នៅក្នុងព្រះរាជសារ ព្រះអង្គបានមានព្រះបន្ទូលថា៖​ «តាមការពិនិត្យដោយយកចិត្តទុកដាក់ល្អិតល្អន់ ជាទីបំផុតពីក្រុមគ្រូពេទ្យនៃមន្ទីរពេទ្យរដ្ឋធានីប៉េកាំង សាធារណរដ្ឋប្រជាមានិតចិន បានបញ្ជាក់ថាបច្ចុប្បន្ននេះ ទូលព្រះបង្គំជាខ្ញុំ មានព្រះរោគមហារីកនៅក្រពេញប្រូស្តាត (Prostate Cancer)។ តាមវេជ្ជបញ្ជា របស់ក្រុមគ្រូពេទ្យ ទួលព្រះបង្គំ ខ្ញុំព្រះករុណា ខ្ញុំ សូមព្រះអនុញ្ញាត និងអនុញ្ញាតគង់ប្រថាប់បន្តទៀត ហើយពុំទាន់អាចយាងនិវត្តន៍ទៅកាន់មាតុប្រទេស់នៅពេលនេះបានទេ។ ក្រុមគ្រូពេទ្យតម្រូវឱ្យ ទូលព្រះបង្គំ ខ្ញុំ ព្រះករុណាខ្ញុំ ចូលគង់ប្រថាប់ក្នុងមន្ទីរពេទ្យដើម្បីព្យាបាលតាមវេជ្ជបញ្ជា នឹងថែរក្សាព្រះរាជសុខភាព មួយរយៈពេល ពីមួយខែ ទៅពីរខែបន្តទៀត»។

ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៧០នេះ ព្រះអង្គ និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ ខ្ពង់ខ្ពស់បំផុត សូមផ្ញើសេចក្តីនឹករលឹកជាពន់ពេក និងសូមបួងសួងដល់គុណបុណ្យព្រះរតនត្រ័យ គុណបារមី វត្ថុស័ក្តិសិទ្ធិនានាក្នុងលោក និងទេវតាឆ្នាំថ្មី ប្រសិទ្ធពរជ័យ សិរីមង្គល បវរមហាប្រសើរ ថ្វាយសម្តេច ព្រះមហាសង្ឃរាជទាំងពីរគណៈ ប្រគេនព្រះថេរានុត្ថេរៈគ្រប់ព្រះអង្គ ជាទីសក្ការៈដ៏ខ្ពង់ខ្ពស់ ថ្វាយ និងជូន សម្តេច ព្រះញាតិវង្សានុវង្ស និងជូនបងប្អូនជនរួមជាតិទាំងអស់ សូមបានប្រកបនូវសេចក្តីសុខ សេចក្តីចម្រើន និងព្រះពុទ្ធពរគ្រប់ប្រការ កុំបីឃ្លៀងឃ្លាតឡើយ៕ អត្ថបទ៖ហ្សាលីន

The post ព្រះមហាក្សត្រ ត្រូវគង់ប្រថាប់នៅមន្ទីរពេទ្យឯប្រទេសចិនបន្តទៀត ដើម្បីព្យាបាលជំងឺមួយប្រភេទនេះ appeared first on .

តាមព្រះរាជបវេណីរបស់ខ្មែរ ព្រាហ្មណ៍ព្រះរាជគ្រូ បានសូត្រពាក្យអធិដ្ឋានផ្សងគោឧសភរាជ ដែលទឹមច្រត់ព្រះនង្គ័លនោះ ឱ្យបរិភោគអាហារ ៧យ៉ាង ដែលភ្នាក់ងាររៀបដាក់តុ ប្រាក់ធំៗតាំងទុកនៅទីមុខព្រះពន្លា គឺគ្រាប់ស្រូវ១តុ គ្រាប់សណ្ដែត១តុ គ្រាប់ពោត១តុ គ្រាប់ល្ង១តុ ស្មៅស្រស់១តុ ទឹក១តុ ស្រា១តុ។ កាលព្រះគោ បរិភោគអ្វីមួយយ៉ាង ឬពីរយ៉ាង ព្រាហ្មណ៍ក៏ទាយផលប្រផ្នូលទៅខាងមុខតាមនោះដែរ។ ជាលទ្ធផល ក្នុងព្រះរាជពិធីនាព្រឹកនេះ គោឧសភរាជបរិភោគ ស្រូវ៩៥ភាគរយ ពោត ៩៥ភាគរយ និងសណ្តែក ៨០ភាគរយ ហើយតាមការបរិភោគនេះ បង្ហាញថា ឆ្នាំម្សាញ់នេះ ស្រូវ ពោត និងសណ្តែក នឹងទទួលបានផលល្អប្រសើរ។

សូមជម្រាបជូនថា ការផ្សងខាងលើនេះ ធ្វើឡើងក្នុងព្រះរាជពិធីបុណ្យច្រត់ព្រះនង្គ័ល ដែលបានប្រារព្ធធ្វើឡើងនាព្រឹកថ្ងៃទី១៥ ខែឧសភានេះ នៅក្រុងកំពង់ឆ្នាំង ខេត្តកំពង់ឆ្នាំង ជាមហោឡារិក ក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត៕

The post ស្រូវ ពោត និងសណ្តែក រំពឹងថានឹងទទួលបានផលល្អ នៅឆ្នាំម្សាញ់នេះ appeared first on .

ស្ថិតក្នុងឱកាសដ៏ឧត្តុង្គឧត្តមថ្លៃថ្លានេះ ទូលព្រះបង្គំទាំងអស់គ្នា សូមលើកហត្ថប្រណម្យ បួងសួងដល់ទេវតាថែរក្សាព្រះមហាស្វេតច្ឆត្រ គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធទាំងឡាយក្នុងលោក ព្រមទាំងបារមីនៃដួងព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រីយានីខ្មែរគ្រប់ព្រះអង្គ សូមជួយថែករក្សាអភិបាលប្រោះព្រំ ព្រះសព្វសាធុការពរជ័យគ្រប់ប្រការ ថ្វាយចំពោះ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត សូមទ្រង់ប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឯកអគ្គរាជទូតកម្ពុជាប្រចាំសាធារណរដ្ឋប៊ុលហ្គារី ផ្ញើសារលិខិតថ្វាយព្រះពរព្រះមហាក្សត្រ ក្នុងឱកាសព្រះរាជពិធីបុណ្យចម្រើនព្រះជន្មាយុ appeared first on .

ក្នុងឱកាសយាង និងអញ្ជើញថ្វាយព្រះរាជដំណើរព្រះករុណា ព្រះមហាក្សត្រ និងសម្ដេចព្រះមហាក្សត្រី នៅព្រលានយន្តហោះអន្តរជាតិភ្នំពេញ មានវត្តមានរបស់ សម្ដេចធិបតី ហ៊ុន ម៉ាណែត នាយករដ្ឋមន្ត្រី សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភា ព្រមទាំងសម្ដេច ឯកឧត្ដម លោកជំទាវ ជាសមាជិកសមាជិកា ឧត្ដមប្រឹក្សាផ្ទាល់ព្រះមហាក្សត្រ និងមន្ត្រីអ្នកមុខ អ្នកការជាច្រើនរូបទៀត។ ដោយឡែកឯកអគ្គរដ្ឋទូតចិនប្រចាំកម្ពុជា  និងមន្ត្រីស្ថានទូត ក៏មានវត្តមានក្នុងឱកាសនោះផងដែរ។

នាអំឡុងពេលព្រះមហាក្សត្រ ស្ដេចយាងចេញក្រៅប្រទេសនេះដែរ សម្ដេចតេជោ ហ៊ុន សែន ប្រធានព្រឹទ្ធសភា ទទួលរាជានុសិទ្ធិជាប្រមុខរដ្ឋស្ដីទី៕ អត្ថបទ៖ ហ្សាលីន

The post ព្រះមហាក្សត្រ និងសម្តេចម៉ែ យាងចាកចេញទៅពិនិត្យព្រះរាជសុខភាព នៅប្រទេសចិន appeared first on .

ក្នុងដំណើរយាងត្រឡប់មកដល់កម្ពុជានេះដែរ សម្ដេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងមន្រ្តីជាន់ខ្ពស់ជាច្រើន បានអញ្ជើញទទួលព្រះរាជដំណើរយាងនិវត្តន៍របស់ព្រះមហាក្សត្រ បន្ទាប់ពីស្ដេចយាងចូលរួមកិច្ចប្រជុំកំពូលហ្វ្រង់កូហ្វូនី លើកទី១៩ នៅប្រទេសបារាំង ដែលបានប្រព្រឹត្តទៅពីថ្ងៃទី៤ ដល់ទី៥ ខែតុលា ឆ្នាំ២០២៤ នៅ Villers-Cotterêts និងនៅទីក្រុងប៉ារីស ប្រកបដោយលទ្ធផលដោយព្រះរាជជោគជ័យយ៉ាងត្រចះត្រចង់។

សូមរម្លឹកដែរថា កិច្ចប្រជុំកំពូលហ្វ្រង់កូហ្វូនីលើកទី១៩ បានធ្វើឡើងក្រោមមូលបទ «ការបង្កើតថ្មី នវានុវត្តន៍ និងសហគ្រិនភាពជាភាសាបារាំង» ដែលជាឱកាសមួយសម្រាប់ប្រមុខរដ្ឋ និងប្រមុខរដ្ឋាភិបាល ពិភាក្សាពីដំណោះស្រាយនៃបញ្ហាប្រឈមនានា ដូចជាការបង្កើតការងារសម្រាប់យុវជន ក្នុងតំបន់ប្រើប្រាស់ភាសាបារាំង។ កិច្ចប្រជុំកំពូល​នេះ មានគោលបំណងបង្កើតបរិយាកាស ដែលមានលក្ខណៈអំណោយផលសម្រាប់ការអភិវឌ្ឍសេដ្ឋកិច្ច ដែលគោរពសេរីភាព​នៃការបង្កើតថ្មី និងសហគ្រិនភាព ព្រមទាំងធ្វើឱ្យពហុភាគីនិយមមានភាពរស់រវើកឡើងវិញ ដោយមានការរួមចំណែកពីស្ថាប័នហ្វ្រង់កូហ្វូន។

ក្នុងប្រជុំកំពូលហ្វ្រង់កូហ្វូនី លើកទី១៩ នៅវិមាន Grand Palais នាទីក្រុងប៉ារីសនោះដែរ លោក អេម៉ានុយអែល ម៉ាក្រុង ប្រធានាធិបតីបារាំង ក៏បានប្រកាសជាផ្លូវការនូវការផ្តល់សិទ្ធិជូនកម្ពុជា ធ្វើជាម្ចាស់ផ្ទះនៃកិច្ចប្រជុំលើកទី២០ នៅឆ្នាំ២០២៦ ផងដែរ៕ អត្ថបទ៖ រង្សី

The post ព្រះមហាក្សត្រ យាងត្រឡប់មកដល់កម្ពុជា ក្រោយបញ្ចប់កិច្ចប្រជុំកំពូលហ្វ្រង់កូហ្វូនី នៅប្រទេសបារាំង appeared first on .

ក្នុងព្រះរាជសារាឡាយព្រះហស្ថលេខាថ្ងៃទី២៩ ខែមេសា ឆ្នាំ២០២៤ សម្ដេចព្រះ បរមនាថ នរោត្តម សីហមុនី មានព្រះទ័យរន្ធត់ឥតឧបមាចំពោះឧបទ្ទវហេតុនេះ និងបានចាត់ទុកការពលីរបស់យោធិនគឺជាសកម្មភាពក្នុងបេសកម្មបម្រើជាតិ មាតុភូមិ និងសូមឱ្យវិញ្ញាណក្ខន្ធយោធិនទាំងអស់ បានទៅកាន់សុគតិភពកុំបីឃ្លៀងឃ្លាតឡើយ។

ជាមួយគ្នានេះព្រះអង្គក៏បានជូនពរដល់យោធិនដែលរងរបួសកំពុងសម្រាកព្យាបាលនៅមន្ទីរពេទ្យទាំងអស់ សូមឱ្យឆាប់ជាសះស្បើយផងដែរ។

សូមរំលឹកដែរថា ឧបទ្ទវហេតុផ្ទុះគ្រាប់ នៅយោធភូមិភាគទី៣ ក្នុងខេត្តកំពង់ស្ពឺ កាលពីរសៀលថ្ងៃសៅរ៍ ទី២៧ ខែមេសា ឆ្នាំ២០២៤ ដែលបានបង្កឱ្យយោធិនចំនួន ២០ នាក់ បានពលីជីវិត និងយោធិនមួយចំនួនទៀតបានរបួស នឹងកំពុងសម្រាកព្យាបាលនៅមន្ទីពេទ្យ៕

The post ព្រះមហាក្សត្រ និងសម្តេចម៉ែ ផ្ញើព្រះរាជសាររំលែកទុក្ខដល់គ្រួសារសពយោធិនពលី ក្នុងហេតុការណ៍ផ្ទុះឃ្លាំងអាវុធនៅបន្ទាយភូមិភាគ៣ appeared first on .

អញ្ជើញទទួលព្រះរាជដំណើរព្រះអង្គទាំងទ្វេយាងនិវត្តន៍ទីក្រុងប៉េកាំងពីថ្នាក់ដឹកនាំឧត្តមប្រឹក្សាផ្ទាល់ព្រះមហាក្សត្រ, ប្រធានព្រឹទ្ធសភា, ប្រធានរដ្ឋសភា, នាយករដ្ឋមន្រ្តី និងប្រតិភូរាជរដ្ឋាភិបាលកម្ពុជាជាច្រើនរូបនៅអាកាសយានដ្ឋានអន្តរជាតិភ្នំពេញ។

សូមជម្រាបជូនថា ព្រះករុណាព្រះមហាក្សត្រ និងសម្តេចព្រះមហាក្សត្រី ព្រះអង្គយាងពីរាជធានីភ្នំពេញ ទៅកាន់រដ្ឋធានីប៉េកាំងនៅព្រឹកថ្ងៃចន្ទ ទី២៦ ខែកុម្ភៈ ឆ្នាំ២០២៤ ដើម្បីពិនិត្យព្រះរាជសុខភាពរបស់ព្រះអង្គទាំងទ្វេ។ ព្រះករុណាព្រះមហាក្សត្រ និងសម្តេចម៉ែ តែងសព្វព្រះរាជហឫទ័យស្តេចយាងទៅពិនិត្យព្រះរាជសុខភាពនៅប្រទេសចិនចំនួន២ ដងក្នុងមួយឆ្នាំ គឺនៅដើមឆ្នាំ និងនៅចុងឆ្នាំ ដោយព្រះអង្គទាំងទ្វេសព្វព្រះរាជហឫទ័យគង់ប្រថាប់រង្វង់ពីមួយខែ ឬពីរ ខែជាដើម។

គួររំលឹកថា អំឡុងពេលអង្គព្រះមហាក្សត្រយាងពិនិត្យព្រះរាជសុខភាពនៅរដ្ឋធានីប៉េងកាំង ព្រះរាជកិច្ចរបស់ព្រះអង្គប្រគល់ជូនសម្តេចវិបុលសេនាភក្តី សាយ ឈុំ ម្រមុខរដ្ឋស្តីទី៕

The post ព្រះមហាក្សត្រ និងហ្លួងម៉ែ យាងនិវត្តន៍ពីទីក្រុងប៉េកាំង appeared first on .

ព្រះមហាក្សត្រនៃប្រទេសថៃ Maha Vajiralongkorn ជាកំពូលស្តេចមានទ្រព្យសម្បត្តិច្រើនជាងគេបំផុតក្នុងតំបន់ ជាមួយនឹងទ្រព្យសម្បត្តិដែលត្រូវបានគេប៉ាន់ប្រមាណថាមានចំនួន ៤៣ពាន់លានដុល្លារ ចំណែកឯទ្រព្យសម្បត្តិដ៏ច្រើនមហាសាលរបស់ព្រះអង្គ ភាគច្រើនគឺបានមកពីវិស័យអចលនទ្រព្យ ពោលទ្រង់ជាអ្នកកាន់កាប់ដីយ៉ាងហោចណាស់ ៦៥,៦គីឡូម៉ែត្រការ៉េនៅទូទាំងប្រទេសថៃ រួមទាំងដីនៅទីក្រុងបាំងកក ដែលមានតម្លៃហាំងឆេងប្រហែល ៣០ពាន់លានដុល្លារឯណោះ។

ម្យ៉ាងវិញទៀត ព្រះអង្គមានយន្តហោះផ្ទាល់ខ្លួនជិត ៣៨គ្រឿង យានជំនិះថ្លៃៗ ប្រណីតៗប្រមាណ ៣០០គ្រឿង ព្រមទាំងមាសពេជ្រកែវកងយ៉ាងច្រើនសន្ធឹកសន្ធាប់។ លើសពីនោះ ទ្រង់ក៏មានប្រភពចំណូលជាច្រើនផ្សេងទៀត ដោយកាន់កាប់ភាគហ៊ុននៅក្នុងអង្គភាពហិរញ្ញវត្ថុ ក៏ដូចជាឧស្សាហកម្មសំខាន់ៗមួយចំនួនរបស់ប្រទេសថៃ ដោយរួមបញ្ចូលទាំងភាគហ៊ុន២៣% នៅក្នុងធនាគារផ្តល់ប្រាក់កម្ចីធំលំដាប់ទីពីររបស់ប្រទេសថៃ Siam Commercial Bank និងមានភាគហ៊ុន៣៣% ឬមានតម្លៃប្រហែល ៩ពាន់លានដុល្លារនៅក្រុមហ៊ុន Siam Cement Group ដែលជាឧស្សាហកម្មឈានមុខគេរបស់ប្រទេស។

រីឯស្តេច Sultan Hassanal Bolkiah នៃប្រទេសប្រ៊ុយណេវិញ ក៏មានទ្រព្យសម្បត្តិដ៏ច្រើនមហាសាលផងដែរ ពោលទ្រង់មានទ្រព្យប្រមាណ ២៨ពាន់លានដុល្លារ និងមានវិមានលំនៅដ្ឋានដ៏ធំស្កឹមស្កៃបំផុតរបស់ពិភពលោក Istana Nural Iman ដោយមានបន្ទប់ស្នាក់នៅដល់ទៅ ១ ៧០០បន្ទប់ឯណោះ។ មិនត្រឹមតែប៉ុណ្ណោះ ព្រះអង្គត្រូវបានគេស្គាល់ថា ជាអ្នកប្រមូលរថយន្តស៊េរីទំនើប និងថ្លៃៗដែលមានតម្លៃសរុបដល់ទៅ ៥ពាន់លានដុល្លារ ជាមួយនឹងរថយន្ត Rolls-Royces ប្រមាណ ៦០០គ្រឿង រថយន្ត Ferraris ៤៥០គ្រឿង និង Bentley ក៏មានប្រមាណ ៣៨០គ្រឿងផងដែរ។

ស្តេច Salman នៃប្រទេសអារ៉ាប៊ីសាអូឌីត គឺជាស្តេចឈរនៅចំណាត់ថ្នាក់លេខរៀងទី៣ ដែលមានទ្រព្យសម្បត្តិច្រើនជាងគេនៅក្នុងតំបន់អាស៊ី ពោលទ្រង់មានទ្រព្យចំនួន ១៧ពាន់លានដុល្លារ តែយ៉ាងណាបើនិយាយអំពីរបៀបរស់នៅផ្ទាល់ខ្លួនហាក់មិនសូវមានប្រព័ន្ធផ្សព្វផ្សាយណាលើកឡើងឡើយ ចាប់តាំងពីទ្រង់ចាប់ផ្តើមផ្ទេរភារកិច្ចដឹកនាំប្រទេសភាគច្រើនទៅកាន់បុត្រារបស់ព្រះអង្គ គឺព្រះអង្គម្ចាស់រាជទាយាទ Mohammed Bin Salman ។

ចំណែកឯចំណាត់ថ្នាក់លំដា​​ប់ទី៤ គឺបានទៅលើព្រះអង្គ Emir Sheikh Mohammed bin Rashid Al Maktoum នៃទីក្រុងឌូបៃ ដែលមានទ្រព្យសម្បត្តិត្រូវបានគេប៉ាន់ប្រមាណថាចន្លោះពី១៤ ទៅ ១៨ពាន់លានដុល្លារ ខណៈកេរ្តិ៍ឈ្មោះរបស់ទ្រង់មានភាពល្បីរន្ទឺក៏ដោយសារតែគំនិតផ្តួចផ្តើមក្នុងការដាក់ទីក្រុងឌូបៃជាមជ្ឈមណ្ឌលពិភពលោក រួមទាំងជាអ្នកមើលការខុសត្រូវលើការអភិវឌ្ឍន៍គម្រោងនានាដូចជា Palm Islands សណ្ឋាគារ Burj Al Arab ក៏ដូចជាអាគារខ្ពស់ជាងគេបំផុតនៅលើពិភពលោក Burj Khalifa ។

ចុងក្រោយបង្អស់នោះគឺព្រះអង្គ Sheikh Tamim bin Hamad Al Thani នៃប្រទេសកាតា ដោយមានទ្រព្យសម្បត្តិខ្ទង់ ២ពាន់លានដុល្លារ ខណៈប្រភពចំណូលរបស់ទ្រង់ និងក្រុមគ្រួសាររាជវង្សគឺបានមកពីវិស័យអចលនទ្រព្យសំខាន់ៗទូទាំងពិភពលោករួមមាន London’s Shard, Olympic Village និង New York’s Empire State Building ហើយរឿងដែលពិសេសជាងនេះទៀតនោះ ទ្រង់ធ្លាប់បានទិញក្លឹបបាល់ទាត់ Paris Saint-Germain ក្នុងឆ្នាំ២០១១ តាមរយៈ Qatar Sports Investments ៕

The post ណែនាំឲ្យស្គាល់ស្តេច ៥អង្គ មានទ្រព្យសម្បត្តិច្រើនជាងគេបំផុតនៅតំបន់អាស៊ី appeared first on .

ដោយសំដៅលើការអភិវឌ្ឍសេដ្ឋកិច្ច ព្រះចៅស៊ុលតង់ បានមានប្រសាសន៍ថា រដ្ឋាភិបាលគួរតែប្រកាន់យកនូវវិធីសាស្រ្តសកម្មមួយ ដើម្បីអនុវត្តកំណែទម្រង់សំដៅលើការលើកកំពស់សមត្ថភាពប្រកួតប្រជែង ដើម្បីឆ្ពោះទៅរកគោលដៅក្លាយជាប្រទេសដែលមានសេដ្ឋកិច្ចប្រកបដោយនិរន្តរភាព និងអាចបំពេញតាមតម្រូវការនាពេលបច្ចុប្បន្ន។

ជាមួយគ្នានេះ ដោយនិយាយទាក់ទិននឹងសន្តិសុខស្បៀងជាតិ ព្រះអង្គក៏បានស្នើឲ្យរដ្ឋាភិបាលជំរុញដល់ផលិតកម្មក្នុងស្រុក ដើម្បីធានាការផ្គត់ផ្គង់ស្បៀង និងវត្ថុធាតុដើមបន្ថែមទៀត។ ហើយអ្វីដែលសំខាន់បំផុត រដ្ឋាភិបាលចាំបាច់ត្រូវពង្រឹងកម្មវិធីគាំទ្រដល់កសិករ អ្នកចិញ្ចឹមសត្វ និងអ្នកនេសាទ ដើម្បីជួយពួកគេឲ្យទទួលបានប្រាក់ចំណូលខ្ពស់។

ស្របពេលជាមួយគ្នានោះ ដោយទាក់ទងនឹងកិច្ចការបរទេស ព្រះចៅស៊ុលតង់ អ៊ីប្រាហ៊ីម បានបង្ហាញក្តីសង្ឃឹមថា ម៉ាឡេស៊ីនឹងបន្តគាំទ្រយ៉ាងខ្ជាប់ខ្ជួននូវសន្តិភាព និងពង្រឹងការប្រយុទ្ធប្រឆាំងនឹងអំពើភេរវកម្មនៅកម្រិតអន្តរជាតិ ខណ:ទាក់ទិននឹងកិច្ចសហប្រតិបត្តិការក្នុងតំបន់ស៊ានវិញ ព្រះអង្គបានសង្កត់ធ្ងន់ថា ម៉ាឡេស៊ីគួរតែបន្តដើរតួនាទីយ៉ាងសកម្មក្នុងការលើកកម្ពស់សាមគ្គីភាព និងវឌ្ឍនភាព ដោយគិតគូរពីបញ្ហាប្រឈមផ្នែកនយោបាយ និងការអភិវឌ្ឍក្នុងតំបន់ផងដែរ៕

The post ព្រះមហាក្សត្រម៉ាឡេស៊ី ជុំរុញឲ្យមានការរួបរួមគ្នាជា​ធ្លុង​មួយ ដើម្បីបន្តអភិវឌ្ឍប្រទេសជាតិ appeared first on .

ក្នុងឱកាសដ៏ឧត្តុង្គឧត្តមនេះ ឧកញ៉ា តែ តាំងប៉ បានក្រាបបង្គំទូលថ្វាយនូវសកម្មភាពជាច្រើននាពេលកន្លងមករបស់សមាគមមូលនិធិសម្ដេចតេជោដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា និងថ្វាយនូវព្រះរាជតង្វាយរួមមានអង្ករ និងថវិកាមួយចំនួនដើម្បីចូលរួមដង្ហែក្នុងព្រះរាជសកម្មភាពសប្បុរសធម៌ដ៏ឧត្តុង្គឧត្តមប្រកបដោយទសពិធរាជធម៌របស់ ព្រះអង្គទាំងទ្វេ ដែលតែងតែមានព្រះរាជហឬទ័យខ្វល់ខ្វាយជាប់ជានិច្ចអំពីសុខទុក្ខរបស់ប្រជារាស្ត្រជាកូនជាចៅរបស់ព្រះអង្គ។

ក្នុងវរោកាសដ៏ប្រពៃថ្លៃថ្លានេះ ព្រះករុណាជាអម្ចាស់ជីវិតលើត្បូងបានមានព្រះរាជបន្ទូលកោតសរសើរចំពោះកិច្ចខិតខំប្រឹងប្រែងរបស់ឧកញ៉ា តែ តាំងប៉ ក្នុងការដឹកនាំសមាគមមូលនិធិសម្ដេចតេជោ SME ទទួលបាននូវភាពរីកចម្រើន និងជោគជ័យជាច្រើននាពេលកន្លងមក ដើម្បីជាការរួមចំណែក អភិវឌ្ឍនិងបង្កើនវិស័យ SMEs  ដែលជាផ្នែកមួយជំរុញកំណើនសេដ្ឋកិច្ច និងបង្កើតការងារជាច្រើន ដល់ប្រជាជនកម្ពុជាតាមរយៈការវិនិយោគ និងសកម្មភាពជំនួញនានាស្របទៅតាមគោលនយោបាយរបស់រាជរដ្ឋាភិបាលកម្ពុជា។

សូមជម្រាបជូនថា មុននឹងប្រោសព្រះរាជទាននូវព្រះរាជសវនាការដ៏វិសេសវិសាលនេះ ព្រះអង្គទាំងទ្វេ បានប្រោសព្រះរាជទាន ឧកញ៉ា តែ តាំងប៉ និងលោកជំទាវ ទឹម គឹមហ៊ាង ព្រមទាំងសមាជិកក្រុមប្រឹក្សាភិបាលនៃសមាគមសម្ដេចតេជោដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា អញ្ជើញចូលក្រាបថ្វាយបង្គំ និងថ្វាយគ្រឿងសក្ការៈបូជាថ្វាយព្រះបរមរូប ព្រះករុណាព្រះមហាវីរក្សត្រ ព្រះវររាជបិតាជាតិខ្មែរ ព្រះបរមរតនកោដ្ឋ នាបរិវេណខាងមុខព្រះរាជដំណាក់គន្ធបុប្ផា៕

The post ព្រះមហាក្សត្រ និងហ្លួងម៉ែ ព្រះបរមរាជានុញ្ញាតដល់ឧកញ៉ា តែ តាំងប៉ ដឹកនាំក្រុមប្រឹក្សាភិបាលសមាគមមូលធិនិសម្តេចតេជោ SME ១០៨រូបចូលក្រាបថ្វាយបង្គំគាល់ appeared first on .