លោក Hui ដែលធ្លាប់ជាអ្នកកាន់កាប់ភូមិគ្រឹះធំៗចំនួនបី និងមានទីតាំងនៅក្នុងតំបន់អភិវឌ្ឍទីក្រុងហុងកុង ត្រូវបានប្រព័ន្ធផ្សព្វផ្សាយក្នុងស្រុក HK01 រាយការណ៍ថា មួយត្រូវបានដាក់លក់នៅលើទីផ្សារកាលពីមួយឆ្នាំមុន ខណ:មួយទៀតត្រូវបានរឹបអូសដោយម្ចាស់បំណុលរបស់ Hui កាលពីចុងឆ្នាំមុន។

ទន្ទឹមនឹងនេះ ទីភ្នាក់ងារអចលនទ្រព្យ Savills បាននិយាយនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ ទី២៩ ខែកុម្ភ:កន្លងទៅថា ការប្រកាសដាក់លក់ភូមិគ្រឹះចុងក្រោយរបស់លោក Hui នេះ ត្រូវបានដាក់ដេញថ្លៃនៅក្នុងតម្លៃប្រមាណ ៥០០លានដុល្លារហុងកុង ឬស្មើ ៦៣,៩លានដុល្លារអាមេរិក។ 

គួរឲ្យដឹងថាភូមិគ្រឹះកម្ពស់ ​៣ ជាន់ ដែលត្រូវបានប្រកាសដាក់លក់នេះ មានទីតាំងស្ថិតនៅលើជំរាលភ្នំ ដែលអាចមើលឃើញទេសភាពអគារខ្ពស់ៗទាំងមូលក្នុងទីក្រុង និងមានសួនច្បារលក្ខណ:ឯកជន រួមទាំងបំពាក់ដោយជណ្តើរយន្តនៅខាងក្នុង និងមានផ្ទៃដីសរុប ៤ ៩៣៣ ម៉ែត្រការ៉េ។ 

ជម្រាបជូនផងដែរថា Evergrande ដែលជាក្រុមហ៊ុនអភិវឌ្ឍអចលនទ្រព្យជំពាក់បំណុលច្រើនបំផុតរបស់ពិភពលោក ត្រូវបានប្រកាសរំលាយចោលដោយតុលាការហុងកុង កាលពីក្នុងខែមករា។ ហើយដោយសារតែការខកខានក្នុងការសងបំណុល បានធ្វើឲ្យទ្រព្យសកម្មផ្សេងទៀតរបស់ Evergrande នៅទីក្រុងហុងកុង ត្រូវបានរឹបអូស ឬដាក់លក់លើទីផ្សារទាំងអស់៕

The post អតីតភូមិគ្រឹះមេធំ Evergrande ប្រកាសរកម្ចាស់ថ្មី ក្នុងតម្លៃជាង ៦០លានដុល្លារ appeared first on .

យោងតាមការចុះផ្សាយពីសារពត៌មាន Business Times បានរាយការណ៍ទៀតថា អចលនទ្រព្យទាំងបីនោះ មានទីតាំងនៅតំបន់ដ៏ល្បីល្បាញ Duxton Road ដែលមានទំហំសរុប ៣០០ ម៉ែត្រការ៉េ ដែលនេះមានន័យថា ក្នុងមួយម៉ែត្រការ៉េ មានតម្លៃប្រមាណ ១២៣ ៣៣៣ដុល្លារ ។

ប្រភពដដែលនេះ បានបន្ថែមទៀតថា ផ្ទះអាជីវកម្មដែលមានកម្ពស់បីជាន់ ទាំងបីខ្នងនោះ កំពុងស្ថិតនៅក្នុងការជួសជុលនៅឡើយ ហើយនៅក្រោយពេលសាងសង់រួចរាល់ ជាន់ផ្ទាល់ដីនៃផ្ទះទាំងនោះ នឹងត្រូវប្រើប្រាស់ធ្វើជាភោជនីយដ្ឋាន ខណៈជាន់ខាងលើនឹងត្រូវប្រើជាការិយាល័យ។

គួរឲ្យដឹងផងដែរថា លោកស្រី Zhang បានដើរតួយ៉ាងសំខាន់ នៅក្នុងក្រុមហ៊ុនបច្ចេកវិទ្យាខ្នាតយក្សចិន Alibaba របស់ស្វាមីខ្លួន ដោយលោកស្រីបានខ្ចីលុយក្នុងចំនួន ១,៤លានដុល្លារ ដើម្បីចាប់ផ្តើមក្រុមហ៊ុនដំបូង។

ជម្រាបជូនផងដែរថា ក្រៅតែពីភរិយាមហាសេដ្ឋី Jack Ma នៅមានមហាសេដ្ឋីចិនផ្សេងទៀត ក៏បានបង្ហាញចំណាប់អារម្មណ៍ក្នុងការទិញអចលនទ្រព្យនៅក្នុងប្រទេសសិង្ហបុរី ក្នុងរយ:ពេលប៉ុន្មានឆ្នាំថ្មីៗនេះផងដែរ ដោយក្នុងនោះរាប់បញ្ចូលទាំង លោក Yonghong Shi ដែលជាសហស្ថាបនិករបស់ក្រុមហ៊ុនខ្សែសង្វាក់ហាងស៊ុប Hotpot Haidilao ដែលបានចំណាយលុយរាប់លានដុល្លារ ដើម្បីទិញអចលនទ្រព្យនៅជិតតំបន់ Singapore Botanic Gardens កាលពីឆ្នាំមុន៕

The post ភរិយាមហាសេដ្ឋី Jack Ma ចាយលុយជាង ៣០លានដុល្លារ ទិញផ្ទះអាជីវកម្ម ៣ ខ្នង នៅសិង្ហបុរី appeared first on .

យោងតាមសេចក្តីជូនដំណឹង ស្តីពីការរំលឹកលើកទី២ ការប្រកាសបង់ពន្ធលើអចលនទ្រព្យ និង/ឬពន្ធលើដីធ្លីមិនបានប្រើប្រាស់សម្រាប់ឆ្នាំ២០២៣ នៅថ្ងៃទី១៩ ខែកញ្ញានេះ អគ្គនាយកដ្ឋានពន្ធដារ បានប្រកាសដល់ម្ចាស់អចលនទ្រព្យទាំងអស់ ដែលមានអចលនទ្រព្យ ស្ថិតនៅរាជធានីភ្នំពេញ និងនៅតាមបណ្តាខេត្តទាំងអស់ មេត្តាជ្រាបថា អនុលោមតាមប្រកាសលេខ ៤៩៣ សហវ.ប្រក ចុះថ្ងៃទី១៩ ខែកក្កដា ឆ្នាំ២០១០ ស្តីពីការប្រមូលពន្ធលើអចលនទ្រព្យ និងប្រកាសលេខ ២២៤ ប្រក.សហវ.ពដ ចុះថ្ងៃទី ០៥ ខែកក្កដា ឆ្នាំ១៩៩៦ ស្តីពីការប្រមូលពន្ធលើដីធ្លីមិនបានប្រើប្រាស់ ការបង់ពន្ធលើអចលនទ្រព្យ និងការបង់ពន្ធលើដីធ្លី មិនបានប្រើប្រាស់សម្រាប់ឆ្នាំ២០២៣ នឹងត្រូវបិទបញ្ចប់នៅថ្ងៃទី៣០ ខែកញ្ញា ឆ្នាំ២០២៣ ខាងមុខនេះ។

អគ្គនាយកដ្ឋានពន្ធដារសង្កេតឃើញថា រហូតមកទល់ពេលនេះ មានម្ចាស់អចលនទ្រព្យមួយចំនួននៅមិនទាន់ បានបំពេញកាតព្វកិច្ចប្រកាសបង់ប្រាក់ពន្ធប្រភេទទាំងនេះនៅឡើយ។ ដូចនេះ ដើម្បីជំរុញការប្រមូលពន្ធលើអចលនទ្រព្យ និង/ឬពន្ធលើដីធ្លីមិនបានប្រើប្រាស់ សម្រាប់ឆ្នាំ២០២៣នេះ បានអស់លទ្ធភាពប្រកបដោយប្រសិទ្ធភាពខ្ពស់ និងចៀសវាង នូវការកកស្ទះ ការប្រជ្រៀតគ្នាមកប្រកាសបង់ប្រាក់ពន្ធនៅថ្ងៃជិតផុតកំណត់ ដែលអាចនាំឱ្យមានបាតុភាពអសកម្មដោយ ប្រការណាមួយ អគ្គនាយកដ្ឋានពន្ធដារសូមក្រើនរំលឹកដល់ម្ចាស់អចលនទ្រព្យទាំងអស់ ដែលមិនទាន់បានបំពេញកាតព្វកិច្ចបង់ប្រាក់ពន្ធ មេត្តារួសរាន់អញ្ជើញមកប្រកាសបង់ប្រាក់ពន្ធឱ្យបានទាន់ពេលវេលាត្រឹមថ្ងៃទី៣០ ខែកញ្ញា ឆ្នាំ២០២៣។

ចំពោះការបង់ពន្ធ ម្ចាស់អចលនទ្រព្យ អាចទៅបង់នៅអគ្គនាយកដ្ឋានពន្ធដារ ឬសាខាពន្ធដារខេត្ត-ខណ្ឌដែលអចលនទ្រព្យស្ថិតនៅ ឬនៅគ្រប់សាខាធនាគារ អេស៊ីលីដា ភីអិលស៊ី ឬធនាគារ កាណាឌីយ៉ា ក.អ ឬធនាគារ វឌ្ឍនៈ ឬធនាគារ កម្ពុជាសាធារណៈ ភីអិលស៊ី ឬធនាគារ ស្ថាបនា ភីអិលស៊ី ឬធនាគារ ជេ ត្រាស់ រ៉ូយ៉ាល់ ម.ក ឬធនាគារ ប្រៃសណីយ៍កម្ពុជា ក.អ ឬធនាគារ វឌ្ឍនៈអាស៊ីចំកាត់ ឬធនាគារ ពាណិជ្ជកម្មក្រៅប្រទេស នៃកម្ពុជា ឬតាមរយៈកម្មវិធី “GDT Taxpayer App” ដែលអាចទាញយកមកប្រើប្រាស់ពី App Store ឬ Play Store ជាដើម។

ចំពោះការខកខានមិនបានដាក់លិខិតប្រកាសបង់ប្រាក់ពន្ធទាន់ពេលវេលាកំណត់ខាងលើ ម្ចាស់អចលនទ្រព្យ នឹងត្រូវរងនូវទណ្ឌកម្មរដ្ឋបាល តាមច្បាប់ស្តីពីសារពើពន្ធជាធរមាន។ ហេតុនេះ អគ្គនាយកដ្ឋានពន្ធដារសង្ឃឹមយ៉ាងមុតមាំថា បន្ទាប់ពីទទួលបានសេចក្ដីជូនដំណឹងនេះ ម្ចាស់អចលនទ្រព្យ ទាំងអស់ពិតជានឹងយកចិត្តទុកដាក់ និងអញ្ជើញមកបំពេញកាតព្វកិច្ចសារពើពន្ធឱ្យបានទាន់ពេលវេលាកំណត់ខាងលើ ជាពុំខាន៕

អត្ថបទ៖ ពិសី

The post ពន្ធដារ រំលឹកជាថ្មី ដល់ម្ចាស់អចលនទ្រព្យ រួសរាន់ទៅបង់ពន្ធឱ្យទាន់ពេល យ៉ាងយូរត្រឹមថ្ងៃទី៣០ ខែកញ្ញា appeared first on .