ម្ចាស់រថយន្តចង្កូតស្តាំគ្មានពន្ធមានស្រាប់ ដែលបានចុះបញ្ជីរួច មិនទាន់បង់ពន្ធ រួសរាន់ ចៀសវាងការបង្រ្កាបពីមន្រ្តី

Kem sinath — Fri, 16 Dec 2022 09:34:52 +0000

អគ្គនាយកដ្ឋានគយ និងរដ្ឋករកម្ពុជា បានអំពាវនាវដល់ម្ចាស់រថយន្តចង្កូតស្តាំគ្មានពន្ធមានស្រាប់ក្នុងប្រទេសដែលបានចុះបញ្ជីរួច ប្រញាប់រួសរាន់បង់ពន្ធ និងអាករ នៅតាមបណ្តាអង្គភាពគយនិងរដ្ឋកររាជធានី ខេត្ត ដើម្បីចៀសវាងពីការបង្រ្កាបដោយចៃដន្យណាមួយពីមន្រ្តីគយ និងរដ្ឋករមានសមត្ថកិច្ច។

បើតាមអគ្គនាយកដ្ឋានគយ កាលពីថ្ងៃទី១៣ តុលា ២០២២ បានអនុញ្ញាតឱ្យម្ចាស់រថយន្តគ្មានពន្ធចូលមកបំពេញកាតព្វកិច្ចពន្ធ និងអាករត្រូវបានពន្យាពេលរហូតដល់ថ្ងៃទី៣១ ខែធ្នូ ឆ្នាំ ២០២២ ដែលនឹងមកដល់ឆាប់ៗខាងមុខនេះ។

យ៉ាងណា គយថា គិតមកដល់ពេលនេះ មានម្ចាស់រថយន្តគ្មានពន្ធមានស្រាប់ក្នុងប្រទេសជ្រកក្រោមផ្លាកលេខផ្សេងៗ ភាគច្រើនលើសលប់ បានចូលមកបំពេញកាតព្វកិច្ចពន្ធនិងអាកររួចរាល់ ប៉ុន្តែមួយចំនួនទៀតមិនទាន់បានចូលមកបង់ពន្ធ និងអាករ ដែលជាកាតព្វកិច្ចនៅឡើយ។

ទន្ទឹមនឹងនេះ អគ្គនាយកដ្ឋានគយ និងរដ្ឋករកម្ពុជា បានសង្កត់ធ្ងន់ថា ដើម្បីចៀសផុតពីការបង្រ្កាបដោយមន្រ្តីគយ និងរដ្ឋករមានសមត្ថកិច្ចតាមដងផ្លូវ ការដ្ឋាន អាជីវកម្មដ្ឋាន និងតាមទីកន្លែងសាធារណៈជាយថាហេតុណាមួយ សូមម្ចាស់យានយន្តបំពេញកាតព្វកិច្ចតាមបណ្តាអង្គភាពគយ និងរដ្ឋកររាជធានី ខេត្ត ដែលសមីខ្លួនបានចុះបញ្ជី មុនថ្ងៃទី ៣១ ធ្នូ ២០២២ជាកំហិត។ ចំពោះរថយន្តដែលមិនបំពេញកាតព្វកិច្ចត្រឹមថ្ងៃកំណត់ខាងលើនឹងត្រូវបង្រ្កាបដោយរឹបអូស ដោះជាគ្រឿងបន្លាស់ឬកម្ទេចចោល តាមច្បាប់ និងបទប្បញ្ញត្តិជាធរមាន ដោយពុំមានការអនុគ្រោះឡើយ។

គួររម្លឹកផងដែរថា គិតត្រឹមថ្ងៃឱសានវាទ ថ្ងៃទី៣១ ខែកក្កដា ឆ្នាំ២០២២ រថយន្តចង្កូតស្តាំគ្មានពន្ធដែលមានស្រាប់នៅកម្ពុជា ប្រមាណជាង ៩ ៨០០គ្រឿង បានទៅចុះបញ្ជី និងបង់ពន្ធ បន្ទាប់ពីប្រមុខរាជរដ្ឋាភិបាល អនុញ្ញាត្តឱ្យរថយន្តចង្កូតស្តាំទាំងនោះ អាចបង់ពន្ធបានដោយមិនបាច់កែចង្កូត៕

The post ម្ចាស់រថយន្តចង្កូតស្តាំគ្មានពន្ធមានស្រាប់ ដែលបានចុះបញ្ជីរួច មិនទាន់បង់ពន្ធ រួសរាន់ ចៀសវាងការបង្រ្កាបពីមន្រ្តី appeared first on .

អគ្គនាយកដ្ឋានគយ ក្រើនរំលឹកឲ្យម្ចាស់រថយន្តចង្កូតស្ដាំដែលចុះបញ្ជីរួច រួសរាន់ទៅបង់ពន្ធ

ឧកញ៉ា ឆ្នាំងដី — Tue, 16 Aug 2022 06:11:16 +0000

អគ្គនាយកដ្ឋានគយ និងរដ្ឋាករកម្ពុជា នៅថ្ងៃទី១៦ ខែសីហា ឆ្នាំ២០២២ បានក្រើនរំលឹកដល់ម្ចាស់រថយន្តចង្កូតស្ដាំដែលបានចុះបញ្ជីរួចតែមិនទាន់បានបង់ពន្ធនិងអាករ ត្រូវរួសរាន់ចូលមកបំពេញកាតព្វកិច្ចពន្ធនិងអាករលើរថយន្តរបស់ខ្លួនឱ្យបានឆាប់ ។

ការក្រើនរំលឹកឲ្យរួសរាន់ទៅបង់ពន្ធនេះ ដើម្បីចៀសវាងការឃាត់សួរដោយ មន្ត្រីគយនិងរដ្ឋាករមានសមត្ថកិច្ចជាយថាហេតុពេលកំពុងចរាចរតាមដងផ្លូវ ដែលអាចបង្កជាការរំខាននានា ហើយក៏ដើម្បីចៀសវាងការភ្លេចឬខកខានមកបំពេញកាតព្វកិច្ចពន្ធនិងអាករតាមកាលកំណត់ ដែលអាចបណ្តាលឱ្យទទួល រងនូវវិធានការនានាជាបន្តបន្ទាប់។

ជាមួយគ្នានេះ អគ្គនាយកដ្ឋានគយ និងរដ្ឋាករកម្ពុជា ក៏កំពុងចាត់វិធានការចុះបង្ក្រាបរថយន្តគ្មានពន្ធមានស្រាប់ក្នុងប្រទេសនៅសេសសល់ដែលម្ចាស់មិនបានមកបំពេញកាតព្វកិច្ចពន្ធនិងអាករ ឬចុះបញ្ជីក្នុងរយៈពេលដែលបានអនុញ្ញាតកន្លងមក ហើយរថយន្ត ចង្កូតស្តាំដែលបង្ក្រាបបានជាមុខសញ្ញានៃការរឹបអូសតាមច្បាប់និងបទប្បញ្ញត្តិជាធរមាន។

សូមជម្រាបថា បន្ទាប់ពីបានបិទបញ្ចប់ជាស្ថាពរនូវការអនុញ្ញាតឱ្យចុះបញ្ជីរថយន្តចង្កូតស្តាំគ្មានពន្ធមានស្រាប់ក្នុងប្រទេសត្រឹម ថ្ងៃទី៣១ ខែកក្កដា ឆ្នាំ២០២២ កន្លងទៅ រថយន្តចង្កូតស្ដាំគ្មានពន្ធមានស្រាប់ក្នុងប្រទេសដែលម្ចាស់បានយកមកចុះបញ្ជីរួចត្រូវបានទុកពេលវេលារហូតដល់ ថ្ងៃទី០៨ ខែតុលា ឆ្នាំ២០២២ ដើម្បីបំពេញកាតព្វកិច្ចពន្ធនិងអាករឱ្យបា រួចរាល់ ៕

The post អគ្គនាយកដ្ឋានគយ ក្រើនរំលឹកឲ្យម្ចាស់រថយន្តចង្កូតស្ដាំដែលចុះបញ្ជីរួច រួសរាន់ទៅបង់ពន្ធ appeared first on .

រថយន្តចង្កូតស្ដាំ

អគ្គនាយកដ្ឋានគយ ក្រើនរំលឹកឲ្យម្ចាស់រថយន្តចង្កូតស្ដាំ​ដែល​ចុះ​​បញ្ជីរួច​​ ​​រួសរាន់ទៅបង់ពន្ធ

អគ្គនាយកដ្ឋានគយ ក្រើនរំលឹកឲ្យម្ចាស់រថយន្តចង្កូតស្ដាំដែលចុះបញ្ជីរួច រួសរាន់ទៅបង់ពន្ធ