ផ្លូវរថភ្លើងល្បឿនលឿនមួយខ្សែនេះ នឹងរត់ពីរដ្ឋធានីស្ថិតនៅភាគខាងជើង ទៅកាន់មជ្ឈមណ្ឌលពាណិជ្ជកម្មរបស់ប្រទេសដែលស្ថិតនៅនៅភាគខាងត្បូង មានចម្ងាយសរុបជាង ១ ៥០០ គីឡូម៉ែត្រ ដោយនឹងត្រូវឆ្លងកាត់ទីក្រុង និងខេត្តចំនួន២០ ជាមួយនឹងល្បឿនប្រមាណ ៣៥០គីឡូម៉ែត្រក្នុងមួយម៉ោង។

ជុំវិញផែនការដ៏ធំនេះ ត្រូវបានបោះឆ្នោតគាំទ្រដោយរដ្ឋសភា និងរំពឹងអាចកាត់បន្ថយពេលវេលាធ្វើដំណើរពី ៣០ម៉ោង មកនៅត្រឹមប្រហែល ៥ម៉ោងប៉ុណ្ណោះ ខណ:រដ្ឋភិបាលវៀតណាម ជឿជាក់ថានឹងផ្តល់នូវការជំរុញដ៏សំខាន់បន្ថែមទៀត ដល់ហេដ្ឋារចនាសម្ព័ន្ធ និងជំរុញកំណើនសេដ្ឋកិច្ចជាតិ។

គម្រោងនេះ ត្រូវបានព្យាករថានឹងចាប់ផ្តើមសាងសង់នៅឆ្នាំ២០២៧ ហើយនិងបញ្ចប់ជាស្ថាពរនៅឆ្នាំ២០៣៥ ស្របពេលការចំណាយ ទំនងជាត្រូវផ្តល់មូលនិធិតាមរយៈ​មូលបត្រ​បំណុលរយៈពេលវែង ជំនួយអភិវឌ្ឍន៍ផ្លូវការ និងកម្ចីសម្បទាន។

ជម្រាបជូនផងដែរថា មេដឹកនាំវៀតណាម និងរដ្ឋាភិបាលទីក្រុងប៉េកាំង កាលពីពេលថ្មីៗនេះ ក៏បានពិភាក្សាគ្នាអំពីការតភ្ជាប់ផ្លូវដែកឆ្លងកាត់ព្រំដែន ពីប្រទេសចិន ទៅកាន់កំពង់ផែភាគខាងជើងប្រទេសវៀតណាមដែលស្ថិតនៅទីក្រុង Haiphong ផងដែរ៕

The post វៀតណាម គ្រោងសាងសង់ផ្លូវរថភ្លើងល្បឿនលឿនតម្លៃជិត ៧០ពាន់លានដុល្លារ តភ្ជាប់ទីក្រុងធំៗពីរ appeared first on .

អំឡុងកិច្ចប្រជុំឯស្ថានអគ្គកុងស៊ុលអង់គ្លេសប្រចាំទី្រក្រុងអ៊ីស្តង់ប៊ុលកាលពីថ្ងៃសុក្រ រដ្ឋមន្ត្រីពាណិជ្ជកម្មអង់គ្លេសលោកស្រី Kemi Badenoch បានសារទរចំពោះកិច្ចព្រមព្រៀងមួយនេះថាជា សក្ខីកម្មដ៏ធំមួយចំពោះទំនាក់ទំនងពាណិជ្ជកម្មរវាងប្រទេសទាំងពីរ។

លោកស្រី Badenoch បាននិយាយបន្ថែមទៀតថា នេះជាលើកទីបីហើយ ដែលចក្រភពអង់គ្លេសបានធ្វើការរួមគ្នាជាមួយតួកគី ដើម្បីធានាអនាគតនៃគម្រោងដឹកជញ្ជូនខ្នាតធំប្រកបដោយនិរន្តរភាព។ មួយវិញទៀត ខ្ញុំពិតជាមានសេចក្តីសមនស្សរីករាយជាខ្លាំង ដែលប្រទេសទាំងពីរកំពុងមើលឃើញពីកិច្ចព្រមព្រៀងដ៏ធំមួយទៀត ជាមួយនឹងហិរញ្ញវត្ថុចំនួន ១,២ពាន់លានអឺរ៉ូ (១,៣ពាន់លានដុល្លារ) សម្រាប់អ្វីដែលយើងជឿជាក់ថានឹងក្លាយជាផ្លូវរថភ្លើងផ្លាស់ប្តូររវាងទីក្រុង Yerkoy និងទីក្រុង Kayseri ។

រដ្ឋមន្ត្រីពាណិជ្ជកម្មរូបនេះបានបន្ថែមទៀតថា ខ្សែរថភ្លើងថ្មីនេះ នឹងជួយតួកគីពង្រីកបន្ថែមនូវខ្សែរថភ្លើងដែលបញ្ចេញកាបូនទាប ក៏ដូចជាកាត់បន្ថយការកកស្ទះ និងជួយកាត់បន្ថយកាបូនសុទ្ធជាង ៦ ៥០០តោនក្នុងមួយឆ្នាំ។ លើសពីនេះទៅទៀត គម្រោងនេះនឹងត្រូវអនុវត្តដោយការបណ្តាក់ទុនរួមគ្នារវាងក្រុមហ៊ុនតួកគី Dogus Construction Celikler និងក្រុមហ៊ុន Ozkar ដែលជាអ្នកម៉ៅការដ៏សំខាន់របស់ផ្លូវរថភ្លើងល្បឿនលឿន Ankara-Sivas ផងដែរ៕

The post តួកគី និងចក្រភពអង់គ្លេសចុះកិច្ចព្រមព្រៀងសាងសង់ផ្លូវរថភ្លើងល្បឿនលឿន appeared first on .

ផ្អែកតាមការស្រង់មតិបានបង្ហាញថា ៤៨% នៃអ្នកដំណើរសរុប គឺជាពលរដ្ឋមានរថយន្តផ្ទាល់ខ្លួន ប៉ុន្តែងាកមកប្រើប្រាស់មធ្យោបាយធ្វើដំណើរសាធារណៈ ដែលចំណេញពេលវេលា សុវត្ថិភាព និងសន្សំសំចៃថវិកា ស្របតាមគោលការណ៍ដែលរដ្ឋាភិបាលចង់បាន។

ជាមួយគ្នា ការទទួលបានអ្នកដំណើរច្រើនជាងមួយលាននាក់ ត្រឹមរយៈពេល ២ខែដំបូងនេះ បានធ្វើឲ្យពលរដ្ឋមានការទុកចិត្តកាន់តែខ្លាំង ជាមួយការធ្វើដំណើរតាមរថភ្លើងល្បឿនលឿន ពីទីក្រុងហ្សាកាតា ទៅកាន់ទីក្រុងបានឌុង ពោលការរត់របស់រថភ្លើង Whoosh កើនឡើងពី ១៤ រហូតដល់ ៤៨ជើង ក្នុងមួយថ្ងៃ។

សូមជម្រាបបន្ថែមថា រថភ្លើងល្បឿនលឿន Whoosh អាចរត់បានរហូតដល់ ៣៥០គីឡូម៉ែត្រក្នុងមួយម៉ោង ដោយភ្ជាប់ពីស្ថានីយ Halim Station នៅទីក្រុងហ្សាកាតា ទៅកាន់ស្ថានីយ Tegalluar Station នៅទីក្រុងបានឌុង ហើយវាបានជួយកាត់បន្ថយពេលវេលាធ្វើដំណើរបានច្រើនសន្ធឹក បើធៀបទៅនឹងការបើកបរ​ដោយខ្លួនឯង ពោលកាត់បន្ថយរយៈពេលពីជាង ៣ម៉ោង មកនៅត្រឹម ៤០នាទីប៉ុណ្ណោះ៕

The post រយៈពេល ២ខែ រថភ្លើងល្បឿនលឿនឥណ្ឌូណេស៊ី ស្វាគមន៍អ្នកដំណើរច្រើនជាងមួយលាននាក់ appeared first on .

លោក Sumadi បាននិយាយ នៅឯខាងក្រៅពិធីសម្ពោធផ្លូវរថភ្លើងល្បឿនលឿនដំបូងបង្អស់ នៅក្នុងតំបន់អាស៊ីអាគ្នេយ៍ កាលពីថ្ងៃទី២ ខែតុលា ថា រដ្ឋាភិបាលមានគម្រោងក្នុងការពង្រីកខ្សែរថភ្លើងល្បឿនលឿនបន្ថែមទៀត ដោយនឹងត្រូវតភ្ជាប់ពីទីក្រុងហ្សាកាតា ទៅកាន់ទីក្រុង Surabaya សម្រាប់រយ:ពេលធ្វើដំណើរត្រឹមតែ ៣ម៉ោងកន្លះប៉ុណ្ណោះ បើធៀបនឹងរថភ្លើងធម្មតា ដែលចំណាយពេលដល់ទៅ ១១ម៉ោង។

លោក Sumadi បាននិយាយទៀតថា ៖ ” រថភ្លើងល្បឿនលឿន Jakarta-Bandung (KCJB) ត្រូវការពេលត្រឹមតែ ២៩ នាទីប៉ុណ្ណោះ ដើម្បីទៅដល់ស្រុក Padalarang ក្នុងខេត្ត West Java ។ ហើយប្រសិនបើយើងពង្រីកផ្លូវនេះបន្ថែមទៀត វាអាចរត់ទៅដល់ទីក្រុង Surabaya ក្នុងរយៈពេលត្រឹមតែ ៣ ទៅ ៣ម៉ោងកន្លះប៉ុណ្ណោះ ” ។

ជម្រាបជូនផងដែរថា ផ្លូវដែកល្បឿនលឿន Jakarta-Bandung ដែលមានប្រវែង ១៤២ គីឡូម៉ែត្រ ត្រូវបានសាងសង់ឡើងក្នុងតម្លៃប្រមាណ ៧,៣ពាន់លានដុល្លារ ជាមួយនឹងល្បឿនអតិបរមា ៣៥០ គីឡូម៉ែត្រក្នុងមួយម៉ោង រថភ្លើងដើរដោយថាមពលអគ្គិសនីនេះ ជួយកាត់បន្ថយពេលវេលាធ្វើដំណើររវាងទីក្រុងធំទាំងពីរ ពី ៣ម៉ោង មកត្រឹមតែ ៤៥នាទីប៉ុណ្ណោះ៕

The post ឥណ្ឌូនេស៊ី បង្ហើបពីគម្រោងក្នុងការពង្រីកផ្លូវរថភ្លើងល្បឿនលឿនរបស់ខ្លួនបន្ថែមទៀត appeared first on .

យោងតាមការចុះផ្សាយពីសារព័ត៌មាន CNA បានបង្ហាញថា រថភ្លើងល្បឿនលឿននេះបានបញ្ចប់​ការសាងសង់ ក្រោយមានការជ្រោមជ្រែងពីប្រទេសចិនរាប់ពាន់លានដុល្លារ ហើយវាត្រូវបាន​គេដាក់ឈ្មោះឲ្យថា “Whoosh”។

រថភ្លើងល្បឿនលឿន Whoosh អាចធ្វើដំណើរបានរហូតដល់ ៣៥០គីឡូម៉ែត្រក្នុងមួយម៉ោង ហើយចំណាយពេលត្រឹមតែ ៤៥នាទីប៉ុណ្ណោះពីទីក្រុងហ្សាកាតា ទៅកាន់ទីក្រុង Bandung ដែលកន្លងមកត្រូវការពេលរហូតដល់ ៣ម៉ោង សម្រាប់ការធ្វើដំណើរប្រហែល ១៤០គីឡូម៉ែត្រ។

សូមជម្រាបដែរថា គម្រោងផ្លូវរថភ្លើងមួយខ្សែនេះ ត្រូវបានសន្និដ្ឋានថាមានតម្លៃប្រមាណ ៥ពាន់លានដុល្លារ ដែលគ្រោងបញ្ចប់ការសាងសង់តាំងពីឆ្នាំ២០១៩ ប៉ុន្តែត្រូវបានពន្យារពេល​ដោយសារជំងឺរាតត្បាតកូវីដ ១៩៕

The post ឥណ្ឌូណេស៊ី បើកដំណើរការផ្លូវរថភ្លើងល្បឿនលឿនបំផុតនៅអាស៊ីអាគ្នេយ៍ appeared first on .

ក្រុមហ៊ុនបណ្តាក់ទុនរួមគ្នារវាងឥណ្ឌូនេស៊ី និងចិន Kerata Cepat Indonesia China (KCIC) បានកំណត់យកខែតុលា ជាកាលបរិច្ឆេទបើកដំណើរការសេវាកម្មរថភ្លើងល្បឿនល្បឿនរបស់ខ្លួន ដោយ KCIC នឹងប្រើប្រាស់ពេលវេលា ដែលនៅសេសសល់ ដើម្បីធ្វើការសាកល្បងបន្ថែមទៀត ដើម្បីធានាបាននូវសុវត្ថិភាព។

ប្រធានាធិបតីលោក Joko Widodo បាននិយាយកាលពីសប្តាហ៍មុន ដោយលោករំពឹងថានឹងចូលរួមនៅក្នុងការបើកសាកល្បងផ្លូវរថភ្លើងល្បឿនលឿនពីទីក្រុងហ្សាកាតា ទៅកាន់ទីក្រុង Bandung នៅក្នុងខែកញ្ញាខាងមុខ ខណ:លោកក៏បានសង្កត់ធ្ងន់ថា នៅពេលអ្វីៗរួចរាល់អស់ នោះផ្លូវដែកនឹងដាក់ឱ្យដំណើរការជាផ្លូវការមិនខាន។

គួរឱ្យដឹងថា ការដាក់ឱ្យប្រើប្រាស់សាងល្បង ដែលគ្រោងនឹងធ្វើឡើងនៅខែកញ្ញា និងតុលា នោះ ប្រជាពលរដ្ឋ ដែលរស់នៅក្បែរនោះអាចជិះបាន ដោយពុំគិតថ្លៃអ្វីនោះឡើយ។

ផ្លូវរថភ្លើងល្បឿនលឿនមួយខ្សែនេះ មានប្រវែងប្រហែល ១៤០ គីឡូម៉ែត្រ ដែលតភ្ជាប់ពីទីក្រុងហ្សាកាតា ទៅកាន់ទីក្រុង Bandung ហើយនឹងមានល្បឿនខ្ពស់បំផុតប្រហែល ៣៥០ គីឡូម៉ែត្រក្នុងមួយម៉ោង ដោយចំណាយត្រឹមតែ ៣៦ នាទីប៉ុណ្ណោះ ដើម្បីទៅដល់គោលដៅ៕

The post ឥណ្ឌូនេស៊ី កំណត់យកខែតុលា ដើម្បីដាក់ឱ្យដំណើរការរថភ្លើងល្បឿនលឿនដំបូងរបស់ខ្លួន appeared first on .

យោងតាមក្រសួងសាធារណការនិងដឹកជញ្ជូនបានឱ្យដឹងថា នៅក្នុងកិច្ចប្រជុំពិនិត្យលើលទ្ធផលបឋមនៃការសិក្សាសមិទ្ធិ​​លទ្ធ​​​ភាព គម្រោង​លើកកម្រិតផ្លូវរថភ្លើងភាគខាងជើង ភ្នំពេញ-ប៉ោយប៉ែត ឱ្យទៅជាផ្លូវរថភ្លើងល្បឿនលឿនដំបូងគេ​​បំផុត​នៅ​កម្ពុជារវាងក្រសួងសាធរណការនិងដឹកជញ្ជូននិងក្រុមហ៊ុនសាជីវកម្មស្ពាន និងថ្នល់ចិន (CRBC)កាលថ្ងៃទី២៣​ខែមករាឆ្នំា២០២៣កន្លងមកនេះ តំណាងក្រុមហ៊ុន CRBC បានធ្វើបទបង្ហាញ លើកយកនៅចំណុចសំខាន់ៗដែលបានសិក្សា៖ ១)-ទិដ្ឋភាពទូទៅនៃគម្រោង,២)-ការវិភាគលើទំហំសេដ្ឋកិច្ច និងទំហំចរាចរណ៍,៣)-ផែនការនៃការសាងសង់,៤) -ស្តង់ដារ​បច្ចេកទេសគោលនៃខ្សែផ្លូវដែក,៥)-ការរៀបចំការដឹកជញ្ជូន,៦)-រយៈពេលនៃការសាងសង់ និងការវិនិយោគសរុប,៧)-ការវាយតម្លៃលើផ្នែកហិរញ្ញវត្ថុ និង៨)- ការបញ្ជាក់អំពីបញ្ហាសំខាន់ៗមួយចំនួន។

តាមរយៈការសិក្សាបឋមរបស់ក្រុមហ៊ុនសាជីវកម្មថ្នល់ និងស្ពានចិន បានបញ្ជាក់ថា គម្រោងខាងលើនេះមានប្រវែង​សរុប​ប្រមាណ ៣៨២គីឡូម៉ែត្រ ត្រូវការទុនវិនិយោគប្រមាណជាង ៤ពាន់លានដុល្លារអាមេរិក ដោយរួមបញ្ចូលទាំងក្បាល និង​ទូរ​​ថភ្លើងសម្រាប់ដំណើរការ និងប្រើប្រាស់រយៈពេលសាងសង់ប្រមាណ ៤ឆ្នាំ។

ផ្លូវរថភ្លើងល្បឿនលឿននេះ មានខ្នាតទទឹងប្រវែង ១.៤៣៥ មម ល្បឿនសម្រាប់ធ្វើចរាចរណ៍គឺ ១៦០គ.ម/ម៉ និងមាន​ស្ថានីយ​សរុបចំនួន៣៣ សម្រាប់ដំណើរការ (ស្ថានីយចំនួន១៩ ក្នុងផែនការរយៈពេលខ្លី និងគ្រោងបន្ថែមចំនួន ១៤ទៀត ក្នុងផែនការរយៈពេលវែង)។ ក្នុងនោះដែរ ខ្សែររថភ្លើងត្រូវបំពាក់ប្រភេទក្បាលរថភ្លើង ដែលដំណើរការដោយ​ថាម​​ពល​​អគ្គិសនី ដោយមានការសាងសង់ផ្លូវអាកាសរំលងកាត់ទទឹងផ្លូវប្រមាណជាង ៣០០កន្លែង ដើម្បីបញ្ចៀសគ្រោះថ្នាក់ច​រា​​ចរណ៍​ត្រង់ចំណុចប្រសព្វជាមួយផ្លូវថ្នល់ និងមានបែងចែកដាច់ពីគ្នា រវាងស្ថានីយអ្នកដំណើរ និងស្ថានីយលើកដាក់ទំនិញ នៅភូមិសាស្ត្ររាជធានីភ្នំពេញ (មួយនៅស្ថានីយភ្នំពេញសម្រាប់អ្នកដំណើរ និងមួយទៀតនៅស្ថានីយសំរោង​សម្រាប់​​លើកដាក់ទំនិញ)។

តាមក្រសួងសាធារណការនិងដឹកជញ្ជូនដដែលបានបញ្ជាក់ថា នៅក្នុងកិច្ចប្រជុំនោះដែរទេសរដ្ឋមន្ត្រី បានលើកជាសំណួរ បញ្ជាក់បន្ថែមឱ្យបាន​ច្បាស់លាស់នូវចំណុចសំខាន់ៗមួយចំនួន ដើម្បីបានជាមូលដ្ឋានសម្រាប់ជំនួបពិភាក្សាជាមួយ​រដ្ឋមន្ត្រីក្រ​សួងសេដ្ឋកិច្ច និងហិរញ្ញវត្ថុ ដែលគ្រោងនឹងធ្វើឡើងនៅថ្ងៃទី៣០ ខែមករា ឆ្នាំ២០២៣ខាងមុខ។

ជំនួបពិភាក្សានេះដែរ គឺនឹងធ្វើឡើងដើម្បីពិភាក្សាអំពីលទ្ធភាព និងលក្ខខណ្ឌនៃការអនុវត្តគម្រោង ព្រមទាំងស្នើសុំ​​អនុ​សា​សន៍​​ណែនាំបន្ថែមទៀត ដើម្បីជំរុញឱ្យដំណើរការនៃការសិក្សានេះមានលក្ខណៈលម្អិត និងសព្វជ្រុងជ្រោយ សំដៅ​​ឆ្ពោះ​​ទៅការអនុវត្តគម្រោងសាងសង់ផ្លូវរថភ្លើងល្បឿនលឿននេះ ក្នុងពេលអនាគតឆាប់ៗ និងឱ្យស្រប​ទៅតាមស្មារតី​សម័យ​ប្រជុំពេញអង្គគណៈរដ្ឋមន្ត្រី ដែលបានប្រព្រឹត្តទៅកាលពីថ្ងៃទី១៣ ខែមករា ឆ្នាំ២០២៣ កន្លងទៅ ដែល​​រាជរដ្ឋាភិបាល​ជំរុញ​ឱ្យ​ក្រសួងសេដ្ឋកិច្ច និងហិរញ្ញវត្ថុ និង ក្រសួងសាធារណការ និងដឹកជញ្ជូន សហការគ្នាពន្លឿនការសិក្សាគម្រោងលើក​កម្រិត​​ផ្លូវរថភ្លើងភាគខាងជើង ភ្នំពេញ-ប៉ោយប៉ែត ឱ្យទៅជាផ្លូវរថភ្លើងល្បឿនលឿននេះ ដើម្បីបម្រើឱ្យវិស័យដឹក​ជញ្ជូន​កាន់​តែសម្បូរបែប ជំរុញកំណើនសេដ្ឋកិច្ច-សង្គមជាតិ ឱ្យកាន់តែរីកចម្រើន ជាពិសេសគឺតាមបណ្តាខេត្ត និងក្រុង​​នានាដែលស្ថិតនៅតាមបណ្តោយផ្លូវ។

សូមជម្រាបថា យោងតាមសំណើសុំធ្វើការសិក្សាសមិទ្ធិលទ្ធភាពគម្រោងលើកកម្រិតផ្លូវរថភ្លើងភាគខាងជើង ភ្នំពេញ-​​ប៉ោយ​​ប៉ែត ឱ្យទៅជាផ្លូវរថភ្លើងល្បឿនលឿន របស់ក្រុមហ៊ុនសាជីវកម្មស្ពាន និងថ្នល់ចិន (CRBC) កាលពីថ្ងៃទី១៧ ខែធ្នូ ឆ្នាំ២០២១ ក្រសួងសាធារណការ និងដឹកជញ្ជូន បានសម្រេចផ្ដល់គោលការណ៍អនុញ្ញាតឱ្យមានការសិក្សាគម្រោងនេះ នៅថ្ងៃទី០៦ ខែមករា ឆ្នាំ២០២២កន្លងទៅ។

គម្រោងលើកកម្រិតផ្លូវរថភ្លើងភាគខាងជើង ភ្នំពេញ-ប៉ោយប៉ែត ឱ្យទៅជាផ្លូវរថភ្លើងល្បឿនលឿន គឺជា​គម្រោង​ដែល​ផ្តោត​​ចម្បងលើសេវាដឹកជញ្ជូនអ្នកដំណើរ និងដឹកទំនិញអន្តរជាតិ រវាងប្រទេសកម្ពុជា និងប្រទេសថៃ ក៏ដូចជាការ​ដឹក​ជញ្ជូន​អ្នកដំណើរ និងទំនិញតាមខ្សែបណ្ដោយ ពីរាជធានីភ្នំពេញ ទៅក្រុងប៉ោយប៉ែត ដោយឆ្លងកាត់ខេត្តកណ្តាល កំពង់ឆ្នាំង ពោធិសាត់ បាត់ដំបង និងខេត្តបន្ទាយមានជ័យ។ គម្រោងនេះនឹងក្លាយជាផ្លូវដែកល្បឿនលឿនស្ដង់ដារដំបូងគេបំផុត នៅ​ក្នុងប្រទេសកម្ពុជា ហើយនឹងក្លាយទៅជាខ្សែផ្លូវដឹកជញ្ជូនអ្នកដំណើរ និងដឹកទំនិញដ៏សំខាន់ទាំងនៅក្នុងប្រទេស និង​ភ្ជាប់​ទៅ​ក្រៅប្រទេសផងដែរ៕
អត្ថបទ៖សារេត

The post ការសិក្សាបឋម៖ រថភ្លើង​​ល្បឿនលឿន​ភ្នំពេញ-​ប៉ោយ​​ប៉ែត ត្រូវ​ការ​​ទុ​ន​វិនិ​យោគ​​ជាង ៤ពាន់​លាន​​ដុល្លារ​​​អាមេរិក appeared first on .