យន្តហោះ C919 របស់ក្រុមហ៊ុន Air China បានហោះចេញពីអាកាសយានដ្ឋានអន្តរជាតិប៉េកាំង ឆ្ពោះទៅកាន់ទីក្រុងអ៊ូឡង់បាតា (ប្រទេសម៉ុងហ្គោលី) ហើយបានចុះចតប្រហែលពីរម៉ោងក្រោយមក។ នេះបើយោងតាមគេទំព័រតាមដានជើងហោះហើរ ​​FlightRadar24។

យ៉ាងណាមិញ នេះជាលើកដំបូងហើយដែលយន្តហោះមានតួតូចចង្អៀតនេះ បានដំណើរការនៅខាងក្រៅប្រទេសចិន។ ក្រុមហ៊ុន Air China មានគម្រោងដាក់ដំណើរការយន្តហោះ C919 នេះ សម្រាប់ជើងហោះហើររវាងទីក្រុងប៉េកាំង-អ៊ូឡង់បាតា ជារៀងរាល់ថ្ងៃ។

គួរឲ្យដឹងថា យន្តហោះ C919 គឺជាលទ្ធផលនៃការអភិវឌ្ឍអស់រយៈពេលដល់ទៅ ១៤ឆ្នាំដោយក្រុមហ៊ុន COMAC ដោយទទួលបានវិញ្ញាបនបត្រពីប្រទេសចិន នៅចុងខែកញ្ញា ឆ្នាំ២០២២ និងចាប់ផ្តើមហោះហើរពាណិជ្ជកម្មជាលើកដំបូង នៅក្នុងខែឧសភា ឆ្នាំ២០២៣។ វាគឺជាយន្តហោះដឹកអ្នកដំណើរមានតួតូចចង្អៀត ដែលមានច្រកផ្លូវតែមួយ និងមានសមត្ថភាពផ្ទុកអ្នកដំណើរអតិបរមាចំនួន ១៧៤នាក់ ដែលត្រូវបានរចនាឡើងដើម្បីប្រកួតប្រជែងជាមួយយន្តហោះប្រភេទ Boeing 737 MAX និង Airbus A320neo។

យ៉ាងណាមិញ ជុំវិញការហោះហើរនេះ គឺជាជំហានមួយទៀតនៅក្នុងកិច្ចខិតខំប្រឹងប្រែងរបស់ទីក្រុងប៉េកាំង ក្នុងការដាក់ក្រុមហ៊ុន Commercial Aircraft Corporation of China (COMAC) ជាដៃគូប្រកួតប្រជែងនៅក្នុងទីផ្សារយន្តហោះដឹកអ្នកដំណើរសកល ដែលបច្ចុប្បន្នត្រូវបានគ្របដណ្ដប់ដោយក្រុមហ៊ុន Boeing របស់អាមេរិក និងក្រុមហ៊ុន Airbus របស់អឺរ៉ុប។

តែទោះជាយ៉ាងណាក៏ដោយ យន្តហោះ C919 នៅតែពឹងផ្អែកលើគ្រឿងបន្លាស់បរទេស ហើយមិនទាន់ត្រូវបានបញ្ជាក់ដោយស្ថាប័ននិយតកម្មអាកាសចរណ៍ធំៗរបស់សហរដ្ឋអាមេរិក ឬអឺរ៉ុបនៅឡើយទេ។ ដែលនេះកំពុងកំណត់សមត្ថភាពរបស់យន្តហោះ C919 ក្នុងការទាក់ទាញយកអតិថិជន នៅក្នុងទីផ្សារបរទេសជាច្រើន៕​

The post C919 យន្តហោះផលិតនៅប្រទេសចិន ចាប់ផ្តើមធ្វើការហោះហើរអន្តរជាតិជាលើកដំបូង appeared first on .

បើតាមការចុះផ្សាយពីសារព័ត៌មាន CNN បានបង្ហាញឱ្យដឹងថា កិច្ចព្រមព្រៀងនេះ នឹងក្លាយជាការបញ្ជាទិញដ៏ធំបំផុតមិនធ្លាប់មាន សម្រាប់យន្តហោះដែលផលិតឡើងដោយក្រុមហ៊ុនសាជីវកម្មយន្តហោះពាណិជ្ជកម្មចិន (COMAC) ។

ក្រុមហ៊ុន China Eastern Airlines បាននិយាយថា ពួកគេទទួលបានការបញ្ចុះតម្លៃយ៉ាងច្រើន សម្រាប់កិច្ចព្រមព្រៀងនេះ ហើយយន្តហោះ ដែលខ្លួនបានបញ្ជាទិញនោះ នឹងបញ្ជូនមកដល់ក្រុមហ៊ុន នៅចន្លោះឆ្នាំ ២០២៤ ដល់ឆ្នាំ ២០៣១។

យន្តហោះ C919 មានតម្លៃក្នុងបញ្ជី ៩៩លានដុល្លារ ប៉ុន្តែវាត្រូវបានសាជីវកម្មយន្តហោះពាណិជ្ជកម្មចិន លក់បញ្ចុះតម្លៃរហូតដល់ទៅ ៥០% ឯណោះ ជាពិសេសសម្រាប់មូដែលថ្មីៗ ។

ជម្រាបជូនផងដែរថា កិច្ចព្រមព្រៀងនេះ បានកើតឡើងត្រឹមតែរយ:ពេល ៥ខែប៉ុណ្ណោះ បន្ទាប់ពីយន្តហោះដឹកអ្នកដំណើររបស់ចិន ដែលត្រូវបានផលិតដោយក្រុមហ៊ុនរដ្ឋ COMAC បានធ្វើការហោះហើរជាលើកដំបូងដោយជោគជ័យ កាលពីក្នុងខែឧសភា ជាមួយនឹងក្រុមហ៊ុន China Eastern ៕

The post ក្រុមហ៊ុនអាកាសចរណ៍ចិន ​បញ្ជា​ទិញយន្តហោះ C919 រាប់រយគ្រឿង ក្នុងតម្លៃ ១០ពាន់លានដុល្លារ appeared first on .