ពិធីសិរីមង្គលការដ៏ធំមួយនេះ កូនប្រុសនាម តាំង ឃុនថៃ ត្រូវជាកូនរបស់លោក តាំង គឹមតេង (ទី តាំង តិច ម៉េង) និងលោកស្រី ឈួ លីហួរ (ប៊ូ លី)។ ចំណែកកូនស្រីនាម ជា សុភា ត្រូវជាកូនរបស់លោក គួច ជាតុង និងលោកស្រី ឈួ លីជូ។

ក្នុងឱកាសនេះដែរ ដើម្បីអបអរសាទរដល់គូស្វាមីភរិយាថ្មីខាងលើនេះ ក៏មានការផ្ដល់កិត្តិយសអញ្ជើញចូលរួមពី លោកអ្នកឧកញ៉ា ភូ ហុងស៊ួន ស៊ីគង់ទ្រីវ, អ្នកឧកញ៉ា សុខ ឆេង ព្រមទាំងអ្នកឧកញ៉ា ឧកញ៉ាៗ អ្នកមុខអ្នកការជាច្រើនរូបទៀត៕

រូបភាព៖ The Ring

The post លោកអ្នកឧកញ៉ា អ្នកឧកញ៉ា ឧកញ៉ាៗច្រើនរូប អញ្ជើញចូលរួមពិធីសិរីមង្គលអាពាហ៍ពិពាហ៍កូនប្រុស ថៅកែចុងភៅលំដាប់ប្រទេស តាំង តិច ម៉េង appeared first on .

លោក កែវ រតនៈ រដ្ឋមន្រ្ដីក្រសួងរ៉ែ និងថាមពល បានឱ្យដឹងថា រោងចក្រថ្មីសម្ពោធដាក់ឱ្យដំណើរការនេះកើតចេញពីការវិនិយោគរួមគ្នាដោយក្រុមហ៊ុន Conch International Holdings (HK) Limited និងក្រុមហ៊ុន ខេធី ស៊ីមេន កំពង់ស្ពឺ ជាមួយទុនសរុបចំនួន ២៥០លានដុល្លារអាមេរិក ហើយមានសមត្ថភាពផលិតរហូតដល់ ២,២ លានតោនក្នុងមួយឆ្នាំ សម្រាប់បម្រើឱ្យសេចក្តីត្រូវការនៅក្នុងប្រទេស និងអាចឈានទៅនាំចេញផងដែរ។

រោងចក្រនេះ ចាប់ផ្តើមសាងសង់នៅឆ្នាំ២០២៣ លើផ្ទៃដីប្រមាណ ៤០៧ហិកតា។ តាមរយៈរោងចក្រនេះ រួមចំណែកផ្តល់ការងារផ្ទាល់ប្រមាណ ៤៥០នាក់ និងការងារប្រយោលប្រមាណ ១ពាន់នាក់ថែមទៀត។

រដ្ឋមន្រ្ដីក្រសួងរ៉ែបានបន្ដទៀតថា រោងចក្រស៊ីម៉ងតិ៍ដែលសម្ពោធដាក់ឱ្យប្រើប្រាស់នេះ គឺជារោងចក្រទី២ របស់ក្រុមហ៊ុន ខនស៍ ស៊ីមេន។ រោងចក្រទី១ ស្ថិតនៅស្រុករតនមណ្ឌល ខេត្តបាត់ដំបង សម្ពោធដាក់ឱ្យដំណើរការកាលពីឆ្នាំ២០១៨។

សូមជម្រាបជូនថា យោងតាមរបាយការណ៍របស់ក្រសួងរ៉ែ និងថាមពល បានឱ្យដឹងថា គិតមកទល់ឆ្នាំ២០២៥នេះ កម្ពុជាមានរោងចក្រចំនួន៦ ដែលបានបោះទុនវិនិយោគសរុបប្រមាណ ១,១១ពាន់លានដុល្លារអាមេរិក និងផ្តល់ការងារជូនប្រជាពលរដ្ឋសរុបប្រមាណ ៣,០០០កន្លែង។ រោងចក្រទាំង៦ មានសមត្ថភាពផលិតស៊ីម៉ងត៍បានប្រមាណ ១១លានតោនក្នុងមួយឆ្នាំ ដែលបានប្រែក្លាយកម្ពុជាពីប្រទេសនាំចូលស៊ីម៉ងត៍១០០ភាគរយពីបរទេស ទៅជាប្រទេសមានលទ្ធភាពផ្គត់ផ្គង់តម្រូវការទាំងស្រុងដោយខ្លួនឯង ហើយក៏បានចាប់ផ្តើមនាំចេញទៅប្រទេសថៃក្នុងបរិមាណប្រមាណជាង ៣០,០០០តោនក្នុងឆ្នាំ២០២៤ ថែមទៀតផង។ បន្ថែមពីគម្រោងទាំង៦នេះទៅ មានក្រុមហ៊ុនចំនួន ៣ផ្សេងទៀត កំពុងស្ថិតក្នុងដំណាក់កាលសាងសង់រោងចក្រ និងអភិវឌ្ឍការដ្ឋាន៕

The post រោងចក្រផលិតស៊ីម៉ង់ត៍របស់លោកអ្នកឧកញ៉ា ភូ ហុងស៊ួន ស៊ីគង់ទ្រីវ សម្ពោធដាក់ឱ្យដំណើរការជាផ្លូវការ appeared first on .

តាមរយៈវីដេអូឃ្លីប​របស់​សមាគមឧកញ៉ាកម្ពុជា បាន​បង្ហាញ​ឱ្យដឹងថា កាលពីថ្ងៃទី១ ខែឧសភា ឆ្នាំ២០២៤ លោក​អ្នកឧកញ៉ា ភូ ហុងស៊ួន ស៊ីគង់ទ្រីវ ប្រធានក្រុមប្រឹក្សាភិបាល និងអ្នកឧកញ៉ា វិញ ហ៊ួរ សហស្ថាបនិក​ក្រុមហ៊ុនរោងចក្រ​ខនស៍ស៊ីមេន បានចុះសួរសុខទុក្ខបុគ្គលិក​ក៏ដូចជាក្រុមការងារដែលកំពុងបំពេញ​ការងារសាងសង់គម្រោង​រោងចក្រស៊ីម៉ង់ត៍​ខនទី២ ដើម្បីជាការលើកទឹកចិត្ត និងត្រួតពិនិត្យលើដំណើរការសាងសង់រោងចក្រដោយផ្ទាល់ផងដែរ។

អ្នកឧកញ៉ា វិញ ហ៊ួរ បានបញ្ជាក់ឱ្យដឹងថា គម្រោងរោងចក្រស៊ីម៉ង់ត៍ខនស៍ទី២ ដែលមានទីតាំងស្ថិតនៅក្នុងឃុំហោងសំណំ ស្រុកឱរ៉ាល់ ខេត្តកំពង់ស្ពឺ គឺស្ថិតលើផ្ទៃដី ៤០៧ហិកតា ជាមួយនឹងទុនវិនិយោគសរុបប្រមាណជា ២៥៣លានដុល្លារអាម៉េរិក ដែលជាការវិនិយោគរួមគ្នារវាងភាគីកម្ពុជានិងភាគីចិន ដែលមានសមត្ថភាពអាចផលិតបានស៊ីម៉ង់ត៍ចំនួន ៥ពាន់តោនក្នុងមួយថ្ងៃ និង២លានតោនក្នុងមួយឆ្នាំ។

គម្រោងនេះបានចាប់ផ្តើមសាងសង់នាអំឡុងខែសីហា ឆ្នាំ២០១៨ ហើយគិតមកទល់ពេលនេះសម្រេចបាន ៨៥%ហើយ។ បើតាមការគ្រោងទុក និងបើគ្មានអ្វីប្រែប្រួលទេ​គម្រោងនេះនឹងបញ្ចប់ការសាងសង់ ហើយឈានទៅចាប់ផ្តើម​ផលិតស៊ីម៉ង់ត៍​ជាផ្លូវការ នៅខែកញ្ញា ឆ្នាំ២០២៤ ខាងមុខនេះ។

លោកអ្នកឧកញ៉ា ភូ ហុងស៊ួន ស៊ីគង់ទ្រីវ ប្រធានក្រុមប្រឹក្សាភិបាលក្រុមហ៊ុនផលិតស៊ីម៉ង់ត៍ខនស៍ បានបង្ហាញពី​មោទនភាព​ដែលសហគ្រាសស៊ីម៉ង់ត៍ខនស៍ បានរួមចំណែកជាមួយរាជរដ្ឋាភិបាលកម្ពុជា ក្នុងការធ្វើឱ្យកាន់តែប្រសើរ​វិស័យ​សេដ្ឋកិច្ច តាមរយៈការបង់ពន្ធជូនរដ្ឋ ការផ្តល់ជូន​ការងារដល់យុវជនកម្ពុជា​ជាដើម។ ជាពិសេសការសាងសង់​ហេដ្ឋារចនាសម្ព័ន្ធមួយចំនួន​ដែល​ផ្តល់ប្រយោជន៍​ដោយផ្ទាល់​ដល់ប្រជាពលរដ្ឋ​ក្នុង​តំបន់។​

សូមទស្សនាវីដេអូលម្អិតខាងក្រោម៖

The post រោងចក្រស៊ីម៉ង់ត៍ខនស៍ តម្លៃ២៥៣លានដុល្លារ របស់លោកអ្នកឧកញ៉ា ភូ ហុងស៊ួន ស៊ីគង់ទ្រីវ និងអ្នកឧកញ៉ា វិញ ហួរ គ្រោងចាប់ផ្តើមដំណើរការ នៅខែកញ្ញា ឆ្នាំ២០២៤ appeared first on .