ក្នុងពិធីប្រារព្ធខួបលើកទី៣នៃការដាក់ឱ្យប្រើប្រាស់នៅលេខពិសេសផ្ទាល់ខ្លួននៅថ្ងៃទី៧មីនានេះ លោក ស៊ុន ចាន់ថុល មានប្រសាសន៍ថា «មានលេខពិសេសមួយចំនួនដែលយើងដាក់ដេញថ្លៃនិងមានលេខពិសេសមួយចំនួនផ្សេងទៀតយើងចង់ឱ្យប្រជាពលរដ្ឋខ្មែរយើងទិញជាលេខមានហុងស៊ុយល្អ។ឧទាហរណ៍លេខ«កម្ពុជា១៦៨»មិនទាន់មានអ្នកទិញនៅឡើយទេ។លេខកម្ពុជា១៦៨នេះជាលេខហុងស៊ុយខ្ពស់ណាស់ នៅហុងកុងមានតម្លៃ៣ឬ៤លានដុល្លារអាមេរិក។មានលេខកម្ពុជាសន្តិភាព(កម្ពុជា PEACE)ដែលយើងចង់ឃើញប្រជាពលរដ្ឋខ្មែរទិញ។លើសពីនេះចង់ឃើញប្រជាពលរដ្ឋទិញលេខពិសេសផ្ទាល់ខ្លួន៧មករា, I LOVE KH»។

លោក ស៊ុន ចាន់ថុល លើកឡើងថា លេខពិសេសផ្ទាល់ខ្លួនទុកបានមួយជីវិត។យើងប្តូរឡានយើងដាក់ឡានផ្សេងដោយយកលេខនេះទៅឱ្យឡានថ្មីរបស់យើង តែពីមុនអត់មានទេនៅពេលយើងលក់រថយន្តលក់ទំាងលេខរបស់យើងអីចឹងលេខដែលយើងស្រលាញ់ទុកលែងបាន។តែសព្វថ្ងៃនេះអត់ទេ យើងទុកបានដោយសារយើងបានប្តូរនីតិវិធី ដោយអនុញ្ញាតឱ្យលក់រថយន្តទុកលេខខ្លួនឯងក៏បានឬដាក់លេខថ្មីទៀតក៏បាន តែលេខពិសេសផ្ទាល់ខ្លួននេះគឺថែរក្សាបានមួយជីវិត។

លោកមានប្រសាសន៍​បន្ថែមថា «អីចឹងសូមអំពាវនាវទៅប្រជាពលរដ្ឋយើងបើចង់ទិញលេខល្អសូមអញ្ចើញចូលទៅក្នុងប្រព័ន្ធយើងទៅហើយរកលេខដែលយើងពេញចិត្ត។ប៉ុន្តែចង់ឃើញលេខកម្ពុជា១៦៨ដែលមានហុងស៊ុយល្អដែលមានតម្លៃជិត២០ម៉ឺនដុល្លារអាមេរិកមានអ្នកទិញទុកបន្តដល់កូនចៅរាប់រយឆ្នំា»។
បើយោងតាមរដ្ឋមន្ត្រីក្រសួងសាធារណការនិងដឹកជញ្ជូន បច្ចុប្បន្នកម្ពុជាមានយានយន្តប្រមាណ៦,៧លានគ្រឿងក្នុងនោះម៉ូតូមាន៥,៧លានគ្រឿងនិងឡានមានប្រហែល១លានគ្រឿង ហើយជាមធ្យមមានកំណើនពី១០ទៅ១១%នៅក្នុងមួយឆ្នំា។

លោកទេសរដ្ឋមន្ត្រី បញ្ជាក់ថា «ការកើនឡើងនៃចំនួនរថយន្តនេះដោយសារប្រជាពលរដ្ឋមានថវិកា មានលទ្ធភាពក្នុងការទិញរថយន្ត ទិញម៉ូតូគឺដោយសារសេដ្ឋកិច្ចជាតិមានការរីកចម្រើន បើប្រទេសជាតិយើងមិនមានសុខសន្តិភាពខ្ញុំជឿជាក់ថាប្រជាពលរដ្ឋខ្មែរមិនម៉ូតូ រថយន្តយកមកចុះបញ្ជីនៅក្រសួងនោះទេ។ដូនេះតួរលេខនេះខាងលើនេះបង្ហាញពីការរីកចម្រើនរបស់ប្រទេសជាតិយើង»៕ អត្ថបទ៖ សារេត

The post រដ្ឋមន្ត្រីក្រសួងសាធារណការចង់ឃើញពលរដ្ឋទិញលេខពិសស «កម្ពុជា១៦៨»តម្លៃជិត២០ម៉ឺនដុល្លារអាមេរិកទុកប្រើតដល់កូនចៅ appeared first on .

ថ្លែងក្នុងកិច្ចប្រជុំនោះ លោកជំទាវ កុយ សុដានី រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានគណៈកម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត បានលើកឡើងថា កិច្ចប្រជុំនេះរៀបចំឡើងក្នុងគោលបំណងដើម្បីពិនិត្យលើរបាយការណ៍វឌ្ឍនភាពការងារលក់លេខចុះ បញ្ជីរថយន្តគិតត្រឹមខែកញ្ញា ឆ្នាំ២០២២ ការពិភាក្សាអំពីវឌ្ឍនភាពការងាររបស់អនុគណៈកម្មការទាំងពីរ និងបញ្ហាប្រឈមផ្សេងៗទាក់ទងនឹងការអនុវត្តការងារដើម្បីជំរុញការលក់លេខចុះបញ្ជីរថយន្តឱ្យកាន់ តែមានប្រសិទ្ធភាព សំដៅប្រមូលចំណូលជាតិឱ្យបានច្រើនថែមទៀត។

លោកជំទាវ បានបញ្ជាក់បន្ថែមថា អង្គប្រជុំនេះ ក៏បានពិភាក្សាលើរបាយការណ៍សម្រេចបានទាក់ទងនឹងការលក់លេខចុះបញ្ជីរថយន្ត ការចែក រំលែកមតិយោបល់យ៉ាងផុសផុលលើវឌ្ឍនភាពការងារ និងទិសដៅការងារបន្ត ដែលក្នុងនោះរួមមាន៖ ការសិក្សាតម្លៃរក្សាលេខចុះបញ្ជីរថយន្ត ការស្ទង់មតិប្រជាពលរដ្ឋក្នុងការទិញលេខចុះបញ្ជីរថយន្ត ការផ្ដល់មតិយោបល់លើការរៀបចំពិព័រណ៍ខួប៣ឆ្នាំ (ឆ្នាំ២០២០-២០២៣) ដើម្បីផ្សព្វផ្សាយឱ្យកាន់តែទូលំ ទូលាយទៅកាន់ក្រុមហ៊ុន សហគ្រាស ក៏ដូចជាប្រជាពលរដ្ឋ ឱ្យបានយល់ដឹងកាន់តែច្បាស់អំពីការចុះ បញ្ជីលេខពិសេស និងចុះបញ្ជីលេខពិសេសផ្ទាល់ខ្លួន។ ជាងនេះទៀត លោកជំទាវ ក៏បានជំរុញលើកទឹកចិត្តមន្ត្រីជំនាញបច្ចេកវិទ្យាពង្រឹងសមត្ថភាពរបស់ខ្លួនឱ្យកាន់តែប្រសើរសំដៅផ្ដល់នូវការវិវឌ្ឍន៍ថ្មីៗទាក់ទងនឹងសង្គមឌីជីថលផងដែរ។

គួរបញ្ជាក់ដែរថា យោងតាមរបាយការណ៍របស់គណៈកម្មការអន្តរក្រសួង ដែលបង្ហាញក្នុងកិច្ចប្រជុំខាងលើនេះ បានឱ្យដឹងថា៖ ចំណូលពីការលក់លេខចុះបញ្ជីពិសេស និងលេខចុះបញ្ជីពិសេសផ្ទាល់ខ្លួន បើគិតត្រឹមខែកញ្ញា ឆ្នាំ២០២២នេះ ក្រសួងសាធារណការ និងដឹកជញ្ជូន ទទួលបានចំណូលថវិកាសរុបចំនួន ៦៤ ៦៣៨ ៩៧០ ៤០០ រៀល កើនឡើងប្រមាណ ៣០% បើធៀបនឹងរយៈពេលដូចគ្នា កាលពីឆ្នាំ២០២១។

ដោយឡែក បើគិតចាប់តាំងពីខែកញ្ញា ឆ្នាំ២០១៦ ដល់ខែកញ្ញា ឆ្នាំ២០២២នេះ ការចុះបញ្ជីរថយន្ត (លេខចុះបញ្ជីពិសេស និងលេខចុះបញ្ជីពិសេសផ្ទាល់ខ្លួន) លក់បានចំនួន ២២៥ ១៧១ លេខ ទទួលបានចំណូលសរុប ចំនួន ៣២៩ ៦៧២ ៤៩៩ ០០០ រៀល ឬស្មើនឹង ៨២ ៤១៨ ១២៥ ដុល្លារអាមេរិក៕

The post ក្រសួងសាធារណការ៖ ការចុះបញ្ជីរថយន្តនៅកម្ពុជា ក្នុងឆ្នាំនេះ កើនឡើង៣០% appeared first on .