ទទួលទុន ៣ លានដុល្លារទៀត វិនិយោគលើគម្រោងសាងសង់ អាកាសយានដ្ឋានអន្តរជាតិតេជោនៅតាខ្មៅ

ឧកញ៉ាមហាសម្បត្តិ — Tue, 05 Apr 2022 02:50:11 +0000

តាមសេចក្តីជូនដំណឹងរបស់ក្រុមហ៊ុនសាងសង់ព្រលានយន្តហោះអន្តរជាតិ «តេជោ»បានប្រកាសពីការលក់មូលបត្របំណុលតម្លៃ៣លានដុល្លារ ឲ្យក្រុមហ៊ុន Medtecs International Corporation Limited (Medtecs) ដើម្បីចូលរួមគាំទ្រគម្រោងសាងសង់ អាកាសយានដ្ឋានអន្តរជាតិថ្មីនេះ។

ការប្រកាសវិនិយោគនេះបានធ្វើឡើងរវាងអ្នកឧកញ៉ាបណ្ឌិត ពុង ឃាវសែ ប្រធានក្រុមហ៊ុន OCIC និងលោក Clement Yang ស្ថាបនិក និងជាប្រធានក្រុមប្រឹក្សាភិបាល រួមទាំងគណៈគ្រប់គ្រងជាន់ខ្ពស់នៃក្រុមហ៊ុន Medtecs និងតំណាងមកពីក្រុមហ៊ុន Cambodia Airport Investment Co., Ltd (CAIC)។

តាមសេចក្ដីប្រកាសព័ត៌មានរបស់ក្រុមហ៊ុន CAIC បានបញ្ជាក់ថា ថវិកាដែលបានមកពីការវិនិយោគ លើសញ្ញាបណ្ណមានបុគ្គលធានានេះ នឹងត្រូវប្រើប្រាស់សម្រាប់ការសាងសង់ និងការអភិវឌ្ឍគម្រោងសាងសង់ អាកាសយានដ្ឋានអន្តរជាតិតេជោ។

ក្រោយការប្រកាសរបស់ប្រមុខរដ្ឋាភិបាលសម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានអំពាវនាវដល់គ្រឹះស្ថានធនាគារ និងហិរញ្ញវត្ថុនានា ឲ្យជួយទិញសញ្ញាបណ្ណ (មូលបត្របំណុល-Bond) របស់ក្រុមហ៊ុនខេមបូឌា អ៊ែរផត អ៉ិនវេសមិន (CAIC) ដែលសាងសង់អាកាសយានដ្ឋានអន្តរជាតិតេជោ ឃើញថាមានការចូលរួមទិញសញ្ញាបណ្ណជាបន្តបន្ទាប់ពីគ្រឹះស្ថានហិរញ្ញវត្ថុក្នុងស្រុក ជាផ្នែកមួយចូលរួមការអភិវឌ្ឍន៍ព្រលានយន្តហោះថ្មី ដើម្បីកាត់បន្ថយនូវការប្រើប្រាស់ទុនពីក្រៅប្រទេស ៕

The post ទទួលទុន ៣ លានដុល្លារទៀត វិនិយោគលើគម្រោងសាងសង់ អាកាសយានដ្ឋានអន្តរជាតិតេជោនៅតាខ្មៅ appeared first on .

លម្អិតពីសំណង់អគារតម្លៃ ១៥០០ លានដុល្លារ កំពុងសាងសង់ក្នុងព្រលានយន្តហោះតេជោ

ឧកញ៉ាសម្រែ — Thu, 09 Dec 2021 07:16:48 +0000

ការស្ថាបនា “អាកាសយានដ្ឋានអន្តរជាតិតេជោក្រុងតាខ្មៅ ” មកដល់ពេលនេះសម្រេចបានជាង ២៧ ភាគរយ។ អាកាសយានដ្ឋានដែលប្រើប្រាស់ទុនជាង ១៥០០ លានដុល្លារ ជាគម្រោងវិនិយោគរវាងក្រុមហ៊ុនសាជីវកម្មវិនិយោគក្រៅប្រទេសកម្ពុជា (OCIC) និងក្រុមហ៊ុននៃប្រទេសចិន។

ព្រលានយន្តហោះថ្មីនេះជាប្រភេទ 4F អាចឲ្យយន្តហោះធុនយក្សហោះឆ្លងទ្វីបអាចចុះចតបាន រហូតដល់ Airbus A380-800 និង យន្តហោះ Boeing 747-800។

បើតាមអ្នកឧកញ៉ា ពុង ឃាវសែ អគ្គនាយកក្រុមហ៊ុន OCIC បច្ចុប្បន្នក្នុងគម្រោងព្រលានកំពុងមានការសាងសង់សំណងហេដ្ឋារចនាសម្ព័ន្ធនានារួមមាន៖
-ស្ថានីយអ្នកដំណើរ មានផ្ទៃក្រឡា ២៤៣គីឡូម៉ែត្រក្រឡា,
-មជ្ឈមណ្ឌលផ្គត់ផ្គង់ថាមពល, ទីលានចំណតយន្តហោះទំហំ ១៨៩ហិកតា,
-ស្ថានីយត្រួតពិនិត្យចរាចរណ៍ផ្លូវអាកាសកម្ពស់ ១១៨ម៉ែត្រ,
-ការងារតភ្ជាប់ផ្លូវពីអាកាសយានដ្ឋានអន្តរជាតិភ្នំពេញថ្មី ទៅមហាវិថីសម្តេចតេជោ ហ៊ុន សែន ដោយមានផ្លូវប្រវែងជាង ១១គីឡូម៉ែត្រ និងស្ពានបេតុងឆ្លងកាត់ស្ទឹងព្រែកត្នោតចំនួន២,
-ជីកប្រឡាយព័ទ្ធទំនប់ជុំវិញអាកាសយានដ្ឋានប្រវែង ២០គីឡូម៉ែត្រ,
-សាងសង់អគារផ្សេងៗចំនួន១៩ មានដូចជា៖ អគារស្ថានីយអ្នកដំណើរសម្រាប់ភ្ញៀវជាន់ខ្ពស់, ស្ថានីយកែច្នៃប្រព័ន្ធទឹកកខ្វក់, ស្ថានីយស្តុកសំណល់រឹង, ស្ថានីយជួសជុលយានយន្ត, ស្ថានីយស្តុកប្រេង, ស្ថានីយស្តុកទំនិញ, ស្ថានីយពន្លត់អគ្គិភ័យ និងអនុស្ថានីយអគ្គិសនី។ គម្រោងក៏កំពុងដំណើរការលើការងារស្តារបឹងជើងលោក ដោយសម្រេចបានទំហំ ១៨ហិកតា ក្នុងជម្រៅពី ៥ម៉ែត្រ ទៅ២២ម៉ែត្រ។ ក្រុមហ៊ុនគ្រោងនឹងស្តារបឹងបន្ថែមក្នុងទំហំ ១០០ហិកតា។

The post លម្អិតពីសំណង់អគារតម្លៃ ១៥០០ លានដុល្លារ កំពុងសាងសង់ក្នុងព្រលានយន្តហោះតេជោ appeared first on .

ព្រលានយន្តហោះតេជោ

ទទួល​ទុន​ ៣ លានដុល្លារ​ទៀត ​វិនិយោគ​លើ​គម្រោង​សាងសង់ អាកាសយានដ្ឋានអន្តរជាតិតេជោ​នៅ​តាខ្មៅ​

លម្អិត​ពី​សំណង់​អគារ​​តម្លៃ ១៥០០ លាន​ដុល្លារ កំពុង​សាងសង់ក្នុង​​​​ព្រលាន​យន្តហោះ​តេជោ​

ទទួលទុន ៣ លានដុល្លារទៀត វិនិយោគលើគម្រោងសាងសង់ អាកាសយានដ្ឋានអន្តរជាតិតេជោនៅតាខ្មៅ

លម្អិតពីសំណង់អគារតម្លៃ ១៥០០ លានដុល្លារ កំពុងសាងសង់ក្នុងព្រលានយន្តហោះតេជោ