ការណែនាំនេះធ្វើឡើងនៅក្នុងឱកាសដែលលោករដ្ឋមន្រ្ដីអញ្ជើញជួបសំណេះសំណាល និងតម្រង់ទិសការងារជូនមន្ត្រីកសិកម្មឃុំ-សង្កាត់ មកពីខេត្តកំពង់ចាម និងខេត្តត្បូងឃ្មុំ នៅសាលាខេត្តកំពង់ចាម ដោយមានការចូលរួមពីអភិបាលនៃគណៈអភិបាលខេត្តទាំងពីរ ព្រមទាំងថ្នាក់ដឹកនាំ និងមន្ត្រីជំនាញពាក់ព័ន្ធជាច្រើនរូប កាលពីរសៀលថ្ងៃទី១៦ ខែសីហា ឆ្នាំ២០២៦ ។

បន្ថែមលើការណែនាំនេះ លោករដ្ឋមន្ត្រីបានសង្កត់ធ្ងន់លើការជំរុញចងក្រង «សហគមន៍កសិកម្មទំនើប» ដែលជាសសរទ្រូងយ៉ាងសំខាន់ក្នុងការជួយឱ្យកសិករទទួលបានផលចំណេញកាន់តែខ្ពស់ កាត់បន្ថយចំណាយ និងលើកកម្ពស់ជីវភាពប្រជាពលរដ្ឋនៅមូលដ្ឋានឱ្យកាន់តែប្រសើរឡើង សំដៅរួមចំណែកសម្រេចបាននូវចក្ខុវិស័យប្រែក្លាយកម្ពុជាទៅជាប្រទេសមានចំណូលខ្ពស់នៅឆ្នាំ២០៥០។

ទន្ទឹមនឹងនោះលោក ឌិត ទីណា ក៏បានគូសបញ្ជាក់អំពីសារសំខាន់នៃកម្មវិធីនយោបាយអាទិភាពទី៥ និងទី៦ របស់រាជរដ្ឋាភិបាល ក្នុងគោលបំណងជួយឱ្យប្រជាពលរដ្ឋ «មានហូប មានប្រើ មានបាន និងមានរហូត» ដើម្បីធានាសន្តិសុខស្បៀង និរន្តរភាពសេដ្ឋកិច្ច និងបរិស្ថាន។ លោកសង្កត់ធ្ងន់ថា ការសម្រេចបាននូវគោលដៅនេះ គឺទាមទារឱ្យមានការខិតខំប្រឹងប្រែងយ៉ាងសកម្មពីសំណាក់មន្ត្រីកសិកម្មឃុំ-សង្កាត់ ក្នុងការចុះជួយប្រជាកសិករដោយផ្ទាល់៕

The post លោក ឌិត ទីណា ណែនាំមន្ត្រីកសិកម្មឃុំជួយដោះស្រាយបញ្ហាកសិករ ជំរុញចងក្រងសហគមន៍កសិកម្មទំនើប ដើម្បីលើកកម្ពស់ជីវភាពពលរដ្ឋ appeared first on .

ទាក់ទងនឹងការប្រឡងប្រជែងជ្រើសរើសមន្ត្រីកសិកម្មឃុំសម្រាប់ឆ្នំា២០២៣នេះ ក្រសួងមុខងារសាធារណៈ និងក្រសួងកសិកម្ម រុក្ខាប្រមាញ់និងនេសាទ ត្រៀមធ្វើសន្និសីទសារព័ត៌មាននៅថ្ងៃទី៤ ខែធ្នូ ឆ្នំា២០២៣ស្ថិតនៅទីតំាងសាលាភូមិន្ទរដ្ឋបាលវេលាម៉ោង៣រសៀលក្រោមអធិបតីភាព លោក ហ៊ុន ម៉ានី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែងជ្រើសរើសមន្ត្រីកសិកម្ម ឃុំឆ្នំា២០២៣ និងលោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ។

ពាក់ព័ន្ធនឹងការជ្រើសរើសមន្ត្រីកសិកម្មខាងលើនេះ សម្តេចធិបតី ហ៊ុន ម៉ាណែត នាយករដ្ឋមន្ត្រីមានប្រសាសន៍លើកឡើងនៅក្នុងកម្មវិធី ដាក់ឱ្យក្រសួងកសិកម្ម រុក្ខាប្រមាញ់និងនេសាទ អនុវត្តគោលនយោបាយអាទិភាពទី៥និងទី៦ កាលពីថ្ងៃទី២០វិច្ឆិកាថា ចំពោះការជ្រើសរើសមន្ត្រីឃុំសង្កាត់ ក្រសួងកសិកម្ម រុក្ខាប្រមាញ់និងនេសាទ ក្រសួងមុខងារសាធារណៈនិងក្រសួងសេដ្ឋកិច្ចនិងហិរញ្ញវត្ថុត្រូវសហការគ្នារៀបចំការប្រឡងប្រជែង ដែលធានាបានទំាងតម្លាភាព សមត្ថភាពនិងគុណភាព ហើយការជ្រើសរើសត្រូវបើកឱ្យទូលាយដល់បេក្ខជនដែលមានចំណេះដឹងនិងជំនាញវិជ្ជាជីវៈកសិកម្មសមស្រប និងមានសមត្ថភាពបំពេញការងារនៅតាមមូលដ្ឋានបានយ៉ាងល្អប្រសើរ។

សម្តេចធិបតី បន្តទៀតថា រាជរដ្ឋាភិបាលចំណាយថវិកាផ្តល់ឱ្យដល់បងប្អូនដែលមានឆន្ទៈជួយដល់ប្រជាកសិករ ដើម្បីដោះស្រាយដែលកសិករចង់បាន ដើម្បីយើងពង្រឹងវិស័យកសិកម្មប្រកួតប្រជែងឱ្យប្រទេសកម្ពុជាមានការរីកចម្រើន អីចឹងលុយយើងមានអត់ច្រើនទេ បើយើងមិនអាចជ្រើសរើស តែយើងជ្រើសរើសតែ២៥០នាក់ តែសូមឱ្យមន្ត្រីកសិកម្ម២៥០នាក់នេះ ប្រកបដោយគុណភាពនៃបរិមាណ មួយដឹងមួយ កុំឱ្យមន្ត្រី១០នាក់ប្រើប្រាស់បានតែ១នាក់។

សម្តេចធិបតី សង្កត់ធ្ងន់ថា «បងប្អូនដែលបានដាក់ពាក្យប្រឡងចូលធ្វើជាមន្ត្រីកសិកម្មនៅតាមឃុំសង្កាត់ទំាងអស់ នៅពេលប្រឡងជាប់ហើយ សុំបំពេញភារកិច្ចដោយបេះដូង ដើម្បីជួយដល់កសិករ។ យើងយកក្របខណ្ឌ មិនមែនដើម្បីបានប្រាក់ខែទេ តែយើងយកដើម្បីបានធ្វើបុណ្យជាមួយប្រជាពលរដ្ឋ ជាមួយប្រទេសជាតិយើង តាមរយៈការប្រឹងប្រែងយកជំនាញ នឹងជួយដល់កសិករនិងកសិកម្មរបស់យើង»៕

អត្ថបទ៖ សារេត

The post ការជ្រើសរើសមន្ត្រីកសិកម្មឃុំចំនួន២៥០នាក់កំពុងដំណើរការ ខណៈរាជរដ្ឋាភិបាលចង់បានមន្ត្រីពោពេញដោយមានសមត្ថភាព appeared first on .