ក្នុងពិធីសម្ពោធជាផ្លូវការ នាថ្ងៃទី៥​ខែមីនា នៅអ៊ីអន១នេះ ក្រុមហ៊ុន Sabay បានប្រកាសថា បន្ទាប់ពីការសម្រេចចិត្តដកខ្លួនរបស់ Major Cineplex Thailand ក្រុមហ៊ុនបានឈានជើងចូលទិញយកភាគហ៊ុនទាំងអស់ ដើម្បីធានាថាអាជីវកម្មកម្សាន្តដ៏ធំមួយនេះ នឹងត្រូវដឹកនាំដោយស្នាដៃ និងស្មារតីសហគ្រិនខ្មែរ ដើម្បីបម្រើដល់ជនជាតិខ្មែរយើងប្រកបដោយនិរន្តរភាព។

ក្នុងឱកាសនេះ ក្រុមហ៊ុន Sabay បានបញ្ជាក់នូវចំណុចគន្លឹះសំខាន់ៗចំនួន៣៖

១. ការប្តេជ្ញាចិត្តចំពោះកម្ពុជា៖ ក្រុមហ៊ុននឹងពង្រឹងឧស្សាហកម្មភាពយន្តឱ្យកាន់តែរឹងមាំ និងពង្រីកវិស័យផលិតមាតិកានៅកម្ពុជាឱ្យមានភាពរីកចម្រើន។ តាមរយៈការវិនិយោគរយៈពេលវែង ក្រុមហ៊ុននឹងផ្តល់ឱកាសមាសដល់អ្នកមានសមត្ថភាព និងទេពកោសល្យថ្មីៗ ឱ្យបានចូលរួមយ៉ាងសកម្មក្នុងវិស័យភាពយន្ត និងការច្នៃប្រឌិត។

២. រក្សាគុណភាព ព្រមទាំងបន្ថែមបទពិសោធន៍ថ្មី៖ អតិថិជននឹងនៅតែទទួលបានសេវាកម្ម និងបច្ចេកវិទ្យាទំនើបៗចុងក្រោយបង្អស់ ដូចជា IMAX Laser និង ScreenX ដែលមានទំហំធំជាងគេ។ អ្វីដែលកាន់តែពិសេសនោះ គឺការកែលម្អបរិយាកាសឱ្យកាន់តែមានភាពស្និទ្ធស្នាល រស់រវើក និងមានស្តង់ដារខ្ពស់ជាងមុន។ ក្រុមហ៊ុនប្តេជ្ញាបន្តនាំយកបច្ចេកវិទ្យា និងបទពិសោធន៍ល្អៗបំផុតមកបម្រើជូនទស្សនិកជនជាបន្តបន្ទាប់។

៣. លើសពីការទស្សនាភាពយន្ត៖ ក្រោមស្លាកសញ្ញា Sabay ក្រុមហ៊ុនកំពុងកសាង «ប្រព័ន្ធអេកូឡូស៊ីកម្សាន្ត» ដ៏សម្បូរបែប។ ការប្តូរឈ្មោះ Blue-O ទៅជា Sabay Rhythm & Bowl គឺជាការបង្ហាញពីថាមពលថ្មី ដែលរួមបញ្ចូលគ្នានូវការលេងកីឡា តន្ត្រី និងការកម្សាន្ត។ លើសពីនេះ ក្រុមហ៊ុនក៏មានគម្រោងបន្ថែមនូវហាងកាហ្វេ និងកន្លែងធ្វើការរួមគ្នា (Co-working space) ដើម្បីក្លាយជាមជ្ឈមណ្ឌលជួបជុំបែបយុវវ័យសម័យថ្មី និងសហគមន៍អ្នកច្នៃប្រឌិត។

គូសបញ្ជាក់ថា បេសកកម្មដ៏ធំបំផុតរបស់ក្រុមហ៊ុន​ Sabay គឺការក្លាយជា «វេទិកាដ៏រឹងមាំ» សម្រាប់គាំទ្រផលិតករ អ្នកនិពន្ធ និងអ្នកបង្កើតមាតិកាភាពយន្ត៕

The post Sabay បើកសម្ភោធរោងកុនដ៏ធំបំផុត ភ្ជាប់ជាមួយបច្ចេកវិទ្យាទំនើបៗចុងក្រោយបង្អស់ appeared first on .

ទោះជាយ៉ាងណា រោងកុនទាំងនោះ ត្រូវបានកំណត់ឲ្យដាក់អ្នកទស្សនាត្រឹមតែពាក់កណ្តាលប៉ុណ្ណោះ ដោយស្របតាមការណែនាំរបស់រដ្ឋាភិបាល ដែលបានចេញផ្សាយកាលពីខែមុន ប៉ុន្តែវាពិបាកក្នុងការទាក់ទាញសាធារណ:ជនឲ្យវិលត្រលប់មកទស្សនាវិញ ដោយសារតែនៅមានក្តីព្រួយបារម្ភចំពោះជំងឺរាតត្បាតនេះ ខណៈខ្សែភាពយន្តដែលកំពុងចាក់បញ្ចាំងភាគច្រើន ក៏មានទស្សនិកជនតិចជាងមុនផងដែរ ។ នេះបើតាមការចុះផ្សាយពីគេហទំព័រ BookMyShow ។

ដើម្បីកាត់បន្ថយហានិភ័យចំពោះមេរោគនេះ ដោយខាងរោងគុន បានកំណត់ថា មានតែអ្នកមានប័ណ្ណចាក់វ៉ាក់សាំង ឬអ្នកដែលទទួលបានសារ សុវត្ថិភាព នៅលើកម្មវិធីសុខភាព ដែលគ្រប់គ្រងដោយរដ្ឋប៉ុណ្ណោះ ដែលត្រូវបានអនុញ្ញាតឲ្យចូលក្នុងរោងកុន ។ ក្រៅពីនោះក៏មានការត្រួតពិនិត្យទៅលើកម្តៅខ្លួន និងពាក់របាំងមុខ ស្របពេលអាហារ ឬភេសជ្ជ:ណាមួយ មិនត្រូវបានអនុញ្ញាតឲ្យយកចូលខាងក្នុងរោងកុននោះឡើយ ។

ហើយនៅក្នុងពេលជាមួយគ្នានោះ រោងកុននៅកន្លែងផ្សេងទៀត នៅក្នុងប្រទេស ក៏បានដាក់ឲ្យបើកដំណើរការឡើងវិញរួចហើយផងដែរ ។

សូមបញ្ជាក់ផងដែរថា Mumbai គឺជាទីក្រុងមួយ ដែលទទួលរងផលប៉ះពាល់យយ៉ាងធ្ងន់ធ្ងរបំផុត ដោយសារជំងឺរាតត្បាតកូវីដ ១៩ ប៉ុន្តែយ៉ាងណា ឥឡូវនេះអាជីវកម្មជាច្រើន បានចាប់ផ្តើមបើកដំណើរការឡើងវិញជាបណ្តើរៗហើយ បន្ទាប់ពីមានការថយចុះច្រើន ទាំងករណីឆ្លងថ្មី និងស្លាប់ ៕

ប្រភព: CNA

The post នៅទីបំផុតឥណ្ឌា ចាប់ផ្តើមបើកដំណើរការរោងកុនឡើងវិញ ក្រោយផ្អាកអស់ពេលជាង ១ ឆ្នាំ appeared first on .