ពិធីជប់លៀងសាយភោជន៍ពីនាយករដ្ឋមន្រ្តីជប៉ុនសម្រាប់ស្វាគមន៍វត្តមានប្រមុខរដ្ឋ និងមេដឹកនាំប្រទេសអាស៊ាន នាពេលនេះសង្កេតឃើញមានឥស្សរជនមួយចំនួនត្រូវបានអមដំណើរដោយស្រ្តីទី១ (ភរិយា) ចូលរួមក្នុងពិធីដ៏ឱឡារិកនេះ រួមទាំងរៀបចំការថតរូបអនុស្សាវរីយ៍ជុំគ្នាផងដែរ។

មេដឹកនាំប្រទេសអាស៊ានចំនួន ៥ដែលអមដំណើរដោយស្រ្តីទី១ រួមមាន៖ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត, នាយករដ្ឋមន្ត្រីសិង្ហបុរី លោក Lee Hsien Loong និងលោកស្រី Ho Ching, ប្រធានាធិបតីហ្វីលីពីន លោក Ferdinand Marcos Jr. និងលោកស្រី Liza Araneta Marcos, នាយករដ្ឋមន្ត្រីម៉ាឡេស៊ី លោក Anwar Ibrahim និងលោកស្រី Datuk Seri Dr Wan Azizah Wan Ismail, នាយករដ្ឋមន្ត្រីឡាវ លោក សនសៃ ស៊ីផាន់ដន និងលោកស្រី Vandara Siphandone ។

ចំណែក នាយករដ្ឋមន្ត្រីវៀតណាម លោក Pham Minh Chinh, នាយករដ្ឋមន្ត្រីថៃ លោក Srettha Thavisin, ប្រធានាធិបតីឥណ្ឌូណេស៊ី លោក ចូកូ វីដូដូ គឺត្រូវបាននាំយកភរិយាទៅចូលរួមឡើយ ខណៈនាយករដ្ឋមន្ត្រីប្រ៊ុយណេ ស្ដេចស៊ុលតង់ Hassanal Bolkiah ត្រូវបានអមព្រះរាជដំណើរដោយព្រះរាជបុត្រ ព្រះអង្គម្ចាស់ Abdul Mateen ។

ដោយឡែកសម្រាប់ប្រទេសមីយ៉ាន់ម៉ា ដែលកំពុងមានវិបត្តិសង្គ្រាមស៊ីវិល គឺមិនទទួលបានការអញ្ជើញចូលរួមឡើយ ខណៈប្រទេសទីម័រខាងកើតចូលរួមក្នុងនាមជាអ្នកសង្កេត ក៏មិនត្រូវបានអមដំណើរដោយស្រ្តីទី១នោះដែរ។

សូមជម្រាបថា កិច្ចប្រជុំកំពូលរំលឹកខួបអនុស្សាវរីយ៍លើកទី៥០ អាស៊ាន-ជប៉ុន ធ្វើឡើងរយៈពេលពីថ្ងៃ គឺចាប់ពីថ្ងៃទី ១៦ ដល់ថ្ងៃទី១៨ ខែធ្នូ ឆ្នាំ ២០២៣ នៅទីក្រុងតូក្បូ ប្រទេសជប៉ុន៕

The post មេដឹកនាំប្រទេសអាស៊ានប៉ុន្មានរូប ត្រូវបានស្រ្តីទី១អមដំណើរចូលរួមពិធីជប់លៀងស្វាគមន៍ពីនាយករដ្ឋមន្ត្រីជប៉ុន appeared first on .

យោងតាមក្រសួងពាណិជ្ជកម្ម បានបញ្ជាក់ថា នៅក្នុងកិច្ចប្រជុំកំពូលនោះដែរ មេដឹកនាំអាស៊ានបានអនុម័តលើឯកសារសំខាន់ៗមួយចំនួនរួមមាន៖ ១)សេចក្តីប្រកាសថ្នាក់ដឹកនាំអាស៊ាន ស្តីពីការប្រយុទ្ធប្រឆាំង និងការជួញដូរមនុស្សដែលបង្កដោយការរំលោភបច្ចេកវិទ្យា។ ២)សេចក្តីថ្លែងការណ៍អាស៊ាន ស្ដីពីការគាំពារពលករចំណាកស្រុក និងសមាជិកគ្រួសារស្ថិតក្នុងស្ថានភាព។ ៣)សេចក្តីថ្លែងការណ៍អាស៊ាន ស្ដីពីគំនិតផ្តួចផ្តើមសុខភាពតែមួយ។ ៤)សេចក្តីប្រកាសព័ត៌មានរួមគ្នារបស់មេដឹកនាំអាស៊ាន ស្ដីពីការបង្កើតបណ្តាញភូមិអាស៊ាន។ ៥) សេចក្តីថ្លែងការណ៍រអាស៊ាន ស្ដីពីការបញ្ជូន និងការគាំពារអ្នកនេសាទចំណាកស្រុក។ ៦)សេចក្តីប្រកាសថ្នាក់ដឹកនាំអាស៊ាន ស្តីពីការអភិវឌ្ឍប្រព័ន្ធអេកូឡូស៊ីយានយន្តអគ្គិសនីតំបន់។ ៧) សេចក្តីប្រកាសថ្នាក់ដឹកនាំអាស៊ាន ស្តីពីការពន្លឿនការតភ្ជាប់ទូរទាត់តំបន់ និងការលើកកម្ពស់ការផ្ទេររូបីវត្ថុក្នុងស្រុក។ ៨)ផែនទីចង្អុលផ្លូវសម្រាប់សមាជិកភាពអាស៊ានពេញសិទ្ធិរបស់ទីម័រឡេស្ត។ ៩) សេចក្តីថ្លែងការណ៍ថ្នាក់ដឹកនាំអាស៊ាន ស្តីពីការពង្រឹងសមត្ថភាពអាស៊ាន និងប្រសិទ្ធភាពស្ថាប័ន និង ១០) សេចក្តីថ្លែងការណ៍ថ្នាក់ដឹកនាំអាស៊ានស្តីពីការរៀបចំចក្ខុវិស័យសហគមន៍អាស៊ានក្រោយឆ្នាំ២០២៥ ទស្សនវិស័យស្តីពីឥណ្ឌូ-ប៉ាស៊ីហ្វិក សសើរការងារដែលកំពុងបន្តដោយកិច្ចប្រជុំរដ្ឋមន្ត្រីការពារជាតិអាស៊ាន ក្នុងការរៀបចំឯកសារទស្សនទាន ស្តីពីការអនុវត្តទស្សនវិស័យស្តីពីឥណ្ឌូ-ប៉ាស៊ីហ្វិក ខាងទិដ្ឋភាពការពារប្រទេស ដោយមានគោលដៅលើកកម្ពស់តួនាទីស្នូល និងយុទ្ធសាស្ត្ររបស់អាស៊ាន ក្នុងការដោះស្រាយបញ្ហាប្រឈមផ្នែកសន្តិសុខរួមក្នុងតំបន់ ក៏ដូចជាពង្រឹងការភ្ជាប់ទំនាក់ទំនងជាមួយដៃគូខាងក្រៅ ដើម្បីជម្រុញវិធានការកសាងជំនឿទុកចិត្តគ្នា៕

អត្ថបទ៖សារេត

The post មេដឹកនាំអាស៊ាន បានអនុម័តលើឯកសារសំខាន់ៗចំនួន១០ ក្នុងកិច្ចប្រជុំកំពូលអាស៊ានលើកទី៤២ appeared first on .

សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា កិច្ចប្រជុំកំពូលអាស៊ានលើកទី៤២ និងកិច្ចប្រជុំកំពូលពាក់ព័ន្ធនៅប្រទេសឥណ្ឌូនេស៊ី ក្នុងក្របខ័ណ្ឌអាស៊ាននេះ គឺធ្វើក្រោមមូលបទ «សារៈសំខាន់អាស៊ាន៖ ស្នូលនៃកំណើន» ដែលនឹងប្រព្រឹត្តទៅពីថ្ងៃទី១០ដល់ទី១១ ខែឧសភា ឆ្នាំ២០២៣ នៅទីក្រុងឡាប៊ូនបាចូ សាធារណរដ្ឋឥណ្ឌូនេស៊ី។

នៅក្នុងកិច្ចប្រជុំនេះ សម្តេតេជោ បានដឹងថា ថ្នាក់ដឹកនាំអាស៊ាន នឹងពិភាក្សាអំពីវិធីសាស្ត្រ និងមធ្យោបាយនានាក្នុងការរក្សានូវសន្ទុះនៃការកសាងសហគមន៍អាស៊ាន ជំរុញលើរបៀបវារៈនៃការអភិវឌ្ឍប្រកបដោយចីរភាពរបស់អាស៊ាន ដើម្បីសម្រេចបាននូវសហគមន៍មួយប្រកបដោយបរិយាប័ន្ន ការចូលរួម និងកិច្ចសហប្រតិបត្តិការព្រមទាំងពន្លឿនការអភិវឌ្ឍនូវចក្ខុវិស័យរបស់សហគមន៍អាស៊ានក្រោយឆ្នាំ២០២៥ សំដៅប្រែក្លាយអាស៊ាន ជាសហគមន៍ដែលតម្រង់ទិសដៅអនាគត និងជាតំបន់ប្រកបដោយសន្តិភាព ស្ថិរភាព សុវត្ថិភាព វិបុលភាព និងភាពធន់។

ទន្ទឹមនេះ សម្តេចតេជោ បានអះអាងដែរថា ថ្នាក់ដឹកនាំអាស៊ាន ក៏នឹងពិភាក្សាលើបញ្ហាក្នុងតំបន់ និងអន្តរជាតិ ដែលជាក្តីបារម្ភ និងផលប្រយោជន៍រួម រួមទាំងការអនុវត្តលើការព្រមព្រៀងជាឯកច្ឆន្ទប្រាំចំណុចស្ដីពីមីយ៉ាន់ម៉ា និងសេចក្តីសម្រេចរបស់មេដឹកនាំអាស៊ាន និងការអនុវត្តលើទស្សនវិស័យរបស់អាស៊ានស្តីពីឥណ្ឌូ-ប៉ាស៊ីហ្វិកផងដែរ៕

អត្ថបទ ៖ ពិសី

The post សម្តេច ហ៊ុន សែន៖ មេដឹកនាំអាស៊ាន នឹងពិភាក្សាគ្នាលើបញ្ហាប្រឈមក្នុងតំបន់ និងអន្តរជាតិ នៅប្រទេសឥណ្ឌូនេស៊ី appeared first on .