អភិបាលរងរាជធានីភ្នំពេញ ២រូបទៀត ទទួលការតែងតាំងជាជំនួយការសម្តេចតេជោ ហ៊ុន សែន

ឧកញ៉ាដែនដី — Mon, 28 Nov 2022 02:59:51 +0000

លោក កើត ឆែ និងលោក មាន ចាន់យ៉ាដា អភិបាលរងរាជធានីភ្នំពេញ ត្រូវបានព្រះមហាក្សត្រឡាយព្រះហស្តលេខា ចេញព្រះរាជក្រឹត្យ តែងតាំង និងផ្តល់ឋានៈជាជំនួយការសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានឋានៈស្មើ រដ្ឋលេខាធិការ កាលពីថ្ងៃទី២៦ ខែវិច្ឆិកា ឆ្នាំ២០២២។

គួររំឭកថា កាលពីថ្ងៃទី១៩ ខែវិច្ឆិកា ឆ្នាំ២០២២ ព្រះមហាក្សត្រក៏បានឡាយព្រះហស្តលេខា ចេញព្រះរាជក្រឹត្យ តែងតាំងជំនួយការសម្តេចតេជោ ហ៊ុន សែន ចំនួន៤រូបផងដែរ ក្នុងនោះ លោក ឃ្លាំង ហួត អភិបាលរងរាជធានីភ្នំពេញ ទទួលបានការតែងតាំងមានឋានៈស្មើ រដ្ឋលេខាធិការ, លោក នុត ពុធដារ៉ា អភិបាលរងខេត្តកណ្តាល មានឋានៈស្មើ រដ្ឋលេខាធិការ, លោក ក្រូច ផាន ប្រធានក្រុមប្រឹក្សាខណ្ឌពោធិ៍សែនជ័យ មានឋានៈស្មើ រដ្ឋលេខាធិការ និងលោកស្រី កែវ ច័ន្ទស៊ុនណារី អភិបាលរងខណ្ឌជ្រោយចង្វារ មានឋានៈស្មើ អគ្គនាយក ផងដែរ។

លោក កើត ឆែ អភិបាលរងរាជធានីភ្នំពេញ

លោក មាន ចាន់យ៉ាដា អភិបាលរងរាជធានីភ្នំពេញ (ស្តាំដៃ)

សូមជម្រាបជូនថា គណៈអភិបាលរាជធានីភ្នំពេញបច្ចុប្បន្ន មានចំនួន ១០រូប ក្នុងរួមមាន លោក ឃួង ស្រេង ជាអភិបាល និងមានអភិបាលរង ចំនួន៩រូប ដូចជា៖ លោក ស៊ុយ សេរិទ្ធ, លោក កើត ឆែ, លោកស្រី កែវ សុខពិសី, លោក មាន ចាន់យ៉ាដា, លោក នួន ផារ័ត្ន, លោក ហួត ហៃ, លោក សុខ ពេញវុធ, លោក ហ៊ុន សុរិទ្ធី និងលោក ឃ្លាំង ហួត៕

The post អភិបាលរងរាជធានីភ្នំពេញ ២រូបទៀត ទទួលការតែងតាំងជាជំនួយការសម្តេចតេជោ ហ៊ុន សែន appeared first on .

លោក កើត ឆែ៖ សន្តិភាពនិងស្ថេរភាពនយោបាយ ធ្វើឲ្យភ្នំពេញអភិវឌ្ឍន៍យ៉ាងឆាប់រហ័ស

ឧកញ៉ា ឆ្នាំងដី — Mon, 25 Jul 2022 05:45:39 +0000

ការវិនិយោគនៅប្រទេសកម្ពុជា ពិសេសលើវិស័យអចលនៈទ្រព្យ មានភាពរីកចំរើនខ្លាំងក្លា នាពេលបច្ចុប្បន្ននេះ បើតាមលោក កើត ឆែ អភិបាលរងរាជធានីភ្នំពេញ បានលើកឡើនថា កត្តា២យ៉ាង គឺកត្តាសន្តិភាព និងស្ថេរភាពនយោបាយបានធ្វើឲ្យប្រទេសកម្ពុជា ជាពិសេសរាជធានីភ្នំពេញមានការអភិវឌ្ឍន៍យ៉ាងឆាប់រហ័ស ។ ការលើកឡើងបែបនេះ បានធ្វើឡើងក្នុងពិធីបើកសម្ពោធគម្រោងលំនៅឋាន ឡាម៉េហ្សុង ផ្លាហ្សា (La Maison Plaza) របស់ក្រុមហ៊ុន ខេមបេស្ទេត មេនេចម៉ិន ខូអិលធីឌី កាលពីថ្ងៃទី២៤ ខែកក្កដា ឆ្នាំ២០២២។

លោក កើត ឆែ បានបន្តថា គម្រោងអភិវឌ្ឍលំនៅដ្ឋាន បង្ហាញភាពជោគជ័យថ្មីមួយទៀតរបស់រាជរដ្ឋាភិបាលកម្ពុជា អ្នកវិនិយោគអោយមកវិនិយោគនៅកម្ពុជា អោយមានការរីកចំរើន ។ ការបើកសម្ពោធគម្រោងលំនៅឋាន ឡាម៉េហ្សុង ផ្លាហ្សា គឺបានឆ្លុះបញ្ចាំងឱ្យឃើញអំពីភាពជោគជ័យថ្មីមួយទៀត នៃការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា ក្នុងការ ទាក់ទាញការវិនិយោគ និងបង្កើតកាល្លានុវត្តភាពផ្នែកធុរកិច្ច ជាពិសេសគឺ ការខិតខំបង្កើនជំនឿ ទុកចិត្តជូនដល់ពាណិជ្ជករ វិនិយោគិន និងធុរជន សំដៅរួមចំណែកជំរុញឱ្យមានកំណើនសេដ្ឋកិច្ច បង្កើតការងារ កាត់បន្ថយភាពក្រីក្រ ជូនបងប្អូនប្រជាពលរដ្ឋ និងអភិវឌ្ឍរាជធានីភ្នំពេញ ឱ្យកាន់តែរីកចម្រើនបន្ថែមទៀត។

លោក កើត ឆែ បានបន្ថែមថា គម្រោងអភិវឌ្ឍន៍លំនៅឋាន ឡាម៉េហ្សុង ផ្លាហ្សា ក៏នឹងក្លាយជាជម្រើសថ្មីបន្ថែមទៀត សម្រាប់បំពេញតម្រូវការទីផ្សារអចលនទ្រព្យជូនបងប្អូនប្រជាពលរដ្ឋខ្មែរផងដែរ។

គួរបញ្ជាក់ថា គិតត្រឹមដើមឆ្នាំ២០២២នេះ នៅរាជធានីភ្នំពេញមានសំណង់បុរី និងបណ្ដុំផ្ទះល្វែងចំនួន ៣១០កន្លែង និងអគារខ្ពស់ៗចំនួន ១ ៦០៣ អគារ ក្នុងនោះ អគារកម្ពស់ចាប់ពី ២០ជាន់ឡើងទៅ មានចំនួន ២២៥ អគារ ខណៈក្នុងឆ្នាំ ២០២១កន្លងទៅ ទទួលបានគម្រោងសាងសង់ថ្មីៗ ពីវិស័យឯកជន ចំនួន ១ ០៥០គម្រោង លើផ្ទៃក្រឡាសំណង់ សរុបជាង ៤,៦៣ លានម៉ែត្រក្រឡា ដែលមានទំហំទុនវិនិយោគ ប៉ាន់ស្មានជាង ២,២៦ ពាន់លានដុល្លាអាមេរិក ដែលបានធ្វើឱ្យរាជធានីភ្នំពេញ កាន់តែមានភាពស្រស់បំព្រង មិនចាញ់បណ្តាទីក្រុង នៃប្រទេសក្បែរខាង និងក្នុងតំបន់អាស៊ានឡើយ ៕

The post លោក កើត ឆែ៖ សន្តិភាពនិងស្ថេរភាពនយោបាយ ធ្វើឲ្យភ្នំពេញអភិវឌ្ឍន៍យ៉ាងឆាប់រហ័ស appeared first on .

លោក កើត ឆែ

អភិបាលរងរាជធានីភ្នំពេញ ២រូបទៀត ទទួលការតែងតាំងជាជំនួយការសម្តេចតេជោ ហ៊ុន សែន

លោក កើត ឆែ៖ សន្តិភាព​និងស្ថេរ​ភាព​នយោបាយ ធ្វើ​​ឲ្យ​ភ្នំ​ពេញ​​អភិវឌ្ឍន៍យ៉ាងឆាប់រហ័ស

លោក កើត ឆែ៖ សន្តិភាពនិងស្ថេរភាពនយោបាយ ធ្វើឲ្យភ្នំពេញអភិវឌ្ឍន៍យ៉ាងឆាប់រហ័ស