នាឱកាសដ៏ថ្លៃថ្លានេះ យើងខ្ញុំទាំងអស់គ្នា សូមកោតសរសើរចំពោះ សម្តេចមហាបវរធិបតី ហ៊ុន ម៉ាណែត ដែលបានខិតខំប្រឹងប្រែងអស់ពីកម្លាំងកាយចិត្ត ប្រាជ្ញាស្មារតី ដោយមិនខ្លាចនឿយហត់ដឹកនាំរាជរដ្ឋាភិបាលបម្រើឧត្តមប្រយោជន៍ជាតិ និងប្រជាជន ជាពិសេសបន្តថែរក្សានូវសុខសន្តិភាព ស្ថិរភាពនយោបាយ ស្ថិរភាពម៉ាក្រូសេដ្ឋកិច្ច កំណើនសេដ្ឋកិច្ចខ្ពស់ ការពារបូរណភាពទឹកដី និងអធិបតេយ្យភាពជាតិ ដែលជាមូលដ្ឋានគ្រឹះដ៏សំខាន់ក្នុងការអភិវឌ្ឍប្រទេសជាតិលើគ្រប់វិស័យ។

ក្រោមការដឹកនាំរាជរដ្ឋាភិបាលបន្តវេន របស់សម្តេចមហាបវរធិបតី ប្រជាជនកម្ពុជាបន្តរួមរស់ជាមហាគ្រួសារ ប្រកបដោយសុភមង្គល វិបុលភាព, មោទនភាពជាតិ កិត្យានុភាពជាតិ និងឧត្តមភាព នៃរាជរដ្ឋាភិបាលកម្ពុជា កាន់តែត្រូវបានលើកកម្ពស់នៅក្នុងក្របខ័ណ្ឌតំបន់ និងពិភពលោក។

យើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យ គុណកែវទាំងបី ឫទ្ធិបារមីខ្លាំងក្លា វត្ថុស័ក្តិសិទ្ធិទាំងឡាយក្នុងលោក សូមមេត្តាតាមជួយបីបាច់ថែរក្សាប្រោះព្រំនូវសព្ទសាធុការពរជ័យ សិរីសួស្តី ជ័យមង្គល វិបុលសុខ គ្រប់ប្រការជូន សម្តេចមហាបវរធិបតី និងលោកជំទាវបណ្ឌិត ព្រមទាំងបុត្រាបុត្រី សូមមានជន្មាយុយឺនយូរ ជួបប្រទះតែសេចក្តី សុខចម្រើន មានសុភមង្គលក្នុងក្រុមគ្រួសារ មានសុខុមាលភាពល្អបរិបូរណ៍ និងសូមប្រកបដោយព្រះពុទ្ធពរដ៏ប្រពៃថ្លៃថ្លា បួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍កុំបីឃ្លៀងឃ្លាតឡើយ៕

The post លោកជំទាវឧកញ៉ា គង់ សំណាង ផ្ញើសារលិខិតជូនពរ សម្តេចមហាបវរធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៨ ឈានចូល ៤៩ឆ្នាំ appeared first on .

ជាក់ស្តែងកាលពីថ្ងៃទី១៦ ខែសីហា ឆ្នាំ២០២៥ ជំទាវឧកញ៉ា គង់ សំណាង បានធ្វើការណាត់ជួបជាមួយ សមាគមន៍អភិវឌ្ឍន៍សង្គមខ្មែរ ក្នុងគោលបំណងដើម្បីជួយជម្រុញ និងពង្រីកសិប្បកម្មខ្មែរ ឲ្យមានសង្វាក់ផលិតកម្មខ្មែរទៅតាមតម្រូវការទីផ្សារនៅក្នុងប្រទេសកម្ពុជា។

លោកជំទាវឧកញ៉ាគូសបញ្ជាក់ថា នេះជាការចូលរួមអនុវត្ដតាមការណែនាំរបស់រាជរដ្ឋាភិបាល ដែលបានជំរុញឲ្យប្រជាពលរដ្ឋកម្ពុជាគ្រប់រូប ចូលរួមគាំទ្រ និងទិញផលិតផលខ្មែរ យកទៅប្រើប្រាស់ ប្រកបដោយស្មារតីជាតិនិយម និងបណ្តុះមនសិការ «ខ្មែរស្រឡាញ់ខ្មែរ ខ្មែរប្រើប្រាស់ ផលិតផលខ្មែរ ជាមោទនភាពជាតិខ្មែរ» ដើម្បីរួមចំណែកធ្វើឱ្យផលិតកម្មក្នុងស្រុកបន្តអត្ថិភាព សំដៅលើកកម្ពស់ កិត្យានុភាពជាតិ និងភាពម្ចាស់ការ។

សូមបញ្ជាក់ដែរថា កាលពីពេលថ្មីៗនេះ លោកជំទាវ ឧកញ៉ា គង់ សំណាង អគ្គនាយិកាបុរី វិមានសំណាង ក៏ទើបតែបានប្រកាសចេញដើមទុនក្នុងការវិនិយោគផលិតរបស់របរប្រើប្រាស់ប្រចាំថ្ងៃ និងគ្រឿងទេសផ្សេងៗ សម្រាប់ផ្គត់ផ្គង់ និងលក់ចែកចាយនៅក្នុងស្រុកផងដែរ៕

The post ជំទាវឧកញ៉ា គង់ សំណាង ណាត់ជួបជាមួយ សមាគមន៍អភិវឌ្ឍន៍សង្គមខ្មែរ ជួយជម្រុញ និងពង្រីកសិប្បកម្មខ្មែរទៅតាមតម្រូវការទីផ្សារក្នុងប្រទេសកម្ពុជា appeared first on .

នៅក្នុងឱកាសដ៏ប្រពៃថ្លៃថ្លានេះ លោកជំទាវឧកញ៉ា គង់ សំណាង បានឱ្យដឹងថា ពិធីបុណ្យវិសាខបូជា នៅវត្តភ្នៀតសិម្ពលីនេះ មានការនិមន្ត និងអញ្ជើញចូលរួមពី ព្រះសិរីកោសល សុំ សុខា ព្រះចៅអធិការ ព្រមទាំងអភិបាលខណ្ឌកំបូល លោក ឃឹម ស៊ុនសូដា និងពុទ្ធបរិស័ទជាច្រើនផងដែរ។

លោកជំទាវឧកញ៉ា គូសបញ្ជាក់ថា វិសាខបូជា ជាពិធីបុណ្យដ៏សំខាន់មួយនៅក្នុងព្រះពុទ្ធសាសនា ដែលត្រូវបានអង្គការសហប្រជាជាតិទទួលស្គាល់ថា ជាទិវាបុណ្យវិសាខបូជាអន្ដរជាតិ នៅឆ្នាំ១៩៩៩ ដោយអនុញ្ញាតឲ្យមានការរៀបចំពិធីបុណ្យនេះ នៅស្នាក់ការអង្គការសហប្រជាជាតិផ្ទាល់តែម្ដង។ ពុទ្ធសាសនិកទូទាំងពិភពលោក បានរៀបចំពិធីបុណ្យនេះទៅតាមប្រពៃណីប្រទេសនីមួយៗ។

សូមជម្រាបជូនថា ពិធីបុណ្យវិសាខបូជា ត្រូវបានប្រារព្ធឡើងដោយហេតុបីយ៉ាងគឺរំលឹកដល់ពេលដែលព្រះពុទ្ធទ្រង់ប្រសូត ទ្រង់ត្រាស់ដឹង និងទ្រង់ចូលបរិនិព្វាន៕

The post មិនភ្លេចខ្លួនជាពុទ្ធសាសនិក! លោកឧកញ៉ាបណ្ឌិត គីម ហ៊ាង និងលោកជំទាវឧកញ៉ា គង់ សំណាង អញ្ជើញប្រារព្ធពិធីបុណ្យវិសាខបូជា នៅវត្តភ្នៀតសិម្ពលី appeared first on .

ការបង្ហាញបំណងនេះ ធ្វើឡើងនៅក្នុងឱកាសដែលលោកជំទាវ ថៃ សុខផល្លីន ប្រធាននាយកដ្ឋានគ្រប់គ្រងការបោះផ្សាយលក់មូលបត្រ បានដឹកនាំសហការីចុះផ្តល់វគ្គបណ្តុះបណ្តាលដល់ទីកន្លែង ក្រុមហ៊ុនសក្តានុពលដែលមានបំណងធ្វើការបោះផ្សាយលក់មូលបត្រ កាលពីថ្ងៃទី១១ ខែធ្នូ ឆ្នាំ២០២៤។

បន្ទាប់ពីទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា (ន.ម.ក.) លោកជំទាវ ថៃ សុខផល្លីន ប្រធាននាយកដ្ឋានគ្រប់គ្រងការបោះផ្សាយលក់មូលបត្រនៃ ន.ម.ក. បានដឹកនាំសហការី ចុះផ្តល់វគ្គបណ្តុះបណ្តាលដល់ទីកន្លែងក្រុមហ៊ុន បុរីវិមានសំណាង ឯ.ក ដែលជាក្រុមហ៊ុនមានសក្តានុពល ដែលមានបំណងធ្វើការបោះផ្សាយលក់មូលបត្រ ពីអភិបាលកិច្ចសាជីវកម្ម កាតព្វកិច្ចបង្ហាញព័ត៌មានសាជីវកម្ម និងបទដ្ឋានគតិយុត្តពាក់ព័ន្ធរបស់ ក្រុមហ៊ុន បោះផ្សាយលក់មូលបត្រ។

នៅក្នុងវគ្គបណ្ដុះបណ្ដាលនេះ លោកឧកញ៉ាបណ្ឌិត គីម ហ៊ាង និងលោកជំទាវ ឧកញ៉ា គង់ សំណាង បានស្ដាប់ដោយយកចិត្ដទុកដាក់តាំងពីដើម រហូតដល់ចប់។ វគ្គបណ្តុះបណ្តាលនេះបានប្រព្រឹត្តទៅដោយរលូន និងប្រកបដោយផ្លែផ្កាខ្ពស់៕

The post ក្រុមហ៊ុន បុរី វិមានសំណាង របស់ឧកញ៉ាបណ្ឌិត គីម ហ៊ាង បង្ហាញបំណងធ្វើការបោះផ្សាយលក់មូលបត្រ appeared first on .

មិនត្រឹមតែប៉ុណ្ណោះ វីឡានេះស្ថិតនៅក្នុងតំបន់សហគមន៍ពណ៌បៃតងអមជាមួយវីឡាដ៏ប្រណិតលំដាប់ខ្ពស់។ បុរីវិមានសំណាង បានសាងសង់ឡើងនៅលើផ្ទៃដី ២៥ហិចតា ដោយបានរៀបចំឧទ្យានចម្រុះ ដែលមានដូចជា អាងហែលទឹក កន្លែងហាត់ប្រាណ កន្លែងអង្គុយលេង និងដើមឈើតូចធំជាច្រើនដែលផ្ដល់នូវផាសុខភាពក្នុងការរស់នៅ។ អ្វីដែលពិសេសជាងនេះទៅទៀត បុរីវិមានសំណាង ជាបុរីដំបូងគេដែលបានរក្សាទុកនៅព្រៃធម្មជាតិនៅក្នុងគម្រោងដែលមានទីធ្លាសម្រាប់ហាត់ប្រាណ កន្លែងជិះកង់ និងកន្លែងជួបជុំបន្ទាប់ពីសម្រាកពីការងារ។

វីឡាព្រីន (Prince Villa) ជាប្រភេទផ្ទះប្រណិត​មួយ នៃ​បុរី វិមានសំណាង ​ក្នុង​ចំណោម​ប្រភេទ​ផ្ទះ​ផ្សេងៗ​ទៀត​ដូចជា ​ផ្ទះ​អាជីវកម្ម វីឡាឃ្វីន (Queen Villa) វីឡាឃីង (King Villa) និងវីឡារ៉ូយាល់ (Royal Villa)។ វីឡាព្រីន ត្រូវ​បាន​សាងសង់​ឡើង​ជាមួយ​នឹង​​ម៉ូត​មាន​ជ្រី​ច្រើន​យ៉ាង​ស្រស់ស្អាត ខណៈ​ដែល​ក្នុង​បុរី មាន​​​ព្រែក​​ធម្មជាតិ និង​សួន​ធម្មជាតិ ដែល​ធ្វើ​ឱ្យ​ជិវិត​រស់នៅ​ប្រចាំថ្ងៃ​​របស់​​លោកអ្នក ផ្សាភ្ជាប់នឹងធម្មជាតិ ជាមួយ​នឹង​អារម្មណ៍ដ៏​​ស្រស់ស្រាយ។

បុរី វិមានសំណាង ស្ថិតនៅ​ជិត​ ផ្សារទំនើបអ៊ីអនសែនសុខ ផ្សារទំនើបម៉ាក្រូសែនសុខ ផ្សារទំនើបគ្លូប៊ល​ហៅស៍​សែនសុខ កីឡដ្ឋានមរតកតេជោ វិមានឈ្នះ-ឈ្នះ សួនសត្វសាហ្វារីភ្នំពេញ ​​និង​​កន្លែង​កម្សាន្ត​ជា​ច្រើន​ទៀត។

ក្រោមការវិនិយោគ​ពី​លោកឧកញ៉ា​បណ្ឌិត គីម ហ៊ាង និងលោកជំទាវឧកញ៉ា គង់ សំណាង បុរី វិមានសំណាង ​ស្ថិតនៅ​ខាង​ជើងក្រសួងដែនដី ២៥០០ម៉ែត្រ សាងសង់លើដី ២៥ហិកតា ដែលចំណាយថ្លៃសាងសង់ច្រើនជាង និងប្រណិត​ជាង​ការសាងសង់​វីឡាបែបទំនើបនានា។ បុរី មានសួនច្បារ កន្លែងហាត់ប្រាណ កន្លែងលេង​កីឡា ផ្លូវ​ធំ ដើម​ឈើ​ច្រើន និងព្រែក​ធម្មជាតិ​ស្មើជិត ៤០% នៃផ្ទៃដីសរុប ដែលស័ក្តិសមបំផុត សម្រាប់​គ្រួសារ​អភិជន​កម្ពុជា​ស្នាក់​នៅប្រចាំថ្ងៃ។

សម្រាប់ព័ត៌មានបន្ថែមសូមទំនាក់ទំនងលេខទូរស័ព្ទ៖ 011 62 67 89
𝐓𝐞𝐥𝐞𝐠𝐫𝐚𝐦 𝐂𝐡𝐚𝐧𝐧𝐞𝐥: https://t.me/BoreyVimeanSamnang
𝐄𝐦𝐚𝐢𝐥: info@boreyvimeansamnang.com
𝐖𝐞𝐛𝐬𝐢𝐭𝐞: boreyvimeansamnang.com
𝐋𝐨𝐜𝐚𝐭𝐢𝐨𝐧: https://bit.ly/3rBzGAQ ។​​

The post មកដឹងពីចំណុចពិសេសៗ របស់វីឡាព្រីន នៅបុរីវិមានសំណាង ស័ក្ដិសមបំផុតសម្រាប់គ្រួសារអភិជនសម័យទំនើប appeared first on .

ថ្លែងចេញពីវេទិកា “ជំនួបម្ចាស់អាជីវកម្ម និងហ្វ្រេនឆាយ ២០២២” នៅចំពោះមុខអ្នកចូលរួមស្ដាប់ផ្ទាល់ជាង ១ពាន់នាក់ ស្ថាបនិកបុរី វិមានសំណាង ឧកញ៉ាបណ្ឌិត គីម ហ៊ាង បានលើកឡើងពីមូលហេតុចម្បងដែលធ្វើឱ្យលោក សម្រេចចិត្តសាងសង់បុរីលំដាប់អភិជន និងលក់ក្នុងតម្លៃចាប់ជិតកន្លះលានដុល្លារ ឡើងរហូតដល់ជាង ៥លានដុល្លារ។

ប្រធានស្ថាបនិក KW Cambodia ទូទាំងប្រទេសកម្ពុជា ឧកញ៉ាបណ្ឌិត គីម ហ៊ាង ថ្លែងក្នុងន័យប្រៀបធៀបយ៉ាងដូច្នេះថា៖ “អតិថិជន គឺជាស្ដេច ស្ដេចមិនដែលសាញរឿងតម្លៃទេ ហេតុនេះហើយទើបបុរី វិមានសំណាង សាងសង់លំដាប់អភិជនលក់ផ្ទះតម្លៃចាប់ពីជាង ៤០ម៉ឺនដុល្លារ ដល់៥,៥ លានដុល្លារ”។

ភូមិគ្រឹះ ដែលស្ថាបនិកបុរី វិមានសំណាង ខាងលើលើកឡើងថា មានតម្លៃចូលដល់ ៥លានដុល្លារកន្លះនោះ គឺជាភូមិគ្រឹះប្រភេទ Royal Villa សាងសង់ឡើងមានចំនួនកំណត់ ត្រឹមតែ ៣ផ្ទះប៉ុណ្ណោះ (លក់ដាច់អស់ហើយ)។ ភូមិគ្រឹះនេះ មានទំហំធំទូលាយស័ក្តិសមសម្រាប់គ្រួសារលំដាប់អភិជននៅកម្ពុជាទិញរស់នៅ។ សាច់ដី Royal Villa មានទំហំ ៥០ម៉ែត្រ x ៦០ម៉ែត្រ សំណង់ផ្ទះទំហំ ១៨ម៉ែត្រ x ៣០ម៉ែត្រ កម្ពស់ ៣ជាន់ និងមានបន្ទប់គេង ១០ បន្ទប់ ។

ដោយឡែកប្រភេទផ្ទះតម្លៃជាង ៤០ម៉ឺនដុល្លារ ក្នុងគម្រោងបុរី វិមានសំណាង គឺជាប្រភេទអាជីវកម្មបែបក្លាសិក (Classic​ Shophouse) បែបបារាំង សាងសង់ជាប់ផ្លូវមេ មានចំនួនតែ ២០ផ្ទះប៉ុណ្ណោះ ហើយបច្ចុប្បន្នក៏អតិថិជនកក់ទិញអស់ដែរ។

គម្រោង បុរី វិមានសំណាង របស់ឧកញ៉ាបណ្ឌិត គីម ហ៊ាង សាងសង់លើផ្ទៃដី ២៥ ហិចតា ស្ថិតនៅលើមហាវិថីឈ្នះឈ្នះ ខាងជើងក្រសួង ដែនដី នគររូបនីយកម្ម និងសំណង់ ប្រមាណ ២៥០០ ម៉ែត្រ។ គម្រោងដ៏ធំស្កឹមស្កៃ របស់ប្រធាន KW Cambodia រូបនេះ បណ្ដុំទៅដោយផ្ទះ​វីឡាលំដាប់អភិជន សរុបមានជាង ៤៥០វីឡា ដូចជា Royal Villa, King Villa Queen Villa និង Prince Villa ជាដើម។

បច្ចុប្បន្ន គ្រប់ប្រភេទផ្ទះ និងភូមិគ្រឹះ ក្នុងគម្រោងលំដាប់អភិជនរបស់ ឧកញ៉ាបណ្ឌិត គីម ហ៊ាង និងលោកជំទាវឧកញ៉ា គង់ សំណាង ទទួលការកក់ និងលក់ដាច់ជាបន្តបន្ទាប់លើសពីការរំពឹងទុក៕

The post ឧកញ៉ាបណ្ឌិត គីម ហ៊ាង៖ អតិថិជនជាស្ដេច ស្ដេចមិនសាញតម្លៃទេ បុរី វិមានសំណាង លក់តម្លៃចាប់ពីជាង ៤០ម៉ឺន ដល់៥,៥ លានដុល្លារ! appeared first on .