១. Johannes von Baumbach វ័យ ១៩ឆ្នាំ

Johannes មានវ័យក្មេងជាងគេ ក្នុងចំណោមអ្នកស្នងមរតករបស់ក្រុមហ៊ុនផលិតឱសថខ្នាតយក្សរបស់អាឡឺម៉ង់ Boehringer Ingelheim ហើយត្រូវបានជាប់នៅក្នុងបញ្ជីមហាសេដ្ឋីរបស់ Forbes ក្នុងឆ្នាំនេះ។ តាមការប៉ាន់ស្មាន ទ្រព្យសម្បត្តិសរុបរបស់ Johannes មានចំនួនសរុបប្រមាណ ៥,៤ពាន់លានដុល្លារ គិតត្រឹមថ្ងៃទី៧ ខែមីនា។

២. Livia Voigt វ័យ ២០ឆ្នាំ

Livia Voigt គឺជាអ្នកស្នងមរតកម្នាក់ក្នុងចំណោមអ្នកស្នងមរតក ១៨នាក់ផ្សេងទៀត នៃក្រុមហ៊ុនផលិតម៉ូទ័រអគ្គិសនី WEG និងថែមទាំងបានជាប់ឈ្មោះជាមហាសេដ្ឋីវ័យក្មេងបំផុត កាលពីឆ្នាំមុនផងដែរ។ នេះបើយោងតាមការចុះផ្សាយពីគេហទំព័រ The Sun ។

Livia ទទួលមរតកភាគហ៊ុនសរុប ៣,១% នៅក្នុងក្រុមហ៊ុនខ្នាតយក្សប្រេស៊ីលមួយនេះ បន្ទាប់ពីជីតារបស់នាង គឺលោក Werner Ricardo Voigt ដែលជាសហស្ថាបនិករបស់ WEG បានទទួលមរណភាពនៅឆ្នាំ២០១៦ ។ បច្ចុប្បន្នទ្រព្យសម្បត្តិរបស់នាងមានចំនួនសរុបប្រមាណ ១,១ពាន់លានដុល្លារ។

៣.Clemente Del Vecchio វ័យ ២០ឆ្នាំ

ទ្រព្យសម្បត្តិដ៏ច្រើនរបស់ Clemente Del Vecchio គឺកើតចេញពីការកាន់កាប់ភាគហ៊ុន ១២,៥% ​​នៅក្នុងក្រុមហ៊ុន Delfin ដែលបង្កើតឡើងដោយឪពុករបស់គេ ឈ្មោះ Leonardo Del Vecchio ដែលបានទទួលមរណភាពនៅឆ្នាំ២០២២។ យ៉ាងណាមិញ គិតត្រឹមថ្ងៃទី៧ ខែមីនា ទ្រព្យសម្បត្តិសរុបរបស់ Del Vecchio ត្រូវបានប៉ាន់ប្រមាណថាមានចំនួន ៦,៦ពាន់លានដុល្លារ។

៤. Kim Jung-youn វ័យ ២១ឆ្នាំ

Kim Jung-youn និងប្អូនស្រីរបស់ខ្លួន ទទួលបានមរតកជាភាគហ៊ុន ៩% ក្នុងម្នាក់ នៅក្នុងក្រុមហ៊ុនផលិតហ្គេមខ្នាតយក្សរបស់កូរ៉េខាងត្បូង-ជប៉ុន Nexon បន្ទាប់ពីឪពុករបស់ពួកគេគឺ Kim Jung-ju ដែលជាស្ថាបនិកក្រុមហ៊ុន បានទទួលមរណភាពទៅនៅឆ្នាំ២០២២ ។ បច្ចុប្បន្ន Jung-youn មានទ្រព្យសម្បត្តិសរុប្រមាណ ១,៣ពាន់លានដុល្លារ។

៥. Kevin David Lehmann វ័យ ២២ឆ្នាំ

Kevin David Lehmann កាន់កាប់ភាគហ៊ុនសរុបដល់ទៅ ៥០% នៅក្នុងក្រុមហ៊ុន dm-drogerie markt ដែលជាខ្សែសង្វាក់ហាងលក់ឱសថដ៏ធំបំផុតមួយរបស់ប្រទេសអាល្លឺម៉ង់ និងមានសាខាប្រហែល ៤ ១២០កន្លែងនៅទូទាំងទ្វីបអឺរ៉ុប។ បច្ចុប្បន្ន ទ្រព្យសម្បត្តិរបស់ Kevin មានចំនួនប្រមាណ ៣,៦ពាន់លានដុល្លារ៕

The post បង្ហាញមុខមហាសេដ្ឋីវ័យក្មេងៗបំផុតលើពិភពលោក ក្តោបទ្រព្យសម្បត្តិសរុបជិត ២០ពាន់លានដុល្លារ appeared first on .

ហើយនៅឆ្នាំនេះ តំណែងមហាសេដ្ឋីវ័យក្មេងបំផុតរបស់ទស្សនាវដ្ដី Forbes គឺបានធ្លាក់ទៅលើ លោក Mark Mateschitz វ័យ ៣១ឆ្នាំ ដែលមានទ្រព្យសម្បត្តិសរុប ៣៩,៦ពាន់លានដុល្លារ បន្ទាប់ពីរូបលោកទទួលបានមរតកស្ទើរតែពាក់កណ្តាល ក្នុងក្រុមហ៊ុនភេសជ្ជ:លំដាប់កំពូល Red Bull ។

Mark គឺជាកូនប្រុសរបស់សហស្ថាបនិកក្រុមហ៊ុនភេសជ្ជៈប៉ូវកម្លាំង Red Bull គឺលោក Dietrich Mateschitz ដែលបង្កើតឡើងដំបូងក្នុងឆ្នាំ ១៩៨៧ ។ ប៉ុន្តែនៅពេលដែលលោក Dietrich បានចែកឋានទៅ ដោយសារតែជំងឺមហារីក Mark បានទទួលស្នងមរតកទាំងស្រុង ជាមួយនឹងការកាប់ភាគហ៊ុនសរុប ៤៩% ក្នុងក្រុមហ៊ុន នៅឆ្នាំ២០២២។

គួរឲ្យដឹងថា លោក Dietrich បានបង្កើតក្រុមហ៊ុន Red Bull នេះឡើង ជាមួយពាណិជ្ជករជនជាតិថៃម្នាក់ទៀត គឺលោក Chaleo Yoovidhya ដែលកាប់កាន់ភាគហ៊ុនចំនួន ៤៩% និង ២% ផ្សេងទៀត គ្រប់គ្រងដោយកូនប្រុសច្បងរបស់លោក ឈ្មោះ Chalerm ដែលបច្ចុប្បន្នក៏ជាមហាសេដ្ឋីម្នាក់ផងដែរ។

មុនពេលឪពុករបស់គាត់បានទទួលមរណភាពក្នុងវ័យ ៧៨ឆ្នាំ Mateschitz បានចូលទៅកាន់តំណែងជាប្រធានផ្នែករបស់ Red Bull ប៉ុន្តែក្រោយមកបានប្រកាសលាលែងពីតំណែងវិញ ដោយសារតែលោកមិនចង់ធ្វើការជាបុគ្គលិកផង និងជាម្ចាស់ភាគហ៊ុនផង ក្នុងក្រុមហ៊ុនតែមួយឡើយ។

ជម្រាបជូនផងដែរថា ចាប់តាំងពីការចេញលក់ដំបូងមក ភេសជ្ជ: Red Bull ច្រើនជាង ១០០ ពាន់លានកំប៉ុងត្រូវបានលក់ទូទាំងពិភពលោក រួមទាំងការលក់បានជាង ១២ ពាន់លានកំប៉ុង នៅឆ្នាំ ២០២៣ ខណៈអាចរកប្រាក់ចំណូលសរុបបានរហូតទៅ ១១,៦ពាន់លានដុល្លារ កាលពីឆ្នាំមុនផងដែរ៕

The post មកស្គាល់មហាសេដ្ឋីវ័យក្មេង ជាទាយាទស្នងតំណែងក្នុងក្រុមហ៊ុនភេសជ្ជ:កំពូល Red Bull appeared first on .

លោក Clemente Del Vecchio ជាប់ឈ្មោះក្នុងបញ្ជីមហាសេដ្ឋីមានវ័យក្មេងជាងគេបំផុត ដោយបច្ចុប្បន្នមានវ័យត្រឹម ១៩ឆ្នាំ និងមានទ្រព្យសម្បត្តិសុទ្ធចំនួន ៤,១ពាន់លានដុល្លារ ក្រោយរូបគេទទួលបានមរតកភាគហ៊ុន ចំនួន ១២,៥% នៅក្នុងក្រុមហ៊ុនឪពុករបស់ខ្លួន គឺលោក Leonardo Del Vecchio ដែលជាម្ចាស់អាជីវកម្មម៉ាកយីហោវ៉ែនតាធំបំផុតរបស់ពិភពលោក Essilor Luxottica​។

ចំណែកឯចំណាត់ថ្នាក់លេខ២ បានទៅលើ Kim Jung-youn សញ្ជាតិកូរ៉េខាងត្បូង ដែលបច្ចុប្បន្នមានវ័យ ២០ឆ្នាំ កំពុងកាន់កាប់ភាគហ៊ុនចំណែកធំ នៅក្នុងក្រុមហ៊ុនហ្គេមអនឡាញ Nexon របស់ឪពុកខ្លួនដែលបានចែកឋានទៅ និងមានទ្រព្យសម្បត្តិសរុប ១,៧ពាន់លានដុល្លារ។

ទន្ទឹមនឹងនេះ Kevin David Lehmann ដែលមានវ័យ ២១ឆ្នាំគឺជាមហាសេដ្ឋីវ័យក្មេងបំផុតទី៣ នៅក្នុងបញ្ជីនេះ ដែលមានទ្រព្យសម្បត្តិសុទ្ធសរុបប្រមាណ ២,៥ពាន់លានដុល្លារ ដោយចំណូលធំបំផុតរបស់ខ្លួន គឺទទួលបានពីការកាន់ភាគហ៊ុន នៅក្នុងក្រុមហ៊ុនខ្សែសង្វាក់ហាងលក់ឱសថធំបំផុត ក្នុងប្រទេសអាល្លឺម៉ង់។

បងស្រីរបស់ Kim Jung-youn គឺអ្នកនាង Kim Jung-min ដែលមានអាយុ ២២ឆ្នាំ ជាប់ចំណាត់ថ្នាក់លេខ៤ ក្នុងបញ្ជីមហាសេដ្ឋីវ័យក្មេងបំផុតនេះផងដែរ បន្ទាប់ពីទទួលបានភាគហ៊ុនសរុបប្រហែល ៣១% នៅក្នុងក្រុមហ៊ុនហ្គេមអនឡាញ Nexon ជាមួយទ្រព្យសម្បត្តិសរុប ១,៧ពាន់លានដុល្លារ ។

ចំពោះចំណាត់ថ្នាក់ចុងក្រោយទី៥ ក្នុងបញ្ជីមហាសេដ្ឋីវ័យក្មេងបំផុតនេះ គឺបានទៅលើ Luca Del Vecchio វ័យ ២២ឆ្នាំ​ ដែលជាបងប្រុសរបស់ Clemente Del Vecchio ដោយរូបគេក៏ទទួលបានមរតកភាគហ៊ុនពីក្រុមហ៊ុនវ៉ែនតារបស់ឪពុកខ្លួនចំនួន ១២,៥% ផងដែរ និងមានទ្រព្យសម្បត្តិសរុបប្រមាណ ៤,១ពាន់លានដុល្លារ៕

The post មកស្គាល់មហាសេដ្ឋីមានវ័យក្មេងបំផុតទាំង៥ នៅលើពិភពលោក appeared first on .

យោងតាមការចុះផ្សាយពីសារព័ត៌មាន PressGazette បានបង្ហាញថា ក្រុមវិនិយោគ​ដឹកនាំ​ដោយ​មហាសេដ្ឋីអាមេរិកម្នាក់នេះ បរាជ័យក្នុងការបង់ប្រាក់តាមថ្ងៃកំណត់ ជាមួយក្រុមហ៊ុន Forbes ប្រមាណ ៨០០លានដុល្លារ ដែលធ្វើឲ្យកិច្ចព្រមព្រៀងត្រូវបានលុបចោល។

ជាមួយគ្នា លោក Federle បាននិយាយថា ការលុបចោលនៃកិច្ចព្រមព្រៀងមួយនេះ មិនបានធ្វើឲ្យ​ប៉ះពាល់ដល់ប្រតិបត្តិការប្រចាំថ្ងៃរបស់ក្រុមហ៊ុនឡើយ ប៉ុន្តែក្រុមហ៊ុននៅតែប្រកាន់ជំហររឹងមាំ និងធ្វើឲ្យក្រុមហ៊ុនលំដាប់អន្តរជាតិមួយនេះ កាន់តែតម្លៃលើសមុនថែមទៀត។

គួររំលឹកបន្តិចថា កាលពីពាក់កណ្ដាលខែឧសភា មហាសេដ្ឋីវ័យក្មេង Austin Russell ធ្លាប់បានបង្ហើបថា លោកមានបំណងទិញយកភាគហ៊ុន Forbes ដើម្បីក្លាយជាអ្នកសម្រេចចិត្តធំ​ប្រចាំក្រុមហ៊ុន ពោលបើសិនជាកិច្ចព្រមព្រៀងតម្លៃ ៨០០លានដុល្លារនេះ អាចជោគជ័យ នោះលោកនឹងកាន់កាប់ភាគហ៊ុនសរុប ៨២% នៅក្រុមហ៊ុន Forbes Global Media Holdings។

យ៉ាងណា បច្ចុប្បន្នកិច្ចព្រមព្រៀងមួយនោះត្រូវបានលុបចោល ខណៈបច្ចុប្បន្ន​ម្ចាស់ក្រុមហ៊ុន ដែលមានអាយុកាល ១០៦ឆ្នាំ គឺជាក្រុមហ៊ុនមានមូលដ្ឋាននៅហុងកុង ឈ្មោះថា Integrated Whale Media Investments ដែលបានទិញយកភាគហ៊ុនក្រុមហ៊ុន Forbes ប្រមាណ ៩៥% តាំងពីឆ្នាំ២០១៤៕

The post មហាសេដ្ឋីវ័យក្មេង បរាជ័យក្នុងការទិញភាគហ៊ុនមួយចំណែកធំនៅក្រុមហ៊ុន Forbes appeared first on .

យោងតាមបទសម្ភាសន៍ជាមួយនឹងសារព័ត៌មាន CNBC Make It មហាសេដ្ឋីវ័យ ២៨ឆ្នាំលោក Austin Aussell លើកឡើងថា៖ បើសិនជាអ្នកមានចាប់ផ្ដើមឆ្ងល់ថា តើអ្នកគួរតែបោះបង់ការសិក្សាដែរទេ? អ្នកធ្វើវាចុះ ព្រោះបើអ្នកនៅតែមានគំនិតបែបនេះ វាគង់តែកើតឡើងដដែល ដូច្នេះយកពេលវេលាមកធ្វើអ្វីដែលមានប្រយោជន៍ឱ្យហើយទៅ។

ស្ថាបនិកក្រុមហ៊ុន Luminar Technologies រូបនេះ បានបន្ថែមទៀតថា ការសិក្សានៅមហាវិទ្យាល័យមិនមែនសម្រាប់មនុស្សគ្រប់គ្នាទេ វាគ្រាន់តែជាគំនិតចាស់បុរាណ ដែលកំណត់ឲ្យគ្រប់គ្នាធ្វើប៉ុណ្ណោះ។ បច្ចុប្បន្ន គ្រប់ព័ត៌មានទាំងអស់ស្ថិតនៅលើម្រាមដៃយើង និងមាននៅលើអ៊ីនធឺណិត ខុសគ្នាកាលពី ៥០ឆ្នាំមុន ដែលតម្រូវឱ្យគ្រប់គ្នាត្រូវតែរៀននៅមហាវិទ្យាល័យ។

សូមជម្រាបបន្តិចថា មហាសេដ្ឋី Austin Russell បានបោះបង់ការសិក្សានៅមហាវិទ្យាល័យ Stanford University កាលពីឆ្នាំ ២០១២ និងចាប់ផ្ដើមបង្កើតអាជីវកម្មលើវិស័យបច្ចេកវិទ្យា គឺក្រុមហ៊ុន Luminar Technologies ខណៈបច្ចុប្បន្នមហាសេដ្ឋីវ័យ ២៨ឆ្នាំរូបនេះ មានទ្រព្យសម្បត្តិប្រមាណ ១,៦ពាន់លានដុល្លារ៕

The post មហាសេដ្ឋីវ័យក្មេងម្នាក់ ជំរុញឱ្យបោះបង់ការសិក្សា ក្រោមហេតុផលមួយ appeared first on .

យោងតាមការចុះផ្សាយពីគេហទំព័រ Forbes បានបង្ហាញថា យុវជន Clemente Del Vecchio ដែល​ទើប​មានវ័យ ១៩ឆ្នាំ បានឈរនៅកំពូលតារាងជា​មហាសេដ្ឋីវ័យក្មេងបំផុតលើលោក បន្ទាប់ពី​គេ​ក្លាយជា​អ្នកស្នងមរតក​ត្រកូល Del Vecchio និងមានទ្រព្យសម្បត្តិជិត ៤ពាន់លានដុល្លារ។

ខាងក្រោមនេះគឺជាបញ្ជីឈ្មោះ​មហាសេដ្ឋីវ័យក្មេងបំផុតលើលោកទាំង ១០រូប ផ្អែកតាម​របាយការណ៍ពី Forbes៖

1/ Clemente Del Vecchio វ័យ ១៩ឆ្នាំ អ្នកស្នងមរតកជនជាតិអ៊ីតាលី មានទ្រព្យសម្បត្តិ ៣,៩ពាន់លានដុល្លារ

2/ Kim Jung-youn វ័យ ១៩ឆ្នាំ អ្នកស្នងមរតកជនជាតិកូរ៉េខាងត្បូង មានទ្រព្យសម្បត្តិ ១,២ពាន់លានដុល្លារ

3/ Kevin David Lehmann វ័យ ២០ឆ្នាំ អ្នកស្នងមរតកជនជាតិអាល្លឺម៉ង់ មានទ្រព្យសម្បត្តិ ២,៦ពាន់លានដុល្លារ

4/ Luca Del Vecchio វ័យ ២១ឆ្នាំ អ្នកស្នងមរតកជនជាតិអ៊ីតាលី មានទ្រព្យសម្បត្តិ ៣,៩ពាន់លានដុល្លារ

5/ Kim Jung-min វ័យ ២១ឆ្នាំ អ្នកស្នងមរតកជនជាតិកូរ៉េខាងត្បូង មានទ្រព្យសម្បត្តិ ១,២ពាន់លានដុល្លារ

6/ Alexandra Andresen វ័យ ២៦ឆ្នាំ អ្នកស្នងមរតកជនជាតិន័រវែស មានទ្រព្យសម្បត្តិ ១,៥ពាន់លានដុល្លារ

7/ Wang Zelong វ័យ ២៦ឆ្នាំ មានទ្រព្យសម្បត្តិ ១,១ពាន់លានដុល្លារ

8/ Leonardo Maria Del Vecchio វ័យ ២៨ឆ្នាំ អ្នកស្នងមរតកជនជាតិអ៊ីតាលី មានទ្រព្យសម្បត្តិ ៣,៩ពាន់លានដុល្លារ

9/ Katharina Andresen វ័យ ២៨ឆ្នាំ អ្នកស្នងមរតកជនជាតិន័រវែស មានទ្រព្យសម្បត្តិ ១,៥ពាន់លានដុល្លារ

10/ Ryan Breslow វ័យ ២៩ឆ្នាំ មានទ្រព្យសម្បត្តិ ១,១ពាន់លានដុល្លារ

សូមជម្រាបដែរថា ដោយសារតែមហាសេដ្ឋីខ្លះមានវ័យក្មេងពេក ដូច្នេះព័ត៌មានទាក់ទងនឹងពួកគេ គឺពិបាកស្វែងរកខ្លាំង តួយ៉ាងដូចជា​មហាសេដ្ឋី័វ័យក្មេងកូរ៉េខាងត្បូងជាដើម ដែលសូម្បីតែរូបភាព ក៏ពិបាកស្វែងរកនៅលើ​ប្រព័ន្ធអ៊ីនធឺណិតថែមទៀត៕

The post បុគ្គលវ័យក្មេង១០នាក់ វ័យមិនដល់៣០ឆ្នាំផង ក្លាយជាមហាសេដ្ឋីមានលុយពាន់លានដុល្លារ appeared first on .

មិនទាន់​សម្រេច​ពាក្យ​សន្យា​ផង Sam ស្រាប់តែ​ជួប​រឿង​ស៊យ​បំផុត​មួយ គឺ​ទ្រព្យសម្បត្តិ​របស់​គេ​បាន​រលាយ​ត្រឹម​មួយ​ប៉ប្រិច​ភ្នែក ក្រោយ​ក្រុមហ៊ុន FTX ជាក្រុមហ៊ុន​ជួញដូរ​រូបិយវត្ថុ​ឌីជីថល​ធំ​បំផុត​មួយ ប្រកាស​ក្ស័យធន​កាលពីពេលថ្មីៗ។

យោងតាម​ការចុះផ្សាយពី Legit បាន​បង្ហាញ​ថា ត្រឹម​រយៈពេល ៨ ខែប៉ុណ្ណោះ ដែលទ្រព្យសម្បត្តិ​របស់​បុរស​វ័យ ៣០ ឆ្នាំ របូត​ពីជាង ២៦ ពាន់​លាន​ដុល្លារ មកដល់​ចំណុចសូន្យ​គិត​ត្រឹម​ថ្ងៃទី ១១ ​វិច្ឆិកា ២០២២។

សូមជម្រាបដែរថា ការប្រកាសក្ស័យធន​របស់ FTX ធ្វើឡើង បន្ទាប់​ពី​ Sam ប្រកាស​ចុះចេញ​ពី​តំណែងជា CEO ហើយ​បច្ចុប្បន្ន​នេះ​ទាំង Forbes និង Bloomberg បានដក​ឈ្មោះ​របស់​គេ​ចេញ​ពី​បញ្ជី​មហាសេដ្ឋី​ពិភពលោក​ទៀតផង៕

The post ពីមហាសេដ្ឋីវ័យក្មេងបំផុត Sam Bankman-Fried ធ្លាក់ខ្លួនដល់ចំណុចសូន្យត្រឹមមួយប៉ប្រិចភ្នែក appeared first on .

យោង​តាម​ការ​ចុះ​ផ្សាយ​ពី Economictimes បាន​ឲ្យ​ដឹង​ថា Kim Jung-youn គឺ​ជា​កូនស្រី​របស់​ស្ថាបនិក Nexon លោក Kim Jung-ju ដែល​បាន​ចែកឋាន​ទៅ​កាលពី​ខែកុម្ភៈ​ ក្នុង​អាយុ ៥៤ ឆ្នាំ ហើយ​ក៏​បាន​បន្សល់​ទុក​ទ្រព្យសម្បត្តិ​រាប់ពាន់​លាន​ដុល្លារ​ដល់​កូនស្រី និង​ភរិយា​ផងដែរ។

ដោយឡែក បើ​តាម​​ Forbes វិញ​ក៏​បាន​រាយការណ៍​បន្ថែម​ដែរ​ថា ភរិយា​របស់​លោក Kim គឺ​បាន​ក្លាយជា​មហាសេដ្ឋី​មុនពេល​លោកចែកឋាន​ទៅ​ទៀត ដ្បិត​អ្នកស្រី​មាន​ភាគហ៊ុន​ធំ​បំផុត​មួយ​នៅ​ក្រុមហ៊ុន។

ចំណែក​ឯ​ទ្រព្យសម្បត្តិ​ដែល​កូនស្រី​លោក Kim នឹង​ទទួល​បាន​គឺ​មាន​ប្រហែល ២,៥ ពាន់​លាន​ដុល្លារ ប៉ុន្តែ​ដោយសារ​ពន្ធ​នៃ​ច្បាប់​ផ្ទេរមរតក​គឺ​មាន​ទំហំ​ធំធេង ពោល​គឺ​ត្រូវ​បង់ពន្ធ​ប្រមាណ ១,៥ ពាន់​លាន​ដុល្លារ ដូច្នេះ​ទ្រព្យសម្បត្តិ​ដែល​នៅ​សេសសល់​គឺ​ប្រមាណ ១ ពាន់​លាន​ដុល្លារ។

សូមជម្រាប​ដែរ​ថា ​កញ្ញា Kim Jong-youn គឺ​ជា​មនុស្ស​មាន​ឯកជន​ភាព​តឹងរ៉ឹង​បំផុត សូម្បី​តែ​ព័ត៌មាន​ផ្ទាល់ខ្លួន​​របស់នាង​ក៏​ពិបាក​ក្នុងការ​ស្វែងរកលើ​ប្រព័ន្ធ​អ៊ីនធឺណិត​ផងដែរ៕​

The post យុវតីស្នងមរតក Nexon ក្លាយជាមហាសេដ្ឋីវ័យក្មេង​បំផុតលើលោក ត្រឹមវ័យ ១៨ ឆ្នាំ appeared first on .

ស្ថិត​ក្នុង​វ័យ ២៥ ឆ្នាំ Wang គឺ​មាន​ទ្រព្យសម្បត្តិ​ប្រមាណ ១ ពាន់​លាន​ដុល្លារ និង​ជា​សហ​ស្ថាបនិក​ក្រុមហ៊ុន Scale Labs ដែល​មាន​ភារកិច្ច​ផ្ដល់​សេវាកម្ម​ផ្នែក AI យ៉ាង​មាន​ជំនាញ ហើយ​ក៏​កំពុង​ត្រូវ​បាន​ប្រើប្រាស់​នៅ​ក្រុមហ៊ុន​ធំៗ​នៅ​អាមេរិក ក៏​ដូចជា​កំពុង​ប្រើប្រាស់​ដោយ​រដ្ឋាភិបាល​ថែម​ទៀត​ផង។ នេះ​បើតាម​ការ​ចុះ​ផ្សាយ​ពី Forbes។​

ប្រភព​ខាងលើ​បាន​បន្ថែម​ទៀត​ថា បច្ចុប្បន្ន Wang គឺ​មាន​កុងត្រា​ជាមួយ​រដ្ឋាភិបាល​តម្លៃ ១១០ លាន​ដុល្លារ ស្របពេល​នៅ Scale Labs យុវជន​ម្នាក់​នេះ​ក៏​មាន​ចំណែក​ភាគហ៊ុន​សរុប ១៥% ផង​ដែរ។

យ៉ាងណា​ មុន​នឹង​ឈាន​មក​ដល់​ចំណុច​មួយ​នេះ Wang ធ្លាប់​កុហក​ឪពុក​ម្ដាយ​អំពី​ការ​សិក្សា ពោល​នៅ​វ័យ ១៩ ឆ្នាំ Wang បាន​បោះបង់​ការ​សិក្សា ប៉ុន្តែ​មិន​បាន​ជូន​ដំណឹង​មួយ​នេះ​ទៅ​កាន់​ក្រុម​គ្រួសារ​ឡើយ រហូត​ដល់​សមិទ្ធផល​នៃ​គម្រោងការ​ដែល​គេ​សំងំ​ផលិត​ទទួល​បាន​ជោគជ័យ​ខ្លាំង ទើប​ដាច់ចិត្ត​ទម្លាយ​ដំណឹង​មួយ​នេះ​ដល់​ក្រុម​គ្រួសារ។

យោង​តាម​ការ​ចុះ​ផ្សាយ​ពី UNILAD បាន​ឲ្យ​ដឹង​ថា សកល​វិទ្យាល័យ​ដែល Wang សម្រេច​បោះបង់​ការ​សិក្សា​គឺ​ជា Top University មួយ​នៅ​លើ​ពិភពលោក MIT ដែល​មាន​ទីតាំង​នៅ Cambridge ចក្រភព​អង់គ្លេស ដែល​សកលវិទ្យាល័យ​មួយ​នេះ​ជំនាញ​ខ្លាំង​លើ​មុខវិជ្ជា​គណិតវិទ្យា បច្ចេកវិទ្យា និង​លើ​វិស័យ​វិទ្យាសាស្ត្រ​ផ្សេងៗ។

ប៉ុន្តែ​អាច​និយាយ​បាន​ថា ដោយសារ​មាន​មហិច្ឆតា គួបផ្សំ​នឹង​ការ​ស្រលាញ់​ចូលចិត្ត​បច្ចេកវិទ្យា​ពី​ក្មេង​ផង Wang សម្រេចចិត្ត​បោះបង់​ការ​សិក្សា​ត្រឹម​វ័យ ១៩ ឆ្នាំ តាមចាប់​ក្ដី​ស្រមៃ បង្កើត​ក្រុមហ៊ុន Scale AI ដែល​បច្ចុប្បន្ន​កំពុង​ទទួល​បាន​ការ​គាំទ្រ​ខ្លាំង រួមទាំង​ត្រូវ​បាន​ប្រើប្រាស់​លើ​វិស័យ​យោធា​អាមេរិក​ផង។

បញ្ជាក់​ដែរ​ថា បច្ចេកវិទ្យា​ Scale AI អាច​មាន​សមត្ថភាព​ធ្វើការ​វិនិច្ឆ័យ​តាម​រយៈ​ផ្កាយ​រណប​បាន​លឿន​ជាង​មនុស្ស សម្រាប់​ការ​ដឹង​ដំណឹង​អំពី​ភាព​ខូចខាត​នៃ​សង្គ្រាម​រវាង​រុស្ស៊ី-អ៊ុយក្រែន ហើយ​ក្រៅពី​កំពុង​ប្រើប្រាស់​ដោយ​រដ្ឋាភិបាល វា​ក៏​កំពុង​ត្រូវ​បាន​ប្រើប្រាស់​ដោយ​ក្រុមហ៊ុន​ច្រើនជាង ៣០០ ផង​ដែរ​ដែរ រាប់​បញ្ចូល​ទាំង​ក្រុមហ៊ុន​យក្ស​ដូចជា General Motors និង Flexport៕

The post អាយុ ១៩ ឆ្នាំបោះបង់​ការ​សិក្សា​ ៦ ឆ្នាំក្រោយក្លាយ​ជា​មហាសេដ្ឋី​វ័យក្មេង​បំផុត​លើ​លោក appeared first on .

10/ Jonathan Kwok

ស្ថិត​នៅ​ក្នុង​វ័យ ២៩ ឆ្នាំ បុរស​ម្នាក់​នេះ​មាន​ទ្រព្យសម្បត្តិ​ប្រមាណ ២,៤ ពាន់​លាន​ដុល្លារ ខណៈ​លោក​គឺ​ជា​អ្នកជំនួញ​អចលនទ្រព្យ​នៅ​ហុងកុង ដែល​បន្ត​អាជីវកម្ម​ពី​ឪពុក​ដែល​ជា​ស្ដេចត្រាញ់​លើ​វិស័យ​មួយនេះ។

9/ Sam Bankman-Fried

មហាសេដ្ឋី​រូប​នេះ​វិញ​ក៏​ធ្លាប់​ត្រូវបាន​ឧកញ៉ាញូវសន៍​ចុះផ្សាយ​ម្ដង​ដែរ ពី​សកម្មភាព​សប្បុរសធម៌​ និង​ជីវភាព​រស់នៅ​យ៉ាង​សាមញ្ញ​របស់​លោក។ ក្នុង​នាម​ជា​ស្ថាបនិក​ក្រុមហ៊ុន​ជួញដូរ​កាក់​ឌីជីថល FTX បុរស​វ័យ ២៩ ឆ្នាំ​មាន​ទ្រព្យ​សម្បត្តិ ៨,៧ ពាន់​លាន​ដុល្លារ។

8/ Stanley Tang

ចំណែក​សហគ្រិន​រូបនេះ​វិញ​គឺ​ជា​សហ​ស្ថាបនិក និង​ជា​ប្រធាន​ផ្នែក​ផលិត​នៃ​ក្រុមហ៊ុន​ដឹកជញ្ជូន​អាហារ​ឈានមុខគេ​នៅ​អាមេរិក Doordash។ ស្ថិតនៅ​ក្នុង​វ័យ ២៨ ឆ្នាំ​បុរស​ដែល​មាន​ដើម​កំណើត​នៅ​ហុងកុង​ក្ដោបក្ដាប់​ទ្រព្យសម្បត្តិ​ប្រមាណ ២ ពាន់​លាន​ដុល្លារ។

7/ Andy Fang

កូនកាត់​ចិន​អាមេរិក​វ័យ ២៨​ឆ្នាំ​ម្នាក់​នេះ​ជា​ដៃគូ​ជាមួយ​នឹង Stanley ដែល​បាន​បង្កើត​ក្រុមហ៊ុន Doordash ហើយ​បានជាប់​ឈ្មោះ​នៅ​តារាង​មហាសេដ្ឋី​វ័យក្មេង​បំផុត​ទី ៧ ជា​មួយ​ទ្រព្យសម្បត្តិ​ប្រមាណ ២ ពាន់​លាន​ដុល្លារ។

6/ Gustav Magnar Witzoe

បុរស​ដែល​ឈរ​នៅ​ចំណាត់ថ្នាក់​លេខ ៦ ម្នាក់​នេះ​គឺ​​មាន​អាជីវកម្ម​ច្រើន​មុខ​រាប់​បញ្ចូល​តាំងពី​តារា​បង្ហាញម៉ូដ សហគ្រិន និង​ថែម​ទាំង​ជា​អ្នក​ស្នងតំណែង​នៃ​គ្រួសារ​មហាសេដ្ឋី​ត្រកូល Gustav ទៀត​ផង។ បច្ចុប្បន្ន លោក​មាន​ទ្រព្យសម្បត្តិ​ប្រមាណ ៤,៤ ពាន់​លាន​ដុល្លារ​ដែល​បាន​មក​ពី​កសិដ្ឋាន​ចិញ្ចឹមត្រី។

5/ Austin Russel

អតីត​និស្សិត​ឈប់​រៀន​ពី​សកលវិទ្យាល័យ Stanford ម្នាក់​នេះ គឺ​ជា​ម្ចាស់​និង​ជា CEO ក្រុមហ៊ុន​បង្កើត​បច្ចេកវិទ្យា​ចាប់ Sensor រថយន្ត​ទំនើប​ដែល​ធ្លាប់​លឺ​ចចាមអារ៉ាម​ថា​សូម្បី​តែ Elon Musk ក៏​ចាប់​អារម្មណ៍​នឹង​បច្ចេកវិទ្យា​នេះ​ដូចគ្នា។ ស្ថិត​នៅ​ក្នុង​វ័យ ២៥ ឆ្នាំ​បុរស​ម្នាក់នេះ​មាន​ទ្រព្យ​សម្បត្តិ​ប្រមាណ ២,៤ ពាន់​លាន​ដុល្លារ។​

4/ Katharina Andresen

នារី​ដំបូង​នៅ​ក្នុង​បញ្ជី​មួយ​នេះ​គឺ​មាន​ដើមកំណើត​ពី​ប្រទេស​ន័រវែស​ និង​មាន​ទ្រព្យសម្បត្តិ​ប្រមាណ ១,៤ ពាន់​លាន​ដុល្លារ ដែល​ជា​ការ​ស្នង​មរតក​ពី​ឪពុក​របស់​នាង ខណៈ​វា​គឺ​ជា​ការ​បណ្ដាក់ទុន​ជាមួយ​ក្រុមហ៊ុន​តម្លៃ​រាប់ពាន់​លាន​ដុល្លារ​ឈ្មោះ Ferd។

3/ Alexandra Andreson

ជា​ប្អូនស្រី​របស់ Katharina ដែល​មាន​ទ្រព្យសម្បត្តិ​ដូច​ទៅ​នឹង​បងស្រី ១,៤ ពាន់​លាន​ដុល្លារ​ដែល​មាន​ការ​បណ្ដាក់ទុន​នៅ​ក្រុមហ៊ុន​ជាមួយ​គ្នា Ferd និង​មាន​អត្រា​ចំណូល​ប្រចាំឆ្នាំ​ប្រហែល ២ ពាន់​លាន​ដុល្លារ។

2/ Wang Zelong

មហាសេដ្ឋី​វ័យក្មេង​បំផុត​ទី ២ លើ​លោក​គឺ​មាន​ដើម​កំណើត​ពី​ប្រទេស​ចិន ហើយ​ស្ថិតនៅ​ក្នុងវ័យ ២៤ ឆ្នាំ​បុរស​ម្នាក់នេះ​មាន​ទ្រព្យសម្បត្តិ​ប្រមាណ ១,៥ ពាន់​លាន​ដុល្លារ ខណៈ​ប្រភព​ចំណូល​ធំ​របស់​លោក​គឺ​បាន​មក​ពី​រោងចក្រ​ផលិត​សារធាតុ​ពណ៌​ទីតាញ៉ូម​ឌីអុកស៊ីត​នៅ​ចិន។

1/ Kevin David Lehman

ងារ​ជា​មហាសេដ្ឋី​វ័យក្មេង​បំផុត​លើ​លោក​គឺ​ជា​យុវជន​វ័យ ១៨ ឆ្នាំ​ដែល​មាន​ទ្រព្យសម្បត្តិ​ប្រមាណ ៣,៣ ពាន់​លាន​ដុល្លារ ដែល​បាន​មក​ពី​ចំណែក​ភាគហ៊ុន​ពាក់កណ្ដាល​ដែល​ឪពុក​របស់​គេ​បាន​ផ្ដល់​ឲ្យ​ជា​កាដូ​នៅ​ថ្ងៃខួប​ ១៤ ឆ្នាំ ហើយ​ទើប​នឹង​មាន​សិទ្ធ​កាន់កាប់​កាលពី​ឆ្នាំ ២០២០។ ភាគហ៊ុន​របស់ Kevin គឺ​ជា​ក្រុមហ៊ុន​លក់​ឱសធ​ធំ​មួយ​មាន​ឈ្មោះ​ថា Drogerie Markt៕

ប្រភព: sentinelassam

The post ណែនាំ​ឲ្យស្គាល់​មហាសេដ្ឋី​វ័យ​ក្មេង ១០ នាក់ វ័យ​មិន​ដល់​ឆ្នាំ​ ៣០ ផង ក្លាយ​ជា​មហាសេដ្ឋី​មានលុយពាន់​លាន​ដុល្លារ appeared first on .