ក្នុងឱកាសដឹកនាំគណៈប្រតិភូរាជរដ្ឋាភិបាលកម្ពុជា ទៅដល់អាកាសយាន្តដ្ឋានអន្តរជាតិ Soekarno-Hatta ទីក្រុងហ្សាការតា សម្តេចធិបតី ហ៊ុន ម៉ាណែត និងលោកជំទាវ ត្រូវបានឥណ្ឌូនេស៊ី ក្រាលកម្រាលព្រំក្រហមស្វាគមន៍យ៉ាងកក់ក្តៅដោយលោក H. Sandiaga Salahuddin Uno រដ្ឋមន្ត្រីក្រសួងទេសចរណ៍ និងច្នៃប្រឌិត នារសៀលថ្ងៃចន្ទ ទី៤ ខែកញ្ញានេះ។

ក្រសួងការបរទេស និងសហប្រតិបត្តិការអន្តរជាតិបានឱ្យដឹងថា កិច្ចប្រជុំកំពូលអាស៊ាននៅឥណ្ឌូនេស៊ី នឹងធ្វើឡើង ក្រោម មូលបទ «សារៈសំខាន់អាស៊ាន៖ ស្នូលនៃកំណើន» កិច្ចប្រជុំកំពូលនឹងផ្តោត លើការជំរុញ ចក្ខុវិស័យសហគមន៍អាស៊ានឆ្នាំ២០២៥ ដែលផ្តល់ជាផែនទីចង្អុលផ្លូវមួយដ៏សំខាន់ សម្រាប់ការពង្រឹងឥទ្ធិពលអាស៊ាន តាមរយៈការបង្កើនប្រសិទ្ធភាពស្ថាប័ន ក្នុងគោលដៅស្វែងរកផលប្រយោជន៍ សម្រាប់ប្រជាជនរបស់ខ្លួននៅលើឆាកអន្តរជាតិ។

បន្ថែមពីនេះ ការពិភាក្សានឹងផ្តោតការយកចិត្តទុកដាក់លើការពូនជ្រុំ សហគមន៍អាស៊ានប្រកប ដោយបរិយាប័ន្ន ចក្ខុវិស័យវែងឆ្ងាយ និងយកប្រជាជនជាស្នូល ដែលជាកម្លាំងដ៏សំខាន់ ដើម្បីសម្រេចបាននូវអាស៊ានឆ្នាំ២០៤៥៕

The post ឥណ្ឌូនេស៊ី ក្រាលកម្រាលព្រំក្រហមស្វាគមន៍សម្តេចធិបតី ហ៊ុន ម៉ាណែត និងស្រ្តីទី១ នាទីក្រុងហ្សាការតា appeared first on .

រាជរដ្ឋាភិបាល ក្រុមគ្រូពេទ្យ កងកម្លាំង អាជ្ញាធរ និងប្រជាពលរដ្ឋ បាននឹងកំពុងទប់ទល់ប្រយុទ្ធជាមួយមេរោគដ៏កាចសាហាវកូវីដ១៩ ដែលឆ្លងក្នុងសហគមន៍យ៉ាងគំហុក ពួកគាត់បានលះបង់កម្លាំងកាយ កម្លាំងចិត្តដោយសស្រាក់សស្រាមពុះពារគ្រប់ឧបសគ្គទាំងមិនខ្លាចនឿយហត់ ដើម្បីឲ្យប្រជាជនបានរួចផុតពីមេរោគឆ្លងកូវីដ១៩នេះ។

ដោយឃើញពីការលះបង់ដ៏ធំធេងដើម្បីការពារ នឹងប្រយុទ្ធក្នុងសមរភូមិជាមួយសត្រូវឥតស្រមោលកូវីដ១៩ លោកឧកញ៉ា ប៊ុន រតនាសេម សហគ្រិនវ័យក្មេងលើជំនួញទិញលក់រថយន្តកំពុងមានឈ្មោះសំឡេង និងជាសប្បុរសជនដែលបានចូលចំណែកជាមួយរាជរដ្ឋាភិបាល បានថ្លែងលើបណ្តាញសង្គមហ្វេសបុកកោតសរសើរ និងថ្លែងអំណរគុណដល់ថ្នាក់ដឹកនាំក្រុមគ្រូពេទ្យ និងអាជ្ញាធរពាក់ព័ន្ធផ្សេងទៀត។

លោកឧកញ៉ា ប៊ុន រតនាសេម ម្ចាស់យានដ្ឋានទិញលក់រថយន្ត S-Auto បានថ្លែងឲ្យដឹងថា “ក្នុងនាមខ្ញុំជាប្រជាពលរដ្ឋខ្មែរ ខ្ញុំសូមថ្លែងអំណរគុណចំពោះឯកឧត្តម ហ៊ុន ម៉ាណែត និងលោកជំទាវ ពេជ្រ ច័ន្ទមុន្នី ព្រមទាំងក្រុមគ្រូពេទ្យ ក្រុមគ្រូពេទ្យសម្តេចតេជោ សមត្ថកិច្ច និងកងកំលាំងពាក់ពន្ធ័ទាំងអស់ ដែលបានលះបង់កំលាំងកាយចិត្តរបស់ខ្លួនដោយមិនខ្លាចនឿយហត់”។

លោកថាពួកគាត់បានឃ្លាតឆ្ងាយក្រុមគ្រួសារ ប្រពន្ធកូន មកប្រឈម នឹងការឆ្លងជំងឺ ដើម្បីប្រយុទ្ធប្រឆាំងនិងជំងឺកូវីដ១៩ ជាពិសេសគឺការយកចិត្តទុកដាក់ ព្យាបាលដល់ប្រជាពលរដ្ឋខ្មែរ និងជនបរទេសដែលបានឆ្លងជំងឺ និងអ្នកពាក់ពន្ធជាច្រើននាក់ទៀត។

នាយធុរកិច្ច និងជាសប្បុរសជនដែលបានលះបង់ធនធាននិងថវិកាដើម្បីជួយដល់កិច្ចការមនុស្សធម៌ក្នុងសង្គមឧកញ៉ា រតនាសេម ក៏សូមបួងសួងដល់វត្ថុស័ក្កសិទ្ធ ប្រទានពរជូន ឯកឧត្តម និងលោកជំទាវ ព្រមទាំងក្រុមគ្រូរពេទ្យ សមត្ថកិច្ចពាក់ព័ន្ធទាំងអស់ សូមជួបតែសំណាងល្អ សុខភាពល្អ ជាពិសេសនោះ សូមឲ្យបាននូវភាពជោគជ័យក្នុងភារៈកិច្ចប្រយុទ្ធប្រឆាំងនឹងជំងឺកូវិដ១៩ ដ៍ឆាប់ៗខាងមុខនេះ។ លោកឧកញ៉ាក៏បានផ្តាំផ្ញើឲ្យបងប្អូនប្រជាពលរដ្ឋមេត្តាចូលរួមអនុវត្តវិធានការការពារ គឺ ៣កុំ និង៣ការពារ ទាំងអស់គ្នាជាមួយរាជរដ្ឋាភិបាលសម្តេចតេជោ ហ៊ុន សែន៕

The post ការលះបង់ដ៏ធំធេងដើម្បីការពារ នឹងប្រយុទ្ធក្នុងសមរភូមិជាមួយសត្រូវឥតស្រមោលកូវីដ បានអង្រួនចិត្តឧកញ៉ា ប៊ុន រតនាសេម បង្ហោះសារបង្កប់ អត្ថន័យចាក់ដោត! appeared first on .