លោកជំទាវឧកញ៉ា ម៉ែន ចិន្តា

ឧកញ៉ា ម៉ែន ចិន្តា នាំយកអំណោយចែកជូនកុមារកំព្រានៅសមាគមស្នាមញញឹមថ្មីនៃក្តីសង្ឃឹមរបស់កុមារ

រ៉េត សុកធា — Thu, 04 Jan 2024 04:47:33 +0000

លោកស្រីឧកញ៉ា ម៉ែន ចិន្តា អភិបាលក្រុមហ៊ុនជេខេប្រផឺធី (JK PROPERTY CO., LTD) បាននាំយក អំណោយ និងថវិកាផ្ទាល់ខ្លួន ចែកជូនកុមារកំព្រានៅសមាគមស្នាមញញឹមថ្មីនៃក្ដីសង្ឃឹមរបស់កុមារ កាលពីថ្ងៃទី២ ខែមករា ឆ្នាំ២០២៤។

នៅលើបណ្ដាញសង្គមហ្វេសប៊ុកផ្ទាល់ខ្លួន ឧកញ៉ា ម៉ែន ចិន្តា បានលើកឡើងថា «នាងខ្ញុំបានចុះសួរសុខទុក្ខ កុមារ កំព្រា នៅសមាគមស្នាមញញឹមថ្មីនៃក្តីសង្ឃឹមរបស់កុមារ ( N- S- H- C ) និងបានចែករំលែកថវិកាផ្ទាល់ខ្លួន គ្រឿងឧបភោគបរិភោគ និងផ្តល់ឱ្យតុក្តតាស្អាតៗដល់កុមារចំនួន ១៣២នាក់ផងដែរ»។

ក្នុងដំណើរអញ្ជើញសួរសុខទុក្ខដល់កុមារកំព្រានេះ លោកស្រីឧកញ៉ា បានផ្ដល់ជូនសម្ភារៈនិងថវិកាជាច្រើនដូចជា សម្ភារៈនិងអាវកីឡាបាល់ទាត់, តុក្តា ១៣២, សម្ភារៈនិងអាវរាំរបាំ និងគ្រូបង្ហាត់របាំ , គ្រឿងឧបភោគនិងបរិភោគ និងសម្ភារៈប្រើប្រាស់, ឧបត្ថម្ភថ្លៃជួសជុសបន្ទប់ទឹកចំនួន ១៥ បន្ទប់ ស្មើនឹង ៣៥០០ដុល្លារ។

សូមជម្រាបជូនថា លោកស្រីឧកញ៉ា ម៉ែន ចិន្តា ជានិច្ចកាលតែងធ្វើកម្មវិធីសប្បុរសធម៌ផ្សេងៗ ផ្ដល់ជាថវិកាដល់ រាជរដ្ឋាភិបាល ក្នុងការអភិវឌ្ឍប្រទេសជាតិឱ្យរីកចម្រើន ហើយតាមរយៈជំនួញជាច្រើន ដែលលោកស្រីឧកញ៉ាមាន នៅក្នុងដៃនៅពេលនេះ ក៏បានជួយសម្រួលជីវភាពប្រជាពលរដ្ឋ រាប់ពាន់នាក់តាមរយៈការងារ ដែលលោកស្រី ផ្ដល់ឱ្យ។ លោកស្រី ម៉ែន ចិន្តា ទទួលបានគោរមងារ «ឧកញ៉ា» កាលពីថ្ងៃទី២០ ខែមករា ឆ្នាំ២០២១៕

អត្ថបទ៖ សុកធា

The post ឧកញ៉ា ម៉ែន ចិន្តា នាំយកអំណោយចែកជូនកុមារកំព្រានៅសមាគមស្នាមញញឹមថ្មីនៃក្តីសង្ឃឹមរបស់កុមារ appeared first on .

ពីក្មេងស្រីដើរទូលនំលក់ លោកស្រី ម៉ែន ចិន្តា តស៊ូរហូតក្លាយជាឧកញ៉ា មានមុខជំនួញជាច្រើនក្នុងដៃ

ឧកញ៉ាដែនដី — Wed, 22 Mar 2023 02:05:56 +0000

លោកជំទាវឧកញ៉ា ម៉ែន ចិន្តា អភិបាលក្រុមហ៊ុនជេខេប្រផឺធី (JK PROPERTY CO., LTD) ធ្លាប់មានប្រវត្តិកម្សត់កម្រជាច្រើន កាលនៅពីក្មេង ដោយលោកស្រីធ្លាប់ជាក្មេងស្រីដើរទូលនំលក់នៅតាមភូមិ និងធ្លាប់ជាពលករនៅប្រទេសកូរ៉េ មុននឹងមានជំនួញជាច្រើននៅក្នុងដៃ មកទល់បច្ចុប្បន្ននេះ។

ជំទាវឧកញ៉ា ម៉ែន ចិន្តា បានរៀបរាប់ពីប្រវត្តិរបស់លោកស្រីឱ្យដឹងថា លោកស្រីកើតនៅក្នុងគ្រួសារមួយក្រីក្រ មានស្រុកកំណើតនៅ ឃុំព្រៃនប់ ស្រុកព្រៃនប់ ខេត្តព្រះសីហនុ ឪពុកជាប៉ូលិស ធ្វើការនៅស្នងការខេត្តព្រះសីហនុ ម្តាយជាមេផ្ទះ មានបងប្អូន ៣នាក់។ លោកស្រីជាកូនច្បង រីឯការសិក្សាពុំបានជ្រៅជ្រះនោះទេ ដំបូងរៀនចប់ត្រឹមថ្នាក់ទី៩ ហើយក៏ឈប់រៀន ទៅធ្វើការជាអ្នកបកប្រែនៅសណ្ឋាគារ និងភោជនីយដ្ឋានមួយកន្លែង។

ដោយសារជីវភាពគ្រួសារក្រីក្រ លោកស្រីឆ្លៀតចិញ្ចឹមជ្រូកលក់ ធ្វើនំបញ្ចុកគីឡូលក់ និងជាក្មេងដើរទូលនំលក់ និងឆ្លៀតពេលខ្លះដើម្បីរៀនសុត្រ។ ពេលខ្លះ មិនមានពេលគ្រប់គ្រាន់សម្រាប់រៀនផង តែលោកស្រីតែងព្យាយាម និងឆ្លៀតពេលកន្លះម៉ោង សិក្សាភាសាអង់គ្លេសផងដែរ។ ការទៅរៀនភាសាអង់គ្លេស លោកស្រីគ្មានលុយរៀននោះទេ តែបានឈរនៅពីក្រោយគេ ដើម្បីបានរៀននឹងគេ ព្រោះចង់ចេះភាសាអង់គ្លេស។ ការចង់ចេះនេះ លោកស្រីយល់ថា មានតែចំណេះវិជ្ជាទេ ដែលអាចនាំឱ្យជីវិតអាចទៅមុខ និងអាចនាំឱ្យចាកចេញផុតពីជីវភាពក្រីក្របាន។

លោកស្រី ជាក្មេងស្រីដ៏តស៊ូមួយរូប ដែលតែងដើរទូលនំលក់នៅតាមផ្សារ និងតាមទីសាធារណៈជារៀងរាល់ថ្ងៃ មួយថ្ងៃមួយកញ្ច្រែង។ ដោយសារការខិតខំ តស៊ូ និងស្វះស្វែងសិក្សារៀនសូត្រ បានធ្វើឱ្យលោកស្រី បានក្លាយជាពលករទៅធ្វើការនៅកូរ៉េ។ នៅឆ្នាំ២០០៣ លោកស្រីបានរៀបការជាមួយស្វាមីឈ្មោះ ឈិត ឆៃយ៉ា និងទៅរស់នៅប្រទេសកូរ៉េ ដោយរស់នៅជាមួយម្តាយក្មេកជនជាតិកូរ៉េ ដែលពេលនោះលុយក៏មិនសូវមាន មានកូនតូចទៀត ពេលនោះមិនដឹងធ្វើបែបណា លោកស្រីមានតែធ្វើឱ្យខ្លួនឯងរវល់ តាមរយៈការខិតធ្វើការថែមម៉ោងពេលយប់ និងបានធានាម្តាយពីស្រុកខ្មែរឱ្យទៅប្រទេសកូរ៉េ ដើម្បីជួយមើលកូន។

បន្ទាប់មក លោកស្រីមានពេលសមល្មម ដើម្បីដើរជួយពលករ ពលការិនីខ្មែរ ដែលថៅកែធ្វើបាប ថៅកែមិនបើកប្រាក់ខែឱ្យ ថៅកែបោះបង់ចោល លោកស្រីតែងតែជួយដល់ពួកគាត់។ មិនត្រឹមតែប៉ុណ្ណោះ លោកស្រីក៏បានជួយដល់ជនជាតិកូរ៉េ ដូចជាចាស់ជរា ក្មេងកំព្រា និងបានធ្វើការស្ម័គ្រចិត្តកាកបាទក្រហម នៅប្រទេសកូរ៉េ ធ្វើការបកប្រែនៅប៉ុស្តិ៍ប៉ូលិសកូរ៉េ ដោយការស្ម័គ្រចិត្ត ប៉ុន្តែបន្ទាប់មកខាងស្ថាប័នប៉ូលីសរបស់កូរ៉េបានឱ្យថ្លៃឈ្នួលដល់លោកស្រី។

ក្រោយធ្វើការងារស្ម័គ្រចិត្ត និងធ្វើការមួយចំនួននៅប្រទេសកូរ៉េមក លោកស្រីបានចាប់ផ្តើមចេះរកស៊ីចាប់ពីពេលនោះមក។ ពេលនោះ លោកស្រីបានបកប្រែឱ្យពលករខ្មែរជាច្រើន ហើយពួកគេឱ្យជួយរៀបចំប្រាក់បំណាច់ឆ្នាំ។ ប្រាក់បំណាច់ឆ្នាំ គឺត្រូវទិញសំបុត្រយន្តហោះ ដូច្នេះលោកស្រីគិតថា បើខ្លួនលក់សំបុត្រយន្តហោះ នោះនឹងអាចចំណេញលុយ។ ពេលនោះ លោកស្រីចាប់ផ្តើមលក់សំបុត្រយន្តហោះ តែលោកស្រីមិនយកចំណេញលើពលករខ្មែរនោះទេ តែបានប្រាក់ចំណេញពីក្រុមហ៊ុនអាកាសចរណ៍របស់គេ។ លោកស្រី ចាប់ផ្តើមមុខរបរនេះ តាំងពីតូចតាច រហូតអាចសន្សំបានលុយច្រើនគួរសម និងបានបើកហាងបាយនៅប្រទេសកូរ៉េថែមទៀត។ ហាងបាយនេះ ក៏មានទទួលធ្វើខួបអាពាហ៍ពិពាហ៍ ធ្វើខួបកំណើត និងមានកន្លែងកម្សាន្តផងដែរ។

មូលហេតុដែលលោកស្រី ជួយការងារសង្គមច្រើន ដោយសារតែ ពេលទៅរស់នៅប្រទេសគេខ្លួនមួយ ពិតជាលំបាកណាស់ ហើយពេលលំបាកម្តងៗគ្មានអ្នកជួយនោះទេ។ លោកស្រីគិតថា បើមានអ្នកមកជួយដល់ខ្លួនពេលនោះ មិនដឹងជារំភើបកម្រិតណានោះទេ ដូច្នេះហើយបានជាលោកស្រីបែកគំនិត ទៅជួយអ្នកដែលមានទុក្ខ ដោយឃើញថា ស្នាមញញឹមរបស់ពួកគេ ពេលយើងជួយពួកគាត់បាន និងការសំពះអរគុណដល់យើង អារម្មណ៍របស់លោកស្រី ពិតជារំភើបខ្លាំងណាស់។ ដូច្នេះហើយ ទើបជំរុញឱ្យលោកស្រី តែងតែជួយពលករម្នាក់ហើយ ម្នាក់ទៀត ជាបន្តបន្ទាប់ទៅ។

ក្រោយធ្វើការជាពលករ និងប្រកបរបររកស៊ីមួយចំនួននៅប្រទេសកូរ៉េ លោកស្រីក៏បានត្រឡប់មកកម្ពុជាវិញ ដោយរកស៊ីផ្នែកអចលនទ្រព្យ និងមុខជំនួញជាច្រើនផ្សេងទៀតនៅក្នុងដៃ តែលោកស្រីមិនដែលចោលការងារមនុស្សធម៌ឡើយ។ លោកជំទាវ តែងចូលរួមបរិច្ចាគជួយសង្គមទាំងផ្នែកអាណាចក្រ និងពុទ្ធចក្រ ដូចជាជួយកសាងវត្តអារ៉ាម ក្លោងទ្វារ កុដ ព្រះវិហារ ផ្លូវថ្នល់ បន្ទាយប៉ូលិស បន្ទាយកងរាជអាវុធហត្ថ ជាដើម។ ក្រៅពីនោះ លោកជំទាវ ក៏បានជួយដល់អង្គការកុមារកំព្រា អង្គការជនពិការ សិល្បៈករចាស់ជរា និងសិល្បៈករ សិល្បៈការិនី ដែលមានជីវភាពខ្វះខាតផងដែរ។

សូមជម្រាបជូនថា អ្នកស្រី ម៉ែន ចិន្តា បានទទួលងារ «ឧកញ៉ា» កាលពីថ្ងៃទី២០ ខែមករា ឆ្នាំ២០២១។ នៅថ្ងៃទី០១ ខែវិច្ឆិកា ឆ្នាំ២០២២ លោកជំទាវ ទទួលបានមេដាយជាតូបកា និងទទួលបានការបំពាក់ពីឯកឧត្តមបណ្ឌិត ហ៊ុន ម៉ាណែត ហើយកាលខែកុម្ភៈ ឆ្នាំ២០២៣ ថ្មីៗកន្លងទៅនេះ លោកជំទាវឧកញ៉ា ក៏ទើបទទួលបានការតែងតាំងជាប្រតិភូសមាគមមិត្តយើងទទួលបន្ទុកសាធារណៈរដ្ឋកូរ៉េ ផងដែរ៕

The post ពីក្មេងស្រីដើរទូលនំលក់ លោកស្រី ម៉ែន ចិន្តា តស៊ូរហូតក្លាយជាឧកញ៉ា មានមុខជំនួញជាច្រើនក្នុងដៃ appeared first on .

ជ្រះថ្លាពេក ជំទាវឧកញ៉ា មែន ចិន្តា និងស្វាមី ចូលបច្ច័យមួយស្រោមសំបុត្រធំកសាងស្ពានឆ្លងស្ទឹងសែនមួយកន្លែង

អ្នកឧកញ៉ាវត្តភ្នំ — Tue, 22 Feb 2022 03:56:43 +0000

លោកជំទាវ ឧកញ៉ា ម៉ែន ចិន្តា និងស្វាមី កាលពីថ្ងៃទី២១ កុម្ភៈ នេះ បាននាំយកបច្ច័យចំនួន ៥០០០$ ចូលរួមកសាងសាងសង់ស្ពានបេតុងឆ្លងស្ពានស្ទឹងសែនមួយកន្លែង តាមរយៈលោកជំទាវ ហ៊ុន ស៊ីណាត។

លោកជំទាវ បានរៀបរាប់ថា៖ “នាងខ្ញុំ និងស្វាមី បាននាំយកថវិការផ្ទាល់ខ្លួនចំនួន ៥០០០$ ចូលរួមភ្ជាប់និស្ស័យបុណ្យក្នុងការសាងសង់ស្ពានបេតុងឆ្លងស្ទឹងសែន ១កន្លែង ប្រវែង ១៨០ម៉ែត្រ ទទឹង ៨,៨ ម៉ែត្រ ដែលមានទីតាំងស្ថិតនៅភូមិកាល់មេឃ ឃុំត្បូងក្រពើ ស្រុកសន្ទុក ក្នុងខេត្តកំពង់ធំ ភ្ជាប់និស្ស័យ កសាងស្ពាននេះ ជាមួយលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី តាមរយៈ អ្នកម្តាយ ហ៊ុន សុីណាត”។

ក្នុងឱកាសនៃការចូលរួមបច្ច័យកសាងស្ពានឆ្លងស្ទឹងសែន នោះដែរ លោកជំទាវក៏បានបន្ថែមទាំងអារម្មណ៍ជ្រះថ្លាក្នុងការធ្វើបុណ្យទៀតថា៖ “ក្នុងនោះផងដែរ នាងខ្ញុំ នឹង ស្វាមី បានឧបត្ថម ថវិការចំនួន ១២០០$ ក្នុង ១ឆ្នាំ ជូនដល់ សមាគមនារី ដែលមានលោកជំទាវកិត្តិសង្គបណ្ឌិត ម៉ែន សំអន ជាប្រធាន ផងដែរ”។

ជានិច្ចជាកាល លោកជំទាវ ម៉ែន ចិន្តា និងស្វាមី តែងតែបង្ហាញមុខ ក្នុងនាមជាសប្បុរសជនជួយសង្គម។ លោកជំទាវ បានចំណាយធនធាន និងពេលវេលាផ្ទាល់ខ្លួនជាហូរហែ ចុះជួយប្រជាពលរដ្ឋខ្វះខាត ទុរគតជន ចាស់ជរា ជាពិសេសរួមចំណែកសកម្មភាពសប្បុរសធម៌ សឹងគ្រប់កម្មវិធី។

សូមបញ្ជាក់ផងដែរថា ស្ពានឆ្លងស្ទឹងសែន ដែលមានលោកជំទាវកិត្តិសង្គហបណ្ឌិត ម៉ែន សំអន, លោកជំទាវ ហ៊ុន ស៊ីណាត និងសប្បុរសជន ជាពុទ្ធបរិស័ទជាច្រើននាក់ទៀត បានផ្ដួចផ្ដើមដឹកនាំកសាងនេះ មានឈ្មោះថា “ស្ពានសម្ដេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សំពៅត្រៃលោក ត្រៃលក្ខណ៍”។ ស្ពានឆ្លងស្ទឹងសែននេះ មានប្រវែង ១៨០ម៉ែត្រ ស្ថិតនៅគីឡូម៉ែត្រទី១៥៤ ភូមិកាល់មេឃ ឃុំត្បូងក្រពើ ស្រុកសន្ទុក ខេត្តកំពង់ធំ៕

The post ជ្រះថ្លាពេក ជំទាវឧកញ៉ា មែន ចិន្តា និងស្វាមី ចូលបច្ច័យមួយស្រោមសំបុត្រធំកសាងស្ពានឆ្លងស្ទឹងសែនមួយកន្លែង appeared first on .

លឺដំណឹង! យាយចាស់គ្មានទីពឹងម្នាក់នៅស្រុកត្រាំកក់ ដង្ហោយរកជំនួយ លោកជំទាវឧកញ៉ា ម៉ែន ចិន្តា ផ្តល់អំណោយភ្លាមមិនទុកចាំស្អែក

ឧកញ៉ាកោះក្របី — Wed, 02 Jun 2021 05:08:02 +0000

លោកជំទាវឧកញ៉ា ម៉ែន ចិន្តា និងស្វាមី គឺជាសប្បុរសជនខ្មែរមានបេះដូងស្រឡាញ់ និងជួយកិច្ចការមនុស្សធម៌នៅក្នុងសង្គមជាច្រើននាពេលកន្លងមក។ ថ្មីៗនេះដោយលេចលឺដំណឹងថា មានលោកយាយកម្សត់គ្មានទីពឹងម្នាក់ នៅភូមិអង្គរកា ស្រុកត្រាំកក់ ខេត្តតាកែវ បានចាត់ដំណាងនាំយកគ្រឿងឧបភោគបរិភោគទៅជូនលោកយាយភ្លាម មិនទុកចាំស្អែកចាំស្អែកឡើយដល់ថ្នាក់ធ្វើឲ្យលោកយាយកម្សត់រំភើបខ្លាំងស្ទើរទប់ទឹកភ្នែកមិនចង់បាន។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

លោក ឡុង សុគិរី បានឲ្យដឹងលើទំព័រហ្វេសបុកថា “នៅរសៀលថ្ងៃទី១ ខែមិថុនា ឆ្នាំ២០២១ នេះខ្ញុំបាន តំណាងឲ្យលោកជំទាវឧកញ៉ា ម៉ែន ចិន្តា និងស្វាមី បានយកអំណោយជូនដល់ជីដូនដែលមានជីវភាពខ្វះខាតរស់នៅភូមិអង្គរការ ស្រុកត្រាំកក់ ខេត្តតាកែវ”។

ដោយឡែកសម្រាប់អំណោយដែលលោកយាយទទួលបាន ពីលោកជំទាវឧកញ៉ាចិត្តធម៌ និងស្វាមីនោះរួមមាន៖ អង្ករ៥០គីឡូក្រាម មី១កេសធំ ត្រីខ១កេសធំ ទឹកស៊ីអ៊ីវ១យួរ ទឹកត្រី១យួរ និងថវិកាចំនួន១០០ដុល្លារ ។

ក្រោយពីទទួលបានអំណោយពីលោកជំទាវឧកញ៉ា និងស្វាមីហើយរួចមកភ្លាមៗនោះលោកយាយកម្សត់ក៏បានលុតជង្គង់សុំអង្វរឲ្យលោក ឡុង សុគីរី ជួយសង្ក័សី បន្ថែមទៀតដើម្បីប្រក់ដំបូលផ្ទះលោកយាយដែលធ្លុះធ្លាយភ្លៀងលិច។ លោកគីរី បន្ថែមថា លោកកមិនមានលទ្ធភាពក្រៅពីសុំឲ្យបងប្អូនចូលរួមម្នាក់១ដុល្លារ ផងដើម្បីជួយដល់គាត់តាមរយៈ Account ABA000255530 ដែលមានឈ្មោះ LONG SOKIRY ៕

The post លឺដំណឹង! យាយចាស់គ្មានទីពឹងម្នាក់នៅស្រុកត្រាំកក់ ដង្ហោយរកជំនួយ លោកជំទាវឧកញ៉ា ម៉ែន ចិន្តា ផ្តល់អំណោយភ្លាមមិនទុកចាំស្អែក appeared first on .

លោកជំទាវឧកញ៉ា ម៉ែន ចិន្តា សម្តែងក្នុង MVថ្មីផ្អើលអ្នកគាំទ្រកោតសរសើរពីទេពកោសល្យសិល្បៈ

ឧកញ៉ាកោះក្របី — Sun, 09 May 2021 03:12:31 +0000

ប្លែកកម្រឃើញលោកជំទាវឧកញ៉ាបង្ហាញខ្លួនក្នុង MV ផ្អើលអស់មហាជនកោតសរសើរពីទេពកោសល្យ និងការដាក់អារម្មណ៍បានយ៉ាងល្អមែនទែន។

រូបភាព Screen Shot

លោកជំទាវឧកញ៉ា ម៉ែន ចិន្តា ចាប់ដៃគូរជាមួយឧត្តមស្វាមីសម្តែងក្នុង MV Original Song ក្រោមចំណងជើងថា “សំណព្វចិត្ត” ទទួលបានការគាំទ្រខ្លាំង ខណៈបទមួយនេះអ្នកចំរៀងច្រៀងក៏ពិរោះ អ្នកសំដែងៗកាន់តែសម និងចូលតួបានល្អ។ ដែលនេះគឺជាការបន្ថែមនូវរសជាតិថ្មីមួយទៀត សម្រាប់បទចម្រៀងដ៏ពិរោះលន្លង់លន្លោចបែបមនោសញ្ចេតនា បង្កប់អត្ថន័យខ្លឹមសារក្នុងស្នេហា និងការប្រគុំបទភ្លេងពិរោះរណ្តំ ច្រៀងដោយកញ្ញា ចែម ស្រីល័ក្ខ ជាតារាចម្រៀងល្បីឈ្មោះរូបនៅកម្ពុជា។

រូបភាព Screen Shot

បើតាមលោកជំទាវឧកញ៉ា ម៉ែន ចិន្តា មួយបទនេះគឺជាបទ Original Song សម្រាប់គ្រួសារលោកជំទាវឧកញ៉ា ហើយការសម្តែងនេះទៀតសោតក៏ជាលើកទីមួយផងដែរ។ លោកជំទាវថាជាលើកតំបូង ប៉ុន្តែមហាជនសម្តែងការសប្បាយចិត្ត និងកោតសរសើរពីការបង្ហាញទេពកោសល្យសិល្បៈដ៏បុិនប្រសព្វក្នុងការសម្តែង។

រូបភាពហ្វេសបុក

បទចម្រៀង “សំណព្វចិត្ត” និយាយពីការលះបង់ដ៏ធំធេងរបស់នារីម្នាក់ ត្រៀមចិត្តប្រគល់កាយក្នុងស្នេហាដើម្បីស្វាគមន៍បុរសដែលខ្លួនស្រឡាញ់ និងសន្យាមើលថែដល់ចាស់កោងខ្នងលុះអវសាននៃជីវីត ដើម្បីសុភមង្គលបេះដូង៕

រូបភាព Screen Shot

ចង់ដឹងថាលោកជំទាវឧកញ៉ា ម៉ែន ចិន្តា បង្ហាញទេពកោលស្យសិល្បៈខ្លាំងប៉ុន្មានសូមទស្សនាទាំងអស់គ្នា….!

រូបភាព Screen Shot

The post លោកជំទាវឧកញ៉ា ម៉ែន ចិន្តា សម្តែងក្នុង MVថ្មីផ្អើលអ្នកគាំទ្រកោតសរសើរពីទេពកោសល្យសិល្បៈ appeared first on .