ​ប្រឈម​នឹង​ការ​រឹតត្បិត​ចូល​មក​កម្ពុជា​។ លោកស្រី​ Wipa បន្ត​ទៀតថា សភា​គ្រោង​នឹង​លើក​បញ្ហា​ទាំងនេះ​ជាមួយ​សភាពាណិជ្ជកម្ម​ថៃ ដើម្បី​ជំរុញ​ឲ្យ​រដ្ឋាភិបាល​ចាត់វិធានការ​ទប់ស្កាត់​ ឲ្យបានឆាប់រហ័សជាទីបំផុត។

ទន្ទឹមនឹងនេះ ប្រធាន​បណ្តាញ​សហករណ៍​កសិកម្ម​ខេត្ត​ត្រាត លោក Wutthiphong Rattamon ​បាន​មាន​ប្រសាសន៍​ថា ផ្លែ​មង្ឃុត​ប្រហែល ៥ ម៉ឺន​តោន​ត្រូវ​បាន​គេ​រំពឹង​ថា​នឹង​ត្រូវ​ចែក​ចាយ​នៅ​ឆ្នាំ​នេះ។ លោក​បាន​បន្ត​ថា ការ​ហាមប្រាម​របស់​កម្ពុជា​លើ​កសិផល​ថៃ​ បាន​ធ្វើ​ឲ្យ​លោកមាន​ការ​ព្រួយ​បារម្ភ បើ​ទោះ​ជា​ទីផ្សារ​កម្ពុជា​ មាន​ត្រឹម​តែ ៥% ទៅ ១០% ​នៃ​ការ​នាំ​ចេញ​ផ្លែ​មង្ឃុត​របស់​ថៃ​ក៏​ដោយ។

គួរជម្រាបជូនថា យោងតាមរដ្ឋមន្ត្រីក្រសួងពាណិជ្ជកម្មថៃ លោក Pichai Naripthaphan បានណែនាំឲ្យនាយកដ្ឋានពាណិជ្ជកម្មបរទេស ដាក់ចេញវិធានការឆ្លើយតបភ្លាមៗ ជុំវិញបញ្ហានេះ ដោយ​បន្ត​ថា ក្រសួង​ក៏​មាន​គោល​បំណង​ការពារ​កសិករ​ថៃ និង​រក្សា​ស្ថិរភាព​តម្លៃ​ក្នុង​ស្រុក ដែល​អាច​នឹង​រង​ផល​ប៉ះពាល់​ ដោយសាររឹតត្បិតរបស់កម្ពុជា ផងដែរ៕

The post អ្នកនាំចេញផ្លែឈើថៃ រងផលប៉ះពាល់ខ្លាំងដោយសារតែរឹតត្បិតការនាំចូលរបស់កម្ពុជា appeared first on .

លោក Poonpong Naiyanapakorn អគ្គនាយកនៃ TPSO បានសន្មតថា ភាពជោគជ័យដ៏ធំនេះ គឺត្រូវបានកើតឡើងដោយសារតែការកើនឡើងនៃតម្រូវការ នៅក្នុងទីផ្សារពិភពលោក និងការកើនឡើងប្រជាប្រិយភាពដោយសារតែផ្លែឈើថៃមានគុណភាពខ្ពស់ ពូជល្អ និងរសជាតិប្លែក។

នៅក្នុងចំណោមប្រាក់ចំណូលសរុបទាំងនោះ ប្រទេសថៃទទួលបានប្រមាណ ៥,១៥ពាន់លានដុល្លារ ពីការនាំចេញផ្លែឈើស្រស់ ក្នុងឆ្នាំ២០២៤។ ហើយចំពោះការនាំចេញផ្លែឈើស្រស់សំខាន់ៗរួមមាន ផ្លែទុរេន មៀន មង្ឃុត ដូងខ្ចី និងស្វាយ ជាដើម។

ជម្រាបជូនផងដែរថា ប្រទេសចិនគឺជាទីផ្សារនាំចេញដ៏សំខាន់បំផុតរបស់ថៃ ដែលមានចំនួនសរុប ៩៧,៤% នៃការនាំចេញទាំងនេះ និងតាមពីក្រោយដោយហុងកុង កូរ៉េខាងត្បូង ម៉ាឡេស៊ី និងសហរដ្ឋអាមេរិក៕

The post ថៃ កើបចំណូលបានជាង ៦,៥ពាន់លានដុល្លារ ពីការនាំចេញផ្លែឈើកាលពីឆ្នាំទៅ appeared first on .

​សមាគមន៍​បន្លែ និងផ្លែឈើវៀតណាម បានបង្ហាញឲ្យដឹងថា ទីផ្សារធំៗដូចជាប្រទេសចិន ថៃ និងកូរ៉េខាងត្បូង បានបង្កើនការនាំចូលពីប្រទេសវៀតណាម ចន្លោះពី ៣០% ទៅ ៦០% ខណ:ទីផ្សារសំខាន់ៗមួយចំនួនផ្សេងទៀត បានបង្កើនការនាំចូល ពី ១០% ទៅ ៥០%។

គួរឲ្យដឹងផងដែរថា ចំពោះប្រទេសចិនដែលជាទីផ្សារធំជាងគេបំផុត បានចំណាយទឹកប្រាក់ដល់ទៅ ១,៧ពាន់លានដុល្លារ ចំពោះការនាំចូលបន្លែ និងផ្លែឈើរបស់វៀតណាម ក្នុងរយ:ពេល ៥ខែដំបូងឆ្នាំនេះ។

លោក Dang Phuc Nguyen អគ្គលេខាធិកា​សមាគម​បានមានប្រសាសន៍ថា វៀតណាម មាន​លក្ខណ:​សម្បត្តិ​ជាច្រើនជុំវិញការនាំចេញទៅកាន់ប្រទេសចិន ដោយសារទីតាំងភូមិសាស្ត្រនៅជិតគ្នា និងភាពស្រដៀងគ្នានៃម្ហូប អាហារ។ លោក​បាន​បន្ត​ទៀតថា ប្រទេស​ចិន​នឹង​ចុះ​ហត្ថលេខា​លើ​ពិធីសារ​ដែល​អនុញ្ញាត​ឲ្យ​វៀតណាម ​អាច​នាំ​ចេញ​ទុរេន​ក្លាសេ និង​ផលិតផល​កសិកម្ម​មួយ​ចំនួន​ទៀត​ដូច​ជា​រុក្ខជាតិឱសថ ដូង និង​ផ្លែឈើ​កក។

លោក Dang ក៏បានសង្កត់ធ្ងន់ទៀតផងដែរថា ប្រសិន​បើ​ក្រុមហ៊ុនអាជីវកម្មក្នុងស្រុក ​អាច​ទាញ​យក​ផល​ចំណេញ​បានពីកិច្ចព្រមព្រៀងខាងលើនេះ នោះការ​នាំ​ចេញ​បន្លែ និង​ផ្លែ​ឈើ​អាច​នឹង​កើន​ឡើង ១៥%ទៅ២០% នៅ​ឆមាស​ទីពីរ ហើយ​អាចរកចំណូលបានច្រើនជាង ៧ពាន់​លាន​ដុល្លារ​សម្រាប់​ឆ្នាំ​នេះ៕

The post ៦ខែដំបូង វៀតណាម នាំចេញបន្លែ និងផ្លែឈើ ក្នុងតម្លៃជាង ៣ពាន់លានដុល្លារ appeared first on .

ក្នុងអំឡុងពេលនោះ ប្រទេសចិន កូរ៉េខាងត្បូង សហរដ្ឋអាមេរិក និងថៃ គឺជាប្រទេសដែលបាននាំចូលបន្លែ និងផ្លែឈើច្រើនជាងគេបំផុតរបស់ប្រទេសវៀតណាម។

ប្រភពខាងលើក៏បានបន្ថែមឲ្យដឹងទៀតថា នៅក្នុងខែមេសាតែមួយ ការនាំចេញបន្លែ និងផ្លែឈើរបស់វៀតណាម ត្រូវបានគេប៉ាន់ប្រមាណថានឹងមានតម្លៃសរុប ៥៣៩,៨លានដុល្លារ កើនឡើងជិត ១៤,៩% បើធៀបនឹងខែមីនា និង ៣៧,៨% ធៀបនឹងឆ្នាំមុន។

ទីភ្នាក់ងារពាណិជ្ជកម្មបរទេសដែលស្ថិតនៅក្រោមក្រសួងឧស្សាហកម្ម និងពាណិជ្ជកម្មវៀតណាម បានបង្ហាញក្តីរំពឹងទៀតថា ការនាំចេញផ្លែឈើ និងបន្លែ រួមទាំងផ្លែ​ទុរ៉េនដែលជាទំនិញដ៏សំខាន់នោះ​ នឹងកើនឡើងកាន់តែច្រើននៅឆ្នាំនេះ ដោយសារតែកូដនៃតំបន់ដាំដុះ និងកន្លែងវេចខ្ចប់អាចត្រូវបានទទួលស្គាល់ជាផ្លូវការដែលវាបានបង្កើតលក្ខខណ្ឌអំណោយផលសម្រាប់ការនាំចេញទៅក្រៅប្រទេស៕

The post ត្រឹម ៤ខែដំបូងឆ្នាំនេះ វៀតណាមកើបចំណូលជិត ២ពាន់លានដុល្លារ ពីការនាំចេញបន្លែ ផ្លែឈើ appeared first on .

យោងតាមលោក Wattanasak Sur-iam អគ្គនាយកនៃនាយកដ្ឋានពាណិជ្ជកម្មផ្ទៃក្នុងថៃ បានបង្ហាញឱ្យដឹងថា ស្ថាប័នរបស់ខ្លួន បាននិងកំពុងត្រួតពិនិត្យទៅលើតម្លៃ ហើយបានរកឃើញថាមានការកើនឡើងខ្លាំង ជាពិសេសសម្រាប់ផ្លែទុរេន និងមង្ឃុត ។

មិនតែប៉ុណ្ណោះ ដោយសារតែសេវាកម្មដឹកជញ្ជូនកាន់តែផ្តល់ភាពងាយស្រួល បានគាំទ្រដល់ការកើនឡើងនៃការដឹកជញ្ជូនផ្លែឈើចេញ នៅឆ្នាំនេះ នៅពេលដែលតម្លៃដឹកជញ្ជូនបានធ្លាក់ចុះ នាំឱ្យបរិមាណនាំចេញកើនឡើង ។

ទន្ទឹមនឹងនេះ លោក Wattanasak បាននិយាយទៀតថា បើទោះបីជាផលិតកម្មផ្លែឈើ បានកើនឡើង ៣% ដល់ចំនួន ៦,៧៥ លានតោនក៏ដោយ ប៉ុន្តែវាមិនបានធ្វើឱ្យមានបញ្ហាទៅលើតម្លៃនោះឡើយ ជាឧទាហរណ៍ សម្រាប់ផ្លែស្វាយ ដែលទើបតែបញ្ចប់រដូវកាលដាំដុះ បានរក្សាតម្លៃយ៉ាងល្អ ស្របពេលផ្លែ​ឈើ​ផ្សេង​ទៀត​ដូច​ជា ទុរេន និង​មង្ឃុត ក៏​មាន​តម្លៃ​ខ្ពស់ផងដែរ ៕

The post តម្លៃផ្លែឈើថៃ កើនឡើងខ្លាំង ក្រោយមានតម្រូវការទីផ្សារច្រើនពីប្រទេសចិន appeared first on .

ជុំវិញការដាក់ចេញគោលដៅថ្មីៗនេះ ប្រទេសថៃ ក៏រំពឹងទុកខ្ពស់ផងដែរថា នឹងអាចបង្កើនតម្លៃនាំចេញផ្លែទុរេនរបស់ខ្លួន ឱ្យដល់ ១០០ពាន់លានបាត (២,៩ពាន់លានដុល្លារ) នៅឆ្នាំនេះ ។

អ្នកនាំពាក្យស្តីទីរបស់រដ្ឋាភិបាលថៃ លោក Anucha Burapachaisri បាននិយាយថា ក្រសួងពាណិជ្ជកម្ម រួមទាំងក្រសួងកសិកម្ម សហករណ៍ ក៏ដូចជាទីភ្នាក់ងារទាំងសាធារណ: និងឯកជន បានសម្របសម្រួលក្នុងការស្នើសុំវិធានការចំនួន ២២ ដើម្បីអាចឈានដល់គោលដៅនាំចេញនេះ ។

យ៉ាងណាមិញ ជុំវិញវិធានការនេះ ត្រូវបានគេរំពឹងថា នឹងអាចដោះស្រាយបញ្ហានានាទាក់ទងជាមួយនឹងតម្លៃផ្លែឈើ និងកង្វះបរិមាណ ព្រមទាំងការសម្រេចបាននូវគោលដៅនាំចេញ ដោយផ្តោតទៅលើចំណុចសំខាន់ៗ ដូចជា ផលិតកម្ម ទីផ្សារក្នុងស្រុក ការស្វែងរកទីផ្សារថ្មីនៅបរទេស និងការចរចាជាមួយដៃគូពាណិជ្ជកម្ម ដើម្បីកាត់បន្ថយឧបសគ្គ ចំពោះការនាំចេញផ្លែឈើ ផងដែរ ។

ទន្ទឹមនឹងនេះ ចំពោះផ្លែឈើ ដែលមានតម្លៃថ្លៃដូចជាទុរេន លោក Anucha បាននិយាយថា ដើម្បីរក្សាបាននូវគុណភាពខ្ពស់ កសិករនៅតាមខេត្តភាគខាងកើតប្រទេស ត្រូវបានណែនាំឱ្យអនុវត្តតាមកាលវិភាគប្រមូលផល យ៉ាងតឹងរ៉ឺង ដែលត្រូវបានរៀបចំឡើង ដើម្បីនាំចេញផ្លែទុរេន ទៅកាន់ទីផ្សារ នៅពេលដែលតម្លៃឡើងដល់កម្រិតខ្ពស់បំផុត៕

The post ថៃ ដាក់គោលដៅនាំចេញផ្លែឈើ ឱ្យបានជាង ៤,៤ លានតោន នៅឆ្នាំនេះ appeared first on .

យោងតាម​ការចុះផ្សាយពី Vietnamplus បានបង្ហាញថា ផ្លែឈើ ៣ មុខដែលវៀតណាម​គ្រោងនាំចេញទៅកាន់ទីផ្សារអន្តរជាតិនោះគឺ ផ្លែចេក ផ្លែស្រកានាគ និងផ្លែទុរេន ខណៈពួកគេរំពឹងថានឹងអាចនាំចេញផ្លែឈើ ៣ មុខនេះ ឲ្យបានទឹកប្រាក់ ២ ពាន់លានដុល្លារក្នុងឆ្នាំ ២០២៣ នេះ។

គិតត្រឹមខែមករាឆ្នាំនេះ ការនាំចេញបន្លែផ្លែឈើវៀតណាម មានទំហំ ៣០០ លានដុល្លារ កើនឡើង ៣% បើធៀបនឹងឆ្នាំទៅ ជាហេតុធ្វើឲ្យវៀតណាមមានក្ដីរំពឹងថា វិស័យមួយនេះនឹងទទួលបានចំណូល ៤ ពាន់លានដុល្លារនៅឆ្នាំ ២០២៣ កើនឡើងពីឆ្នាំទៅ ២០%។

សូមជម្រាបដែរថា ម៉ូយដុំរបស់វៀតណាមក្នុងការនាំចូលផ្លែទុរេនគឺ ប្រទេសចិន និងប្រទេសមួយចំនួនទៀតដូចជា អូស្ត្រាលី អាមេរិក ជប៉ុន និងតៃវ៉ាន់។

ដោយឡែក សម្រាប់ផ្លែចេកវិញ វៀតណាមក៏ជាអ្នកនាំចេញទៅកាន់ចិនធំបំផុតទី ២ បន្ទាប់ពីហ្វីលីពីន ស្របពេលចិនចាយលុយច្រើនជាង ១ ពាន់លានដុល្លារជារៀងរាល់ឆ្នាំ សម្រាប់ការនាំចូលផ្លែចេកពីប្រទេសនៅអាស៊ីអាគ្នេយ៍៕

The post វៀតណាមគ្រោងនាំចេញផ្លែឈើ ៣ មុខទៅកាន់ទីផ្សារអន្តរជាតិ ឲ្យបាន ២ ពាន់លានដុល្លារ appeared first on .

ជារៀងរាល់ឆ្នាំចន្លោះខែកុម្ភៈ ឬខែមីនា ប្រជាពលរដ្ឋនៅភូមិទ្រាំង សង្កាត់ស្លក្រាម ក្រុងសៀមរាប តែងតែផ្តើមប្រមូលផលផ្លែម៉ាក់ប្រេងម៉ាក់ប្រាំង ដែលដុះនៅដីភូមិតាមដងស្ទឹងសៀមរាប ចាប់ពីខាងត្បូងស្ពាននាគបន្តិច។ ដោយឡែកនៅឆ្នាំ២០២១នេះ តាមការបញ្ជាក់ពីប្រជាពលរដ្ឋ ផ្លែម៉ាក់ប្រេងម៉ាក់ប្រាំងមិនមានច្រើនដូចរាល់ឆ្នាំទេ ហើយអ្នកលក់ក៏មានតិចដែរ។តម្លៃ​លក់​មួយ​គីឡូ​ចាប់ពី​ ៨ពាន់រៀល ទៅ ១២,០០០រៀល។

គួរបញ្ជាក់​ថា ផ្លែ​ម៉ាក់ប្រេង​ម៉ាក់ប្រាំង​ដែល​ពលរដ្ឋ​ដាក់លក់​នេះ​ ធម្មជាតិពិតៗ ហើយមួយឆ្នាំមានតែម្តងទេ មិនដូចផ្លែឈើដទៃ ដែលលក់តាមផ្សារ ឬទីសាធារណៈផ្សេងៗ មានលក់រាលខែរាល់ឆ្នាំមិនដឹងគេយកមកណាទេ។

The post ផ្លែម៉ាក់ប្រេង ម៉ាក់ប្រាំង​ធម្មជាតិ​ពិតៗ មួយ​ឆ្នាំ​មាន​ម្តង ​ប​ង​ប្អូន​ជិះកាត់​​តាម​ដង​ស្ទឹង​សៀមរាប កុំភ្លេច​ជួយ​ទិញ​ផង​ appeared first on .