យឹម តាស្រង់

យឹម តាស្រង់៖ “ទិញដីខ្ញុំ១ឆ្នាំបើមិនចំណេញ អាចលក់ឱ្យខ្ញុំវិញ ហើយខ្ញុំថែមជូន២ម៉ឺនដុល្លារ”

ឧកញ៉ាដែនដី — Fri, 22 Jul 2022 05:40:09 +0000

ថ្មីៗនេះ លោក យឹម តាស្រង់ នាយកប្រតិបត្តិក្រុមហ៊ុន Eew9 បានប្រកាសលក់ដីក្បាលដំបូងរបស់ខ្លួន ចំនួនបីបួនកន្លែង ក្នុងតម្លៃពិសេសបំផុត ជាពិសេសពេលអតិថិជនទិញទៅហើយក្នុងរយៈពេល១ឆ្នាំ បើសិនជាមិនអាចចំណេញទេ នោះនឹងអាចលក់ដីនោះក្នុងតម្លៃដើមឱ្យលោកវិញបាន ហើយលោកនឹងជូនប្រាក់ចំណេញ ២០០០០ដុល្លារ ឱ្យថែមទៀតផង។

អ្វីដែលកាន់តែពិសេស និងបន្ថែមពីលើលក្ខខណ្ឌទទួលបានឱកាសចំណេញពីការវិនិយោគដីនេះ អ្នកទិញដីនេះមិនបាច់ប្រើលុយសុទ្ធក៏បាន ពោល គឺលោក យឹម តាស្រង់ នឹងសម្រួលការបង់ប្រាក់ជាដំណាក់កាលៗ ឬអាចបង់រំលស់ក៏បានដែរ។

អតីតអ្នកនិពន្ធ និងអ្នកគ្រប់គ្រងទូទៅផលិតកម្ម Galaxy Navatra រូបនេះ បានបញ្ជាក់ឱ្យដឹងថា លោកហ៊ានថា គឺហ៊ានធ្វើ ដោយចុះកិច្ចសន្យាមានមេធាវី។ ចំពោះដីរបស់លោក គឺមានទំហំ ៩៨៤៨ម៉ែត្រការ៉េ ហើយលោកលក់ក្នុងតម្លៃ ១៤ដុល្លារក្នុងមួយម៉ែត្រការ៉េ។ ទីតាំងដីខាងលើ មានចម្ងាយពីស្ពានរង្វង់មូលចោមចៅត្រឹមតែ ៤០នាទីប៉ុណ្ណោះ ដែលស្ថិតនៅភូមិព្រៃខ្លា ឃុំព្រះនិព្វាន្ត ស្រុកគងពិសី ខេត្តកំពង់ស្ពឺ។ សម្រាប់ព័ត៌មានបន្ថែម អាចទាក់ទងតាមលេខទូរស័ព្ទ ឬ Telegram៖ ០៦០ ៨២៨ ៨៨៨ ។

ចង់ដឹងលម្អិតបន្ថែមយ៉ាងណានោះ សូមទស្សនាវីដេអូខាងក្រោម៖

The post យឹម តាស្រង់៖ “ទិញដីខ្ញុំ១ឆ្នាំបើមិនចំណេញ អាចលក់ឱ្យខ្ញុំវិញ ហើយខ្ញុំថែមជូន២ម៉ឺនដុល្លារ” appeared first on .

ឃើញទឹកស្ងប់កុំថាអត់ត្រី ព្រោះមានតម្រុយថា យឹម តាស្រង់ សម្ងំរៀបជើងព្រួលសម្បើមណាស់

អ្នកឧកញ៉ាវត្តភ្នំ — Wed, 22 Jun 2022 03:21:01 +0000

ត្បិតថា មើលទៅមិនសូវមានសកម្មភាពខ្លាំងដូចកាលនៅក្នុងសិល្បៈ ប៉ុន្តែបើតាមតម្រុយពីប្រភពមួយ បានឲ្យដឹង ពេលនេះ អតីតអ្នកគ្រប់គ្រងផលិតកម្ម Galaxy Navatra កំពុងសម្ងំរៀបចំយុទ្ធសាស្ត្រ និងកសាងផែនការជំហានៗច្រើនណាស់។

គិតត្រឹមពេលនេះ មានរយៈពេលជិត ១ខែមកហើយ ដែលលោក យឹម តាស្រង់ បានប្រកាសចាកចេញពីផលិតកម្មរបស់អ្នកឧកញ៉ា ឡេង ណាវ៉ាត្រា ដែលការចាកចេញនោះ ក៏ព្រោះតែលោកមានបេសកកម្មជីវិតមួយថ្មី ដោយលោកចង់ក្លាយជាពាណិជ្ជកម្មមួយរូប។ចំណុចនេះ ឧកញ៉ា ឡេង ណាវ៉ាត្រា ក៏បានទទួលស្គាល់ និងយល់ព្រមឲ្យលោក ឈប់ពីការងារគ្រប់គ្រងផលិតកម្មតាមការស្នើសុំ ព្រមទាំងជូនពរឲ្យលោកទទួលជោគជ័យក្នុងអាជីវកម្មផង។

យឹម តាស្រង់ បានហក់មកប្រឡូកក្នុងការរកស៊ីក្នុងជំនួញ Cosmetic ដ៏គួរឲ្យភ្ញាក់ផ្អើលដោយចាប់ដៃម៉ាក់អ៊ីអ៊ី នាំយកផលិតផលសម្ផស្ស និងសុខភាព EEw9 មកកម្ពុជា។ថ្លែងក្នុងថ្ងៃសន្និសីទសារព័ត៌មានប្រកាសពីជំនួញថ្មីរបស់ខ្លួន យឹម តាស្រង់ ប្រាប់ថា សំអាងលើការដាក់ចិត្តធ្វើការងារសិល្បៈរហូតជោគជ័យមានការទទួលស្គាល់ លោកនឹងធ្វើឲ្យផលិតផលមួយនេះ ល្បីក៏ដូចជាការទទួលស្គាល់ក្នុងទីផ្សារកម្ពុជាដូចគ្នា ហើយនេះក៏ជាមូលហេតុដែលលោកសុខចិត្តងាកចេញពីការងារសិល្បៈ ដើម្បីមានពេលគ្រប់គ្រាន់ គ្រប់គ្រង និងដឹកនាំ។

ចាប់ពីតាំងពីនោះ គេឃើញលោក បានចេញមក Live ក៏ដូចជាបង្ហោះពីសកម្មភាពរបស់លោកខ្លះ ក្នុងផែនការលើកកម្ពស់ទីផ្សាររបស់ EEw9។ ប៉ុន្តែតាមព័ត៌មានពីប្រភពមួយឲ្យដឹងថា លោកកំពុងមានផែនការច្រើននេះទៅទៀត។ ប្រភពថា តាស្រង់ ពេលនេះ កំពុងរៀបចំហេដ្ឋារចនាសម្ព័ន្ធក្រុមហ៊ុនក្នុងអគារផ្ទះវីឡាមួយនៅតំបន់កប់ស្រូវ និងក៏កំពុងកសាងក្រុមផលិតវីដេអូ(Production Team)ធំមួយផង។

ប្រភពបន្ថែមថា ក្រុមនេះហើយជាក្រុមចម្បងមួយ ដែលមាននាទីផលិតកម្មវីដេអូពាណិជ្ជកម្មតូចធំពី EEw9 ដោយខ្លួនឯង ដោយមិនពឹងលើការជួលក្រុមពីខាងក្រៅនោះទេ។ ជាមួយគ្នា សម្ភារៈចាំបាច់ ម៉ូតូ ឡាន សម្រាប់ក្រុមលក់ ក៏បានមានសព្វគ្រប់អស់ហើយដែរ ដែលគេជឿថា ក្រុមនេះនឹងចូលលុកលុយទីផ្សារឆាប់ៗនេះ។

ចំពោះបញ្ហានេះ លោក យឹម តាស្រង់ ក្នុងបទសម្ភាសន៍តាមសារអេឡិចត្រូនិក សុំមិននិយាយលម្អិត។ យ៉ាងណា លោកក៏មិនបានទាត់ចោលទាំងស្រុងដែរ។ លោកថ្លែងថា៖ “អឹម…វាធម្មតាទេ ចាប់ផ្ដើមដំណើរការអាជីវកម្មដំបូងៗអីចឹង គឺមានរឿងច្រើនត្រូវធ្វើហើយ តែបើឲ្យខ្ញុំនិយាយថា ធ្វើអីៗខ្លះ ខ្ញុំសុំមិននិយាយ ព្រោះរឿងខ្លះ វាអត់គួរនិយាយ…!”។

លោកបញ្ជាក់ថា ប្រិយមិត្ត ក៏ដូចជាសាធារណជន ពិសេសតំណាងចែកចាយ និងអតិថិជន EEw9នឹងបានដឹង បានឃើញឆាប់ៗនេះ៕

The post ឃើញទឹកស្ងប់កុំថាអត់ត្រី ព្រោះមានតម្រុយថា យឹម តាស្រង់ សម្ងំរៀបជើងព្រួលសម្បើមណាស់ appeared first on .

លោក យឹម តាស្រង់ ត្រៀមចុះ “បន្ថែមថាមពល” តំណាងផ្ដាច់ផ្សារផលិតផល EEw9 កញ្ចប់ $5,000

អ្នកឧកញ៉ាវត្តភ្នំ — Mon, 20 Jun 2022 04:11:30 +0000

នាយកប្រតិបត្តិក្រុមហ៊ុន EEw9 លោក យឹម តាស្រង់ បានប្រកាសពីយុទ្ធនាការថ្មីមួយទៀត របស់ក្រុមហ៊ុនផលិត និងគ្រឿងសម្អាង EEw9 ជាមួយតំណាងលក់ផ្ដាច់ផ្សារកញ្ចប់ $5,000 នោះគឺកម្មវិធី “បន្ថែមថាមពល”។

បើតាមការឱ្យដឹងពី យឹម តាស្រង់ ថាបច្ចុប្បន្នក្រុមហ៊ុនកំពុងសម្រុកចុះទៅរៀបចំដេគ័រ តុបតែងហាងលក់ដល់ទីតាំងតំណាងចែកចាយផលិតផលរបស់ក្រុមហ៊ុន EEw9 នៅតាមផ្សារ។ លោក បញ្ជាក់ថា៖ “សូមអភ័យទោស ចំពោះបងប្អូន ដែលបន្តចុះឈ្មោះ ក្លាយជាតំណាងចែកចាយជាច្រើន ប៉ុន្តែដោយសារតែក្រុមហ៊ុន កំពុងតែសម្រុកធ្វើការរៀបចំ ជូនអតិថិជនទៅតាមលេខរៀង ដែលបានចុះឈ្មោះមុនៗសិន”។

យ៉ាងណាក៏ដោយ នាយកប្រតិបត្តិក្រុមហ៊ុន EEw9 ដដែលរូបនេះ បង្ហើបឱ្យដឹងថា៖ “សម្រាប់ដើមខែ កក្កដា ខាងមុខនេះ រូបលោកផ្ទាល់ នឹងចុះទៅជួបជាមួយតំណាងលក់ផ្ដាច់ផ្សារទាំងអស់។ ជាពិសេស តំណាងលក់ផ្ដាច់ផ្សារទាំង ៣០រូប ដំបូងក៏នឹងមានឱកាសឈ្នះរង្វាន់ម៉ូតូដា និងរង្វាន់ជាច្រើនសន្ធឹកសន្ធាប់ផ្សេងៗទៀតផងដែរ”។

ថ្វីត្បិតថា តំណាងលក់ផ្ដាច់ផ្សារទាំង ៣០រូបដំបូង ដែលបានចុះឈ្មោះក្លាយជាក្រុមគ្រួសារ EEw9 ពេញមែន ប៉ុន្តែលោក យឹម តាស្រង់ ថ្លែងថា ក្រុមហ៊ុននៅតែបន្តស្វាគមន៍យ៉ាងកក់ក្ដៅ ជាមួយអតិថិជនចុះឈ្មោះជាតំណាងសាខាជាបន្តបន្ទាប់ដដែល។ កំពុងដេគ័រតាមហាង

EEw9 គឺជាក្រុមហ៊ុននាំចូលផលិតផលគ្រឿងសម្អាងគ្រប់ប្រភេទពីប្រទេសកូរ៉េ ដែលបានប្រកាសបើកប្រតិបត្តិការអាជីវកម្មរបស់ខ្លួនយ៉ាងឱឡារឹក កាលពីថ្ងៃទី៣០ ខែឧសភា ឆ្នាំ២០២២នេះ នៅសណ្ឋាគារសូហ្វីតែល។

ក្រៅពីការនាំចូល និងផ្គត់ផ្គង់ផលិតផលថែរក្សាសម្រស់ពីប្រទេសកូរ៉េ មកលក់នៅកម្ពុជាហើយនោះ ក្រុមហ៊ុន EEw9 ក៏មានផ្ដល់សេវាកម្មរៀបចំកសាងប្រេនផលិតផលថែរក្សាសម្រស់ជូនអតិថិជន និងដៃគូរសហការផងដែរ។ ទំនាក់ទំនងសាកសួរព័ត៌មានលម្អិតបន្ថែម តាមរយៈតេឡេក្រាមលេខ៖ 015 883 772 ៕

The post លោក យឹម តាស្រង់ ត្រៀមចុះ “បន្ថែមថាមពល” តំណាងផ្ដាច់ផ្សារផលិតផល EEw9 កញ្ចប់ $5,000 appeared first on .

លោក យឹម តាស្រង់ ដឹកនាំគ្រួសារ EEw9 ចែករំលែកក្ដីស្រឡាញ់នៅមណ្ឌលកុមារកំព្រា “មែកឈើ”

អ្នកឧកញ៉ាវត្តភ្នំ — Fri, 10 Jun 2022 07:13:25 +0000

នាព្រឹកថ្ងៃទី១០ ខែមិថុនា ២០២២នេះ លោក យឹម តាស្រង់ នាយកប្រតិបត្តិក្រុមហ៊ុន EEw9 បានដឹកនាំបុគ្គលិកជាក្រុមគ្រួសារ EEw9 ចុះទៅចែករំលែកក្ដីស្រឡាញ់ និងអំណោយមួយចំនួនដល់មណ្ឌលកុមារកំព្រា “មែកឈើ”។

ក្នុងកម្មវិធីសកម្មភាពសប្បុរសធម៌របស់ថ្នាក់ដឹកនាំ និងបុគ្គលិកក្រុមហ៊ុន EEw9 នេះដែរ គេក៏ឃើញមានវត្តមាន ម៉ាក់អ៊ីអ៊ី ដែលជាអគ្គនាយិការបស់ក្រុមហ៊ុនផ្ទាល់ រួមទាំងក្រុមផលិតករ របស់លោករតនៈវិបុលចូលរួមផងដែរ។

ដោយឡែក លោក យឹម តាស្រង់ អតីតអ្នកនិពន្ធល្បីវ័យក្មេង និងជាអ្នកគ្រប់គ្រងទូទៅផលិតកម្ម Galaxy Navatra ក្រោយទទួលបានដំណែងថ្មីជាម្ចាស់ភាគហ៊ុន និងនាយកប្រតិបត្តិក្រុមហ៊ុន EEw9 លោកក៏បានបង្ហាញជំនឿចិត្តយ៉ាងមុតមាំថា ក្រុមហ៊ុន EEw9 នឹងនាំផលិតផល Cosmetics ល្បីៗ និងមានគុណភាពខ្ពស់ ជូនពុកម៉ែបងប្អូនប្រជាពលរដ្ឋខ្មែរប្រើប្រាស់ថែរក្សាសម្រស់ឱ្យស្រស់ស្អាតផូរផង់។

ក្រៅពីការនាំចូល និងផ្គត់ផ្គង់ផលិតផលថែរក្សាសម្រស់ពីប្រទេសកូរ៉េ មកលក់នៅកម្ពុជាហើយនោះ ក្រុមហ៊ុន EEw9 ក៏មានផ្ដល់សេវាកម្មរៀបចំកសាងប្រេនផលិតផលថែរក្សាសម្រស់ជូនអតិថិជន និងដៃគូរសហការផងដែរ។ ថ្មីៗនេះទៀតសោតក្រុមហ៊ុន EEw9 ក៏បានប្រកាសជ្រើសរើសតំណាងសាខាលក់ផ្ដាច់ផ្សារ ចំនួន៣០ផ្សារ ក្នុងតម្លៃ 5.000$ ផងដែរ។ ទំនាក់ទំនងសាកសួរព័ត៌មានលម្អិតបន្ថែម តាមរយៈតេឡេក្រាមលេខ៖ 015 883 772 ៕

The post លោក យឹម តាស្រង់ ដឹកនាំគ្រួសារ EEw9 ចែករំលែកក្ដីស្រឡាញ់នៅមណ្ឌលកុមារកំព្រា “មែកឈើ” appeared first on .

ចេញពី Galaxy Navatra ភ្លាម លោក យឹម តាស្រង់បោះទុនរកស៊ីជាមួយ ម៉ាក់អុីអុី

ឧកញ៉ាកោះក្របី — Mon, 30 May 2022 12:51:07 +0000

អតីតអ្នកនិពន្ធ និងអ្នកគ្រប់គ្រងទូទៅផលិតកម្ម Galaxy Navatra លោក យឹម តាស្រង់ ទទួលបានដំណែងថ្មីជាម្ចាស់ភាគហ៊ុន និងនាយកប្រតិបត្តិក្រុមហ៊ុន នាំចូលផលិតផលពីប្រទេសកូរ៉េ គឺក្រុមហ៊ុន EEw9 ។

ការសម្រេចចិត្តហក់មកប្រឡូកក្នុងវិស័យផលិតផលថែរក្សាសម្រស់នាពេលនេះ បន្ទាប់ពីពេលថ្មីៗនេះ លោកតាស្រង់ សម្រេចចាកចេញពីផលិតកម្ម Galaxy Navatra ជាផ្លូវការ ក្រោយរួមរស់ក្នុងទ្រនំមួយនេះជាង៣ឆ្នាំកន្លងទៅ។

ថ្លែងក្នុងពិធីចុះហត្ថលេខាទូតសុឆន្ទៈរវាងក្រុមហ៊ុន EEw9 ជាមួយកំពូលតារាចម្រៀង តន់ ចន្ទសីម៉ា នាល្ងាចថ្ងៃចន្ទ ទី៣០ឧសភានេះ លោក យឹម តាស្រង់ បានប្រកាសប្តេជ្ញាចិត្តក្នុងការនាំផលិតផលមានគុណភាពជូនបងប្អូនប្រជាពលរដ្ឋខ្មែរ ប្រើប្រាស់ឱ្យមានសម្រស់ស្រស់ស្អាតតាមរយៈផលិតផលពីប្រទេសកូរ៉េ ដែលជាប្រទេសល្បីខាងថែសម្រស់។ ពិសេសទៀត លោក តាស្រង់ ក៏នឹងដឹកនាំអ្នកដំណាងដែលទិញកញ្ចប់ពីក្រុមហ៊ុន ដោយលោកចូលរួមបណ្តុះបណ្តាលផ្ទាល់ដើម្បីឱ្យដំណាងចែកចាយទាំងអស់មានសមត្ថភាពលក់ ក្លាយជាលក់ឆ្នើមៗផងដែរ។

លោកថា ការមកដឹកនាំក្រុមហ៊ុន EEW9នេះគឺជាបទពិសោធន៍ថ្មីមួយរបស់លោក ប៉ុន្តែលោកប្តេជ្ញាថានឹងនាំភាពជោគជ័យមកឲ្យផលិតផល EEw9។ ការអះអាងបែបនេះរបស់លោក យឹម តាស្រង់ គឺលោកសម្អាងលើបទពិសោធន៍នៅក្នុងវិស័យសិល្បៈក្នុងនាមអ្នកនិពន្ធ និងគ្រប់គ្រងការផលិតទទួលបានជោគជ័យ។

លោកបានបង្ហើបថា មុនឈានមកដល់ចំណុចនេះ លោកធ្លាប់បានតាំងចិត្តថានិពន្ធបទចម្រៀងមួយឱ្យល្បីល្បាញ បើមិនល្បីទេលោកនឹងខាំដៃរបស់ខ្លួនទាល់តែឈាម។ ក្នុងវិស័យសិល្បៈជោគជ័យយ៉ាងដូច្នេះ លោករំពឹងថា ដឹកនាំក្រុមហ៊ុននាំចូលផលិតផលពីកូរ៉េមួយនេះឱ្យទទួលជោគជ័យដែរ។

ទន្ទឹមនឹងនោះ តារាចម្រៀងស្រីជួរមុខក្នុងផលិតកម្ម Galaxy ក៏បានលើកឡើងក្នុងនាមជាទូតសុច្ឆន្ទៈ និងក្រុមហ៊ុន EEw9 ប្តេជ្ញាចិត្តរួមគ្នានឹងនាំផលិតផលអ្វីដែលថ្មីៗ ល្អៗ គុណភាព ជូនបងប្អូនប្រជាពលរដ្ឋខ្មែរដើម្បីឱ្យមានសម្រស់កាន់តែស្អាតគ្រប់ៗគ្នា។

កញ្ញាបន្តថា តាមរយៈការចុះហត្ថលេខាទូតសុឆន្ទៈរបស់កញ្ញានឹងនាំគ្នាឆ្ពោះទៅរកជោគជ័យទាំងអស់គ្នានៅក្នុងអាជីពនេះ (ផលិតផលថែរក្សាសម្រស់)។

បើតាមអគ្គនាយិកាក្រុមហ៊ុន EEw9 លោកស្រី ម៉ាក់អ៊ី អ៊ី បានបញ្ជាក់ថា ក្រុមហ៊ុនលោកស្រី គឺជាក្រុមហ៊ុនឈានមុខគេមួយដែលមានដៃគូជាមួយក្រុមហ៊ុនផលិតផលនៅកូរ៉េដោយផ្ទាល់ ជាមួយនឹងរោងចក្រមានបទពិសោធន៍ជាង ២៧ឆ្នាំ ដែលប្រកាន់ភ្ជាប់គុណភាពខ្ពស់ជាចម្បង។

លោកស្រីគូសបញ្ជាក់ថា ផលិតផលក្រុមហ៊ុន EEw9 គិតមកពេលនេះមានការគាំទ្រច្រើនលើសលប់ពីបងប្អូនប្រជាពលរដ្ឋខ្មែរ ហើយជឿជាក់ខ្លាំងជាមួយផលិតផលរបស់ EEw9ផងដែរ៕

The post ចេញពី Galaxy Navatra ភ្លាម លោក យឹម តាស្រង់បោះទុនរកស៊ីជាមួយ ម៉ាក់អុីអុី appeared first on .

អ្នកគ្រប់គ្រងទូទៅ យឹម តាស្រង់ សម្រេចចិត្តចាកចេញពីផលិតកម្មអ្នកឧកញ៉ា ឡេង ណាវ៉ាត្រា ជាផ្លូវការ

ឧកញ៉ាកោះក្របី — Fri, 27 May 2022 06:25:51 +0000

ផលិតករ និងជាអ្នកនិពន្ធល្បីឈ្មោះលោក យឹម តាស្រង់ ដែលកំពុងរួមដំណើរជាមួយផលិតកម្ម Galaxy Navatra សម្រេចចិត្តចាកចេញពីផលិតកម្មជាផ្លូវការហើយ បន្ទាប់ពីរួមរស់ក្នុងមុខតំណែងជាអ្នកគ្រប់គ្រងទូទៅប្រចាំផលិតកម្មអស់រយៈពេលជាង ៣ឆ្នាំ។ នេះបើតាមទំព័រហ្វេសបុកផ្លូវការរបស់អ្នកឧកញ៉ា ឡេង ណាវ៉ាត្រា នៅថ្ងៃទី២៧ ខែឧសភា ឆ្នាំ២០២២នេះ។

លោក យឹម តាស្រង់ ជាអ្នកនិពន្ធដ៏ឆ្នើមម្នាក់នៅប្រទេសកម្ពុជាដែលត្រូវបានចាត់ទុកថាជាធនធានដ៏មានសក្តានុពលពោរពេញសមត្ថភាព និងទេពកោសល្យ។ បើគិតមកដល់ពេលបច្ចុប្បន្ននេះ បទចម្រៀងដែលលោកនិពន្ធចេញជាផ្លូវការមិនក្រោម ២០០បទនោះទេ សុទ្ធសឹងតែទទួលបានការគាំទ្រភ្លូកទឹកភ្លូកដីពីមហាជនគ្រប់ស្រទាប់។

ម្ចាស់ផលិតកម្ម Galaxy Navatra អ្នកឧកញ៉ា ឡេង ណាវ៉ាត្រា បានគូសបញ្ជាក់ថា លោក យឹម តាស្រង់ គឺជាស្ថាបនិកមួយរូបរបស់ផលិតកម្ម Galaxy ផលិតកម្មមានថ្ងៃនេះ គឺលោក យឹម តាស្រង់ បានចូលរួមចំណែកយ៉ាងច្រើនរាប់មិនអស់។

អ្នកឧកញ៉ាថ្លែងក្នុងន័យដើមយ៉ាងដូច្នេះថា៖ «ពេលនេះបងរីកចម្រើននិងមានអាជីវកម្មផ្ទាល់ខ្លួន បងហាក់ដូចជាមិនដាច់ចិត្តពី galaxy សោះ ប្អូនក៏ដូចគ្នា ប៉ុន្តែទោះជាយ៉ាងណារាល់ការជួបណា ក៏ត្រូវតែមានការបែក ដើម្បីអនាគតមួយកាន់តែរីកចម្រើន។ ថ្ងៃនេះទោះបីជាបងទៅបើកក្រុមហ៊ុនផ្ទាល់ខ្លួន និងអាជីវកម្មផ្សេងក៏ដោយ ប៉ុន្តែបេះដូងយើងនៅជាមួយគ្នា នឹងអាចសហការគ្រប់កិច្ចការងារសិល្បៈបានគ្រប់ពេលវេលា»។

យ៉ាងណាក៏ដោយចុះ ការសម្រេចដើរចេញពីផលិតកម្មដែលជាទ្រនំដ៏កក់ក្តៅបំផុតនាពេលនេះរបស់លោក យឹម តាស្រង់ ក៏មិនទាន់ទទួលបានព័ត៌មានផ្លូវការថាលោកនឹងបើកជំនួញអ្វី ក្នុងវិស័យក្រៅពីសិល្បៈនោះទេ។

ទន្ទឹមនឹងការដើរចេញរបស់លោក តាស្រង់ នាឱកាសនេះ ឥឡូវនេះម្ចាស់ផលិតកម្ម Galaxy Navatra ជាមហាសេដ្ឋីប្រាក់លានអ្នកឧកញ៉ា ឡេង ណាវ៉ាត្រា ក៏បង្ហើបឲ្យដឹងនូវអ្នកនិពន្ធឆ្នើម ព្រមទាំងមានភាពល្បីល្បាញក្នុងជំនាន់ស្រប៉ាលោកតាស្រង់ដែរនោះនឹងត្រូវមកជំនួសតំណែងលោក និងជាទីប្រឹក្សាផលិតកម្មចំនួន ៣រូប ជាអ្នកនិពន្ធជើងចាស់រាប់សិបឆ្នាំមកហើយ។

បើតាមអ្នកឧកញ៉ា ឡេង ណាវ៉ាត្រា អ្នកនិពន្ធឆ្នើមទាំង ៣រូបដែលជាអ្នកគ្រប់គ្រងស្ដីទី ទីប្រឹក្សា ជំនួសតំណែងលោក យឹម តាស្រង់ គឺលោក សុខ ជំនោរ លោក លោក ខាំ ភូរិ និងអ្នកស្រី យឹម សុជាតា។

ជាមួយគ្នានេះដែរ តាមរយៈទំព័រហ្វេសបុក លោក យឹម តាស្រង់ ក៏បានបង្ហាញពីអារម្មណ៍ និងទឹកចិត្តដ៏កក់ក្តៅដែលទទួលបានពីម្ចាស់ផលិតកម្មដែលលោកបានរួមរស់ជាង ៣ឆ្នាំមកនេះ។ លោក យឹម តាស្រង់ ថ្លែងថា៖ «សូមអរគុណនូវទឹកចិត្តដ៏ថ្លៃថ្លារបស់អ្នកឧកញ៉ា ឡេង ណាវ៉ាត្រា មិនត្រឹមតែជាមេដឹកនាំល្អគឺថែមទាំងជាបងប្អូនល្អនៅក្នុងការធ្វើការងារ។ រយៈពេលរួមរស់ជាមួយ Galaxy គឺខ្ញុំមានភាពកក់ក្តៅណាស់ ទាំងឱកាស ធនធាន កិត្តិយស និងបទពិសោធន៍ថ្មីៗយ៉ាងច្រើន»។

លោកបន្តថា៖«ខ្ញុំហាក់មិនដាច់អាល័យពី Galaxy ប៉ុន្តែប្អូនឃើញបងមានអាជីវកម្មផ្ទាល់ខ្លួន បើកក្រុមហ៊ុនផ្ទាល់ខ្លួនប្អូនមានតែជំរុញលើកទឹកចិត្ត លើកយោបល់ឱ្យដើរទៅមុខដោយស្នាមញញឹម និងអាចសហការគ្រប់ការងារសិល្បៈគ្រប់ពេលវេលាបងពិតជារំភើបនូវទឹកចិត្តដ៏ល្អនេះណាស់»។

ឆ្លៀតក្នុងឱកាសនេះដែរ លោក យឹម តាស្រង់ ក៏បានសម្តែងនូវការអបអរសាទរដល់អ្នកគ្រប់គ្រង និងទីប្រឹក្សាថ្មីគឺ លោក ខាំ ភូរិ លោក សុខ ជំនោរ អ្នកស្រី យឹម សុជាតា ដែលមកចូលជំនួសរួមដំណើរការងារGalaxy ឱ្យរឹតតែប្រសើរតទៅមុខទៀត៕

លោក ខាំ បូរិ

លោក សុខ ជំនោ

កញ្ញា យឹម សុជាតា

The post អ្នកគ្រប់គ្រងទូទៅ យឹម តាស្រង់ សម្រេចចិត្តចាកចេញពីផលិតកម្មអ្នកឧកញ៉ា ឡេង ណាវ៉ាត្រា ជាផ្លូវការ appeared first on .

យឹម តាស្រង់ និពន្ធចម្រៀងមួយបទផ្ញើជូនបងប្អូនយើងមួយចំនួន

ឧកញ៉ាកោះក្របី — Fri, 02 Apr 2021 05:07:52 +0000

សម័យនេះជាសម័យទំនើប ប្រជាជនភាគច្រើនមានទូរស័ព្ទកាន់ស្ទើរតែគ្រប់គ្នា ដូចនេះងាយស្រួលណាស់នឹងទទួលព័ត៌មានថ្មីៗមានទាំងល្អ នឹងរឿងមិនល្អមួយចំនួន ដូចជារឿងគេឈ្លោះជេរប្រទេចហែកហួគ្នារឿងគ្រួសារជាដើម។ ដូចជាព្រឹកមិញនេះផលិតកម្ម Galaxy Navatra បានបញ្ចេញចម្រៀងមួយបទឲ្យកំពូលតារាចម្រៀង ព្រាប សុវត្ថិ ដែលមានចំណងជើងថា «ចង្កៀងផ្ទះអ្នកណាភ្លឺផ្ទះអ្នកហ្នឹង» ដែលទទួលបានការចាប់អាម្មណ៍ជាខ្លាំងពីអ្មកគាំទ្រ។

«ចង្កៀងផ្ទះអ្នកណាភ្លឺផ្ទះអ្នកហ្នឹង» ជាបទមានខ្លឹមសារអប់រំយ៉ាងល្អនៅក្នុងសម័យជីឌីថល ខណៈមានហ្វេនៗជាច្រើនចូលComment សរសើរ នៅលើយូធូប Galaxy ចំពោះបទចម្រៀងមួយបទនេះ។ មិនត្រឹមតែប៉ុណ្ណឹងទេលោក យឹម តាស្រង់ ដែលជាអ្នកនិពន្ធបទនេះក៏បាន Commentថាលោកនិពន្ធបទនេះគ្រាន់តែជាសារដាស់រំលឹកបងប្អូនមួយចំនួនធំកុំឲ្យភ្លេចខ្លួនចំពោះការចំណាយពេលមើលរឿងគេច្រើនពេក។

លោក យឹម តាស្រង់ បានសសេររៀបរាប់ថា «បទនេះខ្ញុំនិពន្ធផ្ញើជូនអ្នកដែលចូលចិត្តចេះដឹងរឿងគេជាពិសេស យកពេលមើលជីវិតខ្លួនឯងជាជាងមើលជីវិតគេហាហា។ តាមពិតនិពន្ធឡើងគ្រាន់តែជាសារដាស់រំលឹកបងប្អូនមួយចំនួនធំកុំឲ្យភ្លេចខ្លួនចំពោះការចំណាយពេលមើលរឿងគេ»។

តោះបើចង់ជ្រាប់ច្បាស់បទនេះន័យយ៉ាងណាសូមចូលទស្សនាទាំងអស់គ្នា៖

The post យឹម តាស្រង់ និពន្ធចម្រៀងមួយបទផ្ញើជូនបងប្អូនយើងមួយចំនួន appeared first on .

មុនចង់ញ៉ែ តន់ ចន្ទសីម៉ា ត្រូវសមប៉ារ៉ូលឲ្យហើយសិន

កូនចៅឧកញ៉ា — Mon, 01 Mar 2021 06:39:44 +0000

បន្ទាប់ពីចេញបទឌឺដងគ្នារវាងអ្នកជិតខាងរស់នៅក្បែរគ្នា នៅព្រឹកនេះផលិតកម្ម Galaxy Navatra បានចេញបទថ្មីមួយបទទៀតឲ្យឲ្យ តន់ ចន្ទសីម៉ា និង ខេម មានចំណងជើងថា ”តែងប៉ារ៉ូលហើយនៅ?” ដែលនិយាពីក្បួនញ៉ែញ៉ងគ្នា។

ខេម ហាក់ដូចជាស្ទើរក្បូនញ៉ែបន្តិច បាននាំ តន់ ចន្ទសីម៉ា ចំអកដាក់ថា តែងប៉ារ៉ូលហើយនៅ ដូចជានិយាយប៉ិប៉ក់នៅឡើយ ខណៈមកចង់ញ៉ែនាងនោះ។ ចង់ដឹងថា ពួកគេឌឺដង ប្រើប៉ារ៉ូបែបណាខ្លះសូមទស្សនាបទ”តែងប៉ារ៉ូលហើយនៅ?” ទាំងអស់គ្នា៖

The post មុនចង់ញ៉ែ តន់ ចន្ទសីម៉ា ត្រូវសមប៉ារ៉ូលឲ្យហើយសិន appeared first on .

បង្ហាញឈ្មោះអ្នកនិពន្ធបទ”គ្រប់យ៉ាងព្រោះតែមេ” ដែលកំពុងមានការគាំទ្រខ្លាំង

កូនចៅឧកញ៉ា — Mon, 01 Mar 2021 05:35:06 +0000

បទ”គ្រប់យ៉ាងព្រោះតែមេ” របស់ផលិតកម្ម Galaxy Navatraកំពុងតែទទួលបានគាំទ្រខ្លាំងទាំងមានទាំងរាស្ត្រមានទាំងមន្ត្រី បទចម្រៀងមួយនេះត្រូវបានគេដឹងថា ត្រូវបានតែងនិពន្ធដោយលោក យឹម តាស្រង់ អ្នកគ្រប់គ្រងទូទៅក្នុងផលិតកម្មនេះតែម្ដង។

រយៈពេល២០ឆ្នាំនៃការប្រឡូកក្នុងវិស័យតែងនិពន្ធបទចម្រៀង យើងសង្កេតឃើញថាលោក យឹម តាស្រង់ ហាក់នៅតែមិនស្រកស្រុតទឹកដៃឡើយ និងនៅតែប្រឡូកពេញដៃពេញជើងក្នុងពិភពចម្រៀងដដែល ខុសឆ្ងាយពីអ្នកនិពន្ធបទចម្រៀងរួមជំនាន់ដ៏ទៃទៀតដោយខ្លះងាកទៅប្រកបមុខរបរផ្សេង ហើយអ្នកនិពន្ធខ្លះទៀតក៏បាត់មិនដឹងថាកំពុងនៅទីណា?

ឯខ្លះទៀតក៏កំពុងប្រឡូកដដែលតែមានភាគតិចបំផុត ដោយឡែកដូចជាបទចម្រៀងដែលចេញស្ទើររាល់ថ្ងៃរបស់ផលិតកម្ម Galaxy Navatra ដែលកំពុងចេញមានដូចជាកំពូលតារាចម្រៀងព្រាប សុវត្ថិ – ខេម – អ៊ុក សុវណ្ណារី – ធឿន បុរី នឹងតារាស្រីកំពុងល្បីខ្លំាង តន់ ចន្ទសីម៉ា ហាក់សុទ្ធតែជាស្នាដៃនិពន្ធរបស់លោក យឹម តាស្រង់ មួយចំណែកធំ ហើយបទទំាងនោះសុទ្ធតែមានការគំាទ្រខ្លំាង នាពេលថ្មីៗនេះបទ «គ្រប់យ៉ាងព្រោះតែមេ» ដែលជាបទឆ្លើយឆ្លងសម្រាប់ឱកាសពិធីបុណ្យចូលឆ្នាំខ្មែរក៏កំពុងមានភាពលេចធ្លោខ្លំាងទំាងអត្ថន័យ និង Melody របស់លោក។ បើចង់ជ្រាបច្បាស់សូមទស្សនាបទ«គ្រប់យ៉ាងព្រោះតែមេ»ទំាងអស់គ្នា៖

The post បង្ហាញឈ្មោះអ្នកនិពន្ធបទ”គ្រប់យ៉ាងព្រោះតែមេ” ដែលកំពុងមានការគាំទ្រខ្លាំង appeared first on .

គុយលី ឈានមួយកម្រិតទៀត និពន្ធបទឲ្យខេម រាំលេងបែកខ្ទិះឆ្នាំថ្មីនេះ

កូនចៅឧកញ៉ា — Mon, 01 Feb 2021 03:54:05 +0000

ទោះបីជារវល់លើការងារជាច្រើនជំនួសដៃជើង អ្នកឧកញ៉ាឡេង ណាវ៉ាត្រាក្ដី តារាចម្រៀងពលករ លោកគុយលី មិនបោះបង់ចោលអាជីពសិល្បៈឡើយជារឿយៗលោកតែងតែឆ្លៀតនិពន្ធបទចម្រៀងច្រៀងដោយខ្លួនឯង និពន្ធរឿងអប់រំខ្លីជាដើម។ តារាចម្រៀងដែលអ្នកឧកញ៉ាឡេង ណាវ៉ាត្រា ស្រលាញ់ដូចជាប្អូនបង្កើតរូបនេះ ត្រូវបានលោក យឹម តាស្រង់ ថ្នាក់ដឹកនាំផលិតកម្ម Galaxy Navatra ឲ្យបញ្ចេញស្នាដៃថ្មីនិពន្ធ Melody និងទំនុកច្រៀង ឲ្យតារាចម្រៀងច្រៀងថែមទៀតផង។

បទដំបូងក្នុងផលិតកម្មល្បីឈ្មោះមួយនេះ មានចំណងជើងថា”ធ្លាប់បានបងនៅ?” ច្រៀងដោយតារាចម្រៀងខេម។ ដែលជាបទសម្រាប់ការរាំលេងកម្សាន្តនារដូវចូលឆ្នាំខ្មែរខាងមុខនេះ ពីអ្នកនិពន្ធ Melody និងទំនុកច្រៀង គុយលី ចម្រៀងពលករ។ និពន្ធបទភ្លេង ប្រុស ម៉ៅ នឹងដឹកនាំសម្តែង Jonathan។ បទ”ធ្លាប់បានបងនៅ?” ត្រូវការផលិតកម្ម Galaxy NavatraផុសលើChannel ផ្លូវការនៅព្រឹកនេះតែម្ដង ដោយទទួលបានការគាំទ្រច្រើន។

តាមការបញ្ជាក់ពីលោក យឹម តាស្រង់ ផលិតកម្ម Galaxy Navatra តែងតែផ្ដល់ឱកាសព្រមលើកទឹកចិត្តដល់យុវវ័យដែលមានស្នាដៃលើការតែងនិពន្ធ ទាំងMelody ទំនុកច្រៀង និពន្ធបទភ្លេង ក៏ដូចជាអ្នកដឹកនាំសម្ដែងថតកាត់តជាដើម។ លោកថា ប្រសិនបើបទទី១”ធ្លាប់បានបងនៅ?” ទទួលបានការគាំទ្រច្រើន ផលិតកម្ម Galaxy Navatra នឹងឲ្យលោក គុយ លី បញ្ចេញនៅស្នាដៃជាបន្តបន្ទាប់ទៀត។

ចង់ដឹងបទ”ធ្លាប់បានបងនៅ?” ដែលជាស្នាដៃ និពន្ធMelody និងទំនុកច្រៀង ដោយលោក គុយលី ចម្រៀងពលករ ពីរោះរណ្ដំយ៉ាងណានោះស្ដាប់ទាំងអស់គ្នា៖

The post គុយលី ឈានមួយកម្រិតទៀត និពន្ធបទឲ្យខេម រាំលេងបែកខ្ទិះឆ្នាំថ្មីនេះ appeared first on .