លោកទេសរដ្ឋមន្រ្តី ស៊ុន ចាន់ថុល បានបញ្ជាក់ថា ម្ចាស់យានយន្តទាំងអស់ គឺមានពិន្ទុពេញចំនួន១២ ដែលជាពិន្ទុសម្រាប់ចំណុចចាប់ផ្តើមនៃការអនុវត្តកម្មវិធី Mobile App ។ លោកថ្លែងថា៖ “ប្រសិនបើម្ចាស់យានយន្តល្មើសច្បាប់ចរាចរណ៍ផ្លូវគោកចំនួន ៣ករណី នោះ​ភ្នាក់ងារនគរបាលចរាចរណ៍នឹងធ្វើការស្កេនបណ្ណបើកបរ រួចធ្វើការកាត់ពិន្ទុចំនួន៣ពិន្ទុ”។

បើតាមលោក ស៊ុន ចាន់ថុល ក្រោយការកាត់ពិន្ទុរួចរាល់ ម៉ាស៊ីនស្កេននឹងបញ្ចេញនូវក្រដាសផាកពិន័យជាចំនួនទឹកប្រាក់ឱ្យម្ចាស់រថយន្តចូលខ្លួនទៅបង់ស្របតាមពេលវេលាកំណត់។ លោកបញ្ជាក់បន្ថែមថា នៅពេលដែលម្ចាស់យានយន្តបានប្រព្រឹត្តិបទល្មើសរហូតឈានដល់ការកាត់ពិន្ទុអស់ចំនួន១២ នោះម្ចាស់យានយន្តនឹងត្រូវប្រលងយកបណ្ណបើកបរឡើងវិញសារជាថ្មី។

យ៉ាងណា ជុំវិញការកាត់ពិន្ទុនេះដែរ លោក ស៊ុន ចាន់ថុល បានបញ្ជាក់បន្ថែមទៀតថា គឺធ្វើឡើងតែចំពោះអ្នកប្រើប្រាស់រថយន្តតែប៉ុណ្ណោះ សម្រាប់អ្នកប្រើប្រាស់ទោចក្រយានយន្តវិញគឺមិនអនុវត្តនោះទេ។

សូមរម្លឹកថា ក្នុងរយៈពេលពេញមួយឆ្នាំ ២០២១ ករណីគ្រោះថ្នាក់ចរាចរណ៍នៅទូទាំងប្រទេសបានកើតឡើងចំនួន​ ២,៦៧០រកណី​ ថយចុះចំនួន១៦% ​ពីឆ្នាំ២០២០ ដោយមានចំនួន១,៦៤៦នាក់។ ក្នុងនោះ ចំនួនអ្នកបាត់បង់ជីវិតក្នុងហេតុការណ៍គ្រោះថ្នាក់ចរាចរណ៍មានចំនួន១,៤៩៧នាក់ ថយចុះ១៤៥នាក់​ ឬស្នើ៩% និងចំនួនអ្នករងបួសមានចំនួន៣,៦១៥នាក់ ថយចុះ ១,០៧១នាក់ពីឆ្នាំ២០២០។ នេះបើតាមរបាយការណ៍គ្រោះថ្នាក់ចរាចរណ៍របស់ក្រសួងមហាផ្ទៃបានឲ្យដឹងនាពេលកន្លងទៅ៕

The post ខែកុម្ភៈនេះក្រសួងសាធារណការ អនុវត្តកម្មវិធី Mobile App ដកពិន្ទុបណ្ណបើកបរទៅលើម្ចាស់យានយន្តខុសច្បាប់ចរាចរណ៍ទាំងអស់ appeared first on .

ការសហការគ្នាលើការចូលរួមកែសម្រួលបច្ចេកទេសចង្កូតរថយន្តឱ្យត្រូវតាមស្តង់ដា សុវត្ថិភាពរថយន្ត និងស្របតាមច្បាប់ចរាចរណ៍នៅប្រទេសកម្ពុជានេះ ធ្វើឡើងក្នុងគោលបំណងជួយសម្រាលបន្ទុកយោធិន ដែលជាម្ចាស់រថយន្តបំពាក់ស្លាកលេខ កងយោធពលខេមរភូមិន្ទ ទាំងអស់ប្ដូរចង្កូតពីស្ដាំ មកឆ្វេង និងចូលរួមបង់ពន្ធអាករនាំចូល តាមបទបញ្ជា និងគោលនយោបាយប្រមូលពន្ធរដ្ឋ របស់រាជរដ្ឋាភិបាល។

ក្រុមហ៊ុន S.T.P INTERNATIONAL (CAMBODIA) PUBLIC CO., LTD. របស់ឧកញ៉ា តែ តាំងប៉ នឹងទទួលខុសត្រូវលើការប្ដូរចង្កូតរថយន្តពីស្ដាំមកឆ្វេងនេះ ដោយធានានូវគុណភាពសម្ភារ លក្ខណៈបច្ចេកទេស និងស្តង់ដារសុវត្ថិភាពរថយន្ត ស្របតាមច្បាប់ចរាចរណ៍នៅកម្ពុជា។

ហេតុដូច្នេះ សូមអំពាវនាវដល់ម្ចាស់រថយន្តចង្កូតស្ដាំទាំងអស់ ដែលមិនទាន់ប្ដូរចង្កូតពីស្ដាំមកឆ្វេងឱ្យត្រូវតាមស្តង់ និងមិនទាន់បានបង់ពន្ធអាករចូលរដ្ឋទាំងអស់ រៀបចំឯកសារបែបបទស្នើសុំឱ្យទាន់ពេលវេលា។

គួរបញ្ជាក់ថា  រាជរដ្ឋាភិបាល បានជូនដំណឹងជាលើកចុងក្រោយ ណែនាំឱ្យម្ចាស់រថយន្ត​ចង្កូត​ស្តាំទាំងអស់នៅកម្ពុជា  ដាច់ខាតត្រូវ​កែ​ចង្កូត​ពីស្តាំ មក​ឆ្វេង​ មុនអនុញ្ញាតឱ្យ​បង់ពន្ធ និង​អាករ​នាំចូលស្របច្បាប់ជូនរដ្ឋ​។ ការអនុញ្ញាត​នេះ មាន​ឱសានវាទ ត្រឹម​ដំណាច់​ខែមិថុនា ឆ្នាំ​២០២២​។ ចាប់ពី​ថ្ងៃទី​១ ខែកក្កដា ឆ្នាំ​២០២២ ឡាន​ចង្កូត​ស្តាំ ដែល​មិនទាន់ព្រមកែ និងបំពេញកាតព្វកិច្ច​បង់ពន្ធ​នាំចូល នឹងត្រូវ​ចាប់ដក​ហូត ហើយកម្ទេចចោល​ដោយគ្មានការលើកលែងឡើយ៕

The post ក្រុមហ៊ុន ឧកញ៉ា តែ តាំងប៉ ទទួលសិទ្ធិពិសេសកែចង្កូតរថយន្តស្លាកលេខ ខ.ម ទូទាំងប្រទេសពីស្ដាំមកឆ្វេង appeared first on .

លិខិតដដែលបានបញ្ជាក់ថា  ការសម្រេច​បញ្ចុះ​ពន្ធ​នេះ ដោយសារតែ​ពិនិត្យឃើញ មាន​រថយន្ត​មួយចំនួន ជាពិសេស​ប្រភេទ ដែលមាន​ឆ្នាំ​ម៉ូ​ដែល ក្រោម​ឆ្នាំ​២០១៦ មាន​សភាព​ចាស់ ហើយ​ម្ចាស់​មាន​បញ្ហាលំបាក​ផ្នែក​ហិរញ្ញវត្ថុ ក្នុង​ការបំពេញ​កាតព្វកិច្ច​ពន្ធ និង​អាករ និង​ដើម្បី​ជំរុញ​ឲ្យ​ដំណើរ​ការបង់​ពន្ធអាក​រលើ​រថយន្ត​មាន​ស្រាប់​ក្នុងប្រទេស​កាន់តែ​មាន​ភា​ពរ​លូន ប្រកបដោយ​សមធម៌​។​

ចំណែករថយន្ត​ចង្កូត​ស្តាំ គ្មាន​ពន្ធ និង​អាករ​នាំចូល មាន​ស្រាប់​ក្នុងប្រទេស ត្រូវ​បន្ធូរបន្ថយ​តម្លៃ​គិត​ពន្ធគយ លើ​តម្លៃ​រថយន្ត​ចង្កូត​ឆ្វេង តាម​ឆ្នាំ​ម៉ូ​ដែល ៣​ប្រភេទ គឺ​១-​ឆ្នាំ​ម៉ូ​ដែល ចាប់ពី​ឆ្នាំ​២០១៥ ចុះ បន្ថយ ២០%​។ ២-​ឆ្នាំ​ម៉ូ​ដេ​ល ចាប់ពី​ឆ្នាំ​២០១៦ ដល់​ឆ្ន​២០១៨ បន្ថយ ១៥% និង​៣-​ឆ្នាំ​ម៉ូ​ដែល ចាប់ពី​ឆ្នាំ​២០១៩ ដល់​ឆ្នាំ​២០២០ បន្ថយ ១០%​។​

​អគ្គនាយកដ្ឋាន​គយ និង​រដ្ឋាករ ក៏បាន​កំណត់ថា ចំពោះ​រថយន្ត​ស្ទួ​ច​ធុន​ធ្ងន់ ដែលមាន​ទម្ងន់​សុទ្ធ​លើសពី ២០​តោន ត្រូវបាន​លើកលែង​ការតម្រូវ​ឲ្យ​កែ​ចង្កូត ពីស្តាំ ទៅ​ឆ្វេង​។ ការសម្រេច​នេះ យោង​លិខិត ចុះ​ថ្ងៃទី​៤ ខែកញ្ញា ឆ្នាំ​២០០៨ របស់​ក្រសួង​សេដ្ឋកិច្ច និង​ហិរញ្ញវត្ថុ​៕

The post ដំណឹងល្អ! គយ និង​រដ្ឋាករ ​សម្រេចកែសម្រួល​ពន្ធគយ សម្រាប់​អនុវត្ត​លើ​រថយន្ត​គ្មាន​ពន្ធ និង​អាករ​នាំចូល appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

យោងតាមការចុះផ្សាយរបស់ អគ្គនាយកដ្ឋានគយ និងរដ្ឋាករកម្ពុជាបានអោយដឹងថា ចំណូលពន្ធប្រមូលបានប្រចាំត្រីមាសទី១ ឆ្នាំ ២០២១ នេះ មានចំនួន ២,៤៨៩.៨ ប៊ីលានរៀល (ស្មើនឹង ៦១៤.៨ លានដុល្លារអាមេរិក) ថយចុះប្រមាណ ១៥.២% ធៀបនឹងត្រីមាសទី១ ឆ្នាំ ២០២០ ។

លទ្ធផលប្រមូលចំណូលក្នុងត្រីមាសទី១ ឆ្នាំ ២០២១ នេះគឺសម្រេចបាន ២៦% នៃផែនការប្រចាំឆ្នាំ ដែលកំណត់ដោយច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២១។

បើគិតតាមក្រុមទំនិញវិញ ចំណូលពីយានយន្ត និងគ្រឿងចក្រមានចំនួន ១,០៨៣.៣ ប៊ីលានរៀល គ្របដណ្តប់ ៤៣.៥% នៃចំណូលសរុប ទំនិញចម្រុះមានចំនួន ៦៨២.៣ ប៊ីលានរៀល ត្រូវជា ២៧.៤%នៃចំណូលសរុប​ ផលិតផលតេលសិលាមានចំនួន ៥៦៨.៣ ប៊ីលានរៀល ស្មើនឹង ២២.៨% នៃចំណូលសរុប និង សម្ភារសំណង់និងកម្រៃផ្សេងៗ មានចំនួន ១៥៥.៩ ប៊ីលានរៀល ស្មើនឹង ៦.៣%នៃចំណូលសរុប៕

The post ចំណូលពន្ធគយពីវិស័យយានយន្ត ចូលរួមចំណែក ៤៣,៥% លើពន្ធគយសរុបសំរាប់ត្រីមាសទី១ ឆ្នាំ ២០២១ appeared first on .