បទចម្រៀងទាំងពីរបទនេះមានដូចជា បទ « Call Me Papa  » និង បទ « ក្រមុំគ្រប់ខេត្តមួយក៏ជារបស់គេ» ដែលបទចម្រៀងនេះបានចេញនៅអំឡុងមុនចូលឆ្នាំថ្មីប្រពៃណីខ្មែរ ដែលបទចម្រៀងទាំងពីរបទនេះ មានអ្នកចូលទស្សនា រាប់សែនដង។ ភាពល្បីល្បាញនេះដោយតែបទចម្រៀងទាំង ២ ផលិតឡើងយ៉ាងសម្រិតសម្រាំង ចាក់ចំបេះដូងអ្នកគាំទ្រ ។

លោក ខេមរៈ ភារុណ បានរៀបរាប់នៅលើហ្វេសប៊ុក របស់លោកថា « សូមអបអរសាទរប្អូនប្រុសឧកញ៉ាខេមរៈ សិរីមន្ត ដែលបទចម្រៀងពីរបទរបស់ប្អូននេះបានគ្របដណ្ដប់គ្រប់ខេត្តក្រុងនឹងហៀរដល់ក្រៅប្រទេសផងដែរ នាពេលចូលឆ្នាំថ្មីៗនេះ។ ក្នុងនាមខ្ញុំជាអ្នកនិពន្ធខ្ញុំសូមវាយតម្លៃខ្ពស់ចំពោះប្អូនប្រុសដែលប្អូនអាចធ្វើបាននឹកស្មានមិនដល់ តាំងពីចំណុចចាប់ផ្ដើមជាពិសេស គឺមកដល់ម៉ោងនេះប្អូនអាចរក្សារបានជាអ្នកចម្រៀងឈានមុខគេនឹងឈរចំណុចខ្ពស់ជាងគេបំផុតក្នុងវិស័យចម្រៀង។ តាមជាក់ស្តែងដែលប្អូនបានប្រឹងប្រែងក្នុងវិស័យចម្រៀងដោយឆន្ទះមោះមុតបំផុត ហើយអ្វីដែលសំខាន់គឺយុត្តិធម៌និងសច្ចធម៌ផងដែរដែលបងមើលឃើញដោយមិននិយាយលម្អៀងឡើយ គឺបងនិយាយក្នុងនាមទស្សនិកជនតាមដានមួយរូបក្នុងចំណោមបងប្អូនមហាជនជាច្រើនលាននាក់ទៀតដែរ ដែលបានមើលឃើញដូចបងមើលឃើញអ៊ីចឹងដែរ សូមគោរពអរគុណបងប្អូនដែលបានគាំទ្រនូវបទចម្រៀងរបស់ប្អូនប្រុសខ្ញុំកន្លងមកនិងមកដល់បច្ចុប្បន្ននេះ » ។

ដូចមហាជនដឹងស្រាប់ហើយថា លោក ខេមរៈ សិរីមន្ត ជាតារាចម្រៀងល្បីមួយរូបដែលមានស្នាដៃល្បី ៗជាច្រើន ។ ឆាប់ៗខាងមុខនេះលោកត្រៀមនឹងចេញបទចម្រៀងថ្មីៗវាយលុកទីផ្សារជាបន្តបន្ទាប់ ៕

The post បងប្រុសឧកញ៉ា ខេមរៈ សិរីមន្ដ សាទរបទចម្រៀង ២ បទរបស់ប្អូន ល្បីខ្លាំងចុងក្រោយនេះ ! appeared first on .

ព្រះតេជគុណ ខេមរៈ ភារុណ មានសង្ឃដីកាថា មូលហេតុដែលព្រះអង្គបួសនេះ គឺដើម្បីភ្ជាប់និស្ស័យខាងព្រះពុទ្ធសាសនាផង និងដើម្បីតបស្នងសងគុណដល់ជីដូនជីតាផង ជាពិសេសគឺឆ្លៀតក្នុងឱកាសបុណ្យចម្រើនព្រះជន្មញោមយាយ ញោមម៉ែ ញោមពុក គម្រប់ ៩០ឆ្នាំផង ។ ជូនពរញោមយាយមានសុខភាពល្អ រឹងមាំ  ។  

បើតាមគម្រោងព្រះតេជគុណ ខេមរៈ ភារុណ បួសក្នុងវិស័យព្រះពុទ្ធសាសនានេះរយៈពេល ១សប្តាហ៍ ចាប់ពីថ្ងៃទី២០ ខែមេសា ដល់ថ្ងៃទី២៦ ខែមេសា ។

គួរបញ្ជាក់ផងដែរថា ព្រះតេជគុណ ខេមរៈ ភារុណ បានសម្រេចចិត្តបួសជាព្រះសង្ឃភ្ជាប់និស្ស័យខាងព្រះពុទ្ធសាសនា បន្ទាប់ពីលោកបានបង្ហាញពីភាពជោគជ័យ និង ការលំបាក ដែលលោកនិងប្អូនប្រុសកំពូលតរាចម្រៀង ខេមរៈ សិរីមន្ត បានហែលឆ្លងក្នុងវិថីសិល្បៈអស់រយៈពេល ២០ ឆ្នាំ ។ បន្ទាប់ពីបង្ហាញប្រវត្តិនៃការតស៊ូរបស់កំពូលតារាចម្រៀង ខេមរៈ សិរីមន្ត រួចមកបានធ្វើឱ្យមហាជនកាន់តែចាប់អារម្មណ៍ខ្លាំង ពីកំពួលតារាចម្រៀង ខេមរៈ សិរីមន្ត ហើយសរសើរនូវប្រវត្តិ និងការតស៊ូរបស់លោក ដែលមានបុរសខ្លាំងលោក ខេមរៈ ភារុណ ជួយជ្រោមជ្រែងពីក្រោយខ្នងក្នុងវិស័យចម្រៀង ៕

The post បងប្រុស របស់ឧកញ៉ា ខេមរៈ សិរីមន្ត សម្រេចចិត្តសាងភ្នួស នៅវត្តអារាមមួយ ក្បែររាជធានីភ្នំពេញ appeared first on .

ក្នុងជំនួបជាមួយអ្នកសារព័ត៌មាន កាលពីប៉ុន្មានថ្ងៃមុនលោក ខេមរៈ ភារុណ បានលើកឡើងរឿងជាច្រើនពេល ចាប់ដៃគ្នាជាមួយ ឧកញ៉ា សិរីមន្ត ហើយក្នុងចំណោមរឿងទាំងនោះលោកបានពោលសរសើរប្អូនប្រុសឡើងជា ឧកញ៉ានោះថា ជាបុរសខ្លាំងពូកែ។ រំលឹកដល់រឿងមួយកាលចេញខនសឺតដំបូងត្រូវចេញទៅតាមផ្លូវឆ្ងាយហើយ ពិបាកមនុស្សគ្រប់គ្នាពុលឡានតែឧកញ៉ា សិរីមន្ត នៅធម្មតាសឹងតែពេលខ្លះចុះទៅសម្ដែងតែម្ដងក៏មាន។ កាល គ្រានោះតារាចម្រៀងនិង មានងារជា ឧកញ៉ារូបនោះ នៅតែអាចច្រៀង សម្ដែង បានដូចធម្មតាមើលទៅទាំង កម្លាំងកាយ និងកម្លាំងចិត្តនៅមានពេញមិនស្រកស្រុតឡើយ។ ដែលនេះកម្រមានអ្នកអាចធ្វើបានដូចណាស់។

កវីនិពន្ធដែលទើបទទួលបានបរិញ្ញាបត្រជាន់ខ្ពស់ (ថ្នាក់អនុបណ្ឌិត) ជំនាញរដ្ឋបាលសាធារណៈ ពីសាកលវិទ្យាល័យ ជាតិគ្រប់គ្រង បានបញ្ជាក់ថា ឧកញ៉ា ខេមរៈ សិរីមន្ត ជាតារាចម្រៀងមានចំណុចល្អខ្លាំងរាប់មិនអស់។ លោកលើកឡើងជាក់ស្ដែងថា ប្អូនប្រុសជាឧកញ៉ារូបនេះអាចច្រៀងបទកន្ទ្រឹម, មនោសញ្ចេតនា, ញាក់កន្ត្រាក់ អារម្មណ៍, ហ៊ីបហប,រ៉េបបានទាំងអស់ទាំងគុណភាពទឹកដមសំឡេង កាយវិការ ការសម្ដែង គឺល្អគ្រប់យ៉ាង។ និយាយជារួមគឺ បានស្ទើរតែគ្រប់ទម្រង់នៃវិស័យចម្រៀង។

ឆ្លើយតបជាមួយ សំណួរអ្នកសារព័ត៌មានថា «តើឧកញ៉ាខេមរៈ សិរីមន្ត មានភាពUnique អ្វីជាពិសេសដែលអាច ឈរលើកំពូលបានដូច្នេះ»? លោក ភារុណ បានបង្ហាញច្បាស់ៗតែម្ដងថាការដែលឧកញ៉ា សិរីមន្ត អាចឈានមកដល់ចំណុចកំពូលនិងរក្សាប្រជាប្រិយភាពបែបនេះបានមកពីការខិតខំប្រឹងប្រែង ការស្រលាញ់ដាក់ចិត្តដាក់បេះដូង ធ្វើ ជាពិសេសគឺភាពឆ្លាតវៃតែម្ដង។ មិនអស់ត្រឹមនេះឡើយក្រៅពីស្រលាញ់ហើយ ឧកញ៉ា សិរីមន្ត ក៏ប្រឹងប្រែងហ្វឹកហាត់មិនឈប់ឈរថែមទៀត។ លោកបានបន្ថែមចំណុចមួយទៀតថា ឧកញ៉ា សិរីមន្ត ជាមនុស្សមានឆន្ទៈខ្ពស់ ហើយចេះបត់បែនតាមទំនោរតាមកាលៈទេសៈនៃអ្នកស្ដាប់។

មិនតែប៉ុណ្ណោះ លោក ខេមរៈ ភារុណ បានរៀបរាប់ប្រាប់ថា ឧកញ៉ា សិរីមន្ត ជាបងប្អូនល្អ កម្ររកបាន ព្រោះមិន ត្រឹមផ្ដល់ការងារធ្វើរហូត បានប្រាក់បៀវត្សរ៍ឡើយគឺអ្វីៗគ្រប់យ៉ាង។ លោកបន្តថា ទឹកចិត្តជាប្អូនរបស់ម្ចាស់បទ “Call Me PaPa” ពិតជាល្អប្រពៃទាំងចំពោះឪពុកម្ដាយ បងប្អូន ដែលមានការលំបាកដូចជា កាលលោកទៅបន្តការ សិក្សានៅប្រទេសថៃ ឧកញ៉ា សិរីមន្ត បានផ្គត់ផ្គង់អ្នកមានគុណមិនខ្លាចនឿយហត់ អ្វីទាំងអស់ទាំងដែលសាមី ខ្លួន ក៏មានប្រពន្ធកូនដែរ។

និយាយដល់ទឹកចិត្ត លោក ឧកញ៉ា សិរីមន្ត ធ្វើឲ្យកវីនិពន្ធ ខេមរៈ ភារុណ ស្ទើររលីងរលោងទឹកភ្នែក អួលដើមក នៅ ចំពោះមុខអ្នកសារព័ត៌មាន។ តារាចម្រៀងប្រចាំ ផលិតកម្ម ហ្គាឡាក់ស៊ីណាវ៉ាត្រា និងមានងារជាឧកញ៉ារូប នេះមាន ក្ដីស្រលាញ់ធំធេងណាស់ ពិបាកនឹងបរិយាយគ្រាដែលប្អូនស្រី ពៅ មានជំងឺ និងត្រូវព្យាបាលដែលចំណាយថវិកា ច្រើនសន្ធឹកសន្ធាប់សឹងតែអស់ពីខ្លួនក៏លោកមិនព្រមចុះចាញ់ដែរតស៊ូរកប្រាក់ ដើម្បីធ្វើយ៉ាងណា ឲ្យតែ ខេមរៈ ស្រីពៅ ជាសះស្បើយ និងមានរឿងច្រើនរាប់មិនអស់ទៀតដែលម្ចាស់បទ “អូនរាំអែន ” ធ្វើសម្រាប់ក្រុមគ្រួសារ និង សង្គមជាតិ៕

The post លោក ខេមរៈ ភារុណ សរសើរឧកញ៉ា ខេមរៈ សិរីមន្ត ពេញៗមាត់ថាជាធនធានកម្រមាន appeared first on .

បើនិយាយអ្នកនៅពីក្រោយចាំជួយជ្រោមជ្រែង ឧកញ៉ា ខេមរៈ សិរីមន្ត បានបញ្ជាក់ថា មានទាំងភរិយា និងបង ប្រុសលោកបង្កើត គឺលោក ខេមរៈ ភារុណ។ ម្ចាស់បទ «ឆ្នាំនឹងសប្បាយខ្លាំង» រៀបរាប់ប្រាប់អ្នកសារព័ត៌មាន ថា លោក ខេមរៈ ភារុណ មិនត្រឹមជាអ្នកគ្រប់គ្រង និងជាអ្នកនិពន្ធនោះទេ តែក៏ជាទីប្រឹក្សាផ្ទាល់ខ្លួនផងដែរ ព្រមទាំងតួនាទីជាច្រើនទៀត។ រៀបរាប់ទាំងទឹកមុខសោមនស្ស ឧកញ៉ា សិរីមន្ត ក៏បានបញ្ជាក់ថាបងប្រុសលោកជាមនុស្ស មានការរវល់ច្រើនលើការងារ និងការសិក្សា ព្រោះលោកជាមនុស្សស្រឡាញ់ការរៀនសូត្រ។

លោក ឧកញ៉ា ខេមរៈ សិរីមន្ត បានពោលសរសើរបងប្រុសខ្លួន លោក ខេមរៈ ភារុណ ថា មិនដែលបោះបង់ការសិក្សា ឡើយ ពោលរៀនបណ្ដើរ ធ្វើការតែងនិពន្ធបណ្ដើរ ហើយកាលពីពេលថ្មីៗនេះ ទើបទទួលបានបរិញ្ញាបត្រជាន់ខ្ពស់ (ថ្នាក់អនុបណ្ឌិត) ជំនាញរដ្ឋបាលសាធារណៈ ពីសាកលវិទ្យាល័យជាតិគ្រប់គ្រង។

គួរបញ្ជាក់ផងដែរថា ពេលឧកញ៉ា ខេមរៈ សិរីមន្ត ទៅផលិតកម្មណាក៏តែងមាន វត្តមានបងប្រុសជួយតែងនិពន្ធ បទចម្រៀងឱ្យលោកជានិច្ច ហើយបទទាំងនោះ ភាគច្រើនសុទ្ធតែផ្ទុះការគាំទ្រ។ រយៈពេល ២០ ដែលលោកចាប់ដៃ គ្នាជាមួយបងប្រុស ពិតជាទទួលបានជោគជ័យក្រាស់ក្រែលគួរជាទីពេញចិត្ត។

សម្រាប់បទថ្មីរបស់ ឧកញ៉ា វ័យ៣៨ឆ្នាំរូបនេះ ទោះលោក ខេមរៈ ភារុណ មិនបានចូលរួមនិពន្ធ តែលោកជាទីប្រឹក្សា ឲ្យយោបល់គួរធ្វើ បែបនេះ ឬបែបនោះឲ្យសមនឹងបទចម្រៀង។ ឧកញ៉ាក៏បញ្ជាក់ថា បទ «Call Me PaPa» ធ្វើឡើងតាំងពីចាប់ផ្ដើមចុះកុងត្រាជាមួយហ្គាឡាក់ ស៊ីណាវ៉ាត្រា ហើយមានអ្នកនិពន្ធបទភ្លេង ៤-៥ នាក់ហើយ និងលោកឧកញ៉ា ផ្ទាល់ក៏ចូលរួមនិពន្ធជាមួយអ្នកមានសមត្ថភាព ៣-៤ នាក់ផ្សេងទៀត។

ឧកញ៉ា សិរីមន្ត ក៏បានបញ្ជាក់រឿងដែលអ្នកគាំទ្រតែងទទូចសុំឲ្យច្រៀង ប្រភេទបទ មនោសញ្ចេតនា ឬបទកន្ទ្រឹម គឺលោក មិនបានបោះបង់ឡើយ ព្រោះនោះជាប្រភេទបទចម្រៀងត្រូវនឹងទេពកោសល្យផ្ទាល់របស់លោក។ ប៉ុន្តែ លោកត្រូវបត់បែនតាមទីផ្សារនិងធ្វើឲ្យគ្រប់ទម្រង់៕

The post ឧកញ៉ា ខេមរៈ សិរីមន្ត បញ្ជាក់ថាលោក ខេមរៈ ភារុណ មិនត្រឹមជាអ្នកនិពន្ធ តែមានតួនាទីផ្សេងច្រើនទៀតសម្រាប់លោក appeared first on .