បើតាមលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានបញ្ជាក់ថា នេះជាលើកទី២ ដែលកម្ពុជាមាន​កិត្តិ​យស​បានទទួលពានរង្វាន់ប្រាក់នេះ បន្ទាប់ពីបានទទួលពានរង្វាន់ប្រាក់លើកដំបូងពីការចូលរួមពិព័រណ៍​ពិភព​លោកឆ្នាំ ២០១៥ នៅទីក្រុងមីឡង់ ប្រទេសអ៊ីតាលី។

លោក ប៉ាន សូរស័ក្តិ បានបន្តថា ពានរង្វាន់នេះ ធ្វើឡើងតាមរយៈការវាយតម្លៃយ៉ាងសុក្រឹត ដោយផ្អែក​លើការ​រៀបចំតុបតែងពន្លាជាតិស្របតាមខ្លឹមសារ និងប្រធានបទ រួមទាំងកំណត់ទៅតាមទំហំ និងប្រភេទពន្លាជាតិ ដោ​យ​​ត្រូវឆ្លងកាត់ការវាយតម្លៃផ្អែកលើទិដ្ឋភាពរួមចំនួន ៣ គឺ៖ ១. ស្ថាបត្យកម្ម និងទស្សនីយភាព ២. ការរចនា​ពន្លា​ជាតិ និង ៣. ការបកស្រាយប្រធានបទ។

លោករដ្ឋមន្ត្រី បន្ថែមថា ពានរង្វាន់នេះជាស្នាដៃមួយដែលមានតម្លៃជាប្រវត្តិសាស្រ្ត ហើយបានបញ្ជាក់ពី​ការ​ទទួ​ល​​​ស្គាល់មុខមាត់កម្ពុជាលើឆាកអន្តរជាតិ និងធ្វើឱ្យកេរ្តិ៍ឈ្មោះរបស់កម្ពុជាបានល្បីល្បាញជាសកល តាម​រយៈ​ការរៀបចំ និងចូលរួមក្នុងព្រឹត្តិការណ៍កម្រិតពិភពលោកនានា ព្រមទាំងនាំមកនូវមោទកភាពជូនជាតិក្នុង​ការ​ចូល​រួម​ពិព័រណ៍​ពិភពលោក ២០២០ ឌុយបៃ។

គួរបញ្ជាក់ថា កម្ពុជាធ្លាប់មានបទពិសោធន៍ និងទទួលបានជោគជ័យចំនួន ០៤ លើករួចមកហើយ ក្នុងការចូលរួម​ពិព័រណ៍ពិភពលោកចាប់តាំងពីឆ្នាំ២០០០ រហូតដល់បច្ចុប្បន្ន ក្នុងនោះពិព័រណ៍ពិភពលោក ២០០៥ នៅទីក្រុង​អាយ​ជី ប្រទេសជប៉ុន ពិព័រណ៍ពិភពលោក ២០១០ នៅទីក្រុងសៀងហៃ ប្រទេសចិន ពិព័រណ៍ពិភពលោក ២០១៥ នៅ​ទីក្រុងមីទ្បង់ ប្រទេសអ៊ីតាលី និងពិព័រណ៍ពិភពលោក ២០២០ ឌុយបៃ នៅសហភាពអារ៉ាប់រួម ហើយនៅ​ឆ្នាំ២០២៥ ខាងមុខ ដោយមានការអនុញ្ញាតពីរាជរដ្ឋាភិបាល កម្ពុជានឹងចូលរួមពិព័រណ៍ពិភពលោក ២០២៥ អូសាកា-កាន់សៃ ជប៉ុន (Expo 2025 Osaka, Kansia, Japan) ក្រោមប្រធានបទ “Designing Future Society for Our Lives”៕

The post កម្ពុជា ឈ្នះពានរង្វាន់ប្រាក់ ពីពិព័រណ៍ពិភពលោក​២០២០នៅទីក្រុងឌុយបៃ appeared first on .

ពិធីប្រគល់ពានរង្វាន់នេះ ត្រូវបានប្រារព្ធធ្វើឡើងដោយមានការចូលរួមដោយថ្នាក់ដឹកនាំសហព័ន្ធសន្តិភាពពិភពលោក និងបណ្តាមេដឹកនាំ អតីតមេដឹកនាំមកពីបណ្តាប្រទេសនានាជាច្រើនរូបទៀត។

នៅក្នុងពិធីនេះសម្តេចតេជោ ហ៊ុន សែន ក៏បានឡើងថ្លែងសុន្ទរកថាជាកិច្ចស្វាគមន៍ចំពោះការផ្តល់ពានរង្វាន់ ដែលជាការផ្តល់តម្លៃដ៏ខ្ពង់ខ្ពស់បំផុតជូនសម្តេច សម្រាប់កិច្ចប្រឹងប្រែងក្នុងការដឹកនាំ និងការរកនូវសុខសន្តិភាពសម្រាប់កម្ពុជា។

ជាមួយគ្នានេះ កូនស្រីច្បងសម្តេចតេជោ ហ៊ុន សែន និងអគ្គនាយិការស្ថានីយ៍ទូរទស្សន៍ បាយ័ន លោកស្រី ហ៊ុន ម៉ាណា ក៏បានបង្ហាញអារម្មណ៍រីករាយ និងមោទនភាពក្នុងនាមជាកូន ព្រមទាំងជាពលរដ្ឋម្នាក់ ចំពោះសម្តេចនាយករដ្ឋមន្ត្រី ក្នុងការទទួលបានពានរង្វាន់ «សន្តិភាពស៊ុនហាក់ឆ្នាំ២០២២» នៅទីក្រុងសេអ៊ូល ប្រទេសកូរ៉េ នាថ្ងៃសៅរ៍ ទី១២ ខែកុម្ភៈនេះ។

លោកស្រីលើកឡើងថា តាមរយៈពានរង្វាន់ដ៏មហាកិត្តិយសនេះ គឺពិតជាស័ក្តិសមណាស់សម្រាប់លោកពុក ជាអ្នកដឹកនាំប្រទេសជាតិដែលពុកបានយកជីវិតធ្វើជាដើមទុន ក្នុងការស្វែងរកសន្តិភាពសម្រាប់ប្រទេសជាតិ។

លោកស្រីបានសង្កត់ធ្ងន់ថា ការផ្តល់ពានរង្វាន់នេះ កេីតចេញការវាយតម្លៃយ៉ាងល្អិតល្អន់របស់គណ:កម្មការនៃមូលនិធិសន្តិភាពស៊ុនហាក់ ពីព្រោះ ពុកជាមេដឹកនាំ​ ជាឥស្សរជននយោបាយ ដែលបានធ្វេីពលីកម្ម​ គ្រប់បែបយ៉ាង ដេីម្បីបុព្វហេតុសន្តិភាព​ និងសេចក្តីសុខរបស់ប្រជាជនកម្ពុជា ជាពិសេសការរំដោះប្រជាជនពីរបបវាលពិឃាដ រហូតដល់ការបង្រួបបង្រួមជាតិ និងស្វែងរកសន្តិភាព ជូនប្រជាជនកម្ពុជាដល់សព្វថ្ងៃនេះ។

The post លោកស្រី ហ៊ុន ម៉ាណា៖ ពានរង្វាន់នេះស័ក្ដិសមសម្រាប់ពុក ដែលយកជីវិតធ្វើជាដើមទុនស្វែងរកសន្តិភាព appeared first on .

ពានរង្វាន់ធុរកិច្ចអាស៊ាន​ ត្រូវបានបង្កើតឡើងដោយក្រុមប្រឹក្សាពិគ្រោះយោបល់ធុរកិច្ចអាស៊ាន ក្នុង​គោល​បំណងប្រគល់ពានរង្វាន់ដល់សហគ្រាសឆ្នើមមកពីបណ្ដាប្រទេសក្នុងអាស៊ាន ដែលបាន​ចូលរួម​ចំណែក​ក្នុងការអភិវឌ្ឍ និង វិបុលភាពនៃសេដ្ឋកិច្ចអាស៊ាន។

ក្នុងចំណោម​ជ័យលាភីពានរង្វាន់ធុរកិច្ចអាស៊ានក្នុងឆ្នាំ២០១៩ នេះ ធនគារឯកទេសវីង (ខេមបូឌា) លីមីតធីត ដែលជាក្រុមហ៊ុនឈានមុខគេផ្នែកសេវាកម្មហិរញ្ញវត្ថុចល័តនិងសេវា​ទូទាត់​តាម​ប្រព័ន្ធ​អេឡិចត្រូនិក​នៅកម្ពុជា បានទទួលពានរង្វាន់ “សហគ្រាសសង្គមមាននិរន្តភាព” ដែល​ពានរង្វាន់​នេះ​ផ្ដោត​លើស​ហគ្រាសឆ្នើមមានភាពច្នៃប្រឌិត និង មានការរួមចំណែក​យ៉ាងសំខាន់ដល់​សហគមន៍ ប្រកប​ដោយនិរន្តភាព៕

ប្រភព៖ សភាពាណិជ្ជកម្មកម្ពុជា Cambodia Chamber of Commerce

The post ធនគារឯក​ទេស​វីង របស់​ឧកញ៉ា គិត ម៉េង ឈ្នះ​​ពានរង្វាន់ “សហគ្រាសសង្គមមាននិរន្តភាព” appeared first on .