អ្នកឧកញ៉ា ថៃ ជាហួត និងអ្នកឧកញ៉ា លាង ម៉េង ចូលរួមពិធីខួប ១៤ឆ្នាំ សមាគមយុវជនក្រុម៨

ឧកញ៉ាដែនដី — Tue, 09 Jan 2024 00:48:58 +0000

អ្នកឧកញ៉ា ថៃ ជាហួត អគ្គនាយកក្រុមហ៊ុន បុរី ប៉េង ហួត គ្រុប, អ្នកឧកញ៉ា លាង ម៉េង សហស្ថាបនិកក្រុមហ៊ុន ជីប ម៉ុង គ្រុប ឧកញ៉ាៗ និងអ្នកជំនួញជាច្រើនរូប បានអញ្ជើញចូលរួមពិធីខួប ១៤ឆ្នាំ សមាគមយុវជនក្រុម៨ ក្រោមអធិបតីភាព លោកបណ្ឌិត ម៉ឹង មករា ប្រធានសមាគមយុវជនក្រុម៨ ដែលប្រព្រឹត្តិទៅ កាលពីល្ងាចថ្ងៃទី០៦ ខែមករា ឆ្នាំ២០២៤ នៅសណ្ឋាគារហ្វែរហ្វៀល ភ្នំពេញ។

ក្នុងឱកាសអបអរសាទរ ពិធីខួប ១៤ឆ្នាំ សមាគមយុវជនក្រុម៨ ប្រកបដោយបរិយាកាសសប្បាយរីករាយនេះ ក៏មានការអញ្ជើញចូលរួមពីឧកញ៉ា អេង ចំរើន អគ្គនាយកក្រុមហ៊ុន មង្គល គ្រុប, ឧកញ៉ា ហៀង សែ, កូនប្រុសស្រី និងកូនប្រសាររបស់លោកបណ្ឌិត ម៉ឹង មករា ព្រមទាំងភ្ញៀវកិត្តិយសជាច្រើននាក់ទៀត។ ដើម្បីចូលរួមអបអរសាទរ អ្នកឧកញ៉ា ថៃ ជាហួត និងលោកស្រី ក៏បានជូនបាច់ផ្កាដល់លោកបណ្ឌិត ម៉ឹង មករា មុននឹងទទួលទានអាហារសាមគ្គីជាមួយគ្នាផងដែរ។

សូមជម្រាបថា សមាគមយុវជនក្រុម៨ ត្រូវបានបង្កើតឡើងកាលពី១៤ឆ្នាំមុន ប៉ុន្តែទើបបានចុះបញ្ជីជាផ្លូវការនៅក្រសួងមហាផ្ទៃ កាលពីថ្ងៃទី១៧ ខែធ្នូ ឆ្នាំ២០១៥។ សមាគមនេះ បង្កើតឡើងក្នុងគោលបំណង ដើម្បីចូលរួមចំណែកជាមួយរាជរដ្ឋាភិបាលនៅក្នុងវិស័យអប់រំ សុខាភិបាល កសិកម្ម ការកសាងហេដ្ឋារចនាសម្ព័ន្ធនានា និងការងារសប្បុរសធម៌ជាច្រើនទៀត ដើម្បីចូលរួមអភិវឌ្ឍប្រទេសជាតិឱ្យកាន់តែមានការរីកចម្រើន។ សមាគមយុវជនក្រុម៨ បច្ចុប្បន្ននេះ គឺដឹកនាំដោយលោកបណ្ឌិត ម៉ឹង មករា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ជាប្រធានសមាគម៕

The post អ្នកឧកញ៉ា ថៃ ជាហួត និងអ្នកឧកញ៉ា លាង ម៉េង ចូលរួមពិធីខួប ១៤ឆ្នាំ សមាគមយុវជនក្រុម៨ appeared first on .

កូនប្រសាររដ្ឋមន្រ្តីក្រសួងដែនដី និងដន្លងលោក អ៊ាង សុផល្លែត តែងតាំងជារដ្ឋលេខាធិការក្រសួងសេដ្ឋកិច្ច

ឧកញ៉ាកោះក្របី — Sat, 08 Apr 2023 11:17:43 +0000

លោក ម៉ឹង មករា និងលោក ប៉ែន សំអាត ទទួលបានការតែងតាំងមុខដំណែងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ពីព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៅថ្ងៃទី៨ ខែមេសា ឆ្នាំ២០២៣ ដោយព្រះរាជក្រឹត្យលេខ នស/រកត/០៤២៣/៦៣៧ តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រី។

លោក ម៉ឺង មករា បច្ចុប្បន្នជាអនុរដ្ឋលេខាធិការក្រសួងសេដ្ឋកិច្ច ជាកូនប្រុសបង្កើតនាយឧត្តមសេនីយ៍ ម៉ឹង សំផន រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងការពារជាតិ ជាកូនប្រសារឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់។ លោក ម៉ឺង មករា ក៏ជាដន្លងជាមួយអ្នកឧកញ៉ា លាង ម៉េង សហស្ថាបនិក និងជាអគ្គនាយកក្រុមហ៊ុន ជីបម៉ុង គ្រុប។

ចំណែកលោក ប៉ែន សំអាត ជាទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រី ជាអនុរដ្ឋលេខាធិការក្រសួងសេដ្ឋកិច្ច ដែលជាបញ្ញវន្តមានចំណេះដឹងជ្រៅជ្រះ អតីតប្រធាននាយកដ្ឋានកិច្ចការច្បាប់ សវនកម្ម និងទំនាក់ទំនងសាធារណៈ និងជាប្រធានលេខាធិការដ្ឋាននៃអគ្គនាយកដ្ឋានគយនិងរដ្ឋាករកម្ពុជា ធ្លាប់ទទួលបានការតែងតាំងជាឧកញ៉ា ដោយព្រះរាជក្រឹត្យលេខនស/រកត/០៧០៨/៩២៣ ចុះថ្ងៃទី៣០ ខែកក្កដា ឆ្នាំ២០០៨ ។

លោកទទួលបានការតែងតាំងជាអគ្គនាយករងនៃអគ្គនាយកដ្ឋានគយនិងរដ្ឋាករកម្ពុជា ដោយអនុក្រឹត្យរបស់រាជរដ្ឋាភិបាលកម្ពុជាលេខ៩៩៩អនក្រ.តត ចុះថ្ងៃទី២៣ ខែសីហា ឆ្នាំ២០១២ ។ លោកក៏៏ជាទីប្រឹក្សាឧត្តមក្រុមប្រឹក្សាសេដ្ឋកិច្ចជាតិ មានឋានៈស្មើរដ្ឋលេខាធិការ នៅថ្ងៃទី១០ ខែមិថុនា ឆ្នាំ២០១៥។

លោក ប៉ែន សំអាត ជាដន្លងជាមួយលោក អ៊ាង សុផល្លែត ទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រី ជារដ្ឋលេខាធិការក្រសួងបរិស្ថាន៕

The post កូនប្រសាររដ្ឋមន្រ្តីក្រសួងដែនដី និងដន្លងលោក អ៊ាង សុផល្លែត តែងតាំងជារដ្ឋលេខាធិការក្រសួងសេដ្ឋកិច្ច appeared first on .