លោក ងួន ឡាយ មានប្រសាសន៍ថា ទិន្នផលម្រេចដែលទទួលបានក្នុងឆ្នំា២០២៣មានភាពប្រហាក់ប្រហែលទៅនិងឆ្នំា២០២២ ប៉ុន្តែបរិមាណតិចជាងឆ្នំា២០២១ ដោយសារមានការថយចុះនៅចំនួនកសិករដែលជាអ្នកផលិតពីជាង៤៦០មកនៅសល់៣៧៩គ្រួសារ ហើយផ្ទៃដីថយចុះពី ២៩០មកនៅត្រឹម២៤០ហិកតា។ ការបោះបង់ម្រេចចោលភាគច្រើនជាកសិករខ្នាតធំៗ និងកសិករខ្នាតតូចបំផុតដោយសារខ្វះការគ្រប់គ្រងនិងការមើលថែឱ្យបានដិតដល់ ព្រោះម្រេចកំពត ខុសពីម្រេចនៅតំបន់ផ្សេង។នៅទីនេះការដំាដុះម្រេចវាពិបាកធ្វើ បើសិនជាយើងមិនបានមើលថែវាតែកន្លះខែឬ១ខែនៅក្នុងរដូវប្រំាងអាចធ្វើឱ្យដំណំាម្រេចខូចខាតអស់»។

នៅពេលការផលិតកម្មម្រេចកំពតកំពុងបង្ហាញសញ្ញាថមថយ សម្រាប់សមាគមមានការព្រួយបារម្ភខ្លះទេ?លោក ងួន ឡាយ លើកឡើងថា «តាមពិតថាយើងមានការព្រួយបារម្ភក៏អាចថាបាន ឬមិនមានការព្រួយបារម្ភក៏ថាបាន ព្រោះចាប់ពីពេលនេះទៅមុខ យើងមិនមើលមិនឃើញថាយើងមានលទ្ធភាពពង្រីកផ្ទៃដីដំាម្រេចនោះទេ មានតែការពង្រឹងប៉ុណ្ណោះ ព្រោះយើងពិបាកក្នុងការរកទិញជន្លុងសម្រាប់ដំាម្រេច ហើយផ្ទៃដីមួយចំនួនកសិករលក់នៅពេលដីឡើងថ្លៃ»។

បើតាមលោក ងួន ឡាយ ទីផ្សារធំរបស់ម្រេចកំពតគឺមាននៅអឺរ៉ុប សហរដ្ឋអាមេរិក កូរ៉េខាងត្បូង ហុងកុង ហើយនាំចេញទៅទីផ្សារចិនទើបចាប់ផ្តើមមានតិចតួច ព្រោះម្រេចកំពតវាថ្លៃជាងម្រេចធម្មតា ហើយចិនក៏កំពុងតែធ្វើការសិក្សាពីម្រេចកំពត។

លោកលើកឡើងថា« តម្លៃម្រេចកំពតឈ្នួញទិញយកទៅលក់នៅលើទីផ្សារថ្លៃប៉ុណ្ណយើងអត់ដឹងទេ តែយើងដឹងតម្លៃម្រេចលក់ចេញពីកសិដ្ឋានដែលយើងកំណត់ថា សម្រាប់ម្រេចខ្មៅមួយុគីឡូថ្លៃ១៥ដុល្លារ ម្រេចក្រហមថ្លៃ២៥ដុល្លារ និងម្រេច ស ថ្លៃ២៨ដុល្លារ ហើយតម្លៃនេះយើងឈរនៅលើទីផ្សារតំាងពីឆ្នំា២០១៦រហូតមកដល់ឥលូវនេះ តម្លៃម្រេចទំាង៣ប្រភេទរក្សានតម្លៃថេរមិនមានការប្រែប្រួលនោះឡើយត»៕

អត្ថបទ៖សារេត

The post ការដាំដុះម្រេចកំពតកំពុងបង្ហាញសញ្ញាថមថយ ទោះបីរក្សាបានថ្លៃខ្ពស់ជាប់គ្នា៧ឆ្នំាលើទីផ្សារ appeared first on .

អ្នកស្រី ឈឹម​ ស្រីមុំ ម្ចាស់ចំការម្រេចកំពត ស្ថិតនៅភូមិអង្គរជ័យទី១ ឃុំដំណាក់កន្ទួតខាងត្បូង ស្រុកកំពង់ត្រាច ខេត្តកំពត បានឱ្យដឹងថា ស្របពេលសេដ្ឋកិច្ចអំណោយផលឡើងវិញ ពោលចាប់តាំងពីឆ្នាំ២០២៣នេះមក ឃើញថាមានអតិថិជនអន្តរជាតិកម្មង់ម្រេចច្រើន ជាពិសេសខាងប្រទេសថៃ ចិន តៃវ៉ាន់ អាមេរិក និងប៉ែកខាងអ៊ឺរ៉ុបជាដើម ដោយកសិករអាចលក់បានក្នុងតម្លៃ ៣០ដុល្លារ ក្នុងមួយគីឡូក្រាម ចំពោះម្រេចស(លេខ១) ចំណែកម្រេចក្រហម ក្នុងតម្លៃ ២៥ដុល្លារ និងម្រេចខ្មៅតម្លៃ១៧ដុល្លារ ក្នុងមួយគីឡូក្រាម។

អ្នកស្រីបន្តថា ការបញ្ចាទិញទាំងអស់នេះ ធ្វើឱ្យសេដ្ឋកិច្ចគ្រួសារកសិករដែលដាំម្រេច តួយ៉ាងអ្នកស្រីផ្ទាល់មានជីវភាពល្អប្រសើរខ្លះដែរ តែទោះបីជាយ៉ាងណាក៏មិនទាន់មានភាពទូលំទូលាយដូចមុនកូវីដ១៩ នោះទេ ពោលមានការថយចុះបន្តិចបន្តួច អាចមកពីទីផ្សារសេដ្ឋកិច្ចសាកល។

ម្ចាស់ចំការក្តោបក្តាប់ម្រេចប្រមាណជាង៣ពាន់គុម្ពរូបនេះ បានបន្តថា ចំពោះអតិថិជនអន្តរជាតិមានការគាំទ្រច្រើនដោយភាគច្រើនគេផ្តោតលើគុណភាពជាងតម្លៃ ហេតុនេះធ្វើឱ្យម្រេចកំពតទទួលបានការបញ្ជាទិញពីអន្តរជាតិច្រើន ជាពិសេសការចុះមកទិញដល់ទីតាំងតែម្តង។ដោយឡែក ទីផ្សារម្រេចកំពតនៅក្នុងស្រុក មិនទាន់មានភាពទូលំទូលាយនៅឡើយទេ ដោយសារប្រជាកសិករមិនទាន់យល់ពីការផ្តល់តម្លៃឱ្យផលិតផលនៅក្នុងស្រុក ដោយពួកគាត់គាំទ្រលើផលិតផលតម្លៃធូរថ្លៃ ដែលនាំឱ្យផលិតផលមានគុណភាពក្នុងស្រុកមានតម្លៃរាងខ្ពស់ គ្មានការគាំទ្រច្រើន។

គួររម្លឹកថា កាលពីខែឧសភា ឆ្នាំ២០២៣ ម្រេចកម្ពុជាត្រូវបានអនុញ្ញាតឱ្យនាំចេញទៅកាន់ទីផ្សារប្រទេសចិន ដោយក្រុមហ៊ុនសហគ្រាសចំនួន៧ ដែលត្រូវបានចុះបញ្ជីនិងទទួលបានការអនុញ្ញាតពីភាគីចិនក្នុងការនាំចេញម្រេចកម្ពុជាទៅកាន់ប្រទេសចិនដោយផ្ទាល់។ជាមួយនឹងការនាំចេញនេះ បើតាមអ្នកស្រី ឈឹម ស្រីមុំ បានលើកឡើងថា ការនាំចេញទៅក្រៅប្រទេសច្រើន ជារឿងល្អដល់កសិករខ្មែរ ដោយបានលើកស្ទួយដល់ប្រជាកសិករឱ្យមានកម្លាំងទឹកចិត្តក្នុងការធ្វើដំណាំម្រេចបន្តទៀត អាចធ្វើឱ្យជីវភាពរបស់ពួកគាត់បានធូរ ប្រសើរជាងមិនមានទីផ្សារនាំចេញទៅស្រុកក្រៅ។

គួរឱ្យដឹងថា ការនាំចេញម្រេចកម្ពុជាទៅកាន់ទីផ្សារអន្តរជាតិ នៅឆមាសទី១ ឆ្នាំ២០២៣ សម្រេចបានប្រមាណជាង ៤ ៣០០តោន មានការធ្លាក់ចុះប្រមាណជាង ៣០% បើធៀបនឹងរយៈពេលដូចគ្នាកាលពីឆ្នាំមុន។នេះបើតាមរបាយការណ៍របស់ក្រសួងកសិកម្ម រុក្ខាប្រមាញ និងនេសាទ៕

The post កសិករឈឹម ស្រីមុំ៖ ក្រោយសេដ្ឋកិច្ចដំណើរការ ម្រេចកំពតចាប់ផ្តើមមានការបញ្ជាទិញពីទីផ្សារអន្តរជាតិច្រើនឡើងវិញ appeared first on .

ស្ថានទូតចិនប្រចាំកម្ពុជា បានប្រកាសឱ្យដឹងថា ម្រេចរបស់កម្ពុជា ត្រូវបានអនុញ្ញាត ឱ្យនាំចេញដោយផ្ទាល់ទៅកាន់ប្រទេសចិន បន្ទាប់ពីបានបំពេញគ្រប់លក្ខខណ្ឌតម្រូវរួចរាល់។ ស្ថានទូតចិន បានបន្តថា រដ្ឋបាលគយនៃប្រទេសចិន បានបង្ហាញពីបញ្ជីឈ្មោះក្រុមហ៊ុន សហគ្រាសដែលបានចុះបញ្ជីនាំចេញគ្រឿងទេសកម្ពុជាទៅកាន់ប្រទេសចិន ដែលបញ្ជាក់ថាម្រេចកម្ពុជា បានបំពេញគ្រប់នីតិវិធីក្នុងការនាំចេញទៅកាន់ប្រទេសចិន អាចនាំចេញដោយផ្ទាល់ ទៅទីផ្សារចិន។

ស្ថានទូតចិនប្រចាំកម្ពុជា បានបញ្ជាក់ថា «ដោយក្នុងនោះ មានទីតាំងដាំម្រេចចំនួន២៨កន្លែង និងរោងចក្រវេចខ្ចប់ចំនួន ៧កន្លែង ត្រូវបានចុះបញ្ជី និងទទួលបានការអនុញ្ញាតពីភាគីចិន ក្នុងការនាំចេញ»។

បើតាមស្ថានទូតចិនអះអាងថា ដើម្បីពន្លឿនការអនុវត្តពិធីសារ ស្តីពីលក្ខខណ្ឌតម្រូវភូតគាមអនាម័យ សម្រាប់ការនាំចេញម្រេចពីកម្ពុជាទៅប្រទេសចិន ដែលបានចុះហត្ថលេខារួមគ្នារវាងភាគីទាំងពីរចិន និងកម្ពុជាកាលពីខែវិច្ឆិកាឆ្នាំ២០២២ រដ្ឋបាលគយ ស្ថានទូតចិនប្រចាំកម្ពុជា និងក្រសួងកសិកម្មរុក្ខាប្រមាញ់ និងនេសាទកម្ពុជាកាលពីថ្ងៃទី១០-១១ ខែមេសា ឆ្នាំ២០២៣ថ្មីៗនេះ បានធ្វើការពិនិត្យទីតាំងដាំម្រេច និងរោងចក្រវេចខ្ចប់ម្រេច ដោយតាមរយៈVideo Conference។

យោង​តាម​របាយកា​រណ៍​របស់​ក្រសួង​កសិក​ម្ម រុ​ក្ខាប្រមាញ់ និង​នេសាទ ​ឱ្យដឹ​ងថា ក្នុង​​រយៈពេល ៣​ខែ ​ដើ​មឆ្នាំ​នេះ​ការ​នាំចេញ​ម្រេច​សម្រេច​បាន ​៨២២,​៦៥៤​តោន ក្នុ​ងនោះ​នាំចេញ​​ទៅ​វៀត​ណាម​ចំ​នួន៧៦៥​តោន​ អាមេ​រិក​២៦,១៤​តោន​ កូរ៉េ​ខាងត្បូ​ង១៦,២​តោន​ បារាំង៩,៥៤តោន​ បែល​ហ្ស៊ិក២,៣៦​តោន​ ជប៉ុន១,៣៨​តោន ​ឥណ្ឌា ​០,៩៦តោន​ អាល្លឺ​ម៉ង់០,៩០តោន​ សិង្ហ​បុរី០,១០តោន​ កោះ​តៃវ៉ាន់០,០៤តោន​ អូ​ស្ត្រាលី០,០៣​តោន​និង​ប្រទេស​ម៉ាឡេ​ស៊ី០,០០២តោន​។

យ៉ាងណាមិញ បើតាមស្ថានទូតចិន បានបញ្ជាក់ដែរថា ដំណាំម្រេច គឺជាកសិផលដំបូងគេរបស់កម្ពុជា ដែលត្រូវបានអនុញ្ញាតឱ្យនាំចេញទៅប្រទេសចិន ក្នុងឆ្នាំ២០២៣នេះ ហើយក៏ជាដំណាំគ្រឿងទេសដំបូងគេ ដែលត្រូវបានអនុញ្ញាតឱ្យនាំចេញទៅកាន់ទីផ្សារចិនផងដែរ៕ អត្ថបទ៖ ពិសី

The post ទីតាំងដាំម្រេច ២៨កន្លែង និងរោងចក្រវេចខ្ចប់ ៧កន្លែងទៀត ទទួលបានសិទ្ធនាំចេញម្រេចទៅទីផ្សាចិន appeared first on .

 លោក វ៉ន វណ្ណាល់ នាយកប្រតិបត្តិនៃសហព័ន្ធម្រេចនិងគ្រឿងទេសកម្ពុជា គូសបញ្ជាក់ថា កំនែទម្រង់របស់សហព័ន្ធម្រេចនិងគ្រឿងទេសកម្ពុជានៅពេលនេះផ្តល់ផលវិជ្ជមានដូចជា៖១)-សកម្មភាពនៃការចូលរួមរបស់ក្រុមប្រឹក្សាភិបាលបានផុសផុល និងទៀងទាត់តាមផែនការ,២)-ឆន្ទៈ និងសកម្មភាពរួមគ្នាក្នុងការជម្រុញ និងលើកកម្ពស់វិស័យម្រេចកម្ពុជា ជាពិសេសគឺការួមគ្នាក្នុងការអភិវឌ្ឈន៍ផលិតភាព គុណភាព និងទីផ្សារនាំចេញ,៣)-មានការគាំទ្រហិរញ្ញវត្ថុ គាំទ្រគំនិត គាំទ្របណ្តាញ និងគាំទ្របច្ចេកទេសជាដើម,៤)- ធ្វើឱ្យសហព័ន្ធម្រេចមាននិរន្តរភាព ចាប់ពីឆ្នាំ២០២៥ តាមការគ្រោងទុក,៥)- ជាធនធានយ៉ាងសំខាន់ក្នុងការធ្វើឱ្យសម្រេចបាននូវបេសកកម្ម និងទស្សនវិស័យរបស់សហព័ន្ធ,៦)- ជាគន្លឹះក្នុងការធ្វើការជាមួយរដ្ឋាភិបាល វិស័យឯកជន និងដៃគូអភិវឌ្ឈ ជាតិ និងអន្តរជាតិ ដើម្បីបង្កើតសក្តានុពល និងផលប្រយោជន៍ដល់ភាគីពាក់ព័ន្ធទាំងឡាយក្នុងវិស័យម្រេចនិង៨)- ពិសេសជាគន្លឹះក្នុងការទាក់ទាញអ្នកវិនិយោគទុនបរទេសដែលកំពុងតែរកស៊ីវិស័យម្រេច ចូលមកកម្ពុជាបន្ថែម តាមរ:ការធ្វើឱ្យប្រសើឡើងនៃការផ្គត់ផ្គង់ ដែលមាននិរន្តរភាព និងដៃគូរអាជីវកម្មដែលទុកចិត្តបាន។

យោងតាមសហព័ន្ធម្រេចនិងគ្រឿងទេសកម្ពុជាបញ្ជាក់ថានៅថ្ងៃទី១៥ ខែកុម្ភៈឆ្នាំ២០២៣ សហព័ន្ធម្រេចនិងគ្រឿងទេសកម្ពុជាបានធ្វើកំនែទម្រង់រចនាសម្ព័ន្ធផ្ទៃក្នុងក្រុមប្រឹក្សាភិបាល ដើម្បីធ្វើឱ្យសហព័ន្ធកាន់តែប្រសើរឡើងចាប់ពីឆ្នាំ២០២៣នេះតទៅ។  ជាលទ្ធផលនៃការបោះឆ្នោតជ្រើសតាំងទទួលបានលទ្ធផលដូចខាងក្រោម៖១)- លោក ឈុំ សាវ៉េត ប្រធានសហគមន៍កសិកម្មករតំបែរ ជាប់ជាអនុប្រធានសហព័ន្ធ,២)-អ្នកស្រី ថ្លាង សុវណ្ណពិសី អគ្គនាយិការក្រុមហ៊ុន Khmer Organic ជាប់ជាងអនុប្រធានសហព័ន្ធ,៣)-លោក ឡាំ សំភាស់ ជាប់ជាសមាជិកក្រុមប្រឹក្សាភិបាល មកពីសហគមន៍កសិកម្មសំឡូតរតនៈផល,៤)-លោក ស ថេន ជាប់ជាសមាជិកក្រុមប្រឹក្សាភិបាល មកពីសហគមន៍កសិកម្មត្រមូងមេមត់,៥)-លោកស្រី គួច ចាន់រី ជាប់ជាសមាជិកក្រុមប្រឹក្សាភិបាល មកពីក្រុមហ៊ុនក្រុមហ៊ុន Olam  ប្រចាំប្រទេសកម្ពុជា,៦)-លោក រីឆាត បាល៍ឃី ជាប់ជាមាជិកក្រុមប្រឹក្សាភិបាល Fuchs Cambodia,៧)-លោក ជា មិន ជាប់ជាមាជិកក្រុមប្រឹក្សាភិបាលមកពីក្រុុមហ៊ុន ក្រុមហ៊ុន GI Investment និង៨)-លោក ជីវ វង្ស  ជាប់ជាមាជិកក្រុមប្រឹក្សាភិបាលមកពីក្រុមហ៊ុន ក្រុមហ៊ុនហ៊ុង ហៀបកម្ពុជា៕ អត្ថបទ៖សារេត

The post សហព័ន្ធម្រេចនិងគ្រឿងទេសកម្ពុជា រៀបចំក្បាលម៉ាស៊ីនដឹកនាំថ្មីដើម្បីឆ្ពោះទៅរកការអភិវឌ្ឍន៍រយៈពេលវែង appeared first on .

លោក ម៉ាក នី ប្រធានសហព័ន្ធម្រេច និងគ្រឿងទេសកម្ពុជា បានឲ្យដឹងថា រហូតមកដល់ពេលនេះការប្រមូលផលម្រេចសម្រេចបាន៧០%ហើយនៃសមិទ្ធផលសរុបដែលមានប្រមាណជាង២ម៉ឺនតោន។ ជាមួយគ្នានេះ លោកក៏បានបង្ហាញពីការព្រួយបារម្ភផងដែរ ព្រោះបច្ចុប្បន្ននេះការប្រមូលផលម្រេច កំពុងប្រឈមបញ្ហាមួយចំនួន ដោយសារតែបញ្ហានៃការធ្លាក់ភ្លៀង បូករួមជាមួយនឹងបញ្ហាកង្វះកម្លាំងពលកម្ម។​

លោបន្តថា៖ «បញ្ហាអាកាសធាតុបានបង្កឲ្យតម្លៃម្រេចនាពេលបច្ចុប្ប្នន្នធ្លាក់ថ្លៃមកត្រឹម ១៣០០០រៀលប៉ុណ្ណោះក្នុងមួយគីឡូក្រាម ខណៈការប្រមូលផលអំឡុងខែកុម្ភៈមានតម្លៃ ១៥០០០-១៦០០០រៀលក្នុងមួយគីឡូក្រាម។ ការធ្លាក់ថ្លៃនេះដោយសារតែការប្រមូលផលជាកំហុក ធ្វើឲ្យកសិករប្រមូលម្រេចលក់ច្រើន និងលក់ក្នុងតម្លៃធូរថ្លៃ»។

ទោះជាយ៉ាងនេះក្ដីនេះ លោករំពឹងថាតម្លៃម្រេចនឹងងើបឡើងវិញ ក្នុងអំឡុងខែកញ្ញា-ខែតុលាខាងមុខ ព្រោះជាខែដែលម្រេចមិនសូវសម្បូរ ដូច្នេះការលក់នឹងបានថ្លៃ។

របាយការណ៍របស់ក្រសួងកសិកម្ម បានឲ្យដឹងថា ត្រឹមតែរយៈពេល៤ខែដើមឆ្នាំ២០២២នេះ កម្ពុជាបានប្រមូលផលម្រេច ហើយនាំចេញទៅក្រៅប្រទេសបានប្រមាណ ៣៨៣៤.៦៧តោន កើនឡើង ៧៩.៣% គិតពីខែមករា-មេសា បើធៀបនឹង៤ខែដំបូងដូចគ្នា នៃឆ្នាំ២០២១។

របាយការណ៍ដដែលបញ្ជាក់ថា ប្រទេសដែលកម្ពុជានាំម្រេចចេញទៅលក់មានចំនួន១៣ប្រទេសរូមមាន៖ ប្រទេសវៀតណាម ចំនួន៣ ៥៤០.០១តោន ប្រទេសអាល្លឺម៉ង់ចំនួន ២៥៥.៦០តោន ប្រទេសម៉ាឡេស៊ីចំនួន១៣.៦៤តោន ប្រទេសប៊ែលហ្ស៊ិកចំនួន៨.៨០តោន ប្រទេសបារាំងចំនួន៨.៦១តោន ឆេកចំនួន២.៣០តោន ប្រទេសជប៉ុនចំនួន២.០១តោន ប្រទេសកាណាដាចំនួន១តោន សហរដ្ឋអាមេរិកចំនួន ០.៩២តោន អង់គ្លេសចំនួន០.៩០តោន,ប្រទេសស៊ុយអ៊ែតចំនួន០.៤៩តោន ប្រទេសកាហ្សាក់ស្ថានចំនួន០.២៩តោន និងប្រទេសអូស្ត្រាលីចំនួន ០.១០តោន៕

The post អ្នករកស៊ីក្នុងវិស័យកសិកម្ម៖ តម្លៃម្រេចនឹងងើបឡើងវិញក្នុងអំឡុងខែកញ្ញា-តុលា appeared first on .

ក្នុងនោះការ​នាំចេញទៅប្រទេសប៊ែលហ្សិក ចំនួន៧.៥៦តោន, សារធារណរដ្ឋឆេក១.២០តោន, បារាំង៦.២០តោន, អាល្លឺម៉ង៣.៣២តោន, ជប៉ុន២.១៨តោន, កូរ៉េ១.៣០តោន, ប៉ូឡូញ៧.០៩តោន, រុស្សី០.៣១តោន, ស៊ុយអ៊ែត១.១៥តោន, កោះតៃវ៉ាន់១៥តោន, អង់គ្លេស១.២៤តោន, អាមេរិក០.៣៩តោន និងវៀតណាម ២០៩៤.៩៩តោន។

​បើតាម​ប្រធានសមាគមម្រេចកំពត លោក ងួន ឡាយ បាន​បញ្ជាក់​ពី​តម្លៃ​ម្រេច​នៅលើទីផ្សារ​ដោយ​ម្រេចខ្មៅតម្លៃ១៥ដុល្លារ ក្នុងមួយគីឡូក្រាម, ម្រេចក្រហមតម្លៃ២៥ដុល្លារ ក្នុងមួយគីឡូក្រាម និងម្រេចសតម្លៃ២៨ដុល្លារ ក្នុងមួយគីឡូក្រាម។

The post ៤ ខែ​ដើម​ឆ្នាំ ២០២១ កម្ពុជា​នាំ​ចេញ​ម្រេច​ជាង ២ ពាន់​តោនទៅ​ទីផ្សារ​ក្រៅ​ប្រទេស appeared first on .

លោកបន្តថា ដើម្បីស្វែងរកទីផ្សារ លើកកម្ពស់កេរ្តិ៍ឈ្មោះ និងទប់ស្កាត់ការក្លែងបន្លំម៉ាកសម្គាល់ភូមិសាស្ត្រ “ម្រេចកំពត” នៅទីផ្សារក្រៅប្រទេស ក្រសួងពាណិជ្ជកម្ម បានចុះបញ្ជីការពារម៉ាកសម្គាល់ភូមិសាស្រ្តទំនិញ “ម្រេចកំពត” នៅសហភាពអឺរ៉ុប វៀតណាម ថៃ និងជាពិសេសនាពេលថ្មីៗនេះ បានចុះបញ្ជីនៅប្រទេសចំនួន ៣២ តាមរយៈប្រព័ន្ធលីស្បោន។ ជាពិសេសក្រសួងពាណិជ្ជកម្មបានរៀបចំឯកសារគតិយុត្តមួយចំនួនទៀត ដែលមានដូចជា៖ ១)ច្បាប់ស្តីពីម៉ាកសម្គាល់ភូមិសាស្ត្រទំនិញ ២) ប្រកាសស្តីពីនីតិវិធីចុះបញ្ជីនិងការពារម៉ាកសម្គាល់ភូមិសាស្រ្តទំនិញ ៣) ប្រកាសស្តីពីការបង្កើតនិងកែសម្រួលសមាសភាពក្រុមការងារបច្ចេកទេស និងតួនាទីភារកិច្ចត្រួតពិនិត្យ និងពង្រឹងទំនិញសម្គាល់ភូមិសាស្រ្ត “ម្រេចកំពត” ៤) សេចក្តីសម្រេចស្តីពីការបន្តសុពលភាពរបស់សមាគមលើកកម្ពស់ម្រេចកំពត និង ៥) ប្រកាសស្តីពីការបង្កើតក្រុមការងាររៀបចំការបោះឆ្នោតជ្រើសរើសគណៈកម្មាធិការប្រតិបត្តិ និងក្រុមប្រឹក្សាភិបាលនៃសមាគមលើកកម្ពស់ម្រេចកំពត។

សូមជម្រាបថា ក្រោមកិច្ចសហការរវាងក្រសួងពាណិជ្ជកម្ម និងសមាគមលើកកម្ពស់ម្រេចកំពត បានជំរុញឱ្យក្រុមហ៊ុននានា ដែលរួមមាន EU Land and Pepper Investment ធ្វើការបញ្ជាទិញម្រេចកំពតរហូតដល់ ៣៥តោន ពីកសិករខ្នាតតូច ដែលបានដោះស្រាយបញ្ហាកកស្ទះទីផ្សាររបស់ប្រជាកសិករនៅឆ្នាំ២០២០ និងសម្រាប់ឆ្នាំ២០២១ បានធ្វើកិច្ចសន្យាទិញ លក់រវាងក្រុមហ៊ុនជាមួយកសិករខ្នាតតូចចំនួន ២៧៨ គ្រួសារ៕

The post EU Land and Pepper Investment ធ្វើការបញ្ជាទិញម្រេចកំពតរហូតដល់ ៣៥តោន appeared first on .