មេដឹកនាំកូរ៉េខាងជើង បានធ្វើការកត់សម្គាល់នេះនៅក្នុង​លិខិត​​ឆ្លើយតបមួយកាលពីថ្ងៃទី២៤មីនា ដោយ​បាន​​លើក​ឡើង​​ថា​​ «ខ្ញុំសូមថ្លែងអំណរគុណយ៉ាងស្មោះស្ម័គ្រចំពោះអ្នក សម្រាប់ការផ្ញើការអបអរសាទរយ៉ាងកក់ក្តៅ និងស្មោះ​ស​​ ចំពោះការចូលកាន់តំណែងកំពូល​របស់ខ្ញុំ ក្នុងនាមជាប្រធាននៃគណៈកម្មការកិច្ចការរដ្ឋ សម្រាប់​អាណត្តិទី៣​»។

លោក គីម ជុងអ៊ុន បានបន្ត​​​ក្នុង​លិខិត​នោះ​ថា«​សព្វថ្ងៃនេះ កូរ៉េខាងជើង និងរុស្ស៊ីកំពុងសហការគ្នាយ៉ាងជិតស្និទ្ធរួច​​​ហើយ​ដើម្បីការពារអធិបតេយ្យភាពក្នុងប្រទេសទាំងពីរ។ ទីក្រុងព្យុងយ៉ាងនឹងនៅជាមួយទីក្រុងមូស្គូជានិច្ច ហើយនេះជាជម្រើស និងឆន្ទៈដ៏រឹងមាំរបស់យើង»​។

​មេ​ដឹកនាំ​កូរ៉េខាងជើង ជឿជាក់ថា ទំនាក់ទំនងរឹងមាំ និងការជឿទុកចិត្តរវាងពួកគេនឹងធានា​បាន​នូវភាពធន់ និងគោល​បំណង​នាពេលអនាគត រវាងកូរ៉េខាងជើង និងរុស្ស៊ី និងលើកកម្ពស់ការអភិវឌ្ឍ និងសុខុមាលភាព​​​ប្រកបដោយ​ភាព​សុខដុម​​របស់ប្រជាជននៃប្រទេសទាំងពីរ។

ទំនាក់ទំនងរវាងប្រទេសទាំងពីរកាន់តែជិតស្និទ្ធគ្នា ចាប់តាំងពីការឈ្លានពានរបស់ទីក្រុងមូស្គូលើ​ប្រទេស​អ៊ុយក្រែន កាលពីដើម​ឆ្នាំ ២០២២ ដោយទីក្រុងព្យុងយ៉ាង បានបញ្ជូនកងទ័ពជើងគោក និងប្រព័ន្ធអាវុធដើម្បីជួយដល់កិច្ចខិតខំប្រឹងប្រែងក្នុងសង្គ្រាមរបស់រុស្ស៊ី។ អ្នកវិភាគ លើក​ឡើង​​ថា ជំនួយនេះត្រូវបានផ្តល់ជូនជាថ្នូរនឹងការផ្គត់ផ្គង់បច្ចេកវិទ្យាស្បៀងអាហារ និងអាវុធរបស់រុស្ស៊ី​មក​កាន់​កូរ៉េខាង​ជើង​​៕

The post មេដឹកនាំ​កូរ៉េខាងជើង ប្ដេជ្ញាគាំទ្ររុស្ស៊ី​​គ្រប់សកម្មភាព ក្រោយពូទីនផ្ញើសារអបអរការ​​បន្តកាន់អំណាច​ appeared first on .