ភិរម្យ វិចិត្រដារ៉ា

ឧកញ៉ាៗរួមជាមួយក្រុមអ្នកជំនួញច្រើន រូបនាំមូលនិធិរបស់ខ្លួនទៅជួយដល់រដ្ឋបាលខេត្ត ពោធិ៍សាត់ និងខេត្ត បាត់ដំបង

កូនចៅឧកញ៉ា — Mon, 19 Oct 2020 03:05:03 +0000

កាលពីថ្ងៃទី១៨ ខែ តុលា ឆ្នាំ ២០២០ កន្លងទៅនេះ ក្រុមអ្នកជំនួយល្បីៗដែលភាពច្រើន មានងារជាឧកញ៉ាឯកឧត្ដមផងនេះ បានមូលនិធិ របស់ខ្លួនទៅជួយដល់រដ្ឋបាលខេត្ត ពោធិ៍សាត់ នឹង ខេត្ត បាត់ដំបង ដែលមានអង្ករចំនួន ១១តោន ព្រមទាំងទឹកត្រីទឹកស៊ីអ៊ីវជាដើម។ ខាងក្រោមនេះគឺឈ្មោះរបស់មូលនិធិដែលបានចូលរួមជួយរួមមាន៖

មូលនិធិ ឧកញ៉ា នួន អក (អង្ករ២តោន)

មូលនិធិ ឧកញ៉ា ហួតជា (អង្ករ១តោន ទឹកត្រី២យូ ត្រីខ២០យូ មីង៣០កេស)

មូលនិធិ លោកស្រី ធីសុវណ្ណថា (អង្ករ២តោន)

មូលនិធិ ឧកញ៉ា ភិរម្យ វិចិត្រដារ៉ា (អង្ករ១តោន)

មូលនិធិ ផ្សារខេស៊ី (អង្ករ១តោន ទឹកត្រីទឹកស៊ីអ៊ីវ២០យូ មី២០កេស)

មូលនិធិ CEO KHMER CLUB (អង្ករ១តោន)
មូលនិធិ ក្រុមហ៊ុនNSZ Word (អង្ករ៣តោន)
សរុប អង្ករចំនួន ១១តោន

The post ឧកញ៉ាៗរួមជាមួយក្រុមអ្នកជំនួញច្រើន រូបនាំមូលនិធិរបស់ខ្លួនទៅជួយដល់រដ្ឋបាលខេត្ត ពោធិ៍សាត់ និងខេត្ត បាត់ដំបង appeared first on .

អាចមក ពីឧកញ៉ាម្នាក់នេះ ជាដើមហេតុនាំឲ្យ មេបញ្ឈប់ លោក ហ៊ត ពីICD TV

កូនចៅឧកញ៉ា — Fri, 21 Feb 2020 02:42:59 +0000

អ្នកសារព័ត៌មានកំពុងតែល្បីឈ្មោះ ប្រចាំខេត្ត ស្វាយរៀង របស់ស្ថាប័នសារព័ត៌មានICD TV គឺលោក ផាន់ ហ៊ត ត្រូវបានចាងហ្វាងរបស់ខ្លួនសម្រេចបញ្ឈប់ពីការងារហើយ ក្រោមហេតុផលដោយសារមិនគោរពវិន័យច្បាប់ផ្ទៃក្នុងរបស់អង្គភាពជាច្រើនលើក។ ប៉ុន្តែសាមីខ្លួនបានប្រាប់ថា ការបញ្ឈប់ទាំងតក់ក្រហល់នេះ អាចមកពី លោកមានទំនាក់ទំនងស្វិតជាមួយ លោក ឧកញ៉ា បណ្ឌិត ភិរម្យ វិចិត្រដារ៉ា ដោយលោកឧស្សាហ៍ទៅយកព័ត៌មានពីសកម្មភាពសប្បុរសធម៌លោកឧកញ៉ា ដូចជាការចែក សម្ភារៈសិក្សា ក៏ដូចជា កិច្ចការសប្បុរសធម៌ជាច្រើនទៀត ហើយមេខ្លួនគិតថា បានលាភសក្ការៈច្រើន មិនចែកគ្នាទើបមានរឿងបែបនេះ។

ផ្អែកតាមលោក នី ពេជ ប្រធានគ្រប់គ្រងអង្គភាព icdtv ដែលបានបង្ហោះលើ ផេកផ្លូវការ ICD TV បានសរសេររៀបរាប់បែបនេះថា( ខ្ញុំបាទ នី ពេជ ប្រធានគ្រប់គ្រងអង្គភាព icdtv សូមគោរពនឹងជំរាបជូនលោក ខន ខេន នាយកការផ្សាយអង្គភាព icdtv ជាទីគោរពដ៏ខ្ពង់ខ្ពស់! ខ្ញុំបាទសូមប្រកាសជាសារធារណៈជាផ្លូវការក្នុងការដកលោក ផាន់ ហ៊ន ភា្នក់ងារយកព័ត៌មានប្រចាំខេត្តស្វាយរៀងចេញពីអង្គភាព icdtv ចាប់ពីវេលាម៉ោង ២០:០០នាទីយប់ថ្ងៃទី 20 ខែកុម្ភៈ ឆ្នាំ 2020 នេះតទៅ ដោយសារលោក ផាន់ ហ៊ត មិនគោរពវិន័យច្បាប់ផ្ទៃក្នុងរបស់អង្គភាពមួយសារជាពីរសារ រហូតច្រើនលើកច្រើនសារមកហើយ ។ ដូចច្នេះសូមជម្រាបដល់មន្ត្រីពាក់ព័ន្ធគ្រប់លំដាប់ថ្នាក់មេត្តាជ្រាបជាដំណឹងបើថ្ងៃក្រោយបុគ្គលម្នាក់ដែលមានឈ្មោះ ផាន់ ហ៊ត នេះយកឈ្មោះអង្គភាព icdtv ទៅប្រើដើម្បីលាភសក្ការៈនោះធ្វុំឲ្យប៉ះពាល់ដល់បងប្អូនប្រជាពលរដ្ឋ សូមចាត់ការទៅតាមផ្លូវច្បាប់ចុះ ហើយ អង្គភាព icdtv យើងខ្ញុំមិនទទួលខុសត្រូវទៀតនោះឡើយ។ ហើយអង្គភាពយើងខ្ញុំនិងលំអិតជូនបងប្អូននៅពេលក្រោយ សូមអរគុណ ��។ ដោយនី ពេជ)

បន្ទាប់ពីការប្រកាសបញ្ចប់ការងារ អ្នកសារព័ត៌មានល្បីឈ្មោះរូបនេះ បានធ្វើឲ្យមហាជនមានការអាណិត ព្រមទាំងមានការសោកស្ដាយជាខ្លាំង ហើយអ្នកខ្លះបានស្នើឲ្យលោក បើកស្ថាប័នសារព័ត៌មានថ្មី១ដោយខ្លួនឯង នឹងស្ថាប័នខ្លះ ចង់បានរូបលោកទៅធ្វើការជាមួយជាបន្តបន្ទាប់។

ក្នុងវីដេអូ ១ លោក ហ៊ត បាននិយាយថា ខ្លួនមិនដែលបានទទួលប្រាក់ពី ស្ថាប័នណាមួយឡើយ គឺបានទទួលតែពី លោក ឧកញ៉ា បណ្ឌិត ភិរម្យ វិចិត្រដារ៉ា ជាថ្លៃសាំងតិចតួចប៉ុណ្ណោះ ពេលចុះទៅយកព័ត៌មានម្ដងៗ ពោលគឺដូចជាអ្នកសារព័ត៌មានទូទៅ មិនមានអ្វីជាដុំកំភួនឡើយ។ ប្រសិនបើមេ របស់ខ្លួនចង់ឲ្យ ខ្លួនធ្វើតាមទាំងអស់នោះ លោក សូមទាប្រាក់ខែ៧០០ ដុល្លារក្នុង១ខែ ខណៈដែលលោកចាងហ្វាង មិនធ្លាប់ធ្វើការបានប្រាក់ខែបានចំនួននេះឡើយ។

ងាកមក លោក ឧកញ៉ា បណ្ឌិត ភិរម្យ វិចិត្រដារ៉ា ជុំការបញ្ឈប់ការបញ្ឈប់លោក ហ៊ត ពី ស្ថាប័នសារព័ត៌មានICD TV នេះ ក៏មានការអាណិតអាសូរលើ អ្នកសារព័ត៌មាននេះជាខ្លាំង ។ ដោយសារតែ លោក ហ៊ត ជាមនុស្សស្លូតត្រង់ ចូលចិត្តនិយាយការពិត លោក ឧកញ៉ាបណ្ឌិត ប្រាប់ថា លោកនឹងព្យាយាមផ្ដល់ការងារថ្មី ឬ បើក សារព័ត៌មានថ្មី ជូន ប្រសិនបើ លោក ហ៊ត ពេញចិត្ត។

លោក ឧកញ៉ា បណ្ឌិត ភិរម្យ វិចិត្រដារ៉ា បានសរសេរលើផេកផ្លូវការលោកបែបនេះថា(អាណិតណាស់ កុំពេក ផ្សាយព័ត៌មានពិតពេក ជួយជនក្រីក្រ ខ្វះខាត ពេក អោយតែមានកម្មវិធីចែកសៀវភៅ អោយសិស្សានុសិស្សក្រីក្រ គឺមានមុខ ហន មកផ្សព្វផ្សាយ មិនដែលណា បាន១ រៀល ទេ

អាចដោយសារខ្ញុំ ដែលចែកសៀវភៅអោយសិស្សានុសិស្សក្រីក្រ ច្រើនពេក ទើបគាត់ប្រឹងផ្សាយ នាំអោយគេគិតថា បានលាប សក្ការៈ ហើយ មើល ទៅ បានជា គេបញ្ឈប់គាត់ខ្ញុំនិងជួយ ហន អាចផ្តល់ជាការងារ ឬ បើក សារព័ត៌មាន អោយគាត់ បើគាត់ពេញចិត្ត ជួយ share ម្នាក់ មួយអោយ កំលាំងចិត្តមនុស្ស ល្អ និយាយត្រង មាត់ឆៅ ! ខ្ញុំ និង ជួយគាត់)។

ជុំវិញ រឿងរ៉ាវខាងលើ លោក ផាន់ ហ៊ត កំពុងតែពិចារណា គូរតែបើកស្ថាប័នសារព័ត៌មានថ្មី គ្រប់គ្រងដោយខ្លួនឯង ឬ បន្តការងារនេះ ជាមួយស្ថាប័នថ្មី ព្រោះមានស្ថាប័នសារព័ត៌មានជាច្រើន បានទាក់ទងមករូបលោក។ បែបណា ក្ដី លោក និយាយថា ដាច់ខាតមិនចោលអាជីព ជាអ្នកសារព័ត៌មាននេះឡើយ ឲ្យតែមហាជននៅគាំទ្ររូបលោក៕

https://www.facebook.com/icdtv.online/videos/503546513873257/

The post អាចមក ពីឧកញ៉ាម្នាក់នេះ ជាដើមហេតុនាំឲ្យ មេបញ្ឈប់ លោក ហ៊ត ពីICD TV appeared first on .

ឧកញ៉ា ភិរម្យ វិចិត្រដារ៉ារួមជាលោកសុវណ្ណ មករា អគ្គនាយកក្រុមហ៊ុនអេសស្វីផៅវើ នាំសម្ភារៈសិក្សាដល់សាលាដាច់ស្រយាល ២កន្លែង ក្នុងខេត្ត សៀមរាបនិងខេត្ត បន្ទាយមានជ័យ

កូនចៅឧកញ៉ា — Mon, 10 Feb 2020 04:11:58 +0000

បន្ទាប់ពីនាំក្រុមគ្រួសារត្រឡប់មកពីលេងលើទឹកដីអារ៉ាបមិនទាន់បាត់ធំក្លិនយន្តហោះផង ច

ទីតាំងសាលាដែល លោកឧកញ៉ាបណ្ឌិត ភិរម្យ វិចិត្រដារ៉ា នាំក្រុមម៉ូតូធំជិះតាំងពីភ្នំពេញនាំសម្ភារៈសិក្សាទៅចែកជូននោះ ស្ថិតនៅ ស្រុក ម៉ាឡៃ ខេត្ត បន្ទាយមានជ័យ និង សាលា ស្វាយធំ នៅ ឃុំកពង់ក្តី ស្រុក ជីក្រែង ខេត្ត សៀមរាប។ ក្រុមម៉ូតូធំទាំង៣ក្រុម ដែលបានចូលរួមជាមួយ លោក ឧកញ៉ា មានដូចជា “ក្រុមម៉ូតូធំមនុស្សធម៌កម្ពុជា” ក្រុមម៉ូតូធំស៊ីដារ៉ាស់” និង”ក្រុមម៉ូតូធំហ្វាមីលីប៉ៃខឺ” ដែលមានម៉ូតូ សរុបចំនួន30ម៉ូតូ ។ កម្មវិធីនេះ លោក សុវណ្ណ មករា ជាអគ្គនាយកក្រុមហ៊ុនអេសស្វី ផៅវើ (S SVY POWER) នាំចូលប្រេងរំអិលម៉ូរីសុន (MORRISON) បានចាប់ដៃគ្នារួមសហករណ៍ ជាមួយលោកឧកញ៉ាបណ្ឌិត ភិរម្យ វិចិត្រដារ៉ា។ ទោះបីជាការចុះទៅជួយឧបសគ្គផ្លូវលំបាក ឆ្ងាយ មានការនឿយហត់បែបណាក្ដី លោកឧកញ៉ាថ្លែងថា ក្រុមការងារពិតជាសប្បាយចិត្តខ្លាំងណាស់ដែលបានធ្វើកិច្ចការសប្បុរសធម៌ ចំគោលដៅបែបនេះ។ តាមការឲ្យដឹងពីលោក ឧកញ៉ា ចិត្តធម៌ខាងលើ ក្រុមរបស់លោកបានប្ដេជ្ញាងា នឹងធ្វើកម្មវិធីចែកសម្ភារៈសិក្សាដល់សិស្សក្រីក្រទូទាំងប្រទេសជារៀងរាល់ខែ។

សម្ភារៈដែលបានចែកជូន មានដូចជា សៀវភៅ 3ក្បាល ខ្មៅដៃ2ដើម ប៊ិច2ដើម បន្ទាត់1 ដែកខួង1 នំ១កញ្ចប់និងទឹកគោ១កំប៉ុង។ សូមបញ្ជាក់ផងដែរថា នេះមិនមែនជាលើកទី១ឡើយដែល លោកឧកញ៉ាបណ្ឌិត ភិរម្យ វិចិត្រដារ៉ា ចុះធ្វើកិច្ចការសប្បុរសធម៌ ដើម្បីជាប្រយោជន៍ដល់សង្គមនេះ។

មហាជនធ្លាប់បានដឹងហើយថា កន្លងមកយុទ្ធនាការចែកសៀវភៅសរសេរ១ម៉ឺនក្បាលរបស់លោកឧកញ៉ា ធ្លាប់បានធ្វើបានជិត១០លើកមកហើយ ក្នុងនោះ ខេត្ត ស្វាយរៀង ៣លើក ខេត្ត កំពង់ឆ្នាំ៣លើក នឹង ខេត្ត កំពង់ធំ១លើក ខេត្ត តាកែវ ខេត្ត បន្ទាយមានជ័យ សៀមរាបជាដើម។

ជាមួយនឹងកិច្ចការជួយដល់សង្គមពិសេសលើវិស័យអប់រំនេះ បន្ទាប់ពីបញ្ចប់យុទ្ធនាការចែកសៀវភៅ១ម៉ឺនក្បាលខាងលើ លោកឧកញ៉ាបណ្ឌិត មានផែនការធ្វើបណ្ណាល័យចល័តបន្ថែមទៀត ហើយបណ្ណាល័យនោះ នឹងធ្វើដំណើរដឹកសៀវភៅជាច្រើនពាន់ក្បាល ចែកជូនសិស្សានុសិស្សក៏ដូចជាប្រជាជន បានអានទៅ តាមទីដាច់ស្រយាល ។ អ្វីដែលជាការលើកទឹកចិត្តដល់អ្នកអានសៀវភៅ លោក ឧកញ៉ាបណ្ឌិត ភិរម្យ វិចិត្រដារ៉ា នឹងរៀបចំជាប្រាក់លើកទឹកចិត្ត អានសៀវភៅចប់ត្រឡប់ទៅផ្ទះវិញថែមទៀត មានន័យថា អានសៀវភៅបានទាំងលុយ បានទាំងចំណេះដឹង៕

The post ឧកញ៉ា ភិរម្យ វិចិត្រដារ៉ារួមជាលោកសុវណ្ណ មករា អគ្គនាយកក្រុមហ៊ុនអេសស្វីផៅវើ នាំសម្ភារៈសិក្សាដល់សាលាដាច់ស្រយាល ២កន្លែង ក្នុងខេត្ត សៀមរាបនិងខេត្ត បន្ទាយមានជ័យ appeared first on .

ក្រុមម៉ូតូធំ SEDARAH Mc cambodia នឹង ឧកញ៉ា ភិរម្យ វិចិត្រដារ៉ា នាំគ្នាជិះម៉ូតូទាំងពីភ្នំពេញយកសៀវភៅទៅចែកជូនសិស្សនៅ សាលាដាច់ស្រយាល១ក្នុងខេត្ត កំពង់ធំ

កូនចៅឧកញ៉ា — Mon, 20 Jan 2020 04:19:43 +0000

យុទ្ធនាការចែកសៀវភៅសរសេរ១ម៉ឺនក្បាលរបស់លោកឧកញ៉ាបណ្ឌិត ភិរម្យ វិចិត្រដារ៉ា មិនទាន់បញ្ចប់នៅឡើយនោះទេ លោកឧកញ៉ាចិត្តធម៌រូបនេះ កំពុងតែចុះទៅតាមទីជនបទដាច់ស្រយាលជាបន្តបន្ទាប់ ។ ថ្មីៗនេះ លោកឧកញ៉ាបណ្ឌិត បានដឹកនាំក្រុមម៉ូតូធំមួយក្រុម នាំសៀវភៅនំ ព្រមទាំងថវិកាមួយចំនួន ទៅដាច់ស្រយាល១ទឹកដីខេត្តកំពង់ធំ។

ការចុះទៅធ្វើកិច្ចការសប្បុរសដើម្បីជា ប្រយោជន៍ដល់យុវជនជំនាន់ក្រោយដែលជាទំពាំងស្នងឫស្សីខាងលើនេះ គឺ ឧកញ៉ា ចិត្តធម៌ ភិរម្យ វិចិត្រដារ៉ា នឹងក្រុមម៉ូតូធំ SEDARAH Mc cambodia នាំគ្នាជិះពីរាជធានីភ្នំពេញ ទៅដល់ទីតាំងចែក សៀវភៅនោះតែម្ដង ដែលសកម្មភាពនេះបានធ្វើកាលពីថ្ងៃទី 18 ខែ មករា ឆ្នាំ 2020 កន្លងទៅ។ ទីតាំងសាលាដាច់ស្រយាលនោះ ស្ថិតនៅភូមិ ទៀមចាស់ ឃុំ កំពង់ ស្វាយ ស្រុក កំពង់ស្វាយ ខេត្ត កំពង់ធំ ឈ្មោះសាលាបឋមសិក្សា”ទួលក្បិល”។

លោកឧកញ៉ាបណ្ឌិត ចិត្តធម៌ ភិរម្យ វិចិត្រដារ៉ា បានប្រាប់ថា ក្រុមរបស់លោក ដែលមានគ្នាជាង២០នាក់ បានជិះម៉ូត តាំងពីភ្នំពេញ រហូតដល់ទីតាំងតែម្ដងត្បិតអី ស្ថានភាពផ្លូវនៅទីនោះ មានការលំបាកស្មុគស្មាញ ពិបាកក្នុងការធ្វើដំណើរទៅមកដោយរថយន្ត ។

ទោះបីជាការចុះទៅជួយឧបសគ្គផ្លូវលំបាក ឆ្ងាយ មានការនឿយហត់បែបណាក្ដី លោកឧកញ៉ាថ្លែងថា ក្រុមការងារពិតជាសប្បាយចិត្តខ្លាំងណាស់ដែលបានធ្វើកិច្ចការសប្បុរសធម៌ ចំគោលដៅបែបនេះ។

សាលាបឋមសិក្សា ទួលក្បិលមានសិស្សសរុប 522 នាក់ គ្រូសរុប19 នាក់ក្នុងនោះសិស្សម្នាក់ៗទទួលបានសៀវភៅ3 ក្បាលប៊ិច 2 ដើម នំ១កញ្ចប់ ចំណែកលោកគ្រូអ្នកគ្រូទទួលបានថវិកាចំនួន 3 ម៉ឺនរៀល។

វាជាសៀវភៅសរសេរធម្មតាប៉ុន្តែមានលក្ខណៈពិសេស ត្បិតអៅនៅលើក្របសៀវភៅ បានសរសេរបង្ហាញពីគោលដៅរបស់មនុស្សម្នាក់ៗដែលចង់បាននាថ្ងៃអនាគត ថាតើចង់ធ្វើអ្វី? អ្នកជំនួញ? រាជការ? គ្រូពេទ្យ? វិស្វករ? គ្រូបង្វឹក?ឬ គណនេយ្យករ ជាដើម រួមនឹងពាក្យដាស់តឿនមួយចំនួន ដល់មនុស្សទូទៅ សុទ្ធតែត្រូវបានបោះពុម្ពលើក្រប សៀវភៅចំនួន១ម៉ឺនក្បាល របស់ឧកញ៉ាបណ្ឌិត ភិរម្យ វិចិត្រដារ៉ា សម្រាប់ចែកជូនដល់សិស្សតាមនៅសាលាក្រីក្រ តាមទីជនបទនាក្នុងប្រទេសកម្ពុជា។

តាមការបញ្ជាក់ យុទ្ធនាការចែកសៀវភៅសរសេរ១ម៉ឺនក្បាលរបស់លោកឧកញ៉ាបណ្ឌិត ភិរម្យ វិចិត្រដារ៉ា ធ្វើបាន៧លើកមកហើយ ក្នុងនោះ ខេត្ត ស្វាយរៀង ៣លើក ខេត្ត កំពង់ឆ្នាំ៣លើក នឹង ខេត្ត កំពង់ធំ១លើក ឆាប់ៗនេះគ្រោងចុះទៅចែកនៅ ទីដាច់ស្រយាល១កន្លែងទៀតនៅ ខេត្ត តាកែវ ហើយយុទ្ធនាការនេះ គ្រោងបញ្ចប់នៅ ក្នុងអំឡុងខែ កុម្ភៈ ឆ្នាំ ២០២០ខាងមុខនេះ។

ជាមួយនឹងកិច្ចការជួយដល់សង្គមពិសេសលើវិស័យអប់រំនេះ បន្ទាប់ពីបញ្ចប់យុទ្ធនាការចែកសៀវភៅ១ម៉ឺនក្បាលខាងលើ លោកឧកញ៉ាបណ្ឌិត មានផែនការធ្វើបណ្ណាល័យចល័តបន្ថែមទៀត ហើយបណ្ណាល័យនោះ នឹងធ្វើដំណើរដឹកសៀវភៅជាច្រើនពាន់ក្បាល ចែកជូនសិស្សានុសិស្សក៏ដូចជាប្រជាជន បានអានទៅ តាមទីដាច់ស្រយាល ។ អ្វីដែលជាការលើកទឹកចិត្តដល់អ្នកអានសៀវភៅ លោក ឧកញ៉ាបណ្ឌិត ភិរម្យ វិចិត្រដារ៉ា នឹងរៀបចំជាប្រាក់លើកទឹកចិត្ត អានសៀវភៅចប់ត្រឡប់ទៅផ្ទះវិញថែមទៀត មានន័យថា អានសៀវភៅបានលុយ បានទាំងចំណេះដឹង ៕

The post ក្រុមម៉ូតូធំ SEDARAH Mc cambodia នឹង ឧកញ៉ា ភិរម្យ វិចិត្រដារ៉ា នាំគ្នាជិះម៉ូតូទាំងពីភ្នំពេញយកសៀវភៅទៅចែកជូនសិស្សនៅ សាលាដាច់ស្រយាល១ក្នុងខេត្ត កំពង់ធំ appeared first on .

ចូលរកស៊ីលើទឹកដី បាវិតភ្លាម ឧកញ៉ាបណ្ឌិត ភិរម្យ វិចិត្រដារ៉ា ផ្ដល់ផ្ទះ៣០ល្វែងជូនមន្ត្រីរាជការ ចំណែកអ្នកទិញវិញ ទិញភ្លាមបានចំណូលមកវិញភ្លាមៗ

កូនចៅឧកញ៉ា — Mon, 09 Dec 2019 13:44:41 +0000

ដំណឹងល្អសម្រាប់មន្ត្រីរាជការ កំពុងបម្រើការលើទឹកដី ក្រុងបាវិត ខេត្ត ស្វាយរៀង ដែលមិនទាន់មានផ្ទះស្នាក់នៅ ឧកញ៉ាបណ្ឌិត ភិរម្យ វិចិត្រដារ៉ា ដែលកំពុងតែបោះទុនវិនិយោគសំណងផ្ទះល្វែងរាប់ពាន់ស្វែងនៅលើទីក្រុងថ្មីជាប់ព្រំប្រទល់វៀតណាមនេះ បានប្រកាសថា នឹងផ្ដល់ផ្ទះចំនួន៣០ល្វែងជាជំហានដំបូង ជូនមន្ត្រីរាជការដែលមិនទាន់មានផ្ទះស្នាក់ ដោយមិនគិតប្រាក់ឡើយ មិនត្រឹមតែប៉ុណ្ណោះ អតិថិជនដែលទិញផ្ទះពីលោកក៏ ទទួលបានផលចំណេញជាច្រើនភ្លាមៗមកវិញផងដែរ។ នេះបើតាមការលើកឡើង ក្នុងជំនួបមួយ រវាង លោកអភិបាលក្រុង បាវិត ជាមួយក្រុមអ្នកវិនិយោគ១ក្រុម នៅសាលាក្រុង បាវិត កាលពីព្រឹកថ្ងៃទី០៩ ខែ ធ្នូ ឆ្នាំ ២០១៩ កន្លងទៅ។

ក្នុងជំនួបសម្ដែងការគួរសមជាមួយ លោក អភិបាលក្រុងបាវិត ឧកញ៉ាបណ្ឌិត ភិរម្យ វិចិត្រដារ៉ា អគ្គនាយកក្រុមហ៊ុន Vichet Dara Enterprise បាននាំអ្នកវិនិយោគជាតិនិងអន្តរជាតិជាច្រើនរូប ដើម្បីបង្ហាញបំណង របស់អ្នកជំនួញទាំងនោះ ចង់ចូលមក វិនិយោគលើទឹកដី បាវិត លោក ឧកញ៉ាបណ្ឌិតដែលមានប្រវត្តិ ពីអ្នករត់ម៉ូតូឌុបរូបនេះ បានលើកឡើងថា ដោយមើលឃើញ ទីក្រុង បាវិត ជាទីក្រុងមួយមានសក្ដានុពលខ្លាំងក្នុងការវិនិយោគ បច្ចុប្បន្នក្រុមហ៊ុនរបស់លោក បានកំពុងតែបោះទុនលើទឹកប្រាក់ជាច្រើនលានដុល្លារ ក្នុងគម្រោងសាងសង់ផ្ទះល្វែង ដោយនៅក្នុងនោះក្រុមហ៊ុនបាន រចនាផ្ទះឡើង ទៅតាមតម្រូវការអតិថិជន ទាំងអ្នកមានចំណូលខ្ពស់ ចំណូលមធ្យម និង ចំណូលទាប។

ទន្ទឹមគ្នានោះដែរ ដើម្បីរួមចំណែកដល់ រដ្ឋាភិបាល ក៏ដូចជា មន្ត្រីរាជការ អាជ្ញាធរមូលដ្ឋាន ក្រុមហ៊ុនរបស់លោក បានសហការជាមួយក្រុមហ៊ុនមួយមកពីប្រទេសជប៉ុនឈ្មោះថា ក្រុមហ៊ុន ECCJ Real Estate ដោយក្រុមហ៊ុនជប៉ុនមួយនេះ នឹងជួលផ្ទះ ពីអតិថិជនដែលមកទិញនៅក្នុងបុរី របស់លោក ដើម្បីជូនមន្ត្រីរាជការស្នាក់នៅ ដោយមិនគិតប្រាក់ រយៈពេល៥ឆ្នាំ។

ឧកញ៉ាបណ្ឌិត ភិរម្យ វិចិត្រដារ៉ា បានពន្យល់ថា ក្រុមហ៊ុនជប៉ុន ECCJ Real Estate ដំបូងឡើយជាអង្គការទេ ប៉ុន្តែក្រុមហ៊ុនមានបំណងធំ ក្នុងការជួយដល់ប្រជាជនកម្ពុជា ជាពិសេសផ្ដល់ជូនដល់មន្ត្រីរាជការ ដែលចង់បានផ្ទះស្នាក់នៅ (second house) ដោយក្រុមហ៊ុនមានម្ចាស់ជំនួញជាច្រើន ក្នុងការជួយគាំទ្រលើគម្រោងនេះ។

លោកឧកញ៉ាបណ្ឌិតប្រាប់ថា ជំហានដំបូង ECCJ Real Estate នឹងផ្ដល់ជូនមន្ត្រីរាជការធ្វើការនៅ ក្រុង បាវិតនេះ ចំនួន៣០ល្វែង ដោយឲ្យពួកគាត់រស់នៅចំនួន៥ឆ្នាំ សាកល្បងដោយមិនគិតប្រាក់ គ្រាន់តែពួកគាត់បង់ថ្លៃទឹកថ្លៃភ្លើង តែប៉ុណ្ណោះ។

ជាមួយគ្នានោះដែរ លោក ឧកញ៉ា និងជាម្ចាស់បុរី” វិចិត្រដារ៉ា” ខាងលើ បានបញ្ជាក់ថា ការផ្ដល់ជូននេះ មិនមែនតែលើមន្ត្រីរាជការប៉ុណ្ណោះទេ អតិថិជនដែលបានទិញផ្ទះក្នុងបុរី របស់លោក នឹងមានឱកាសទទួលប្រាក់ចំណូលពីផ្ទះមកវិញភ្លាមៗតែម្ដង ដោយនៅក្នុងនោះ គ្រប់ផ្ទះទាំងអស់ ដែលអតិថិជនបានទិញ ប្រសិនបើចង់ដាក់ជួលវិញ ក្រុមហ៊ុនជប៉ុន ECCJ Real Estate នឹងធ្វើកិច្ចសន្យាជួលវិញ ភ្លាមៗ ដោយក្នុង១ ខែ អាចទទួលបានចាប់ពី៦០០ ដុល្លារឡើង ក្នុងផ្ទះ១ល្វែង កុងត្រា រយៈពេល៥ឆ្នាំឯណោះ។

“អ្នកទិញក្នុងបុរីយើង គឺចំណេញភ្លាមៗបើសិនជាគាត់ចង់ជួល ក្រុមហ៊ុនជប៉ុន ECCJ Real Estate ជួលគាត់វិញ ដោយក្នុង១ខែ គាត់ជួលក្នុងតម្លៃ៦០០ ដុល្លារ ហើយកុងត្រា៥ឆ្នាំម្ដង”ឧកញ៉ាបណ្ឌិត ភិរម្យ វិចិត្រដារ៉ា បញ្ជាក់។

លោក HIROTAKA SATO នាយក ក្រុមហ៊ុនជប៉ុន ECCJ Real Estate បានលើកឡើងថា ក្រុមហ៊ុនរបស់លោកមានដៃគូក្រុមហ៊ុន វិនិយោគជាច្រើន ដែលកំពុងតែចូលមកវិនិយោគក្នុងប្រទេសកម្ពុជា នឹងមួយចំនួនទៀត កំពុងតែមានបំណងមកសិក្សាស្វែងយល់ លើគម្រោងវិនិយោគជាច្រើនទៀតក្នុងប្រទេសកម្ពុជា។ លោកថា ក្រៅពីការផ្ដល់ ផ្ទះស្នាក់នៅដល់ប្រជាជនខ្មែរ ជាពិសេសមន្ត្រីរាជការ ដោយឥតគិតថ្លៃ ECCJ Real Estate ចាប់អារម្មណ៍ខ្លាំង លើការបើកកាស៊ីណូ លើទឹកដីបាវិតនេះ ហើយក្រុមហ៊ុនមានបំណងវិនិយោគលើជំនួញនេះឆាប់ៗផងដែរ។

ជាការឆ្លើយតប លោក លឹម សៀកហេង អភិបាលក្រុង បាវិត បានស្វាគមន៍ លើគម្រោងគម្រោងវិនិយោគទាំងនោះ។ លោក អភិបាល លើកឡើងថា វាដំណឹងល្អណាស់សម្រាប់មន្ត្រីរាជការ នៅពេលដែលមានក្រុមហ៊ុនបានគិតគូរពីសុខទុក្ខមន្ត្រីរាជការបែបនេះ។

សម្រាប់មន្ត្រីរាជការធ្វើការក្នុងក្រុង បាវិតនេះ លោកអភិបាលបានឲ្យដឹងថា មួយចំនួនមានមកពីខេត្ត ឆ្ងាយ នឹងមួយចំនួនទៀត រស់នៅក្នុងខេត្ត ប៉ុន្តែ ផ្ទះឆ្ងាយពីកន្លែងធ្វើការ ដោយពួកគាត់ ភាគច្រើនស្នាក់នៅ ផ្ទះជួលក្បែរកន្លែងធ្វើការ ដូចនេះការសន្យាផ្ដល់ជូនខាងលើពិតជាដំណឹងល្អ សម្រាប់មន្ត្រីរាជការទាំងអស់នោះខ្លាំងណាស់។ ក្នុងនាម អាជ្ញាធរលោក អភិបាលបានសន្យា និង ការពារធានាសន្តិសុខ សុវត្ថិភាពជូនដល់ អ្នកវិនិយោគ។ ក្នុងថ្ងៃនោះដែរ លោកអភិបាលក្រុង និង ក្រុមអ្នកវិនិយោគក៏បានចុះទៅមើលទីតាំងក្នុងគម្រោងដែលកំពុងតែសម្រុកការសាងសង់ ដែលប្រហែលជា១៨ ខែ ទៀត ផ្ទះទាំងនោះ នឹងធ្វើរួចរាល់ មន្ត្រីរាជការអាចចូលស្នាក់នៅបានហើយ។ បុរី”វិចិត្រដារ៉ា” មានទីតាំងស្ថិត ក្នុង ភូមិ បាវិតលើ សង្កាត់ បាវិតលើ ក្រុង បាវិត ខេត្ត ស្វាយរៀង។

សូមបញ្ជាក់ផងដែរថា ក្រុងបាវិតជាច្រក អន្តរជាតិដ៏សំខាន់សម្រាប់ចរាចរផ្លូវគោករវាងប្រទេសទាំងពីរគឺកម្ពុជានិងវៀតណាម ជាពិសេសគឺទីក្រុងភ្នំពេញ និងទីក្រុងហូជីមិញ។ ក្រៅពីការបង្កើតជាតំបន់កម្សាន្តរវាងប្រជាជននៃប្រទេសទាំងពីរ តំបន់នេះនៅមានផ្សារណាត់ដែលមានទំនិញគ្រប់ប្រភេទជាផលិតផលក្នុងស្រុក និងផលិតផលពីប្រទេសវៀតណាម។ បច្ចុប្បន្នទីក្រុងថ្មី ជាប់ព្រំប្រទល់វៀតណាមមួយនេះ សំណង់អគារខុនដូ សណ្ឋាគារ ផ្ទះសំណាក់ កាស៊ីណូ ក្លឹបកម្សាន្ត ផ្សារទំនើប រោងចក្រ កំពុងសម្រុកការសាងសង់បន្ថែមយ៉ាងគំហុក៕

The post ចូលរកស៊ីលើទឹកដី បាវិតភ្លាម ឧកញ៉ាបណ្ឌិត ភិរម្យ វិចិត្រដារ៉ា ផ្ដល់ផ្ទះ៣០ល្វែងជូនមន្ត្រីរាជការ ចំណែកអ្នកទិញវិញ ទិញភ្លាមបានចំណូលមកវិញភ្លាមៗ appeared first on .

មិនសរសើរមិនបានឡើងឧកញ៉ាហើយនៅប្រឹងរៀនថែមទៀត ឧកញ៉ា ភិរម្យ វិចិត្រដារ៉ា ទទួលសញ្ញាប័ត្របណ្ឌិតកិត្តិយសពីសាកលវិទ្យាល័យល្បីឈ្មោះមួយ នៅអាមេរិក

កូនចៅឧកញ៉ា — Mon, 25 Nov 2019 06:05:03 +0000

ដូចពាក្យមហាជនតែនិយាយថា ការសិក្សាពិតជាឥតដែនកំណត់ ទោះបីជាអ្នកទាំងនោះ ជាអ្នកមានទ្រព្យជានាយយកក្រុមហ៊ុនឬជាសាស្ត្រាចារ្យក្ដី ក៏នៅតែឆ្លៀតសិក្សាបន្ថែមលើជំនាញដែលខ្លួនខ្វះខាត។ ជាក់ស្ដែង លោក ឧកញ៉ា ភិរម្យ វិចិត្រដារ៉ា ដែលធ្លាប់មានប្រវត្តិជាអ្នករត់ម៉ូតូឌុប ហើយបច្ចុប្បន្នជាអ្នកជំនួញ និង ជាសាស្ត្រាចារ្យបង្ហាត់បង្រៀនវគ្គបុគ្គលជោគជ័យ នៅថ្ងៃនេះបានទទួលសញ្ញាប័ត្របណ្ឌិតកិត្តិយសពីសាកលវិទ្យាល័យល្បីឈ្មោះមួយ នៅអាមេរិក Universal Ministries of The King’s College (UM.KC.) បន្ទាប់ពីលោកឧកញ៉ាបានចំណាយលើការសិក្សា ខិតខំសរសេរសារណាការពារ អស់ពេលជាច្រើនឆ្នាំមក។

សញ្ញាប័ត្របណ្ឌិតកិត្តិយស ដែលលោក ឧកញ៉ា ភិរម្យ វិចិត្រដារ៉ា ទទួលបានពីសាកលវិទ្យាល័យUniversal Ministries of The King’s College លើជំនាញ”អភិវឌ្ឍន៍សង្គម” ដោយលោកឧកញ៉ា បានទទួលកាលពីថ្ងៃទី២៥ ខែ វិច្ឆិកា ឆ្នាំ ២០១៩ នេះ ពិធីប្រគល់បានធ្វើនៅពីទីក្រុងហុងកុង។ថ្លែងពីទីក្រុងហុង លោក ឧកញ៉ា ភិរម្យ វិចិត្រដារ៉ា បានឲ្យដឹងថា លោកពិតជាសប្បាយចិត្តក្រៃលែង នៅពេលដែលការខិតខំប្រឹងរៀនសូត្រ រហូតទទួលបានជយលាភី។ លោកថា លោកនឹងនាំនៅជំនាញដែលទទួលបាននេះ ទៅចែករំលែកដល់ យុវជននៅកម្ពុជា ដើម្បីជាចំណេះដឹងចូលរួមអភិវឌ្ឍន៍សង្គមឲ្យកាន់តែរីកចម្រើនថែមទៀត។

គូររំលឹកផងដែរថា ឧកញ៉ា ភិរម្យ វិចិត្រដារ៉ា ធ្លាប់ជាអតីត ជាអ្នករត់ម៉ូតូឌុប ដោយសារភាពតស៊ូអត់ធ្មត់ ពីសំណាក់ការមាក់ងាយពីមនុស្សដែលនៅជុំវិញខ្លួនធ្វើឲ្យលោកលះបង់ កំលាំងកាយ និងកំលាំងចិត្ត ជំនះរាល់ឧបសគ្គទាំងឡាយដែលមាននៅចំពោះមុខរហូតមកដល់ បានក្លាយខ្លួនជាអគ្គនាយកក្រុមហ៊ុនវិនិយោគមួយដោយផ្តោតលើវិស័យអចនទ្រព្យ ដីធ្លី បានទទួលជោគជ័យរហូតដល់សព្វថ្ងៃនេះ។ អ្វីដែលជាមោទនភាពនោះ ថ្មីៗនេះលោកទើបតែត្រូវបានព្រះមហាត្សត្រ នៃព្រះរាជាណាចក្រកម្ពុជា ត្រាស់បង្គាប់តែងតាំងជា ឧកញ៉ា បន្ទាប់ពីលោកបានចូលរួមបរិច្ចាគធនធានផ្ទាល់ខ្លួនជាច្រើន ជួយដល់សង្គមជាច្រើនកន្លងមក៕

The post មិនសរសើរមិនបានឡើងឧកញ៉ាហើយនៅប្រឹងរៀនថែមទៀត ឧកញ៉ា ភិរម្យ វិចិត្រដារ៉ា ទទួលសញ្ញាប័ត្របណ្ឌិតកិត្តិយសពីសាកលវិទ្យាល័យល្បីឈ្មោះមួយ នៅអាមេរិក appeared first on .

ផ្នត់គំនិត១៣ចំណុច បង្ហាញភាពក្លាហានរបស់យុទ្ធជនស៊ាំម៉ូ រ៉ៃជប៉ុន

កូនចៅឧកញ៉ា — Wed, 06 Nov 2019 02:34:14 +0000

ស៊ាំម៉ូរ៉ៃ គឺជាពួកអភិជនយោធា និងជាកងវរសេនាធំរបស់ជប៉ុន នៅយុគសម័យបុរាណ និងសម័យទំនើបនាពេលបច្ចុប្បន្ន។ហើយពួកគេពិតជាល្បីល្បាញក្នុងការប្រយុទ្ធជាមួយស្មារតីមិនខ្លាចការស្លាប់ ដើម្បីជ័យជំនះ ជាមួយនឹងមោទនភាពរបស់ប្រជាជាតិនៃអាណាចក្រជប៉ុន។

ខាងក្រោមនេះជាប្រយោគដាស់ស្មារតី និងបង្ហាញពីភាពអង់អាចក្លាហានទាំង ១៣ឃ្លារបស់យុទ្ធជនស៊ាំម៉ូរ៉ៃ៖

១/ កិត្តិយសមិនអាចឈ្នះអំណាចបានទេ ប៉ុន្តែវាទទួលបានការគោរព ហើយការគោរពនេះឯងនាំឱ្យទទួលបាននូវអំណាច។

២/ វាជាការពិតដែលយុវជនស៊ាំម៉ូរ៉ៃមានស្មារតីរឹងមាំ និងគ្មានការភ័យខ្លាច និងមិនដែលបោះបង់។

៣/ ថ្ងៃនេះជាជ័យជម្នះលើខ្លួនឯងកាលពីម្សិលមិញ ហើយថ្ងៃស្អែកនឹងក្លាយជាជ័យជំនះរបស់អ្នកលើជនដែលកំសាក។

៤/ ដំបូងប្រើការគិតរបស់អ្នក បន្ទាប់មកប្រើភ្នែករបស់អ្នក ហើយនៅទីបំផុតប្រើរាងកាយរបស់អ្នក។

៥/ បើផ្នត់គំនិតទន់ខ្សោយ ពេលមានការរំខានពីខាងក្រៅ វានឹងធ្វើឱ្យយើងងាយប្រែប្រួល។

៦/ ចំណេះដឹងមិនមែនជាអំណាចទេ វាគ្រាន់តែជាសក្តានុពលប៉ុណ្ណោះ តែការអនុវត្តចំណេះដឹងទាំងនោះទេទើបជាអំណាចពិតប្រាកដ។

៧/ ក្នុងនាមជាយុទ្ធជនស៊ាំម៉ូរ៉ៃម្នាក់ ខ្ញុំត្រូវតែពង្រឹងឥរិយាបថរបស់ខ្ញុំឱ្យក្លាយទៅជាមនុស្សម្នាក់ដែលមានភាពល្អឥតខ្ចោះពីខាងក្នុង (អារម្មណ៍ និងស្មារតី)។

៨/ អ្វីៗគ្រប់យ៉ាងដែលអ្នកចង់ធ្វើនៅក្នុងជីវិតនេះ អ្នកត្រូវមានជំនាញ និងឆន្ទៈ។

៩/ យកឈ្នះខ្លួនឯងហើយ អ្នកនឹងអាចយកឈ្នះគូប្រជែងរបស់អ្នកបាន។

១០/ ជីវិតមនុស្ស គឺពិតជាខ្លីខ្លាំងណាស់ ដូចនេះសូមអ្នកសម្រេចកិច្ចការភ្លាមៗទៅ ហើយវាជាការប្រសើរសម្រាប់ការរស់នៅដោយធ្វើអ្វីៗដែលអ្នកពេញចិត្ត។

១១/ ជាយុទ្ធជនស៊ាំម៉ូរ៉ៃ បើទោះជាដឹងថាចាញ់ ក៍ត្រូវតែលើកចុងកាំបិតឡើងដែរ។

១២/ លក្ខណៈសំគាល់នៃយុទ្ធជនស៊ាំម៉ូរ៉ៃគឺ ស្មារតី មិនមែនជាជំនាញឡើយ។

១៣/ អ្នកចម្បាំងខ្លាំងមាន២ប្រភេទ៖ ១.ទទួលជ័យជម្នះ តែអាចរក្សាស្មារតីប្រយុទ្ធបន្តដោយមិនអំនួត និងមានការប្រុងប្រយ័ត្នជានិច្ច។ ២.បើចាញ់ ក៏នៅតែខិតខំរកវិធីដើម្បីឈ្នះ រហូតដល់ដង្ហើមចុងក្រោយដែរ៕

ប្រភពផេក៖ ឧកញ៉ា ភិរម្យ វិចិត្រដារ៉ា
អត្ថបទដោយ៖ភួង អធិការ

The post ផ្នត់គំនិត១៣ចំណុច បង្ហាញភាពក្លាហានរបស់យុទ្ធជនស៊ាំម៉ូ រ៉ៃជប៉ុន appeared first on .

វាសនាមនុស្សមើលមិនឃើញពិតមែន!អតីតអ្នករត់ម៉ូតូឌុបម្នាក់ ឡើងងារជាឧកញ៉ា…

កូនចៅឧកញ៉ា — Thu, 17 Oct 2019 15:16:28 +0000

ផ្តើមពីជីវិតអ្នករត់ម៉ូតូឌុប និងភាពតស៊ូអត់ធ្មត់ ពីសំណាក់ការមាក់ងាយពីមនុស្សដែលនៅជុំវិញខ្លួន។ ទាំងនេះហើយធ្វើឲ្យយុវជនម្នាក់ហ៊ានលះបង់ កំលាំងកាយ និងកំលាំងចិត្ត ជំនះរាល់ឧបសគ្គទាំងឡាយដែលមាននៅចំពោះមុខ រហូតមកដល់ពេលនេះបានក្លាយខ្លួនជាអគ្គនាយកក្រុមហ៊ុនវិនិយោគមួយដោយផ្តោតលើវិស័យអចនទ្រព្យ ដីធ្លី បានទទួលជោគជ័យរហូតដល់សព្វថ្ងៃនេះ ហើយថ្មីៗនេះលោកទើបតែត្រូវបាន ព្រះមហាត្សត្រ នៃព្រះរាជាណាចក្រកម្ពុជា ត្រាស់បង្គាប់តែងតាំងជា ឧកញ៉ា ថែមទៀតផង។ នេះ គឺជា ខ្សែជីវិតពិត លោកភិរម្យ វិចិត្រដារ៉ា ដែលមហាជនស្គាល់ថា គឺជាបុគ្គលជោគជ័យផ្នែកអចលនទ្រព្យ និង ជាសាស្ត្រាចារ្យជំនាញលើអចលនទ្រព្យ ល្បីឈ្មោះមួយក្នុងប្រទេសកម្ពុជា។ លោកត្រូវបាន ព្រះមហាត្សត្រ នៃព្រះរាជាណាចក្រកម្ពុជា សព្វព្រះរាជហឫទ័យ ត្រាស់បង្គាប់តែងតាំងជា ឧកញ៉ា កាលពីថ្ងៃទី១១ ខែ តុលា ឆ្នាំ ២០១៩ នេះ។

ខ្សែជីវិតពិតដោយសង្ខេប របស់ លោក ឧកញ៉ា ភិរម្យ វិចិត្រដារ៉ា ជីវិតជាអ្នករត់ម៉ូតូឌុប ដឹកភ្ញៀវនៅព្រលានយន្តហោះ ខេត្តសៀមរាបបានមួយឆ្នាំនៅក្នុងអំឡុងឆ្នាំ២០០៥ ក៏ត្រឡប់មកភ្នំពេញវិញ ប្រកបរបរជាជាងភ្លើង នៅកន្លែងលក់គ្រឿងបរិក្ខាពេទ្យមួយកន្លែងនៅក្នុងរាជធានីភ្នំពេញ ។ ក្នុងរយះពេលមួយឆ្នាំជីវិតជាអ្នករត់ម៉ូតូឌុប មិនអាចធ្វើឲ្យជីវភាពរស់នៅប្រចាំថ្ងៃល្អប្រសើរបានឡើយ ។ ម្យ៉ាងទៀតជាអ្នកនៅទីក្រុងភ្នំពេញផង មិនអាចសម្របខ្លួនទៅតាមអ្វីៗបានភ្លាមៗនោះឡើយ ហើយភាពស៊ីវិល័យនៅខេត្តសៀមរាប មិនទាន់មានការអភិវឌ្ឍន៍ដូចសព្វថ្ងៃ នេះទេ ។

លោកភិរម្យ វិចិត្រដារ៉ា បាននិយាយថាជីវិតរបស់ខ្ញុំទម្រាំមានថ្ងៃនេះ(ក្លាយខ្លួនជាអគ្គនាយកក្រុមហ៊ុន) ។ លោកបានជួបឧបសគ្គជាច្រើនទាំងភាពជោគជ័យ និងបរាជ័យ កក្តាទាំងនេះហើយបានធ្វើឲ្យលោកចេះអភិវឌ្ឍន៍ខ្លួនតាមរយះការមើលសៀវភៅ គួបផ្សំនិងបទពិសោធន៍ដែលខ្លួនមានស្រាប់ ធ្វើឲ្យការងារមុខរបរសព្វថ្ងៃមានភាពរលូនទៅមុខជានិច្ច ។ អ្វីៗដែលកើតឡើងហើយយើងទទួលបានជោគជ័យដល់ថ្ងៃនេះ គឺកើតចេញពីកំលាំងញើសឈាមខិតខំតស៊ូគ្រប់បែបយ៉ាងទម្រាំឆ្លងផុតភាព លំបាកក្រខ្សត់នៃជីវិត ។ បើគ្មានការតស៊ូជំនះគ្រប់ឧបសគ្គទេ យើងមិនអាចសម្រេចគោលដៅនិងបំណងរបស់ខ្លួនបានឡើយ យើងមិនអាច អង្គុយឈឺចាប់ នូវអ្វីៗដែលកំពុងកើតឡើងនៅក្នុងជីវិតយើងនោះទេ ។

លោកវិចិត្រដារ៉ា បានបញ្ជាក់ថា ជាភ័ព្វសំណាងដោយសារការសេពគប់មនុស្សល្អៗ នៅក្នុងសង្គម បានធ្វើឲ្យលោកមានឳកាសបើកមុខរបរជំនួញមានលុយផ្ទាល់ខ្លួនតែ៤០០ដុល្លារអាមេរិក និងខ្ចីគេបន្ថែមបានមួយចំនួនទៀតដើម្បីបើកអាជីវកម្មខ្លួនឯង ដោយមានទំនាក់ទំនងល្អជាមួយជនជាតិចិន ពេលនោះហើយបានធ្វើឲ្យលោកមានឳកាសទៅទិញគ្រឿងសម្ភារៈ បរិក្ខាពេទ្យធ្មេញពីប្រទេសចិន មកលក់ឲ្យអតិថិជននៅរាជធានីភ្នំពេញ ។

លោកវិចិត្រដារ៉ា បានឲ្យដឹងទៀតថា ចាប់ពេលនោះមក ធ្វើឲ្យមុខជំនួញរបស់លោកមានដំណើរការទៅមុខជានិច្ច រហូតមានលុយអាចបង្កើត ក្រុមហ៊ុនមួយឈ្មោះECC Reality ផ្តោតលើវិស័យអចលនទ្រព្យ វិនិយោគដីលំនៅដ្ឋាន ។ លោកបានបញ្ជាក់ថា ផ្តើមចេញរកស៊ីលើកដំបូង បានជួបការបរាជ័យពេលនោះហើយជីវិតរបស់លោកបាត់បង់កិតិ្តយស មនុស្សដែលគេធ្លាប់ឲ្យតម្លៃគេលែងឲ្យតម្លៃ មានការមើលងាយពីមនុស្សនៅជុំវិញខ្លួនគេលែងរាប់អាន គេលែងមើលមុខពេលនោះហើយធ្វើឲ្យជីវិតរបស់លោកមានការឈឺចាប់ ។ ហើយធ្វើឲ្យលោកសម្រេចចិត្តបើកអាជីវកម្មខ្លួនឯងដើម្បីធ្វើម្ចាស់ការខ្លួនឯង ដោយមើលឃើញថា បើចង់ជោគជ័យត្រូវតែបើក ធ្វើអាជីវកម្មខ្លួនឯង ។ ការផ្តល់តម្លៃលើការទំនាក់ទំនង និងសេពគប់បុគ្គលជោគជ័យ បានរុញច្រានឲ្យលោកហ៊ានផ្លាស់ប្តូរពីអ្នកធ្វើការស៊ីប្រាក់ខែគេ ងាកមកបើកជំនួញ វិញម្តងខណៈមនុស្សមួយចំនួនមិនហ៊ានប្រថុយ ដោយខ្លួនឯងមានលុយតែ៤០០ដុល្លារតែប៉ុណ្ណោះ ។

បញ្ហាជីវិតផ្ទាល់ខ្លួនលោកភិរម្យ វិចិត្រដារ៉ា កើតនៅឆ្នាំ១៩៨៥ ក្នុងរាជធានីភ្នំពេញ ។ លោកកំព្រាឪពុកតាំងពីអាយុបានមួយខួបកន្លះ ដែលមានម្តាយប្រកបមុខរបរលក់អុស ។ លោកវិចិត្រដារ៉ា មានបងប្អូនវ៣នាក់ស្រី២នាក់ លោកជាកូនទី២ក្នុងគ្រួសារចំពោះការសិក្សា លោកភិរម្យ វិចិត្រដារ៉ា បានចូលសិក្សានៅសាលាបឋមសិក្សាទួលស្វាយព្រៃ ក្នុងខណ្ធចំការមន រាជធានីភ្នំពេញ ហើយបានបន្តថ្នាក់វិទ្យាល័យ នៅវិទ្យាល័យហ៊ុន សែន តាខ្មៅ ខេត្តកណ្តាល។

ជាបន្តបន្ទាប់មកទៀតបានសិក្សាថ្នាក់មហាវិទ្យាល័យ នៅសាកលវិទ្យាល័យន័រតុន ជំនាញ(I.T) អាយ ធី សិក្សាបាន២ឆ្នាំ ក៏បោះបង់ការសិក្សាចោល ហើយងាកមកស៊ីបើកមុខជំនួញវិញម្តង ។

លោកភិរម្យ វិចិត្រដារ៉ា បានរៀបការជាមួយនារីឈ្មោះនង ស្រីពេជ្រ ជាអ្នករស់នៅរាជធានីភ្នំពេញ ។ បច្ចុប្បន្នមានកូន៣នាក់ក្នុងបន្ទុក ប្រុស១ ស្រី២ ។ លោកត្រូវបាន ព្រះមហាត្សត្រ នៃព្រះរាជាណាចក្រកម្ពុជា សព្វព្រះរាជហឫទ័យ ត្រាស់បង្គាប់តែងតាំងជា ឧកញ៉ា កាលពីថ្ងៃទី១១ ខែ តុលា ឆ្នាំ ២០១៩ នេះ ដោយសារតែបានចូលរួមបរិច្ចាគធនធានផ្ទាល់ខ្លួនជាច្រើន ជួយដល់សង្គម៕

The post វាសនាមនុស្សមើលមិនឃើញពិតមែន!អតីតអ្នករត់ម៉ូតូឌុបម្នាក់ ឡើងងារជាឧកញ៉ា… appeared first on .

អ្នកជំនាញ បង្ហាញ គន្លឹះចំណេញពេលជុំវិញការទិញអចលនទ្រព្យ

កូនចៅឧកញ៉ា — Wed, 03 Jul 2019 02:45:31 +0000

ដើម្បីរួមចំណែកដល់លោកអ្នកដែលមានបំណងចង់វិនិយោគលើអចលនទ្រព្យ ប្រកបដោយជោគជ័យ នៅព្រឹកនេះគេហទំព័រoknha.news សូមបង្ហាញនៅគន្លឹះមួយចំនួន ជាផ្លូវសម្រាប់លោកអ្នកពិចារណាមុននិងសម្រេចចិត្តបោះទុនវិនិយោគ។ សូមអាននៅគន្លឹះខាងក្រោមដូចតទៅ៖

អ្នកត្រូវធ្វើការស្រាវជ្រាវ មុនពេលអ្នកវិនិយោគលើអចលនទ្រព្យណាមួយអ្នកនឹងត្រូវការស្រាវជ្រាវយ៉ាងពេញលេញពីអចលនទ្រព្យនិងតំបន់ជុំវិញ។ការដឹងព័ត៌មានលំអិតអំពីទ្រព្យសម្បត្តិទាំងអស់នឹងជួយអ្នកក្នុងការសម្រេចថាតើវាមានតម្លៃយ៉ាងណានៅពេលបច្បុន្ន តម្លៃអនាគតរំពឹងលើអ្វីខ្លះហើយអាចជួយបញ្ជាក់ពីគោលដៅវិនិយោគរយៈពេលវែង។ សូមប្រាកដថាអ្នកអាចឆ្លើយនូវសំណួរមួយចំនួនខាងក្រោមអំពីទ្រព្យសម្បត្តិដែលអ្នកកំពុងគិតដើម្បីវិនិយោគ៖
តើអ្នកដឹងថាតំបន់ជុំវិញអចលនៈទ្រព្យមានលក្ខណៈដូចម្តេច?
តើអ្នកដឹងថាអនាគតរបស់តំបន់ជុំវិញនឹងមានអ្វីខ្លះ?
តើអចលនទ្រព្យ មានបញ្ហារហានិភ័យដល់ការខូចខាតទឹកជំនន់ឬអគ្គីភ័យផ្សេងៗ ដែរឬទេ?
តើគ្រឹះនៃអគារនេះមានសុវត្ថិភាពនិងមានគុណភាព កំរឹតណា ល្អដែរឬទេ?
តើអ្នកដឹងពីអ្វីដែលត្រូវផ្លាស់ប្តូរនៅក្នុងផ្ទះនិងអ្វីដែលថ្មីៗ?
តើអ្នកដឹងទេថាហេតុអ្វីបានជាអចលនទ្រព្យត្រូវបានគេដាក់លក់?

សុំជំនួយប្រឹក្សារយោបល់ ទោះបីជាអ្នកមានអារម្មណ៍សុខស្រួលសុវត្ថភាពក្នុងការធ្វើវិនិយោគក៏ដោយក៏វាជាគំនិតល្អក្នុងការជួយ បញ្ជាក់ពីអ្នកឯកទេស ទទួលបានប្រសិទ្ធភាព ការជ្រើសរើស របស់ អ្នក។ ការរកមើលអ្នកជំនាញផ្សេងទៀតអាចជួយផ្តល់ឱ្យអ្នកនូវគំនិតល្អប្រសើរជាងមុនអំពីរបៀបដែលការប៉ាន់ប្រមាណនិងផែនការហិរញ្ញវត្ថុ របស់អ្នកអោយបានត្រឹមត្រូវ។

សូមព្យាយាមនិយាយជាមួយអ្នកជំនាញទាំងនេះមុនពេលធ្វើការវិនិយោគរបស់អ្នក។
ពិភាក្សាជាមួយភ្នាក់ងារអចលនទ្រព្យដើម្បីស្វែងយល់បន្ថែមអំពីតម្លៃនៃអចលនទ្រព្យនេះ និងអចលទ្រព្យជុំវិញទីតាំង។

ស្ថាបត្យករ នឹងជូនដំណឹងអ្នកអំពីបញ្ហាធ្ងន់ធ្ងរណាមួយដែលអចលនទ្រព្យអាចនឹងកើត មាន។ ប្រាប់ អ្នកអំពីការចំណាយដែលរំពឹងទុកដែលផ្ទះប្រហែលជាត្រូវការ។ ការនិយាយជាមួយ អ្នករត់ឯកសារនិងអ្នកតំណាងផ្នែកច្បាប់អាចជួយអ្នកឱ្យយល់អំពីថ្លៃសេវានិងដំណើរការ បន្ថែមដែលទ្រព្យសម្បត្តិ អាចនឹងត្រូវការ។

រៀនតម្លៃពិតប្រាកដ និងការប្រៀបធៀប ដើម្បីរកតម្លៃពិតប្រាកដនៃអចលនទ្រព្យសូមប្រៀប ធៀបផ្ទះទៅនឹងរចនាប័ទ្មនិងការរចនាស្រដៀងគ្នាដែលមានរូបមន្តការ៉េមានទំហំច្រើនទំហំលក្ខខណ្ឌ អាយុនិងភាពរឹងមាំ ។ អ្នកនឹងពិចារណាទីតាំងក៏ដូចជាចំនួនបន្ទប់គេង និងបន្ទប់ទឹកដើម្បី វិភាគ ។

លំនៅដ្ឋានស្រដៀងគ្នាពីរដែលត្រូវបានសាងសង់នៅទីតាំងខុសៗគ្នាអាចមានតម្លៃខុសៗគ្នាដូចផ្ទះពីរនៅទីតាំងតែមួយដែរប៉ុន្តែមានចំនួននៃការ៉េដែលមានទំហំខុសៗគ្នាអាចមានតម្លៃខុសៗគ្នា។ សួរភ្នាក់ងារអចលនទ្រព្យរបស់អ្នកសម្រាប់ព័ត៌មានអំពីអចលនទ្រព្យជុំវិញនិងស្រដៀងគ្នា។ លុះត្រាតែអចលនទ្រព្យមានអ្វីប្លែកពីគ្នារទើបតម្លៃ គួរតែខុសគ្នា នឹងអចលនទ្រព្យជុំវិញ។

រៀបរៀងដោយ៖លោកភិរម្យ វិចិត្រដារ៉ា អ្នកជំនាញលើទីផ្សារអចលនទ្រព្យ

The post អ្នកជំនាញ បង្ហាញ គន្លឹះចំណេញពេលជុំវិញការទិញអចលនទ្រព្យ appeared first on .

ភិរម្យ វិចិត្រដារ៉ា

អាច​មក ពី​ឧកញ៉ា​ម្នាក់​នេះ ​ជា​ដើម​ហេតុ​នាំ​ឲ្យ មេបញ្ឈប់ លោក ហ៊ត ពី​ICD TV

ផ្នត់គំនិត​១៣​ចំណុច បង្ហាញ​ភាព​​ក្លាហាន​របស់​យុទ្ធជនស៊ាំម៉ូ រ៉ៃជប៉ុន

វាសនា​មនុស្ស​មើល​មិន​ឃើញ​ពិត​មែន!អតីត​អ្នក​រត់​ម៉ូតូ​ឌុប​ម្នាក់ ឡើង​ងារ​ជា​ឧកញ៉ា…

អ្នក​ជំនាញ បង្ហាញ គន្លឹះចំណេញពេល​ជុំ​វិញ​ការ​ទិញ​អចលនទ្រព្យ

អាចមក ពីឧកញ៉ាម្នាក់នេះ ជាដើមហេតុនាំឲ្យ មេបញ្ឈប់ លោក ហ៊ត ពីICD TV

ផ្នត់គំនិត១៣ចំណុច បង្ហាញភាពក្លាហានរបស់យុទ្ធជនស៊ាំម៉ូ រ៉ៃជប៉ុន

វាសនាមនុស្សមើលមិនឃើញពិតមែន!អតីតអ្នករត់ម៉ូតូឌុបម្នាក់ ឡើងងារជាឧកញ៉ា…

អ្នកជំនាញ បង្ហាញ គន្លឹះចំណេញពេលជុំវិញការទិញអចលនទ្រព្យ