បើតាមរដ្ឋមន្ត្រីក្រសួងវិនិយោគ ពាណិជ្ជកម្ម និងឧស្សាហកម្មម៉ាឡេស៊ី លោក Tengku Datuk Seri Zafrul Abdul Aziz បាននិយាយថា ទំនាក់ទំនងសេដ្ឋកិច្ចរវាងប្រទេសទាំងពីរ បានបង្ហាញពីកំណើន ៦,៩% ធៀបទៅនឹងរយ:ពេលដូចគ្នាកាលពីឆ្នាំមុន។

ដោយថ្លែងនៅឯកិច្ចប្រជុំកំពូលម៉ាឡេស៊ី-ចិនឆ្នាំ២០២៤ កាលពីថ្ងៃទី១៩ ខែធ្នូកន្លងទៅ លោក Tengku Zafrul បាននិយាយថា ម៉ាឡេស៊ីចាត់ទុកប្រទេសចិនជាដៃគូដ៏មានតម្លៃបំផុតរបស់ខ្លួន ពោលគឺលើសពីទំនាក់ទំនងទ្វេភាគីនៅដំណាក់កាលសំខាន់ជាច្រើន។ ហើយចាប់តាំងពីគំនិតផ្តួចផ្តើមខ្សែក្រវាត់ និងផ្លូវ (BRI) ត្រូវបានដាក់ឱ្យដំណើរការជាផ្លូវការក្នុងឆ្នាំ២០១៣ មក ម៉ាឡេស៊ីគឺស្ថិតក្នុងចំណោមប្រទេសជាដៃគូដែលគាំទ្រដល់គម្រោងនេះខ្លាំងបំផុត។

ជម្រាបជូនផងដែរថា កិច្ចប្រជុំកំពូលត្រូវបានរៀបចំឡើងដោយ Qube Integrated Malaysia និងចូលរួមសហការជាមួយសាជីវកម្មអភិវឌ្ឍន៍ពាណិជ្ជកម្មខាងក្រៅម៉ាឡេស៊ី (Matrade) ដែលធ្វើឡើងចាប់ពីថ្ងៃទី១៧-១៩ ខែធ្នូ គឺដើម្បីអបអរសាទរដល់ខួប ៥០ឆ្នាំនៃទំនាក់ទំនងការទូតរវាងម៉ាឡេស៊ី-ចិន៕

The post ទំហំពាណិជ្ជកម្មទ្វេភាគីរវាងម៉ាឡេស៊ី និងចិន កើនដល់ជិត ១០០ពាន់លានដុល្លារ នៅក្នុងឆ្នាំនេះ appeared first on .

​អគ្គនាយកដ្ឋាន​គយ និង​រដ្ឋាករ បានបង្ហាញរបាយការណ៍នៃការធ្វើពាណិជ្ជកម្មរវាងប្រទេសទាំង២ ដោយគិតពីខែមករា រហូតដល់ខែវិច្ឆិកា ឆ្នាំ២០២៣ កម្ពុជាបាននាំចេញទំនិញ សរុបជាទឹកប្រាក់ប្រហែល ១,០៦ពាន់លានដុល្លារ ទៅកាន់ប្រទេសជប៉ុន ថយចុះពីឆ្នាំមុន ០,៣% ខណៈការនាំចូលទំនិញពីជប៉ុន ថយចុះ ១៩,៣% មកនៅត្រឹម ៥៧៣លានដុល្លារប៉ុណ្ណោះ។

ដោយឡែក សម្រាប់ទំនិញដែលកម្ពុជានាំចេញទៅកាន់ប្រទេសជប៉ុនរួមមាន សម្លៀកបំពាក់ កាបូប ស្បែកជើង គ្រឿងសង្ហារឹម ក្រដាស និងផលិតផលស្បែក ខណៈការនាំចូលពីជប៉ុនវិញ មានដូចជា គ្រឿងម៉ាស៊ីន រថយន្ត គ្រឿងអេឡិចត្រូនិច គ្រឿងសង្ហារឹម ក្រណាត់ និងប្លាស្ទិក។

សូមជម្រាបដែរថា ប្រទេសជប៉ុន គឺជាដៃគូពាណិជ្ជកម្មធំបំផុតទី០៥ របស់កម្ពុជា បន្ទាប់ពីប្រទេសចិន សហរដ្ឋអាមេរិក វៀតណាម និងប្រទេសថៃ។ ដើម្បីពង្រីកទំហំពាណិជ្ជកម្មកម្ពុជា-ជប៉ុន នាយករដ្ឋមន្ត្រីសម្ដេចធិបតី ហ៊ុន ម៉ាណែត បាននឹងកំពុង​បំពេញទស្សនកិច្ចទៅប្រទេសជប៉ុន ដើម្បីចូលរួមកិច្ចប្រជុំកំពូលរំលឹកខួបអនុស្សាវរីយ៍អាស៊ាន-ជប៉ុន នៅទីក្រុងតូក្យូ តបតាមការអញ្ជើញរបស់លោក គីស៊ីដា ហ៊្វូមីអូ នាយករដ្ឋមន្រ្តីជប៉ុន។

ក្រៅពីចូលរួមកិច្ចប្រជុំកំពូលរំលឹកខួបអាស៊ាន-ជប៉ុន ហើយនាយករដ្ឋមន្រ្តីនៃប្រទេសទាំងពីរក៏នឹងពិភាក្សាអំពីការពង្រឹង និងស៊ីជម្រៅនៃភាពជាដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា និងជប៉ុន ដើម្បីផលប្រយោជន៍ជាក់ស្តែង សម្រាប់ប្រជាជននៃប្រទេសទាំងពីរផងដែរ។

លើសពីនេះ នាយករដ្ឋមន្ត្រីទាំងពីរ នឹងធ្វើជាសាក្សីក្នុងពិធីចុះហត្ថលេខាលើលិខិតប្ដូរសារ ស្ដីពីការផ្ដល់ហិរញ្ញប្បទានឥតសំណងរបស់ជប៉ុន សម្រាប់គម្រោងចំនួនបី ពាក់ព័ន្ធនឹងធារាសាស្រ្ត ការផ្គត់ផ្គង់ទឹកស្អាត និងរដ្ឋាភិបាលអេឡិចត្រូនិក ព្រមទាំងឯកសារកិច្ចសហប្រតិបត្តិការផ្សេងទៀត លើវិស័យឌីជីថល ធនាគារ និងថាមពល៕

The post ១១ខែ ឆ្នាំ២០២៣ ទំហំពាណិជ្ជកម្មកម្ពុជា-ជប៉ុន សម្រេចបាន ១,៦ពាន់លានដុល្លារ appeared first on .

បើយោងតាមទិន្នន័យរបស់រដ្ឋបាលគយរបស់ប្រទេសចិន បានបង្ហាញឲ្យដឹងថា តម្លៃពាណិជ្ជកម្មទ្វេភាគីត្រឹមតែរយៈពេល ១១ខែដំបូងឆ្នាំនេះ គឺបានលើសពីចំនួនសរុបសម្រាប់ឆ្នាំ ២០២២ ទាំងមូលរួចទៅហើយ ដែលនេះបានធ្វើឲ្យឆ្នាំ ២០២៣ នេះក្លាយជាកំណត់ត្រាខ្ពស់ថ្មីមួយសម្រាប់ពាណិជ្ជកម្មទ្វេភាគីរវាងប្រទេសទាំងពីរ។

គួរឲ្យដឹងថាចិន បានក្លាយជាដៃគូសេដ្ឋកិច្ចដ៏សំខាន់បំផុត សម្រាប់ប្រទេសរុស្ស៊ី ពោលគឺចាប់តាំងពីពេលដែលរដ្ឋាភិបាលទីក្រុងម៉ូស្គូ បានក្លាយជាគោលដៅនៃការដាក់ទណ្ឌកម្មពីសំណាក់ប្រទេសលោកខាងកិច្ច ជុំវិញការលុកលុយទៅលើប្រទេសអ៊ុយក្រែន ដែលកំពុងបន្ត។

នៅក្នុងខែវិច្ឆិកាតែមួយ តម្លៃពាណិជ្ជកម្មទ្វេភាគីរវាងប្រទេសទាំងពីរ បានកើនឡើងដល់ ២១,៥ពាន់លានដុល្លារ ដែលជាចំនួនខ្ពស់បំផុត គិតចាប់តាំងពីខែកុម្ភៈ ឆ្នាំ ២០២២ មក នៅពេលដែលសង្រ្គាមនៅអ៊ុយក្រែនបានចាប់ផ្តើម។

ជម្រាបជូនផងដែរថា ការនាំចេញរបស់ចិនទៅកាន់ប្រទេសរុស្ស៊ីបានកើនឡើង ៣៤% ដល់តម្លៃ ១០,៣ពាន់លានដុល្លារក្នុងខែវិច្ឆិកា ខណ:ពេលដែលការនាំចូលពីរុស្ស៊ីមកកាន់ប្រទេសចិនវិញ បានកើនឡើង ៦% ដល់ចំនួន ១១,២ពាន់លានដុល្លារ៕

The post ទំហំពាណិជ្ជកម្មទ្វេភាគីរវាងចិន និងរុស្ស៊ី បន្តកើនឡើងដល់ជាង ២០០ពាន់លានដុល្លារ appeared first on .

យោងតាមការចុះផ្សាយពី CNA បានបង្ហាញថា ប្រទេសទាំង ២ បានបន្តការចរចា​ឡើងវិញ​កាលពីខែមករា ពោល​អស់រយៈពេលជាច្រើនខែ បន្ទាប់ពីស្រីលង្កា​ជួប​វិបត្តិហិរញ្ញវត្ថុអាក្រក់​បំផុត​មិនធ្លាប់មាន​ក្នុង​រយៈពេលជាង ៧ទសវត្សចុងក្រោយ។

“ភាគីទាំងសងខាង មានការសាទរ និងឆន្ទៈនយោបាយខ្ពស់ចំពោះកិច្ចចរចាមួយនេះ ហើយវា​នឹងមានការ​ជជែកគ្នាជាច្រើន ប៉ុន្តែខ្ញុំមានទំនុកចិត្តថា ពួកយើងនឹងអាច​សម្រេចបាន​កិច្ចព្រមព្រៀង​នេះ​នៅខែមីនា ​ឆ្នាំ ២០២៤”។ នេះបើតាមសម្ដីរបស់ប្រធាន​អ្នក​ចរចា​​របស់​ស្រីលង្កា K.J. Virsinghe បានប្រាប់ទៅកាន់សារព័ត៌មាន។

សូមជម្រាបដែរថា គណៈប្រតិភូថៃត្រូវបានគេរំពឹងថា នឹងធ្វើទស្សនកិច្ចនៅទីក្រុងកូឡុំបូពីថ្ងៃទី ២៦ ដល់ថ្ងៃទី ២៨ ខែមិថុនា សម្រាប់ជុំបន្ទាប់នៃកិច្ចចរចាដែលគ្របដណ្តប់លើទំនិញ កិច្ចសហប្រតិបត្តិការគយ ការវិនិយោគ ការដោះស្រាយវិវាទ និងសេវាកម្មផ្សេងៗ។

គួររំលឹកបន្ថែមទៀតថា កាលពីឆ្នាំ ២០២១ ទំហំពាណិជ្ជកម្មរវាងប្រទេសទាំង ២ បានឈានដល់ ៤៦០លានដុល្លារ ខណៈ​ស្រីលង្កាភាគច្រើននាំចេញតែ និងត្បូង ស្របពេលទំនិញនាំចូលពីថៃ​វិញ​មានដូចជា ឧបករណ៍អេឡិចត្រូនិក អាហារ កៅស៊ូ ប្លាស្ទិក និងឱសថ៕

The post ស្រីលង្កាសង្ឃឹមចុះកិច្ចព្រមព្រៀងពាណិជ្ជកម្មសេរីជាមួយថៃ នាឆ្នាំក្រោយ appeared first on .

​រដ្ឋមន្ត្រីការបរទេសហុងឌូរ៉ាស Eduardo Enrique Reina បានប្រាប់ទៅកាន់​អ្នកសារព័ត៌មាន​នៅ​កិច្ចប្រជុំថា គោលដៅគឺដើម្បីចាប់ផ្តើមកិច្ចចរចា “ឆាប់ៗនេះ” ហើយនឹងចុះហត្ថលេខាលើកិច្ចព្រមព្រៀង “ពាណិជ្ជកម្មសេរី” ជាមួយស្ដេចត្រាញ់អាស៊ី ដែលជាមហាអំណាចសេដ្ឋកិច្ចធំទីពីររបស់ពិភពលោក។

ទំនិញដំបូងដែលហុងឌូរ៉ាសនឹងនាំចេញទៅកាន់ទីផ្សារស្រុកចិនគឺ កាហ្វេ ខណៈជំហានបន្ទាប់គឺ ប្រទេសទាំង ២ កំពុងពិភាក្សាវាយតម្លៃ​លើ​ការនាំចេញ​បង្គា និងផ្លែត្រសក់ផ្អែម​ទៅកាន់ទីផ្សារ​

មហាអំណាចអាស៊ីនាពេលខាងមុខ។

បន្ថែមពីនោះ លោក Reina ក៏សង្កត់ធ្ងន់ថា ភាគីចិន​ក៏​ចាប់អារម្មណ៍ជាមួយ​នឹង​សាច់គោ ចេក និងផលិតផលផ្សេងទៀតពីប្រទេសហុងឌូរ៉ាសផងដែរ៕

The post ហុងឌូរ៉ាស គ្រោងចរចាកិច្ចព្រមព្រៀងពាណិជ្ជកម្មជាមួយចិន នាពេលឆាប់ៗខាងមុខ appeared first on .

យោងតាមរបាយការណ៍ពីរដ្ឋបាលទូទៅនៃគយចិន​បានបង្ហាញថា ការធ្វើពាណិជ្ជកម្ម​ទ្វេភាគី​រវាងប្រទេសទាំង ២ បាន​កើនច្រើនជាង ៤៣% ទទួល​បាន​ទឹកប្រាក់​ប្រមាណ ៧៣ពាន់លានដុល្លារចន្លោះខែមករា ដល់ខែមេសា បើធៀបនឹងឆ្នាំទៅ។

ការនាំចេញទំនិញពីចិន ទៅរុស្ស៊ីកើនឡើងប្រហែល ៦៧,២% ក្នុងទំហំទឹកប្រាក់ ៣៣,៦ពាន់លានដុល្លារ ខណៈការនាំចូលកើនឡើងប្រហែល ២៥% ប្រមាណ ៣៩,៤ពាន់លានដុល្លារ។

ទំហំពាណិជ្ជកម្ម​រវាងចិន និងរុស្ស៊ី​ បាន​ឈាន​ដល់​កំណត់ត្រា​ខ្ពស់បំផុតកាលពីឆ្នាំ ២០២២ កើនឡើងជិតមួយភាគបី ចំពេលមានទណ្ឌកម្មលោកខាងលិចមកលើទីក្រុងម៉ូស្គូ ហើយយោងតាមលទ្ធផលត្រីមាសទីមួយ ពាណិជ្ជកម្មទ្វេភាគីកំពុងស្ថិតនៅលើផ្លូវដែលនឹងលើសពី ២០០ពាន់លានដុល្លារនៅឆ្នាំនេះ៕

The post ទំហំពាណិជ្ជកម្មរវាងចិន និងរុស្ស៊ី ផ្ទុះខ្លាំងតាំងពីបើកទំព័រឆ្នាំថ្មី appeared first on .

ទិន្នន័យដដែលនេះ បានបង្ហាញទៀតថា ការនាំចេញរបស់ឥណ្ឌា ទៅកាន់សហរដ្ឋអាមេរិក បានកើនឡើង ២,៨១% ដល់ចំនួន ៧៨,៣១ពាន់លានដុល្លារ ក្នុងឆ្នាំសារពើពន្ធ ២០២២-២៣ នេះ ធៀបនឹង ៧៦,១៨ ពាន់លានដុល្លារ ក្នុងឆ្នាំ ២០២១-២០២២ ខណៈការនាំចូលកើនឡើងប្រហែល ១៦% ដល់ ៥០,២៤ពាន់លានដុល្លារ។

គួរឱ្យដឹងថា បើតាមអ្នកជំនាញ បានអះអាងថាការកើនឡើងនេះ ក្រោយមាននិន្នាការនៃការបង្កើនទំនាក់ទំនងពាណិជ្ជកម្មទ្វេភាគី ជាមួយសហរដ្ឋអាមេរិក ហើយវាក៏នឹងនៅតែបន្ត ក្នុងរយ:ពេលប៉ុន្មានឆ្នាំខាងមុខទៀតផងដែរ ។

លើសពីនេះ ប្រធានសហព័ន្ធនៃអង្គភាពនាំចេញរបស់ឥណ្ឌា (FIEO) លោក A Skthivel បាននិយាយថា ការបង្កើនការនាំចេញទំនិញសំខាន់ៗដូចជា ឱសថ គ្រឿងវិស្វកម្ម ត្បូង និងគ្រឿងអលង្ការ កំពុងជួយឥណ្ឌា ទទួលបានកំណើនខ្លាំង ក្នុងការនាំចេញទៅកាន់អាមេរិក។

ជម្រាបជូនផងដែរថា ក្នុងអំឡុងឆ្នាំសារពើពន្ធ ២០២២-២០២៣ នេះ ទំហំពាណិជ្ជកម្មទ្វេភាគីរបស់ឥណ្ឌា ជាមួយចិន ដែលធ្លាប់ជាដៃគូធំបំផុរបស់ខ្លួន បានធ្លាក់ចុះប្រហែល ១,៥% មកនៅត្រឹម ១១៣,៨៣ពាន់លានដុល្លារ ធៀបនឹងចំនួន ១១៥,៤២ពាន់លានដុល្លារ ក្នុងឆ្នាំ ២០២១-២០២២៕

The post សហរដ្ឋអាមេរិក ក្លាយជាដៃគូពាណិជ្ជកម្មធំបំផុតរបស់ឥណ្ឌា ជាមួយតម្លៃជាង ១២៨ពាន់លានដុល្លារ appeared first on .

គួរ​ឱ្យដឹងថា ការនាំចូលរបស់ឥណ្ឌា ពីប្រទេសរុស្ស៊ី បានកើនឡើងដល់ជាង ៤០០% ក្នុងតម្លៃជាង ៤៦ពាន់លានដុល្លារ ក្នុងឆ្នាំសារពើពន្ធចុងក្រោយនេះ ខណ:ការកើនឡើងភាគច្រើន ត្រូវបានជំរុញដោយការទិញចូលប្រេង ។

យ៉ាងណាមិញ ជុំវិញព័ត៌មានអំពីការបន្តកិច្ចចរចាលើកិច្ចព្រមព្រៀងពាណិជ្ជកម្មសេរីទ្វេភាគីនេះ គឺបានកើតឡើង បើទោះបីជាមានការអំពាវនាវ ពីសំណាក់បណ្តាប្រទេសលោកខាងលិច ឱ្យឥណ្ឌាកាត់ផ្តាច់ទំនាក់ទំនង ពីរុស្ស៊ី ជុំវិញការឈ្លានពានទៅលើប្រទេសអ៊ុយក្រែន កាលពីខែកុម្ភ: ឆ្នាំ ២០២២ ។

ទន្ទឹមនឹងនេះ ឧបនាយករដ្ឋមន្ត្រីរុស្ស៊ី និងជារដ្ឋមន្ត្រីពាណិជ្ជកម្ម លោក Denis Manturov បាននិយាយក្នុងព្រឹត្តិការណ៍មួយ នៅទីក្រុងញូវដេលី ក្នុងសប្តាហ៍នេះថា ៖ ” យើងនៅតែបន្តយកចិត្តទុកដាក់ខ្ពស់ ជាពិសេសចំពោះបញ្ហានៃការដំណើរការនាំចេញ នាំចូលទៅវិញទៅមក នៃផលិតកម្ម រវាងប្រទេសយើងទាំងពីរ ” ។

លោក Denis បានបន្ថែមឱ្យដឹងទៀតថា ៖ ” យើងទាំងអស់គ្នា រួមជាមួយគណ:កម្មាការសេដ្ឋកិច្ចអឺរ៉ាស៊ី (EEC) កំពុងទន្ទឹងរង់ចាំឆ្ពោះទៅរកការចរចាជុំវិញកិច្ចព្រមព្រៀងពាណិជ្ជកម្មសេរី ជាមួយប្រទេសឥណ្ឌា ” ៕

The post ឥណ្ឌា គ្រោងចរចាលើកិច្ចព្រមព្រៀងពាណិជ្ជកម្មសេរីជាមួយរុស្ស៊ី ចំពេលមានការកើនឡើង appeared first on .

ពាណិជ្ជកម្មទ្វេភាគីរវាងប្រទេសទាំង ២ បានកើនឡើង ១៨% កាលពីឆ្នាំទៅ ពោលប្រមាណ ២,២ពាន់លានដុល្លារ ខណៈទំនិញនាំចេញពីវៀតណាមទៅអ៊ីស្រាអែល មានដូចជា ស្មាតហ្វូន ស្បែកជើង និងគ្រឿងសមុទ្រ ខណៈទំនិញនាំចូលវិញមានដូចជា ឧបករណ៍អេឡិកត្រូនិក និងជី។

សូមជម្រាបបន្ថែមថា វៀតណាមបានចុះហត្ថលេខាលើកិច្ចព្រមព្រៀងពាណិជ្ជកម្មសេរីទ្វេភាគី និងពហុភាគីច្រើនជាង ១៥ ចាប់តាំងពីដើមទសវត្សរ៍ឆ្នាំ ១៩៩០ ខណៈដែលប្រទេសនេះ ព្យាយាមទាក់ទាញវិនិយោគិនបរទេសកាន់តែច្រើន មកបង្កើនកំណើនសេដ្ឋកិច្ចដើម្បីជំរុញផលិតកម្មរបស់ខ្លួន៕

The post ចរចា ៧ឆ្នាំ ទម្រាំវៀតណាម និងអ៊ីស្រាអែលយល់ព្រមចុះកិច្ចព្រមព្រៀងពាណិជ្ជកម្មសេរី appeared first on .

ដោយថ្លែងក្នុងអំឡុងពិធីប្រគល់អាហារូបករណ៍របស់អគ្គរដ្ឋទូចចិន នៅសកលវិទ្យាល័យ Tunku Abdul Rahman នៃប្រទេសម៉ាឡេស៊ី កាលពីថ្ងៃទី ១៧ ខែកុម្ភ:កន្លងទៅ លោក Ouyang បាននិយាយថា ប្រទេសទាំងពីរ តែងតែបង្ហាញពីភាពជិតស្និទ្ធ និងមានការផ្លាស់ប្តូរកម្រិតខ្ពស់ជាញឹកញាប់ នៅក្នុងឆ្នាំ ២០២២ កន្លងទៅ ។

គួរឱ្យដឹងថា ប្រទេសទាំងពីរបានសហការគ្នា ក្នុងការលើកកម្ពស់គំនិតផ្តួចផ្តើមខ្សែក្រវាត់ និងផ្លូវ ប្រកបទៅដោយគុណភាពខ្ពស់ ដោយមានកិច្ចសហប្រតិបត្តិការទៅលើគម្រោងធំៗជាច្រើន រួមទាំងផ្លូវរថភ្លើងល្បឿនលឿន East Coast Rail Link ដែលបាននាំមកនូវផលប្រយោជន៍ជាក់ស្តែង សម្រាប់ប្រជាជននៃប្រទេសទាំងពីរ កាលពីឆ្នាំមុន។

លើសពីនេះ លោក Ouyang បានសង្កត់ធ្ងន់ថា ប្រទេសចិន គឺជាដៃគូពាណិជ្ជកម្មដ៏ធំបំផុតរបស់ម៉ាឡេស៊ី អស់រយ:ពេល ១៤ ឆ្នាំជាប់ៗគ្នាមកហើយ ខណ:លោកបានបន្ថែមទៀតថា ភាគីប្រទេសទាំងពីរ ក៏ជាដៃគូដ៏ល្អបំផុត ដែលទទួលបានផលប្រយោជន៍ធំ ពីកិច្ចសហប្រតិបត្តិការឈ្នះ-ឈ្នះ ផងដែរ ។

ជាងនេះទៅទៀត អគ្គរដ្ឋទូតរូបនេះ បានបញ្ជាក់ថា ទំនាក់ទំនងរវាងប្រទេសម៉ាឡេស៊ី គឺជាទំនាក់ទំងល្អបំផុត ក្នុងចំណោមប្រទេសសមាជិកអាស៊ានផ្សេងទៀត ជាមួយនឹងប្រទេសចិន ៕

The post ទំហំពាណិជ្ជកម្មទ្វេភាគីរវាងម៉ាឡេស៊ី និងចិន កើនឡើងជាង ២០០ពាន់លានដុល្លារ កាលពីឆ្នាំមុន appeared first on .