លោកស្រី យីងឡាក់ ដែលជាសមាជិកម្នាក់ក្នុងចំណោមសមាជិក ៤ នាក់នៃគ្រួសារមហាសេដ្ឋី ស៊ីណាវ៉ាត្រា ដែលធ្លាប់ធ្វើជានាយករដ្ឋមន្ត្រីផងនោះ បាននិរទេសខ្លួនឯងទៅរស់ក្រៅប្រទេស ដើម្បីគេចវេសពីការជាប់ពន្ធនាគារ ដោយសារបរាជ័យក្នុងការទប់ស្កាត់អំពើពុករលួយ ក្នុងគម្រោងស្រូវ ដែលបានបង់ថ្លែស្រូវឲ្យកសិករលើសពីតម្លៃទីផ្សារ រហូតដល់ ៥០% និងបណ្តាលឲ្យរដ្ឋមានការខាតបង់យ៉ាងធ្ងន់ធ្ងរ។

គួរឲ្យដឹងជុំវិញសេចក្តីសម្រេចចុងក្រោយរបស់តុលាការកាលពីថ្ងៃព្រហស្បតិ៍ គឺត្រូវបានធ្វើឡើង បន្ទាប់ពីមានការប្តឹងឧទ្ធរណ៍របស់លោកស្រី យីងឡាក់ ប្រឆាំងនឹងដីកាពីមុន ដែលតម្រូវឲ្យលោកស្រី ត្រូវបង់ប្រាក់រហូតដល់ទៅ ៣៥ពាន់លានបាត (១,០៧ពាន់លានដុល្លារ) ឯណោះ ទៅឲ្យក្រសួងហិរញ្ញវត្ថុ។

តុលាការកំពូលថៃ បានរកឃើញថាលោកស្រី យីងឡាក់ បានបំពេញភារកិច្ចដោយមានការធ្វេសប្រហែសយ៉ាងធ្ងន់ធ្ងរដែលបណ្តាលឲ្យខូចខាតដល់រដ្ឋ ដូច្នេះហើយត្រូវតែសងសំណងជាចាំបាច់ ប៉ុន្តែទន្ទឹមនឹងនោះ តុលាការក៏បានបន្ថែមថា ដីកាពីមុន ហាក់លើសពីកម្រិតនៃការទទួលខុសត្រូវរបស់លោកស្រី ដូច្នេះហើយទើបការបញ្ជាឲ្យផ្តល់សំណង ត្រូវបានបន្ធូរបន្ថយវិញ។

ជម្រាបជូនថា លោកស្រី យីងឡាក់ បច្ចុប្បន្នវ័យ ៥៧ ឆ្នាំ បានឡើងកាន់អំណាចនាមជានាយករដ្ឋមន្ត្រីថៃ ក្នុងឆ្នាំ២០១១ បន្ទាប់ពីទទួលបានជ័យជម្នះក្នុងការបោះឆ្នោតជាមួយនឹងសំឡេងគាំទ្រភ្លូកទឹកភ្លូកដី ប៉ុន្តែត្រូវបានចុះចេញពីតំណែងវិញ ប៉ុន្មានថ្ងៃប៉ុណ្ណោះមុនរដ្ឋប្រហារឆ្នាំ២០១៤៕

The post អតីតនាយករដ្ឋមន្ត្រីថៃ លោកស្រី យីងឡាក់​ ត្រូវតុលារបញ្ជាឲ្យបង់សំណងរាប់រយលានដុល្លារ ជុំវិញគម្រោងទិញស្រូវ appeared first on .

លោកស្រី យីងឡាក់ ត្រូវបានចាត់ទុកថាជាសមាជិកដ៏លេចធ្លោម្នាក់នៃគ្រួសារ ស៊ីណាវ៉ាត្រា ដ៏មានឥទ្ធិពល ដែលបានទៅរស់នៅក្រៅប្រទេសអស់រយៈពេលប្រាំមួយឆ្នាំចុងក្រោយនេះ ដើម្បីគេចវេសពីការផ្តន្ទាទោសឲ្យជាប់ពន្ធនាគារ បន្ទាប់ពីលោកស្រី ត្រូវបានទម្លាក់ចេញពីតំណែងនៅក្នុងរដ្ឋប្រហារយោធា ឆ្នាំ២០១៤ ។

គួរឲ្យដឹងថា ការសម្រេចចិត្តជាឯកច្ឆ័ន្ទរបស់តុលាការ ដើម្បីទម្លាក់ការចោទប្រកាន់លើលោកស្រី យីងឡាក់នេះ បានកើតឡើង ស្របពេលដែលលោកថាក់ស៊ីន ស៊ីណាវ៉ាត្រា ដែលត្រូវជាបងប្រុសរបស់លោកស្រី ថ្មីៗនេះក៏ត្រូវបានដោះលែងពីការឃុំខ្លួនផងដែរ បន្ទាប់ពីការវិលត្រលប់ចូលប្រទេសវិញ ក្រោយរស់នៅក្រៅប្រទេសអស់រយ:ពេលជាច្រើនឆ្នាំកន្លងមក។

បញ្ជាក់ផងដែរថា ករណីចោទប្រកាន់លើលោកស្រី យីងឡាក់ នេះ គឺត្រូវបានផ្តើមចេញពីពាក្យបណ្តឹងមួយក្នុងឆ្នាំ២០២២ របស់គណៈកម្មាធិការជាតិប្រឆាំងអំពើពុករលួយ ដែលបានចោទប្រកាន់លោកស្រីយីងឡាក់ និងមនុស្សពាក់ព័ន្ធបួននាក់ផ្សេងទៀត ពីបទធ្វើឲ្យខូចទ្រព្យសម្បត្តិប្រទេសជាតិ ដោយមិនអនុវត្តតាមដំណើរការដេញថ្លៃ ក្នុងការផ្តល់កិច្ចសន្យារដ្ឋាភិបាលដែលមានតម្លៃ ២៥០លានបាត (៦,៧១លានដុល្លារ) ។

ប៉ុន្តែទោះជាយ៉ាងណាក៏ដោយ មេធាវីរបស់លោកស្រី យីងឡាក់ គឺលោក Noppadon Laothong បានប្រាប់ទៅកាន់សារព័ត៌មាន Reuters ថា តុលាការបានទម្លាក់ចោលសំណុំរឿងប្រឆាំងលោកស្រី យីងឡាក់ និងអ្នកផ្សេងទៀត ដោយសារតែពួកគេកំពុងបំពេញភារកិច្ចរបស់ខ្លួនស្របតាមច្បាប់ ហើយមិនទទួលបានអត្ថប្រយោជន៍អ្វីទាំងអស់៕

The post ប្អូនស្រីលោក ថាក់ស៊ីន ត្រូវបានតុលាការសម្រេចលើកលែងពីការចោទប្រកាន់លើសំណុំរឿងមួយ appeared first on .

តាមរយៈកាសែត Bangkok Posts បានធ្វើការចុះផ្សាយថា តុលាការបានសម្រេចថា​ លោកស្រី យីងឡាក់ មិនមានចេតនាក្នុងការបង្កហេតុណាមួយ ក្រៅពីការផ្ទេរតំណែងជាធម្មតារបស់រដ្ឋាភិបាលនោះទេ ហើយក៏មិនមែនជាផែនការក្នុងការដកតំណែងមេប៉ូលិសជាតិ ឬក៏តែងតាំងសាច់ញាតិតាមបក្សតាមពួកឡើយ។ មិនត្រឹមតែប៉ុណ្ណោះ តុលាការក៏បានដកហូតដីកាចាប់ខ្លួនលោកស្រីផងដែរ ពីបទថាកាលពីខែវិច្ឆិកាឆ្នាំមុននោះ លោកស្រីមិនបានចូលខ្លួនមកបំភ្លឺនៅតុលាការ ដើម្បីដោះស្រាយសំណុំរឿងទាំងនេះនោះទេ។

គួរជម្រាបផងដែរ ការចោទប្រកាន់ពីបទរំលោភអំណាច បានកើតឡើងកាលពីថ្ងៃទី៣០ ខែកញ្ញា ឆ្នាំ២០១១ នៅពេលលោកស្រី យីងឡាក់ ដែលកាលនោះមានតំណែងជានាយករដ្ឋមន្ត្រីបានសម្រេចចុះហត្ថលេខាលើការផ្ទេរលោក Thawil Pliensri ពីតំណែងអគ្គលេខាធិការ NSC ទៅកាន់តួនាទីជាទីប្រឹក្សានាយករដ្ឋមន្ត្រី។ ជាមួយគ្នានោះ ខុទ្ទកាល័យបានតែងតាំងលោកឧត្តមសេនីយ៍ Wichean Potephosree ដែលកាលនោះជាអគ្គស្នងការនគរបាលជាតិ មកជំនួសតួនាទីលោក Thawil នៅ NSC វិញ។

ក្រោយមកលោកស្រី យីងឡាក់ បានស្នើឲ្យលោកឧត្តមសេនីយ៍ឯក Priewphan Damapong ដែលជាអគ្គស្នងការរងនគរបាលជាតិ និងក៏ជាសាច់ញាតិជាប់សាច់ជាប់ឈាមរបស់លោកស្រីផងដែរនោះ មកឡើងកាន់តួនាទីជាអគ្គស្នងការនគរបាលជាតិ ដើម្បីបំពេញកន្លែងដែលបន្សល់ទុកដោយលោក Potephosree ។

រម្លឹកបន្តិចថា លោក Priewphan គឺជាបងប្រុសរបស់អតីតភរិយារបស់លោក ថាក់ស៊ីន ស៊ីណាវ៉ាត្រា គឺលោកស្រី Potjaman Na Pombejra ហើយត្រូវបានចូលនិវត្តន៍នៅថ្ងៃទី៣០ ខែកញ្ញា ឆ្នាំ២០១២។

ដោយឡែក លោក Thawil បានដាក់ញត្តិទៅកាន់តុលាការរដ្ឋបាលកំពូល ដើម្បីរំសាយការផ្ទេរតំណែងនោះផងដែរ ក៏ប៉ុន្តែតុលាការធម្មនុញ្ញបានសម្រេចជាឯកច្ឆ័ន្ទថា លោកស្រី យីងឡាក់ បានរំលោភអំណាចជ្រៀតជ្រែកក្នុងការផ្ទេរមន្ត្រីរដ្ឋាភិបាល ហើយលោកស្រីក៏ត្រូវបានដកចេញពីតំណែងនាយករដ្ឋមន្ត្រី។

នៅថ្ងៃទី១ ខែកក្កដា ឆ្នាំ២០២០ គណៈកម្មាធិការជាតិប្រឆាំងអំពើពុករលួយបានចេញសេចក្តីសម្រេចថា មានហេតុផលចម្បងជាច្រើនដែលរកឃើញថា លោកស្រី យីងឡាក់ មានភាពមិនស្មោះត្រង់ក្នុងការបំពេញភារកិច្ចរបស់ខ្លួន ហើយបានផ្តល់អនុសាសន៍ឲ្យអគ្គមេធាវីនាំយកបណ្តឹងប្តឹងលោកស្រី នៅក្នុងផ្នែកព្រហ្មទណ្ឌនៃតុលាការកំពូលសម្រាប់អ្នកកាន់មុខតំណែងនយោបាយ។

គួរបញ្ជាក់ថា លោកស្រី យីងឡាក់ បានរត់គេចខ្លួនតាំងតែពីខែសីហា ឆ្នាំ២០១៧មកម្លេះ នៅពេលដែលលោកស្រីខកខានបង្ហាញខ្លួននៅតុលាការ ពាក់ព័ន្ធនៅក្នុងកម្មវិធីសន្យាទិញស្រូវដែលខាតបង់យ៉ាងតិចណាស់ ៥០០ពាន់លានបាត ខណៈករណីនេះ ត្រូវបានកាត់ទោសគាត់ឲ្យជាប់ពន្ធនាគាររយៈពេល ៥ឆ្នាំ។ ក្រោយមក តុលាការបានចេញដីកាចាប់ខ្លួនលោកស្រី នៅពេលអតីនាយករដ្ឋមន្ត្រីថៃរូបនេះ បានបង្ហាញខ្លួននៅចំពោះមុខតុលាការ ដែលជាសវនាការលើកដំបូងក្នុងខែវិច្ឆិកា ឆ្នាំ២០២២ ។

ដោយឡែក អតីតឧបនាយករដ្ឋមន្ត្រីលោក Wissanu Kreangam កាលពីថ្ងៃចន្ទបានក្រើនរំលឹកផងដែរថា ប្រសិនបើលោកស្រី យីងឡាក់ ចង់ទទួលបានព្រះរាជទានទោសពីព្រះមហាក្សត្រនោះ ដំបូងលោកស្រីត្រូវតែត្រឡប់មកកាន់ប្រទេសថៃវិញ ហើយប្រឈមមុខនឹងប្រព័ន្ធយុត្តិធម៌។

សូមជម្រាបផងដែរថា​ លោកស្រី យីងឡាក់ ស៊ីណាវ៉ាត់ត្រា គឺជាអ្នកជំនួញ អ្នកនយោបាយ និងក៏ជាសមាជិកនៃគណបក្សភឿថៃផងដែរ ដោយបានក្លាយជានាយករដ្ឋមន្ត្រីនៃប្រទេសថៃ បន្ទាប់ពីការបោះឆ្នោតក្នុងឆ្នាំ២០១១ ។ ម្យ៉ាងវិញទៀត លោកស្រី យីងឡាក់ គឺជានាយករដ្ឋមន្ត្រីស្ត្រីដំបូងគេរបស់ប្រទេសថៃ និងក្មេងជាងគេបំផុតនារយៈពេល ៦០ឆ្នាំមកនេះ។ មិនត្រឹមតែប៉ុណ្ណោះ រូបគាត់ត្រូវបានដកចេញពីតំណែងនាយករដ្ឋមន្ត្រីកាលពីថ្ងៃទី៧ ខែឧសភា ឆ្នាំ២០១៤ ដោយសេចក្តីសម្រេចរបស់តុលាការធម្មនុញ្ញ៕

The post តុលាការកំពូលថៃសម្រេចលើកលែងទោស អតីតនាយករដ្ឋមន្ត្រីថៃលោកស្រី យីងឡាក់ មួយករណី appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

តើត្រកូល ថាក់ស៊ីន ស៊ីណាវ៉ាត្រា មានប្រវត្តិយ៉ាងណា? សូមតាមដានជាមួយឧកញ៉ាញូស៍ ដូចតទៅ៖

លោក ថាក់ស៊ីន ស៊ីណាវ៉ាត្រា គឺជាសហគ្រិនដ៏ឆ្នើមមានប្រភពចេញពីត្រកូលអ្នកជំនួញដ៏ល្បីល្បាញ អតីតនាយករដ្ឋមន្ត្រី និងជាអ្នកនយោបាយដែលត្រូវបាននិរទេសខ្លួននៅក្រៅប្រទេសរហូតដល់ពេលបច្ចុប្បន្ននេះ។

លោក ថាក់ស៊ីន ស៊ីណាវ៉ាត្រា មានវ័យ ៧២ឆ្នាំ ជាកូនទីពីរក្នុងចំណោមបងប្អូនចំនួន ១០នាក់ ដែលមានឈាមជ័រដូនតាមកពីប្រទេសចិន ស្ថិតនៅស្រុកសាន់កាំផែង នៃខេត្តឈៀងម៉ៃ។ សាព័ត៌មានថៃជាច្រើនបានចុះផ្សាយថា ត្រកូល ស៊ីណាវ៉ាត្រា នេះគឺជាត្រកូល អ្នកមានស្តុកស្តម្ត នឹងមានឥទ្ធិពលខ្លាំងបំផុតក្នុងខេត្តឈៀងម៉ៃ។

លោក ថាក់ស៊ីន ស៊ីណាវ៉ាត្រា បានបញ្ចប់ការសិក្សាពីវិទ្យាល័យ ម៉ុងហ្វត ក្នុងខេត្តឈៀងម៉ៃ ហើយបានបន្តរៀននៅសាលានាយទាហានជំនាន់ទី១០ ក្នុងឆ្នាំ១៩៧៣ ជាមួយគ្នានោះលោកក៏បានរៀនបន្តនៅសាលាផ្នែកមន្រ្តីប៉ូលីស ជំនាន់ទី២៦ ក្នុងឆ្នាំ១៧៣ លោកគឺជាសិស្សរៀនពូកែ និងប្រឡងជាប់លេខ ១ផងដែរ។

ឆ្នាំបន្ទាប់លោក បានចូលបម្រើការងារជាមន្រ្តីប៉ូលីស គាប់ជួនពេលនោះក៏ទទួលបានអាហារូបកណ៍ថ្នាក់អនុបណ្ឌិតជំនាញយុត្តិធម៌នៅសកលវិទ្យាល័យ អ៊ែសស្ទឺន ខេនតាក់គី (Eastern Kentucky) ភាគខាងកើតនៃសហរដ្ឋអាមេរិក និងបន្តថ្នាក់បណ្ឌិតជំនាញដដែលពីសាកលវិទ្យាល័យ ស៊ែមហ៊ូស្តុន ស្តេត (Sam Houston State) ក្នុងរដ្ឋតិចសាស នៅឆ្នាំ ១៩៧៨ ហើយបានទទួលសញ្ញាប័ត្រ នៅថ្ងៃទី១២ ខែឧសភា ឆ្នាំ១៩៧៩។

ក្រោយបញ្ចប់ការសិក្សានៅឆ្នាំ១៩៨១ លោក ថាក់ស៊ីន បានទទួលដំណែងជាអនុប្រធាននាយកដ្ឋានទំនាក់ទំនងព័ត៌មាននៃអគ្គស្នងការនគរបាលជាតិ។ ស្របពេលជាមួយគ្នានោះរាជរដ្ឋាភិបាលថៃ កង្វះថវិកាដើម្បីទិញកុំព្យុទ័រមកប្រើប្រាស់ ដូច្នោះហើយបានជាភ្នាក់ងាររដ្ឋមានតែប្រើវិធីជួលកុំព្យុទ័រពីក្រុមហ៊ុនឯកជនប៉ុណ្ណោះ ដើម្បីបំពេញការងារ និងប្រត្តិបត្តិឲ្យទាន់សម័យកាល។

ដោយចេះចាប់យកឪកាសមាស ឪកាសប្រាក់កម្រនឹងកើតមានមកដល់ លោកថាក់ស៊ីន ចិញ្ចឹមចិត្តចង់បើកក្រុមហ៊ុន មិនបង្អង់យូរឡើយលោកក៏បង្កើតក្រុមហ៊ុនមួយដែលមានឈ្មោះថា អាយ.ស៊ី.អ៊េស.ស៊ី (ICSC) ហើយទទួលបានជោគជ័យខ្លាំង។ បន្ទាប់ពីមុខជំនួញដំបូងរបស់ខ្លួនជោគជ័យគួរជាទីមោទនៈ លោក ថាក់ស៊ីន បានបង្កើតក្រុមហ៊ុនថ្មីមួយទៀត គឺក្រុមហ៊ុន ស៊ីណាវ៉ាត្រា កុំព្យុទ័រ ចំកាត់ ព្រមទាំងពង្រីកសេវាបន្ថែមទៀត មានជាអាថ៍៖ ម៉ាស៊ីនដាក់តាមខ្លួនសម្រាប់ទទួលសារ ទូរសព្ទចល័ត សេវាផ្កាយរណប និងក្រុមហ៊ុនផ្គត់ផ្គង់អ៉ិនធើណេត រហូតប្រែក្លាយជាបណ្តាញធុរកិច្ចពេញលេញផ្នែកទំនាក់ទំនងដ៏សម្បូរបែបនៅក្នុងប្រទេសថៃ។

លុះមកដល់ឆ្នាំ១៩៩០ លោក ថាក់ស៊ីន បានចុះបញ្ជីក្រុមហ៊ុនរបស់លោកក្នុងទីផ្សារភាគហ៊ុន រហូតបានក្លាយជាក្រុមហ៊ុនធំមួយនៅប្រទេសថៃ មានឈ្មោះថា ស៊ីនខបភើរេស៉ិន ខណៈក្រុមហ៊ុនយក្សមួយនេះក៏បានហក់មកប្រឡូកក្នុងពិភពជំនួញនៅប្រទេសកម្ពុជា ជាមួយនឹងពាណិជ្ជសញ្ញាថ្មីមួយទៀតគឺ ក្រុមហ៊ុនទូរសព្ទចល័ត ស៊ីនណាវ៉ាត្រា ០១១ ហើយត្រូវបានប្តូរឈ្មោះវិញ ដោយដាក់ថា ខែមឈីន ធ្វើឡើងបន្ទាប់មានបាតុកម្មនៅភ្នំពេញ នាឆ្នាំ២០០២។

លោកថាក់ស៊ីន បានផ្ទេរភាគហ៊ុនទាំងអស់ឲ្យទៅភរិយា គឺលោកស្រី ភុតចៈម៉ាន និងកូនទាំងបីគឺ លោក ផានថងឆៃ នាង ភិនថងថា និងនាង ភែថងថាន ជាអ្នកកាន់កាប់ភាគហ៊ុនជំនួសវិញ។

ក្នុងឆ្នាំ១៩៩៨ លោក ថាក់ស៊ីន បានបង្កើតគណបក្សថ្មីដោយខ្លួនឯងដែលមានឈ្មោះថា «ថៃរ៉ាក់ថៃ Thai Rak Thai» ។នៅក្នុងការបោះឆ្នោតឆ្នាំ២០០១ គណបក្សដែលទើបតែបានបង្កើតឡើងថ្មីមួយនេះ ទទួលបានជ័យជម្នះ លោក ថាក់ស៊ីន ក៏បានក្លាយជានាយករដ្ឋមន្ត្រីថៃ។ ក្នុងអាណត្តិដំបូងនៃការដឹកនាំនៅ លោក ថាក់ស៊ីន បានដាក់ចេញនូវគោលនយោបាយជាច្រើនដើម្បីអភិវឌ្ឈន៍ប្រទេសជាតិ ជាពិសេសនោះគឺផ្ដោតទៅលើការជួយដល់ប្រជាជននូវទីជនបទ។

ភាពក្រីក្រត្រូវបានកាត់បន្ថយគួរឲ្យកត់សម្គាល់ នៅអំឡុងពេលដែលរដ្ឋាភិបាលលោក ថាក់ស៊ីន ដាក់ចេញនូវគោលនយោបាយដោយធ្វើកំណែទម្រង់ ផ្នែកអប់រំ ផ្នែកសេដ្ឋកិច្ច ហើយក៏បានដាក់នូវគោលនយោបាយសុខភាពដល់ប្រជាជនថៃថែមទៀតផង នេះជាហេតុបណ្តាលឲ្យលោកទទួលជ័យជម្នះជាប់ឆ្នោតបន្តទៀតគឺឆ្នាំ២០០៥។

នៅពេលដែលលោក ថាក់ស៊ីន កំពុងតែស្ថិតនៅឯបរទេស កងយោធាថៃ បានធ្វើរដ្ឋប្រហារទម្លាក់លោកចេញពីតំណែង នៅឆ្នាំ២០០៦ និងត្រូវបានគេចោទប្រកាន់រឿងអំពើរពុករលួយ ប្រើប្រាស់អំណាចផ្ដាច់ការ អំពើក្បត់ជាតិ ជាដើម។

ជាងនេះទៀតទ្រព្យសម្បត្តិគ្រួសារលោក ថាក់ស៊ីន ស៊ីណាវ៉ាត្រា ប្រមាណជាពីរពាន់លានដុល្លារ ត្រូវបានយោធារឹបអូស ដែលត្រូវបានគេចោទប្រកាន់ថាជាទ្រព្យសម្បត្តិដែលកើតចេញខុសពីធម្មតា ចាប់តាំងពីលោក ថាក់ស៊ីន ស៊ីណាវ៉ាត្រាបានឡើងកាន់តំណែងជានាយករដ្ឋមន្រ្តីតាំងពីឆ្នាំ២០០១។

ក្នុងអាជីពជាពាណិជ្ជករ

លោក ថាក់ស៊ីន គឺជាអ្នកជំនួញដ៍លេចធ្លោមួយក្នុងប្រទេសថៃ និងជុំវិញពិភពលោកដែលទទួលបានជោគជ័យ ប៉ុន្តែលោកត្រូវបានក្រុមអ្នកវិភាគ ព្រមទាំងមហាជនចាត់ថា បរាជ័យក្នុងឆាកនយោបាយ ខណៈរូបលោក និងប្អូនស្រី គឺអ្នកស្រី យីងឡាក់ ស៊ីណាវ៉ាត្រា ត្រូវបានគេធ្វើរដ្ឋប្រហារទម្លាក់ដូចគ្នា ដោយអ្នកទាំងពីរត្រូវនិរទេសហើយមិនអាចវិលត្រឡប់ចូលទៅស្រុកកំណើតបាននោះទេ។

ការទិញយកក្លឹបបាល់ទាត់អង់គ្លេសដ៏ល្បី Manchester City

នៅថ្ងៃទី ២១ ខែមិថុនាឆ្នាំ ២០០៧ លោកថាក់ស៊ីន បានទិញក្លឹប Premier League Manchester City ក្នុងតម្លៃ ៨១,៦ លានផោន (£81.6 million)។ បន្ទាប់ពីការតែងតាំងអ្នកចាត់ការក្លឹប Sven-Göran Eriksson និងនាំយកកីឡាករលេចធ្លោមកលោកទទួលបានប្រជាប្រិយភាពយ៉ាងខ្លាំង ត្រឹមរយៈពេលខ្លីជាមួយអ្នកគាំទ្រ។ ក្រោយមកលោក Eriksson បានរិះគន់ចំពោះការបើកក្លឹបរបស់លោក ថាក់ស៊ីន ដោយនិយាយថា “លោកថាក់ស៊ីន មិនយល់ពីបាល់ទាត់ទេ គាត់មិនមានចំណាត់ការអ្វីទេ” ។ ក្រោយមកលោកក៏បានលក់ក្លឹបទៅអោយក្រុមហ៊ុន Abu Dhabi United Group នៅខែកញ្ញា ២០០៨ ក្នុងតម្លៃ ២០០ លានដុល្លារ។

បន្ទាប់ពីលក់ Manchester City លោកថាក់ស៊ីន ត្រូវបានគេតែងតាំងជា “ប្រធានកិត្តិយស” ប៉ុន្តែមិនមានទំនួលខុសត្រូវផ្នែករដ្ឋបាលណាមួយឡើយ។ ទោះយ៉ាងណាក្រោយមកលោកត្រូវបានគេបណ្តេញចេញពីតំណែងជាប្រធានកិត្តិយសរបស់ក្លិបបន្ទាប់ពីក្លឹបបានប្រកាន់ជំហរប្រឆាំងនឹងលោកដែលកំពុងរត់គេចពីអាជ្ញាធរថៃ។

ទីប្រឹក្សាសេដ្ឋកិច្ចនៅកម្ពុជា

ពីរថ្ងៃក្រោយមក គ្រាន់តែឈានជើងដល់ ហួហ៊ីន ជាកន្លែងនៃកិច្ចប្រជុំកំពូលអាស៊ាន សម្តេចតេជោ ហ៊ុន សែន បានឆ្លើយតបវិញភ្លាមៗថា កម្ពុជានឹងមិនបញ្ជូនលោកថាក់ស៊ីនចេញពីទឹកដីរបស់ខ្លួនទេ ប្រសិនបើលោកថាក់ស៊ីនបានមកដល់កម្ពុជាមែននោះ ។

សម្តេចតេជោក៏បានបញ្ជាក់ទៀតថា លោកមានបំណងតែងតាំងលោកថាក់ស៊ីន ជាទីប្រឹក្សាផ្នែកសេដ្ឋកិច្ចរបស់លោកទៀតផង ដោយលោកធ្វើការប្រៀបធៀបរវាងករណីលោកថាក់ស៊ីនជាមួយនឹងករណីលោកស្រីអ៊ុងសាន ស៊ូជី ប្រមុខគណបក្សជំទាស់ក្នុងប្រទេសភូមា។

ផ្ទេរភាគហ៊ុនក្រុមហ៊ុន Shin Corp

ច្បាប់ថៃមិនអនុញ្ញាតឱ្យនាយករដ្ឋមន្រ្តីបើកមុខជំនួញនៅពេលកាន់តំណែង។ ការចោទប្រកាន់នេះ គឺប្រឆាំងនឹងលោកថាក់ស៊ីន ពីបទលាក់ទុកទ្រព្យសម្បត្តិពេលកំពុងកាន់តំណែង។ មុនការប្រកាសទ្រព្យសម្បត្តិរបស់លោកនិងក្រុមគ្រួសារនៅពេលឡើងកាន់តំណែងមានការអំពាវនាវដល់គណៈកម្មាធិការជាតិប្រឆាំងអំពើពុករលួយថាមានការសង្ស័យខ្លះចំពោះតួលេខនៅក្នុងរបាយការណ៍។

ផ្ទេរភាគហ៊ុន ទៅឲ្យអ្នកបើកបរ និងអ្នកបំរើ

លោកថាក់ស៊ីនត្រូវបានចោទប្រកាន់ពីបទលាក់បាំងទ្រព្យសម្បត្តិរាប់ពាន់លានបាត ដោយខុសច្បាប់ ព្រោះបានផ្ទេរកម្មសិទ្ធិរបស់ក្រុមហ៊ុន Shin Corp ទៅឱ្យអ្នកបើកបរនិងអ្នកបំរើរបស់គាត់ដោយមិនដឹងខ្លួន។ ពេលនោះលោកថាក់ស៊ីនបានប្រាប់ទាំងស្រក់ទឹកភ្នែកនៅតុលាការធម្មនុញ្ញថៃថា វាជាកំហុសដ៏ស្មោះត្រង់មួយមុនពេលដែលតុលាការលើកលែងការចោទប្រកាន់លោក។

ផ្ទេរភាគហ៊ុនដល់កូនៗ

នេះក៏ភាពចម្រូងចម្រាសផងដែរអំពីថាតើមានការគេចពន្ធដែលលាក់បាំងនៅពេលដែលលោកថាក់ស៊ីន និងប៉ូយហ្សាម៉ាន់ បានផ្ទេរភាគហ៊ុនរបស់ក្រុមហ៊ុន ស៊ីន ខប ទៅកូន ៗ របស់ពួកគេ។

ការផ្ទេរភាគហ៊ុនពីលោកថាក់ស៊ីន និងប៉ូយហ្សាម៉ាន់ ទៅ ផាន់ថងតា ត្រូវបានគេអះអាងថា ជារឿងគួរឱ្យអាម៉ាស់មួយពីព្រោះមិនមានការផ្ទេរប្រាក់ពិតប្រាកដទេ។ លោក Panthongtae បាននិយាយថា ភាគហ៊ុនទាំងនោះត្រូវបានលក់ទៅឱ្យគាត់ដោយថ្លៃដើម។ លោកថាក់ស៊ីន បានថ្លែងថា លោកមានកិច្ចព្រមព្រៀងជាលាយលក្ខណ៍អក្សរដែលបង្ហាញពីការផ្ទេរទៅកូនប្រុសរបស់លោក។

មុនពេលផ្ទេរប្រាក់លោក Panthongtae បានចុះកិច្ចព្រមព្រៀងជាមួយឪពុក ដើម្បីទូទាត់បំណុលចំនួន ៤,៥ ពាន់លានបាតពីការទិញភាគហ៊ុនចំនួន ៣០០ លានរបស់ធនាគារយោធាថៃ (TMB) ។ ទោះយ៉ាងណាតម្លៃទីផ្សារជាក់ស្តែងរបស់ភាគហ៊ុន TMB នៅពេលនោះមានតែ ១,៥ ពាន់លានបាតប៉ុណ្ណោះ។ នេះបង្ហាញថា បំណុលក្លែងក្លាយ ៣ ពាន់លានបាតត្រូវបានបង្កើតឡើង។

គណៈកម្មាធិការត្រួតពិនិត្យទ្រព្យសម្បត្តិ (AEC) បានរកឃើញថា គណនីរបស់ផនថងតា ដែលបានទទួលភាគលាភរបស់ក្រុមហ៊ុន ស៊ីនខបភើរេសិន ក៏ត្រូវបានប្រើដើម្បីផ្ទេរប្រាក់ទៅគណនីរបស់ផេនហ្សាម៉ាន់ ដែលមានចំនួន ១,១ ពាន់លានបាត។

Pintongtha ក៏ត្រូវបានគេចោទប្រកាន់ថា គាំទ្រឪពុកម្តាយរបស់នាង។ ប៉ុន្តែនាងប្រាប់ថា ប្រាក់ដែលបានមកពីម្តាយរបស់នាងគឺជា“ កាដូខួបកំណើត” ។ កាដូថ្ងៃខួបកំណើតនេះត្រូវបានប្រើដើម្បីទិញភាគហ៊ុនចំនួន ៣៦៧ លាន ជាហ៊ុនរបស់សាជីវកម្មស៊ីនខប ដែលនេះធ្វើអោយបងប្រុសរបស់នាងមានចំនួនទឹកប្រាក់ដូចគ្នា។

សហគមន៍សេដ្ឋកិច្ចអាស៊ាន (AFC) បានរកឃើញថា គណនីនេះបានទទួលភាគលាភពី ស៊ីនខប។ មិនមានប្រតិបត្តិការរវាងគណនីរបស់ ភីនថុងថា និងគណនីម្តាយរបស់នាងទេ។ ទោះយ៉ាងណាប្រាក់ភាគលាភត្រូវបានប្រើដើម្បីទិញភាគហ៊ុន ក្រុមហ៊ុន SC ពី WinMark ចំនួនទឹកប្រាក់ ៧១ លានបាត និងភាគហ៊ុនពីក្រុមហ៊ុនអចលនទ្រព្យចំនួន ៥ ពីមូលនិធិ ២ ក្នុងឆ្នាំ ២០០៤ មានតម្លៃ ៤៨៥ លានបាត។

DSI, AEC និងគណៈកម្មការមូលបត្របានរកឃើញថាទាំង WinMark និងមូលនិធិទាំងពីរគឺជារបស់លោក ថាក់ស៊ីន និងអតីតភរិយារបស់គាត់។

ពានរង្វាន់

-ឆ្នាំ ១៩៩២ លោក ថាក់ស៊ីន ទទួលបានពាន បុរសអ្នកជំនួញអាស៊ានប្រចាំឆ្នាំ Asean Business Man of the Year មកពីវិទ្យាស្ថានអាស៊ានដើម្បីសន្តិភាពនិងការផ្សះផ្សា (AIPR)

-ឆ្នាំ ១៩៩៣ ពានរង្វាន់សុខុមាលភាពសង្គម ពីសមាគមទូរគមនាគមន៍ថៃ ដែលជាការចូលរួមអភិវឌ្ឍវិស័យទូរគមនាគមន៍ (Telecommunication Development for Social Welfare Award)

-ឆ្នាំ១៩៩៣ ពានរង្វាន់បុរសឆ្នើមប្រចាំឆ្នាំរបស់ទូរគមនាគមន៍ (Outstanding Telecom Man of the Year Award) ដែលត្រូវបានផ្តល់កិត្តិយសដោយកាសែតសឹង្ហបូរីថាមស៍ជាអ្នកជំនួញនាំមុខគេម្នាក់ក្នុងចំណោម ១២ នាក់នៅអាស៊ី

-Asian CEO of the Year

-បណ្ឌិតកិត្តិយសផ្នែកសិល្បៈទំនាក់ទំនង Honorary Doctor of Arts (Communication Arts) ពីសាកលវិទ្យាល័យ Thammasart University ប្រទេសថៃ

-ពានរង្វាន់ ជនជាតិថៃដំបូងគេដែលត្រូវបានផ្តល់សិទ្ធិឱ្យធ្វើជាសមាជិកផ្លាស់ប្តូរ“ លីក្វាន់យូ “Lee Kuan Yew Exchange Fellowship” ប្រទេសសឹង្ហបុរី

-មនុស្សម្នាក់ក្នុងចំណោម ៥០ នាក់ដែលមានឥទ្ធិពលនៅក្នុងពិភពលោកពីទស្សនាវដ្តី Time magazine (1 of 50 Influential people in The World from )

– ទូតសុច្ឆន្ទៈទំនាក់ទំនងថៃ – ហ្វីលីពីន ១ ក្នុងចំណោម ៣ ទូតសុច្ឆន្ទៈ ពីឯកអគ្គរដ្ឋទូតហ្វីលីពីនប្រចាំនៅព្រះរាជាណាចក្រថៃ

-ពានរង្វាន់ផ្នែកយុត្តិធម៍ឧក្រិដ្ឋកម្មឆ្នើម ពីសាកលវិទ្យាល័យ Sam Houston State University

-ពានរង្វាន់អតីតនិស្សិតឆ្នើមពីសាកលវិទ្យាល័យ Sam Houston State University 

-ពានរង្វាន់កិត្តិយស The honorary award ពីសមាគមអ្នកថតរូបម៉ាស់មេឌា នៃប្រទេសថៃ

-ពានរង្វាន់ អភ័យទោសអន្តរជាតិ ២០០៤ International Forgiveness Award

-សញ្ញាប័ត្របណ្ឌិតកិត្តិយស Honorary doctorate degree ពីសាកលវិទ្យាល័យ Plekhanov បណ្ឌិតសភាសេដ្ឋកិច្ចរុស្ស៊ី

-ពានរង្វាន់ The ABLF Statesman Award 2012

-the Olympic Order from the International Olympic Committee

The post ស៊ីណាវ៉ាត្រា ជាត្រកូលដែលពិភពលោកបំភ្លេចមិនបាន ទាំងក្នុងជំនួញ និងឆាកនយោបាយ appeared first on .