រូបបដិមាព្រះថោង-នាងនាគ ចាយទឹកប្រាក់សាងសង់អស់ជាង ១លានដុល្លារអាមេរិក

កូនចៅឧកញ៉ា — Sat, 16 Apr 2022 13:12:34 +0000

រូបសំណាក ព្រះថោងតោងស្បៃព្រះនាងនាគ ដ៏ធំសម្បើមនេះ មានកម្ពស់ជាង ២១ម៉ែត្រ រចនាស្ថាបត្យកម្ម ដោយកូនខ្មែរ ត្រូវបានសាងសង់ឡើងយ៉ាងហ្មត់ចត់នៅប្រទេសចិន និងបានដឹកមកដល់កំពង់ផែស្វយ័តក្រុងព្រះសីហនុ ប្រទេសកម្ពុជា កាលពីថ្ងៃ២៥ ខែមីនា ២០២២។

ជាមួយគ្នានេះ រដ្ឋាភិបាលចំណយទឹកប្រាក់ជាង១លានដុល្លារ សម្រាប់ប្រើប្រាស់ក្នុងដំណើរការសាងសង់រូបបដិមាព្រះថោង-នាងនាគ ដែលត្រូវបានអភិសេកនៅថ្ងៃទី១៦ខែមេសានេះ ក្រោមវត្តមានសម្តេចតេជោ ហ៊ុន សែន នាយករដ្ឋមន្ត្រី។ នេះបើតាមលោក លី រស្មី អនុរដ្ឋលេខាធិការនៃក្រសួងដែនដីនគររូបនីយកម្ម និងសំណង់បានគូសបញ្ជាក់ប្រាប់វិទ្យុបារាំងអន្តរជាតិនៅយប់ថ្ងៃទី ១៦នេះ។

រូបសំណាក “ព្រះថោងនាងនាគ” បានដាក់បែរព្រះភក្ត្រ ឆ្ពោះទៅសមុទ្រ ដោយសាររឿងព្រេង ការកកើតនគរខ្មែរ គឺព្រះនាងនាគបានឲ្យព្រះថោង តោងកន្ទុយ ឬស្បៃ ដើម្បីមុជទឹក ហោះទៅកាន់ឋានស្ដេចភុជង្គនាគ ដើម្បីជួបមាតា បិតារបស់ព្រះនាង ហើយនោះ គឺជានិម្មិតរូប នៃការកកើតទឹកដី អារ្យធម៌ វប្បធម៌ ប្រពៃណី ទំនៀមទម្លាប់នគរខ្មែរ គោកធ្លក ដែលគេឃើញមានតរៀងមកក្នុងពិធីរៀបអាពាហ៍ពិពាហ៍របស់ខ្មែរ រហូតដល់សព្វថ្ងៃ។

លោក លី រស្មី បានថ្លែងថា បដិមាព្រះថោង-នាងនាគ ជារូបសំណាកធំជាងគេនៅកម្ពុជាជាមួយនឹងទម្ងន់៦០តោន។

អ្នកជំនាញរូបនេះបន្តថា ក្រៅពីរូបបដិមព្រះថោង-នាងនាគ គណៈកម្មការគ្រប់គ្រង និងអភិវឌ្ឍន៍តំបន់ឆ្នេរ គ្រោងដាក់តាំងរូបសំណាកមួយចំនួនទៀតដូចជាៈបដិមា ព្រះវិស្ណុ និងព្រះនាងឧមាភគវតី ឬហៅថា ឧមាមហេស្វរៈ និងបដិមា សីហរាជមុខ៣។

ក្រៅពីក្រុងព្រះសីហនុ ស្ថាបត្យកររូបនេះ សង្ឃឹមថា រដ្ឋាភិបាលនឹងមានគម្រោងសាងសង់រូបសំណាកបុព្វបុរសខ្មែរផ្សេងទៀតដើម្បីដាក់តាំងបង្ហាញឲ្យបានច្រើនក្នុងប្រទេសកម្ពុជា៕

The post រូបបដិមាព្រះថោង-នាងនាគ ចាយទឹកប្រាក់សាងសង់អស់ជាង ១លានដុល្លារអាមេរិក appeared first on .

រូបសំណាកដ៏ធំស្កឹមស្កៃ “ព្រះថោងនាងនាគ” រៀបចំអភិសេកនៅថ្ងៃស្អែក

កូនចៅឧកញ៉ា — Fri, 15 Apr 2022 13:44:02 +0000

ព្រឹកស្អែកដែលជាថ្ងៃចូលឆ្នាំទី ៣ សម្តេតេជោ ហ៊ុន សែន នាយករដ្ឋមន្ត្រី នឹងចូលរួមជាអធិបតីក្នុងពិធីអភិសេករូបសំណាក “ព្រះថោងនាងនាគ” នៅខេត្តព្រះសីហនុ។

រូបសំណាក “ព្រះថោងនាងនាគ” ត្រូវបានរៀបចំនៅរង្វង់មូលព្រះថោងនាងនាគ ស្ថិតនៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ ដែលជាចំណុចប្រសព្វគ្នារវាងមហាវិថីឆ្នេររាម និងមហាវិថីជំទាវម៉ៅ។ រូបសំណាក ព្រះថោងតោងស្បៃព្រះនាងនាគ ដ៏ធំសម្បើមនេះ មានកម្ពស់ជាង ២១ម៉ែត្រ រចនាស្ថាបត្យកម្ម ដោយកូនខ្មែរ ត្រូវបានសាងសង់ឡើងយ៉ាងហ្មត់ចត់នៅប្រទេសចិន និងបានដឹកមកដល់កំពង់ផែស្វយ័តក្រុងព្រះសីហនុ ប្រទេសកម្ពុជា កាលពីថ្ងៃ២៥ ខែមីនា ២០២២។

រូបសំណាកដ៏ធំស្កឹមស្កៃនេះ ជារូបសំណាកមួយ ក្នុងចំណោមរូបសំណាក់និមិត្តរូប នៃខេត្តព្រះសីហនុចំនួន៤ ដែលរូបសំណាក់៣ផ្សេងទៀតមានដូចជា ៖ រូបសំណាកតោមាស រូបសំណាកព្រះសិវៈ និងព្រះនាងឧមា (សាងសង់ថ្មី) និងរូបសំណាកសីហក្បាលរាជសីជាដើម៕

The post រូបសំណាកដ៏ធំស្កឹមស្កៃ “ព្រះថោងនាងនាគ” រៀបចំអភិសេកនៅថ្ងៃស្អែក appeared first on .

រូបសំណាកព្រះថោងនាងនាគ

រូបបដិមាព្រះថោង-នាងនាគ ចាយទឹកប្រាក់សាងសង់អស់ជាង ១លានដុល្លារអាមេរិក

រូបសំណាកដ៏​ធំ​ស្កឹមស្កៃ “​ព្រះថោង​នាងនាគ​” រៀបចំអភិសេកនៅថ្ងៃស្អែក

រូបសំណាកដ៏ធំស្កឹមស្កៃ “ព្រះថោងនាងនាគ” រៀបចំអភិសេកនៅថ្ងៃស្អែក