ទន្ទឹមនិងការចេញ MV ចម្រៀង « PAPA PSV » នេះ តារាចម្រៀងលោក ព្រាប សុវត្ថិ បាននិយាយទៅកាន់អ្នកគាំទ្ររបស់លោកថា ៖ «សួស្តី ពុកម៉ែបងប្អូនទាំងអស់គ្នា PAPA PSV មកហើយ សង្ឃឹមថា ពុកម៉ែបងប្អូនស្រឡាញ់ចូលចិត្តនៅបទថ្មីរបស់ខ្ញុំបាទ ហើយពុកម៉ែបងប្អូនអាចបញ្ចេញមតិនៅខាងក្រោមបាន ដើម្បីស្ថាបនានៅបទក្រោយៗរបស់ខ្ញុំ អរគុណសម្រាប់ការគាំទ្ររបស់បងប្អូនចំពោះរូបខ្ញុំបាទ » ។ 

« PAPA PSV » គឺជាចំណងជើងបទចម្រៀងថ្មីមួយរបស់តារាចម្រៀងលោក ព្រាប សុវត្ថិ ដែលទើបនឹងចេញក្តៅៗនៅក្នុងផលិតកម្ម Galaxy Navatra  ដោយបទចម្រៀងនេះនិពន្ធ Melody និង ទំនុកច្រៀងដោយ PSV Team ។

គ្រាន់តែបទចម្រៀងនេះចេញជាផ្លូវការ បានធ្វើឱ្យទស្សនិកជនជាច្រើនចាប់អារម្មណ៍ និងឆ្ងល់ថា តើបទចម្រៀងមួយបទនេះលោក ព្រាប សុវត្ថិ ច្រៀងរៀបរាប់ពីអ្វីដែរ ? មិនថា ចំណងជើងបទចម្រៀង ក៏ដូចជាការសម្តែងរបស់លោក គឺពិតជាប្លែក និងទាក់ចិត្តអ្នកគាំទ្រណាស់ ។

ប្រសិនបើចង់ជ្រាបច្បាស់ថា បទចម្រៀងនេះមានអត្ថន័យបែបណា មានតែទៅទស្សនា ទាំងអស់គ្នាទើបដឹងច្បាស់ ថា លោក ព្រាប សុវត្ថិ ចង់និយាយពីអ្វីនោះ ?

The post ស៊ីអារម្មណ៍ខ្លាំង! ឧកញ៉ា ព្រាប សុវត្ថិ ចេញបទថ្មី «PAPA PSV» ប្លែកទាំងការសម្តែងជាមួយនារីវ័យក្មេង appeared first on .

បើក្បាល MV ចម្រៀង « មីឆុង មីឆា » ដំបូង លោក ព្រាប សុវត្ថិ បានជះរាងដ៏សង្ហាចូលក្នុងក្លឹបមួយកន្លែង ដែលធ្វើឱ្យអ្នកគាំទ្រជាច្រើនកាន់តែស្រឡាញ់ ពេញចិត្តនូវស្ទាយសម្តែងរបស់លោក និងកញ្ញា តន់ ចន្ទសីម៉ា ពីព្រោះអ្នកទាំងពីរពិតជាសម្តែងបានល្អខ្លាំងណាស់ក្នុងបទចម្រៀងមួយបទនេះ មិនតែប៉ុណ្ណោះ បច្ចេកទេសនៃការថត និងការកាត់តរបស់ក្រុមបច្ចេកទេសក្នុងផលិតកម្ម Galaxy Navatra គឺអាចនិយាយបានថា លំដាប់ស្តង់ដារអន្តរជាតិពិតៗ ដូច្នេះហើយទើបក្រុមហ៊ុន « មីជាតិ » បានចំណាយប្រាក់រាប់ម៉ឺនដុល្លារក្នុងការផលិត MV ចម្រៀងនេះ ។

មកទល់ពេលនេះ MV ចម្រៀង « មីឆុង មីឆា » មានអ្នកចូលទស្សនារហូតដល់ទៅម៉ឺនViewហើយ ហើយ MV ចម្រៀងនេះក៏កំពុងផ្ទុះខ្លាំងនៅក្នុងក្លឹប នៅផ្ទះ និងនៅកន្លែងហាត់ប្រាណនានា ដោយពួកគេបានយកបទចម្រៀងនេះទៅចាក់ និងរាំលេងកម្សាន្តតាមចង្វាក់ភ្លេងយ៉ាងសប្បាយរីករាយ ជាក់ស្តែងសម្រាប់អ្នកដែលចូលចិត្តហាត់ប្រាណ  ម្នាក់ៗបានសម្តែងនូវការពេញចិត្ត និងការសរសើរយ៉ាងខ្លាំង ចំពោះ MV ចម្រៀង « មីឆុង មីឆា » ហើយពួកគេថែមទាំងសំណូមពរឱ្យ ផលិតកម្ម Galaxy Navatra ផលិតចម្រៀងក៏ដូចជា MV ចម្រៀងដែលមានលក្ខណៈស្តង់ដាបែបនេះឱ្យបានច្រើន ។

ក្រឡេកមកមើលលោក ព្រា សុវត្ថិ និង កញ្ញា តន់ ចន្ទសីម៉ា ដែលបានថតនៅក្នុង MV ចម្រៀង « មីឆុង មីឆា » នេះ គឺពួកគាត់ពិតជាបានដាក់មនោរសញ្ចេតនាខ្លាំងនៅលើបទចម្រៀងមួយបទនេះ ដើម្បីទទួលបានរូបភាពស្អាតៗ និងសមទៅតាមបទចម្រៀង មិនថា ស្ទាយនៃការតុបតែងខ្លួន សម្លៀកបំពាក់ ការផាត់មុខ ការលេងទឹកមុខ និងស្ទាយរាំជាដើម…គឺអាចនិយាយថា Wow តែម្តង ។

តោះទស្សនា MV ចម្រៀង « មីឆុង មីឆា » ជាថ្មីម្តងទៀតទាំងអស់គ្នា ។ តែសម្រាប់អែតមីនវិញបានមើលនិងស្តាប់បទចម្រៀងនេះច្រើនដងហើយនៅតែមិនធុញ កាន់តែស្តាប់ តែជក់ចិត្ត ហើយទស្សនិកជនអាចរាំលេងកម្សាន្តជាមួយតារាចម្រៀង ព្រាប សុវត្ថិ និង កញ្ញា តន់ ចន្ទសីម៉ា ជាមួយចង្វាក់ថ្មីដ៏គួរឱ្យចាប់អារម្មណ៍នេះ ៕

The post មិនថានៅផ្ទះ ក្នុងក្លឹប ឬកន្លែងហាត់ប្រាណ កំពុងតែពេញនិយម MV មីឆុងមីឆា appeared first on .

ដើម្បីអបអរសាទរព្រឹត្តិការណ៍ប្រវត្តិសាស្រ្តនៃប្រទេសកម្ពុជានាពេលខាងមុខនេះ ម្ចាស់ផលិតកម្ម Galaxy Navtra អ្នកឧកញ៉ា ឡេង ណាវ៉ាត្រា ធ្លាប់បានលើកឡើងលើបណ្តាញសង្គមថា ដើម្បីបង្ហាញពីការសាមគ្គីភាព និងការអបអរសាទរនៃព្រឹត្តិការណ៍ស៊ីហ្គេម អ្នកឧកញ៉ាបានចាត់ចែងដោយផ្ទាល់ប្រជុំការងារជាមួយអ្នកនិពន្ធ និងកំពូលតារាចម្រៀងដូចជា៖ អ្នកឧកញ៉ា ឡេង​ ណាវ៉ាត្រា​ អ្នកនិពន្ធឆ្នើម ឧកញ៉ា យឹម តាស្រង់ អ្នកនិពន្ធចាស់វស្សា លោក សុខ ជំនោរ អ្នកនិពន្ធនិងជាអ្នកដឹកនាំលោក ខាំ ភូរិ ឯកឧត្តម ហ៊ឹម នភា និងអ្នកនិពន្ធឆ្នើម ឯកឧត្តម ខេមរៈ ភារុន។

នៅក្នុងបទចម្រៀង «ស្រឡាញ់អ្វីដែលខ្មែរមាន» ជាមរតកប្រវត្តិសាស្ត្រសម្រាប់កម្ពុជា ឆ្នាំ២០២៣នេះ ចូលរួមច្រៀងដោយកំពូលតារាចម្រៀង ៤រូបច្រៀងរួមគ្នា ដូចជា៖ កំពូលតារាចម្រៀង ឧកញ៉ា ព្រាប សុវត្ថិ កំពូលតារាចម្រៀង ឧកញ៉ា ខេមរៈ សិរីមន្ត កំពូលតារាចម្រៀង លោក ខេម និងកំពូលតារាចម្រៀងស្រីកញ្ញា តន់ ចន្ទសីម៉ា ។

បើតាមអ្នកឧកញ៉ាម្ចាស់ផលិតកម្ម Gaxaly Navtra នេះគឺជាលើកទីមួយសម្រាប់កំពូលតារាចម្រៀង ឧកញ៉ា ព្រាប សុវត្ថិ កំពូលតារាចម្រៀង ឧកញ៉ា ខេមរៈ សិរីមន្ត កំពូលតារាចម្រៀងលោក ខេម កំពូលតារាចម្រៀង កញ្ញា តន់ ចន្ទសីម៉ា របស់ផលិតកម្មហ្គាឡាក់ស៊ី បង្ហាញក្នុងបទចម្រៀងអមព្រឹត្តិការណ៍ប្រវត្តិសាស្ត្រលើកទី១ ផ្នែកកីឡាតំបន់អាស៊ីអាគ្នេយ៍ ឆ្នាំ២០២៣នេះ។

សូមជម្រាបជូនថា បទចម្រៀង «ស្រឡាញ់អ្វីដែលខ្មែរមាន» ត្រូវបានចម្រៀងផលិតជា MV ទ្រុងទ្រាយធំម្តងរួចមកហើយដោយអ្នកឧកញ៉ា ឡេង ណាវ៉ាត្រា ក្រោយមកទៀតកំពូលតារាចម្រៀងស្រីកញ្ញា តន់ ចន្ទសីម៉ា ក៏បានយកមកច្រៀងធ្វើឲ្យផ្អើលក្នុងពិភពសិល្បៈប្រទេសកម្ពុជា និងបណ្តាប្រទេសក្នុងតំបន់អាស៊ានម្តងទៀត នេះក៏ព្រោះថា «បទស្រឡាញ់អ្វីដែលខ្មែរមាន» ក្រៅពីអត្ថន័យពាក្យពេជ្របញ្ជាក់ពីដួងព្រលឹង វប្បធម៌ អរិយធម៌ ប្រពៃណីខ្មែរហើយនោះ ក៏បានរំលេចនៅតំបន់ទេសចរណ៍ប្រវត្តិសាស្រ្ត និងនៅតាមបណ្តាកោះល្បីៗក្នុងប្រទេសកម្ពុជាផងដែរ៕

The post កំពូលតារាចម្រៀង និងអ្នកនិពន្ធឆ្នើម១០រូប បង្ហាញស្នាដៃក្នុងបទចម្រៀងមរតកប្រវត្តិសាស្រ្តនៃព្រឹត្តិការណ៍ស៊ីហ្គេម appeared first on .

ប៉ុន្មានថ្ងៃបន្ទាប់ពីទទួលបានគោរមងារឧកញ៉ា តាមរយៈទំព័រហ្វេសប៊ុកឧកញ៉ា ព្រាប សុវត្ថិ ថ្លែងអំណរព្រះគុណព្រះមហាក្សត្រ យ៉ាងដូចម្នេះថា៖ ទូលព្រះបង្គំជាខ្ញុំ និង ភរិយា សូមក្រាបថ្វាយបង្គំ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បពិត្រព្រះករុណាជីវិតតម្កល់លើត្បូងជាទីគោរពដ៏ខ្ពង់ខ្ពស់បំផុត ទូលព្រះបង្គំជាខ្ញុំ និង ភរិយា សូមថ្លែងអំណរព្រះរាជគុណ ប្រកបដោយសមានចិត្តសប្បាយរីករាយបំផុត ដែលព្រះករុណាថ្លៃវិសេស ទ្រង់សព្វព្រះរាជហឫទ័យ ប្រោសព្រះរាជទាន ផ្តល់គោរមងារ « ឧកញ៉ា » ដល់ទូលព្រះបង្គំជាខ្ញុំ ។

ជាមួយគ្នានេះ ឧកញ៉ា ព្រាប សុវត្ថិ ក៏ខ្ញុំបានថ្លែងអំណរគុណ អរគុណ ដ៍ជ្រាលជ្រៅចំពោះសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលតែងតែយកចិត្តទុកដាក់ លើកទឹកចិត្តដល់រូបលោម ក្នុងការងារសង្គម និង សិល្ប: ។

លើសពីនេះ លោកក៏អរគុណដល់ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី អ្នកនាង កញ្ញា បងប្អូន មិត្តភ័ក្តិ ដែលបានផ្ញើសារចូលរួមអបអរសាទរដល់ខ្ញុំបាទ ក្នុងឱកាសដ៍ថ្លៃថ្លានេះ។

គួរជម្រាបថា មុនក្លាយខ្លួន​ជាឧកញ៉ា បុរសវ័យ៤៧ឆ្នាំរូបនេះ មានការងារ និងមុខជំនួញជាច្រើននៅក្នុងដៃ ដែល​រួម​មានដូចជា៖ ជាតារាចម្រៀងប្រចាំផលិតកម្ម Galaxy Navatra, ជាម្ចាស់ Brand សាប៊ូកក់សក់ ព្រាប សុវត្ថិ, ហាងកាត់សក់ ព្រាប សុវត្ថិ, ផ្ទះព្រាប សុវត្ថិ (លក់បាយម្ហូប បុកល្ហុង និងនំបញ្ចុក), គម្រោងដីឡូត៍ ព្រាប សុវត្ថិ, បុរី ព្រាប សុវត្ថិ, អ្នកតំណាង​ផលិតផល​ទូរស័ព្ទដៃ Vivo, ទូតសុឆន្ទៈ​របស់ក្រុមហ៊ុន​រថយន្ត Isuzu, ទូតសុឆន្ទៈ​ធនាគារ DGB និង​ជា​ទូត​សុឆន្ទៈ​របស់​គម្រោង​ខុនដូ និងលំនៅឋាន​ប្រណិត Morgan Enmaison រួមទាំងការងារ​ជាមួយ​ក្រុមហ៊ុន​ផ្សេងៗ​ជាច្រើន​ទៀត៕

The post ម្ចាស់បទកាត់ឆុងចេញសារថ្លែងអំណរគុណក្រោយទទួលងារឧកញ៉ា appeared first on .

The post តារាចម្រៀងប្រចាំផលិតកម្ម Galaxy Navatra ម្នាក់ឡើងងារឧកញ៉ា appeared first on .

កំពូលតារាចម្រៀងលោក ព្រាប សុវត្ថិ និងលោក ខេមរៈ សិរីមន្ត បានធ្វើដំណើរជាច្រើនរយគីឡូ អមដំណើរជាមួយអ្នកឧកញ៉ា ឡេង ណាវ៉ាត្រា ដែលពាណិជ្ជករល្បីឈ្មោះរះគ្រប់រដូវ ដែលបានចុះទៅប្រមូលទិញផ្លែមៀនតាង៉ែន របស់បងប្អូនប្រជាកសិករខ្មែរនៅឯខេត្តបាត់ដំបង ស្របពេលដែលប្រជាកសិរកកំពុងតែទុំជោរជ្រុះមិនមានឈ្មួញចុះមកជួយទិញ។

ការចុះប្រមូលទិញរបស់អ្នកឧកញ៉ា និងរួមជាមួយកំពូលតារាចម្រៀងល្បីៗ បានធ្វើឲ្យប្រជាពលរដ្ឋសប្បាយចិត្តជាខ្លាំង ខណៈដែលពួកគាត់កំពុងដង្ហៅរកឈ្មួញចុះមកទិញកសិផលរបស់គាត់ដូចសព្វមួយដង។

ក្នុងទឹកមុខសប្បាយរីករាយ អាម្មរណ៍ចាក់ដោតមិនខ្លាចនឿយហត់ លោក ព្រាប សុវត្ថិ និង ខេមរៈ សិរីមន្ត បានសម្ដែងការសប្បាយ ព្រមទាំងបានលើកទឹកចិត្តប្រជាពលរដ្ឋ។ លោកថា សូមឲ្យប្រជាពលរដ្ឋដែលបានដាំផ្លែមៀនក្រអូបក៏ដូចជាតាង៉ែនកុំអស់សង្ឃឹម ប្រមុខរដ្ឋាភិបាលក៏ដូចជាសប្បុរសជនមួយចំនួនធំបានយកចិត្តទុកដាក់បងប្អូន មិនឲ្យបងប្អូននៅឯកការឡើយ។

លោកបន្តថា “ជាក់ស្ដែងដូចអ្នកឧកញ៉ា ឡេង ណាវ៉ាត្រា ដោយមើលឃើញពីទុក្ខ លំបាករបស់បងប្អូនប្រជាកសិករ គ្មានទីផ្សារលោកបានចុះផ្ទាល់ ដើម្បីប្រមូលទិញពីបងប្អូនរហូតដល់ទៅ ១០០០តោន ហើយយកទៅលក់ក្នុងតម្លៃជូនប្រជាពលរដ្ឋក្នុងខេត្តផ្សេងទៀត១គីឡូត្រឹមតែ១៩០០រៀលប៉ុណ្ណោះ”។

ជាមួយគ្នានេះ កាលពីថ្ងៃទី៦ ម្សិលមិញ អ្នកឧកញ៉ាម្ចាស់បុរី ឡេង ណាវ៉ាត្រា បានអញ្ជើញចុះសម្របសម្រួលបែងចែកផ្លែមៀនរាប់រយតោនទាំងកណ្តាលភ្លៀងទៅតាមបណ្តាលខេត្តក្រុងចំនួនដូចជា ខេត្តកំពង់ស្ពឺ តាកែវ កំពត ក្រុងកំពង់សោម ខណៈខេត្តកំពង់ស្ពឺ កំពត អ្នកឧកញ៉ាក៏បានអញ្ជើញទៅលក់ដោយផ្ទាល់ដៃជូនបងប្អូនប្រជាពលរដ្ឋដោយស្នាមញញឺមភក្តីភាពជាជាតិខ្មែរតែមួយ ទាំងយប់អាទ្រាធ។

លើសពីនេះទៅទៀត អ្នកឧកញ៉ាវ័យក្មេងចិត្តក្លាហានចេញមុខជួយប្រជាពលរដ្ឋគ្រប់ស្ថានភាពកាលៈទេសៈ បាននឹងអញ្ជើញទៅចុះលក់ផ្លែមៀនផ្ទាល់នៅក្រុងកំពង់សោមនៅថ្ងៃនេះបន្តទៀត ដើម្បីឲ្យបងប្អុនអ្នកកំពង់សោមបានភ្លក់រសជាតិផ្លែឈើខ្មែរយើង។

បន្ថែមលើនេះ ការទិញមកលក់ខាតដើម ខាតកម្លាំងពលកម្ម ខាតថ្លៃដឹកជញ្ជូននេះ គឺក្នុងន័យមួយជួយសម្រួលទុក្ខលំបាកបងប្អូន ហើយម្យ៉ាងចង់ឲ្យពុកម៉ែបងប្អូនអ្នកខេត្តផ្សេងៗ បានភ្លក់រសជាតិផ្លែមៀនតាង៉ែនឲ្យបានច្រើនផងដែរ។

សូមបញ្ជាក់ថា ការចុះប្រមូលទិញដល់ចំការ និងបែងចែកផ្ទាល់របស់អ្នកឧកញ៉ានៅពេលនេះ ដោយមានការចង្អុលបង្ហាញដោយផ្ទាល់ពីសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ប្រធានកាកបាទក្រហមកម្ពុជា កាលពីថ្ងៃទី០៣ កញ្ញានេះ បានធ្វើដំណើរចុះមកប្រមូលទិញផ្លែមៀនរបស់ប្រជាពលរដ្ឋកំពុងជួបបញ្ហាខ្វះទីផ្សារ នៅខេត្តបាត់ដំបង៕

The post ថតស្ប៉តម្ដងៗមិនក្រោម១០ម៉ឺនដុល្លារ ព្រាប សុវត្ថិ ខេមរៈ សិរីមន្ត ចុះប្រូម៉ូដផ្លែមៀនប៉ៃលិនជូនពលរដ្ឋមិនគិតប្រាក់មួយដុល្លារ appeared first on .

សកម្មភាពចុះផ្ទាល់ កាច់ផ្ទាល់ជាមួយម្ចាស់ចំការរបស់អ្នកឧកញ៉ា និងសិល្បរកល្បីៗរបស់យើងស្ថិតក្នុងគ្រាដ៏លំបាករបស់ពួកគាត់ បានបង្ហាញឲ្យឃើញនូវការស្រឡាញ់ចែករំលែកទុក្ខលំបាក និងលើកទឹកចិត្ត ខណៈផ្លែមៀនប៉ៃលិនបងប្អូនប្រជាពលរដ្ឋស្ថិតនៅក្នុងខេត្តបាត់ដំបង និងខេត្តប៉ៃលិនត្រូវជាប់គាំងខ្វះទីផ្សារប្រមាណជាង ៥ម៉ឺនតោននៅក្នុងឆ្នាំ២០២១នេះ។

ម្ចាស់ចំការម្នាក់បានថ្លែងថា គាត់ពិតជាសប្បាយចិត្តនៅពេលដែលឃើញអ្នកឧកញ៉ាល្បីឈ្មោះ ឡេង ណាវ៉ាត្រា និងតារាចម្រៀង ព្រាប សវុត្ថិ ខេមរៈ សិរីមន្ត ព្រមទាំងថ្នាក់ដឹកនាំជាច្រើននាក់បានចុះមកដល់ទីតាំងចំការដើម្បីប្រមូលទិញមៀនប៉ៃលិន ពិតជាបានរួមចំណែកជួយដល់បងប្អូនកសិករយើងកំពុងជួបបញ្ហាខ្វះទីផ្សារ។

ទាក់ទងនឹងយុទ្ធនាការប្រមូលទិញផ្លែមៀនប៉ៃលិននេះដែរ អភិបាលខេត្តបាត់ដំបង លោក ងួន រតនៈ បានឲ្យដឹងថា ការប្រមូលទិញរយៈពេលជិត២០ថ្ងៃនោះ គឺប្រមូលទិញផ្លែមៀនរបស់ប្រជាពលរដ្ឋបានជិត ២ពាន់តោន។ ការប្រមូលទិញកាលពីជំហ៊ានទី១ មិនទាន់អស់នៅឡើយ និងមានការស្នើសុំពីប្រជាពលរដ្ឋម្ចាស់ចម្ការផងនោះ ទើបរូបលោកបានរាយការណ៍ និងគោរពស្នើសុំសម្តេចតេជោនាយករដ្ឋមន្ត្រី ដើម្បីជួយទិញផ្លែមៀនបន្ត។

ក្រោយទទួលបានការស្នើសុំនេះ សម្តេចតេជោ ហ៊ុន សែន ក៏បានណែនាំឱ្យអ្នកឧកញ៉ា ឡេង ណាវ៉ាត្រា តំណាងសម្តេចផ្ទាល់ចុះមកប្រមូលទិញផ្លែមៀននៅសេសសល់នេះ ហើយបើតាមការបញ្ជាក់ពីអភិបាលខេត្តបាត់ដំបង ផ្លែមៀនដែលត្រូវប្រមូលទិញបន្តនេះ មានចំនួន៧ចម្ការ៕

The post ចុះផ្ទាល់ កាច់ផ្ទាល់ផ្អើលប្រជាកសិករម្ចាស់ចំការអ្នកឧកញ៉ា ឡេង ណាវ៉ាត្រា ដឹកនាំកំពូលតារាចម្រៀងល្បីៗប្រមូលទិញផ្លែមៀនប៉ៃលិន appeared first on .

នៅថ្ងៃនេះបទថ្មីដែលមានចំណងជើងថា «ស្រលាញ់ធម្មតាតែឈឺធ្ងន់ធ្ងរ» ត្រូវបានចេញផ្សាយផ្លូវការនៅលើ​យូធូបផលិត​កម្ម Galaxy Navatra ទទួលបានការគាំទ្រយ៉ាងខ្លាំងពីសំណាក់អ្នកស្ដាប់ និងត្រូវបានស្ញើចសរសើរគ្រប់ៗ​​គ្នាថែមទៀតផង ។

ហើយបទចម្រៀងថ្មីបែបមនោសញ្ចេតនា ពិរោះលន្លង់លន្លោច ឈឺចាប់ខ្លោចផ្សារមួយនេះ គឺជាស្នាដៃនិពន្ធ​ទំ​នុក​ច្រៀងរបស់អ្នកគ្រប់គ្រង និងអ្នកនិពន្ធឆ្នើមនៃផលិតកម្ម Galaxy Navatra លោក យឹម តាស្រង់ ផ្ទាល់តែម្ដង ។

អ្វីដែលពិសេសនោះ គិតត្រឹមរយៈពេល៤ម៉ោងមកនេះ បទ «ស្រលាញ់ធម្មតាឈឺចាប់ធ្ងន់ធ្ងរ» របស់កំពូលតារាចម្រៀង ព្រាប សុវត្ថិ មានការចូលទស្សនារាប់ម៉ឺនដងនៅលើបណ្ដាញយូធូបផងដែរ៕

សូមទស្សនាវីដេអូខាងក្រោម៖

The post ស្តាយថ្មីទៀតហើយមកលើកនេះជាមួយនឹងបទលន្លង់លន្លោច ឈឺចាប់ខ្លោចផ្សារ appeared first on .

នៅប៉ុន្មានម៉ោងមុននេះ បទចម្រៀងរបស់ តារាចម្រៀងរៀមច្បងរូបនេះ មានចំណងជើងថា “ចង់ឈប់ស្រលាញ់អ្នកណាហើយ” ដែលបានចេញនៅលើ ឆាណែល យូធូប របស់ផលិតកម្ម Galaxy Navatra ដែលមានអត្ថន័យចាក់ដោតសម្រាប់អ្នកមានស្នេហា បទភ្លេងពីរោះលន្លង់លន្លោច រណ្តំចិត្ត ហើយអ្វីដែលកាន់តែពិសេសទៀតនោះគឺ ស្តាយម៉ូតសក់ស៊េរីចាស់ ដែលតាមចំណាំ លោក ព្រាបសុវត្ថិ ធ្លាប់លេងម៉ូតនេះកាលប្រហែល១០ឆ្នាំមុនរួចមកហើយ ហើយឥឡូវនេះលោកយកម៉ូដសក់នេះ មកបង្ហាញជាថ្មីម្តងទៀត មើលទៅរិតតែសង្ហាមិនចាញ់កាលពី១០ឆ្នាំមុនទេ ថ្វីត្បិតតែឥឡូវលោកមានវ័យជ្រេជាងមុនក៏ដោយ។

លោក ព្រាប សុវត្ថិ ជាតារាម្នាក់ ចូលចិត្តលេងម៉ូដសក់សាហាវ តាំងពីលោកចូលប្រឡូកក្នុងសិល្បៈ រហូតមកទល់បច្ចុប្បន្ន ហើយម៉ូដសក់របស់លោក មិនដែលជាន់គ្នាសូម្បីបន្តិច។

តោះមកទស្សនានិងស្តាប់ទាំងអស់គ្នា ៖

The post ហ្វេនៗភ្ញាក់ផ្អើលជាថ្មីម៉ូដ​សក់កាលពី ១០ឆ្នាំ​មុន របស់កំពូលតារាចម្រៀង ព្រាប សុវត្ថិ ក្នុងបទថ្មី appeared first on .

ស្ថានទូត​ជប៉ុន​ប្រចាំ​នៅ​កម្ពុជា បាន​ប្រកាស​កម្មវិធី​នេះ​កាល​ពី​ថ្មី​ៗ​នេះ ដោយ​ការ​អះអាង​ថា កម្មវិធី​នឹង​ដំណើរ​ឆាប់​ៗ ដើម្បី​ផ្ដល់​ពិសោធន៍​ថ្មី​មួយ​ដល់​ប្រជាជន​កម្ពុជា អាច​កម្សាន្ត​ជាមួយ​កម្មវិធី​តន្ត្រី​ប្រមូល​ផ្ដុំ​ដោយ​កំពូល​តារា​ចម្រៀង​ប្រទេស​ក្នុង​តំបន់​អាស៊ាន​ជា​ច្រើន ដោយ​មិន​ចាំ​បាច់​ចេញ​ពី​ផ្ទះ​នោះ​ឡើយ ហើយ​នោះ​គឺ “មហោស្រពតន្ត្រីជប៉ុន-អាស៊ានតាមអនឡាញ”។

កម្មវិធី​នេះ កើត​ឡើង​ដើម្បី​រឹត​ចំណង​ទាក់​ទង​របស់ ជប៉ុន ជាមួយ​បណ្ដា​ប្រទេស​ក្នុង​តំបន់​អាស៊ាន ក្នុង​បរិបថ ពិភព​លោក​គម្រាម​គំហែងដោយ​សារ កូវីដ ១៩។
ស្ថានទូត​ជប៉ុន​នៅ​កម្ពុជា បាន​គូស​បញ្ជាក់​ថា “តារាចម្រៀងតំណាងមកពីបណ្តាប្រទេសអាស៊ាន និងជប៉ុនបានចូលរួមក្នុងមហោស្រពតន្រ្តីជប៉ុន-អាស៊ាននេះ ក្នុងនោះតំណាងប្រទេសកម្ពុជា គឺលោក ព្រាប​សុវត្ថិដែលជាតារាចម្រៀងម្នាក់ដ៏មានប្រជាប្រិយបំផុតនៅកម្ពុជាក៏មានវត្តមានផងដែរ”។

ការ​ចាក់​ផ្សាយ កម្មវិធី​នេះ បាន​ចាប់​ផ្ដើម​កាល​ពីថ្ងៃសៅរ៍ ទី៥ ខែមិថុនា ដល់ថ្ងៃសុក្រ ទី១១ ខែមិថុនា តាមគេហទំព័រយូធូបផ្លូវការ​របស់​កម្ពុជា។ ក្រៅ​ពី​នេះ លោក លោកស្រី​ក៏អាចស្វែងរកនិងរីករាយទស្សនាវីដេអូពីមុនៗតាមគេហទំព័រនេះផងដែរ។ នៅ​វីដេអូ​ចម្រៀង​ប្រមូល​ផ្ដុំ​ដោយ​តារា​ចម្រៀង​ល្បី​ៗ​ប្រចាំ​តំបន់​អាស៊ាន លោក ព្រាប សុវត្ថិ បាន​នាំ​យក​បទ​ចម្រៀង​មួយ​បទ​ក្នុង​ផលិតកម្ម Galaxy Navatra ទៅ​ចូល​រួម​ជាមួយ​កម្មវិធី។ តោះ…ទស្សនា​វីដេអូ​ខាង​ក្រោម​នេះ៖

The post ជប៉ុន រើស ព្រាប សុវត្ថិ តំណាង​កម្ពុជា​​ចូល​ក្នុង​កម្មវិធី​មួយ​ប្រជុំ​សុទ្ធ​កំពូល​តារា​អាស៊ាន appeared first on .