ពេលជជែកដេញដោលគ្នាអស់រយៈពេលជាង៤ម៉ោង រវាងប្រជាពលរដ្ឋចំនួន ៣ឃុំ ក្នុងស្រុកស្អាង និង១សង្កាត់ ក្នុងក្រុងតាខ្មៅ ដើម្បីដោះស្រាយបញ្ហាទឹកស្អាតជាមួយក្រុមហ៊ុនរដ្ឋាករទឹកស្អាតស្អាង លោក គង់ សោភ័ណ្ឌ បានដាក់កំហុសលើក្រុមហ៊ុន អាជ្ញាធរ និងមន្ត្រីជំនាញថា ធ្វើរបាយកាណ៍ភូតកុហកដោយមិនយកចិត្តទុកដាក់ដោះស្រាយជូនប្រជាពលរដ្ឋ។ បញ្ហាទឹកស្អាតទាំងនោះ រួមមាន៖ អត់ទឹកប្រើតែកុងទ័រដើរលឿន ទឹកល្អក់ ការពិន័យប្រាក់ និងមន្ត្រីក្រុមហ៊ុនប្រើអប្បកិរិយាមិនសមរម្យចំពោះអតិថិជន។

បើតាមលោកអភិបាលខេត្តកណ្តាល មិនមែនតែអ្នកភូមិកោះគរ សង្កាត់រកាខ្ពស់ មួយនោះទេ គឺកើតមានរហូតដល់ទៅ៤ឃុំ-សង្កាត់ រួមមាន៖ សង្កាត់រកាខ្ពស់ ក្រុងតាខ្មៅ និងឃុំព្រែកគយ ឃុំទឺកវិល ឃុំស្អាងភ្នំ ស្រុកស្អាង លោកចាត់ទុកថា បញ្ហានេះពុំមែនជារឿងសាមញ្ញនោះទេ។

លោក គង់ សោភ័ណ្ឌ បានចោទសួរថា ប្រជាពលរដ្ឋបង់ប្រាក់យឺតក្រុមហ៊ុនពិន័យ ចុះពេលអត់ទឹកផ្គត់ផ្គង់ជូនអតិថិជន និងទឹកល្អក់ប្រើមិនកើតនោះ តើនរណាជាអ្នកពិន័យក្រុមហ៊ុនវិញ ? ហើយរឿងកុងទ័រដើរលឿន ដែលគ្រួសារខ្លះមានសមាជិកត្រឹម៦នាក់ ប្រើអស់ទឹកដល់ទៅជាង១ពាន់គូប តើអាចទទួលយកបានដែរឬទេ? ដូច្នេះក្រុមហ៊ុនត្រូវខិតខំបំពេញចំណុចខ្វះខាតរបស់ខ្លួនឡើងវិញ។ ជាពិសេសលើការងារបច្ចេកទេស និងរដ្ឋបាល កុំពេលប្រជាពលរដ្ឋទូរស័ព្ទទៅបួនដប់ដង មិនចុះមកពិនិត្យ ចាំតែគិតលុយតាមនាឡិកាកុងទ័រនោះ។

ទន្ទឹមនឹងនោះ លោកអភិបាលបានស្នើឲ្យចៅសង្កាត់ មេឃុំ អភិបាលក្រុងតាខ្មៅ អភិបាលស្រុកស្អាង និងមន្ទីរជំនាញពាក់ព័ន្ធ ត្រូវសហការជាមួយក្រុមហ៊ុន ចុះជំរឿនឡើងវិញតាមខ្នងផ្ទះ ប្រជាពលរដ្ឋ ស្រាវជ្រាវរកឱ្យឃើញមូលហេតុពិតប្រាកដ បើបែកទុយោត្រូវ ជួសជុលជូនអតិថិជនភ្លាម៕

The post អភិបាលខេត្តកណ្តាល ព្រមានដកអភិបាលក្រុងតាខ្មៅ និងស្រុកស្អាង ដោយទុកឱសានវាទរយ:ពេល២០ថ្ងៃ appeared first on .

ថ្លែងនៅក្នុងកិច្ចប្រជុំពិនិត្យ លើនិមិត្តសញ្ញាសំគាល់ (Logo) របស់រដ្ឋបាល ក្រុង-ស្រុកទាំង១១ នៃរដ្ឋបាលខេត្តកណ្តាល នៅព្រឹកថ្ងៃទី១៧ ខែធ្នូ ឆ្នាំ២០២១ ឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្តាល បានណែនាំដល់អជ្ញាធរក្រុង-ស្រុក និងមន្ត្រីពាក់ព័ន្ធទាំងអស់ ត្រូវបំពេញបន្ថែមនូវរាល់ខ្លឹមសារសំខាន់ៗទាក់ទងនឹងអត្ថន័យរូបភាព អត្ថន័យក្នុងការងាររដ្ឋបាល និងការងារអភិវឌ្ឍរបស់ក្រុង-ស្រុកនិមួយៗ ឱ្យរួចរាល់មុនខែមករា ឆ្នាំ២០២២ ដើម្បីរដ្ឋបាលខេត្តរៀបចំបញ្ជូននិមិត្តសញ្ញា និងខ្លឹមសារនៃនិមិត្តសញ្ញាទៅក្រសួងមហាផ្ទៃធ្វើការពិនិត្យ និងសម្រេចដាក់ឱ្យប្រើប្រាស់ជាផ្លូវការ។

បើ​តាម​លោក​អភិបាលខេត្ត រចនាបថនៃនិមិត្តសញ្ញារបស់ក្រុង-ស្រុក ត្រូវ​ឱ្យសមស្របទៅនឹងសក្តានុពល ការអភិវឌ្ឍ ជីវប្រវត្តិភូមិសាស្ត្រ វប្បធម៌ និងប្រពៃណីរបស់ប្រជាពលរដ្ឋទៅតាមបណ្ដាក្រុង-ស្រុកនីមួយៗ ដើមី្បធ្វើឱ្យនិមិត្តសញ្ញារបស់ក្រុង-ស្រុក បង្កប់ទៅដោយអត្ថន័យដ៏ស៊ីជម្រៅ ប្រកបដោយសោភ័ណភាព ទុកសម្រាប់ប្រើប្រាស់បន្តដល់មនុស្សជំនាន់ក្រោយ៕

The post ស្រុក​​ក្រុង​ទាំង ១១ នៅ​ខេត្ត​កណ្តាល​ នឹង​មាន​និមិត្តសញ្ញាសម្គាល់​ឆាប់ៗ​នេះ​ appeared first on .

សម្តេចតេជោ ហ៊ុន សែន ថ្លែងថា៖ “តើមន្ត្រីយើងធ្វើដល់ថ្នាក់នេះជាមួយប្រជាជនមែនទេ? រដ្ឋមន្ត្រីក្រសួងកសិកម្មនិងអភិបាលខេត្តដឹងរឿងនេះឬទេ? តើរាជរដ្ឋាភិបាលមានដែលហាមឃាត់ប្រជាជនមិនអោយសម្លាប់ពពែយកសាច់ជាអាហារពីពេលណាមក ទើបបានជាមន្ត្រីយើងធ្វើមកលើប្រជាជនបែបនេះ? ” ។

សម្តេចបញ្ជាក់ថា យើងលើកទឹកចិត្តអោយប្រជាជនចិញ្ចឹមសត្វ មិនមែនទុកសម្រាប់ទុកតាំងពិព័រណ៍ទេគឺសម្រាប់ជាចំណីអាហារ។ ហេតុអីបានប្រជាជនចិញ្ចឹមសត្វគ្មានសិទ្ធិសម្លាប់សត្វយកសាច់ទទួលទានហើយតម្រូវឱ្យសុំច្បាប់។ បើមានក្នុងច្បាប់គឺត្រូវធ្វើវិសោធនកម្មច្បាប់។ ខ្ញុំមិនដឹងថារូបភាពក្នុងវីដេអូនេះកើតនៅក្នុងខេត្តណាទេ។ សុំរដ្ឋមន្ត្រីក្រសួងកសិកម្ម និងអភិបាលខេត្តស្រាវជ្រាវហើយចូលមកបំភ្លឺអោយខ្ញុំតាមហ្វេសបុកនេះ ដើម្បីអោយប្រជាជនបានដឹងជាទូទៅ។

សម្តេចតេជោបញ្ជាក់បន្ថែមថា៖ ” ខ្ញុំហួសចិត្តនិងអាណិតប្រជាជនជាទីគោរពស្រលាញ់របស់ខ្ញុំ “។

ជាការឆ្លើយតបតាមរយៈចូលខមមិនលើហ្វេសបុកសម្តេចតេជោ លោករដ្ឋមន្រ្តី វេង សាខុន បានអះអាងថា៖ “ការចិញ្ចឹមសត្វ និងការសម្លាប់សត្វក្នុងគោលបំណងដើម្បីផ្គត់ផ្គង់ជីវភាពក្នុងគ្រួសារ គឺពុំមានទោសទណ្ឌ និងមានចែងនៅក្នុងច្បាប់ស្តីពីសុខភាពសត្វ និងផលិតកម្មសត្វ នោះទេ ហើយក៏គ្មានជាប់ពាក់ព័ន្ធទៅការប្រព្រឹត្តបទល្មើសអ្វីដែរ លើកលែងតែការសម្លាប់សត្វក្នុងគោលបំណងធ្វើអាជីកម្មតែប៉ុណ្ណោះ “ ។ 

ដោយឡែកទាក់ទងទៅនឹងបញ្ហាខាងលើ លោករដ្ឋមន្រ្តីសង្ឃឹមថា អាជ្ញាធរមូលដ្ឋាន ខេត្តកណ្តាល ដែលបានធ្វើការកិច្ចការនេះផ្ទាល់នឹងផ្តល់ជូនរបាយការណ៍លម្អិត ជូនសម្តេចតេជោបានជ្រាបដ៏ខ្ពង់ខ្ពស់បន្ថែម៕

The post នាយករដ្ឋមន្រ្តីស្នើឲ្យរដ្ឋមន្រ្តីក្រសួងកសិកម្មនិងអភិបាលខេត្តជាប់ពាក់ព័ន្ធចេញមុខបំភ្លឺភ្លាមករណីហាមពលរដ្ឋកុំឱ្យសម្លាប់សត្វចិញ្ចឹមយកសាច់ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោក គង់ សោភ័ណ្ឌ អភិបាលខេត្តកណ្តាល និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត ក៏បានថ្លែងអំណរគុណដល់ លោកជំទាវឧកញ៉ា អ៊ាន សៀវម៉ី និងនាយកកំពង់ចម្លងភ្នំពេញ-អរិយក្សត្រ ដែលបានបរិច្ចាគនូវទ្រព្យសម្បត្តិផ្ទាល់ខ្លួន ដើម្បីរួមចំណែកជាមួយសកម្មភាពមនុស្សធម៌ របស់សាខាកាកបាទក្រហមកម្ពុជាខេត្តកណ្ដាលនៅពេលនេះ។

បើតាមលោក គង់ សោភណ្ឌ័ ថវិកាដែលបានផ្ដល់ជូននៅពេលនេះ គឺពិតជាមានតម្លៃ និងឆ្លើយតបបានទាន់ពេលវេលា ក្នុងកាលៈទេសៈដែលខេត្តកណ្ដាល កំពុងប្រយុទ្ធប្រឆាំងនឹងជំងឺកូវីដ-១៩ ដែលបានរីករាលដាលនៅទូទាំងខេត្តកណ្ដាល ហើយតំបន់មួយចំនួន ត្រូវបានសម្រេចបិទខ្ទប់ ដោយមិនអនុញ្ញាតឱ្យប្រជាពលរដ្ឋ ចេញពីផ្ទះ និងបម្លាស់ទីពីផ្ទះមួយទៅផ្ទះមួយ ឬពីភូមិមួយទៅភូមិមួយឡើយ ដូច្នេះអំណោយទាំងអស់នេះ គឺពិតជាទាន់ពេលវេលា ក្នុងការជួយប្រជាពលរដ្ឋ ដែលកំពុងប្រឈមទៅនឹងការខ្វះស្បៀងអាហារផងដែរ។

សូមជម្រាបជូនថា ថវិកា និងសម្ភារៈ ដែលសប្បុរសជននាំយកជូនសាខាកាកបាទក្រហមខេត្តកណ្ដាលរួមមាន៖
១.លោកជំទាវឧកញ៉ា អ៊ាន សៀវម៉ី ថវិកាចំនួន ១០,០០០$ ម៉ាសចំនួន ៥០កេសធំ ស្ព្រៃសម្លាប់មេរោគ ចំនួន ១០០០ដប។
២.នាយកកំពង់ចម្លងភ្នំពេញ-អរិយក្សត្រ ថវិកាចំនួន ២០,០០០,០០០រៀល៕

The post លោកជំទាវឧកញ៉ា អ៊ាន សៀវមុី និងនាយកកំពង់ចម្លងភ្នំពេញ-អរិយក្សត្រ ឧបត្ថម្ភថវិកាជាង ១ម៉ឺនដុល្លារ ជូនសាខាកាកបាទក្រហមកម្ពុជាខេត្តកណ្ដាល appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

នេះបើតាមកិច្ចប្រជុំបន្ទាន់មួយរបស់ថ្នាក់ដឹកនាំខេត្តកណ្តាល ដែលដឹកនាំដោយ លោក គង់ សោភ័ណ្ឌ អភិបាលខេត្តកណ្តាល រួមជាមួយ លោក ប៊ុន ផេង អភិបាលស្រុកខ្សាច់កណ្តាល លោកឧកញ៉ា ស្រី ចាន់ថន តំណាងក្រុមហ៊ុន7NG និងមន្រ្តីរាជការ អជ្ញាធរមូលដ្ឋាន នៅល្ងាចថ្ងៃទី២៩ ខែមេសាម្សិលមិញ នៅតំបន់ភិវឌ្ឍន៍សេដ្ឋកិច្ច 7NG របស់ឧកញ៉ា ស្រី ចាន់ថន ដើម្បីស្វែងរកអ្នកដែលប៉ះពាល់ផ្ទាល់ និងប្រយោល បន្ទាប់ពីកម្មកររោងចក្រមួយ ក្នុងស្រុកខ្សាច់កណ្ដាល មានជាប់ពាក់ព័ន្ធនឹងព្រឹត្តិការណ៍សហគមន៍ ២០ កុម្ភៈ។

លោក គង់ សោភណ្ឌ បានថ្លែងថា ដើម្បីធានាដល់និរន្តភាព សេដ្ឋកិច្ចនៅក្នុងខេត្តកណ្ដាល កម្មករ កម្មការិនី រោងចក្រទាំងអស់នៅក្នុងខេត្តកណ្ដាល ត្រូវទទួលបានការចាក់វ៉ាក់សាំងការពារជំងឺកូវីដ-១៩ ឱ្យបានគ្រប់គ្នា ដើម្បីបញ្ចៀសនូវការឆ្លងនូវមេរោគដ៏កាចសាហាវនេះ។

ក្នុងឱកាសនោះដែរ លោកអភិបាលខេត្ត បាទស្នើឱ្យអាជ្ញាធរស្រុកខ្សាច់កណ្ដាល ត្រូវស្វែងរកអ្នកដែលបានប៉ះពាល់ផ្ទាល់ និងប្រយោល ជាមួយកម្មករដែលមានការសង្ស័យ មានជាប់ពាក់ព័ន្ធទៅនឹងជំងឺកូវីដ-១៩ ដើម្បីឲ្យពួកគាត់ធ្វើចត្តាឡីស័កឱ្យត្រឹមត្រូវតាមការណែនាំរបស់ក្រសួងសុខាភិបាលឱ្យបានគ្រប់គ្នា។

ជាមួយគ្នានោះផងដែរលោកឧកញ៉ា ស្រី ចាន់ថន ជាអ្នកមានបេះដូងសប្បុរសធម៌ ដែលជានិច្ចកាលតែងតែចុះជួយកិច្ចការងារបន្ទាន់ជាមួយរដ្ឋបាលខេត្តកណ្តាល និងរាជរដ្ឋាភិបាលកម្ពុជា មានប្រសាសន៍ថា កិច្ចប្រជុំនេះផ្តោតទៅលើការជំរុញឲ្យបានលឿននូវវិធានការណ៍ចាក់វ៉ាក់សាំង ការពារវីរុសកូវីដ១៩ ការអនុវត្តវិធានការណ៍ ៣ការពារ ៣កុំ និងព័ត៌មានថ្មីៗអំពីស្ថានការបច្ចុប្បន្ន ការរៀបចំទុកជាមុននូវទីតាំង ត្រៀមសម្រាប់ពិនិត្យ និងព្យាបាល ជំងឺកូវីដ១៩ និងការចុះសួរសុខទុកដោយផ្ឋាល់ ជាមួយបងប្អូនប្រជាពលរដ្ឋ ក្នុងមូលដ្ឋានតំបន់រោងចក្រ៕

សូមចុចអានអត្ថបទខាងក្រោម៖

The post កម្មកររោងចក្រ ៣ស្រុក នឹងទទួលវ៉ាក់សាំងបង្ការជំងឺកូវីដមុនគេក្នុងចំណោមរោងចក្រទាំងអស់នៅទូទាំងខេត្តកណ្ដាល appeared first on .

ដោយយោងតាមបទបញ្ជាដ៍ខ្ពង់ខ្ពស់ របស់សម្តេចតេជោ ហ៊ុន សែន នាយករដ្ឋមន្ត្រី លោក គង់ សោភណ្ឌ័ អភិបាលខេត្តកណ្តាល បានបញ្ជាអោយផ្អាកបណ្តោះអាសន្ន ការចាក់វ៉ាក់សាំងកូវីដ១៩ ក្នុងក្របខណ្ឌទូទាំងខេត្តកណ្តាល ឥឡូវនេះ រយៈពេល ៣ថ្ងៃសិន។

លោកអភិបាលខេត្ត បានបញ្ជាផ្ទាល់ ដល់អនុគណៈកម្មការចំពោះកិច្ច ការចាក់វ៉ាក់សាំង ក្នុងក្របខណ្ឌទូទាំងខេត្ត ក៍ដូចជាក្រុមគ្រូពេទ្យ អាជ្ញាធរគ្រប់មូលដ្ឋាន ក្រុង ស្រុក ត្រូវផ្អាកការចាក់វ៉ាក់សាំងបណ្តោះអាសន្នសិន នៅគ្រប់ទីតាំងចាក់វ៉ាក់សាំងនៅទូទាំងខេត្តកណ្តាល រយះពេល៣ថ្ងៃគឺចាប់តាំងពីថ្ងៃទី១៧ រហូតដល់ថ្ងៃទី១៩មេសា ហើយតាមផែនការគ្រោងទុក ការចាក់វ៉ាក់សាំង និងដំណើរការឡើងវិញ នៅថ្ងៃទី២០មេសា ខាងមុខនេះ។

គួររម្លឹកជូនថា គិតត្រឹមយប់ថ្ងៃទី១៦ ខែមេសា ប្រជាជនបានចាក់រួចសរុប 1.241.947 នាក់ ក្នុងនោះ ក្រសួងការពារជាតិបានចំនួន 274.858 នាក់ និងក្រសួងសុខាភិបាល ចំនួន 967.089 នាក់៕

The post លោក គង់ សោភ័ណ្ឌ ប្រកាសផ្អាកការចាក់វ៉ាក់សាំងកូវីដ១៩ ជាបណ្តោះអាសន្ន ក្នុងក្របខណ្ឌ ទូទាំងខេត្តកណ្តាល appeared first on .

លោក គង់ សោភ័ណ្ឌ បានថ្លែងអំណរគុណដ៏ជ្រាលជ្រៅបំផុត ចំពោះទឹកចិត្តប្រកបដោយសប្បុរស ពោរពេញដោយសទ្ធាជ្រះថ្លារបស់ អ្នកឧកញ៉ា ឡេង ណាវ៉ាត្រា និងលោក ហេង ឡុង ដែលបានចំណាយនៅថវិកា និងទ្រព្យសម្បត្តិផ្ទាល់ខ្លួន ក្នុងការជួយដល់សង្គមជាតិ តាមរយៈរដ្ឋបាលខេត្តកណ្ដាល ដែលនេះគឺជាកាយវិការឆ្លុះបញ្ចាំងពី គុណធម៌ សប្បុរសធម៌ ការចេះជួយគ្នាក្នុងគ្រាលំបាក ពិសេសបានទាន់ពេលវេលា។

លោកអភិបាខេត្ត ក៏បានអំពាវនាវដល់ បងប្អូនប្រជាពលរដ្ឋទាំងអស់ សូមចូលរួម ជាមួយអាជ្ញាធរខេត្ត ដោយអនុវត្តវត្តតាមការណែនាំរបស់ក្រសួងសុខាភិបាល និងរាជរដ្ឋាភិបាល ដើម្បីរួមគ្នាបង្ការ ការពារ និងទប់ស្កាត់ជំងឺកូវីដ-១៩ ក្នុងភូមិសាស្ត្រខេត្តកណ្ដាល ក៏ដូចជាទូទាំងប្រទេសផងដែរ។

ជាងនេះទៅទៀត លោក គង់ សោភ័ណ្ឌបានអំពាវនាវយ៉ាងទទូច សូមឱ្យប្រជាពលរដ្ឋ ដែលបានដឹងខ្លួន ថាបានប៉ះពាល់ដល់ផ្ទាល់ ឬប្រយោល នៅព្រឹត្តិការណ៍សហគមន៍ ២០ កុម្ភៈ សូមសហការជាមួយអាជ្ញាធរមូលដ្ឋាន ដើម្បីមកធ្វើចត្តាឡីស័កឱ្យបានត្រឹមត្រូវ តាមការណែនាំរបស់ក្រសួងសុខាភិបាល ទន្ទឹមនឹងនេះប្រសិនបើបងប្អូនប្រជាពលរដ្ឋ មិនមានការចាំបាច់នោះទេ សូមបងប្អូនកុំចេញពីផ្ទះ និងមិនត្រូវនៅកន្លែងទីប្រជុំជនឡើយ ព្រោះថាព្រឹត្តិការណ៍សហគមន៍ ២០ កុម្ភៈនេះ យើងសង្កេតឃើញថានៅតែមានការកើនឡើងជាបន្តបន្ទាប់ នូវអ្នកដែលមានផ្ទុកជំងឺកូវីដ-១៩នៅឡើយ៕

The post អ្នកឧកញ៉ា ឡេង ណាវ៉ាត្រា ឧបត្ថម្ភសម្ភារៈ និងថវិកា ៣ម៉ឺនដុល្លារ សម្រាប់ប្រយុទ្ធប្រឆាំងជំងឺកូវីដ-១៩ ជូនដល់រដ្ឋបាលខេត្តកណ្ដាល appeared first on .