ពិធីចុះហត្ថលេខា ធ្វើឡើងនៅថ្ងៃទី២០ ខែមករានេះ ដែលដំណាងដោយឧកញ៉ា ឆារស៍ វ៉ាន់ ជាអគ្គនាយករងក្រុមហ៊ុន Cambodia Airport Investment Co., Ltd និងលោក ហាន ប៉េងក្វាង អគ្គនាយកធនាគារ វីង ក្រោមវត្តមានអ្នកឧកញ៉ា ពុង ឃាវសែ និងអ្នកឧកញ៉ា គិត ម៉េង។

បើតាមក្រុមហ៊ុន CAIC បានឲ្យដឹងថា បច្ចុប្បន្នគម្រោងអាកាសយានដ្ឋានអន្តរជាតិតេជោសម្រេចបាន ៣០% ដែលប្រើប្រាស់ទឹកប្រាក់សរុប ៣៩០លានដុល្លារអាមេរិក។ CAIC បានបញ្ជាក់ថា ការទិញសញ្ញាបណ្ណនេះ មានអត្រាការប្រាក់ Coupon rate គឺ ៥.៥% ក្នុងមួយឆ្នាំ ជាមួយនឹងរយៈពេល ៣ឆ្នាំ ហើយត្រូវបានធានាដោយក្រុមហ៊ុន OCIC។

គួររំឭកថា ប្រមុខរាជរដ្ឋាភិបាលកម្ពុជា សម្តេច ហ៊ុន សែន កាលពីដើមខែធ្នូ ឆ្នាំ២០២១កន្លងទៅ បានអំពាវនាវដល់គ្រឹះស្ថានធនាគារ និងហិរញ្ញវត្ថុនានា ទាំងក្នុង និងក្រៅប្រទេស ឲ្យជួយទិញសញ្ញាបណ្ណរបស់ក្រុមហ៊ុនCambodia Airport Investment Co., Ltd ដែលសាងសង់អាកាសយានដ្ឋាន អន្តរជាតិតេជោ។

សម្តេច ហ៊ុន សែន បញ្ជាក់បន្ថែមថា ការចូលរួមទិញសញ្ញាបណ្ណនេះ គឺជាការចូលដល់ការអភិវឌ្ឍន៍ព្រលានយន្តហោះថ្មី ដែលកាត់បន្ថយនូវការប្រើប្រាស់ទុន ពីក្រៅប្រទេស ហើយការគ្រឹះស្ថានហិរញ្ញវត្ថុទាំងនោះ ក៏ទទួលបានផលចំណេញពីអត្រាការប្រាក់ ដោយទទួលបានការធានាផ្នែកហានិភ័យ ស្មើសូន្យពីរាជរដ្ឋាភិបាលផងដែរ។

ជាការកត់សម្គាល់ក្រោយពីសម្តេចនាយករដ្ឋមន្ត្រី ហ៊ុនសែន ប្រកាសភ្លាមៗ មានធនាគារក្នុងស្រុក និងធនាគារបរទេសបាននាំគ្នាមកទិញសញ្ញាបណ្ណ ដើម្បីជួយសម្រួលដល់ដំណើរការសាងសង់ព្រលានយន្តហោះអន្តរជាតិថ្មីឲ្យសម្រេចតាមផែនការគ្រោងទុក។

អាកាសយានដ្ឋានអន្តរជាតិតេជោថ្មីនេះ សាងសង់ឡើងលើផ្ទៃដីទំហំប្រមាណ ២,៦០០ហិកតា ស្ថិតនៅក្រុងតាខ្មៅ និងស្រុកកណ្តាលស្ទឹង ខេត្តកណ្តាល និងដីខ្លះស្ថិតនៅក្នុងស្រុកបាទី ខេត្តតាកែវ ។ អាកាសយានដ្ឋាននេះជាគម្រោងដ៏ធំនៅក្នុងប្រទេសកម្ពុជាដែលបានវិនិយោគក្នុងទឹកប្រាក់ប្រមាណ ១,៥០០លានដុល្លារ ដែលជាគម្រោងវិនិយោគរវាងក្រុមហ៊ុនសាជីវកម្មវិនិយោគក្រៅប្រទេសកម្ពុជា (OCIC) របស់អ្នកឧកញ៉ា ពុង ឃាវសែ និងក្រុមហ៊ុននៃប្រទេសចិនផងដែរ៕

The post ធនាគារអ្នកឧកញ៉ា គិត ម៉េង បោះទុនវិនិយោគ ២លានដុល្លារបន្ថែមលើគម្រោងសាងសង់ព្រលានយន្តហោះអន្តរជាតិថ្មី appeared first on .

សូមចុច Subscribe Telegram oknha_news ដើម្បីទទួលព័ត៌មានពីសកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព!

ការសាងសង់​អាកាស​យានដ្ឋាន​អន្តរ​ជាតិ​​​ភ្នំពេញ​ថ្មី​ គឺ​ត្រូវ​ចំណាយ​ពេល​សាង​សង់​ចន្លោះ​ពី​ ៥ ឆ្នាំ​ទៅ​ ១០​ ឆ្នាំ ទើប​សាងសង់​រួច​ជាស្ថាពរ។ នេះ​បើ​តាម​អ្នក​ឧកញ៉ា ពុង ឃាវសែ​។

“ពេល​ចុះ​ Mou ខ្ញុំ​អាយុ ៧០ ឆ្នាំ ឥឡូវ ៧១ឆ្នាំ ហើយ​ការ​សាងសង់​ព្រលាន​យន្ត​ចំណាយ​ពេល​ពី ៥ ឆ្នាំទៅ​១០ ឆ្នាំ។ អញ្ចឹង​ពេល​ធ្វើ​រួច​ខ្ញុំ​អាយុ ៨០ឆ្នាំ ។ ​ការងារ​នេះ​ជា​កិត្តិយស​ខ្ញុំ​ខ្លាំង​ណាស់​ សម្រាប់​ជីវិត​ចុង​ក្រោយ​របស់​ខ្ញុំ”។ អ្នកឧកញ៉ា បន្ថែម​។

ជាមួយគ្នានេះដែលលោកក៏​បាន​ថ្លែង​អំណរ​គុណ​​ដល់​រាជរដ្ឋាភិបាល​ដែល​ផ្ដល់​ទំនុកទុកចិត្ត​ឱ្យ​ទទួល​កិច្ច​ការ​ដ៏​ធំ​សម្បើម និង​ជា​ប្រវត្តិ​សាស្ត្រ​​នេះ បើ​ទៅ​ជា​លោក​មាន​វ័យ​កាន់តែ​ច្រើន​យ៉ាង​ណា​ក្ដី។

 គិតមកត្រឹមបំណាច់ខែមេសា ឆ្នាំ២០២១ គម្រោងអភិវឌ្ឍន៍ព្រលានយន្តហោះអន្តរជាតិភ្នំពេញថ្មី សម្រេចការសាងសង់បានជាង២០ភាគរយហើយ។ នេះបើតាមអ្នកនាំពាក្យរដ្ឋលេខាធិការដ្ឋានអាកាសចរស៊ីវិល លោក ស៊ិន ចាន់សិរីវុត្ថា។

អាកាសយានដ្ឋានអន្តរជាតិថ្មីនេះគ្រោងវិនិយោគក្នុងទឹកប្រាក់ប្រមាណ១,៥០០លានដុល្លារ ក្នុងនោះទឹកប្រាក់១,១០០លានដុល្លារជាកម្ចីពីធនាគារបរទេស និង ២៨០លានដុល្លារទៀតជារបស់ក្រុមហ៊ុន CAIC របស់អ្នកឧកញ៉ា ពុង ខៀវសែ ហើយដើមទុនចុះបញ្ជីមានរហូតដល់១២០លានដុល្លារអាមេរិក។

អាកាសយានដ្ឋានអន្តរជាតិភ្នំពេញថ្មីត្រូវបានសា​ងស​ង់​ឡើងលើផ្ទៃដីទំហំប្រមាណ ២,៦០០ហិកតា ហើយគ្រោងនឹងបញ្ចប់ការសាងសង់នៅក្នុងឆ្នាំ២០២៣ ខាងមុខ។ អាកា​សយានដ្ឋានអន្តរជាតិមួយនេះ អាចនឹងទទួលអ្នកដំណើរបានប្រមាណ ១៣លាននាក់នៅក្នុងឆ្នាំ២០២៣, ៣០លាននាក់នៅក្នុងឆ្នាំ២០៣០ និង ៥០លាននាក់នៅក្នុងឆ្នាំ២០៥០៕

The post អ្នកឧកញ៉ា ពុង ឃាវសែ៖ ការងារ​នេះ​ជា​កិត្តិយស​ខ្ញុំ​ខ្លាំង​ណាស់​ សម្រាប់​ជីវិត​ចុង​ក្រោយ​របស់​ខ្ញុំ appeared first on .