យោងតាមឯកសារមួយដែលបានផ្ញើរទៅកាន់គណៈកម្មាការមូលបត្រ បានបង្ហាញថា ការផ្ទេរភាគហ៊ុនបានកើតមានតាំងពីថ្ងៃទី១៥ ខែធ្នូ ឆ្នាំ២០២៣ ហើយលោក Max មិនត្រឹមតែ​ទទួលបានភាគហ៊ុនតម្លៃរាប់ពាន់លានដុល្លារឡើយ លោកថែមទាំងសិទ្ធបោះឆ្នោត​សម្រេចនៅក្នុងក្រុមហ៊ុនថែមទៀត។

រំលឹកបន្តិចថា ក្រុមហ៊ុន AB InBev គឺជាក្រុមហ៊ុនផលិតស្រាបៀរធំបំផុតលើលោក ដែលផលិតស្រាបៀរម៉ាក BudLight និង Stella Artois ហើយមានក្ដីរំពឹងទុកថា វត្តមានរបស់​ម្ចាស់ភាគហ៊ុនថ្មី នឹងជួយឲ្យក្រុមហ៊ុនកាន់តែរីកចម្រើនមួយកម្រិតថែមទៀត។

ជម្រាបបន្ថែមថា មួយរយៈចុងក្រោយនេះ មិនមែនតែមហាសេដ្ឋីប្រេស៊ីលឡើយ​ដែលកំពុងរៀបចំផែនការបន្តវេនដល់អ្នកជំនាន់ក្រោយ ពោលមហាសេដ្ឋីនៅតំបន់អឺរ៉ុប​ជាច្រើន​ក៏​កំពុងធ្វើបែបនេះដូចគ្នា ដោយចាប់ផ្ដើមផ្ទេរភាគហ៊ុន និងមរតកជាច្រើនដល់អ្នកបន្តវេនជាបន្តបន្ទាប់៕

The post មហាសេដ្ឋីប្រេស៊ីល ប្រកាសផ្ទេរភាគហ៊ុនតម្លៃជាង ៦ពាន់លានដុល្លារ ទៅឲ្យកូនប្រុសពៅ appeared first on .

យោងតាមការចុះផ្សាយពី Nasdaq បាន​បង្ហាញថា លោក Alberto Safra បាន​ប្ដឹង​ក្រុមគ្រួសារ​របស់​លោក​ និងចោទប្រកាន់​ពួកគេថា បាន​រួមគំនិតគ្នា​រំលាយ​ភាគហ៊ុន​របស់​លោក​នៅ​ក្រុមហ៊ុន Safra National Bank។

នៅក្នុងពាក្យបណ្ដឹងដែលបាន​ដាក់​ទៅកាន់​តុលាការ New York State Supreme Court បាន​បង្ហាញ​ថា Alberto Safra អះអាងថា ម្ដាយ​របស់​លោក Vicky Safra និង​បងប្អូនប្រុស​បង្កើត Jacob និង David Safra បាន​ប្រព្រឹត្ត​អំពើ​ទុច្ចរិត​ ​ដើម្បី​បំផ្លាញ​ផលប្រយោជន៍​របស់​គាត់​ក្នុង​ក្រុមហ៊ុន។

យ៉ាងណា ក្រុមគ្រួសារ​ត្រកូល Safra បានចេញ​មុខ​តបត​នឹង​ពាក្យបណ្ដឹងថា ពួកគេ​មាន​អារម្មណ៍​ស្ដាយក្រោយ ជាមួយ​ការ​សម្រេចចិត្ត​របស់​លោក Alberto ដែល​កន្លង​មក​តែងតែ​ប្រឆាំងជាមួយ​ឪពុក ហើយ​ម្ដងនេះ​បែរជា​ចេញមុខប្រឆាំងជាមួយ​ក្រុមគ្រួសារ​ថែមទៀត។

សូមជម្រាបដែរថា នៅឆ្នាំ ២០២១ Alberto Safra និងក្រុមគ្រួសារបានឈានដល់កិច្ចព្រមព្រៀងមួយស្តីពីបណ្ដាំមរតករបស់ Joseph Safra ដើម្បីជៀសវាងការវិវាទលើទ្រព្យសម្បត្តិដែលមានតម្លៃ ១៥ ពាន់លានដុល្លារនៅពេលនោះ៕

The post កូនប្រុសមហាសេដ្ឋីប្រេស៊ីលប្ដឹងម្ដាយខ្លួនឯង និងបងប្អូនបង្កើត បញ្ហាមរតកឪពុក appeared first on .