នៅក្នុងអំឡុងខែកក្កដានោះ ការនាំចេញសរុបមានចំនួន ៨៧,១ពាន់លានបាត ដែលឆ្លុះបញ្ចាំងពីការកើនឡើង ១៥,៥% ចំណែកឯការនាំចូលសរុបមានចំនួន ៧១ពាន់លានបាត។

លោក Ronnarong Phoolpipat អគ្គនាយកនៃនាយកដ្ឋានពាណិជ្ជកម្មបរទេស បានមានប្រសាសន៍ថា ការបន្តពង្រីកពាណិជ្ជកម្មតាមព្រំដែន និងឆ្លងកាត់ព្រំដែន គឺជាសក្ខីភាពនៃទីតាំងយុទ្ធសាស្ត្ររបស់ប្រទេសថៃ និងទំនាក់ទំនងសេដ្ឋកិច្ចដ៏រឹងមាំជាមួយប្រទេសជិតខាង។

ទន្ទឹមនឹងនេះ នាយកដ្ឋានពាណិជ្ជកម្មបរទេស ក៏បានបង្ហាញឲ្យដឹងទៀតថា ក្នុងរយៈពេលប្រាំពីរខែដំបូងនៃឆ្នាំ២០២៤នេះ ពាណិជ្ជកម្មតាមព្រំដែន និងឆ្លងព្រំដែនរបស់ប្រទេសថៃ មានចំនួនសរុបជាង ១ទ្រីលានបាត ជាមួយនឹងការនាំចេញកើនឡើង ៥,៩% ដល់ចំនួន ៦២១,៤ពាន់លានបាត និងការនាំចូលមានចំនួន ៤៤៨,៩ពាន់លានបាត កើនឡើង ៤,៧%។

ជម្រាបជូនផងដែរថា ជុំវិញការកើនឡើងដ៏គួរឲ្យកត់សម្គាល់នេះ ត្រូវ​បាន​គេសន្មត​ថា​ ដោយសារតែមាន​តម្រូវ​ការ​ខ្លាំង​ សម្រាប់​ផលិតផល​ថាមពល ជា​ពិសេស​ប្រេង​ម៉ាស៊ូត ព្រម​ទាំង​ទំនិញ​ប្រើប្រាស់​ ដូច​ជា​កៅស៊ូ និង​ផលិតផល​កៅស៊ូជាដើម៕

The post ពាណិជ្ជកម្មឆ្លងដែនរបស់ថៃ កើនឡើងដល់ជិត ៥ពាន់លានដុល្លារ នៅក្នុងខែកក្កដា appeared first on .

លោក Ronnarong Phoolpipat អគ្គនាយកនៃអគ្គនាយកដ្ឋានពាណិជ្ជកម្មបរទេសរបស់ប្រទេសថៃ បានមានប្រសាសន៍ថា ដើម្បីសម្រេចបាននូវគោលដៅថ្មី ក្រសួងពាណិជ្ជកម្ម កំពុងធ្វើការប្តេជ្ញាចិត្តក្នុងការពន្លឿនការធ្វើពាណិជ្ជកម្មឆ្លងកាត់ព្រំដែន ក្រោមយុទ្ធសាស្ត្រជំរុញការវិនិយោគរបស់រដ្ឋាភិបាល សម្រាប់ឆ្នាំ២០២៤ ដល់ឆ្នាំ២០២៧ ។

ជុំវិញផែនការថ្មីនេះ ក៏នឹងមានពាក់ព័ន្ធជាមួយនឹងកិច្ចសហប្រតិបត្តិការជាមួយទីភ្នាក់ងាររដ្ឋផ្សេងទៀត ដើម្បីជួយសម្រួល និងជំរុញពាណិជ្ជកម្មឆ្លងព្រំដែន ក៏ដូចជាការបង្កើតមជ្ឈមណ្ឌលសេវាច្រកចេញចូលតែមួយ (OSS) និងការភ្ជាប់ឯកសារនាំចេញ-នាំចូល តាមរយៈប្រព័ន្ធ National Single Window ដើម្បីសម្រួលដល់ដំណើរការធ្វើពាណិជ្ជកម្មតាមព្រំដែននេះផងដែរ។

យោងតាមទិន្នន័យរបស់ក្រសួងពាណិជ្ជកថៃ បានបង្ហាញឲ្យដឹងថា ពាណិជ្ជកម្មឆ្លងកាត់ព្រំដែន ក្នុងឆ្នាំ២០២៣ កន្លងទៅ មានការនាំចេញសរុបក្នុងតម្លៃ ៩៨១ពាន់លានបាត (ធ្លាក់ចុះ ៤,៦%) និងការនាំចូល មានចំនួន ៧៦២ពាន់លានបាត (កើនឡើង ០,២%) ។

ទន្ទឹមនឹងនេះ ពាណិជ្ជកម្មឆ្លងកាត់ព្រំដែនជាមួយប្រទេសជិតខាងចំនួនបួន បានកើនឡើងដល់ ៩៣០ពាន់លានបាត ក្នុងឆ្នាំ២០២៣ ជាមួយនឹងការនាំចេញសរុបមានចំនួន ៥៨០ពាន់លាន និងការនាំចូលចំនួន ៣៥០ពាន់លានបាត។

ជម្រាបជូនផងដែរថា ប្រទេសចិនគឺជាដៃគូពាណិជ្ជកម្មឆ្លងព្រំដែនកំពូលរបស់ថៃ ដែលមានតម្លៃសរុបប្រមាណ ៤២៣ពាន់លានបាត បន្ទាប់មកគឺសិង្ហបុរី មានចំនួន ១០៧ពាន់លានបាត និងវៀតណាម មានចំនួន ៧០,១ពាន់លានបាត៕

The post ថៃ ដាក់ផែនការស្តារពាណិជ្ជកម្មឆ្លងព្រំដែនខ្លួនឡើងវិញ ក្រោយលទ្ធផលឆ្នាំទៅធ្លាក់ចុះខ្លាំង appeared first on .

អនុរដ្ឋមន្ត្រីក្រសួងពាណិជ្ជកម្ម លោក Napintorn Srisunpang ដែលទទួលបន្ទុកត្រួតពិនិត្យនាយកដ្ឋានអភិវឌ្ឍពាណិជ្ជកម្ម នាយកដ្ឋានចរចាពាណិជ្ជកម្ម និងនាយកដ្ឋានពាណិជ្ជកម្មបរទេស បានបង្ហាញឱ្យដឹងថា ក្រសួងគ្រោងនឹងសម្រេចគោលដៅធំនេះ ជាមួយនឹងការជំរុញផលិតផលសហគមន៍ផ្សេងៗ ក៏ដូចជាផលិតផលសម្គាល់ភូមិសាស្ត្រ និងសិទ្ធិផ្តាច់មុខ។

លោក Napintorn បានបន្តទៀតថា ក្រសួងក៏នឹងរៀបចំការតាំង​ពិព័រណ៍​ និងព្រឹត្តិការណ៍ផ្គូផ្គងពាណិជ្ជកម្ម ដោយអញ្ជើញមន្ត្រីមកពីប្រទេសជិតខាង និងសមាគមពាណិជ្ជកម្មបរទេស ដើម្បីពិភាក្សាបន្ថែមអំពីវិធីកាត់បន្ថយរនាំងពាណិជ្ជកម្ម។

” ទោះបីជានៅតែមានការព្រួយបារម្ភអំពីអំណាចទិញ របស់ប្រទេសជិតខាងដូចជាមីយ៉ាន់ម៉ា ឡាវ និងកម្ពុជា ដែលកំពុងប្រឈមមុខនឹងបញ្ហាសេដ្ឋកិច្ចក៏ដោយ តែយើងជឿជាក់ថាទំនិញប្រើប្រាស់របស់ប្រទេសថៃ នៅតែពេញនិយមនៅក្នុងប្រទេសទាំងនោះ ដោយផ្អែកលើគុណភាព និងតម្លៃសមរម្យ។ ហើយយើង​ក៏​នឹង​ជំរុញបន្ថែម ទៅលើ​ពាណិជ្ជកម្ម​ឆ្លងដែន​ជាមួយ​ចិន​ផង​ដែរ”។ នេះបើតាមការបញ្ជាក់បន្ថែមពីលោក Napintorn ។

ជុំវិញគោលដៅដ៏ធំនេះ លោក Napintorn បាននិយាយកាលពីសប្តាហ៍មុនថា លោកបានចាត់ឱ្យនាយកដ្ឋានចរចាពាណិជ្ជកម្ម ពន្លឿនការចរចាក្នុងកិច្ចព្រមព្រៀងពាណិជ្ជកម្មសេរីថ្មីៗ (FTAs) រួមទាំងជាមួយការចរចាជាមួយសមាគមពាណិជ្ជកម្មសេរីអឺរ៉ុប សហភាពអឺរ៉ុប អារ៉ាប់រួម និងស្រីលង្កា។

បន្ថែមពីនេះ មន្ត្រីចរចារពាណិជ្ជកម្ម ក៏ត្រូវបានចាត់តាំងឱ្យជួបជាមួយភាគីម៉ាឡេស៊ី កម្ពុជា ឡាវ ចិន និងចក្រភពអង់គ្លេស តាមរយៈគណៈកម្មាធិការពាណិជ្ជកម្មរួមមួយ ដើម្បីពន្លឿនការដោះស្រាយរនាំងពាណិជ្ជកម្ម និងការពង្រីកទីផ្សារបន្ថែមទៀត ក៏ដូចជាសិក្សាពីអត្ថប្រយោជន៍ និងគុណវិបត្តិនៃកិច្ចព្រមព្រៀងពាណិជ្ជកម្មសេរី ជាមួយទីផ្សារថ្មីៗ នៅតំបន់មជ្ឈិមបូព៌ា អាហ្វ្រិក និងអាមេរិកឡាទីន ផងដែរ៕

The post ថៃ ដាក់គោលដៅទាញឱ្យបានជាង ៣២ពាន់លានដុល្លារ ពីពាណិជ្ជកម្មឆ្លងដែន នៅឆ្នាំក្រោយ appeared first on .

ជាក់ស្តែង នេះបើយោងតាមការលើកឡើងរបស់ លោក Pitak Udomwichaiwat អគ្គនាយកនៃនាយកដ្ឋានពាណិជ្ជកម្មបរទេស ដែលបានបង្ហាញសុទិដ្ឋិនិយមថា វិស័យពាណិជ្ជកម្មតាមព្រំដែនរបស់ថៃ កំពុងទទួលបានផលវិជ្ជមាន បន្ទាប់ពីមានកិច្ចប្រជុំរួមគ្នានាពេលថ្មីៗនេះ ជាមួយអ្នកតំណាងសភាពាណិជ្ជកម្មថៃ សហព័ន្ធឧស្សាហកម្មថៃ និងឯកអគ្គរដ្ឋទូតពាណិជ្ជកម្មប្រចាំកម្ពុជា ឡាវ មីយ៉ាន់ម៉ា វៀតណាម និងប្រទេសចិន សម្រាប់ការវាយតម្លៃលើស្ថានភាពពាណិជ្ជកម្មតាមព្រំដែន នៅក្នុងឆមាសទីពីរឆ្នាំនេះ ។

មិនតែប៉ុណ្ណោះ ថ្មីៗនេះ នាយកដ្ឋានខាងលើ បានរាយការណ៍ថា ក្នុងរយ:ពេល ៧ ខែដំបូងនៃឆ្នាំនេះ ពាណិជ្ជកម្មតាមព្រំដែន និងឆ្លងព្រំដែនរបស់ថៃ បានកើនឡើងដល់ ១ ទ្រីលានបាត ពោលគឺបានកើនឡើង ២,៩៨% ពីឆ្នាំមុន ។ នៅក្នុងនោះដែរ ការនាំចេញបានរួមចំណែក ៥៩៥ ពាន់លានបាត កើនឡើង ០,៦១% ខណ:ការនាំចូលមានតម្លៃ ៤០៥ ពាន់លានបាត កើនឡើង ៦,៦៥% ។

លើសពីនេះ លោក Pitak បាននិយាយថា ការនាំចេញទៅកាន់ប្រទេសជិតខាង បានកើនឡើងក្នុងខែកក្កដា ដោយក្នុងនោះ ការនាំចេញទៅម៉ាឡេស៊ីកើនឡើង ២៣,៣% , កម្ពុជាកើនឡើង ១៦,៦% , មីយ៉ាន់ម៉ាកើនឡើង ៥១,៣% និងឡាវកើនឡើង ២៦,៩%។

បញ្ជាក់ផងដែរថា ផលិតផលសំខាន់ៗដែលថៃបាននាំចេញទៅនោះមានដូចជា ប្រេងម៉ាស៊ូត មាសមិនទាន់កែច្នៃ និងស្ករ ទៅកាន់ប្រទេសឡាវ ខណ:នាំចេញប្រេងដូង ប្រេងម៉ាស៊ូត ទៅប្រទេសមីយ៉ាន់ម៉ា។ សំបកកង់រថយន្ត និងគ្រឿងបន្លាស់រថយន្តទៅកាន់ប្រទេសម៉ាឡេស៊ី និងរ៉ែ ប្រេងឥន្ធន: រថយន្ត រួមទាំងគ្រឿងបន្លាស់រថយន្តមកកាន់ប្រទេសកម្ពុជា ៕

The post ពាណិជ្ជកម្មឆ្លងដែនរបស់ថៃ រំពឹងថាអាចកើនឡើងដល់ជិត ៥០ ពាន់លានដុល្លារ នៅឆ្នាំនេះ appeared first on .