ឆ្លងកាត់ការបោះជំហានយ៉ាងរឹងមាំអស់រយៈពេល ៣៣ ឆ្នាំនៅលើទឹកដីកម្ពុជា ក្រុមហ៊ុន Toyota បានក្លាយជាដៃគូយុទ្ធសាស្ត្រដ៏មានសក្តានុពល ដែលរាជរដ្ឋាភិបាលកំពុងគាំទ្រយ៉ាងពេញទំហឹង និងជំរុញការខិតខំពង្រីកខ្លួនជាបន្តបន្ទាប់។ ជាមួយនឹងទុនវិនិយោគសរុបជិត ១០០ លានដុល្លារអាមេរិក យក្សជប៉ុនមួយនេះមិនត្រឹមតែបានពង្រឹងវត្តមានម៉ាកសញ្ញារបស់ខ្លួននោះទេ ប៉ុន្តែថែមទាំងបានបង្កើតឱកាសការងារដ៏ល្អប្រសើរ និងមានស្ថិរភាពជូនដល់ប្រជាពលរដ្ឋខ្មែររហូតដល់ ១,១២០ នាក់រួចជាស្រេចទៅហើយ។

ការពិភាក្សាគ្នាយ៉ាងស្អិតរមួតរវាងក្រសួងរ៉ែ និងថាមពល ជាមួយក្រុមហ៊ុន Toyota លើការជម្រុញរថយន្ត Hybrid និង EV នេះ គឺធ្វើឡើងដើម្បីឱ្យស្របទៅតាមនិន្នាការសកលនៃការប្រើប្រាស់ថាមពលស្អាត និងការអភិវឌ្ឍប្រកបដោយចីរភាព។ របត់នៃការផ្លាស់ប្តូរមកប្រើប្រាស់យានយន្តវៃឆ្លាត និងបៃតងនេះ នឹងក្លាយជាកាតាលីករដ៏សំខាន់ក្នុងការកាត់បន្ថយការបំភាយឧស្ម័នពុល ព្រមទាំងបើកទំព័រប្រវត្តិសាស្ត្រថ្មីមួយសម្រាប់អនាគតនៃការដឹកជញ្ជូនប្រកបដោយបរិស្ថានល្អឆ្ពោះទៅមុខនៅកម្ពុជា។

The post ជាមួយទុនជិត ១០០ លានដុល្លារ និងការងារជាង ១ ពាន់កន្លែង! Toyota ចាប់ដៃក្រសួងរ៉ែនិងថាមពល បើកទំព័រប្រវត្តិសាស្ត្រថ្មី វាយលុកទីផ្សាររថយន្ត Hybrid និង EV នៅកម្ពុជា appeared first on .

នាឱកាសនោះសម្តេចធិបតី ហ៊ុន ម៉ាណែត បានឱ្យដឹងថា បច្ចុប្បន្នកម្ពុជាមានរោងចក្រដំឡើងរថយន្តចំនួន ៦ បូករួមទាំងរោងចក្ររោងចក្រដំឡើងរថយន្តរបស់តូយ៉ូតា ដែលសម្ពោធនៅព្រឹកនេះ មានទុនជិត ៣៧ លានដុល្លារ។ជាមួយគ្នានេះ សម្តេចធិបតី បានចាត់ទុកថា ការបង្កើតរោងចក្រដំឡើងរថយន្តរបស់តូយ៉ូតានៅកម្ពុជា គឺជាឱកាសក្នុងការផ្ទេរបច្ចេកវិទ្យាទំនើបៗពីប្រទេសជប៉ុនមកកម្ពុជា។

បន្ថែមពីនេះ សម្តេចធិបតី ក៏បានថ្លែងអំណរគុណក្រុមហ៊ុនតូយ៉ូតា ដែលបាន​ពង្រីកធុរកិច្ចរបស់ខ្លួន ជាមួយទំនុកចិត្ត និងការសម្រេចចិត្តយ៉ាងត្រឹមត្រូវ ក្នុងការបណ្តាក់ទុនបន្ថែមលើអាជីវកម្មរបស់ខ្លួន ពីលើការនាំចូលរថយន្តម៉ាកតូយ៉ូតាគ្រប់ប្រភេទទាំងស្រុង មកជាការដំឡើងរថយន្តទាំងពីរប្រភេទក្នុងស្រុក ជាមួយនឹងការវិនិយោគ និងដាក់ឱ្យដំណើរការរោងចក្រដំឡើងរថយន្តថ្មីមួយនេះ សម្រាប់ផ្គត់ផ្គង់តម្រូវការទីផ្សារ ប្រកបដោយសក្តានុពលខ្ពស់នៅកម្ពុជា។

គួរបញ្ជាក់ដែរថា ក្រុមហ៊ុន Toyota Tsusho Manufacturing (Cambodia) Co., Ltd. ត្រូវបានក្រុមប្រឹក្សាអភិវឌ្ឍន៍កម្ពុជា (CDC) សម្រេចចេញវិញ្ញាបនបត្រកាលពីថ្ងៃទី ៨ ខែកញ្ញា ឆ្នាំ ២០២២ លើគម្រោងបង្កើតរោងចក្រផ្គុំ និងដំឡើងរថយន្តនៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ មានទុនវិនិយោគ ៣៦,៧ លានដុល្លារ និងអាចបង្កើតការងារបាន ១៥០ នាក់។

ចំពោះរោងចក្រដែលសម្ពោធដាក់ឱ្យដំណើរជាផ្លូវការនេះ គឺមានសមត្ថភាពដំឡើងរថយន្តចំនួន ២ប្រភេទ ទី១៖ ជាប្រភេទ SUV ម៉ាក FORTUNER និង ទី២៖ ជាប្រភេទ Pick-UP ម៉ាក HILUX ដែលមានទុនវិនិយោគចំនួន ៣៦,៧៨១,០០០ដុល្លារ និងមានបុគ្គលិកសរុបចំនួន ១៥០នាក់ ហើយមានសមត្ថភាពដំឡើងរថយន្តចំនួន ១,៣២០គ្រឿងសម្រាប់ផ្គត់ផ្គង់តម្រូវការទីផ្សារ (Market demand) ឆ្នាំ២០២៤ ក្នុងនោះរថយន្ត FORTUNER ចំនួន ២៩០គ្រឿង និងរថយន្ត HILUX ចំនួន ១,០៣០គ្រឿង៕ អត្ថបទ៖ រង្សី

The post សម្ដេចធិបតី ដាក់ឱ្យដំណើរការរោងចក្រដំឡើងរថយន្តរបស់ក្រុមហ៊ុន Toyota តម្លៃជិត៣៧លានដុល្លារជាផ្លូវការ appeared first on .