កិច្ចប្រជុំពិភាក្សានេះ ដឹកនាំដោយ ឯកឧត្តម ហែម វណ្ឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដោយយោងលើការចែករំលែកពី ឯកឧត្តមបណ្ឌិត ឈៀង វណ្ណមុន្នីន ប្រតិភូរាជរដ្ឋាភិបាល ទទួលបន្ទុកជា អគ្គនាយកសហគ្រិនខ្មែរ ក្រោមប្រធានបទ៖ ការកសាងសហគ្រិនភាព និងសហគ្រាសមីក្រូ តូច និងមធ្យម (MSMEs) និងមានការអញ្ជើញចូលរួមជាវាគ្មិនពី ឯកឧត្តម និងលោកជំទាវតំណាងក្រសួង-ស្ថាប័នផ្សេងគ្នា និង លោកបណ្ឌិត ហោ សេរីវឌ្ឍន៍ ប្រធានសមាគមវិនិយោគិននវានុវត្តន៍ និងអភិវឌ្ឍន៍ ID Investors Association (IDI) និងជាប្រធានសម្ពន្ធសេដ្ឋកិច្ចក្រៅប្រព័ន្ធ IEL ជាតំណាងពីវិស័យឯកជន។

ក្នុងនាមជាវាគ្មិនមួយរូប លោកបណ្ឌិត ហោ សេរីវឌ្ឍន៍ បានចែករំលែកពីលទ្ធផលការងាររបស់សមាគម IDI និង ក្រុមហ៊ុន ID Capital Plc. (IDC) ដែលបានចូលរួមកសាងប្រព័ន្ធអេកូឡូស៊ីវិនិយោគនៅកម្ពុជា ផ្សាភ្ជាប់ជាមួយ ប្រព័ន្ធអេកូឡូស៊ីសហគ្រិនភាព ដែលសហគ្រិនខ្មែរ (KE) បាន និងកំពុងកសាង តាមរយៈសកម្មភាពជាច្រើន ជាពិសេស ១.ការរៀបចំកម្មវិធី IDI Investment RoadShow ជារៀងរាល់ ២ខែម្ដង ដើម្បីចែករំលែកចំណេះដឹង ពាណិជ្ជកម្ម និងវិនិយោគ ដែលមានការចូលរួមពីសំណាក់ក្រសួង-ស្ថាប័ន សមាគម ក្រុមហ៊ុនឯកជន និងវិនិយោគិនជាតិ និងអន្តរជាតិជាច្រើនប្រចាំក្នុងអំឡុងជាង ១ឆ្នាំកន្លងទៅនេះ។ ២.ការបង្កើតអនុគណៈកម្មាធិការចំនួន ១៤ ដែលផ្តល់ជាវេទិកាប្រឹក្សាយោបល់ណែនាំ (Mentorship) ពីអ្នកក្នុងវិស័យដូចគ្នា និងការចែកធនធានប្រើប្រាស់ (Leverage Resources) និង ៣.ការបង្កើតយន្តការអនុវត្តន៍គម្រោងវិនិយោគជាការប្រមូលផ្តុំ និងប្រើប្រាស់បង្គុំធនធានមនុស្ស ហរិញ្ញវត្ថុ អចលនទ្រព្យ បច្ចេកទេស កម្មន្តសាល/កែច្នៃ និង ទីផ្សារក្នុង និងក្រៅប្រទេស។

ក្នុងឱកាសនោះ លោកបណ្ឌិតក៏បានស្នើសុំឲ្យរាជរដ្ឋាភិបាលមេត្តាយកចិត្តទុកដាក់បន្ថែមលើ ១.ការផ្សាភ្ជាប់ឲ្យកាន់តែមានប្រសិទ្ធភាពរវាងតួអង្គទាំង២ គឺ IDI ប្រព័ន្ធអេកូឡូស៊ីវិនិយោគ និងសហគ្រិនខ្មែរ (KE) ប្រព័ន្ធអេកូឡូស៊ីសហគ្រិនភាព, ២.ការជួយទ្រទ្រង់បន្ថែមខាងហិរញ្ញវត្ថុទៅដល់អ្នកសេដ្ឋកិច្ចក្រៅប្រព័ន្ធឲ្យមានអត្រាការប្រាក់ទាប ៣.ការចងក្រងបែប Cluster កម្រិតផលិតផលមានសក្តានុពលនីមួយៗ និង Cluster តាមជំនាញអ្នកសេដ្ឋកិច្ចក្រៅប្រព័ន្ធសំដៅទទួលបានទទួលការវិនិយោគឲ្យកាន់តែមានប្រសិទ្ធផល និងចំគោលដៅនៃសង្វាក់ផលិតកម្ម ជាពិសេសសម្រាប់វិស័យកសិកម្ម និងកសិ-ឧស្សាហកម្មដែលកំពុងមានភាពទាក់ទាញខ្លាំង និង ៤.ការចងក្រង និងផ្តល់ព័ត៌មានជាបណ្តុំ Hub មួយ ពីក្រសួង-ស្ថាប័នរបស់រាជរដ្ឋាភិបាលទាំងអស់ សំដៅកាត់បន្ថយព័ត៌មានអសមប្បមាណ Information Assymatry ងាយស្រួលឲ្យវិស័យឯកជនទទួលបាននូវព័ត៌មានពីក្រសួង-ស្ថាប័នណាខ្លះ ដែលកំពុងអនុវត្តន៍គម្រោងអ្វីខ្លះ ដើម្បីបង្កើតមានប្រសិទ្ធភាពចំណាយ និងល្បឿននៃការទទួលព័ត៌មានក្នុងការធ្វើការសម្រេចចិត្ត។

ជាចុងក្រោយ លោកបណ្ឌិត ហោ សេរីវឌ្ឍន៍ ក្នុងនាមជាតួអង្គក្នុងវិស័យឯកជនមួយរូប ក៏បានថ្លែងអំណរគុណ និងអបអរសាទរយ៉ាងក្រៃលែង ចំពោះសមទ្ធផលដ៏ថ្លៃថ្លាជាច្រើនដែលរាជរដ្ឋាភិបាលសម្រេចបាន ក្រោមការដឹកនាំដ៏ឆ្លៀសវៃរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី សម្រាប់វិស័យឯកជន ប្រជាជនទូទៅ និងសង្គមជាតិ ជាពិសេសតាមរយៈក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍, សហគ្រិនខ្មែរ និងគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ។ លោកបណ្ឌិតប្តេជ្ញាបន្តដឹកនាំយន្តការផ្សេងៗចូលរួមកាន់តែសកម្មបន្ថែមទៀត ដើម្បីសម្រេចគោលបំណងរបស់កម្ពុជាក្នុងឆ្នាំ២០៣០ និងឆ្នាំ២០៥០ ខាងមុខ៕

The post បណ្ឌិត ហោ សេរីវឌ្ឍន៍ អញ្ជើញជាវាគ្មិនលើប្រធានបទមួយ ក្នុងសន្និបាតបូកសរុបប្រចាំឆ្នាំរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ appeared first on .

ជំនួបធុរកិច្ចស្វែងរកឱកាសវិនិយោគដ៏សំខាន់នេះ មានការចូលរួមពី ថ្នាក់ដឹកនាំ សមាជិក នៃសមាគម (IDI), ប្រតិភូនៃអគ្គកុងស៊ុល ប្រចាំនៅរដ្ឋកាលីហ្វ័រញ៉ាចំនួន ៨រូប និងបណ្តាតំណាង ក្រុមហ៊ុនមកពីក្រៅប្រទេសចំនួន ១១រូប។

គោលបំណងនៃជំនួបនេះ ធ្វើឡើងដើម្បីភ្ជាប់ទំនាក់ទំនងរវាងក្រុមហ៊ុនបញ្ជាទិញ ក្រុមហ៊ុននាំចូល និង ក្រុមហ៊ុនចែកចាយរបស់ សហរដ្ឋអាមេរិក និងក្រុមហ៊ុន/សហគ្រាសនានារបស់កម្ពុជា ហើយនឹងនាំវិនិយោគិនអាមេរិក មកសិក្សាអំពីឱកាសវិនិយោគ តាមរយៈការរៀបចំឱ្យមានជំនួបនានា ជាមួយក្រសួងពាក់ព័ន្ធនៅកម្ពុជា។

សូមជម្រាបថា លោកបណ្ឌិត ហោ សេរីវឌ្ឍន៍ ប្រធានក្រុមប្រឹក្សាភិបាលសមាគម វិនិយោគិននវានុវត្តន៍ និងអភិវឌ្ឍន៍ (IDI), ក្រុមហ៊ុន ID Capital និងជាប្រធានសមាគមសម្ពន្ធសេដ្ឋកិច្ចក្រៅប្រព័ន្ធ តែងតែជួយកៀរគរអ្នកវិនិយោគិនក្រៅប្រទេស មកជួយវិនិយោគនៅកម្ពុជា។ តាមរយៈការកសាងបណ្ដាញវិនិយោគិន ក្នុង-ក្រៅប្រទេស ក៏បានធ្វើឱ្យ IDI ជាសម្ព័ន្ធលោកដឹកនាំក្លាយជាស្ថាប័នឯកជននាំមុខ នៃប្រព័ន្ធអេកូឡូស៊ីវិនិយោគនៅកម្ពុជាផងដែរ៕

The post លោកបណ្ឌិត ហោ សេរីវឌ្ឍន៍ ជួបប្រតិភូមកពីសហរដ្ឋអាមេរិក ដើម្បីសិក្សាពីឱកាសវិនិយោគនៅកម្ពុជា appeared first on .

ក្នុងឱកាសនោះ លោកបណ្ឌិត ហោ សេរីវឌ្ឍន៍ មានប្រសាសន៍ថា IDI ជាសមាគមវិនិយោគិន នវានុវត្តន៍ និងអភិវឌ្ឍន៍ បានកំពុងតែរៀបចំ IDI Investment roadshow ជាកម្មវិធីមួយដែលយើងខិតខំបង្ហាញពីឱកាសវិនិយោគនៅកម្ពុជា ដោយនៅក្នុងនេះយើងបង្ហាញនូវ៤ចំណុចធំៗ រួមមាន៖ ១.ឱកាសវិនិយោគ ២.ការចែករំលែកនូវចំណេះដឹង ៣.ការចែករំលែកធុរកិច្ច ឬពាណិជ្ជកម្ម និង៤.អាចជួបជាមួយវិនិយោគិន អ្នកធ្វើពាណិជ្ជកម្ម ក្នុងវិស័យផ្សេងៗទាំងក្នុង និងក្រៅប្រទេស។

លោកបណ្ឌិតបានបន្ថែមថា កម្មវិធីនៅថ្ងៃនេះ មានអ្នកចូលរួមចុះឈ្មោះប្រមាណ១៥៤រូប ប៉ុន្តែជាក់ស្តែងមានចំនួនលើស១៥៤រូប។លោកបន្តថា នេះមិនមែនជាលើកទី១ទេដែលខាង IDI រៀបចំកម្មវិធី“IDI Investment Roadshow” ប៉ុន្តែនេះជាលើកទី៣ ហើយនៅក្នុងឆ្នាំ២០២៤នេះ។

សូមជម្រាបថា Investment Roadshow ជាវេទិកាឯកជនសម្រាប់វិនិយោគិន និងសហគ្រិន ទាំងក្នុង និងក្រៅប្រទេស ដែលត្រូវបានធ្វើឡើងជារៀងរាល់ ពីរខែម្តង ដែលបង្កើតឡើងដោយ សមាគម វិនិយោគិន នវានុវត្តន៍ និងអភិវឌ្ឍន៍ (IDI) ក្នុងការចាប់យកឱកាសវិនិយោគ និងចូលរួមក្នុងកិច្ចពិភាក្សា អំពីលទ្ធភាពនៃការវិនិយោគនាពេលអនាគត គំនិតអាជីវកម្ម ការដោះដូរចំណេះដឹងគ្នាទៅវិញទៅមក និងការពង្រីកបណ្តាញនៃបុគ្គលដែលមានវិជ្ជាជីវៈក្នុងកិច្ចការវិនិយោគ។

សមាគមវិនិយោគិន នវានុវត្តន៍ និងអភិវឌ្ឍន៍ (IDI) ត្រូវបានបង្កើតឡើងសហគ្រិន ម្ចាស់សហគ្រាស ម្ចាស់ក្រុមហ៊ុនអាជីវកម្ម ដែលជាសមាជិកជាច្រើនស្ថាប័នចូលរួមជាបន្តបន្ទាប់។ IDI បច្ចុប្បន្ន កំពុងតែផ្តោតការវិនិយោគលើវិស័យសំខាន់ៗចំនួន៣ រួមមាន អចលនទ្រព្យ សេវាកម្ម និងកសិកម្ម ដែលជាវិស័យឆ្អឹងខ្នងសំខាន់របស់កម្ពុជា៕

The post សមាគម IDI រៀបចំកម្មវិធីបង្ហាញឱកាសវិនិយោគ “IDI Investment Roadshow” លើកទី៣ ដល់សហគ្រិនខ្មែរ និងបរទេសជាង ១០០នាក់ appeared first on .

គណៈកម្មការ CHT International Awards 2024 បានរៀបចំពិធីប្រគល់រង្វាន់ CHT International Awards លើកទី១០ ដោយបានវាយតម្លៃពីបុគ្គលឆ្នើម និងស្ថាប័នល្អអស្ចារ្យកម្រិតអន្តរជាតិ ក្នុងឱកាសនោះ ក៏មានការ​ចូលរួម​ពី លោក អ៊ុក ចាន់ដារ៉ា ឯកអគ្គរាជទូតកម្ពុជា ប្រចាំប្រទេសម៉ាឡេស៊ី ជាអធិបតីមួយរូបផងដែរ និងមាន​អ្នកចូលរួមជាថ្នាក់ដឹកនាំរដ្ឋ និងឯកជនជិត ៤០០ នាក់។

ក្នុងពិធី​ខាង​​លើ​នេះ លោក ហោ សេរីវឌ្ឍន៍ ត្រូវបានវាយតម្លៃដោយគណៈកម្មការយោង​លើសមទ្ធផលរបស់​លោកទាំងក្នុងវិស័យពាណិជ្ជកម្ម និងវិនិយោគ, ព្រមជាមួយកិច្ចការជួយដល់សង្គមជាតិ។ លោកត្រូវបានទទួល​ស្គាល់​​ថាជាអ្នកជំនាញក្នុងវិស័យពាណិជ្ជកម្មដែលមានបទពិសោធន៍ជោគជាំ និងការកសាងបណ្ដាញវិនិយោគិន ក្នុង-ក្រៅប្រទេស ដែលបច្ចុប្បន្ន IDI ជាសម្ព័ន្ធ​លោកដឹកនាំបានក្លាយជាស្ថាប័នឯកជននាំមុខ នៃប្រព័ន្ធអេកូឡូស៊ី​វិនិយោគនៅកម្ពុជាផងដែរ។

ក្នុងកិច្ចការសង្គម លោក ហោ សេរីវឌ្ឍន៍ ក៏ជាអ្នកដឹកនាំជួយសង្គមដ៏ខ្លាំងក្លា ជាពិសេសគឺជាបុគ្គលឯកជនឈាន​នាំ​មុខគេ លើកិច្ចការសដ្ឋកិច្ចក្រៅប្រព័ន្ធនៅកម្ពុជា និងក្នុងអំឡុងពេលនៃការរាតត្បាតជម្ងឺកូវីដ-១៩ ដែលលោក​បាន​បង្កើតក្រុមការងារជាអ្នកសម្របសម្រួលប្រឹក្សាយោបល់ និងជួយអន្តរាគមន៍ដោះស្រាយបញ្ហាជូនប្រជា​ពលរដ្ឋ​ជាប្រចាំថ្ងៃ ដោយសហការជាមួយក្រសួង-ស្ថាប័ន ថ្នាក់ជាតិ និងថ្នាក់ក្រោមជាតិ ជាពិសេស ក្រសួង​សុខា​ភិបាល។ បន្ថែមលើនេះ លោកក៏ជាស្ថាបនិកមូលនិធិកម្ពុជាប្រឆាំងកូវីដ-១៩ ដែលបានកៀគរជំនួយឧបត្ថម្ភជា​កញ្ចប់គ្រឿង​ឧបភោគ-បរិភោគ និងថ្នាំពេទ្យ ជូនដល់ប្រជាពលរដ្ឋជាង មួយម៉ឺន ដែលមានការរួមពីសប្បុរស​ជនជាតិ និងអន្តរជាតិ។

ក្នុងនាមជាឈាមខ្មែរតែមួយរូប បានទទួលពានរង្វាន់ CHT International Awards 2024 ដែលទទួលស្គាល់​ការយកចិត្ត​ទុកដាក់ និងជោគជ័យដ៏គួរឱ្យកត់សម្គាល់ និងរះចែងចាំង ក្នុងការគាំទ្រសហគមន៍ក្នុងស្រុក និង​អន្តរជាតិ គឺជាមោទកភាពសម្រាប់ជាតិខ្មែរទាំងមូល ហើយក៏រំពឹងទុកថា លោកនឹងពន្លេចចេញចក្ខុវិស័យថ្មីៗ​ល្អៗជាច្រើនទៀត សម្រាប់សុទិដ្ឋិនិយមនៃខ្មែរជំនាន់នេះ និងជំនាន់ក្រោយ។

សូមជម្រាបថា CHT International Awards 2024 គឺជាវេទិកាមួយបង្កើតឡើងនៅឆ្នាំ២០០៨ ហើយ ឆ្នាំ២០២៤ នេះ ជាលើកទី១០ ដែលបានរៀបចំដោយទទួលស្គាល់ ថ្នាក់ដឹកនាំឆ្នើមៗ និងស្ថាប័នល្អអស្ចារ្យ​កម្រិត​អន្តរជាតិ ដែលបានរីកចំរើនក្នុងវិស័យរបស់គេ និងបាននាំសមទ្ធផលសំខាន់ៗទៅដល់សង្គមជាតិ​របស់​គេ។ សម្រាប់​កម្ពុជាធ្លាប់បានទទួលចំនួន ៤ រូបរួចហើយដែរ ដែលមាន ឯកឧត្តម លី ថុច, អ្នកឧកញ៉ា សៀ ឬទ្ធី, ឯកឧត្តម ហេង សុខគង់, និងលោក Scott Nesson (ប្រធានអង្គការ Cambodia Children Fund)។ ជ័យ​លាភីគឺ​តំណាងឱ្យបុគ្គល​ដែលបានទៅដល់ចំណុចកំពូល នៃលទ្ធផលរបស់ជ័យលាភីនីមួយៗ។

លោកបណ្ឌិត ហោ សេរីវឌ្ឍន៍ ជាប្រធានសមាគមវិនិយោគិន នវានុវត្តន៍ និងអភិវឌ្ឍន៍ (IDI) និងក្រុមហ៊ុន អាយឌី ឃែភីថល ម.ក។ លោកក៏ជាប្រធានសមាគមសម្ពន្ធសេដ្ឋកិច្ចក្រៅប្រព័ន្ធ (IEL), សមាជិកក្រុមប្រឹក្សា​បរធន​បាលនៃសហគ្រិនខ្មែរ, សមាជិកគណៈកម្មាធិការចំពោះកិច្ចទទួលបន្ទុកចាក់វ៉ាក់សាំងជំងឺកូវីដ-១៩ទូទាំង​ប្រទេស, ប្រធាន និងជាស្ថាបនិកមូលនិធិកម្ពុជាប្រឆាំងកូវីដ-១៩, សមាជិកក្រុមប្រឹក្សាភិបាលនៃ​ក្រុមប្រឹក្សា​ជាតិកម្ពុជា (NAB) និងមានតួនាទីជាថ្នាក់ដឹកនាំក្រុមហ៊ុន និងសមាគមផ្សេងៗទៀតផងដែរ។

លោក ក៏អតីតមន្ត្រីរាជរដ្ឋាភិបាលកម្ពុជា, មន្ត្រីអគ្គលេខាធិការដ្ឋានអាស៊ានទទួលបន្ទុកវិនិយោគ, អនុប្រធាន​សភាមុខរបរ និងមីក្រូសហគ្រាសកម្ពុជា និងជាអតីត ប្រធានក្រុមអតីតនិស្សិតសាលា Lee Kuan Yew School of Public Policy នៅកម្ពុជា។ លោកជាអតីតសិស្សពូកែចូលរួមប្រឡងជម្រើសជាតិ​អក្សរសាស្ត្រ​ខ្មែរនៅ​ឆ្នាំ​១៩៩៩ និងបានបញ្ចប់ការសិក្សាបរិញ្ញាបត្រពាណិជ្ជកម្ម (BCOM), បរិញ្ញាបត្រជាន់ខ្ពស់​រដ្ឋបាល​ពាណិជ្ជកម្ម (MBA) និងបរិញ្ញាបត្រជាន់ខ្ពស់រដ្ឋបាលសាធារណៈ (MPA) ពីសាកលវិទ្យាល័យជាតិសិង្ហបុរី សាលា Lee Kuan Yew School of Public Policy និងទទួលបណ្ឌិតកិត្តិយសពីសាកលវិទ្យាល័យ International Morality University នៃសហរដ្ឋអាមេរិក។

លោកបណ្ឌិត ហោ សេរីវឌ្ឍន៍ ធ្លាប់ទទួលបានពានរង្វាន់ពីស្ថាប័នអន្តរជាតិមួយចំនួន ដូចជា US-ASEAN Business Council ឆ្នាំ២០១០ និង Distinguished Leadership Award នៅប៉ូឡូញផងដែរ ហើយពេល​នេះលោកទទួលបាន CHT International Awards 2024៕

The post បណ្ឌិត ហោ សេរីវឌ្ឍន៍ ជាជ័យលាភីខ្មែរតែមួយរូប ទទួលបានពានរង្វាន់ CHT International Awards 2024 appeared first on .

វេទិកាផ្លាស់ប្តូរវិនិយោគ និងឱកាសអាជីវកម្ម (Investment Roadshow) ដែលរៀបចំ​ឡើង​​រៀងរាល់​ពីរខែម្តង គឺ​ដើម្បីផ្តល់ឱកាស​ដល់​វិនិយោគិន និងសហគ្រិន​ ចូលរួមស្វែងយល់ពីអនាគត​ការ​វិនិយោគ​ ចែករំលែកចំណេះដឹង និង​​ពង្រីកបណ្តាញ​ទំនាក់ទំនង។ វេទិកានេះ បានទាក់ទាញ​អ្នកចូលរួមជាង ១៤០នាក់ រួមបញ្ចូលទាំង​សមាជិក សមាជិកាសមាគម IDI, ដៃគូអាជីវកម្ម អង្គភាពសារជីវកម្ម សហគ្រាសធន់តូចនិងមធ្យម អ្នកវិនិយោគក្រៅ​ប្រទេស និង​ភ្ញៀវកិត្តិយស​ជា​ច្រើន​រូប​ទៀត។

​លោកបណ្ឌិត ហោ សេរីវឌ្ឍន៍ ជា​ប្រធានសមាគម IDI និង​ ID Capital Plc បាន​មាន​ប្រសាសន៍​ថា៖ “វេទិកា​ផ្លាស់ប្តូរវិនិយោគ និងឱកាសអាជីវកម្ម (Investment Roadshow) គឺជាវេទិកាដ៏សំខាន់មួយ សម្រាប់ការ​ជំរុញ​កិច្ចសហការ និងការច្នៃប្រឌិតក្នុងចំណោមវិនិយោគិន និងសហគ្រិន។ យើងមានសេចក្តីរំភើប​ក្នុងការនាំយក​អ្នកដឹកនាំឧស្សាហកម្ម និងទស្សនវិស័យរួមគ្នាដើម្បីស្វែងរក និងទាញយកប្រយោជន៍​ពីឱកាសវិនិយោគ ដែល​អាច​ជំរុញកំណើនសេដ្ឋកិច្ច”។

ថ្នាក់ដឹកនាំឧស្សាហកម្ម ​បានធ្វើបទបង្ហាញពី​ប្រធានបទជាច្រើន​ពី​ឱកាសវិនិយោគ និងការអនុវត្ត​អាជីវកម្ម​ផ្សេងៗ​រួមមាន៖

១. លោក ឈិន សុផល ប្រធានក្រុមហ៊ុន Royal Trust Trading «ការជួញដូរផលិតផលកសិកម្ម»
២. លោក ប៊ិន សុជាតិ សហស្ថាបនិក និង​ជា CEO ក្រុមហ៊ុន Pymed Technologies «ដំណោះស្រាយ​ថែទាំ​សុខភាព​កម្រិតខ្ពស់»
៣. លោក Jerome Schokman ប្រធានផ្នែកលក់ Business Development of Liberty EB-5 «ការ​វិនិយោគ​នៅ​សហរដ្ឋអាមេរិក»
៤. លោក Charles Wong សហស្ថាបនិក និង​ជា CEO ក្រុមហ៊ុន​ Tutor Impact UK និង​ Shrewsbury International School Phnom Penh «អន្តោប្រវេសន៍ និងការរស់នៅក្នុងចក្រភពអង់គ្លេស»
៥. លោកស្រី អ៊ិន ឡៃហួត ស្ថាបនិក​សិប្បកម្មកែច្នៃគ្រាប់ស្វាយចន្ទី ជ័យសំបូរ «ការគាំទ្រស្ត្រីក្នុងស្រុក​តាមរយៈ​ការដាំ​ស្វាយចន្ទី និងកែច្នៃ»
៦. លោក ឡាយ គិរី ស្ថាបនិក រៀន AI «ឥទ្ធិពលនៃ AI លើបរិយាកាសអាជីវកម្មនិងតួនាទីរបស់វា ក្នុងការជួយ​អាជីវកម្ម»

​ក្នុងវគ្គចែករំលែកចំណេះដឹង ឯកឧត្តម ឃឹម ហ្វីណង់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បាន​ចែករំលែកការយល់ដឹងអំពីវិស័យ​ឧស្សាហកម្ម ការលើកឡើងពីបញ្ហាប្រឈម និងឱកាសក្នុងវិស័យ​កសិកម្ម និងការជំរុញឱ្យមានការវិនិយោគបន្ថែមទៀត នៅក្នុងវិស័យកសិកម្មរបស់កម្ពុជា។

ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួលបន្ទុកជានាយកប្រតិបត្តិសហគ្រិនខ្មែរ (KE) បានអបអរសាទរចំពោះ IDI សម្រាប់ការរៀបចំ និងការខិតខំប្រឹងប្រែងដ៏អស្ចារ្យរបស់ខ្លួន​ក្នុងការប្រមូលផ្តុំ​ដៃគូ​ប្រព័ន្ធ​ ដើម្បីផ្លាស់ប្តូរទស្សនៈ បង្ហាញគម្រោង និងបង្កើតការតភ្ជាប់ទំនាក់ទំនង។ លោកបានសន្យាថា សហគ្រាស​ខ្មែរ​នឹងបន្តគាំទ្រកម្មវិធី IDI Investment Roadshows នាពេលខាងមុខ។

ក្នុងវេទិកានេះ​ដែរ ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួលបន្ទុក​ជានាយក​ប្រតិបត្តិ​សហគ្រិនខ្មែរ (KE) បានចុះអនុស្សារណៈយោគយល់ជាមួយសមាគមវិនិយោគិន នវានុវត្តន៍ និងអភិវឌ្ឍន៍ (IDI) ក្នុងគោលបំណងចូលរួមកសាង អភិវឌ្ឍន៍ និងគាំទ្រសកម្មភាពនានា ដែលជំរុញឱ្យ​ប្រព័ន្ធអេកូឡូស៊ីសហគ្រិន​ភាព​កាន់តែមានភាពអំណោយ​ផល សម្រាប់ការទាក់ទាញការវិនិយោគទៅលើធុរកិច្ចថ្មីនិងសហគ្រាសធុនមីក្រូ តូច និងមធ្យម៕

The post សមាគម IDI រៀបចំវេទិកាផ្លាស់ប្តូរវិនិយោគ និងឱកាសអាជីវកម្ម ជាលើកទី២ ដោយជោគជ័យ appeared first on .

លោកបណ្ឌិត ហោ សេរីវឌ្ឍន៍ មានប្រសាសន៍ថា៖ “កម្មវិធី IDI Investment Roadshow ឆ្លុះបញ្ចាំងពីការតាំងចិត្តរបស់យើងក្នុងការជំរុញភាពច្នៃប្រឌិត និងបង្កើនសហការគ្នានៅក្នុងសហគមន៍ធុរកិច្ច និងវិនិយោគ”។

ព្រឹត្តិការណ៍នេះ ក៏រួមចំណែកផ្តល់នូវវេទិកាដ៏ល្អសម្រាប់ការផ្លាស់ប្តូរប្រកបដោយអត្ថន័យ និងជាមូលដ្ឋានគ្រឹះ សម្រាប់កិច្ចសហការនាពេលអនាគត តាមរយៈការចែករំលែកគំនិតអាជីវកម្ម បទបង្ហាញពីគំនិតច្នៃប្រឌិត ចំណេះដឹងពាក់ព័ន្ធការវិនិយោគ និងការពង្រីកបណ្តាញទំនាក់ទំនង។ ប្រធានបទសំខាន់ៗ ដែលត្រូវបានវាគ្មិន អ្នកជំនាញ ម្ចាស់អាជីវកម្ម សហគ្រាស និងថ្នាក់ដឹកនាំតំណាងក្រុមហ៊ុន ដែលបានចូលរួមចែករំលែក ក្នុងកម្មវិធី “IDI Investment Roadshow” នាពេលនោះ រួមមាន៖

1. សារៈសំខាន់នៃទីផ្សារហិរញ្ញវត្ថុក្នុងការកសាងទ្រព្យសម្បត្តិ និងកេរដំណែលសម្រាប់អ្នកជំនាន់ក្រោយ បកស្រាយដោយលោក Nanwani Vishal Ramesh នាយកប្រចាំក្រុមហ៊ុនគ្រប់គ្រងការវិនិយោគនៅសឹង្ហបុរី Golden Equator Wealth។
2. សក្ដានុពលនៃការផ្លាស់ប្តូរដោយប្រើប្រាស់បច្ចេកវិទ្យាក្នុងការអនុវត្តអាជីវកម្ម បកស្រាយដោយ លោក ធន់ វីរៈ នាយកប្រតិបត្តិចែកចាយ ក្រុមហ៊ុន FWD Insurance ។
3. គំរូអាជីវកម្មរួមបញ្ចូលយេនឌ័រ បកស្រាយដោយ លោកស្រី ឆែ កញ្ញា នាយកប្រតិបត្តិ សប្បកម្មពន្លៃធម្មជាតិ ។
4. បរិយាបន្នវិនិយោគក្នុងសហគមន៍ធុរកិច្ចបង្កើតថ្មី បកស្រាយដោយ លោក David Shelters អ្នកជំនាញ និងអ្នកបណ្តុះបណ្តាលអំពីធុរកិច្ច និងការវិនិយោគ។
5. ប្រព័ន្ធអេកូឡូស៊ីគាំទ្រសម្រាប់សហគ្រិនភាព បកស្រាយដោយ លោក Rajiv Pradhan នាយក SWISSCONTACT ប្រចាំកម្ពុជា។
6. ហិរញ្ញប្បទានរួមបញ្ចូលសម្រាប់សហគមន៍បកស្រាយដោយ លោកស្រី ឈាង កញ្ញា នាយកប្រតិបត្តិផ្នែកទទួលប្រាក់បញ្ញើប្រចាំគ្រឹះស្ថាន LOLC Cambodia។
7. គម្រោងអាជីវកម្មរបស់សមាជិក IDI ចំនួនបីក្នុងវិស័យកសិកម្ម និងសុខាភិបាល ដែលបានអភិវឌ្ឍ និងរៀបចំផែនការអាជីវកម្មដោយសមាគម IDI បកស្រាយដោយ លោក វាន់ រតនា នាយកសេវាកម្មវិនិយោគ IDI និង IDC ។

“កម្មវិធី IDI Investment Roadshow នេះរៀបចំឡើងក្នុងគោលបំណងចូលរួមកាត់បន្ថយ​គម្លាតរវាង​វិនិយោគិន និងសហគ្រិន។ ទិសដៅចម្បង គឺការផ្គូផ្គងអាជីវកម្ម សម្របសម្រួល ប្រយោជន៍បង្កើត​ទំនាក់ទំនងធុរកិច្ចប្រកបដោយផលិតភាព។ ហើយក្រុមការងារយើង ពិតជាមានសេចក្តីសោម​នស្សរីករាយ ចំពោះភាពជោគជ័យនៃកម្មវិធី IDI Investment Roadshow ហើយយើងនឹងរៀបចំម្តង​ទៀតនាពេលខាងមុខ”។ នេះបើតាមប្រសាសន៍បន្ថែម របស់លោកបណ្ឌិត ហោ សេរីវឌ្ឍន៍ ។

គួរបញ្ជាក់ថា សមាគមវិនិយោគិន នវានុវត្តន៍ និងអភិវឌ្ឍន៍ (IDI) ត្រូវបានបង្កើតឡើងសហគ្រិន ម្ចាស់សហគ្រាស ម្ចាស់ក្រុមហ៊ុនអាជីវកម្ម ដែលជាសមាជិកជាច្រើនស្ថាប័នចូលរួមជាបន្តបន្ទាប់។ IDI បច្ចុប្បន្ន កំពុងតែផ្តោតការវិនិយោគលើវិស័យសំខាន់ៗចំនួន៣ រួមមាន៖ អចលនៈទ្រព្យ សេវាកម្ម និងកសិកម្ម ដែលជាវិស័យឆ្អឹងខ្នងសំខាន់របស់កម្ពុជា ។

សូមចូលរួមវិនិយោគ​ទាំងអស់គ្នា ដើម្បីអភិវឌ្ឍកម្ពុជា!

The post លោកបណ្ឌិត ហោ សេរីវឌ្ឍន៍ រួមទាំងសហគ្រិនខ្មែរ និងបរទេសជិត ១០០នាក់ រៀបចំកម្មវិធីបង្ហាញឱកាសវិនិយោគ “IDI Investment Roadshow” appeared first on .

ក្នុងសន្និសីទកាសែតនេះ លោកបណ្ឌិត ហោ សេរីវឌ្ឍន៍ បានគូសបញ្ជាក់នូវសមិទ្ធិផលធំៗ ចំនួន៣ ដែលសម្រេចបាន ក្រោយបញ្ចប់បេសកកម្ម ដឹកនាំប្រតិភូ និងធុរជនកម្ពុជា ស្វែងរកឱកាសវិនិយោគ ជាមួយសហគ្រិននៅសហរដ្ឋអាមេរិក រួមមាន៖
១. មានការចូលរួមពីអ្នកទស្សនា​លើសពី ៥០០នាក់ ក្នុងកម្មវិធីពិព័រណ៍ពាណិជ្ជកម្មកម្ពុជា និងសន្និសីទធុរកិច្ច ជាមួយ​នឹងក្រុមហ៊ុនដាក់តាំងផលិតផលជាង ៥០ស្តង់ ដែលមានអាជីវកម្ម និងផលិតផលផ្សេងៗដូចជា ផ្លែឈើ​ស្រស់ និងកែច្នៃ ស្វាយចន្ទី គ្រឿងទេស គ្រឿងសម្អាង គ្រឿងតំហែទាំខ្លួនប្រាណ ទឹកមាត់ត្រចៀកកាំ និង​ប្រតិបត្តិករក្នុងសេវាភស្តុភារកម្ម ។ ដោយឡែក ផលិតផលជាច្រើនដែលបានដាក់តាំងបង្ហាញ ត្រូវបានលក់​ចេញ​ស្ទើរតែទាំងអស់នៅអំឡុង និងបន្ទាប់ពីព្រឹត្តិការណ៍ពិព័រណ៍ត្រូវបានបញ្ចប់។

២. ផ្សារទំនើបអាស៊ីមួយដែលមានឈ្មោះថា ហ្ស៊ួនហ្វា (Shun Fat Supermarket) មានសាខាចំនួន២៦ នៅរដ្ឋកាលីហ្វ័រញ៉ា ណេវ៉ាដា និងតិចសាស់ បានបង្ហាញចំណាប់អារម្មណ៍ និងជំហរយ៉ាងច្បាស់លាស់​ក្នុងការ​ទទួលផលិតផលកសិកម្មកែច្នៃ និងផលិតផលចំណីអាហារពីកម្ពុជាតាមរយៈការរៀបចំរបស់សមាគម IDI។

៣. ប្រតិភូមួយចំនួន បានធ្វើការសម្រេចចិត្តដ៏ច្បាស់លាស់ ក្នុងការបញ្ចូលដើមទុនបន្ថែម​ដើម្បីវិនិយោគក្នុងការ​ធ្វើឲ្យ​ប្រសើរឡើងនូវសមត្ថភាពនាំចេញរបស់ខ្លួន ដូចជាការធ្វើពិពធកម្មលើផលិតផលផ្លែស្វាយ និងមៀន ការ​បង្កើតសេវាកម្មឃ្លាំងស្តុក ការកែលម្អផលិតផលគ្រឿងសំអាង និងតំហែទាំខ្លួនប្រាណ និងការកែច្នៃផ្លែឈើ​សម្ងួត។ល។

ក្រៅពីធ្វើបច្ចុប្បន្នភាព សមិទ្ធិផលដែលសម្រេចធំៗ ទាំង៣ នេះ សមាគមវិនិយោគិននវានុវត្តន៍ និងអភិវឌ្ឍន៍ ចុះអនុស្សរណយោគយល់ភាពជាដៃគូ និងសមាជិក ជាមួយ សមាគមពាណិជ្ជកម្មដឹកជញ្ជូន និងខ្សែច្រវាក់ផ្គត់ផ្គង់កម្ពុជា, គ្រឹះស្ថានមីក្រូហិរញ្ញវត្ថុ អិលអូអិលសុី និងក្រុមហ៊ុន ស្ត្រេធឹជីក រៀលធី អ៉ិនវេសម៉ិន ឯ.ក ផងដែរ។

ដំណើរ​ទស្សនកិច្ចប្រកបដោយផ្លែផ្កា ក្នុងក្របខណ្ឌធុរកិច្ច ទៅក្រៅប្រទេស​នេះ ​ធ្វើ​ឡើង​ក្រោមកិច្ចសហការជាមួយ​សភាពាណិជ្ជកម្មកម្ពុជាប្រចាំរដ្ឋកាលីហ្វ័រញ៉ា (CamCham), ក្រុមហ៊ុន អាយឌី ឃែភីថល (IDC), សហគ្រិនខ្មែរ (KE), និងសភាពាណិជ្ជកម្ម​អាមេរិក​ប្រចាំកម្ពុជា (AmCham) រួមទាំង សមាគមវិនិយោគិននវានុវត្តន៍ និងអភិវឌ្ឍន៍ (IDI) ដោយ​មាន​ គណៈប្រតិភូកម្ពុជា​ចំនួន​ជាង ៩០នាក់ចូលរួម។ ព្រឹត្តិការណ៍ និងសកម្មភាពផ្សេងៗ ពេលគណៈប្រតិភូ និងសហគ្រិនកម្ពុជា នៅទឹកដីសហរដ្ឋអាមេរិក នាពេលនោះ រួមមាន៖ ពិព័រណ៍​ពាណិជ្ជកម្ម និងសន្និសីទ ធុរកិច្ច ពិធីអបអរសាទរខួបទី៧០នៃទិវាបុណ្យឯករាជ្យជាតិកម្ពុជា ទស្សនកិច្ចកំពង់ផែ​នៃទីក្រុងឡុងប៊ិច ទស្សនកិច្ចនៅផ្សារទំនើបអាស៊ី សិក្ខាសាលាអប់រំស្តីពីតម្រូវការសំខាន់ៗ និងបែបបទពាក់ព័ន្ធ​ក្នុងការនាំផលិតផលកសិកម្ម និងចំណីអាហារទៅកាន់សហរដ្ឋអាមេរិក។

លោកបណ្ឌិត ហោ សេរីវឌ្ឍន៍ ប្រធានក្រុមប្រឹក្សាភិបាលសមាគម IDI និងក្រុមហ៊ុន IDC បានមាន​ប្រសាសន៍​ថា៖ “តាម រយៈការប្តេជ្ញាចិត្តក្នុងការគាំទ្រយុទ្ធសាស្រ្តរបស់រាជរដ្ឋាភិបាលកម្ពុជា និងក្រសួងពាក់ព័ន្ធក្នុង​ការជំរុញ​ការនាំចេញកសិផល និងផលិតផលចំណីអាហារ សមាគម IDI បានរៀបចំដំណើរទស្សនកិច្ចនេះឡើង ដើម្បី​បង្កើតឱកាសជួបអ្នកបញ្ជាទិញ, បង្កើនការយល់ដឹង និងបទពិសោធន៍ដល់ម្ចាស់សហគ្រាសធុនតូច និងមធ្យម​អំពីតម្រូវការមូលដ្ឋាន និងលក្ខខណ្ឌកត្តិយុត្តពាក់ព័ន្ទនឹងការនាំចេញ ក៏ដូចជាស្តង់ដារនៃការផលិត ស្តង់ដារ​អនាម័យ និងការវេចខ្ចប់ផលិតផលចំណីអាហារ សំដៅជំរុញការនាំចេញទៅសហរដ្ឋអាមេរិក”។

ឆ្លៀតក្នុងអំឡុងទស្សនកិច្ចទៅកាន់សហរដ្ឋអាមេរិកនោះដែរ សមាគម IDI ក៏បានបង្កើតកិច្ចសហការតាមរយៈការ​ចុះអនុស្សរណៈនៃការ​យោគ​យល់​គ្នា (MoU) ជាមួយស្ថាប័នដៃគូយុទ្ធសាស្រ្តចំនួន៤ រួមមាន៖ សភាពាណិជ្ជកម្មកម្ពុជាប្រចាំរដ្ឋកាលីហ្វ័រញ៉ា (CamCham), ក្រុមហ៊ុន Binex Line Corp (Binex), ក្រុមហ៊ុន Innovative Medical Design Inc (IMD) និងក្រុមហ៊ុន Summa Franchise Consulting (Summa)។ តាមអនុស្សរណៈនៃការយោគយល់គ្នានេះ នឹង​អនុញ្ញាត​ឲ្យដៃគូទាំងអស់សហការគ្នាយ៉ាងជិតស្និទ្ធ ដើម្បីបង្កើតច្រកពាណិជ្ជកម្មនវានុវត្តន៍ថ្មី​មួយសម្រាប់​តភ្ជាប់​ទីផ្សារកម្ពុជា និងសហរដ្ឋអាមេរិកតាមរយៈ “កម្មវិធីច្រកពាណិជ្ជកម្មអន្តរជាតិតែមួយ”។

គួរបញ្ជាក់ថា សមាគមវិនិយោគិននវានុវត្តន៍ និងអភិវឌ្ឍន៍ (IDI) ត្រូវបានបង្កើតឡើងដោយវិនិយោគិនកម្ពុជាចំនួន ១០១ នាក់ មកពីវិស័យជាច្រើន ដែលនាំមកនូវពហុជំនាញ ចំណេះដឹង និងបទពិសោធន៍ក្នុងប្រតិបត្តិការ​នៅក្នុងទីផ្សារ​កម្ពុជា។ ចក្ខុវិស័យចម្បងរបស់សមាគម IDI គឺដើម្បីជំរុញសកម្មភាព និងបង្កើតនូវបរិយាកាសវិនិយោគ​ដ៏ល្អ​ប្រសើរមួយ ក៏ដូចជាការរួមចំណែកក្នុងការអភិវឌ្ឍន៍ប្រព័ន្ធអេកូឡូស៊ីសហគ្រិនភាពនៅកម្ពុជាតាម រយៈភាពជា​ដៃគូប្រកបដោយភាពច្នៃប្រឌិត និងការគាំទ្រផ្នែកធុរកិច្ចសម្រាប់វិនិយោគិន ដៃគូអាជីវកម្ម និងសហគ្រាសធុនតូច និងមធ្យម៕

The post បណ្ឌិត ហោ សេរីវឌ្ឍន៍ បង្ហាញសមិទ្ធិផលធំៗ ៣ ក្រោយបញ្ចប់បេសកកម្ម ដឹកនាំប្រតិភូ សមាគមវិនិយោគិននវានុវត្តន៍ និងអភិវឌ្ឍន៍ ៩០រូប ទស្សនកិច្ច និងស្វែងរកឱកាសវិនិយោគ នៅសហរដ្ឋអាមេរិក appeared first on .

តើទម្រាំដើរមកដល់ចំនុច បច្ចុប្បន្ននេះលោកបណ្ឌិត ហោ សេរីវឌ្ឍន៍ ឆ្លងកាត់ការលំបាកនិងឧបសគ្គអ្វីខ្លះ?

The post បណ្ឌិត ហោ សេរីវឌ្ឍន៍ អ្នកជំនាញក្នុងវិស័យពាណិជ្ជកម្ម​ដែលមាន​បទ​ពិសោ​ធ​ន៍​ជោគជាំ​ទាំងក្នុង​និងក្រៅប្រទេស appeared first on .