ព្រឹត្តិការណ៍ពិព័រណ៍ដ៏សំខាន់នេះនឹងក្លាយជាមជ្ឈមណ្ឌល ដ៏រស់រវើកដើម្បីបង្ហាញអំពីឧត្តមភាពនៃសង្វាក់ផ្គត់ផ្គង់នៃឧស្សាហកម្មម្ហូបអាហារកម្ពុជា ជាមួយនិន្នាការនៃការវិត្តន៍នៃវិស័យបដិសណ្ឋារកិច្ចទំនើបទាន់សម័យនាពេលបច្ចុប្បន្ននិងអនាគត។

នៅក្នុងសន្និសីទសារព័ត៌មានដែលធ្វើឡើងនៅវិទ្យាស្ថានម្ហូបអាហារកម្ពុជានាថ្ងៃទី៦ខែសីហា ក៍មានការចូលរួម ពីសំណាក់តំណាងមកពីសហព័ន្ធទេសចរណ៍កម្ពុជា សមាគមសហគមន៍ចុងភៅកម្ពុជា សមាគមភោជនីយដ្ឋានកម្ពុជា សមាគមសណ្ឋាគារកម្ពុជា កម្ពុជាវិទ្យាស្ថានម្ហូបអាហារកម្ពុជាសមាគមវិទ្យាស្ថានដើម្បីឧត្តមភាពអប់រំបច្ចេកទេសនិងសមាគមស្ប៉ានិងសុខភាពកម្ពុជាផងដែរ។

លោកស្រី Alice Lem នាយកគ្រប់គ្រង និងអភិវឌ្ឍន៍អាជីវកម្មប្រចាំប្រទេសម៉ាឡេស៊ី និងកម្ពុជានៃក្រុមហ៊ុន Informa បានប្រកាសថា CAMFOOD & CAMHOTEL 2024 នឹងមានក្រុមហ៊ុនដាក់តាំងជាង ១៥០ ជាមួយអ្នកទស្សនាជាង ១២,០០០ នាក់ត្រូវបានរំពឹងថានឹងចូលរួមជាមួយយើង ។ លោកស្រីបានបញ្ជាក់ថា៖ «ព្រឹត្តិការណ៍ដ៏សំខាន់នេះឆ្លុះបញ្ចាំងពីកំណើនដ៏រឹងមាំ និងសក្ដានុពលដ៏ធំធេងនៃឧស្សាហកម្មបដិសណ្ឋារកិច្ចរបស់ប្រទេសកម្ពុជា។
លោក ឌិន សុមេធារិទ្ធ ប្រធានសហព័ន្ធទេសចរណ៍កម្ពុជា បានមានប្រសាសន៍ថា “វិស័យបដិសណ្ឋារកិច្ច និងម្ហូបអាហារបស់កម្ពុជានិងមានកំណើនដែលមិនធ្លាប់មានពីមុនមក ដែលជំរុញដោយកំណើនទេសចរណ៍ និងការពង្រីកទីផ្សារក្នុងស្រុក។ ការតាំងពិព័រណ៍នេះជាយុទ្ធសាស្ត្រដើម្បីទាញយកទុនលើការបង្កើនការវិនិយោគលើហេដ្ឋារចនាសម្ព័ន្ធទេសចរណ៍ និងការបង្កើនការផ្សព្វផ្សាយ មុខម្ហូបខ្មែរលើឆាកអន្តរជាតិ។

ពិព័រណ៌នេះនឹងបង្ហាញនូវទម្រង់សំខាន់ៗចំនួនបី៖• បរិក្ខារផ្គត់ផ្គង់៖ បង្ហាញការច្នៃប្រឌិតចុងក្រោយបង្អស់ក្នុងបច្ចេកវិទ្យាផ្ទះបាយ ឧបករណ៍រៀបចំអាហារ និងសម្ភារៈ ផ្គត់ផ្គង់ភោជនីយដ្ឋាន។• អាហារ និងភេសជ្ជៈ៖ គ្រឿងផ្សំ ភេសជ្ជៈ វិស័យកាហ្វេរ និង ផលិតផលសម្រេចពីក្នុងស្រុកនិងជុំវិញពិភពលោក។• បដិសណ្ឋារកិច្ច និងការលក់រាយ៖ បង្ហាញសេវាកម្មបដិសណ្ឋារកិច្ចទំនើប ដំណោះស្រាយបច្ចេកវិទ្យា និងការច្នៃប្រឌិតផ្នែកលក់រាយនិងលក់ដុំ។
លោកស្រី Alice Lam បានបន្ថែម “ការតាំងពិព័រណ៍នេះផ្តល់នូវវេទិកាដ៏ទូលំទូលាយមួយសម្រាប់អ្នកជំនាញក្នុងឧស្សាហកម្មដើម្បីបង្ហាញផលិតផល ប្រភពអ្នកផ្គត់ផ្គង់ថ្មី និន្នាការ និងបង្កើតទំនាក់ទំនងអាជីវកម្មសំខាន់ៗសម្រាប់អាជីវកម្មគ្រប់ទំហំ បង្កើតឱកាសនិងបណ្តាញទំនាក់ទំនងរវាងអ្នក រោងចក្រ អ្នកចែកចាយ និងដៃគូដែលមានសក្តានុពល” ។

ជាមួយការរំលិចឡើងនៃព្រឹត្តិការណ៍ ការប្រកួតប្រជែងចំអិនម្ហូបនិងបដិសណ្ឋារកិច្ចថ្នាក់ជាតិ ឆ្នាំ ២០២៤ យើងនិងបង្ហាញអំពីរការប្រគួតជំនាញធ្វើម្ហូប និងភាពច្នៃប្រឌិត រួមមានការឆ្លាក់ផ្លែឈើ និងបន្លែ a turkey challenge, black box competitions, ម្ហូបបួស ការរចនានំអាពាហ៍ពិពាហ៍ និងជំនាញបដិសណ្ឋារកិច្ចដូចជាការរៀបចំគ្រែ ការរៀបចំផ្កា ការប្រកួតរៀបចំតុ និង sommelier, Waiterthon ជាដើម។ ការប្រកួតប្រជែងនេះអាចធ្វើទៅបានតាមរយៈការសហការជាមួយដៃគូឧស្សាហកម្មសំខាន់ៗរួមមាន LSH, KSLM, USA Poultry, CAPFISH CAPTURE-UNIDO, និង HITEC Water។

លោក សុង តេង ប្រធានសមាគមចុងភៅកម្ពុជា មានប្រសាសន៍ថា “ការប្រកួតធ្វើម្ហូបថ្នាក់ជាតិឆ្នាំនេះ នឹងជំរុញឧត្តមភាពផ្នែកធ្វើម្ហូបអោយកាន់តែប្រសើរ។ យើងបានសិក្សាបញ្ហាប្រឈមនានា ដើម្បីកែតម្រូវនិងពង្រឹង ជំនាញបច្ចេកទេសដោយរួមបញ្ចូលជាមួយគ្រឿងផ្សំជាតិនិងអន្តរជាតិដើម្បីធ្វើអោយប្រសើរឡើងនៃម្ហូបដ៏សម្បូរបែបរបស់កម្ពុជា។

លោកឧកញ៉ា ហ៊ី សុធា ប្រធានសមាគមសណ្ឋាគារកម្ពុជា បានបន្ថែមថា CAMFOOD & CAMHOTEL 2024 នឹងដើរតួនាទីយ៉ាងសំខាន់ក្នុងការជួយឧស្សាហកម្មរបស់យើងសម្របខ្លួនទៅនឹងនិន្នាការក្រោយជំងឺរាតត្បាត ក្រោមការណែនាំនិងការអនុវត្តប្រកបដោយនិរន្តរភាព ជាមួយនិងដំណោះស្រាយជាមួយនិងបច្ចេកវិទ្យាចុងក្រោយប្រកបដោយផាសុខភាព។

សន្និសីទសារព័ត៌មានបានបញ្ចប់ដោយការចុះអនុស្សារណៈយោគយល់គ្នា (MOU) រវាងសហព័ន្ធទេសចរណ៍កម្ពុជា និងក្រុមហ៊ុនរៀបចំពិព័រណ៍ INFORMA MARKETS។ MOU នេះជា គំនិតផ្តួចផ្តើមរួមគ្នាដែលផ្តោតលើការចែករំលែកចំណេះដឹង និងបទពិសោធន៍ដល់ឧស្សាហកម្ម និងកិច្ចខិតខំប្រឹងប្រែងទីផ្សាររួមគ្នាដើម្បីលើកកម្ពស់វិស័យបដិសណ្ឋារកិច្ចលំប្រទេសកម្ពុជា។

The post ពិព័រណ៍ B2B វិស័យផ្គត់ផ្គង់ម្ហូបអាហារ សណ្ឋាគារ និងបដិសណ្ឋារកិច្ច របស់កម្ពុជាខេមហ្វូដនិងខេមហូតែល២០២៤គ្រោងនឹងរៀបចំឡើងជាមួយនិងការប្រកួតប្រជែងចំអិនម្ហូបនិងបដិសណ្ឋារកិច្ចថ្នាក់ជាតិកម្ពុជា appeared first on .

លោកជំទាវ ឆាយ ស៊ីវលីន ប្រធានសមាគមទេសចរណ៍កម្ពុជាបានឱ្យដឹងថា មុខម្ហូបខ្មែររសជាតិមានការដាក់គ្រឿងផ្សំខ្លំាងពេក(ច្រើន) សម្រាប់ភ្ញៀវទេសចរបរទេសពិបាកទទួលយកណាស់ អីចឹងយើងត្រូវបំប្លែងឱ្យទៅរាងសាប។ឧទាហរណ៍ម្ហូបតុងយុំារបស់ប្រទេសថៃមានការដាក់គ្រឿងផ្សំក្រាស់ឬខ្លំាងមែនទែន ប៉ុន្តែគេចេះច្នៃប្រឌិតធ្វើឱ្យម្ហូបមួយមុខនេះរាងសាបបន្តិចជាហេតុធ្វើឱ្យអ្នកទទួលទានទោះបីមិនហូបជាមួយបាយ ហូបលេងទទេក៏បានដែរ។

លោកជំទាវលើកឡើងថា នៅកម្ពុជាមានកន្លែងកែច្នៃលើមុខម្ហូបក្នុងស្រុកនៅមានទ្រុងទ្រាយតូច តែបើយើងចេះច្នៃប្រឌិតទៅលើមុខសម្លរបស់យើងដូចជា សម្លកកូ ប្រហើរធ្វើម៉េចកុំឱ្យខាប់ពេកឬរាវពេក ហើយរសជាតិរាងសាបបន្តិច អាចធ្វើឱ្យភ្ញៀវបរទេសចរគឺអាចទទួលទានបាន។

លោកជំទាវ មានប្រសាសន៍ថា យើងចង់ឱ្យអ្នកផ្តល់សេវាលើមុខម្ហូបអាហារក្នុងស្រុកត្រូវចេះច្នៃប្រឌិតឱ្យបានច្រើនដើម្បីអាចទទួលភ្ញៀវទេសចរបាន ហើយកន្លងមកនេះយើងនៅមិនទាន់បានធ្វើការច្នៃប្រឌិតទៅលើរសជាតិម្ហូបអាហាររបស់ខ្មែរទេ។ កាលណាយើងយកមុខម្ហូបថៃ គ្រឿងផ្សំរបស់ថៃដែលគេកែច្នៃប្រឌិតហើយស្រាប់ យកទៅឱ្យភ្ញៀវ ហើយភ្ញៀវទទួលស្គាល់ថាមានរសជាតិឆ្ងាញ់ វាធ្វើឱ្យបាត់អត្តសញ្ញាណមុខម្ហូបរបស់ខ្មែរ។

បើតាមប្រធានសមាគមទេសចរណ៍កម្ពុជា «បច្ចុប្បន្ននេះខ្ញុំចង់ឱ្យអ្នកជំនាញលើមុខម្ហូបអាហាររបស់ខ្មែរយើង ចង់ឱ្យគាត់សិក្សាបន្ថែម ហើយចេះច្នៃប្រឌិតបន្ថែមឱ្យមានភាពទូលំទូលាយបន្តិច។គាត់ត្រូវមានក្រុមមួយនៅក្នុងការច្នៃប្រឌិតម្ហូបអាហារនេះ ហើយគាត់ត្រូវមានការចែករំលែកទៅក្រុមអ្នកធ្វើម្ហូបទូទៅដើម្បីឱ្យគេជួយផ្សព្វផ្សាយបន្ត។លើសពីនេះព្យាយាមកោះកកាយរកនូវមុខម្ហូបរបស់ខ្មែរដែលធ្លាប់មានចងក្រងទុកនៅក្នុងព្រះបរមរាជវាំង អាចសុំយកមកចម្លងខ្លះៗដើម្បីអាចធ្វើការច្នៃប្រឌិតបន្ថែមសម្រាប់បម្រើទៅដល់ភ្ញៀវទេសចរ ជាការលើកតម្កើងនៅកិត្យានុភាពរបស់កម្ពុជា»។

លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជាបានសង្កេតឃើញថាកន្លងមកនេះឃើញថាកម្ពុជានាំចូលនៅបន្លែ កសិផលនិងគ្រឿងបរិភោគមកពីប្រទេសចិន ដើម្បីឆ្លើយតបឬផ្គត់ផ្គង់សេវាម្ហូបអាហារទៅដល់ភ្ញៀវទេសចរចិន ហើយបានបន្តមានលក់ដល់ពេលបច្ចុប្បន្ននេះ ដោយសារតែប្រជាជនចិន គាត់មិនសូវជាទុកចិត្តទៅលើគុណភាពគ្រឿងបរិភោគរបស់កម្ពុជា ធ្វើឱ្យជនជាតិចិនប្រើប្រាស់ផលិតផលនិងរស់ជាតិរបស់ខ្លួន។

លោកបណ្ឌិតលើកឡើងថា «ដើម្បីគាំទ្រលើចំណុចនេះ យើងត្រូវសិក្សាអំពីរស់ជាតិលើគ្រឿងបរិភោគរបស់ចិនហើយយើងត្រូវតែផលិតជំនួសឱ្យការនាំចូលឱ្យបាន ហើយគ្រប់ផលិតផលរបស់កម្ពុជាត្រូវតែមានស្តង់ដានិងត្រូវមានផ្លាកសញ្ញាជាអក្សរចិន ដើម្បីឱ្យសិប្បកម្មក្នុងស្រុកអាចឈានចូលទៅក្នុងទីផ្សារសម្រាប់ភ្ញៀវទេសចរចិនបាន។បើពុំដូច្នោះទេ ពេលភ្ញៀវទេសចរចិនចូលមកនិងមានការនាំចូលផលិតផលរបស់ខ្លួនកាន់តែច្រើន នោះវានិងធ្វើឱ្យមានការខាតបង់ឬធ្វើឱ្យកម្ពុជាមិនអាចទទួលបានផលកម្រៃច្រើន តែផ្ទុយទៅវិញវាបែរទៅជាជួយដល់សេដ្ឋកិច្ចចិនកាន់តែប្រសើរជាងមុនទៅទៀត»។

តាមលោកបណ្ឌិតគីសេរីវឌ្ឍន៍ថា តាមការសិក្សាកាលឆ្នាំ២០១៩កន្លងមកឃើញថាភ្ញៀវទេចរចិនមានការចាយវាយជាមធ្យមក្នុងរង្វង់ពី៣០០ទៅ១.០០០ដុល្លារអាមេរិកក្នុងម្នាក់ ហើយភ្ញៀវចរអឺរ៉ុបវិញគាត់ចាយវាយពី៤០០ទៅ៦០០ដុល្លារអាមេរិកក្នុងម្នាក់នៅពេលពួកគាត់ចូលមកទស្សនៈកិច្ចនៅកម្ពុជាម្តង៕ អត្ថបទ៖សារេត

The post អ្នកជំនាញក្នុងវិស័យទេសចរចង់ឱ្យមានការច្នៃប្រឌិតលើមុខម្ហូបខ្មែរដើម្បីទាញប្រយោជន៍ពីភ្ញៀវទេសចរ appeared first on .

បើតាមលោក ចម ប្រសិទ្ធ ការ​បង្កើតសមាគម​អ្នកផលិតចំណីអាហារនេះឡើង​ ពីព្រោះ​ជាវិស័យដ៏សំខាន់ទាក់ទងនិងជីវភាពប្រចាំថ្ងៃ​ និងវិស័យ​ខ្លះ​បានចូលរួមក្នុងស្តុកយុទ្ធសាស្ត្រចំណីអាហាររបស់ប្រទេសផងដែរ​។

លោកកបញ្ជាក់​ថា​ តាមការសម្រង់ស្ថិតិសហគ្រាស​មីក្រូ​ធនតូចនិងមធ្យម​នៅកម្ពុជា​មានប្រមាណជាង​ ៥​សែនមូលដ្ឋាន​ ក្នុងនោះផ្នែកផលិតចំណីអាហារ​មានរាប់ម៉ឺនមូលដ្ឋានផងដែរ​ ក៏ប៉ុន្តែ​ការចុះបញ្ញីទទួលស្គាល់តាមច្បាប់ទើបបានជាង​២ម៉ឺន​មូលដ្ឋានអាជីវកម្មប៉ុណ្ណោះ​។ ហេតុនេះ លោកបានស្នើឲ្យសមាគមជួយកៀរគរសមាជិកឲ្យបានច្រើនថែមទៀត​ ព្រមទាំងមកចុះបញ្ជីទទួលស្គាល់តាមច្បាប់​ ពីព្រោះ​បច្ចុប្បន្ន​ត្រូវ​បានធ្វើតាមប្រព័ន្ធអនឡាញ​ ដែលមានភាពងាយស្រួលជាងមុនច្រើនណាស់ ។

លោករដ្ឋមន្រ្តីអះអាងថា ផលប្រយោជន៍នៃការចូលជាសមាជិក​សមាគម​ គឺក្រៅពីងាយស្រួលលើការងារីគ្រប់គ្រង​ គឺយើងបានចែករំលែកនូវព័ត៌មាន​ទីផ្សារ​ ការងារ​បណ្តុះបណ្តាល​ ហើយសមាគមមានសិទ្ធអំណាចតវាជាសមូហភាព​ សម្រាប់ផលប្រយោជន៍ក្រុមរបស់ខ្លួន​ ជាមួយរដ្ឋាភិបាលផងដែរ​។

ចំណែកឯ លោក មេវ សុខទ្រី ប្រធានសមាគមអ្នកផលិតចំណីអាហារកម្ពុជា បញ្ជាក់ដែថា បច្ចុប្បន្នសមាគមមានសមាជិកចូលរួមជាង៥០មូលដ្ឋានអាជីវកម្ម។ លោកថា សមាគមបច្ចុប្បន្នជួបបញ្ហា និងកត្តារាំងស្ទះមួយចំនួន ដែលមិនមែនជាបញ្ហារាំងស្ទះ ខ្សែសង្វាក់ផលិតកម្មនោះទេ តែបញ្ហា និងកត្តារាំងស្ទះទាំងអស់នោះ ជាការអនុវត្តតាមបញ្ញតិកម្ម បទដ្ឋានគតិយុត្ត នីតិវិធី ស្តង់ដារ បច្ចេកទេស និងភាពអនុលោម ដែលត្រូវការមានការពិគ្រោះយោបល់ ការណែនាំ និងបណ្តុះបណ្តាលបន្ថែម៕

The post ក្រសួងឧស្សាហកម្មស្នើសមាគមអ្នកផលិតចំណីអាហារកម្ពុជា កៀរគរសមាជិកមកចុះបញ្ជីតាមច្បាប់ដើម្បីការពារផលប្រយោជន៍ appeared first on .

រយៈពេល ០៤ថ្ងៃនៃបុណ្យចូលឆ្នាំចិន ដោយគិតចាប់ពីថ្ងៃទី ៣១ ខែមករា ឆ្នាំ២០២២ ដល់ថ្ងៃទី០៣ ខែកុម្ភៈនេះ ខេត្តបាត់ដំបង ទទួលបានភ្ញៀវទេសចរ មកទស្សនាកម្សាន្ត តាមរមណីយដ្ឋានទេសចរណ៍ និងគោលដៅទេសចរណ៍នានា មានចំនួន ២១៨,៤២០ នាក់ ក្នុងនោះភ្ញៀវទេសចរជាតិមានចំនួន ២១៧,៩៥៩ នាក់ និងភ្ញៀវទេសចរអន្តរជាតិ មានចំនួន ៤៦១ នាក់។

បើតាមលោក សុខ លូ ម្ហូបអាហារនៅខេត្តបាត់ដំបង ក៏ជាចំណុចមួយសម្រាប់ទាក់ទាញភ្ញៀវទេសចរណ៍ ដូចនេះម្ហូបអាហារនានាត្រូវប្រាកដថាមានអនាម័យខ្ពស់ គ្មានជាតិគីមី និងមិនប៉ះពាល់ដល់សុខភាព។ លោកគូសបញ្ជាក់ថា ខេត្តបាត់ដំបងក៏ជាខេត្តមួយមានភាពល្បីល្បាញខាងផ្នែកម្ហូបអាហារ ក្នុងន័យនេះ ត្រូវតែរៀបចំម្ហូបអាហារដែលសុវត្ថិភាពដល់ភ្ញៀវទេសចរផងដែរ។

រដ្ឋាភិបាល​កម្ពុជា​ កាលពីថ្ងៃទី២៥ ខែមិថុនា ឆ្នាំ២០២១​បានសម្រេច​ដាក់​បេក្ខភាព​ទីក្រុង​បាត់ដំបង​ជា​សមាជិក​បណ្ដាញ​ទីក្រុង ដែល​មាន​ភាពច្នៃប្រឌិត​របស់​អង្គការ​យូណេស្កូ ជាភាសាអង់គ្លេសថា UNESCO Creative Cities Network ពោលគឺ ការទាក់ទង​នឹង​ការច្នៃប្រឌិត​លើ​ម្ហូបអាហារ។

លោក ​ ថោង ខុន រដ្ឋមន្ត្រី​ក្រសួង​ទេសចរណ៍​បាន​លើកឡើង​ថា ការជ្រើសរើស​នេះ​គឺ​ដោយសារ​ផ្អែក​តាម​ការវាយតម្លៃ​របស់​ក្រុមការងារ​ជំនាញ​ទីក្រុង​បាត់ដំបង​ថា ខេត្ត​បាត់ដំបង​សម្បូរ​ទៅ​ដោយ​ម្ហូបអាហារ​ជាច្រើន​ប្រភេទ និង​ច្រើន​ទម្រង់​ ដែល​ត្រូវ​បាន​រៀបចំ និង​កែច្នៃ ដើម្បី​ចែករំលែក និង​ផ្សព្វផ្សាយ​លើ​ឆាក​អន្តរជាតិ។

ដោយឡែក បញ្ហាការរៀបចំចំណតរថយន្ត និងម៉ូតូនៅជុំវិញផ្សារណាត់ ដែលបច្ចុប្បន្ននេះមានភាពអាណាធិបតេយ្យក្នុងការចតយានយន្តជុំវិញផ្សារយ៉ាងគ្មានសណ្ដាប់ធ្នាប់ ធ្វើឲ្យជុំវិញផ្សារមានភាពរញ៉េរញ៉ៃ ចង្អៀត ពិបាកក្នុងការធ្វើដំណើរលោក សុខ លូ ក៏បានស្នើជំរុញឲ្យអាជ្ញាធរ ត្រូវតែយកចិត្តទុកដាក់ឲ្យបានខ្ពស់ដើម្បីដោះស្រាយបញ្ហានេះ។

លោកអភិបាលខេត្ត មានប្រសាសន៍ថា៖ “បើចង់ឲ្យមានការរៀបចំសណ្ដាប់ធ្នាប់ក្នុងក្រុងកាន់តែមានប្រសិទ្ធិភាព និងឆាប់រហ័ស ទាមទារឲ្យមានការចូលរួមទាំងអស់គ្នា ទាំងក្រុមការងារ និងប្រជាពលរដ្ឋ ធ្វើយ៉ាងណាគឺសហការគ្នាទៅវិញទៅមកទើបដំណើរការនៃការរៀបចំបានយ៉ាងរលូន “។

សូមរំលឹកផងដែរថា ទីក្រុងបាត់ដំបង និងទីក្រុងចំនួន២ទៀតរបស់ប្រទេសកម្ពុជា មានទីក្រុងព្រះសីហនុ និងទីក្រុងសៀមរាប បានទទួលពានរង្វាន់ទីក្រុងទេសចរណ៍ស្អាតអាស៊ាន លើកទី៣ ឆ្នាំ២០២២-២០២៤។ ពិធីទទួលពានរង្វាន់ទីក្រុងទេសចរណ៍ស្អាតអាស៊ាននេះ បានធ្វើឡើងនៅខេត្តព្រះសីហនុ ក្រោមវត្តមានលោក ថោង ខុន រដ្ឋមន្ត្រីក្រសួងទេសចរណ៍ ក្នុងវេទិកាទេសចរណ៍អាស៊ានលើកទី៤០ ឆ្នាំ២០២២៕

The post លោក សុខ លូ ស្នើសុំយ៉ាងទទូចឲ្យអ្នករកស៊ីក្នុងវិស័យម្ហូបអាហារ ត្រូវរក្សាអនាម័យខ្ពស់ និងមិនប៉ះពាល់ដល់សុខភាពភ្ញៀវទេសចរណ៍ appeared first on .

ការ​ស្វាគមន៍​ដំណើរ​នាំយកជយលាភី​ជូន​ប្រទេស​ជាតិ របស់​សមាគម​ចុងភៅ​កម្ពុជា បានធ្វើឡើង​នៅផ្ទះម៉ែឡន​ម្ហូបខ្មែរ សង្កាត់​ក្របីរៀល នាជាយ​ក្រុង​សៀមរាប កាលពី​រសៀល​ថ្ងៃទី០២ ខែមិថុនា ឆ្នាំ​២០១៩ ។

លោក ឡុង ប៊ុនហោ ប្រធាន​សមាគម​ចុងភៅ​កម្ពុជា និងជា​ប្រធាន​ដឹកនាំ​សមាជិក​ប្រតិភូ​ចូលរួម​ការប្រកួត​នោះ បាន​ឲ្យដឹង​ថា កម្មវិធី​ប្រកួត​ប្រជែង អាហារ​អាស៊ី ​ឆ្នាំ២០១៩ ត្រូវបាន​ធ្វើឡើង​នៅទីក្រុង​បាងកក ចាប់ផ្តើម​ថ្ងៃទី​២៦ ខែ​ឧសភា និង​ប្រកាស​លទ្ធផល នា​រាត្រីថ្ងៃទី​០១ ខែ​មិថុនា ឆ្នាំ​២០១៩។ បណ្តាអ្នកចូលរួម​ក្នុងកម្មវិធី​នេះ រួមមាន​មកពី​ប្រទេស​ថៃ កម្ពុជា ចិន កូរ៉េខាងត្បូង ហុងកុង វៀតណាម ម៉ាកាវ ម៉ាឡេស៊ី កោះតៃវ៉ាន់ ហ្វីលីពីន ឥណ្ឌូណេស៊ី សឹង្ហបូរី និងប៉ាគីស្ថាន ។ នៅក្នុងកម្មវិធីនេះដែរ ក្រុមចុងភៅ​ល្បីៗមកពី​បណ្តា​ខេត្ត​ចំនួន៣០ ​ក្នុង​ប្រទេស​ថៃ ក៏បាន​ចូលរួម​ផងដែរ ។ សរុប​ចុងភៅ​ចូលរួម​ទាំងអស់ មាន​ប្រមាណ​ជិត ៩០០​នាក់។

លោក​បញ្ជាក់រទៀត​ថា ផ្តើមចេញ​ពីរសជាតិម្ហូបខ្មែរ​ចំនួន១០មុខ​មាន​ដូចជា៖ ១-អាម៉ុកត្រី។ ២-ញាំក្រូចថ្លុងបង្គារ។ ៣-សាច់គោអាំងទឹកប្រហុក។ ៤-ការីសាច់មាន់។ ៥-ឆាកង្កែបម្រេចកំពត។ ៦-ខ​ប៉េងប៉ោះ។ ៧-គ្រំបំពងជ្រក់ស្វាយ។ ៨-បាយសម្រូបម្រេចខ្មៅ។ ១០-សម្លរប្រហើរនិងស្ង្យាល្ពៅ។

លោកបាន​បង្ហាញ​នូវ​អារម្មណ៍​ពិត​របស់​លោក​ថា ទេពកោសល្យ​នៃការ​ផ្សំ​គ្រឿង​ចំអិន​ម្ហូប វាគ្រាន់តែ​ជាតម្លៃមួយ​បង្ហាញអំពី​បំណិន​នៅក្នុង​វិជ្ជាជីវៈជាចុងភៅ​តែ​ប៉ុណ្ណោះ។ ក៏ប៉ុន្តែអ្វី​ដែលជា​មោទនភាព​សម្រាប់​ការលើក​ពាន​ជយលាភី គឺ​រសជាតិ​ម្ហូបខ្មែរ ។

សមាគម​ចុងភៅ​កម្ពុជា បាន​បង្កើត​ឡើង​នៅក្រុង​សៀមរាប​ក្នុងឆ្នាំ​២០១៣ ។ ឆ្នាំ​២០១៩​នេះ គឺជា​លើកទី៧​ហើយ ដែល​សមាគម​ចុងភៅ​កម្ពុជា បានបញ្ជូន​ក្រុមចុងភៅ​ឆ្នើមៗ​របស់ខ្លួន​ចេញទៅ​ប្រកួតប្រជែង​ធ្វើម្ហូប ក្នុង​កម្មវិធី​ធំៗ​ខ្នាតអន្តរជាតិ​នៅ​ក្រៅ​ប្រទេស។

ជាការ​កត់សម្គាល់​ទៅលើ​លទ្ធផល​នៃការ​ប្រកួត​នោះ រាល់លើក​ដែល​សមាគម​ចុងភៅ​កម្ពុជា​ដណ្តើម​បាន គឺក្រៅពី​មេដាយ​មាស ប្រាក់ និង​សំរឹទ្ធ​ជាច្រើន​នោះ ជយលាភី​ពានមាស សមាគម​ចុងភៅ​កម្ពុជា​ទទួលបាន​ចំនួន​២លើក គឺឆ្នាំ​២០១៤ ទទួល​បាន​ពាន​មាស​ក្នុង​កម្មវិធី​ប្រកួត​ធ្វើម្ហូប ( រសជាតិ​អាហារ​ទន្លេមេគង្គ ) នៅទីក្រុង​បាងកក ប្រទេស​ថៃ និង​លើកទី២ គឺពាន​ជយលាភី ប្រកួត​ធ្វើម្ហូប​អាស៊ី​ឆ្នាំ២០១៩ ។ លោក ង៉ូវ សេងកាក់ ប្រធាន​មន្ទីរទេចរណ៍​ខេត្ត​សៀមរាប វាយ​តម្លៃ​ថា ជយលាភី​ទាំងនេះ ពិតជា​បាន​ចូលរួម​យ៉ាងសំខាន់​ក្នុង​វិស័យ​ទេសចរណ៍​កម្ពុជា។ ពិតណាស់​ថា តាមរយៈ​នៃការ​ចូលរួម​ប្រកួត​ប្រជែង​នោះ បណ្តា​ប្រទេស​ក្នុង​តំបន់​ត្រូវបាន​ចាប់​អារម្មណ៍​ចំពោះ​រសជាតិ​ម្ហូបខ្មែរ៕

The post មោទនភាព​ណាស់! ចុងភៅកម្ពុជា នាំយកម្ហូបខ្មែរចំនួន១០មុខ ទៅប្រកួត រហូតឈ្នះមេដៃមាស Asian Gourmet Challenge នៅប្រទេសថៃ appeared first on .