ព័ត៌មានក្លែងក្លាយ

ក្នុងត្រីមាសដំបូង នៃឆ្នាំ២០២៥៖ ក្រសួងព័ត៌មាន បានកត់ត្រាព័ត៌មានក្លែងក្លាយរហូតជិត៩០០ ករណី

រ៉េត សុកធា — Mon, 19 May 2025 06:07:43 +0000

ក្រសួងព័ត៌មាន បានធ្វើការអំពាវនាវជាថ្មីឱ្យសាធារណជនបន្តយកចិត្តទុកដាក់នៅក្នុងការប្រយុទ្ធប្រឆាំងនឹងព័ត៌មានក្លែងក្លាយ ខណៈព័ត៌មានក្លែងក្លាយជិត៩០០ ករណីត្រូវបានកត់ត្រានៅក្នុងត្រីមាសដំបូងឆ្នាំ២០២៥។នេះបើយោងតាមលោក ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន នាព្រឹកថ្ងៃទី១៩ ខែឧសភា ឆ្នាំ២០២៥។

លោក ទេព អស្នារិទ្ធ បានបន្តថា នៅក្នុងត្រីមាសទី១ នៃឆ្នាំ២០២៥ គណៈកម្មការប្រឆាំងនឹងព័ត៌មានក្លែងក្លាយរបស់ក្រសួងនៅបន្តកត់ត្រាអំពីករណីនៃព័ត៌មានក្លែងក្លាយបានជាបន្តបន្ទាប់ ជាក់ស្តែងបើគិតនៅត្រីមាសទី១នៃឆ្នាំ២០២៥ គណៈកម្មការប្រឆាំងនឹងព័ត៌មានក្លែងក្លាយរបស់ក្រសួងបានកត់ត្រាព័ត៌មានក្លែងក្លាយសរុបចំនួន ៨៨៤ ករណី។

នៅក្នុងស្ថានភាពបែបនេះ អ្នកនាំពាក្យរូបនេះ ក៏បានជំរុញដល់យុវជន ប្រជាពលរដ្ឋ អ្នកប្រើប្រាស់ និងអ្នកផលិតមាតិកាបណ្តាញសង្គមនានា គួរតែយកចិត្តទុកដាក់បន្ថែមទៀតដើម្បីបង្កើនការប្រុងប្រយ័ត្នខ្ពស់ចំពោះឥទ្ធិពលអវិជ្ជមានដែលបង្កឡើងដោយការបង្កើតការចែកចាយព័ត៌មាននៅលើបណ្តាញសង្គម និងឥទ្ធិពលអាក្រក់ ដែលកើតចេញពីការប្រើប្រាស់បណ្តាញសង្គម គ្មានការទទួលខុសត្រូវ ការផ្សព្វផ្សាយព័ត៌មានដែលគ្មានប្រភពច្បាស់លាស់ គ្មានវិជ្ជាជីវៈ និងគ្មានការផ្ទៀងផ្ទាត់ត្រឹមត្រូវ។

ជាមួយគ្នានេះ លោកបញ្ជាក់ថា គ្រប់ប្រភេទនៃព័ត៌មានក្លែងក្លាយគឺសុទ្ធតែមានឥទ្ធិពលអវិជ្ជមាន មកលើសន្តិសុខសណ្តាប់ធ្នាប់ និងនយោបាយ ពោលគឺព័ត៌មានក្លែងក្លាយអាចបង្កអស្ថិរភាព បង្កើតឱ្យមានអំពើហិង្សា ដែលបណ្តាលឱ្យកើតមានអរិយភាពនៅក្នុងសង្គម ប្រជាពលរដ្ឋបាត់ទំនុកចិត្តមកលើថ្នាក់ដឹកនាំ ហើយអាចឲ្យសង្គមបែកបាក់សាមគ្គីភាពព្រមទាំង បង្ក ព្យសនកម្ម និងមហន្តរាយដែលមិនអាចនឹកស្មានដល់។

គួររំលឹកថា កាលពីឆ្នាំ២០២៤កន្លងទៅ គណៈកម្មការប្រឆាំងនឹងព័ត៌មានក្លែងក្លាយរបស់ក្រសួងបានកត់ត្រាព័ត៌មានក្លែងក្លាយសរុប ចំនួន ៣ ៦៥១ ករណី។ ដើម្បីប្រយុទ្ធប្រឆាំងនឹងព័ត៌មានក្លែងក្លាយទាំងនេះ កាលពីថ្ងៃទី ០១ ខែមេសា ឆ្នាំ២០២៥ កន្លងទៅថ្មីៗនេះ ក្រសួងព័ត៌មាន បានបើកយុទ្ធនាការប្រឆាំងព័ត៌មានក្លែងក្លាយ ក្រោមប្រធានបទ «និយាយថាទេចំពោះព័ត៌មានក្លែងក្លាយ» ក្នុងគោលបំណងដើម្បីកាត់បន្ថយព័ត៌មានក្លែងក្លាយមកនូវកម្រិតអប្បបរមា និងឈានទៅលុបបំបាត់នូវព័ត៌មានក្លែងក្លាយពីលំហក្នុងសង្គមកម្ពុជា សំដៅធានាឱ្យបាននូវសន្តិសុខព័ត៌មាននៅកម្ពុជា៕ អត្ថបទ៖ ហ្សាលីន

The post ក្នុងត្រីមាសដំបូង នៃឆ្នាំ២០២៥៖ ក្រសួងព័ត៌មាន បានកត់ត្រាព័ត៌មានក្លែងក្លាយរហូតជិត៩០០ ករណី appeared first on .

ឧកញ៉ា ចិត្រ សេរីសុភ័ក្រ្ត ច្រានចោលជនអនាមិកក្លែងបន្លំយករូបថតនិងឈ្មោះទៅបង្កើត Telegram

ឧកញ៉ាកោះក្របី — Fri, 11 Jun 2021 11:58:32 +0000

លោកឧកញ៉ា ចិត្រ សេរីសុភ័ក្រ្ត ប្រកាសច្រានចោលចំពោះជនអនាមិកបានយករូបថត និងឈ្មោះទៅបង្កើតបណ្តាញទំនាក់ទំនសង្គម Telegram ក្លែងក្លាយមួយឆាតទៅសួរទុកក្នុងចេតនាមិនល្អ ដើម្បីកេញចំណេញផលប្រយោជន៍ដែលបណ្តាលឲ្យប៉ះពាល់ដល់កិត្តិយស ហើយបងប្អូនសូមប្រុងប្រយ័ត្នទាំងអស់គ្នា។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

ក្នុងគ្រុបតេឡេក្រាម ក្រុមប្រឆាំងព័ត៌មានក្លែងក្លាយ នៅរសៀលថ្ងៃទី១១នេះ លោកឧកញ៉ា ចិត្រ សិរីសុភ័ក្ត្រ អគ្គនាយកក្រុមហ៊ុន Luxury Smile Group បាននិយាយថា សូមជម្រាបជូនដំណឹងដល់ពុកម៉ែបងប្អូនទាំងអស់ឲ្យបានជ្រាបថា៖ ដោយថ្មីៗនេះមានជនអនាមិក បានយករូបភាព និងឈ្មោះរបស់ខ្ញុំបាទ មកបង្កើតAccount នេះនៅក្នុងប្រព័ន្ធTelegram។

អាស្រ័យដូចបានជម្រាបជូនខាងលើ សូមពុកម៉ែបងប្អូន មានការប្រុងប្រយ័ត្នចំពោះAccount នេះផង ប្រសិនជាមានការទំនាក់ទំនង ឬបញ្ហាផ្សេងៗ ដោយមានពាក់ព័ន្ធនឹងAccount មួយនេះខ្ញុំបាទនឹងមិនទទួលខុសត្រូវឡើយ៕

The post ឧកញ៉ា ចិត្រ សេរីសុភ័ក្រ្ត ច្រានចោលជនអនាមិកក្លែងបន្លំយករូបថតនិងឈ្មោះទៅបង្កើត Telegram appeared first on .

លោកជំទាវ ឱ វណ្ណឌីន៖ កុំចំណាយពេលវេលាទៅមើលព័ត៌មានរន្ធត់ ព័ត៌មានប្រឌិត ដែលវាអាចបណ្តាលឱ្យកើតជំងឺផ្លូវចិត្តមិនដឹងខ្លួន

ឧកញ៉ាកោះក្របី — Fri, 23 Apr 2021 04:40:36 +0000

រដ្ឋលេខាធិការ និងជាអ្នកនាំពាក្យក្រសួងសុខាភិបាល លោកជំទាវ ឱ វណ្ណឌីន បានប្រាប់កុំឱ្យប្រជាពលរដ្ឋកុំចំណាយពេលវេលាទៅមើលព័ត៌មានរន្ធត់ ព័ត៌មានប្រឌិត ដែលវាអាចបណ្តាលឱ្យកើតជំងឺផ្លូវចិត្តមិនដឹងខ្លួន ក្នុងពេលកើតមានវិបត្តិកូវីដ-១៩។

លោកជំទាវ ឱ វណ្ណឌីន ថ្លែងថា “ក្នុងមួយថ្ងៃប្រសិនបើយើងចំណាយពេល២ម៉ោង ក្នុងការអាន ឬមើលព័ត៌មានដែលរន្ធត់ ព័ត៌មានដែលមិនពិត ព័ត៌មានដែលប្រឌិត ធ្វើឱ្យយើងខ្វាយខ្វល់ យើងរន្ធត់ពេក បើសិនជាយើងមើលបែបហ្នឹង ក្នុងរយៈពេល ២ ម៉ោង ក្នុងរយៈពេល ២សប្តាហ៍ លោកអ្នកនឹងមានជំងឺផ្លូវចិត្ត”។

បើតាមលោកជំទាវ នៅក្នុងបរិបទនៃការប្រយុទ្ធនឹងជំងឺកូវីដ១៩ គេក៏សង្កេតឃើញថាមានបងប្អូនមួយចំនួន ក៏មានបញ្ហាផ្លូវចិត្ត ដូច្នេះគេធ្វើការសិក្សាទៅថាតើបញ្ហាផ្លូវចិត្តហើយរកឃើញថាបញ្ហាផ្លូវចិត្តក៏កើតចេញមកពីការអានព័ត៌មានឥតប្រយោជន៍នេះដែរ។

លោកជំទាវ ឱ វណ្ណឌីន បញ្ជាក់ថា “ឥឡូវយើងមាន អ្នកមួយចំនួន ក៏កំពុងតែស្ថិតក្នុងស្ថានភាពនេះដែរ អញ្ចឹងសំខាន់ណាស់ ដើម្បីកុំឱ្យខ្លួនយើងធ្លាក់ទៅលើបញ្ហាផ្លូវចិត្ត កុំទៅមើលអារព័ត៌មានណាចេញតែផ្តេសតែផ្តាស់រុញវាចោល លុបវាចោលទៅ”៕

The post លោកជំទាវ ឱ វណ្ណឌីន៖ កុំចំណាយពេលវេលាទៅមើលព័ត៌មានរន្ធត់ ព័ត៌មានប្រឌិត ដែលវាអាចបណ្តាលឱ្យកើតជំងឺផ្លូវចិត្តមិនដឹងខ្លួន appeared first on .

សម្តេច ហ៊ុន សែន ស្នើសិល្បៈករ ធ្វើជាសកម្មជនចូលរួមទប់ស្កាត់ការផ្សព្វផ្សាយព័ត៌មានមិនពិតនៃជំងឺឆ្លង COVID-19

កូនចៅឧកញ៉ា — Wed, 04 Mar 2020 01:19:34 +0000

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានលើកឡើងថា រហូតមកដល់ពេលនេះកម្ពុជា មិនមានប្រជាពលរដ្ឋណាម្នាក់កើត ឬឆ្លងជំងឺ Covid-19 នោះឡើយ។ ទន្ទឹមនឹងនេះសម្តេចតេជោនាយករដ្ឋមន្ត្រី ក៏បានស្នើសុំឲ្យសិល្បៈករទាំងអស់ ក្លាយជាសកម្មជនចូលរួមធ្វើការអប់រំផ្សព្វផ្សាយអំពីការទប់ស្កាត់នៃការរីករាយដាលជំងឺឆ្លង COVID-19 ។

សម្តេចតេជោ ហ៊ុន សែន លើកឡើងនាពេលនេះ ធ្វើឡើងនៅក្នុងពិធីអបអរសាទរទិវា «វប្បធម៌ជាតិ ៣មីនា» លើកទី២២ និងផ្តល់កិត្តិយសប្រគល់បណ្ណសរសើរដល់មន្ត្រី និងសិល្បៈករមានស្នាដៃក្នុងការថែរក្សាការពារវប្បធម៌ជាតិ នារសៀលថ្ងៃទី០៣ ខែមីនា ឆ្នាំ២០២០ នៅមជ្ឈមណ្ឌលកោះពេជ្រ កាលពីរសៀលថ្ងៃទី៣ ខែ មីនា ឆ្នាំ២០២០។

ក្នុងឪកាសនោះ សម្តេច នៅតែបន្តអំពាវនាវអោយប្រជាពលរដ្ឋទាំងអស់ចូលរួមទប់ស្កាត់ព័ត៌មានក្លែងក្លាយ ព័ត៌មិនពិត(Fake News)ដែលបានផ្សព្វផ្សាយបំពុលសង្គមពីការឆ្លងជំងឺនេះ។

សូមជម្រាបថា ការស្នើសុំទៅកាន់សិល្បៈករ សិល្បៈការរិនី ពីសំណាក់សម្តេច ហ៊ុន សែន ជាថ្មីម្តងទៀតនេះ ធ្វើឡើងបន្ទាប់ពីសង្កេតឃើញមួយរយៈចុងក្រោយនេះ មានការផ្សព្វផ្សាយព័ត៌មានក្លែងក្លាយ តាមរយៈបណ្តាញសង្គម ដែលបានផ្សព្វផ្សាយបំពុលសង្គមពីការឆ្លងជម្ងឺកូរ៉ូណាកម្ពុជា កាន់តែច្រើន បើទោះជាមានការអះអាងពីក្រសួងសុខាភិបាលកម្ពុជា ថាគ្មានអ្នកកើតជំងឺនេះនៅកម្ពុជាក៏ដោយ៕ អត្ថបទ៖ សិរីកា

The post សម្តេច ហ៊ុន សែន ស្នើសិល្បៈករ ធ្វើជាសកម្មជនចូលរួមទប់ស្កាត់ការផ្សព្វផ្សាយព័ត៌មានមិនពិតនៃជំងឺឆ្លង COVID-19 appeared first on .