មន្ទីរពេទ្យមិត្តភាពកម្ពុជា-ចិន ព្រះកុសុមៈ ត្រូវបានសាងសង់ ដោយចំណាយថវិកាជាង ៨០លានដុល្លារអាមេរិក ជាជំនួយឥតសំណងរបស់រដ្ឋាភិបាលចិន។

មន្ទីរពេទ្យនេះ ត្រូវបានបើកការដ្ឋានសាងសង់នៅថ្ងៃទី៣០ ខែតុលា ឆ្នាំ២០១៨ ដោយចំណាយពេល ៣៩ខែ។ អគារមន្ទីរពេទ្យថ្មីនេះ ត្រូវបានសាងសង់លើទំហំដីជាង ១៣ពាន់ម៉ែត្រក្រឡា មានកម្ពស់ ១១ជាន់ ជាមួយប្រវែង ៥៣ម៉ែត្រ។ ចែកចេញជាផ្នែកពិគ្រោះជំងឺក្រៅ ផ្នែកសង្គ្រោះបន្ទាន់ ផ្នែកបច្ចេកវិទ្យាវេជ្ជសាស្ត្រ ផ្នែកជំងឺទូទៅ ជំងឺវះកាត់ ផ្នែកសម្ភព រោគស្ត្រី ព្រមទាំងសេវាជំនួយផ្សេងៗទៀត។ នៅលើដំបូលអគារមានចំណតឧត្ថម្ភាគចក្រចុះចត ទម្ងន់ពី ៣តោន ទៅ ៥តោនថែមទៀតផង។

មន្ទីរពេទ្យនេះមានគ្រែសម្រាប់ព្យាបាលអ្នកជំងឺរហូតដល់ទៅ ៤០០គ្រែ។ មន្ទីរពេទ្យថ្មីនេះ ជាមន្ទីរពេទ្យដ៏ធំមួយក្នុងប្រទេសកម្ពុជា ដែលអាចផ្តល់សេវាថែទាំជូនប្រជាជននៅទូទាំងប្រទេស ដែលមានអាការៈជំងឺធ្ងន់ៗ ហើយក៏ជាកន្លែងបណ្តុះបណ្តាលធនធានមនុស្សមួយដ៏សំខាន់ផងដែរ៕

The post ផ្លូវការ! រដ្ឋដាក់ឱ្យប្រើប្រាស់ មន្ទីរពេទ្យមិត្តភាពកម្ពុជា-ចិន ព្រះកុសុមៈ appeared first on .

លោក វ៉ាង វិនធៀន ឯកអគ្គរដ្ឋទូតចិនប្រចាំកម្ពុជា ក្នុងពិធីសម្ពោធដាក់ឱ្យប្រើប្រាស់ជាផ្លូវការ កំណាត់ផ្លូវជាតិលេខ៧ ក្នុងខេត្តក្រចេះ ប្រវែងប្រមាណ ៩៣.៥៦គីឡូម៉ែត្រ នាថ្ងៃទី០៧ កុម្ភៈម្សិលមិញបានលើកឡើងថា នៅអំឡុងខែមីនា ២០២២ខាងមុខនេះ មន្ទីរពេទ្យធំៗចំនួនពីរ ដែលជាជំនួយរបស់ចិន នឹងត្រូវសម្ពោធដាក់ឱ្យប្រើប្រាស់ ក្នុងនោះ មានមន្ទីរពេទ្យមិត្តភាព «កម្ពុជា-ចិន ត្បូងឃ្មុំ» និងមន្ទីរពេទ្យមិត្តភាព «កម្ពុជា-ចិន ព្រះកុសុមៈ» នៅភ្នំពេញ។

មន្ទីរពេទ្យ​មិត្តភាព​ «កម្ពុជា-ចិន ត្បូងឃ្មុំ» ដែលមាន​តម្លៃ​ជាង​ ៥០ ​លាន​ដុល្លារ​ បាន​បញ្ចប់​ការសាងសង់​នា​ចុងខែ​វិច្ឆិកា​ឆ្នាំ២០២១កន្លងទៅក្រោម​ជំនួយ​​ឥត​សំណង​របស់​ប្រទេស​ចិន​​ស្ថិតនៅ​ភូមិ​និគមន៍​លើ ឃុំ​ស្រឡប់ ស្រុក​ត្បូងឃ្មុំ ទីរួមខេត្ត​ត្បូងឃ្មុំ ដោយ​បាន​បើក​ការដ្ឋាន​សាងសង់​នៅ​ថ្ងៃទី​១ ខែមីនា ឆ្នាំ​២០១៩ និង​​បញ្ចប់​ការសាងសង់​កាលពីខែវិច្ឆិកា ឆ្នាំ២០២១កន្លងទៅ។

​ដោយឡែក អាគារ​មន្ទីរ​ពេទ្យដែលជា​ជំនួយសាងសង់​របស់​ចិន​តម្លៃជាង​ ៨០​លាន​ដុល្លារ​ មាន​ឈ្មោះ​ «មន្ទីរពេទ្យ​មិត្តភាព​កម្ពុជា-ចិន​ ព្រះកុសុមៈ​» ក៏នឹង​បើកជា​ផ្លូវការផងដែរ​ ក្រោយ​ដំណើរ​ការ​សាងសង់​អស់​រយៈពេល​ ​៣ឆ្នាំ។​ 

អាគារមន្ទីរពេទ្យថ្មី​ដ៏​​ធំខ្ពស់ស្កឹមស្កៃ​ នៅតាមបណ្តោយផ្លូវយោធ​ពលខេមរភូមិន្ទ ​ឈ្មោះថា «កម្ពុជា-ចិន ព្រះកុសុមៈ» ដែលពីមុនហៅថា «មន្ទីរពេទ្យលោកសង្ឃ ឬ ព្រះកុសុមៈ» បានជាប់ការត្រួតពិនិត្យបច្ចេកទេសជោគជ័យ ​នៅ​ពីថ្ងៃទី២៨ធ្នូកន្លងទៅ​។  ការងារសាងសង់លើគម្រោងនេះ ត្រូវ​បានចាប់ផ្តើមនៅខែតុលា ឆ្នាំ២០១៨។

គួរជម្រាបថា អាគារ​ «មន្ទីរពេទ្យមិត្តភាពកម្ពុជា-ចិន ព្រះកុសុមៈ»នេះ មានកំពស់ ១១ជាន់ ១៣២បន្ទប់ ឬ ស្មើនឹង ៤០០គ្រែ ហើយត្រូវបានបំពាក់ដោយឧបករណ៍ទំនើបៗ និងបែងចែកទៅជាផ្នែកផ្សេងៗ រួមមាន ផ្នែក​​វះកាត់ សេវាព្យាបាលក្រៅ សង្គ្រោះបន្ទាន់ បច្ចេកវិជ្ជាវេជ្ជសាស្ត្រ មន្ទីរពេទ្យ និងភស្តុភារ។

បើតាមក្រុមហ៊ុមម៉ៅការសាសងចិន អគារនេះមានសាងសង់ចំណតឧទ្ធម្ភាគចក្ររសម្រាប់សង្គ្រោះបន្ទាន់ ទម្ងន់មធ្យមពី ៣តោន ទៅ ៥តោន ផងដែរ៕

The post ចិនគ្រោងប្រគល់អាគារមន្ទីរពេទ្យធំៗចំនួន២ ក្នុងទំហំទឹកប្រាក់ ១៣០លានដុល្លារមកឲ្យប្រទេសកម្ពុជា appeared first on .

មុនក្លាយជាមន្ទីរពេទ្យមិត្តភាពកម្ពុជា-ចិន ព្រះកុសុមៈ ពីមុនមានឈ្មោះថា មន្ទីរពេទ្យព្រះកុសុមៈ ដែលគេស្គាល់ថាជាមន្ទីរពេទ្យលោកសង្ឃ ស្ថិត ក្នុងខណ្ឌទួលគោក ត្រូវបានកសាងនៅឆ្នាំ១៩៥៣ និងដាក់ឲ្យដំណើរការនៅឆ្នាំ១៩៥៦ ដោយយកតាមព្រះនាមព្រះមហាក្សត្រិយ៍ខ្មែរមួយអង្គ ព្រះនាម ស៊ីសុវត្ថិមុនីវង្ស កុសុមៈ នារីរ័ត្នសេរីវឌ្ឍនា ដែលបានសោយរាជ្យ នៅចន្លោះឆ្នាំ១៩៦០ ដល់ឆ្នាំ១៩៧០។

ក្រុមហ៊ុនម៉ៅ​ការសាសង់ចិន «China State Construction Engineering Corporation Ltd» បានប្រាប់សារព័ត៌មានរដ្ឋចិន ZINHUA ថា ​អាគារពេទ្យថ្មីក្រោមជំនួយចិនតម្លៃ ៨១ លានដុល្លារនេះ នឹងក្លាយជាមន្ទីរពេទ្យដំបូងគេក្នុងប្រទេសកម្ពុជា ដែលមានប្រព័ន្ធវេជ្ជសាស្រ្តទំនើប ប្រើប្រាស់ថាមពលទាប និងមាន​គុណភាពខ្ពស់។​ ហើយ អគារមន្ទីរពេទ្យនេះមានសាងសង់ចំណតឧទ្ធម្ភាគចក្រសម្រាប់សង្គ្រោះបន្ទាន់ ដែលផ្ទុកទម្ងន់ជាមធ្យមពី ៣តោន ទៅ ៥តោន ផងដែរ។

រដ្ឋមន្រ្តីក្រសួងសុខាភិបាលកម្ពុជា លោក ម៉ម ប៊ុនហេង បានឨ្យដឹងថា អាគារ​មន្ទីរពេទ្យមិត្តភាពកម្ពុជា-ចិន ព្រះកុសុមៈនេះ មានកំពស់ ១១ជាន់ ១៣២បន្ទប់ ឬ ស្មើនឹង ៤០០គ្រែ ត្រូវបានបំពាក់ដោយឧបករណ៍ទំនើបៗ និងបែងចែកទៅជាផ្នែកផ្សេងៗ ដូចជា ផ្នែក​​វះកាត់ សេវាព្យាបាលក្រៅ សង្គ្រោះបន្ទាន់ បច្ចេកវិជ្ជាវេជ្ជសាស្ត្រ មន្ទីរពេទ្យ និងភស្តុភារ។

បើតាមលោក ម៉ម ប៊ុនហេង បច្ចុប្បន្ននេះ មន្ទីរពេទ្យព្រះកុសុមៈបានប្តូរឈ្មោះទៅជាមន្ទីរពេទ្យមិត្តភាពកម្ពុជា–ចិន ព្រះកុសុមៈ ដើម្បីឆ្លើយតបតាមកិច្ចព្រមព្រៀង និងមានការឯកភាពពីសម្តេចនាយករដ្ឋមន្រ្តី ហ៊ុន សែនផងដែរ។

សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅដើមឆ្នាំ២០២១នេះ បានចុះពិនិត្យដំណើរការសាងសង់អគារមិត្តភាពកម្ពុជា-ចិន ហើយបានលើកឡើងថា ដំណើរការសាងសង់មន្ទីរពេទ្យនេះ គឺជាការបង្កើតនូវសមិទ្ធផលដ៏មានសារៈសំខាន់សម្រាប់សេវាសុខភាពសាធារណៈជូនពលរដ្ឋ។

ទន្ទឹមនឹងនោះ សម្ដេច ស ខេង បានគូសបញ្ជាក់ថា៖ ចាប់ពីឆ្នាំ២០១៥មក ដោយមានការយកចិត្តទុកដាក់ពីរាជរដ្ឋាភិបាល មន្ទីរពេទ្យមួយនេះ មានការអភិវឌ្ឍជាបន្តបន្ទាប់ ក្នុងនោះសមិទ្ធផលធំ គឺការទទួលបានការគាំទ្រជាជំនួយឥតសំណងពីរដ្ឋាភិបាលចិន ដើម្បីសាងសង់អគារដ៏ស្កឹមស្កៃជាង៣ម៉ឺនម៉ែត្រការ៉េនេះ។

សូមរំលឹកថា អគារមន្ទីរពេទ្យមិត្តភាព កម្ពុជា ចិន ព្រះកុសមៈ បានដំណើរការសាងសង់កាលពីថ្ងៃទី ៣០ ខែ តុលា ឆ្នាំ ២០១៨ លើផ្ទៃដីទំហំ១៣.៧៤០ម៉ែត្រការ៉េ ឬស្មើនឹងផ្ទៃក្រឡាប្រមាណជា២៨.៩០០ម៉ែត្រការ៉េ និងចំណាយថវិកាប្រ​មាណ ៥៥០លានយ័ន ស្មើនឹងប្រមាណជា ៨០លានដុល្លារអាមេរិក គ្រោងចំណាយពេលសាងសង់រយៈពេល៤០ខែ៕

The post អាគារមន្ទីរពេទ្យថ្មីមានចំណតឧទ្ធម្ភាគចក្រសង្គ្រោះបន្ទាន់​ តម្លៃ ៨១ លានដុល្លារ ចិនគ្រោងនឹងប្រគល់ជាផ្លូវការឲ្យកម្ពុជានៅដើមឆ្នាំ២០២២ appeared first on .