ការបង្ហាញពីផែនការសហការគ្នារវាងសហរដ្ឋអាមេរិក ជាមួយកម្ពុជា លើវិស័យប្រេង និងឧស្ម័ននេះ បានធ្វើឡើងក្នុងជំនួបរវាងក្រុមហ៊ុន ExxonMobil និងក្រសួងរ៉ែ និងថាមពល ដឹកនាំដោយលោក កែវ រតនៈ។

គួរបញ្ជាក់ថា ក្រុមហ៊ុន ExxonMobil គឺជាក្រុមហ៊ុនយក្សមួយមានប្រភពមកពីសហរដ្ឋអាមេរិក។ ក្រុមហ៊ុននេះនឹងបង្កើតក្រុមការងារមួយ ដើម្បីពិនិត្យលទ្ធភាពក្នុងការសហការគ្នាជាមួយកម្ពុជា។

សូមបញ្ជាក់ថា ក្រសួងរ៉ែ និងថាមពល ធ្លាប់បានប្រកាសថា កម្ពុជាមានលទ្ធភាពគ្រប់គ្រាន់ ដើម្បីផ្គត់ផ្គង់ប្រេងឥន្ធនៈ និងឧស្ម័នឥន្ធនៈសម្រាប់តម្រូវការក្នុងប្រទេសគ្រប់គ្រាន់។

នាយករដ្ឋមន្រ្តី សម្តេចធិបតី ហ៊ុន ម៉ាណែត ធ្លាប់បានគូសបញ្ជាក់ដែរថា បណ្ដាក្រុមហ៊ុនចែកចាយប្រេងឥន្ធនៈនៅកម្ពុជា មានលទ្ធភាពនាំចូលប្រេងឥន្ធនៈនិងឧស្ម័នពីប្រភពផ្សេង គ្រប់គ្រាន់ ដើម្បីផ្គត់ផ្គង់តម្រូវការប្រើប្រាស់ក្នុងស្រុក កុំថាឡើយត្រឹមមួយខែ ទោះជារៀងរហូតក៏មិនជាបញ្ហានោះដែរ៕

The post ក្រុមហ៊ុនប្រេងយក្សមួយរបស់អាមេរិកមានផែនការផ្គត់ផ្គង់ប្រេងនិងឧស្ម័នគ្រប់ប្រភេទដល់កម្ពុជា appeared first on .

ជាមួយគ្នានេះ កាលពីថ្ងៃទី២២ ខែឧសភា ឆ្នាំ២០២៥ រដ្ឋសភានីតិកាលទី៧ បានបើកសម័យប្រជុំលើកទី៤របស់ខ្លួន ដើម្បីពិនិត្យ ពិភាក្សានិងអនុម័តលើរបៀបវារៈចំនួន២៨ ដែលប្រព្រឹត្តទៅក្រោមអធិបតីភាពរបស់ប្រធានរដ្ឋសភាលោកស្រី ឃួន សុដារី។

ក្នុងចំណោមរបៀបវារៈ២៨ ដែលសម័យប្រជុំរដ្ឋសភា ត្រូវពិភាក្សាអនុម័តនោះ មានរបៀបវារៈចំនួន២៤ តាមការស្នើរបស់រាជរដ្ឋាភិបាល គឺសេចក្តីព្រាងច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលកម្ពុជា ឱ្យកុមហ៊ុនវិនិយោគផលិតថាមពលអគ្គិសនីដើរដោយថាមពលពន្លឺព្រះអាទិត្យ និងថាមពលអគ្គិសនីដើរដោយខ្យល់។

ការអនុម័តគម្រោងវិនិយោគលើការផលិតថាមពលអគ្គិសនីដើរដោយថាមពលខ្យល់ ជាការវិនិយោគដំបូងនៅប្រទេសកម្ពុជា ដោយយកខេត្តមណ្ឌលគិរីជាទីតាំងវិនិយោគដំបូងចំនួន៦គម្រោង។

លោក កែវ រតនៈ រដ្ឋមន្រ្តីក្រសួងរ៉ែ និងថាមពល ធ្លាប់បានលើកឡើងថា ជាជំហានដំបូង រាជរដ្ឋាភិបាល បានដាក់គម្រោង៦ក្នុងខេត្តមណ្ឌលគិរី ដើម្បីសិក្សាពីការបង្កើតថាមពលអគ្គិសនីចេញពីកម្លាំងខ្យល់។ ចាប់ពីឆ្នាំ២០២៦ទៅ គម្រោងទាំង៦ក្នុងខេត្តមណ្ឌលគិរីនេះ នឹងអាចចេញជាលទ្ធផល ពោលគឺកម្ពុជានឹងអាចទទួលបានថាមពលអគ្គិសនីដែលដើរដោយកម្លាំងខ្យល់។

បើតាមលោក កែវ រតនៈ គម្រោងដែលដាក់ចេញជាជំហានទី១នេះ អាចបង្កើតថាមពលអគ្គិសនីដែលដើរដោយកម្លាំងខ្យល់ បាន៩០០គីឡូមេហ្កាវ៉ាត់។

សូមបញ្ជាក់ថា មានខេត្តផ្សេងៗទៀត ដូចជា បាត់ដំបង ប៉ៃលិន ពោធិ៍សាត់ កែប និងកំពតជាដើម ក៏រាជរដ្ឋាភិបាលយកទៅសិក្សាពីការបង្កើតថាមពលអគ្គិសនីដោយកម្លាំងខ្យល់ដែរ តែមិនមានសក្កានុពលដូចខេត្តមណ្ឌលគិរី។ ដោយរដ្ឋមន្រ្តីក្រសួងរ៉ែ បានអះអាងថាដោយសារខេត្តមណ្ឌលគិរី មានខ្យល់ច្រើនជាងគេ ទើបរាជរដ្ឋាភិបាលសម្រេចដាក់គម្រោងបង្កើតថាមពលអគ្គិសនីដោយកម្លាំងខ្យល់នេះ ក្នុងខេត្តមណ្ឌលគិរីតែមួយជាមុនសិន។

គួរឱ្យដឹងថា ការប្រើប្រាស់អគ្គិសនីដោយកម្លាំងខ្យល់ មានតម្លៃខ្ពស់ជាងការប្រើប្រាស់អគ្គិសនីដោយពន្លឺព្រះអាទិត្យជិត២ដង ឯណោះ។ សព្វថ្ងៃនេះ កម្ពុជា បានបង្កើតថាមពលអគ្គិសនីពីប្រភព និងធនធានផ្សេងៗ ដូចជា ប្រេង ខ្យូងថ្ម វារីអគ្គិសនី និងពន្លឺព្រះអាទិត្យ ជាអាទិ៍ ហើយចុងក្រោយ គឺកម្លាំងខ្យល់។ នេះមិនមែនតែកម្ពុជាឡើយ ប្រទេសនានាលើសាកលោក ក៏កំពុងប្រើធនធាន និងប្រភពទាំងនេះ ក្នុងការបង្កើតថាមពអគ្គិសនីដែរ។ (នេះជាការលើកឡើងរបស់រដ្ឋមន្រ្តីក្រសួងរ៉ែ និងថាមពល លោក កែវ រតនៈ)

ទន្ទឹមនឹងនេះ រាជរដ្ឋាភិបាល បាននិងកំពុងព្យាយាមពង្រីកវិសាលភាពនៃការបង្កើតថាមពលអគ្គិសនីចេញពីប្រភពផ្សេងៗ ដើម្បីឱ្យកម្ពុជាមានថាមពលអគ្គិសនីកាន់តែច្រើន និងមានភាពគ្រប់គ្រាន់ក្នុងការផ្គត់ផ្គង់។រាជរដ្ឋាភិបាល សិក្សាឃើញថា កម្លាំងខ្យល់ ក៏ជាប្រភពមួយ ដែលកម្ពុជាអាចប្រើប្រាស់ដើម្បីបង្កើតចេញជាថាមពលអគ្គិសនី ដូចនៅតាមបណ្តាប្រទេសដទៃទៀតដែរ ខណៈសម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានស្វាគមន៍ និងគាំទ្រចំពោះគម្រោងរបស់ក្រុមហ៊ុន ដែលចាប់អារម្មណ៍បោះទុនវិនិយោគនៅកម្ពុជា គម្រោងផលិតថាមពលអគ្គិសនី ដើរដោយកម្លាំងខ្យល់នេះផងដែរ។

សូមជម្រាបជូនថា ក្រុមហ៊ុនចំនួន៦ ដែលធ្វើការវិនិយោគដំបូងលើការផលិតផលិតថាមពលអគ្គិសនីដើរ ដោយខ្យល់៦គម្រោងនៅខេត្តមណ្ឌលគិរីរួមមាន៖

១, ក្រុមហ៊ុន អេច ខេ អូអេស៊ីស ផោវ័រ អេនើជី ឌីវេឡុបម៉ិន ឯ.ក វិនិយោគ ស្ថានីយផលិតអគ្គិសនី ដើរដោយថាមពលខ្យល់ អានុភាព ១៥០មេហ្កាវ៉ាត់។

២, ក្រុមហ៊ុន ស្នេថេក ខូ អិលធីឌី វិនិយោគស្ថានីយផលិតអគ្គិសនី ដើរដោយ ថាមពលខ្យល់ អានុភាព១៥០មេហ្កាវ៉ាត់។

៣, ក្រុមហ៊ុន ឥណ្ឌូឆាយណា វីន ផោវ័រ ឯ.ក វិនិយោគស្ថានីយផលិតអគ្គិសនី ដើរដោយថាមពលខ្យល់ អានុភាព១៥០មេហ្កាវ៉ាត់។

៤, ក្រុមហ៊ុន លីឌើរ វីន អេនើជី (ខេមបូឌា) ឯ.ក វិនិយោគស្ថានីយផលិតអគ្គិសនី ដើរដោយថាមពលខ្យល់ អានុភាព១៥០មេហ្កាវ៉ាត់។

៥, ក្រុមហ៊ុន គោព្រៃ វីនហ្វាម ឯ.ក វិនិយោគស្ថានីយផលិតអគ្គិសនី ដើរដោយ ថាមពលខ្យល់ អានុភាព១៥០មេហ្កាវ៉ាត់។

៦, ក្រុមហ៊ុន បេជីង ហ្វេងហ្គ័ង អ៊ីនហ្វីនីត វីន អេនើជី ឯ.ក វិនិយោគស្ថានីយផលិតអគ្គិសនី ដើរដោយថាមពលខ្យល់ អានុភាព១៥០មេហ្កាវ៉ាត់៕

អត្ថបទ៖ ស៊ីណាត

The post គម្រោងវិនិយោគស្ថានីយផលិតអគ្គិសនី ដើរដោយថាមពលខ្យល់ ៦គម្រោង នឹងវិនិយោគដំបូងនៅខេត្តមណ្ឌលគិរី appeared first on .

លោកបានឱ្យដឹងបែបនេះនៅក្នុងពិធីបិទសន្និបាតក្រសួងរ៉ែ និងថាមពល ក្រោមអធិបតីភាពដ៏ខ្ពង់ខ្ពស់បំផុត សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នៅថ្ងៃទី២១ ខែវិច្ឆិកា ឆ្នាំ២០២៤។

លោក កែវ រតនៈ បានលើកឡើថា វិស័យរ៉ែ បានធ្វើវិភាគទានជាចំណូលមិន មែនសារពើពន្ធ ឬហៅថាសួយសារ កើនដល់ប្រមាណជិត ៩០ លានដុល្លារអាមេរិក សម្រាប់ឆ្នាំ២០២៤ ដែលត្រូវជាប្រមាណ ១៧០% ធៀបនឹងឆ្នាំ២០២៣ ឬប្រមាណ ១៥០% នៃផែនការក្នុងច្បាប់ថវិការបស់ជាតិ។

លោកបន្តថា តាមការប៉ាន់ស្មាន ចំណូលសារពើពន្ធនៃអាជីវកម្មរ៉ែមាស (និយាយដោយឡែក) អាចបានប្រមាណជិត ៣១ លានដុល្លារអាមេរិក សម្រាប់ឆ្នាំ ២០២៤នេះ។

ដោយឡែក ចំណូលពីអាករលើការនាំចេញផលិតផលរ៉ែគ្រប់ប្រភេទ បានប្រមាណ ៣១,៣ លានដុល្លារអាមេរិក ក្នុងឆ្នាំ២០២៣ និងអាចកើនដល់ប្រមាណ ៦១ លានដុល្លារអាមេរិក សម្រាប់ឆ្នាំ២០២៤នេះ៕

The post វិស័យរ៉ែបានធ្វើវិភាគទានជាចំណូលមិនមែនសារពើពន្ធកើនដល់ប្រមាណជិត៩០លានដុល្លារ appeared first on .

ក្នុងពេលចុះទស្សនកិច្ចសិក្សានៅចម្ការចេករបស់អ្នកឧកញ៉ា ហេង ឡុង លោក កែវ រតនៈ រដ្ឋមន្រ្ដីក្រសួង រ៉ែ និងថាមពល បានឱ្យដឹងថា ចេកនៅខេត្ដកំពង់ចាមត្រូវបានពេញនិយមនាំចេញយ៉ាងច្រើនទៅកាន់ប្រទេសជប៉ុន និងប្រទេសចិន។ ក្នុងនោះ សម្រាប់ក្រុមហ៊ុន ឧកញ៉ា ហេង ឡុង បានផ្ដល់ការងារដោយផ្ទាល់ចំនួនជាង ៧០០០កន្លែង ដោយគិតជាប្រាក់ខែជាង ២,៦លានដុល្លារ ជាការជួយសេដ្ឋកិច្ចប្រជាពលរដ្ឋនៅក្នុងស្រុកយ៉ាងច្រើន។

ទន្ទឹមនឹងបញ្ហានេះ សម្រាប់វិស័យកសិកម្ម លោក កែវ រតនៈ ក៏បានឱ្យដឹងថា រាជរដ្ឋាភិបាល បានគាំទ្រទាំងផ្នែកទីផ្សារផង និងផ្ដល់អគ្គិសនីបៃតងក្នុងអត្រាពិសេសក្នុងផ្នែកកសិកម្មដែលគិតត្រឹមតែ ៤៨០៛ ក្នុង១គីឡូវ៉ាត់ម៉ោង។ ក្នុងនាមជារដ្ឋមន្រ្ដីក្រសួងរ៉ែ និងថាមពល លោកបានជំរុញឱ្យក្រុមហ៊ុន អ្នកឧកញ៉ា ហេង ឡុង បន្តពង្រីកអាជីវកម្មដើម្បីជួយបង្កើតការងារថ្មីៗ និងអំពាវនាវអ្នកមានទុនឯទៀតជួយវិនិយោគក្នុងវិស័យកសិកម្មដែលនឹងទទួលបានអគ្គិសនីថ្លៃអនុគ្រោះជាពិសេស។

សូមជម្រាបជូនថា អ្នកឧកញ៉ា ហេង ឡុង គឺជាអ្នកជំនួញដ៏លេចធ្លោមួយរូបនៅក្នុងវិស័យកសិកម្ម និងជាអនុប្រធានក្រុមប្រឹក្សាភិបាលសមាគមឧកញ៉ាកម្ពុជាផងដែរ។ អ្នកឧកញ៉ា ហេង ឡុង មានក្រុមហ៊ុនជាច្រើននៅក្នុងដៃ ដែលបានផ្ដល់ឱកាសការងារជាច្រើនម៉ឺនកន្លែងដល់ប្រជាពលរដ្ឋកម្ពុជា ដូចជា៖ ១)ក្រុមហ៊ុន ឡុង ស្រេង អ៊ិនធើណេសិនណល ដែលបានវិនិយោគលើចំការកៅស៊ូ លើផ្ទៃដីចំនួន ៧០០០ ហិកតា និងចំការចេក លើផ្ទៃដីចំនួន ១៥០០ហិកតា ២)ក្រុមហ៊ុន បឹងកេត ផ្លេនធីង & អ៊ិនដាសស្ទ្រៀល ដែលផលិតដំណាំស្វាយស្រស់ សម្រាប់បម្រើការនាំចេញ ៣)ក្រុមហ៊ុន ឡុង ស្រេង ហ័រ ជាន អាហ្គ្រីខលឈ័រ ឌីវេឡុបមិន ដែលមានជំនាញក្នុងការដាំចេក និងមានចំការចេកអំបូងលឿង លើផ្ទៃដីចំនួន ៧០០ហិកតា សម្រាប់បម្រើការនាំចេញ ៤)ក្រុមហ៊ុន បឹងកេត ភែកខេជីង ហ្វេកធើរី ដែលផលិតកេសក្រដាស និងថង់ផ្លាស្ទិកគ្រប់ប្រភេទ និង ៥)ក្រុមហ៊ុនរោងចក្រផលិតជីសរីរាង្គ បឹងកេត៕

The post លោក កែវ រតនៈ ៖ ចម្ការចេករបស់អ្នកឧកញ៉ា ហេង ឡុង បានបើកប្រាក់ខែដល់បុគ្គលិក ២,៦លានដុល្លារ ផ្ដល់ឱកាសការងារជាង ៧០០០កន្លែង appeared first on .

លោក កែវ រតនៈ រដ្ឋមន្រ្តីក្រសួងរ៉ែ និងថាមពល បានឱ្យដឹងកាលពីពេលថ្មីៗនេះថា សព្វថ្ងៃនេះនៅរាជធានីភ្នំពេញ ក្រុមហ៊ុន Minebea របស់ជប៉ុននេះ កំពុងតែផ្តល់ការងារឱ្យយុវជន យុវនារីកម្ពុជា រហូតទៅដល់ជិត ៧៦០០នាក់។

លោកបន្តថា ក្រុមហ៊ុននេះ គ្រោងនឹងចាប់ផ្តើមបើកការដ្ឋានសាងសង់រោងចក្រទី២របស់ខ្លួននៅកម្ពុជា គឺនៅស្រុកក្រគរ ខេត្តពោធិ៍សាត់។ដោយយកដី៥០ហិកតា ធ្វើការងារវិនិយោគ ហើយបង្កើតការងាររាប់ពាន់កន្លែង ឱ្យយុវជន យុវនារី មកធ្វើការនៅទីនេះ។ដោយរោងចក្រទី២នេះ នឹងបើកការដ្ឋានសាងសង់ក្នុងខែ៩(កញ្ញា) ឆ្នាំ២០២៤ខាងមុខ។ ហើយរោងចក្រនេះ គេបានដកប្រតិបត្តិការមួយចំនួនចេញពីប្រទេសសិង្ហបុរី មកប្រទេសកម្ពុជា។

បើតាមរដ្ឋមន្រ្តីក្រសួងរ៉ែ និងថាមពល បានគូសបញ្ជាក់ថា ការដែលគេលើករោងចក្រមកទីនេះ ដោយសម្លឹងឃើញសក្តានុពលនៃការគាំទ្ររបស់ថាមពលអគ្គិសនីកម្ពុជាយើងកំពុងតែផលិតថាមពលចេញពីប្រភពថាមពលកកើតឡើងវិញយ៉ាងច្រើនលើសលប់ ដែលប្រទេសយើងទៅជាប្រទេសមួយមានការទាក់ទាញ។ថាមពលពន្លឺព្រះអាទិត្យ វារីអគ្គិសនីរបស់យើង នឹងក្លាយទៅជាជន្ទល់មួយនៃការធ្វើឱ្យរោងចក្រមានដំណើរការបន្ថែមនៅលើទឹកដីកម្ពុជា។

សូមជម្រាបជូនថា លោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ក្រុមប្រឹក្សាអភិវឌ្ឍន៍កម្ពុជា ក៏ធ្លាប់បានលើកឡើងថា ក្រុមហ៊ុន Minebea បានសម្រេចចិត្តបង្កើតរោងចក្រទី២នៅខេត្តពោធិ៍សាត់ ដោយក្រុមហ៊ុននឹងទិញដី៥០ហិកតា ដាក់ទុនប្រហែល៦៥០លានដុល្លារអាមេរិក ចាប់ពីពេលនេះរហូតដល់ឆ្នាំ២០៣០។ហើយគម្រោងរោងចក្រនេះអាចបង្កើតការងារបាន៨ពាន់កន្លែងផងដែរ។

លោកគូសបញ្ជាក់ថា ការសម្រេចចិត្តដាក់ទុនវិនិយោគបង្កើតរោងចក្រទី២នៅទឹកដីពោធិ៍សាត់ ដោយសារខេត្តពោធិ៍សាត់មានរោងចក្រសូឡា ថាមពលស្អាត ទំនប់វារីអគ្គិសនីជាដើម។លើសពីនេះ ទីតាំងល្អជិតប្រទេសថៃ ម្យ៉ាងទៀតនឹងដោះស្រាយបញ្ហាច្រកទ្វារស្ទឹងបត់បានលឿនផងដែរ។លើសពីនេះ នឹងអូសទាញអ្នកវិនិយោគថែមទៀតរួមមាន ថៃបូក១ វៀតណាមបូក១ជាដើម ដែលជាការបង្កើតការងារឱ្យប្រជាពលរដ្ឋកម្ពុជាកាន់តែច្រើនថែមទៀត។

គួរជម្រាបជូនថា ក្រុមហ៊ុនមីនីបៀ-Minebea Cambodia Co.Ltd គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន Minebea Mitsumi របស់ជប៉ុន។ក្រុមហ៊ុននេះបានបើកដំបូងនៅកម្ពុជា ក្នុងឆ្នាំ២០១១ ក្នុងតម្លៃវិនិយោគ ចំនួន២៣លានដុល្លារ ខណៈបច្ចុប្បន្នក្រុមហ៊ុននេះ បានតម្លើងការវិនិយោគរបស់ខ្លួននៅកម្ពុជា ឡើងដល់ជាង៦០០លានដុល្លារអាមេរិក៕

The post ក្រុមហ៊ុនខ្នាតយក្សជប៉ុន នឹងបើកការដ្ឋានសាងសង់រោងចក្រទី២ ក្នុងខេត្តពោធិ៍សាត់ នៅខែកញ្ញាខាងមុខ appeared first on .

បើតាមលោក កែវ រតនៈ គិតមកដល់ពេលនេះ ក្រសួងរ៉ែ និងថាមពល បានចេញអាជ្ញាបណ្ណរុករករ៉ែមាស ដល់ក្រុមហ៊ុនសរុបចំនួន៩ ខណៈក្រុមហ៊ុនចំនួន៦ កំពុងដំណើរការអាជីវកម្ម និងក្រុមហ៊ុនចំនួន៣ទៀត កំពុងរៀបចំការដ្ឋានអាជីវកម្ម។

ក្នុងចំណោមក្រុមហ៊ុនទាំង៦ ដែលកំពុងដំណើរការអាជីវកម្មមាននៅខេត្តមណ្ឌលគិរី, ព្រះវិហារ, ក្រចេះ
និងកំពង់ធំ។ ក្នុងនោះក្រុមហ៊ុន Renaissance Minerals នៅខេត្តមណ្ឌលគិរី ទទួលបានទិន្នផលខ្ពស់ជាងគេ ខណៈ៥ក្រុមហ៊ុនទៀត ទទួលបានផលតិចតួចប៉ុណ្ណោះ៕

The post ត្រឹមថ្ងៃទី១៧វិច្ឆិកា កម្ពុជាផលិតមាសបាន១០៤០ដុំ និងទទួលចំណូលជាង ១៤.៤លានដុល្លារ appeared first on .

ការស្នើនេះ បានធ្វើឡើងនៅក្នុង​កិច្ចប្រជុំ​ក្រុម​ការងារ​ផ្នែក​ថាមពល និង​ធន​ធាន​រ៉ែ ​(​ក្រុម​“​ញ​”)​ នៃ​វេទិកា​រាជរដ្ឋាភិបាល​ផ្នែក​ឯកជន កាលពី​សប្តាហ៍​មុន ដែលវេទិកា​​នេះ គឺរៀបចំឡើង​ដើម្បី​ធ្វើការ​រួមគ្នា​ក្នុងការ​ដោះស្រាយ​បញ្ហា​ប្រឈម​ក្នុង​វិស័យ​រ៉ែ និង​ថាមពល​ដោយ​តម្កល់​ប្រយោជន៍​ជាតិ និង​ប្រជាជន​ជា​គោល​។​

​ថ្លែងក្នុងវេទិកានោះ លោក កែវ រតនៈ រដ្ឋមន្ត្រីក្រសួង​រ៉ែ និង​ថា​ម​​ពល បាន​ឆ្លើយតប​ថា រដ្ឋាភិបាល​គឺ​មិន​ធ្វើតាម​ការ​សំណូមពររបស់វិស័យ​ឯកជន​ខាង​ផ្នែក​រ៉ែ​ថ្ម​សំណង់ ដោយសារ​ការ​ប្រកួតប្រជែង​មិន​ស្មើភាពពី ការកំណត់​តម្លៃ​អប្បបរមា​ទាប​ពេកនេះ​បានទេ ខណៈលោកថា ដោយសារតែ​ជាការ​ប្រកួត​ប្រជែង​ទីផ្សារសេរី​ហើយ​វា​អាច​នឹង​ប៉ះពាល់​ដល់​អ្នកប្រើប្រាស់​។

​ដោយលោករដ្ឋមន្រ្តី ​បាន​បញ្ជាក់ថា​៖«​នៅក្នុង​សេដ្ឋកិច្ច​ទីផ្សារសេរី គេ​មិនអាច​ធានា​ថ្លៃ​បានទេ​។ រដ្ឋា​ភិ​​បាល​មាន​កាតព្វកិច្ច​ធ្វើ​ម៉េច​ឱ្យ​ការប្រកួតប្រជែង​នោះ​ស្មើភាព​។​ ស្មើភាព​នោះ​ គឺ​គោរព​ច្បាប់​ដូចគ្នា​បង់ពន្ធ​ដូចគ្នា កាតព្វកិច្ច​ដូចគ្នា​។ ក្រុមហ៊ុន​ក្ស័យធន ដោយ​​សារ​ធ្វើ​មិនបាន​ល្អ​ដូច​ក្រុមហ៊ុន​ឯទៀត​។ ដូចនេះ​យើង​មិនអាច​លូកដៃ​ក្នុងការ​អន្តរាគមន៍រ​បស់​ទីផ្សារសេរី​បានទេ​»​។​

​បន្ថែមពីនេះ លោក បាន​អះ​​អាង​ថា សេដ្ឋកិច្ច​ទីផ្សារសេរី​មិនអាច​កំណត់​ថ្លៃទំនិញ​បានទេ ប៉ុន្តែ​រាជរដ្ឋាភិបាល​នឹង​ធ្វើឱ្យ​ទីធ្លា​ប្រកួតប្រជែង​បាន​ស្មើ​ភាព​គ្នា​ ដោយលោកក៏បានស្នើឱ្យរួមគ្នាចាត់វិធានការអ្នកគេចពីសំណាញ់ច្បាប់។

ដោយលោក កែវ រតនៈ បានសង្កត់ធ្ងន់ដូច្នេះថា៖« អ្វីដែលយើងអាចជួយគ្នាធ្វើ ទាំងរដ្ឋ និងឯកជនដូចគ្នា ជួយចាត់ការអ្នកគេចពីសំណាញ់ច្បាប់ ដើម្បីបង្កើតទីផ្សារមិនប្រកួតប្រជែងមិនស្មើភាពក្នុងស័យរ៉ែ និងថាមពល»។

សូមជម្រាប់ដែរថា តាមរយៈវេទិកាខាងលើ លោក កែវ រតនៈ រដ្ឋមន្ត្រីក្រសួង​រ៉ែ និង​ថា​ម​​ពល ក៏បញ្ជាក់ដែរថា ​រឿង​មួយ ដែល​សមាគម​ថ្ម​គួរតែ​រីករាយ ហើយ​ប្រទេស​យើង​គួរតែ​រីករាយ​ដែរនោះ គឺ​លោក​បានដាក់​បញ្ជា​រួចហើយ​ គឺ​មិន​ឱ្យមាន​ការចេញ​អាជ្ញាប័ណ្ណ​វាយ​ថ្ម​ទៀត​ទេ​លុះត្រាតែ​មានការ​ពិនិត្យឡើងវិញ​សិន​។លោកថា ការធ្វើនេះ គឺ​​ចង់​មានការ​អភិរក្ស​ឱ្យមាន​តុល្យភាព​ជាមួយនឹង​ការអភិវឌ្ឍ​៕ អត្ថបទ៖ រង្សី

The post រដ្ឋមន្ដ្រី ស្នើឱ្យរួមគ្នាចាត់វិធានការអ្នកគេចពីសំណាញ់ច្បាប់ ដើម្បីបង្កើតទីផ្សារមិនប្រកួតប្រជែងក្នុងវិស័យ​រ៉ែ និង​ថាមពល appeared first on .

លោក កែវ រតនៈ រដ្ឋមន្ត្រីប្រតិភូអមនាយករមន្រ្តី អគ្គនាយកអគ្គិសនីកម្ពុជា បានលើកឡើងថា គម្រោងសាងសង់ខ្សែបណ្តាញបញ្ចូនរង តាមរយៈខ្សែបណ្តាញតង់ស្យុងមានកម្លាំង ២២គីឡូវ៉ុល និង៣៥គីឡូវ៉ុល និងខ្សែកាបកប់ក្រោមបាតសមុទ្រ ​​បានចំណាយថវិកាសរុបចំនួន ១០​.៤៤លានដុល្លារ ដែលមានខ្សែបណ្តាញតង់ស្យុងមធ្យមសរុប ៨២.១៥ គីឡូម៉ែត្រ ក្នុងនោះរួមមាន ខ្សែបណ្តាញអាកាសមានប្រវែងសរុបប្រមាណ ៤៩.៦២ គីឡូម៉ែត្រ ខ្សែបណ្តាញកប់ដីមានប្រវែងសរុបប្រមាណ ១១.៥១គីឡូម៉ែត និងខ្សែបណ្តាញកប់ក្រោមបាតសមុទ្រ ប្រវែងសរុបប្រមាណ ២១.០២ គីឡូម៉ែត្រ។

សូមជម្រាបជូនថា ក្នុងការអនុវត្តគម្រោងជាប្រវត្តិសាស្រ្តមួយនេះ​ ក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង បានផ្តល់កម្ចីវិនិយោគ​ប្រមាណ៥ លានដុល្លារអាមេរិក សម្រាប់ថ្លៃសាងសង់ដោយគ្មានការប្រាក់ សម្រាប់ទូទាត់មួយផ្នែកធំនៃគម្រោងខាងលើ ដោយសងរំលោះក្នុងទឹកប្រាក់ ១ លានដុល្លារអាមេរិក ក្នុងមួយឆ្នាំសម្រាប់រយៈពេល ៥ឆ្នាំ ដើម្បីចូលរួមជាបដិភាគនៅក្នុងសុឆន្ទៈនៃការសហប្រតិបត្តិការ និងជួយបន្ធូរបន្ថយផ្នែកថវិការបស់អគ្គិសនីកម្ពុជា។

​ជាមួយគ្នានេះ ក្រុមហ៊ុន រ៉ូយ៉ាល់ គ្រុប កោះរ៉ុង ឌីវេឡុបមេន ខមភេនី បានសាងសង់ខ្សែបណ្តាញអគ្គិសនីអាកាសតង់ស្យុង ៣៥ គីឡូវ៉ុល ប្រវែងសរុបប្រមាណ២២ គីឡូម៉ែត្រ បន្ថែមពីខ្សែបណ្តាញរបស់អគ្គិសនីកម្ពុជា ដែលមានប្រវែងជាង២០ គីឡូម៉ែត្រ ខ្សែបណ្តាញអាកាសតង់ស្យុង ០.៤ គីឡូវ៉ុល ប្រវែងសរុបប្រមាណ ២០.៨គីឡូម៉ែត្រ និងដំឡើងត្រង់ស្វូរ 35/0,4kV មានចំនួន ២៣ គ្រឿង ដែលត្រូវចំណាយថវិកាសរុបចំនួន ២ លានដុល្លារអាមេរិក​។

បន្ថែមទៀតនោះ ក្រុមហ៊ុន រ៉ូយ៉ាល់ គ្រុប គ្រោងនឹងសាងសង់ស្ថានីយផលិតអគ្គិសនីដើរ ដោយពន្លឺព្រះអាទិត្យបន្ថែមទៀត ដែលជាថាមពលកកើតឡើងវិញ និងជាប្រភពជំនួយបន្ថែម។ លើសពីនេះទៀត ក្រុមហ៊ុនបានសាងសង់ហេដ្ឋារចនាសម្ព័ន្ធ ដូចជាផ្លូវបេតុងយ៉ាងច្រើនខ្វាត់ខ្វែង លើកោះទាំងមូល និងកំពុងសាងសង់ព្រលានយន្តហោះផងដែរ​៕

The post គម្រោងសាងសង់ខ្សែបណ្តាញតង់ស្យុងមធ្យមកប់ក្រោមបាតសមុទ្រ និងអាកាសតាមបណ្តាកោះតម្លៃ១០​.៤៤លានដុល្លារ ដាក់ឲ្យដំណើរការ appeared first on .

The post តើ EDC ធ្វើអ្វីដើម្បីជម្រុញការវិនិយោគឯកជនក្នុងវិស័យថាមពល? appeared first on .

លោក កែវ រតនៈ បញ្ជាក់ថា៖ «មិនខុសពីឆ្នាំនេះទេ នឹងមានការបុគគ្រឹះសាងសង់ មជ្ឈមណ្ឌលពហុកីឡាដ្ឋាន សម្តេចតេជោ នៅវាលយន្តហោះសម្តេចយសនេះហើយ។ បច្ចុប្បន្ននេះយើងបានដោះស្រាយបញ្ហាទំនាស់ដីធ្លី និងបានដោះស្រាយសំណងផលប៉ះពាល់បានរួចរាល់ហើយដែរ»។

លោកបន្តថា៖ «យើងក៏បានឈូសឆាយ ចាក់ដីរួចរាល់ និងបន្តធ្វើរបងឱ្យបានឆាប់បំផុត មុននឹងឈានដល់ការសាងសង់។ ទន្ទឹមនឹងនោះ ក្រុមការងារ ក៏បាននឹងកំពុងត្រៀមរៀបចំធ្វើផ្លូវក្រាលកៅស៊ូ ប្រវែងជិត៣គីឡូម៉ែត្រ នៅរ៉បនឹងទីតាំងពហុកីឡដ្ឋាននេះ តភ្ជាប់ពីផ្លូវជាតិលេខ៥ ឆ្ពោះទៅវត្តសម្តេចយស ដែលគម្រោងនេះ នឹងចាប់ដំណើរនៅអំឡុងខែកុម្ភៈនេះ»។

បើតាមលោក កែវ រតនៈ សំណង់ពហុកីឡដ្ឋាននេះ នឹងក្លាយជាពហុកីឡដ្ឋានដែលធំជាងគេបង្អស់ សម្រាប់ភូមិភាគ រាប់គិតចាប់ពីខេត្តកំពង់ឆ្នាំង រហូតដល់ខេត្តបាត់ដំបង។ គម្រោងពហុកីឡដ្ឋាននេះ នឹងត្រូវសាងសង់នៅលើផ្ទៃដីប្រមាណ២៥ហិកតា ស្ថិតក្នុងភូមិវាលវង់ ឃុំស្នាអន្សា ស្រុកក្រគរ ខេត្តពោធិ៍សាត់។

សូមបញ្ជាក់ថា ពហុកីឡដ្ឋាននេះសាងសង់ឡើង ដើម្បីអភិវឌ្ឍវិស័យកីឡារបស់កម្ពុជា និងមួយផ្នែកទៀត សម្រាប់កម្ពុជាឈានឆ្ពោះទៅធ្វើជាម្ចាស់ផ្ទះ រៀបចំការប្រកួតកីឡាតំបន់អាស៊ាន «Sea Game» នៅឆ្នាំ២០២៣។ ពហុកីឡាដ្ឋាននេះ រួមមានទីលានបាល់ទាត់ខ្នាតអន្តរជាតិ, ទីលានមហោស្រព, ទីលានបាល់ទះ, ទីលានបាល់បោះ, ទីលានរត់ប្រណាំង, ទីលានវាយសី, កន្លែងអង្គុយទស្សនា, កន្លែងហាត់ប្រាណ, ប្រព័ន្ធផ្លូវខ្វាត់ខ្វែង (៨ទៅ១០ម៉ែត្រ), វាលស្មៅ, កន្លែងក្មេងលេង, កន្លែងអង្គុយលេង, ស្រះទឹក និងកន្លែងចតរថយន្ត។ល៕

The post រដ្ឋាភិបាលកម្ពុជា សម្រេចឲ្យសាងសង់ពហុកីឡដ្ឋានតម្លៃខ្ទង់លានដុល្លារនៅខេត្តពោធិ៍សាត់ ខណៈបច្ចុប្បន្នកំពុងដោះស្រាយបញ្ហាទំនាស់ដីធ្លី appeared first on .