តស់! ណាត់គ្នាទៅផ្សារទំនើប ជីប ម៉ុង ២៧១ មេហ្គាម៉លចុងសប្ដាហ៍នេះ មើលឧកញ៉ាៗច្រៀង

ឧកញ៉ាសំពៅ — Tue, 28 Feb 2023 11:11:19 +0000

នាចុងសប្ដាហ៍នេះគឺថ្ងៃទី ០៤ និង ០៥ មីនា នឹងមានការរៀបចំប្រគំតន្ត្រីខ្នាតយក្ស CAMBODIA BEER MEGA CONCERT 2023 ដែលនឹងធ្វើឡើងនៅផ្សារទំនើប ជីប ម៉ុង ២៧១ មេហ្គាម៉ល ចាប់ពីម៉ោង ៦ ល្ងាចតទៅ ដោយមានការផ្សាយផ្ទាល់ទាំងហ្វេសប៊ុកផេក Cambodia Beer និងកញ្ចក់ទូរទស្សន៍ BTV។

ក្នុងកម្មវិធីនោះផងដែរ ក៏នឹងមានការអញ្ចើញចូលរួមពីកំពូលតារាចម្រៀងល្បីៗប្រចាំប្រទេស ឧកញ៉ា ព្រាប សុវត្ថិ ឧកញ៉ា ខេមរៈ សិរីមន្ត កញ្ញា តន់ ចន្ទសីម៉ា លោក ខេម លោក ខាន់ ជេមស៍ លោក គូម៉ា កញ្ញា អ៉ីវ៉ា រួមជាមួយតារាចម្រៀងជំនាន់ថ្មីពេញនិយមប្រចាំផលិតកម្ម Galaxy Navatra។

កាន់តែពិសេស បងប្អូនអាចចូលរួមលេងហ្គេមឈ្នះរង្វាន់ស្រស់ស្អាតជាច្រើន ក្រេបរសជាតិដ៏ឆ្ងាញ់អស្ចារ្យរបស់ CAMBODIA BEER រាំលេងកម្សាន្តយ៉ាងសប្បាយតាមចង្វាក់ភ្លេងក្រោមពន្លឺភ្លើងពណ៌លើឆាកតន្រ្តី ដែលប្រមូលផ្ដុំដោយតារាៗជួរមុខ នៃព្រះរាជាណាចក្រកម្ពុជាថែមទៀត។

ដូច្នេះ សូមកុំភ្លេចចូលរួមឲ្យបានកោះករ ឬអាចទស្សនាតាមការ Live បន្តផ្ទាល់លើហ្វេកប៊ុកផេកផ្លូវការរបស់ Cambodia Beer តាមរយៈតំណភ្ជាប់ https://www.facebook.com/cambodiabeer៕

The post តស់! ណាត់គ្នាទៅផ្សារទំនើប ជីប ម៉ុង ២៧១ មេហ្គាម៉លចុងសប្ដាហ៍នេះ មើលឧកញ៉ាៗច្រៀង appeared first on .

ចេញរូបរាង ឆាប់ៗនេះជិតមានផ្សារទំនើបធំពីរ ចាយទុនជាង ៣០០ លានដុល្លារ នៅខាងត្បូងរាជធានីភ្នំពេញ

ឧកញ៉ាមហាសម្បត្តិ — Mon, 15 Aug 2022 08:07:54 +0000

សំណង់ផ្សារទំនើបធំពីរដែលចាយទុនសរុបជាង ៣០០ លានដុល្លារ កំពុងលេចវត្តមាននឹងក្លាយជាមណ្ឌលផ្សារទំនើបដ៏ធំនៅភាគខាងត្បូងរាជធានីភ្នំពេញ។

មណ្ឌលផ្សារទំនើបខ្នាតអន្តរជាតិ ជីប ម៉ុង ២៧១ មេហ្គាម៉ល របស់ក្រុមហ៊ុនយក្ស ជីប ម៉ុងនឹងដាក់ឱ្យដំណើរការក្នុងឆ្នាំ ២០២២ ខាងមុខ។ វត្តមានរបស់មណ្ឌលផ្សារទំនើបនេះនឹងក្លាយជាផ្នែកមួយក្នុងការធ្វើទំនើបកម្មឧស្សាកម្មលក់រាយនៅតំបន់ភាគខាងត្បូងនៃរាជធានីភ្នំពេញ។

មណ្ឌលផ្សារទំនើបខ្នាតអន្តរជាតិ ជីប ម៉ុង ២៧១ មេហ្គាម៉ល បានវិនិយោគក្នុងទំហំទឹកប្រាក់ ប្រមាណ ១៨០ លានដុល្លារ។ មានទីតាំងស្ថិតនៅក្នុងគម្រោងអភិវឌ្ឍន៍អចលទ្រព្យ ៤៣ ហិកតា លែនម៉ាក ២៧១ មណ្ឌលផ្សារទំនើបខ្នាតអន្តរជាតិ ជីប ម៉ុង ២៧១ មេហ្គាម៉ល បានបញ្ចុះបឋមសីលាបើកការដ្ឋានសាងសង់កាលពីខែសីហា ឆ្នាំ២០១៨ ហើយនឹងដាក់ឱ្យដំណើរការនៅចុងឆ្នាំ២០២២ ឬដើមឆ្នាំ២០២៣។

ដោយឡែកផ្សារទំនើបអ៊ីអន ៣ ឬផ្សារទំនើបអ៊ីអនម៉លមានជ័យ បច្ចុប្បន្នកំពុងសម្រុកស្ថាបនាយ៉ាងសស្រាក់សស្រាំ នឹងឈានទៅបញ្ចប់រួចរាល់ទាន់ផែនការដែលបានគ្រោងទុកក្នុងឆ្នាំ២០២២ នេះ។

ផ្សារលក់រាយដ៏ធំរបស់ជប៉ុនដែលបានចាយទុនវិនិយោគជាង ២០០ លានដុល្លារនេះ បានបើកការដ្ឋានសាងសង់ផ្សារកាលពីឆ្នាំ ២០២០។

បើតាមសេចក្តីប្រកាសរបស់ក្រុមហ៊ុន ផ្សារទំនើបអ៊ីអនម៉លមានជ័យ នឹងក្លាយជាសាខាផ្សារទំនើប AEON Mall ដែលធំជាងគេនៅក្នុងតំបន់អាស៊ាន។

ផ្សារទំនើបអ៊ីអន ៣ ឬផ្សារទំនើបអ៊ីអនម៉លមានជ័យ មានទីតាំងស្ថិតនៅតាមបណ្តោយមហាវិថីសម្តេចតេជោ ហ៊ុន សែន (ឬផ្លូវ៦០ម៉ែត្រ)។ មានកម្ពស់ ៥ ជាន់គ្របដណ្តប់លើទំហំផ្ទៃដី 174,000 ម៉ែត្រការ៉េ ដែលទំហំនេះធំជាងផ្សារទំនើបអ៊ីអនម៉លទី១ ពីរដង (68,000 ម៉ែត្រការ៉េ ដែលបើកដំណើរការឆ្នាំ២០១៤) និងធំជាងផ្សារទំនើបអ៊ីអនម៉ល សែន សុខ បន្តិច (151,000ម៉ែត្រការ៉េ)៕

The post ចេញរូបរាង ឆាប់ៗនេះជិតមានផ្សារទំនើបធំពីរ ចាយទុនជាង ៣០០ លានដុល្លារ នៅខាងត្បូងរាជធានីភ្នំពេញ appeared first on .

ផ្សារជីបម៉ុង ២៧១

តស់! ណាត់គ្នាទៅផ្សារទំនើប ជីប ម៉ុង ២៧១ មេហ្គាម៉លចុងសប្ដាហ៍នេះ មើលឧកញ៉ាៗច្រៀង