កូនប្រុសច្បងមហាសេដ្ឋីប្រេស៊ីល Joseph Safra ដែលបានទទួលមរណភាពកាលពីឆ្នាំ ២០២០ បានដាក់ពាក្យបណ្ដឹងប្ដឹងម្ដាយខ្លួនឯង និងបងប្អូនបង្កើត ២ នាក់ទៀត ជុំវិញបញ្ហាមរតកឪពុកដែលបានបន្សល់ទុក។
![](https://www.oknha.news/wp-content/uploads/2023/02/Safra-1024x683.jpg)
យោងតាមការចុះផ្សាយពី Nasdaq បានបង្ហាញថា លោក Alberto Safra បានប្ដឹងក្រុមគ្រួសាររបស់លោក និងចោទប្រកាន់ពួកគេថា បានរួមគំនិតគ្នារំលាយភាគហ៊ុនរបស់លោកនៅក្រុមហ៊ុន Safra National Bank។
![](https://www.oknha.news/wp-content/uploads/2023/02/p-35-1024x640.jpg)
នៅក្នុងពាក្យបណ្ដឹងដែលបានដាក់ទៅកាន់តុលាការ New York State Supreme Court បានបង្ហាញថា Alberto Safra អះអាងថា ម្ដាយរបស់លោក Vicky Safra និងបងប្អូនប្រុសបង្កើត Jacob និង David Safra បានប្រព្រឹត្តអំពើទុច្ចរិត ដើម្បីបំផ្លាញផលប្រយោជន៍របស់គាត់ក្នុងក្រុមហ៊ុន។
![](https://www.oknha.news/wp-content/uploads/2023/02/DWUL26545FRTW7K2FAVTGHCZ44-1024x683.jpg)
យ៉ាងណា ក្រុមគ្រួសារត្រកូល Safra បានចេញមុខតបតនឹងពាក្យបណ្ដឹងថា ពួកគេមានអារម្មណ៍ស្ដាយក្រោយ ជាមួយការសម្រេចចិត្តរបស់លោក Alberto ដែលកន្លងមកតែងតែប្រឆាំងជាមួយឪពុក ហើយម្ដងនេះបែរជាចេញមុខប្រឆាំងជាមួយក្រុមគ្រួសារថែមទៀត។
សូមជម្រាបដែរថា នៅឆ្នាំ ២០២១ Alberto Safra និងក្រុមគ្រួសារបានឈានដល់កិច្ចព្រមព្រៀងមួយស្តីពីបណ្ដាំមរតករបស់ Joseph Safra ដើម្បីជៀសវាងការវិវាទលើទ្រព្យសម្បត្តិដែលមានតម្លៃ ១៥ ពាន់លានដុល្លារនៅពេលនោះ៕