ភូមិកីឡដ្ឋានវើលដ៍ប្រ៊ីដ

អ្នកឧកញ៉ា សៀ ឫទ្ធី បង្ហើបឱ្យដឹងតួនាទីសំខាន់របស់ភូមិកីឡដ្ឋាន ក្នុងព្រឹត្តិការណ៍ស៊ីហ្គេម

ឧកញ៉ាដែនដី — Thu, 04 May 2023 02:52:01 +0000

អ្នកឧកញ៉ា សៀ ឫទ្ធី ប្រធានក្រុមប្រឹក្សាភិបាលក្រុមហ៊ុន World Bridge Group បានបង្ហើបឱ្យដឹងថា ភូមិកីឡដ្ឋាន វើលដ៍ប្រ៊ីដ ពិតជាដើរតួនាទីសំខាន់ណាស់ សម្រាប់រាជរដ្ឋាភិបាលកម្ពុជា ប្រតិភូកីឡា និងកីឡាករ កីឡាការិនី មកពីបណ្តាប្រទេសក្នុងតំបន់អាស៊ាន នៅក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដែលប្រទេសកម្ពុជាធ្វើជាម្ចាស់ផ្ទះ។

អ្នកឧកញ៉ា បានលើកឡើងក្នុងបទសម្ភាសន៍មួយ កាលពីពេលថ្មីៗកន្លងទៅថា ភូមិកីឡដ្ឋាន វើលដ៍ប្រ៊ីដ នឹងដើរតួនាទីសំខាន់ ព្រោះការពិតណាស់ កាលណាយើងប្រមូលផ្តុំកីឡាករមកនៅក្បែរកន្លែងយើងប្រកួត គឺបានន័យថាយើងងាយស្រួលសម្រាប់រាជរដ្ឋាភិបាល ក្នុងការមើលថែទាំកីឡាករ កីឡាការិនី ផ្គត់ផ្គង់អាហារ កន្លែងស្នាក់នៅ និងសន្តិសុខ ហើយកីឡាករអាចហ្វឹកហាត់នៅទីនោះបានតែម្តង។ ជាមួយគ្នានេះ រាជរដ្ឋាភិបាល ក៏ពុំចាំបាច់លំបាកដឹកជញ្ជូនពួកគាត់ពីសណ្ឋាគារផ្សេងៗ យកទៅកន្លែងកីឡដ្ឋាននោះដែរ។ ម្យ៉ាងទៀត កីឡាករ កីឡាការិនី ក៏ពុំចាំបាច់ចំណាយពេលច្រើនធ្វើដំណើរ ឬរង់ចាំច្រើនម៉ោងនោះដែរ ពេលដល់ថ្ងៃទៅប្រកួត។

”ភូមិកីឡដ្ឋាន វើលដ៍ប្រ៊ីដ ជាគោលគំនិតរបស់រាជរដ្ឋាភិបាល ដែលមានសម្តេចតេជោ ហ៊ុន សែន បានផ្តើមជាគំនិតក្នុងការកសាងភូមិកីឡាករ ដើម្បីបង្ករភាពងាយស្រួលដល់គ្រប់កីឡាកររបស់ប្រទេសអាស៊ាន ដែលមកប្រកួតស៊ីហ្គេម ហើយខ្ញុំក៏បានគាំទ្រនូវគំនិតនេះ ទើបបង្កើតឱ្យមានគម្រោងនេះឡើង”។ អ្នកឧកញ៉ា សៀ ឫទ្ធី បានបន្ថែម។

ភូមិកីឡា ដែលសាងសង់ឡើងដើម្បីទទួលប្រតិភូកីឡា និងអត្តពលិក សម្រាប់ព្រឹត្តិការណ៍កីឡាអាស៊ីអាគ្នេយ៍ លើកទី៣២ និងកីឡាអាស៊ានប៉ារ៉ាហ្គេម លើកទី១២ បានប្រារព្ធពិធីក្រុងពាលី និងសម្ពោធដាក់ឱ្យប្រើប្រាស់ជាផ្លូវការ ក្រោមអធិបតីភាពសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍-អាស៊ានប៉ារ៉ាហ្គេម (CAMSOC-CAMAPGOC) នៅល្ងាចថ្ងៃទី២០ ខែមេសា ឆ្នាំ២០២៣។

សូមជម្រាបជូនថា ភូមិកីឡា ដែលមាន៣៧០០គ្រែ ស្ថិតក្នុងពហុកីឡដ្ឋានជាតិមរតកតេជោ ត្រូវបានបើកការដ្ឋានសាងសង់កាលពីឆ្នាំ២០២០ ដោយក្រុមហ៊ុន World Bridge Sport Village របស់អ្នកឧកញ៉ា សៀ ឫទ្ធី ជាក្រុមហ៊ុនទទួលបានសិទ្ធិសាងសង់។ ភូមិកីឡដ្ឋាននេះ បានផ្តល់ជាកន្លែងស្នាក់នៅ សម្រាប់អត្តពលិក អាជ្ញាកណ្ដាល ចៅក្រម និងប្រតិភូកីឡា ដែលចូលរួមនៅក្នុងព្រឹត្តិការណ៍កីឡាអាស៊ីអាគ្នេយ៍ លើកទី៣២ និងអាស៊ានប៉ារ៉ាហ្គេម លើកទី១២៕

The post អ្នកឧកញ៉ា សៀ ឫទ្ធី បង្ហើបឱ្យដឹងតួនាទីសំខាន់របស់ភូមិកីឡដ្ឋាន ក្នុងព្រឹត្តិការណ៍ស៊ីហ្គេម appeared first on .

អ្នកឧកញ៉ា សៀ ឫទ្ធី៖ ៦ខែចុងក្រោយ យើងសម្រុកធ្វើការ២៤ម៉ោង ទើបភូមិកីឡដ្ឋាន រួចរាល់ទាន់ពេល

ឧកញ៉ាដែនដី — Tue, 02 May 2023 02:54:33 +0000

អ្នកឧកញ៉ា សៀ ឫទ្ធី ប្រធានក្រុមប្រឹក្សាភិបាលក្រុមហ៊ុន World Bridge Group បានបង្ហើបឱ្យដឹងថា រយៈពេល៦ខែចុងក្រោយ ក្រុមហ៊ុនរបស់លោកបានខិតខំសម្រុកធ្វើការទាំងយប់ទាំងថ្ងៃ ២៤ម៉ោងលើ២៤ម៉ោង ទើបអាចធ្វើឱ្យគម្រោងភូមិកីឡដ្ឋាន វើលដ៍ប្រ៊ីដ រួចរាល់ទាន់ពេលវេលា សម្រាប់ទទួលប្រតិភូកីឡាករមកពីបណ្តាប្រទេសអាស៊ាន ក្នុងការស្នាក់នៅ ក្នុងព្រឹត្តិការណ៍ស៊ីហ្គេម ឆ្នាំ២០២៣នេះ។

អ្នកឧកញ៉ា បានលើកឡើងក្នុងបទសម្ភាសន៍មួយ កាលពីពេលថ្មីៗកន្លងទៅថា គម្រោងនេះ ប្រើពេល២ឆ្នាំក្នុងការសាងសង់ ដើម្បីបញ្ចប់គម្រោងជូនរាជរដ្ឋាភិបាល។ វាមិនមែនជារឿងងាយស្រួលទេ ព្រោះអ្វីដែលជាគម្រោងនេះកើតឡើង គឺនៅក្នុងយុគសម័យកូវីដ-១៩ បានន័យថា ក្រុមហ៊ុនជួបឧបសគ្គច្រើនណាស់ អ្វីដែលលោកអាចធ្វើបាន គឺមានតែឆន្ទៈ ហើយលោកមានឆន្ទៈក្នុងការកសាង ដើម្បីមុខមាត់ប្រទេស ដើម្បីចូលរួមចំណែកជួយដល់រាជរដ្ឋាភិបាល ក្នុងការផ្គត់ផ្គង់ការស្នាក់នៅដល់កីឡាករ។

«ក្រុមហ៊ុនយើងបានបោះទុនច្រើនមែនទែន ក្នុងការសាងសង់គម្រោងភូមិកីឡដ្ឋាននេះឱ្យរួចរាល់ បើមិនដូច្នោះទេ គឺយើងមិនអាចធ្វើទាន់ទេ។ បន្ថែមពីនេះ យើងក៏មានបញ្ហាការផ្គត់ផ្គង់សម្ភារៈមកពីក្រៅប្រទេស ដោយសារកូវីដ-១៩ ហើយយើងពិបាកក្នុងការទិញសម្ភារៈយកមកផ្គង់ផ្គង់គម្រោងរបស់យើងមែនទែន។ ទី២ គឺបញ្ហាកម្មករ ក៏មានការលំបាកដែរ ដោយសារកាលកូវីដផ្ទុះឡើងខ្លាំង មានការបិទខ្ទប់ ដូច្នេះយើងមិនមានកម្មករមកធ្វើការទេ ប៉ុន្តែរយៈពេល ៦ខែចុងក្រោយនេះ គឺយើងធ្វើការ ២៤ម៉ោងលើ២៤ម៉ោង បានន័យថា យើងខិតខំធ្វើទាំងថ្ងៃ ទាំងយប់ គ្មានពេលសម្រាកនោះទេ ដើម្បីបញ្ចប់គម្រោងនេះជូនរាជរដ្ឋាភិបាល»។ អ្នកឧកញ៉ា សៀ ឫទ្ធី បានបញ្ជាក់បន្ថែម។

អ្នកឧកញ៉ា បានបន្តថា៖ «អ្វីដែលជំរុញឱ្យខ្ញុំធ្វើភូមិកីឡដ្ឋាន វើលដ៍ប្រ៊ីដនេះ គឺកើតចេញពីឆន្ទៈផ្ទាល់ ព្រោះជាមុខមាត់របស់ប្រទេសកម្ពុជាយើង។ បើសិនជាខ្ញុំមិនមានការគិតគូបែបនេះទេ ប្រហែលជាគម្រោងមួយនេះ ធ្វើមិនទាន់ហើយនោះទេ ប៉ុន្តែដោយសារយើងគិតថា នេះជាគម្រោងមួយ ដើម្បីមុខមាត់ប្រទេសកម្ពុជា និងប្រជាជនកម្ពុជា យើងត្រូវតែខិតខំធ្វើយ៉ាងណាឱ្យហើយ»។

អ្នកឧកញ៉ា និយាយលេងសើចបន្តិចថា ដោយសារឆន្ទៈនេះហើយ គម្រោងនេះធ្វើឱ្យលោកសក់ស្កូវច្រើនណាស់ ពីព្រោះវាមិនមានជាការងារមួយស្រួលទេ ទាំងការកៀងគរកម្មករ ការគិតគូពីចង្វាក់ផលិតកម្ម ធ្វើយ៉ាងណាឱ្យរួចរាល់ទាន់ពេលនេះ វាមិនមែនជារឿងមួយសាមញ្ញនោះទេ។

សូមជម្រាបថា បើតាមការបញ្ជាក់របស់អ្នកឧកញ៉ា សៀ ឫទ្ធី ភូមិកីឡដ្ឋាន វើលដ៍ប្រ៊ីដ តម្លៃទុនវិនិយោគជាង២០០លានដុល្លារ បានសាងសង់រួចរាល់ តាំងពីសល់ពេល១៥ថ្ងៃ មុនដល់ថ្ងៃប្រកួតស៊ីហ្គេម សម្រាប់ការផ្គត់ផ្គង់ចំនួនកីឡាស្នាក់នៅ តាមតម្រូវការរបស់រាជរដ្ឋាភិបាល ហើយលោកបានប្រគល់ជូនគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC) រួចរាល់ហើយផងដែរ៕

The post អ្នកឧកញ៉ា សៀ ឫទ្ធី៖ ៦ខែចុងក្រោយ យើងសម្រុកធ្វើការ២៤ម៉ោង ទើបភូមិកីឡដ្ឋាន រួចរាល់ទាន់ពេល appeared first on .

ភូមិកីឡដ្ឋាន វើលដ៍ប្រ៊ីដ របស់អ្នកឧកញ៉ា សៀ ឫទ្ធី តម្លៃ២០០លានដុល្លារ សាងសង់រួចរាល់ជាស្ថាពរ

ឧកញ៉ាដែនដី — Wed, 19 Apr 2023 12:07:41 +0000

គម្រោង “ភូមិកីឡដ្ឋាន វើលដ៍ប្រ៊ីដ” (WorldBridge Sport Village) តម្លៃជាង២០០លានដុល្លារ របស់អ្នកឧកញ៉ា សៀ ឫទ្ធី ប្រធានក្រុមប្រឹក្សាភិបាលក្រុមហ៊ុន World Bridge Group បានសាងសង់រួចរាល់ជាស្ថាពរហើយ និងបានត្រៀមខ្លួនរួចរាល់ក្នុងការទទួលប្រតិភូកីឡាមកពីបណ្តាប្រទេសផ្សេងៗ ក្នុងព្រឹត្តិការណ៍កីឡាស៊ីហ្គេម និងអាស៊ានបារ៉ាហ្គេម ដែលកម្ពុជាធ្វើជាម្ចាស់ផ្ទះ នាខែឧសភា ឆ្នាំ២០២៣ ខាងមុខនេះ។

លោក កើត ឆែ អភិបាលរងរាជធានីភ្នំពេញ បានលើកឡើងនៅថ្ងៃពុធ ទី១៩ ខែមេសានេះថា ព្រឹត្តិការណ៍ SEA Games និង ASEAN Para Games នៅកម្ពុជា នៅសល់តែ ១៦ថ្ងៃទៀតប៉ុណ្ណោះ។ ចំណែកឯ ភូមិកីឡា ដែលស្ថិតនៅជាប់ពហុកីឡដ្ឋានជាតិមរតកតេជោ នៅសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ គឺនឹងប្រើប្រាស់សម្រាប់ការស្នាក់នៅ ការហូបចុកជុំគ្នា និងងាយស្រួល ក្នុងការចេញទៅប្រកួតឱ្យទាន់ពេលវេលា ព្រមជាមួយនឹងការរក្សាសុខសុវត្ថិភាព សន្តិសុខ ជូនដល់ក្រុមប្រតិភូ កីឡាករ កីឡាការិនី។

គម្រោង “ភូមិកីឡដ្ឋាន វើលដ៍ប្រ៊ីដ” អភិវឌ្ឍលើផ្ទៃដី ៦.២ហិកតា ជាប់នឹងពហុកីឡដ្ឋានជាតិមរតកតេជោ ក្នុងនោះរួមមានខុនដូ ១២អគារ សរុបស្មើនឹង ១,៣១៩ យូនីត មានប្រភេទយូនីត ១បន្ទប់គេង ២បន្ទប់គេង និង៣បន្ទប់គេង។ ក្រៅពីខុនដូចំនួន ១២អគារ គម្រោងអភិវឌ្ឍន៍ដ៏ធំនេះ ក៏មានប្រភេទវីឡាទោល ចំនួន៣ វីឡាភ្លោះចំនួន៤៨ វីឡាកូនកាត់៧៩ ផ្ទះអាជីវកម្មខ្នាតតូចចំនួន៤១ និងផ្ទះអាជីវកម្មខ្នាតធំចំនួន៩៤ សរុបទាំងអស់ស្មើនឹង១,៥៨៤យូនីត ដែលនឹងធ្វើឱ្យគម្រោងនេះ ក្លាយជាសហគនម៍រស់នៅនិងជាតំបន់ពាណិជ្ជកម្មដ៏ធំថ្មីមួយ។

កាលពីដើមខែមេសានេះ គម្រោង “ភូមិកីឡដ្ឋាន វើលដ៍ប្រ៊ីដ” ក៏បានឈ្នះពានរង្វាន់ “Community Development Of The Year 2023” ពីកម្មវិធីពានរង្វាន់អចលនទ្រព្យកម្ពុជា២០២៣ ផងដែរ ដែលសបញ្ជាក់ឱ្យឃើញថា គម្រោង ភូមិកីឡដ្ឋាន វើលដ៏ប្រ៊ីដ ពិតជាមានកិត្យានុភាពក្នុងវិស័យអចលនទ្រព្យ។

សូមជម្រាបជូនថា ព្រឹត្តិការណ៍ស៊ីហ្គេមលើកទី៣២ ដែលកម្ពុជារង់ចាំធ្វើជាម្ចាស់ផ្ទះអស់រយៈពេល ៦៤ឆ្នាំ នឹងចាប់ផ្តើមពីថ្ងៃទី៥ ដល់ទី១៧ ខែឧសភា ខណៈដែលការប្រកួតកីឡាអាស៊ានប៉ារ៉ាហ្គេមលើកទី១២ នឹងចាប់ផ្តើមពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣៕

The post ភូមិកីឡដ្ឋាន វើលដ៍ប្រ៊ីដ របស់អ្នកឧកញ៉ា សៀ ឫទ្ធី តម្លៃ២០០លានដុល្លារ សាងសង់រួចរាល់ជាស្ថាពរ appeared first on .

ភូមិកីឡដ្ឋាន វើលដ៍ប្រ៊ីដ របស់អ្នកឧកញ៉ាមួយរូប តម្លៃ២០០លានដុល្លារ សាងសង់បាន៨០%ហើយ

ឧកញ៉ាដែនដី — Fri, 09 Dec 2022 12:40:26 +0000

គម្រោង “ភូមិកីឡដ្ឋាន វើលដ៍ប្រ៊ីដ” ដ៏ធំស្កឹមស្កៃទំនើបដំបូងគេនៅកម្ពុជា តម្លៃជាង២០០លានដុល្លារ របស់អ្នកឧកញ៉ា សៀ ឫទ្ធី ប្រធានក្រុមប្រឹក្សាភិបាល នៃក្រុមហ៊ុន World Bridge Group កំពុងសម្រុកសាងសង់ទាំងយប់ទាំងថ្ងៃ និងជារួមសម្រេចបាន ៨០%ហើយ ដើម្បីត្រៀមក្នុងព្រឹត្តិការណ៍កីឡាស៊ីហ្គេម និងអាស៊ានបារ៉ាហ្គេម ដែលកម្ពុជាធ្វើជាម្ចាស់ផ្ទះនាឆ្នាំ២០២៣ ខាងមុខ។

អ្នកឧកញ៉ា សៀ ឫទ្ធី ប្រធានក្រុមប្រឹក្សាភិបាល ក្រុមហ៊ុន World Bridge Group

បើតាមការគូសបញ្ជាក់របស់ក្រុមហ៊ុន WorldBridge Sport Village ដែលជាបុត្រសម្ព័ន្ធរបស់ក្រុមហ៊ុន World Bridge Group បានឱ្យដឹងថា គម្រោង “ភូមិកីឡដ្ឋាន វើលដ៍ប្រ៊ីដ” ដែលមានតម្លៃជាង២០០លានដុល្លារ សាងសង់លើផ្ទៃដី ៦ហិកតា នៅក្បែរនឹងពហុកីឡដ្ឋានមរតកតេជោ មកទល់បច្ចុប្បន្ននេះ ជារួមសម្រេចបានប្រមាណ ៨០%ហើយ ហើយគម្រោងនឹងបញ្ចប់ដំណាក់កាលសាងសង់នៃគម្រោងទាំងមូល ក្នុងពេលឆាប់ៗនេះ។

ក្រុមហ៊ុនបានបញ្ជាក់បន្ថែមថា ទោះបីជាមានបញ្ហាកូវីដ-១៩ ប៉ុន្តែគម្រោងនៅតែបន្តសាងសង់ទាំងយប់ទាំងថ្ងៃ និងជារួមសម្រេចបាន៨០%។ ក្រុមហ៊ុនខិតខំជំរុញការសាងសង់ដ៏សស្រាក់សស្រាំនេះ គឺដើម្បីបញ្ចប់គម្រោង និងសហការជាមួយរាជរដ្ឋាភិបាលកម្ពុជា សម្រាប់ត្រៀមទទួលថ្នាក់ដឹកនាំ ប្រតិភូកីឡា និងអត្តពលិក មកពីប្រទេសក្នុងតបន់ និងលើពិភពលោក ក្នុងព្រឹត្តិការណ៍កីឡាស៊ីហ្គេម និងអាស៊ានបារ៉ាហ្គេម ដែលកម្ពុជាធ្វើជាម្ចាស់ផ្ទះនៅឆ្នាំ២០២៣។

អ្នកឧកញ៉ា សៀ ឫទ្ធី ប្រធានក្រុមប្រឹក្សាភិបាលនៃក្រុមហ៊ុន WorldBridge Sport Village រំពឹងថា គម្រោងនេះ នឹងក្លាយជាតំបន់ពាណិជ្ជកម្ម ដ៏មានសក្តានុពលមួយរបស់កម្ពុជានាពេលអនាគត ព្រោះតំបន់នេះបណ្តុំទៅដោយអគារពាណិជ្ជកម្ម ផ្សារទំនើប សាលារៀន មន្ត្រីរពេទ្យ ក្លឹបហាត់ប្រាណ និងកន្លែងកម្សាន្តជាដើម។ ជាពិសេសគម្រោង មានហេដ្ឋារចនាសម្ព័ន្ធផ្លូវស្ពានតភ្ជាប់ខ្វាត់ខ្វែង ដែលជួយសម្រួលដល់ការធ្វើដំណើរ និងការធ្វើពាណិជ្ជកម្មរបស់ក្រុមហ៊ុន សហគ្រាស និងធុរជន។

គួរបញ្ជាក់ថា គម្រោងអភិវឌ្ឍន៍អគារពាណិជ្ជកម្ម និងលំនៅឋាន “ភូមិកីឡដ្ឋាន វើលដ៍ប្រ៊ីដ” ស្ថិតនៅភាគខាងជើងរាជធានីភ្នំពេញ លាតសន្ធឹងលើផ្ទៃដីជាង ៦ហិកតា ជាប់នឹងពហុកីឡដ្ឋានជាតិមរតកតេជោ។ ដោយស្ថិតនៅក្នុងតំបន់ពាណិជ្ជកម្ម “ភូមិកីឡដ្ឋាន វើលដ៍ប្រ៊ីដ” ត្រូវបានសិក្សាយ៉ាងល្អិតល្អន់ជាមួយនឹងរចនាបថលំនៅឋានសម័យទំនើប ដែលមានខុនដូ១២អាគារស្មើនឹង ១៣១៩បន្ទប់ អាគារខុនដូប្រភេទស្ទូឌីយ៉ូ ១អគារស្មើនឹង ១៦៣បន្ទប់ ដែលមានកម្ពស់១៣ជាន់ ផ្ទះល្វែង ផ្ទះអាជីវកម្ម វីឡាភ្លោះ ផ្សារទំនើប សារមន្ទីរកីឡា មានចំណតធំទូលាយ ល្អឥតខ្ចោះ សម្រាប់ការរស់នៅ និងវិនិយោគនាពេលអនាគត៕

The post ភូមិកីឡដ្ឋាន វើលដ៍ប្រ៊ីដ របស់អ្នកឧកញ៉ាមួយរូប តម្លៃ២០០លានដុល្លារ សាងសង់បាន៨០%ហើយ appeared first on .

ក្បែរស្តាតថ្មី គម្រោងអគារខ្ពស់ៗកំពុងលេចត្រដែត នឹងរួចរាល់ឆ្នាំ២០២៤

ឧកញ៉ាសម្រែ — Thu, 01 Apr 2021 10:12:13 +0000

គម្រោងអភិវឌ្ឍន៍ អគារពាណិជ្ជកម្ម និងលំនៅឋាន “ភូមិកីឡដ្ឋាន វើលដ៍ប្រ៊ីដ” នឹងផុសឡើងនៅភាគខាងជើងរាជធានីភ្នំពេញ ក្នុងពេលឆាប់ៗខាងមុខនេះ។

គម្រោង“ភូមិកីឡដ្ឋាន វើលដ៍ប្រ៊ីដ” លាតសន្ធឹងលើផ្ទៃដីជាង ៦ហិចតា ជាប់នឹងពហុកីឡដ្ឋានជាតិ មរតកតេជោ ។ ក្នុងគម្រោងមានការអភិវឌ្ឍខុនដូ១២ អាគារស្មើនឹង ១៣១៩បន្ទប់ អាគារខុនដូ ប្រភេទស្ទូឌីយ៉ូ ១អគារស្មើនឹង ១៦៣បន្ទប់ ដែលមានកម្ពស់១៣ជាន់ ផ្ទះល្វែង ផ្ទះអាជីវកម្ម វីឡាភ្លោះ ផ្សារទំនើប សារមន្ទីរកីឡាជាដើម។

លោក Simon Vancliff នាយកប្រតិបត្តិ WB Sport Village បានបញ្ជាក់ឲ្យដឹងថា គម្រោង «ភូមិកីឡដ្ឋាន វើលដ៍ប្រ៊ីដ» កសាងឡើង ដើម្បីទទួលរៀបចំព្រឹត្តិការណ៍ SEA Games 2023 និងជាដៃគូរបស់ SEA Game ហើយនឹងត្រូវប្រគល់ឲ្យអ្នកទិញ នៅខ្ទង់ដើមឆ្នាំ២០២៤។

លោកបានឲ្យដឹងថា គម្រោងនេះនឹងប្រគល់ឲ្យទៅរាជរដ្ឋាភិបាល នៅចុងឆ្នាំ២០២២ ដើម្បីឲ្យពួកគេរៀបចំព្រឹត្តិការណ៍ SEA Games ហើយខាងរាជរដ្ឋាភិបាល នឹងប្រគល់មកឲ្យវិញ ពេលចប់ព្រឹត្តិការណ៍ SEA Games។

គម្រោងអគារពាណិជ្ជកម្ម និងលំនៅឋាន “ភូមិកីឡដ្ឋាន វើលដ៍ប្រ៊ីដ” អភិវឌ្ឍឡើងដោយក្រុមហ៊ុន ដាប់ប៊ែលយូប៊ីស្ព័ត វីលេច ឯ.ក (WB Sport Village) ដែលជាបុត្រសម្ព័ន្ឋក្រុមហ៊ុន វើលដ៏ប្រ៊ីដគ្រុប (WorldBridge Group) ដែលជាអ្នកអភិវឌ្ឍ និង ជាក្រុមហ៊ុនសាងសង់លំនៅដ្ឋាន ដែលមានកេរ្តិ៍ឈ្មោះបោះសម្លេងល្បីល្បាញ ក្នុងវិស័យអចលនទ្រព្យជាង៣០ឆ្នាំមកហើយ៕